ଚନ୍ଦନ ହଜୁରୀ ପ୍ରଭାତ ଶାଖା ତରଫରୁ ହିନ୍ଦୁ ସାମ୍ରାଜ୍ୟ ଦିବସ

chandanଭାରତୀୟମାନଙ୍କ ଏକ ଦୁର୍ଦ୍ଧିନରେ ଶିବାଜୀଙ୍କ ଆବିର୍ଭାବ ଭାରତୀୟମାନଙ୍କ ମନରେ ସାହସ ଓ ଆତ୍ମବିଶ୍ୱାସ ଉଜ୍ଜୀବୀତ କରିଥିଲା । ସେ ଏକ ଆଦର୍ଶ ଶାସନର ଭିତି ସ୍ଥାପନ କରି ଯାଇଥିଲେ । ତାଙ୍କର ଅସାଧାରଣ ପ୍ରତିଭା ଯୋଗୁଁ ସେ ମରହଟ୍ଟାମାନଙ୍କୁ ସଂଗଠିତ କରି ପାରିଥିଲେ । ସେ ଜଣେ ବୀର ଯୋଦ୍ଧା, ଆଦର୍ଶ ଓ ଚରିତ୍ରବାନ ଶାସକ ଥିଲେ ବୋଲି ଶ୍ରୀ ସୁବାଷ ନନ୍ଦୀ ପ୍ରକାଶ କରିଛନ୍ତି ।
ରାଷ୍ଟ୍ରୀୟ ସ୍ୱୟଂସେବସ ସଂଘ, ଚନ୍ଦନ ହଜୁରୀ ପ୍ରଭାତ ଶାଖା ତରଫରୁ ସ୍ଥାନୀୟ ୟୁନିଟ-୩ ସ୍ଥିତ ସରସ୍ୱତୀ ଶିଶୁବିଦ୍ୟାମନ୍ଦିରରେ ଶିବାଜୀଙ୍କ ସିଂହାସନ ଆରୋହଣ ଦିବାସ ବା ହିନ୍ଦୁ ସାମ୍ରାଜ୍ୟ ଦିବସ ଅନୁଷ୍ଠିତ ହୋଇ ଯାଇଛି । ସଂଘର ଖାରାବେଳ ନଗର ନଗରକାର୍ଯ୍ୟବାହ ବିଶିଷ୍ଟ ସ୍ତମ୍ଭଲେଖକ ଶ୍ରୀ ଗୋଲଖ ଚନ୍ଦ୍ର ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଉତ୍ସବରେ ସୀମାନ୍ତ ସୁରକ୍ଷା ସମିତିର ଅଖିଳ ଭାରତୀୟ ସଭାପତି ଶ୍ରୀ ସୁଭାଷ ନନ୍ଦୀ ମୁଖ୍ୟ ଅତିଥିରୂପେ ଯୋଗଦେଇ କହିଲେ ଯେ,ଶିବାଜୀଙ୍କ ବିରତ୍ୱ ଆଗରେ ମୋଗଲମାନଙ୍କ କୂଟନୀତି ଓ ସମ୍ମାନ ଭୂଲୁଣ୍ଠିତ ହୋଇଥିଲା । ଜାତୀୟତାକୁ ଉଜ୍ଜୀବିତ କରି ଦେଶାତ୍ମବୋଧ ମନ୍ତ୍ରରେ ସହ୍ୟାଦ୍ରିର ଗଗନ-ପବନକୁ ଝଂକୃତକରି ସେ ଗଢିଥିଲେ ଏକ ଦୁର୍ଦ୍ଧଷ ବାହିନୀ । ଜଣେ ସୁଯୋଗ୍ୟ ବୀରପୁରୁଷ ହିସାବରେ ଶିବାଜୀଙ୍କ ସ୍ମୃତି ଏକ ମହାନ୍ ଐତିହାସିକ ପରମ୍ପରା ରୂପେ ସମଗ୍ର ମାନବ ଜାତିର ହୃଦୟରେ ଚିରଦିନ ପାଇଁ ଅଲିଭା ହୋଇ ରହିଯିବ । ଯେଉଁ ସମୟରେ ବିଜାତୀୟ ବିଦେଶୀ ଆକ୍ରମଣକାରୀମାନେ ଭାରତକୁ ଶାସନ କରିବା ସହ ଭାରତୀୟ ସଂସ୍କୃତିକୁ ନଷ୍ଟ କରିବା ପାଇଁ ବଦ୍ଧ ପରିକର ଥିଲେ, ସେ ସମୟରେ ସେମାନଙ୍କ ଦାଉରୁ ଦେଶକୁ ରକ୍ଷା କରିବା ପାଇଁ ଶିବାଜୀ ପାହାଡି ଅଂଚଳର ମାଓଳା ଯୁବକମାନଙ୍କୁ ନେଇ ଯେଉଁ ଉଦ୍ୟମ ଓ ଅଭିଯାନ କରିଥିଲେ ତାହା ଆଜି ସାରା ବିଶ୍ୱକୁ ପ୍ରେରଣା ଦେଉଛି । ଯେଉଁଦିନ ଶିବାଜୀ ସିଂହାସନରେ ଅଭିଶିକ୍ତ ହୋଇ ସ୍ୱରାଜ୍ୟର ମୂଳୁଦୁଆ ପକାଇଥିଲେ ସେହି ଦିବସକୁ ସାରା ଦେଶରେ ହିନ୍ଦୁ ସାମ୍ରାଜ୍ୟ ରୂପେ ପାଳନ କରାଯାଉଛି ବୋଲି ଶ୍ରୀ ନନ୍ଦୀ ପ୍ରକାଶ କରିଛନ୍ତି ।
ଶାଖାର ମୁଖ୍ୟ ଶିକ୍ଷକ ମନୋରଞ୍ଜନ ପଟ୍ଟନାୟକଙ୍କ ସଂଯୋଜନରେ ଅନୁଷ୍ଠିତ ଏହି ଉତ୍ସବରେ ଶାଖା କାର୍ଯ୍ୟବାହ ଜଗବନ୍ଧୁ ପ୍ରଧାନ ପରିଚୟ ପ୍ରଦାନ କରିଥିଲେ । ବ୍ରହ୍ମାନନ୍ଦ ଦାଶ ଦେଶାତ୍ମ ବୋଧକ ସଂଗୀତ ଗାନ କରିଥିଲେ ।

Share in top social networks!

ଆରଏସ୍ଏସ୍ର ବିଶାଳ ଯୁବ ସମ୍ମିଳନୀ ଜାନୁଆରୀ ୨୩ରେ

ଭାରତର ଦୁଇଜଣ ଅଦ୍ୱିତୀୟ ଜନନାୟକ ନେତାଜୀ ସୁବାଷ ଚନ୍ଦ୍ର ବୋଷ ଓ ବୀର ସୁରେନ୍ଦ୍ର ସାଏଙ୍କ ଜୟନ୍ତୀକୁ ରାଷ୍ଟ୍ରୀୟ ସ୍ୱୟଂସେବକ ସଂଘ,ଭୁବନେଶ୍ୱର ମହାନଗର ତରଫରୁ ଉତ୍ସାହପୂର୍ଣ୍ଣ ଭାବେ ପାଳନ କରାଯିବ । ଏହି ଅବସରରେ ଜାନୁଆରୀ ୨୩ ଦିନ ସକାଳ ୯ ଘଟିକା ସମୟରୁ ୫ ଘଟିକା ପର୍ଯ୍ୟନ୍ତ ସ୍ଥାନୀୟ ୟୁନିଟ-୮ ସ୍ଥିତ ସରସ୍ୱତୀ ଶିଶୁବିଦ୍ୟା ମନ୍ଦିର ପରିସରରେ ସଂଘ ତରଫରୁ ବିଶାଳ ଯୁବ ସମ୍ମିଳନୀ ଅନୁଷ୍ଠିତ ହେବ ।

ଏଥିରେ ସଂଘର ବିଭିନ୍ନ ଶାଖାରୁ ସ୍ୱୟଂସେବକମାନଙ୍କ ସହ ଭୁବନେଶ୍ୱର ତଥା ଆଖପାଖ ଅଂଚଳରୁ ସହସ୍ରାଧିକ ଯୁବକ ଯୋଗ ଦେବେ । ସମ୍ମିଳନୀରେ ବିଭିନ୍ନ ରଂଗମଂଚ କାର୍ଯ୍ୟକ୍ରମ ଓ ପ୍ରତିଭା ପ୍ରଦର୍ଶନ କରାଯିବ । ଅପରାହ୍ନ ୨ ଘଟିକା ସମୟରେ ମହାପୁରୁଷମାନଙ୍କ ଫଟୋଚିତ୍ର ସହ ଏକ ବିଶାଳ ଶୋଭାଯାତ୍ରା ସହର ପରିକ୍ରମା କରିବ । ଏହାପରେ ଏକ ସାଧାରଣ ସଭା ଅପରାହ୍ନ ୪ ଘଟିକା ସମୟରେ ଅନୁଷ୍ଠିତ ହେବ । ଆରଏସ୍ଏସ୍ର ଅଖିଳ ଭାରତୀୟ କାର୍ଯ୍ୟକାରିଣୀ ସଦସ୍ୟ ଶ୍ରୀ ଇନେ୍ଦ୍ରଶ କୁମାର ଜୀ ମୁଖ୍ୟବକ୍ତା ଓ ଅବସରପ୍ରାପ୍ତ ସାମରିକ ଅଧିକାରୀ କର୍ଣ୍ଣେଲ ହିମାଂଶୁ ଶେଖର ମହାପାତ୍ର ମୁଖ୍ୟ ଅତିଥିରୂପେ ଯୋଗଦେଇ ସମ୍ବୋଧିତ କରିବେ ବୋଲି ସଂଘର ରାଜ୍ୟ ମିଡିଆସେଲ ବିଶ୍ୱ ସମ୍ବାଦ କେନ୍ଦ୍ରର ସମ୍ପାଦକ ଶ୍ରୀ ନିରଞ୍ଜନ ନାୟକ ଏକ ପ୍ରେସ୍ ବିଜ୍ଞପ୍ତିରେ ପ୍ରକାଶ କରିଛନ୍ତି ।

ବିଶ୍ୱର ସର୍ବବୃହତ୍ ସଂଗଠନ ରାଷ୍ଟ୍ରୀୟ ସ୍ୱୟଂସେବକ ସଂଘ ରାଷ୍ଟ୍ରର ସ୍ୱାର୍ଥ ଲାଗି ସମର୍ପିତ ଦେଶଭକ୍ତମାନଙ୍କର ଏକ ସଂଗଠନ । ସାରା ବିଶ୍ୱରେ ଭାରତର ଦର୍ଶନକୁ ଉଜ୍ଜବୀତ କରିବା ସହ ସମାଜ ଓ ରାଷ୍ଟ୍ରର ସର୍ବାଙ୍ଗୀନ ଉନ୍ନତି କରି ଭାରତମାତାକୁ ପୁନଃ ବିଶ୍ୱଗୁରୁ ଆସନରେ ଅଧିଷ୍ଠିତ କରାଇବା ଏହାର ଲକ୍ଷ୍ୟ । ଯୁବ ସମାଜ ହୃଦୟରେ ରାଷ୍ଟ୍ରଭକ୍ତି ନିର୍ମାଣ ଲାଗି ସଂଘ ଅନେକ କାର୍ଯ୍ୟକ୍ରମର ଆୟୋଜନ କରିଥାଏ ।

Share in top social networks!