ୟୁବିଏସ୍ଏସ୍ର ଅଢେଇ ହଜାର ସ୍ୱୟଂସେବକଙ୍କ ନଅ ପ୍ରକାର ସେବାକାର୍ଯ୍ୟ

ubssମହାପ୍ରଭୂ ଶ୍ରୀଜଗନ୍ନାଥଙ୍କ ପବିତ୍ର ନବକଳେବର ଅବସରରେ ରାଷ୍ଟ୍ରୀୟ ସ୍ୱୟଂସେବକ ସଂଘର ସେବା ବିଭାଗ ଉକ୍ରଳ ବିପନ୍ନ ସହାୟତା ସମିତି(ୟୁବିଏସ୍ଏସ୍) ତରଫରୁ ପୁରୀ ଠାରେ ୯ ପ୍ରକାର ସେବାକାର୍ଯ୍ୟ କରାଯାଉଅଛି । ସଂଘର ସ୍ୱୟଂସେବକମାନେ ମେଡିକାଲ ଛକ,ଅଠର ନଳା, ଅବକାଶ ଛକ, ସଦରଥାନା ଛକ, ତାଳବଣିଆ, କଲେଜ ଛକ, ମାର୍କେଟ ଛକ, ବଳଗଣ୍ଡି ଛକ, ମାଳତି ପାଟପୁର ଛକ, ମୁଣ୍ଡିଆମାରି ଛକ, ବଡଶଙ୍ଖ, ରେଲୱଷ୍ଟେସନ ଆଦି ସ୍ଥାନରେ ୯୦ ହଜାର ଲିଟର ବିଶୁଦ୍ଧ ଜଳ ଓ ୪ କୁଇଣ୍ଟାଲ ଦହି ବଣ୍ଟନ କରିଥିବା ବେଳେ ବଡଶଙ୍ଖ, ରେଲୱେଷ୍ଟେସନ, ସିଂହଦ୍ୱାର ସାମନା, ଗୁଣ୍ଡିଚାବାରି, ଜଗନ୍ନାଥ ବଲ୍ଲଭ ମଠ, ବଳଗଣ୍ଡ ହସ୍ପିଟାଲ ଛକ, ରେଲୱେ ପାକିଂ ପ୍ଲେସ, ହେଲିପ୍ୟାଡ, ଇଣ୍ଡୋରଷ୍ଟାଡିୟମ,ମାଳତିପାଟପୁର ବସଷ୍ଟାଣ୍ଡ, ସମୁଦ୍ରକୂଳ ପାନ୍ତନିବାସ ସାମନା, ସମୁଦ୍ରକୂଳ ଦୀଗବାରେଣୀ ଛକ,ଲାଇଟ ହାଉସ ଛକ, ଆୟୁବେଦିକ କଲେଜ ଛକ,ସୁଭାଷବୋଷ ଛକ ଆଦି ୧୫ଟି ସ୍ଥାନରେ ପ୍ରଶାସନ ସହିତ ମିଳିତ ସହଯୋଗରେ ପଥିକ ତଥା ଭକ୍ତମାନଙ୍କୁ ରାସ୍ତା ଓ ଅନ୍ୟାନ୍ୟ ତଥ୍ୟ ସମ୍ବନ୍ଧରେ ସୂଚନା ପ୍ରଦାନ କରିଛନ୍ତି ।

ଗୁଣ୍ଡିଚା ମନ୍ଦିର, ଶ୍ରୀ ଚୈତନ୍ୟ ଗୌଡିୟ ମଠ ଆଦି ସ୍ଥାନରେ ଚାଲିଥିବା ପ୍ରାଥମିକ ଚିକିତ୍ସା କେନ୍ଦ୍ରରେ ୭୯୪ ଜଣ ରୋଗୀଙ୍କୁ ସଂଘର ସ୍ୱୟଂସେବକ ଓ ଡାକ୍ତରମାନେ ପ୍ରାଥମିକ ଚିକିତ୍ସା ପ୍ରଦାନ କରିଛନ୍ତି । ବଡଦାଣ୍ଡ, ଆୟୁବେଦ କଲେଜ, ଯାତ୍ରୀ ନିବାସ ଛକ,ଛପନ ଛକରେ ଥିବା ୪ଟି ଆମ୍ବୁଲାନ ଦ୍ୱାରା ୨୧୯ ଜଣ ରୋଗୀଙ୍କୁ ସ୍ୱୟଂସେବକମାନେ ଚିକିତ୍ସାକେନ୍ଦ୍ରରେ ପହଁଚାଇଛନ୍ତି । ସରକାରୀ ହସପିଟାଲରେ ୫ଟି ଓ ବଡ ଦାଣ୍ଡରେ ୪ଟି ଷ୍ଟ୍ରେଚର ସାହଯ୍ୟରେ ୩୨୪ରୋଗୀମାନଙ୍କୁ ଡାକ୍ତର ଖାନାରେ ପହଁଚାଇଛନ୍ତି ।

ପୁରୀ ସରକାରୀ ମୁଖ୍ୟ ହସ୍ପିଟାଲରେ ୫୦ ଜଣ ସ୍ୱୟଂସେବକ ୨୫୦ରୁ ଉର୍ଦ୍ଧ ରୋଗୀମାନଙ୍କ ସେବା କରିଛନ୍ତି । ୩ ରଥରେ ପୋଲିସ ଓ ଅର୍ଦ୍ଧ ସାମରିକ ବାହିନୀ ସହିତ ସ୍ୱୟଂସେବକମାନେ ମିଶି ସୁରକ୍ଷା ପ୍ରଦାନ କରିଥିବା ବେଳେ ୧୫ଟି ସ୍ଥାନରେ ୨୨୦ ଜଣ ସ୍ୱୟଂସେବକ ପୋଲିସ ସହିତ ମିଶି ଟ୍ରାଫିକ ବ୍ୟବସ୍ଥା ପରିଚାଳନା କରିଥିଲେ ତଥା ପୁରୀ ମନ୍ଦିର ଚତୁର୍ପାଶ୍ୱ ଏବଂ ବଡଦାଣ୍ଡ ଠାରୁ ଗୁଣ୍ଡିଚା ମନ୍ଦିର ପର୍ଯ୍ୟନ୍ତ ଲଗାତାର ୫ ଦିନ କାଳ ସ୍ୱଚ୍ଛତା ଓ ପରିମଳ ବ୍ୟବସ୍ଥା ଓ ବଡ ଦାଣ୍ଡକୁ ସମ୍ପୂର୍ଣ୍ଣ ପଲିଥିନ ମୁକ୍ତ ରଖିବା ପାଇଁ ସ୍ୱୟଂସେବକମାନେ ସେବାକାର୍ଯ୍ୟ କରୁଛନ୍ତି । ରାଷ୍ଟ୍ରୀୟ ସ୍ୱୟଂସେବକ ସଂଘର ଅଖିଳ ଭାରତୀୟ ସହ-ପ୍ରଚାରକ ପ୍ରମୁଖ ଅଦୈତ୍ତ ଚରଣ ଦତ୍ତ, ପୂର୍ବ କ୍ଷେତ୍ର ପ୍ରଚାରକ ପ୍ରଦିପ ଯୋଶୀ, କ୍ଷେତ୍ର କାର୍ଯ୍ୟବାହ ଗୋପାଳ ପ୍ରସାଦ ମହାପାତ୍ର, କ୍ଷେତ୍ର ସେବାପ୍ରମୁଖ ଜଗଦୀଶ ପ୍ରସାଦ ଖାଡଙ୍ଗା,ସହ-ପ୍ରାନ୍ତକାର୍ଯ୍ୟବାହ ସୁଦର୍ଶନ ଦାସ,ତନ୍ମୟ ମହାପାତ୍ର,ଉକ୍ରଳ ବିପନ୍ନ ସହାୟତା ସମିତିର ସମ୍ପାଦକ ମନସୁଖଲାଲ ସେଠିଆ ଓ ସମିତିର ରଥଯାତ୍ରା ତଥା ନବକଳେବରର ସଂଯୋଜକ ଡ. ବିଜୟ କୁମାର ସ୍ୱାଇଁ, ଦୀପକ ରାଉତ, ରୁଦ୍ରନାରାୟଣ ମହାପାତ୍ର, ପୁରୁଷୋତ୍ତମ ଦାସ, ପ୍ରଣବ କୁମାର ନାୟକ ,ଶାନ୍ତୁନ କୁମାର ମାଝି, ସୁରେନ୍ଦ୍ର କୁମାର ପଣ୍ଡା,ଅସୀତ ସାହୁ, ମାନସ କୁମାର ମହାନ୍ତି, ଡ. ପ୍ରବାସ ତ୍ରୀପାଠୀଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ଏହି ସେବା ମାନଙ୍କରେ ୨୫୦୦ ରୁ ଅଧିକ ସ୍ୱୟଂସେବକ, ଡାକ୍ତର ଓ ପାରାମେଡିକ୍ସ ଓଡିଶାର ବିଭିନ୍ନ ଜିଲ୍ଲା ତଥା ବଙ୍ଗଳା, ଛତିଶଗଡ, ଝାଡଖଣ୍ଡ ଓ ସୀମାନ୍ଧ୍ର ଆଦି ରାଜ୍ୟ ମାନଙ୍କରୁ ଯୋଗଦାନ କରି ଯାତ୍ରୀମାନଙ୍କର ସେବା କରୁଛନ୍ତି ବୋଲି ସମିତିର ରାଜ୍ୟ ମିଡିଆସେଲ କାର୍ଯ୍ୟାଳୟ ସଂପାଦକ ଶ୍ରୀ ଗୋଲଖ ଚନ୍ଦ୍ର ଦାସ ପ୍ରକାଶ କରିଛନ୍ତି ।

ରଥଯାତ୍ରା ଦିନ ପୁରୀରେ ଏହି ସେବାକାର୍ଯ୍ୟକୁ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧମେନ୍ଦ୍ର ପ୍ରଧାନ ଓ ସ୍ୱାମୀ ଜୀବନ ମୁକ୍ତାନନ୍ଦପୁରୀ ପ୍ରଦୀପ ପ୍ରଜ୍ୱଳନକରି ଉଦ୍ଘାଟନ କରିଥିଲେ ।

Share in top social networks!

ରବୀନ୍ଦ୍ର ନାଥ ରାୟ ପାଇଲେ ୩ୟ ଉକ୍ରଳମଣି ସେବା ସମ୍ମାନ

utkalଉକ୍ରଳ ବିପନ୍ନ ସହାୟତା ସମିତିର ବାର୍ଷିକୋତ୍ସବ ଏବଂ ଉକ୍ରଳମଣି ସେବା ସମ୍ମାନ ସମାରୋହ – ୨୦୧୫, ଇଡ଼୍କଲ୍ ଅଡ଼ିଟୋରିୟମ୍ରେ ତା.୧୫.୦୨.୨୦୧୫ ରିଖ ସଂଧ୍ୟା ୬ ଘଟିକା ସମୟରେ ଅନୁଷ୍ଠିତ ହୋଇଯାଇଛି । ଉକ୍ତଉତ୍ସବରେ ମାଲକାନଗିରି ଜିଲା ଅଂଚଳରେ ସମାଜସେବା କ୍ଷେତ୍ରରେ ନିଜର ଜୀବନକୁ ସମର୍ପଣ କରିଥିବା ବିଶିଷ୍ଟ ସମାଜସେବୀ ଶ୍ରୀଯୁକ୍ତ ରବୀନ୍ଦ୍ର ନାଥ ରାୟଙ୍କୁ ୩ୟ ଉକ୍ରଳମଣି ସେବା ସମ୍ମାନ ଅତିଥିମାନଙ୍କ ଦ୍ୱାରା ପ୍ରଦାନକରାଯାଇଥିଲା ।

ଉକ୍ତ କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ନାଲ୍କୋର ଏକ୍ଜେକ୍ୟୁଟିଭ୍ ଡାଇରେକ୍ଟରଶ୍ରୀଯୁକ୍ତ ଅଶୋକ କୁମାର ସାହୁ, ଭୁବନେଶ୍ୱର ସ୍ଥିତ କିମ୍ସ୍ ହସ୍ପିଟାଲର ସୁପ୍ରସିଦ୍ଧ ହୃଦରୋଗ ବିଶେଷଜ୍ଞ ଡା. ବନବିହାରୀ ମିଶ୍ର ସମ୍ମାନିତ ଅତିଥି ଏବଂ ରାଷ୍ଟ୍ରୀୟ ସ୍ୱୟଂସେବକ ସଂଘର ଅଖିଳ ଭାରତୀୟ ପ୍ରଚାର ପ୍ରମୁଖ ଶ୍ରୀଯୁକ୍ତ ମନମୋହନ ବୈଦ୍ୟ ମୁଖ୍ୟବକ୍ତା ଭାବେ ମାର୍ଗଦର୍ଶନ କରିଥିଲେ । ଏ ଅବସରରେ ସେବା ସଙ୍ଗମ-୨୦୧୪ ସ୍ମୃରଣରେ “ସେବା ସମର୍ପଣ” ନାମରେ ଏକ ସ୍ମରଣିକା ଅତିଥିମାନେ ଉନ୍ମୋଚନ କରିଥିଲେ । କାର୍ଯ୍ୟକ୍ରମ ପ୍ରାରମ୍ଭରେ ସମିତିର ଅଧ୍ୟକ୍ଷ ଶ୍ରୀଯୁକ୍ତ ପ୍ରକାଶ ବେତାଲା ସଂସ୍ଥା ଦ୍ୱାରା ଚାଲିଥିବା ସେବାକାର୍ଯ୍ୟ ସନ୍ଦର୍ଭରେ ଏକ ସଂକ୍ଷିପ୍ତ ବିବରଣୀ ପ୍ରଦାନ କରିବା ସହିତ ସମସ୍ତଙ୍କ ସକ୍ରିୟ
ସହଭାଗିତା କାମନା କରିଥିଲେ ।

ଏହି କାର୍ଯ୍ୟକ୍ରମରେ ସଂଘର ରାଜ୍ୟ ଉପସଭାପତି ସମୀର କୁମାର ମହାନ୍ତି,ଗୋପାଳ ପ୍ରସାଦ ମହାପାତ୍ର,ସୁଦର୍ଶନ ଦାଶ, ବିଶ୍ୱ ସମ୍ବାଦ କେନ୍ଦ୍ରର ରାଜ୍ୟ ସଭାପତି ରଘୁନାଥ ପତି ପ୍ରମୁଖ ଉପସ୍ଥିତ ଥିବା ବେଳେ କାର୍ଯ୍ୟକ୍ରମର ସଂଚାଳନ କରିଥିଲେ ସମିତିର ସମ୍ପାଦକ ଶ୍ରୀଯୁକ୍ତ ମନସୁଖଲାଲ ସେଠିୟା ଏବଂ ସ୍ମରଣିକା – ସେବା ସମର୍ପଣ ବିଷୟରେ ସଂକ୍ଷିପ୍ତ ବିବରଣୀ ପ୍ରଦାନ କରିଥିଲେ ସମିତିର ବରିଷ୍ଠ ସଦସ୍ୟ ଶ୍ରୀ କୈଳାସ ଚନ୍ଦ୍ର ସେନାପତି, ଶ୍ରୀ ସ୍ୱୟଂପ୍ରକାଶ ବରାଳ, ଶ୍ରୀ ନିରଞ୍ଜନ ତରାଇ ତଥା ଏହାର ମୁଖ୍ୟ ସମ୍ପାଦକ ଡ. ବିଜୟ କୁମାର ସ୍ୱାଇଁଙ୍କ ଦ୍ୱାରା ପ୍ରସ୍ତୁତ କରାଯାଇଥିଲା । ସମିତିର କୋଷାଧ୍ୟକ୍ଷ ଶ୍ରୀଯୁକ୍ତ ଇନ୍ଦ୍ରମଣି ସେଣ୍ଢ ସମସ୍ତଙ୍କୁ ଧନ୍ୟବାଦ ଅର୍ପଣ କରିବା ପରେ ରାଷ୍ଟ୍ରଗୀତ ବନେ୍ଦମାତରମ୍ ଗାନ
କରାଯାଇଥିଲା । ସଭାକାର୍ଯ୍ୟ ଶେଷରେ ସୀମାଦ୍ରୀ ମିଶ୍ର ଜନଜାତି ଛାତ୍ରାବାସର ବିଦ୍ୟାର୍ଥୀମାନେ ରଙ୍ଗମଂଚୀୟ କାର୍ଯ୍ୟକ୍ରମ
ପରିବେଷଣ କରିଥିଲେ ।

Share in top social networks!