ଉତ୍କଳ ବିଶ୍ୱବିଦ୍ୟାଳୟ ଅଧିନସ୍ଥ ଡିଗ୍ରୀ କଲେଜର +୩ ପରୀକ୍ଷା ଫେବୃଆରି ୨୮ ରୁ

utkal universityଉତ୍କଳ ବିଶ୍ୱବିଦ୍ୟାଳୟ ଅଧିନସ୍ଥ ୨୬୩ ଟି ଡିଗ୍ରୀ କଲେଜର ଶେଷ ବର୍ଷର ପରୀକ୍ଷା ଆସନ୍ତା ଫେବୃଆରି ୨୮ ତାରିଖରୁ ଆରମ୍ଭ ହେବ | +୩ କଳା, ବିଜ୍ଞାନ ଓ ବାଣିଜ୍ୟ ଛାତ୍ରଛାତ୍ରୀଙ୍କର ପରୀକ୍ଷା ଏହି ଦିନରୁ ଆରମ୍ଭ ହେବ | ଫେବୃଆରି ୨୮ ରୁ ଆରମ୍ଭ ହୋଇ ମାର୍ଚ୍ଚ ୨୦ ମଧ୍ୟରେ ସମସ୍ତ ଥିଓରି ପେପର ସାରିବ | ପରୀକ୍ଷା ଅପରାହ୍ନ ୨ଟାରୁ ୫ଟା ପର୍ଯ୍ୟନ୍ତ ହେବ | ପ୍ରାକ୍ଟିକାଲ ମାର୍ଚ୍ଚ ୨୧ ରୁ ୨୬ ତାରିଖ ପର୍ଯ୍ୟନ୍ତ ହେବ |

ଚଳିତ ବର୍ଷ +୩ ତୃତୀୟ ବର୍ଷର ପ୍ରାୟ ୪୦ ହଜାର ଛାତ୍ରଛାତ୍ରୀ ପରୀକ୍ଷା ଦେଉଛନ୍ତି ବୋଲି ଉତ୍କଳ ବିଶ୍ଵବିଦ୍ୟାଳୟର ପରୀକ୍ଷା ନିୟନ୍ତ୍ରକ ଜଣାଇଛନ୍ତି | ସେହିପରି +୩ ଦ୍ଵିତୀୟ ବର୍ଷ ଛାତ୍ରଛାତ୍ରୀଙ୍କର ପରୀକ୍ଷା ମାର୍ଚ୍ଚ ୩୦ ରୁ ଆରମ୍ଭ ହୋଇ ଏପ୍ରିଲ ୧୫ ପର୍ଯ୍ୟନ୍ତ ଚାଲିବ | ପ୍ରାକ୍ଟିକାଲ ମେ ୪ ରୁ ମେ ୧୪ ପର୍ଯ୍ୟନ୍ତ ହେବ |

ପ୍ରଥମ ବର୍ଷ ଛାତ୍ରଛାତ୍ରୀଙ୍କର ପରୀକ୍ଷା ଏପ୍ରିଲ ୨୦ ରୁ ଆରମ୍ଭ ହୋଇ ମେ ୩ରେ ଶେଷ ହେବ | ପ୍ରାକ୍ଟିକାଲ ମେ ୪ରୁ ଆରମ୍ଭ ହୋଇ ମେ ୧୪ ପର୍ଯ୍ୟନ୍ତ ଚାଲିବ | ଉଭୟ ପ୍ରଥମ ବର୍ଷ ଓ ଦ୍ଵିତୀୟ ବର୍ଷ ଛାତ୍ରଛାତ୍ରୀଙ୍କ ପରୀକ୍ଷା ପୂର୍ବାହ୍ନ ୮ଟା ରୁ ୧୧ ପର୍ଯ୍ୟନ୍ତ ଚାଲିବ |

Share in top social networks!

ଉତ୍କଳ ବିଶ୍ଵବିଦ୍ୟାଳୟ: ଡବଲ ପିଜିକୁ ନେଇ ବିବାଦ

ବାଣୀବିହାର, ସବୁବେଳେ ବିବାଦ ଘେରରେ। ଗୋଟିଏ ବିବାଦ ପରେ ଅଉ ଗୋଟିଏ  ବିବାଦ ମୁଣ୍ଡ ଟେକୁଛି। ଚଳିତ ଶିକ୍ଷାବର୍ଷ ଆରମ୍ଭରୁ ଉତ୍କଳ ବିଶ୍ୱବିଦ୍ୟାଳୟରେ  ଛାତ୍ର ଗଣ୍ଡଗୋଳ ନେଇ ରାଜ୍ୟରେ ଚର୍ଚ୍ଚା ଚାଲିଥିବା ବେଳେ ଚଳିତ ବର୍ଷ ବିଶ୍ଵବିଦ୍ୟାଳୟରେ ଛାତ୍ର ସଂସଦ ନିର୍ବାଚନ ହେବ ନାହିଁ ବୋଲି କର୍ତ୍ତୃପକ୍ଷ ନିଷ୍ପତ୍ତି ନେଇଛନ୍ତି। ଏନେଇ ବିଶ୍ଵବିଦ୍ୟାଳୟର କୁଳପତି ପିକେ ସାହୁଙ୍କ ଅଧ୍ୟକ୍ଷତାରେ ପିଜି କାଉନସିଲରେ ଏକ ବୈଠକ ବସିଥିଲା। ବୈଠକ ପରେ ଏହି ନିଷ୍ପତ୍ତି ନିଆଯାଇଛି। ସେହିପରି ଅପରାଧ ମାମଲା ଥିଲେ କୌଣସି ଛାତ୍ରଛାତ୍ରୀଙ୍କୁ ବିଶ୍ଵବିଦ୍ୟାଳୟରେ ନାମ ଲେଖାଇବାକୁ ଅନୁମତି ମିଳିବ ନାହିଁ। ଏହାସହ ବିଶ୍ଵବିଦ୍ୟାଳୟରେ ଜଣେ ଥରେ ପିଜି କରିସାରିବା ପରେ ଦ୍ଵିତୀୟ ଥର ପିଜି କରିବାକୁ ମଧ୍ୟ ଅନୁମତି ମିଳିବ ନାହିଁ। ଏସବୁ ଦ୍ଵାରା ବିଶ୍ୱବିଦ୍ୟାଳୟ ପରିସରରେ ଶାନ୍ତି ବଜାୟ ରହିବ ବୋଲି କର୍ତ୍ତୃପକ୍ଷ ଆଶା ରଖିଛନ୍ତି। ହେଲେ ବର୍ତ୍ତମାନ ଏହି ନିଷ୍ପତ୍ତିକୁ ନେଇ ସବୁଆଡେ ଚର୍ଚ୍ଚା ଚାଲିଛି। ପିଜି କାଉନସିଲ ଅଧ୍ୟକ୍ଷଙ୍କ କହିବା ଅନୁସାରେ ଏଠାକୁ ପାଠପଢିବାକୁ ଆସୁଥିବା କିଛି ପିଲା ରାଜନୀତି କରୁଛନ୍ତି, ଗୋଟିଏ ପରେ ଗୋଟିଏ ବିଷୟରେ ପିଜି କରି ଏଠାରେ ଥିବା ହଷ୍ଟେଲରେ ଆଡ୍ଡା ଜମାଇ ଅନ୍ୟ ଛାତ୍ରଙ୍କ ପାଠପଢାରେ ବ୍ୟାଘାତ ସୃଷ୍ଟି କରୁଛନ୍ତି। ସେହିପରି ସେମାନେ ଗୋଟିଏ ପରେ ଗୋଟିଏ କୋର୍ସ କରିଚାଲିବା ଦ୍ଵାରା ନୂଆ କରି ଆସୁଥିବା ପିଲାମାନେ ସିଟ ପାଇବାରୁ ବଞ୍ଚିତ ହେଉଛନ୍ତି। ଏହିସବୁ ସମସ୍ୟାର ଦୂର ନିମନ୍ତେ ଏପରି ନିଷ୍ପତ୍ତି ନେବାକୁ ଆମେ ବାଧ୍ୟ ହେଲୁ।

 

 

Share in top social networks!

ଉତ୍କଳ ବିଶ୍ଵବିଦ୍ୟାଳୟ ଛାତ୍ର ସଂସଦ ନିର୍ବାଚନ ବାତିଲ, ଶାନ୍ତି ବଜାୟ ରଖିବାକୁ କର୍ତ୍ତୃପକ୍ଷଙ୍କ ପ୍ରୟାସ

ଚଳିତ ଶିକ୍ଷାବର୍ଷ ଆରମ୍ଭରୁ ଉତ୍କଳ ବିଶ୍ୱବିଦ୍ୟାଳୟରେ  ଛାତ୍ର ଗଣ୍ଡଗୋଳ ନେଇ ରାଜ୍ୟରେ ଚର୍ଚ୍ଚା ଚାଲିଥିବା ବେଳେ ଚଳିତ ବର୍ଷ ବିଶ୍ଵବିଦ୍ୟାଳୟରେ ଛାତ୍ର ସଂସଦ ନିର୍ବାଚନ ହେବ ନାହିଁ ବୋଲି କର୍ତ୍ତୃପକ୍ଷ ନିଷ୍ପତ୍ତି ନେଇଛନ୍ତି। ସେହିପରି ଅଣଛାତ୍ରଙ୍କୁ ହଟାଇବା ପାଇଁ ମଧ୍ୟ କର୍ତ୍ତୃପକ୍ଷ ଦୃଢ ପଦକ୍ଷେପ ନେଇଛନ୍ତି। ଗତ ୧୨ ତାରିଖରେ ବିଶ୍ୱବିଦ୍ୟାଳୟ ପରିସରରେ ଗଣ୍ଡଗୋଳ ପରେ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଏହି ନିଷ୍ପତ୍ତି ନେଇଛନ୍ତି। ଏନେଇ ବିଶ୍ଵବିଦ୍ୟାଳୟର କୁଳପତି ପିକେ ସାହୁଙ୍କ ଅଧ୍ୟକ୍ଷତାରେ ପିଜି କାଉନସିଲରେ ଏକ ବୈଠକ ବସିଥିଲା। ବୈଠକ ପରେ ଏହି ନିଷ୍ପତ୍ତି ନିଆଯାଇଛି। ସେହିପରି ଅପରାଧ ମାମଲା ଥିଲେ କୌଣସି ଛାତ୍ରଛାତ୍ରୀଙ୍କୁ ବିଶ୍ଵବିଦ୍ୟାଳୟରେ ନାମ ଲେଖାଇବାକୁ ଅନୁମତି ମିଳିବ ନାହିଁ। ଏହାସହ ବିଶ୍ଵବିଦ୍ୟାଳୟରେ ଜଣେ ଥରେ ପିଜି କରିସାରିବା ପରେ ଦ୍ଵିତୀୟ ଥର ପିଜି କରିବାକୁ ମଧ୍ୟ ଅନୁମତି ମିଳିବ ନାହିଁ। ଏସବୁ ଦ୍ଵାରା ବିଶ୍ୱବିଦ୍ୟାଳୟ ପରିସରରେ ଶାନ୍ତି ବଜାୟ ରହିବା ବୋଲି କାର୍ତ୍ତୃପକ୍ଷ ଆଶା ରଖିଛନ୍ତି।

 

 

Share in top social networks!