ଯୁବ ରେଡ଼କ୍ରସ୍ ଜିଲ୍ଲା ସ୍ତରୀୟ ସଂଯୋଜକ ମାନଙ୍କ ବୈଠକ ଅନୁଷ୍ଠିତ

redcrossଭାରତୀୟ ରେଡ଼କ୍ରସ୍ ସୋସାଇଟି, ଓଡିଶା ରାଜ୍ୟ ଶାଖା, ଯୁବ ରେଡ଼କ୍ରସ୍ ଦ୍ୱାରା ଜିଲ୍ଲା ସ୍ତରୀୟ ସଂଯୋଜକ ମାନଙ୍କ ବୈଠକ ସ୍ଥାନୀୟ ରେଡ଼କ୍ରସ୍ ଭବନ, ଭୁବନେଶ୍ୱର ଠାରେ ଆୟୋଜନ କରାଯାଇଅଛି। ଏହି କାର୍ଯ୍ୟକ୍ରମକୁ ଭାରତୀୟ ରେଡକ୍ରସ୍ ସୋସାଇଟି, ଓଡିଶା ରାଜ୍ୟ ଶାଖାର ଅବୈତନିକ ସଚିବ ଡଃ ଚକ୍ରଧର ପଣ୍ଡା ପ୍ରଦିପ ପ୍ରଜ୍ଜଳନ କରି ଏହି କାର୍ଯ୍ୟକ୍ରମକୁ ଉଦ୍ଘାଟନ କରିବା ସହ ଯୁବ ରେଡ଼କ୍ରସ୍ର କାର୍ଯ୍ୟକ୍ରମକୁ ଅଧିକ କୀ୍ରୟାଶୀଳ ତଥା କାର୍ଯ୍ୟକ୍ଷମ କରିବା ପାଇଁ ଜିଲ୍ଲା ସଂଯୋଯକମାନଙ୍କ ସହଯୋଗକୁ ପ୍ରଶଂସା କରିଥିଲେ। ବର୍ତ୍ତମାନ ଓଡିଶାର ମାଲକାନଗିରି ଭଳି ଅନୁନ୍ନତ ଜିଲ୍ଲାରେ ଜାପାନିଜ୍ ଜ୍ୱର/ ଜାପାନିଜ୍ ଏନ୍ ସେଫାଲାଇଟିସ୍ ଭଳି ମାରାତ୍ମକ ରୋଗ ବ୍ୟାପିଥିବାରୁ ଉଦ୍ବେଗ ପ୍ରକାଶ କରିବା ସହ ଏଥିସଂପର୍କରେ ବିଭିନ୍ନ ଅଂଚଳରେ ଲୋକ ମାନଙ୍କୁ ସଚେତନ କରିବା ପାଇଁ ଜିଲ୍ଲା ସଂଯୋଯକମାନଙ୍କ ମଧ୍ୟରେ ବିଭିନ୍ନ ମହାବିଦ୍ୟାଳୟର ରେଡ଼କ୍ରସ୍ ପରାମର୍ଶଦାତା ମାନଙ୍କୁ ଅନୁରୋଧ କରିଥିଲେ ଏବଂ ଜିଲ୍ଲା ପ୍ରଶାସନର ନିଦେ୍ର୍ଦଶ ମୁତାବକ କାର୍ଯ୍ୟଭାର ଗ୍ରହଣ କରିବାକୁ ଉପଦେଶ ଦେଇଥିଲେ। ଯୁବ ରେଡ଼କ୍ରସ୍ ଅଧିକାରୀ ମେଜର ଡ଼ଃ କଳ୍ପନା ଦାସ୍, ଯୁବ ରେଡ଼କ୍ରସ୍ ର ବିଭିନ୍ନ ସମସ୍ୟା ସଂପର୍କରେ ଉପରେ ଜିଲ୍ଲା ସଂଯୋଯକମାନଙ୍କଠାରୁ ଅବଗତ ହେବାପରେ, ଏହାର ନିରାକରଣ ସଂପର୍କରେ ମତ ପ୍ରଦାନ କରିଥିଲେ। ଏହି ବୈଠକରେ ବିଭିନ୍ନ ଜିଲ୍ଲା ସ୍ତରୀୟ ତାଲିମ ଶିବିର ଓ ଜୋନସ୍ତରୀୟ ତାଲିମ ଶିବିର ପାଇଁ ଦିନ ଧାର୍ଯ୍ୟ କରାଯାଇଥିଲା।
ଏଥିରେ ଓଡିଶାର ୩୦ଜଣ ସଂଯୋଜକ ମାନଙ୍କ ସହ ୪ଜଣ ଜିଲ୍ଲା ସଂପାଦକ ଯୋଗ ଦେଇଥିଲେ। ଏହି କାର୍ଯ୍ୟକ୍ରମକୁ କଟକ ଜିଲ୍ଲା ସଂଯୋଜକ ଶ୍ରୀ ଗୋପାଳ କୃଷ୍ଣ ମିଶ୍ର ସଂଜୋଜନା କରିବା ସହ ଭୁବନେଶ୍ୱର, ଆଂଚଳିକ ସଂଯୋଜକ ଶ୍ରୀ ସୁଶୀଲ ପଟ୍ଟନାୟକ ଧନ୍ୟବାଦ ଅର୍ପଣ କରିଥିଲେ।

Share in top social networks!

ସ୍ୱଚ୍ଛ ଓ ନିର୍ମଳ ଭାରତ ଗଠନ ଲକ୍ଷ୍ୟରେ ଓଡିଶା ଜୁନିୟର ରେଡ଼କ୍ରସ୍ ର ଆହ୍ୱାନ

redcrosschildସ୍ୱଚ୍ଛ ଓ ନିର୍ମଳ ଭାରତ ଗଠନ ଲକ୍ଷ୍ୟରେ ଭାରତୀୟ ରେଡ଼କ୍ରସ୍ ସୋସାଇଟି, ଓଡିଶା ରାଜ୍ୟ ଶାଖା, ଜୁନିଅର ରେଡକ୍ରସ୍ ପକ୍ଷରୁ ସ୍ଥାନୀୟ ରେଡ଼କ୍ରସ୍ ଭବନ ଭୁବନେଶ୍ୱର ଠାରେ ସ୍ୱଚ୍ଛ ଭାରତ ଅଭିଯାନ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମକୁ ଓଡିଶା ରେଡ଼କ୍ରସ୍ ରାଜ୍ୟ ଶାଖାର ଅବୈତନିକ ସଚିବ ଡଃ ଚକ୍ରଧର ପଣ୍ଡା, ଆନୁଷ୍ଠାନିକ ଭାବେ ଉଦ୍ଘାଟନ କରି ସ୍ୱଚ୍ଛ ଭାରତ ଅଭିଯାନର ତାପôର୍ଯ୍ୟ ତଥା ସ୍ୱାସ୍ଥ୍ୟ ସଚେତନତାର ମୂଳ ଲକ୍ଷ୍ୟ ସଂପର୍କରେ ଜନସାଧାରଣଙ୍କୁ ଆହ୍ୱାନ କରିଥିଲେ ।
ଏହିପରିପ୍ରେକ୍ଷୀରେ ଆଜି ସକାଳ ୯.୦୦ଘଟିକା ସମୟରେ ଭାରତୀୟ ରେଡ଼କ୍ରସ୍ ସୋସାଇଟି, ଓଡିଶା ରାଜ୍ୟ ଶାଖା ଜୁନିଅର ରେଡକ୍ରସ୍ ପକ୍ଷରୁ ସ୍ଥାନୀୟ ରେଡ଼କ୍ରସ୍ ଭବନ ସମ୍ମୁଖରେ ଏକ ଜନସଚେତନତା ଶୋଭାଯାତ୍ରା ଆୟୋଜନ କରାଯାଇଥିଲା । ଏହି ସଚେତନତା କାର୍ଯ୍ୟକ୍ରମରେ ଜୁନିଅର ରେଡକ୍ରସ୍ ସ୍ୱେଚ୍ଛାସେବୀ ମାନଙ୍କ ଦ୍ୱାରା ପ୍ଳାକାର୍ଡ ପ୍ରଦର୍ଶନ କରାଯାଇଥିଲା ।
ଏହି କାର୍ଯ୍ୟକ୍ରମରେ ୩୦୦ରୁ ଉଦ୍ଧ୍ୱର୍ ଜୁନିଅର ରେଡ଼କ୍ରସ୍ ସ୍ୱେଚ୍ଛାସେବୀ ଏବଂ ପରାମର୍ଶଦାତା ତଥା କ୍ୟାପିଟାଲ ହାଇସ୍କୁଲ ୟୁନିଟ-୩, ସତ୍ୟସାଇ ଉଚ୍ଚ ବିଦ୍ୟାଳୟ, ୟୁନିଟ-୩ ବାଳକ ଉଚ୍ଚ ବିଦ୍ୟାଳୟ, ୟୁନିଟ-୨, ୟୁନିଟ-୬, ୟୁନିଟ-୮, ବାଳିକା ଉଚ୍ଚ ବିଦ୍ୟାଳୟ, ୟୁନିଟ-୮, ୟୁନିଟ-୬, ୟୁନିଟ-୩ ଡ଼ି.ଏ.ଭି. ପବ୍ଲିକ ସ୍କୁଲ, ପୋଖରିପୁଟ, ଶିବାନନ୍ଦ ଶତବାର୍ଷିକୀ ବାଳକ ଉଚ୍ଚବିଦ୍ୟାଳୟ, ଖଣଗିରି ଓ ରେଡକ୍ରସ୍ ରାଜ୍ୟ ଶାଖାର କର୍ମଚାରୀମାନେ ଜନସାଧାରଣଙ୍କୁ ସଚେତନ କରିବା ନିମନ୍ତେ ଅତ୍ୟନ୍ତ ଉତ୍ସାହର ସହିତ ହାତରେ ଝାଡ଼ୁ ଧରି ୟୁନିଟ-୪ ମଙ୍ଗଳା ବସ୍ତିର ଗଳିକନ୍ଦି ପରିଷ୍କାର କରିଥିଲେ । ଏହାଛଡ଼ା ହାତରେ ପତାକା ଓ ପ୍ରାଚୀର ପତ୍ର ମାଧ୍ୟମରେ ସ୍ୱଚ୍ଛତା ବିଷୟରେ ବାର୍ତ୍ତା ପ୍ରଦାନ କରିଥିଲେ । ପରିବେଶ ନିର୍ମଳ ତଥା ସୁସ୍ଥ ଭାରତ ଗଠନ ଅଭିପ୍ରାୟରେ ଆୟୋଜିତ ଏହି କାର୍ଯ୍ୟକ୍ରମକୁ ସ୍ଥାନୀୟ ଅଞ୍ଚଳର ଜନସାଧାରଣ ପ୍ରଶଂସା କରିବା ସହ ସ୍ୱତଃ ଉତ୍ସାହିତ ହୋଇ ସହଯୋଗର ହାତ ବଢ଼ାଇଥିଲେ । ଇତ୍ୟବସରରେ ରେଡ଼କ୍ରସ୍ ସୋସାଇଟି ପରିସରକୁ ପରିଷ୍କାର କରାଯାଇଥିଲା ।
ଅବୈତନିକ ଯୁଗ୍ମ ସଚିବ ଶ୍ରୀ ଗୋବିନ୍ଦ ଚନ୍ଦ୍ର ମାହୁନ୍ତ ଓ ଅନୁସଚିବ ଶ୍ରୀମତୀ ଅପ୍ରମିତା ମିଶ୍ର, ଯୁବ ରେଡ଼କ୍ରସ ଅଧିକାରୀ, ଡ଼ଃ. ଦେବଦତ୍ତା ଶତପଥୀ, ନିହାର ରଞନ ମିଶ୍ର ଏହି କାର୍ଯ୍ୟକ୍ରମକୁ ପରିଚାଳନାରେ କରିଥିଲେ ।

Share in top social networks!