ଜୁଲାଇ ଦୁଇରେ ରେଭେନ୍ସା ସମାବର୍ତନ ଉତ୍ସବ, ରଘୁନାଥ,ସୀତାକାନ୍ତଙ୍କ ସମେତ ୬ ଜଣଙ୍କୁ ଡକ୍ଟରେଟ୍ଲ

Ravenshaw-Universityଆସନ୍ତା ଜୁଲାଇ ଦୁଇ ତାରିଖରେ ଅନୁଷ୍ଠିତ ହେବ ରେଭେନ୍ସା ବିଶ୍ଵବିଦ୍ୟାଳୟର ଷଷ୍ଠ ସମାବର୍ତନ ଉତ୍ସବ । ଏହି ଉତ୍ସବରେ ୬ ଜଣଙ୍କୁ ସମ୍ମାନସୂଚକ ଡକ୍ଟରେଟ୍ ପ୍ରଦାନ ପାଇଁ ରେଭେନ୍ସା କର୍ତୁପକ୍ଷ ସ୍ଥିର ଅକରିଥିବା ଜଣାଯାଇଛି । ତେବେ ନିଷ୍ପତ୍ତି ରାଜ୍ୟପାଳଙ୍କ ଅନୁମୋଦନ ଅପେକ୍ଷାରେ ଅଛି । ମିଳିଥିବା ସୂଚନା ଅନୁସାରେ,ଚଳିତ ବର୍ଷ ସମାବର୍ତନ ଉତ୍ସବରେ ବିଶିଷ୍ଟ ସଙ୍ଗୀତଜ୍ଞ ରଘୁନାଥ ପାଣିଗ୍ରାହୀ,ବିଶିଷ୍ଟ କବି ସୀତାକାନ୍ତ ମହାପାତ୍ର,ସୁପ୍ରିମ କୋର୍ଟର ବିଚାରପତି ଜଷ୍ଟିସ୍ ଦୀପକ ମିଶ୍ର,ଶିକ୍ଷାବିତ୍ ତଥା ବିଶିଷ୍ଟ ଓଡିଶୀ ନୃତ୍ୟାଙ୍ଗନା ପ୍ରିୟମ୍ବଦା ମହାନ୍ତି ହେଜମାଦି,ଶିକ୍ଷାବିତ୍ ଦେବୀ ପଟ୍ଟନାୟକ,ରେଭେନ୍ସା ମହାବିଦ୍ୟାଳୟର ପୂର୍ବତନ ତଥା ବିଶିଷ୍ଟ ଶିକ୍ଷାବିତ୍ ଡି.କେ.ମିଶ୍ରଙ୍କୁ ସମ୍ମାନସୂଚକ ଡାକ୍ତରେଟ୍ ବା ଅନରାରୀ କଶା ପ୍ରଦାନ ରେଭେନ୍ସା ବିଶ୍ୱବିଦ୍ୟାଳୟ କାଉନ୍ସିଲ ବୈଠକରେ ପ୍ରସ୍ତାବ ଗୃହିତ ହୋଇଛି ।

ଏହି ତାଲିକାରେ ଚୁଡାନ୍ତ ଅନୁମୋଦନ ପାଇଁ କୁଳାଧିପତି ରାଜ୍ୟପାଳ ଏସ୍.ସି ଜମିରଙ୍କ ନିକଟକୁ ଯାଇଛି । ତେବେ ବର୍ତମାନ ପର୍ଯ୍ୟନ୍ତ କୁଳାଧିପତିଙ୍କ ଠାରୁ ଏନେଇ କୌଣସି ସୂଚନା ଆସିନଥିଲା ଜଣାଯାଇଛି । ତେବେ ଚଳିତ ବର୍ଷର ସମାବର୍ତନ ଉତ୍ସବରେ କେନ୍ଦ୍ର ମାନବ ସମ୍ବଳ ମନ୍ତ୍ରୀ ଏମ୍.ପାଲାମ୍ ରାଜୁ ମୁଖ୍ୟ ଅତିଥି ଭାବେ ଯୋଗ ଦେବା ସହିତ ଉଦଘାଟନୀ ସଭାରେ ଦୀକ୍ଷାନ୍ତ ଭାଷଣ ପ୍ରଦାନ କରିବେ ବୋଲି ବିଶ୍ୱବିଦ୍ୟାଳୟ କୁଳପତି ପ୍ରଫେସର ବୈଷ୍ଣବ ଚରଣ ତ୍ରିପାଠୀ ସୂଚନା ଦେଇଛନ୍ତି । ତେବେ ଗତଥର ସମ୍ମାନସୂଚକ ଡକ୍ଟରେଟ୍ ଉପାଧି ପ୍ରଦାନକୁ ନେଇ ବିବାଦୀୟ ପରସ୍ଥିତି ସୃଷ୍ଟି ହୋଇଥିଲା ବେଳେ ଏଥର ବିଶ୍ୱବିଦ୍ୟାଳୟ କାର୍ତୁପକ୍ଷ ବେଶ୍ ବିଚାରବିମର୍ଷ କରି ତାଲିକା ପ୍ରସ୍ତୁତ କରିଥିବା ଜଣାଯାଇଛି ।

ଗତ ସମାବର୍ତନ ଉତ୍ସବରେ ସୁପ୍ରିମକୋର୍ଟର ଅବସରପ୍ରାପ୍ତ ବିଚାରପତି ଜଷ୍ଟିସ ଦେବପ୍ରିୟ ମହାପାତ୍ର,ଆଇଏଏସ୍ ପୂର୍ଣ୍ଣଚନ୍ଦ୍ର ହୋତା,ଆଇଏଏସ୍ ସତ୍ୟାନନ୍ଦ ମିଶ୍ର,ବିଶିଷ୍ଟ ବୈଜ୍ଞାନିକ ଗୋକୁଳାନନ୍ଦ ମହହାପାତ୍ର,ନ୍ୟାସନାଲ ଇନଷ୍ଟିଚ୍ୟୁଟ ଅଫ୍ ସାଇନ୍ସ ବାଙ୍ଗଲୋରର ନିର୍ଦ୍ଦେଶକ ପଦ୍ମନାଭନ ବଳରାମଙ୍କୁ ସମ୍ମାନସୂଚକ ଡକ୍ଟରେଟ୍ ପ୍ରଦାନ କରାଯାଇଥିଲା । ତେବେ ‘ହିନ୍ଦୁସ୍ଥାନ ଟାଇମ୍ସ’ର ଅଧ୍ୟକ୍ଷ ତଥା ସଂପାଦନ ମଣ୍ଡଳୀର ନିର୍ଦ୍ଦେଶିକା ଶୋଭନା ଭର୍ତ୍ତିଆଙ୍କୁ ରେଭେନ୍ସା ବିଶ୍ୱବିଦ୍ୟାଳୟ କାର୍ତୁପକ୍ଷ ସମ୍ମାନଜନକ ଡକ୍ଟରେଟ୍ ପ୍ରଦାନ କରିବାକୁ ନିଷ୍ପତ୍ତି ନେବା ପରେ ବିବାଦୀୟ ପରିସ୍ଥିତି ସୃଷ୍ଟି ହୋଇଥିଲା । ସେହି ସମୟରେ ହିନ୍ଦୁସ୍ଥାନ ଟାଇମସରେ ଇନ୍ଦ୍ରଜିତ୍ ହାଜରଙ୍କ ଦ୍ଵାରା ଓଡିଶା ଓ ଓଡିଆଙ୍କ ବିରୋଧରେ ଅପମାନସୂଚକ ଲେଖା ପ୍ରକାଶ ପାଇଥିବାରୁ ଶୋଭନା ଭର୍ତିଆଙ୍କୁ ଡକ୍ଟରେଟ୍ ପ୍ରଦାନର ବିରୋଧ କରାଯାଇଥିଲା । ଫଳରେ ଶେଷ ମୁହୂର୍ତରେ ତାଙ୍କ ନାମ ଏହି ତାଲିକାରୁ ବାଦ୍ ଦିଆଯାଇଥିଲା ।

Share in top social networks!

ଡିସେମ୍ବର ୨୮ରୁ ରେଭେନ୍ସାରେ ଇତିହାସ କଂଗ୍ରେସ ଅଧିବେଶନ: ତିନିଦିନରେ ଯୋଗ ଦେବେ ୧୭୦୦ପ୍ରତିନିଧି

imagesରେଭେନ୍ସା ବିଶ୍ଵବିଦ୍ୟାଳୟ ରେ ଆସନ୍ତା ଡିସେମ୍ବର ୨୮,୨୯ଓ ୩୦ତାରିଖରେ ଅନୁଷ୍ଠିତ ହେବାକୁ ଯାଉଛି ଭାରତୀୟ ଇତିହାସ କଂଗ୍ରେସର ୭୪ତମ ସାଧାରଣ ଅଧିବେଶନ । ରାଜ୍ୟରେ ତୃତୀୟ ତଥା ରେଭେନ୍ସାରେ ଦ୍ଵିତୀୟ ଥର ପାଇଁ ତିନିଦିନ ଧରି ଅନୁଷ୍ଠିତ ହେବାକୁ ଯାଉଥିବା ଏହି ଅଧିବେଶନରେ ଭାରତୀୟ ଇତିହାସ ସମ୍ପର୍କରେ ବିଶିଷ୍ଟ ଇତିହାସବିତ୍ ମାନେ ନିଜର ସନ୍ଦର୍ଭ ଉପସ୍ଥାପନ କରିବା ସହ ଇତିହାସକୁ ନେଇ ବିଶ୍ଳେଷଣ ,ଆଲୋଚନା ଓ ପର୍ଯ୍ୟଲୋଚନ କରାଯିବ ।

ଏଥି ସହିତ ଓଡିଶାର ବିଭିନ୍ନ ସମୟର ଇତିହାସକୁ ନେଇ ‘ଓଡିଶା ଥ୍ରୋ ଦ ଏଜେସ୍’ ଶୀର୍ଷକ ଆଲୋଚନାଚକ୍ର ଅନୁଷ୍ଠିତ ହେବ । ଅଧିବେଶନରେ ଦେଶ ତଥା ବିଦେଶ ରୁ ପାଖାପାଖି ୧୭୦୦ ପ୍ରତିନିଧି ଯୋଗ ଦେବାର କାର୍ଯ୍ୟକ୍ରମ ରହିଥିବାବେଳେ ମୁଖ୍ୟମନ୍ତ୍ରୀ ନବୀନପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେଇ ଅଧିବେଶନକୁ ଉଦ୍ ଘାଟନ କରିଥିଲେ ।

ଏଥିପାଇଁ ଆଜି ରେଭେନ୍ସାର କୁଳପତି ପ୍ରଫେସର ବୈଷ୍ଣବ ଚରଣ ତ୍ରିପାଠୀ ଙ୍କ ନେତୃତ୍ବରେ ଏକ ପ୍ରତିନିଧିମଣ୍ଡଳୀ ମୁଖ୍ୟମନ୍ତ୍ରୀ ନବିନପଟ୍ଟନାୟକ ଓ ମୁଖ୍ୟ ଶାସନ ସଚିବ ବିଜୟ କୁମାର ପଟ୍ଟନାୟକଙ୍କୁ ଭେଟି ଏ ସମ୍ପର୍କରେ ଆଲୋଚନା କରିଥିଲେ । ଅନ୍ୟ ପକ୍ଷରେ ଏହି ଅଧିବେଶନ ରେ ପ୍ରଫେସର ଇରଫାନ ହବିବ୍ ,ପ୍ରଫେସର ରୋମିଲା ଥପର,ପ୍ରଫେସର ଦିପେନ ଚନ୍ଦ୍ର,ପ୍ରଫେସର ଇଜାଜ ଅହମ୍ମଦ ,ଇନ୍ଦୁ ଡଙ୍ଗା ,ପ୍ରଫେସର ହରମାନ୍ କୁଲ୍ ଡେ ଙ୍କ ଭଳି ବିଶିଷ୍ଟ ଇତିହାସବିତ୍ ମାନେ ନିଜର ସନ୍ଦର୍ଭ ଉପସ୍ଥାପନ କରିବା ସହିତ ସୁନିଶ୍ଚିତ ମତାମତ ପ୍ରଦାନ କରିବେ ।

୩ଦିନର ଏହି ଅଧିବେଶନ ରେ ପାଖାପାଖି ୧୨୦୦ସନ୍ଦର୍ଭ ଉପସ୍ଥାପନ କରାଯିବ ବୋଲି କୁଳପତିଙ୍କ କକ୍ଷରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ କୁଳପତି ପ୍ରଫେସର ତ୍ରିପାଠୀ ସୂଚନା ଦେଇଛନ୍ତି । ଏହି ସମ୍ମିଳନୀରେ ଇତିହାସ କଂଗ୍ରେସର ସମ୍ପାଦକ ପ୍ରଫେସର ଏସ୍ . ଜାଫ୍ରି,ସଂଘଠନ ସମ୍ପାଦକ ପ୍ରଫେସର ଚଣ୍ଡିପ୍ରସାଦ ନନ୍ଦ ,କାର୍ଯ୍ୟକାରୀ ସଭ୍ୟ ପ୍ରଫେସର ଭୈରବ ପ୍ରସାଦ ସାହୁ,ପ୍ରଫେସର ସିରିନ୍ ମୁଶ୍ ଭି,ଅଧ୍ୟାପକ ନେତାଜୀ ଅଭିନନ୍ଦନ ପ୍ରମୁଖ ଉପସ୍ଥିତ ଥିଲେ ।

ଭାରତୀୟ ଇତିହାସ କଂଗ୍ରେସ ପକ୍ଷରୁ ରାଜ୍ୟରେ ପ୍ରଥମ ଥର ପାଇଁ ୧୯୪୯ ମସିହାରେ ମୁଖ୍ୟମନ୍ତ୍ରୀ ହରେକୃଷ୍ଣ ମହତାବ ଙ୍କ ସମୟରେ ରେଭେନ୍ସା ରେ ଅନୁଷ୍ଠିତ ହୋଇଥିଲା । ପରବର୍ତ୍ତୀ ସମୟରେ ୧୯୭୭ ମସିହାରେ ଉତ୍କଳ ବିଶ୍ୱବିଦ୍ୟାଳୟରେ ଅନୁଷ୍ଠିତ ହେବାପରେ ତୃତୀୟ ଥର ପାଇଁ ରେଭେନ୍ସାରେ ଆସନ୍ତା ଡିସେମ୍ବରରେ ଅନୁଷ୍ଠିତ ହେବାକୁ ଯାଉଛି ।

Share in top social networks!