ବଡଦାଣ୍ଡରେ ଲହଡା ମାରୁଥିବା ନଳାପାଣିରେ ଗଡିଗଡି ନନ୍ଦିଘୋଷ ରଥ ଓ ଦର୍ପଦଳନ ପହଞ୍ଚିଲା ଗୁଣ୍ଡିଚା ମନ୍ଦିରରେ

nandighoshaବଡଦାଣ୍ଡରେ ଲହଡା ମାରୁଥିବା ନଳାପାଣିରେ ଗଡିଗଡି ମହାପ୍ରଭୁ ଶ୍ରୀଜଗନ୍ନାଥଙ୍କ ପବିତ୍ର ନନ୍ଦିଘୋଷ ରଥ ଓ ଦେବୀରଥ ଦର୍ପଦଳନ ପହଞ୍ଚିଛି ଗୁଣ୍ଡିଚା ମନ୍ଦିର ରଥଚକଡାରେ । ଆଣ୍ଠୁଏ ପାଣିରେ ରଥକୁ ଟାଣିଟାଣି ନେବାର ଅଭାବନୀୟ ଦୃଶ୍ୟ ଭକ୍ତ ମନରେ ଦାରୁଣ ଆଘାତ ଦେଇଛି । ଏହା ସହରର ବିପର୍ଯ୍ୟସ୍ତ ପରିମଳ ଓ ଡ୍ରେନେଜ୍ ବ୍ୟବସ୍ଥାକୁ ପୁଣି ଥରେ ପଦାରେ ପକାଇ ଦେଇଛି ।

ଆଜି ରଥ ଟଣା ବେଳକୁ ବର୍ଷା ଲାଗି ରହିଥିଲା । ମାର୍କେଟ ଛକ ଠାରୁ ବଡ ମେଡିକାଲ ଛକ ପର୍ଯ୍ୟନ୍ତ ବଡଦାଣ୍ଡରେ ନଳାପାଣି ଲହଡା ମାରୁଥିବା । ମାଉସୀ ମା’ ମନ୍ଦିର ପାଖରେ ବଡଦାଣ୍ଡ ଅଧା ବୁଡି ଯାଇଥିଲା । ତେବେ ବାଡମେଡିକାଲ ଛକରେ ପହଞ୍ଚିବାବେଳକୁ ନାଳ ପାଣି ଆଣ୍ଠୁଏ ଉଚ୍ଚରେ ଥିଲା । ଏହି ଆବର୍ଜନାପୂର୍ଣ୍ଣ ନଳା ପାଣିକୁ ଅତିକ୍ରମ କରି ନନ୍ଦିଘୋଷ ରଥ ସରଧାବାଲି ଅଭିମୁଖେ ଯାତ୍ରା କରିଥିଲା । ଗତକାଲି ରଥଯାତ୍ରାର ଟନ୍ ଟନ୍ ମଇଳା ନଳାରେ ଅଟକି ରହିଥିଲା । ତେଣୁ ନଳାରେ ମଇଳା ପାଣି ଖଲାସ ହୋଇ ପାରୁ ନଥିଲା ।

ତେବେ ବର୍ଷା ଏବଂ ନଳାପାଣିକୁ ଖାତିର ନକରି ଭକ୍ତ,ଆରକ୍ଷୀ ବାହିନୀ ରଥକୁ ଟାଣି ନେଇଥିଲେ । ବର୍ଷା ପଣି ଜମିବା ପୂର୍ବରୁ ଦେବୀ ରଥ ଦର୍ପଦଳନକୁ ଟାଣି ବଡଶଙ୍ଖ ଉପରକୁ ନିଆ ସରିଥିଲା । ଆଜିର ଘଟଣାକୁ ଅନୁଭବକାରି ସତୁରୀ ଦଶକର କାଦୁଅ ଗୁଣ୍ଡିଚାକୁ ଭକ୍ତମାନେ ମାନେ ପକାଇଥିଲେ । ସେତେବେଳେ ବର୍ଷା ପାଣି ଭିତରେ ତିନି ରଥକୁ ଟଣା ଯାଇଥିଲା । ଆଜି ତିନି ରଥ ଶରଧାବାଲି ରଥ ଚକଡାରେ ଲାଗିବା ପରେ ଭକ୍ତମାନଙ୍କ ଦର୍ଶନ ପାଇଁ ସିଡି ପଡିଥିଲା । ଲକ୍ଷାଧିକ ଭକ୍ତ ଆଜି ତିନି ରଥରେ ମହାପ୍ରଭୁଙ୍କ ଦର୍ଶନ କରିଥିଲେ ।

Share in top social networks!

ରଥରେ ଶ୍ରୀଜିଉଙ୍କୁ ଭକ୍ତମାନେ ଛୁଇଁବା ନ ଛୁଇଁବା ନେଇ ଉପୁଜିଥିବା ବିବାଦର ସମାଧାନ

ରଥରେ ଶ୍ରୀଜିଉଙ୍କୁ ଭକ୍ତମାନେ ଛୁଇଁବା ନ ଛୁଇଁବା ନେଇ ଉପୁଜିଥିବା ବିବାଦର ସମାଧାନ ହୋଇଛି । ଆଜି ଅନୁଷ୍ଠିତ ଶ୍ରୀମନ୍ଦିର ପରିଚାଳନା କମିଟି ବୈଠକରେ ନିଷ୍ପତ୍ତି ହୋଇଛି,ଭକ୍ତ ମାନେ ରଥରେ ଚଢି ପ୍ରଭୁଙ୍କୁ ଦର୍ଶନ କରିବା ସହ ଛୁଇଁ ପାରିବେ । ଏଥିରେ ଦଇତାପତିମାନେ ଆନନ୍ଦ ପ୍ରକାଶ କରିଛନ୍ତି । ସେମାନଙ୍କ ଜିଦ୍ ରହିଛି । ଚଳିତ ବର୍ଷ ରଥଉପରେ ଚଢି ଭକ୍ତ ମାନେ ଶ୍ରୀଜିଉଙ୍କୁ ଛୁଇଁବା ଉପରେ ଶ୍ରୀମନ୍ଦିର ପ୍ରଶାସନ କଟକଣା ଲଗାଇବାରୁ ଦଇତାପତିମାନେ ଏହାର ଦୃଢ ବିରୋଧ କରିଥିଲେ ।

ଏପରିକି ରଥଯାତ୍ରାରେ ସେବାନକରିବା ଲାଗି ପ୍ରଶାସନକୁ ଚେତାବନୀ ଦେଇଥିଲେ । ଏଇ ବିବାଦ ଉପରେ ଦୁଇ ଥର ଆଲୋଚନା ହେବା ସହ ଗୋବର୍ଦ୍ଧନ ପୀଠ ସଙ୍କରାଚାର୍ଯ୍ୟଙ୍କ ମତାମତ ବି ଲୋଡାଯାଇଥିଲା । ଇତି ମଧ୍ୟରେ ସଙ୍କରାଚାର୍ଯ୍ୟଙ୍କ ଠାରୁ କୌଣସି ମତାମତ ମିଳିପାରି ନାହିଁ । ତେଣି ପୂର୍ବ ବର୍ଷ ଭଳି ଚଳିତ ବର୍ଷ ମଧ୍ୟ ରଥଯାତ୍ରାରେ ରଥାରୁଢ ଶ୍ରୀବିଗ୍ରହଙ୍କୁ ଭକ୍ତମାନେ ଦର୍ଶନ ଓ ସ୍ପର୍ଶ କରି ପାରିବେ ବୋଲି ଆଜି ବୈଠକରେ ନିଷ୍ପତ୍ତି ନିଆଯାଇଛି । ବୈଠକ ପରେ ମୁଖ୍ୟପ୍ରଶାସକ ଡ.ଅରବିନ୍ଦ ପାଢୀ କହିଥିଲେ ଏହି ବିବାଦ ଉପରେ ଶଙ୍କାରାଚାର୍ଯ୍ୟଙ୍କ ମତାମତକୁ ଅପେକ୍ଷା କରାଯାଇଛି । ଚଳିତ ବର୍ଷ ରଥଯାତ୍ରାରେ ପୂର୍ବବର୍ଷ ଭଳି ଭକ୍ତମାନେ ରଥ ଉପରେ ମହାପ୍ରଭୁଙ୍କୁ ଦର୍ଶନ କରି ପାରିବେ ବୋଲି ପରିଚାଳନା କମିଟି ନିଷ୍ପତ୍ତି ନେଇଛି ।

Share in top social networks!

ରଥଯାତ୍ରା ୨୦୧୩ ପ୍ରସ୍ତୁତି ପାଇଁ ସୂଚନା ଓ ଲୋକସମ୍ପର୍କ ମନ୍ତ୍ରୀଙ୍କ ସମୀକ୍ଷା ବୈଠକ

RATHAYATRAସୂଚନା ଓ ଲୋକସଂପର୍କ ବିଭାଗ ପକ୍ଷରୁ ଆସନ୍ତା ବିଶ୍ଵପ୍ରସିଦ୍ଧ ରଥଯାତ୍ରା ଉପଲକ୍ଷେ ମାନ୍ୟବର ଶକ୍ତି,ସୂଚନା ଓ ଲୋକସମ୍ପର୍କ ମନ୍ତ୍ରୀ ଶ୍ରୀ ଅରୁଣ କୁମାର ସାହୁଙ୍କ ଅଧ୍ୟକ୍ଷତାରେ ଏକ ସମୀକ୍ଷା ବୈଠକ ବିଭାଗୀୟ ସମ୍ମିଳନୀ କକ୍ଷରେ ଅନୁଷ୍ଠିତ ହୋଇଯାଇଛି । ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ସୂଚନା ଓ ଲୋକସମ୍ପର୍କ ବିଭାଗ ପକ୍ଷରୁ ରଥଯାତ୍ରାରେ କରାଯାଉଥିବା ବିଭିନ୍ନ କାର୍ଯ୍ୟକ୍ରମ ସମ୍ପର୍କରେ ମାନ୍ୟବର ମନ୍ତ୍ରୀ ସମୀକ୍ଷା କରିଥିଲେ । ଚଳିତ ବ୍ବର୍ଷ ୮ଗୋଟି ସ୍ଥାନରେ ଯଥା:- ସିଂହଦ୍ଵାର,ଗୁଣ୍ଡିଚା ଭାଡି,ତାଳବଣିଆ,ବଡ ଶଙ୍ଖ,ରେଲୱେ ଷ୍ଟେସନ,ଟାଉନ୍ ଥାନା,ବଳଗଣ୍ଡି ଏବଂ ଦିଗାବାରେଣୀ ଖୁଣ୍ଟିଠାରେ ଅସ୍ଥାୟୀ ସୂଚନା କେନ୍ଦ୍ର ସ୍ଥାପନ କରାଯିବ ।

ଅଧିକ ସଂଖ୍ୟକ ଉତ୍କଳ ପ୍ରସଙ୍ଗ ଓ ଓଡିଶା ରିଭ୍ୟୁ ପତ୍ରିକା ଛପାଯିବା ସହ ଜିଲ୍ଲା କାର୍ଯ୍ୟାଳୟ କୁ କୋରିଅର ମାଧ୍ୟମରେ ପଠାଯିବ । ଉତ୍କଳ ପ୍ରସଙ୍ଗ ଓ ଓଡିଶା ରିଭ୍ୟୁ ବାର୍ଷିକ ଗ୍ରାହକ ସଂଗ୍ରହ ପାଇଁ ନିଷ୍ପତ୍ତି ନିଆଯାଇଛି । ପୋଷ୍ଟାଲ ରେଜିଷ୍ଟ୍ରେଶନ ର ପୁନଃ ନବୀକରଣ କରିବା ପାଇଁ ଡାକ ବିଭାଗ ସହ ଆଲୋଚନା କରାଯିବ । ରଥଯାତ୍ରା ଦିନଠାରୁ ବାହୁଡା ପର୍ଯ୍ୟନ୍ତ ଯାତ୍ରୀମାନଙ୍କ ମନୋରଞ୍ଜନ ନିମନ୍ତେ ରାତ୍ରିରେ ସମସ୍ତ ଅସ୍ଥାୟୀ ସୂଚନା କେନ୍ଦ୍ର ଗୁଡିକରେ ପାଲା,ଦାଶକାଠିଆ,ଘୋଡାନାଚ, ସଙ୍କୀର୍ତ୍ତନ ଇତ୍ୟାଦି ପୁରୀ ଜିଲ୍ଲା ସୂଚନା ଓ ଲୋକସମ୍ପର୍କ କାର୍ଯ୍ୟଳୟ ତରଫରୁ ଆୟୋଜନ କରାଯିବ । ପୂର୍ବବର୍ଷ ଭଳି ଚଳିତ ବର୍ଷ ମଧ୍ୟ ଶ୍ରୀଗୁଣ୍ଡିଚା,ବାହୁଡା ଓ ସୁନାବେଶ ଦିନ ବିଭାଗୀୟ ଟିଭି ଓ ଫଟୋର ବ୍ୟବସ୍ଥା କରାଯିବ ।

ଏତଦ ବ୍ୟତୀତ ପୁରୀର ସମ୍ବନ୍ଧୀୟ ଫଟୋ ସମ୍ବଳିତ ଏକ ପୁସ୍ତକ ପ୍ରକାଶ କରାଯିବା ପାଇଁ ଇଚ୍ଛୁକ ପଟୋଗ୍ରାଫରମାନଙ୍କଠାରୁ ଫୋଟୋ ଆଣିବା ପାଇଁ ବିଜ୍ଞାପନ ଦିଆଯିବ । ମିଳିଥିବା ଫୋଟୋଗ୍ରାଫ ଗୁଡିକମଧ୍ୟରୁ ଚୟନ କରାଯାଇଥିବା ଫୋଟୋପାଇଁ ପାରିତୋଷିକ ପ୍ରଦାନ କରାଯିବ । ବିଭାଗୀୟ ଫୋଟୋଗ୍ରାଫର ମାନଙ୍କ ଦ୍ଵାରା ପୁରୀରେ ଥିବା ମଠ ,ମନ୍ଦିର ଦୃଶ୍ୟ ରାଜି ସମ୍ବଳିତ ସ୍ଥାନ ଏବଂ ଅନ୍ୟାନ୍ୟ ଐତିହ୍ୟ ପିଠା ଗୁଡିକର ଫୋଟୋ ଉତ୍ତୋଳନ କରି ଏକ କ୍ଷୁଦ୍ର ଫୋଟୋ ପୁସ୍ତିକା ପ୍ରକାଶନ କରିବା ପାଇଁ ଆବଶ୍ୟକୀୟ ପଦକ୍ଷେପ ଗ୍ରହଣ କରାଯିବ । ଗତବର୍ଷ ଭଳି ଚଳିତ ବର୍ଷ ମଧ୍ୟ ଫଟୋ ପ୍ରଦର୍ଶନୀ ଭୋଳାନାଥ ବିଦ୍ୟାପୀଠ ପରିସରରେ ଓରମାସ ଦ୍ଵାରା ଆୟୋଜିତ ପଲ୍ଲୀଶ୍ରୀ ମେଳା ମଧ୍ୟରେ ଅନୁଷ୍ଠିତ ହେବ । ସାମ୍ବାଦିକଙ୍କ ପାଇଁ ଯାନ ଓ କର୍ଡନ ପାସ୍ ପ୍ରଦାନ ନିମନ୍ତେ କେନ୍ଦ୍ରାଞ୍ଚଳ ରାଜସ୍ୱ କମିଶନର ଓ ଜିଲ୍ଲାପାଳ,ପୁରୀକୁ ଅନୁରୋଧ କରାଯିବ ।

ରଥଯାତ୍ରା ସମୟରେ ରାଜ୍ୟସରକାରଙ୍କ ଦ୍ଵାରା କରାଯାଉଥିବା ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମ ଦୂରଦର୍ଶନ ଏବଂ ବିଭିନ୍ନ ଇଲେକ୍ଟ୍ରୋନିକ ଗଣମାଧ୍ୟମରେ ବିଜ୍ଞାପନ ଜରିଆରେ ବ୍ୟାପକ ପ୍ରଚାର ଓ ପ୍ରସାର କରିବାକୁ ନିଷ୍ପତ୍ତି ନିଆଯାଇଛି । ଉକ୍ତ ବୈଠକରେ ସୂଚନା ଓ ଲୋକସମ୍ପର୍କ ବିଭାଗର ଶାସନ ସଚିବ ଶ୍ରୀ ପ୍ରତାପ କୁମାର ଜେନା,ସ୍ଵତନ୍ତ୍ର ଶାସନ ସଚିବ ଶ୍ରୀ ଭଗବାନ ନନ୍ଦ,ନିର୍ଦ୍ଦେଶକ ଶ୍ରୀ ପ୍ରମୋଦ କୁମାର ଦାସ,ଯୁଗ୍ମ ନିର୍ଦ୍ଦେଶକ ଶ୍ରୀ ଶଶାଙ୍କ ଶେଖର ପଣ୍ଡା,ଉପଶାସନ ସଚିବ ଶ୍ରୀ ଗଣେଶ୍ଵର ଜେନା,ଉପ ନିର୍ଦ୍ଦେଶକ ତଥା ଉପ ଶାସନ ସଚିବ ଶ୍ରୀ ନିରଞ୍ଜନ ସେଠୀ,ଉପ ନିର୍ଦ୍ଦେଶକ ତଥା ଉପ ଶାସନ ସଚିବ ଶ୍ରୀ ରାମଶଙ୍କର ବେହେରା,ଉପ ନିର୍ଦ୍ଦେଶକ ଶ୍ରୀ ପ୍ରମୋଦ କୁମାର ମଲ୍ଲିକ ଓ ସରକାରୀ ଅର୍ଥ ପରାମର୍ଶ ଦାତା ତଥା ଅନୁଶାସନ ସଚିବ ଶ୍ରୀ ବସନ୍ତ ବିହାରୀ ନନ୍ଦଙ୍କ ସମେତ ବିଭାଗୀୟଅଧିକାରୀ ଓ କର୍ମକର୍ତ୍ତା ମାନେ ଉପସ୍ଥିତ ରହି ଆଲୋଚନାରେ ଅଂଶଗ୍ରହଣ କରିଥିଲେ ।

Share in top social networks!