ବିଶ୍ୱ ପ୍ରସିଦ୍ଧ ଶ୍ରୀଜଗନ୍ନାଥଙ୍କ ରଥଯାତ୍ରା ସମୟରେ ସ୍ୱାସ୍ଥ୍ୟ ଓ ପରିମଳ ବ୍ୟବସ୍ଥା ବଜାୟ ରଖିବା ଉପରେ ଗୁରୁତ୍ୱ

ବିଶ୍ୱ ପ୍ରସିଦ୍ଧ ପୁରୀ ଶ୍ରୀଜଗନ୍ନାଥଙ୍କ ପବିତ୍ର ରଥଯାତ୍ରା ସମୟରେ ସ୍ୱାସ୍ଥ୍ୟ ଓ ପରିମଳ ବ୍ୟବସ୍ଥା ବଜାୟ ରଖିବା ସହ କୌଣସି ପ୍ରକାର ମହାମାରୀ ପ୍ରତି ସତର୍କ ରହିବା ଏବଂ ଖାଦ୍ୟ ପଦାର୍ଥ ଏବଂ ପାନୀୟଜଳ ମାନ ଯାନ୍ଚ ପ୍ରକ୍ରିୟାକୁ ଜୋରଦାର କରିବାକୁ ସ୍ୱାସ୍ଥ୍ୟ ଓ ପରିବାର କଲ୍ୟାଣ ତଥା ସୂଚନା ଓ ଲୋକସଂପର୍କ ମନ୍ତ୍ରୀ ଅତନୁ ସବ୍ୟସାଚୀ ନାୟକ କଡା ନିଦେ୍ର୍ଧଶ ଦେଇଛନ୍ତି ।
ପୁରୀ ସହର ସମେତ ଜିଲ୍ଲାର ସ୍ୱାସ୍ଥ୍ୟ ଓ ପରିମଳ ବ୍ୟବସ୍ଥା ସଂପର୍କରେ ଆଜି ମନ୍ତ୍ରୀ ଶ୍ରୀ ନାୟକ ସମୀକ୍ଷା କରିଥିଲେ । ଆସନ୍ତା ନବକଳେବର ରଥଯାତ୍ରା ସମୟରେ ଜନସମାଗମକୁ ଦୃଷ୍ଟିରେ ରଖି ସ୍ୱାସ୍ଥ୍ୟ ଓ ପରିମଳ ବ୍ୟବସ୍ଥା ବଜାୟ ରଖିବା ନିମନ୍ତେ ଗ୍ରହଣ କରାଯାଇଥିବା ପଦକ୍ଷେପ ସଂପର୍କରେ ଆଲୋଚନା କରାଯାଇଥିଲା । ବର୍ତମାନ ଥିବା ବିଭିନ୍ନ ହୋଟେଲ ଠାରୁ ଆରମ୍ଭ କରି ଅସ୍ଥାୟୀ ଭାବେ ଖୋଲୁଥିବା ହୋଟେଲ ଏବଂ ଜଳଖିଆ ଦୋକାନରେ ମିଳୁଥିବା ଖାଦ୍ୟପଦାର୍ଥ ଏବଂ ବିକ୍ରିହେଉଥିବା ପାଣି ବୋତଲ ସମେତ ପାଣି ପାଉଚ ଗୁଡିକର ମାନ ପରୀକ୍ଷା କରିବା ଏବଂ ସେହିଭଳି ପାଉଚ ପ୍ରସ୍ତୁତ କାରଖାନ ଗୁଡିକ ଉପରେ ଚଢାଉ ଜୋରଦାର କରିବାକୁ ମନ୍ତ୍ରୀ ଶ୍ରୀ ନାୟକ ବିଭାଗୀୟ ପଦାଧିକାରୀଙ୍କୁ କଡା ନିଦେ୍ର୍ଧଶ ଦେଇଛନ୍ତି । ଏ କ୍ଷେତ୍ରରେ କୌଣସି ପ୍ରକାର ଅବହେଳାକୁ ବରଦାସ୍ତ କରାଯିବ ନାହିଁ ବୋଲି ସତର୍କ କରାଇ ଦେଇଛନ୍ତି । ପୁରୀ ଏବଂ ଭୁବନେଶ୍ୱର ଆଦିରେ ଥିବା ସମସ୍ତ ପାଣି ପାଉଚ ପ୍ରସ୍ତୁତକାରୀ ସଂସ୍ଥା ଗୁଡିକୁ ଯାନ୍ଚ କରିବାକୁ କୁହାଯାଇଛି । ସେହିପରି ପୁରୀ ସହରରେ ଥିବା ସମସ୍ତ ନଳକୂପ ଏବଂ ପାନୀୟଜଳ ଉତ୍ସଗୁଡିକୁ ନିୟମିତ ଯାନ୍ଚ କରାଯିବା ସହ ଯେଉଁ ଗୁଡିକର ପାଣି ଦୁଷିତ ଥିବ ସେଗୁଡିକୁ ତୁରନ୍ତ ସିଲ୍ କରି ଦେବାକୁ କୁହା ଯାଇଛି ।
ଋଥଯାତ୍ରା ସମୟରେ ପୁରୀ ବଡଦାଣ୍ଡରେ ୩୦ ଟି ଆମ୍ବୁଲାନ୍ସ ରହିବ । ସେଗୁଡିକ ପ୍ରତି ୭୫ ମିଟରରେ ଗୋଟିଏ ଲେଖାଏ ରହିବ । ଏତଦ୍ବ୍ୟତିତ ପୁରୀ ମ୍ୟୁନିସପାଲିଟି ଅନ୍ଚଳରେ ଆଉ ୫୦ ଟି ଆମ୍ବୁଲାନ୍ସ ରହିବ । ପ୍ରତି ରଥ ପଛେ ପଛେ ଗୋଟିଏ ଲେଖା ଆମ୍ବୁଲାନ୍ସ ମଧ୍ୟ ରହିବ । ଉଦ୍ଧାର ଏବଂ ସ୍ୱାସ୍ଥ୍ୟସେବା ପ୍ରଦାନ ବ୍ୟବସ୍ଥାକୁ ତ୍ୱରାନ୍ନିତ କରାଯିବ । ସହରରରେ ପ୍ରାୟ ୮୦ ଟି ଫାଷ୍ଟଏଡ୍ କେନ୍ଦ୍ର ଖାଲାଯିବ । ଏହି କେନ୍ଦ୍ର ଗୁଡିକ ଦୁଇଟି ପର୍ଯ୍ୟାୟରେ ଆସନ୍ତା ମାସ ୧୭ ତାରିଖରୁ ୧୯ ତାରିଖ ଏବଂ ୨୬ ତାରିଖରୁ ୨୯ ତାରିଖ ଯାଏ କାର୍ଯ୍ୟକରିବ । ବର୍ତମାନ ପୁରୀର ଜିଲ୍ଲାମୁଖ୍ୟ ଚିକିତ୍ସାଳୟରେ ୪୦୮ ଟି ଶଯ୍ୟା ରହିଛି । ଆଉ ୫୨୦ ଟି ନୂତନ ଶଯ୍ୟା ଉପଲବ୍ଧ କରାଯାଇଛି । ସେଥିରୁ ଆୟୁର୍ବେଦିକ ଡାକ୍ତରଖାନାରେ ୨୦୦ , ସଂକ୍ରାମକ ଡାକ୍ତରଖାନାରେ ୨୦୦ ଏବଂ ଜିଲ୍ଲା ମୁଖ୍ୟ ଚିକିତ୍ସାଳୟରେ ୧୨୦ ଟି ନୂତନ ଶଯ୍ୟା ଉପଲବ୍ଧ କରାଯାଇଛି । ରଥଯାତ୍ରା ସମୟରେ ଅଧିକ ୯୪ ଜଣ ଡାକ୍ତରଙ୍କ ସମେତ ପ୍ରାୟ ୬୨୬ ଜଣ ପାରାମେଡିକ , ଫାର୍ମାଶିଷ୍ଟ ଏବଂ ସହାୟକ ଆଦି ନିୟୋଜିତ ହେବେ । ସେମାନେ ଆସନ୍ତା ୩୦ ତାରିଖ ସୁଦ୍ଧା ସେଠାରେ କାର୍ଯ୍ୟରେ ଯୋଗ ଦେବେ ବୋଲି ପ୍ରକାଶ । ପୁରୀ ସହର ବ୍ୟତିତ ବ୍ଲକ୍ ଅଂଚଳରେ ୧୧ ଟି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ର , ୬ ଟି ଏରିଆ ହସପିଟାଲ ଏବଂ ୪୭ ଟି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ( ନୂତନ ) ରହିିଛି । ସେହି ସବୁ ଅଂଚଳରେ ୨୫ ଟି ଫାଷ୍ଟଏଡ୍ କେନ୍ଦ୍ର ମଧ୍ୟ ଖୋଲିବ ଏବଂ ୪୯ ଟି ଆମ୍ବୁଲାନ୍ସ ଉପଲବ୍ଧ କରାଯିବ । ସେହିପରି ରଥଯାତ୍ରା ସମୟରେ ସ୍ୱାସ୍ଥ୍ୟ ସଚେତନତା କାର୍ଯ୍ୟକ୍ରମକୁ ବ୍ୟାପକ କରିବା ନିମନ୍ତେ କୁହାଯାଇଛି । ସେଥି ପାଇଁ ସ୍ୱତନ୍ତ୍ର ଭାବେ ଆବଶ୍ୟକ ପଦକ୍ଷେପ ଗ୍ରହଣ କରାଯିବ ।
ଏହି ସମୀକ୍ଷା ବୈଠକରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପ୍ରମୁଖ ସଚିବ ଆରତୀ ଆହୁଜା , ଜାତୀୟ ସ୍ୱାସ୍ଥ୍ୟ ମିଶନ ନିଦେ୍ର୍ଧଶିକା ରୂପା ମିଶ୍ର , ସ୍ୱାସ୍ଥ୍ୟ ସେବା ନିଦେ୍ର୍ଧଶକ ଡାଃ ଚିତରଞ୍ଜନ ନାୟକ , ପରିବାର କଲ୍ୟାଣ ନିର୍ଦ୍ଧଶିକା ଡାଃ ନିର୍ମଳା କୁମାରୀ ଦେଇ , ଜନସ୍ୱାସ୍ଥ୍ୟ ନିଦେ୍ର୍ଧଶକ ଡାଃ କୈଳାସ ଚନ୍ଦ୍ର ଦାଶ , ଯୁଗ୍ମସଚିବ ସୁରଜିତ ଦାଶ , ଖାଦ୍ୟ ନିରାପତା କମିଶନର ବାବାଜୀ ଚରଣ ଦାସଙ୍କ ସମେତ ପୁରୀ ଜିଲ୍ଲାମୁଖ୍ୟ ଚିକିତ୍ସା ଏଧିକାରୀ ଏବଂ ଅନ୍ୟାନ୍ୟ ବିଭାଗୀୟ ପଦାଧିକାରୀମାନେ ଉପସ୍ଥିତ ଥିଲେ ।

Share in top social networks!

ଶ୍ରୀ ଜଗନ୍ନାଥଙ୍କ ରଥ ଚକ ଗଡ଼ିଲା ଭାଙ୍କୁଭର ବେଳାଭୂମିରେ…

rathayatraଜଗତର ନାଥଙ୍କ ରଥଯାତ୍ରା ପ୍ରବଳ ଜନସମାଗମ , ହରିବୋଲ , ନାମ ସଂକୀର୍ତ୍ତନ ଆଉ ଘଣ୍ଟ ମୃଦଙ୍ଗର ସହର୍ଷ ଧ୍ୱନୀରେ, ଭାଙ୍କୁଭରର ବିଶ୍ୱବିଖ୍ୟାତ ବେଳାଭୂମିରେ ଆଜି ପାଳନ ହୋଇଛି । ହୋୱେ ସମୁଦ୍ର ତଟରୁ ଦ୍ୱିତୀୟ ସମୁଦ୍ର କୂଳଯାଏଁ ହଜାର ହଜାର ଭକ୍ତ ରଥକୁ ଟାଣି ନେଇଥିଲେ। ଜାତି ଧର୍ମ ବର୍ଣ୍ଣ ନିର୍ବିଶେଷରେ ଜଗତନାଥଙ୍କ ଏହି ରଥଯାତ୍ରା ସମସ୍ତଙ୍କ ଦ୍ୱାରା ଅତି ଭକ୍ତିର ସହ ପାଳନ ହୋଇଥିଲା ।
ଏହି ଉତ୍ସବରେ ମେଳା, ସଂକୀର୍ତ୍ତନ, ଶିଶୁମାନଙ୍କ ନିମନ୍ତେ ବିଭିନ୍ନ ଧାର୍ମିକ ଆଉ ମାର୍ମିକ ପ୍ରସଙ୍ଗର ଅବତାରଣା, ଯୋଗ, ଶୁଦ୍ଧ ନିରାମିଷ ଆହାର ପ୍ରସ୍ତୁତି, ପ୍ରଭୃତି ବିଷୟରେ ଭକ୍ତମାନଙ୍କୁ ଜ୍ଞାନ ଦିଆଯାଇଥିଲା । ଭାଙ୍କୁଭରରେ ବସବାସ କରୁଥିବା ଓଡ଼ିଆଙ୍କ ସଂଘ ( ଭାଙ୍କୁଭର ଓଡ଼ିଆ ପରିବାର – ଲଭ୍‌ ବିସି) ଏହି ଜନସମୁଦ୍ରକୁ ତରଭୂଜ ମୁକ୍ତ ବିତରଣ କରିଥିଲେ। ଭାଙ୍କୁଭର ଓଡ଼ିଆ ପରିବାର ଦ୍ୱାରା ପ୍ରାୟୋଜିତ ନାମ ସଂକୀର୍ତ୍ତନ ଭକ୍ତମାନଙ୍କୁ ମନ୍ତ୍ରମୁଗ୍‌ଧ କରି ରଖିଥିଲା।
ଏହା ଓଡ଼ିଶାର ନାଥ ଜଗନ୍ନାଥଙ୍କ ଜଗତ ମହୋତ୍ସବ ଥିଲା। ଆଜିର ଦିନକୁ ଇସ୍କନର ପ୍ରତିନିଧି ମାନେ ମର୍ତ୍ତର ବୈକୁଣ୍ଠ ରୂପେ ନାମିତ କରିଥିଲେ ।
ଜୟ ଓଡ଼ିଆ…ଜୟ ଓଡ଼ିଶା…ଜୟ ଜଗନ୍ନାଥ…!!!

Share in top social networks!

ଆଜି ବିଶ୍ଵପ୍ରସିଦ୍ଧ ରଥଯାତ୍ରା : ରତ୍ନବେଦୀରୁ ଜନ୍ମବେଦୀକୁ ଯିବେ ମହାପ୍ରଭୁ

chariotsoflord-readyପବିତ୍ର ବଡ ଦାଣ୍ଡରେ ଜନସମୁଦ୍ର । ବିଶ୍ଵର ସୃଷ୍ଟି କର୍ତ୍ତା ମହାପ୍ରଭୁ ଶ୍ରୀ ଜଗନ୍ନାଥ ନିଜେ ରତ୍ନସିଂହାସନ ଛାଡି ଭକ୍ତଙ୍କ ଗ୍ରହଣଙ୍କୁ ଆସନ୍ତା କାଲି ଧାଡି ପହଣ୍ଡିରେ ଆସିବେ । ହରିବୋଲ,ହୁଳହୁଳୀ ସଙ୍କୀର୍ତ୍ତନରେ ଗଗନ ପବନ ଚତୁର୍ଦିଗ ପ୍ରକମ୍ପିତ ହୋଇଉଠୁଛି । ଥରେ ଭକ୍ତ ଚକାଆଖି ର କଳା ନୟନକୁ ନନ୍ଦିଘୋଷ ରଥ ଉପରେ ଦର୍ଶନ କାଲେ ଲକ୍ଷଲକ୍ଷ ପାପ କ୍ଷୟ ହୋଇଯାଏ ।

ତାଳଧ୍ଵଜ ରଥରେ ବଳଭଦ୍ର, ଦର୍ପଦଳନ ରଥରେ ଦେବୀ ସୁଭଦ୍ରା ଓ ପ୍ରଭୁ ସୁଦର୍ଶନ ବିଜେ କରିବା ପରେ ଜନ୍ମ ବେଦୀ ଶ୍ରୀଗୁଣ୍ଡିଚା ମନ୍ଦିର ଅଭିମୁଖେ ତିନିରଥ ଗଡିଗଡି ଯିବ । ରଥ- ପଥ ଭକ୍ତ ଓ ଭଗବାନ ପୂଣ୍ୟ ବଡଦାଣ୍ଡରେ ଏକାକାର ସଦୃଶ ଆନନ୍ଦ ଉଲ୍ଲାସ ମଧ୍ୟରେ ରଥ ଦଉଡିକୁ ଛୁଇଁ ଭକ୍ତ ମନସ୍କାମନା କରିବା ବୁଧବାର ପ୍ରାତଃ ୫ ଟାରେ ମଙ୍ଗଳ ଆରତୀ ଶେଷ ହେବାପରେ ମଇଲମ,ତଡପ ଲାଗି,ରୋଷହୋମ,ଅବକାଶ,ସୂର୍ଯ୍ୟପୂଜା,ଦ୍ଵାରପାଳ ପୂଜା ବେଶ ଶେଷ ହେବାପରେ ଗୋପାଳ ବଲ୍ଲବ,ତିନିରଥ ପ୍ରତିଷ୍ଠା କର୍ମ ଓ ପୂଜାହୋମ ଶେଷ ପରେ ଶ୍ରୀମନ୍ଦିର ଜୀଉଙ୍କ ପୁରୋହିତ ଓ ଅନ୍ୟାନ୍ୟ ଶ୍ରେତୀୟ ବ୍ରାହ୍ମଣ ମାନେ ପ୍ରତିଷ୍ଠା କାର୍ଯ୍ୟ କରିବେ । ଏହାପରେ ଘଣ୍ଟ,ଛତା,କାହାଳୀ ବାଦ୍ୟର ତାଳେତାଳେ ରଥ ସଂସ୍କାର କରାଯିବ ପରେପରେ ତିନି ବାଡରେ ମଙ୍ଗଳ ଅର୍ପଣ ନୀତି ସମ୍ପୂର୍ଣ୍ଣ ହେବ ।

Share in top social networks!

୯ ଟାରେ ପହଣ୍ଡି, ୩ଟାରେ ରଥଟଣା

rathaaସରସ୍ଵତୀ ପୂଜାଠାରୁ ଆରମ୍ଭ ହୋଇଥିବା ମହାପ୍ରଭୁଙ୍କ ଘୋଷଯାତ୍ରାର ସମସ୍ତ ପ୍ରସ୍ତୁତି ଶେଷ ହୋଇଛି । ଆଉ ମାତ୍ର ଦିନକ ପରେ ଅର୍ଥାତ ଆଷାଢ ମାସ ଦ୍ଵିତୀୟା ତିଥି (ଜୁଲାଇ ୧୦ ) ରେ ରଥଯାତ୍ରା । ଭୋର ୫ଟାରୁ ପ୍ରଭୁଙ୍କ ମଙ୍ଗଳ ଆଳତୀ ସହ ଆରମ୍ଭ ହେବ ବିଶ୍ଵପ୍ରସିଦ୍ଧ ଘୋଷଯାତ୍ରାର ପ୍ରଥମ ପର୍ବ । ଏହାପରେ ମଇଲମ,ତଡପଲାଗି,ରୋଷହୋମ,ଅବକାଶ,ସୂର୍ଯ୍ୟପୂଜା,ଦ୍ଵାରପାଳ ପୂଜା,ବେଶ, ଗୋପାଳବଲ୍ଲବ ,ସକାଳ ଧୂପ (କେବଳ କୋଠଭୋଗ)ସରିବ ।

ପରମ୍ପରା ମୁତାବକ ପ୍ରଭୁଙ୍କ ତିନି ରଥକୁ ସକାଳ ସାଢେ ଆଠଟା ସୁଦ୍ଧା ଦେଉଳ ପୁରୋହିତ ପ୍ରତିଷ୍ଠା କରିବେ । ବଡ ଦେଉଳ ଭିତରେ ପ୍ରଭୁଙ୍କ ଘୋଷଯାତ୍ରାର ମଙ୍ଗଳାର୍ପଣ ସରି ତିନି ଠାକୁରଙ୍କ ପହଣ୍ଡି ବିଜେ ଆରମ୍ଭ ହେବ । ପ୍ରଭୁଙ୍କ ବିଜେ କାହାଳି ବାଜିବା କ୍ଷଣି ସକାଳ ୯ଟାରୁ ପହଣ୍ଡି ଆରମ୍ଭ ହୋଇ ମଧ୍ୟାହ୍ନ ବାରଟାରେ ପହଣ୍ଡି ନୀତି ଶେଷ ହେବ । ଧାଡି ପହଣ୍ଡିରେ ଶ୍ରୀବିଗ୍ରହମାନେ ରଥାରୂଢ ହେବେ । ଜଗମୋହନ,ସାତପାହାଚ ,କୀର୍ତ୍ତନ ଚକଡା,ଆନନ୍ଦବଜାର ,ବାଇଶିପାହାଚ ଦେଇ ଠାକୁର ମାନେ ରଥ ଉପରକୁ ଉଠିବେ । ସାତପାହାଚରେ ଠାକୁରମାନଙ୍କୁ ରାଘବ ଦାସ ମଠର ଟାହିଆଲାଗି ହେବ । ଘଣ୍ଟ,କାହାଳି,ବଜୟନ୍ତୀ,ବେଦପାଠୀ ଦଳ ଆଗେ ଆଗେ ମହାପ୍ରଭୁଙ୍କୁ ପାଛୋଟି ନେବେ ।

ସୁଦର୍ଶନ, ମା’ଶୁଭଦ୍ରାଙ୍କୁ ଦଇତାପତି ମାନେ କାନ୍ଧରେ ଟେକି ଆଣି ରଥାରୂଢ କରିବେ । ତାଳଧ୍ୱଜରେ ରାମକୃଷ୍ଣ,ଦର୍ପଦଳନରେ ସୁଦର୍ଶନ, ନନ୍ଦିଘୋଷ ରେ ମଦନମୋହନଙ୍କୁ ବିଜେ କରାଯିବ । ରଥଉପରେ ରୁନ୍ଧା କାର୍ଯ୍ୟ,ଚିତା ଲାଗି ସହ ଅନ୍ୟାନ୍ୟ ନୀତି ଶେଷ ହେବା ପରେ ଜଗଦ୍ ଗୁରୁ ଶଙ୍କରାଚାର୍ଯ୍ୟ ନିଶ୍ଚଳାନନ୍ଦ ସରସ୍ଵତୀ ତିନି ରଥରେ ପୂଜାର୍ଚନା କରିବା ସହ ଦାରୁବ୍ରହ୍ମ ଙ୍କୁ ଦର୍ଶନ କରିବେ । ଏହାପରେ ଗଜପତି ମହାରାଜ ଦିବ୍ୟସିଂହ ଦେବ ତିନି ରଥରେ ରାଜନୀତି ସହ ଛେରା ପହଁରା ନୀତି ସମ୍ପନ୍ନ କରିବେ ଅପରାହ୍ନ ୨ଟା ସୁଦ୍ଧା । ଏହି ନୀତି ପରେପରେ ଅପରାହ୍ନ ୩ଟାରୁ ରଥ ଟାଣିବା ପାଇଁ ଶ୍ରୀ ମନ୍ଦିର ପ୍ରଶାସନ ନୀତି ନିର୍ଘଣ୍ଟ ଚୁଡାନ୍ତ କରିଛି ।

Share in top social networks!

CM Naveen Patnaik reviews preparation for world famous Ratha Yatra at Puri

rath-yatra-cmPuri: Chief Minister Naveen Patnaik today reviews preparation for world famous Ratha Yatra at the last co-ordination committee meeting at Puri.

Patnaik has reviewed all the necessary preparations, including provision of power, water, essential commodities, health services and tourist shelter facilities, observance of daily rituals of the Lord, the ongoing construction of the three chariots and security arrangements for the July 10 Rath Yatra.

He discussed the issue in presence of the local MP, MLA and servitors.Others who were presented at the meeting included Law Minister Maheswar Mohanty, Health Minister Dr. Damodar Rout, Urban Development Minister Devi Prasad Mishra, Puri Municipality chairperson Shantilata Pradhan, local MP Pinaki Mishra, Development Commissioner JK Mohapatra, Temple Chief Administrator and RDC Arabinda Padhee, District Magistrate, Additional DGP, IGP (Intelligence) and district Superintendent of Police Anup Sahu, besides servitors’ representatives.
- See more at: http://www.orissadiary.com/CurrentNews.asp?id=42114#sthash.uJwZYMDx.dpuf

Share in top social networks!

ରଥଯାତ୍ରା ଉପଲକ୍ଷେ ଆଠଗୋଟି ଟୋଲ ଗେଟରୁ ଟିକସ ଆଦାୟ ବନ୍ଦ କରାଯିବ

tollgateଆଗାମୀ ରଥଯାତ୍ରାକୁ ଦୃଷ୍ଟିରେ ରଖି ପୁରୀକୁ ଯାଉଥିବା ଆଠ ଗୋଟି ରାସ୍ତାରେ ଥିବା ପୂର୍ତ୍ତ ବିଭାଗର ଟୋଲ ଗେଟରୁ ଟିକସ ଆଦାୟ ବନ୍ଦ କରିବା ପାଇଁ ରାଜ୍ୟ ସରକାର ନିର୍ଦ୍ଦେଶ ଦେଇଛନ୍ତି । ଏହି ଟୋଲ ଗେଟ ଆଦାୟ କେନ୍ଦ୍ର ଗୁଡିକ ହେଲା (୧) ଯମୁନା କୁଦଠାରେ ନୂଆ ଜଗନ୍ନାଥ ସଡକ (୨) ବ୍ରହ୍ମଗିରି –ସାତପଡା ରାସ୍ତାର ଦହିଖିଆ (୩) ନିମାପଡା-କୋଣାର୍କ ରାସ୍ତାର ବାୟାକୁଦ (୪) ବାଳିଘାଇ-ଗୋପରାସ୍ତାର ଗଣେଶ୍ଵରପୁର (୫) ପୁରୀ-କୋଣାର୍କ ମେରାଇନ ଡ୍ରାଇଭ ରାସ୍ତାର ଟିକିନିଆ (୬) ପୁରୀ-ବ୍ରହ୍ମଗିରି ରାସ୍ତାର ହଳଦିଆ (୭) ନବକଳେବର ରାସ୍ତାର ନୂଆପାଟଣା ଏବଂ (୮) ପୁରୀ-କୋଣାର୍କ ରାସ୍ତାର ବାଲିଘାଇ । ଜୁଲାଇ ୧୦ ତାରିଖ ରଥଯାତ୍ରା,ଜୁଲାଇ ୧୮ ବାହୁଡା ଯାତ୍ରା ଏବଂ ଜୁଲାଇ ୧୯ ତାରିଖ ସୁନାବେଶ,ଏହି ତିନି ଦିନ ପାଇଁ ଉପରୋକ୍ତ ଟୋଲ ଗେଟ ରୁ ଟିକସ ଆଦାୟ ବନ୍ଦ ରହିବ ।

Share in top social networks!

ପୁରୀ ସେବାୟତମାନଙ୍କ ସହ ସଚିବାଳୟରେ ଆଲୋଚନା

odsecretariatଆଜି ସଚିବାଳୟସ୍ଥ ସଂସ୍କୃତି ମନ୍ତ୍ରୀଙ୍କ ପ୍ରକୋଷ୍ଠରେ ପୁରୀ ସେବାୟତମାନକର ବିଭିନ୍ନ ସମସ୍ୟା ସମ୍ପର୍କରେ ଏକ ଆଲୋଚନା ହୋଇଯାଇଛି । ପର୍ଯ୍ୟଟନ,ସଂସ୍କୃତି,ଯୋଜନା ଓ ସମନ୍ଵୟ ଏବଂ ଆଇନ ମନ୍ତ୍ରୀ ଶ୍ରୀଯୁକ୍ତ ମହେସବା ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ଆଲୋଚନାରେ ପୁରୀରୁ ଆସିଥିବା ୩୦ ଜଣ ସେବାୟତ ଅଂଶଗ୍ରହଣ କରିଥିଲେ । ଏହି ବୈଠକରେ ମୁଖ୍ୟତଃ ଅମୃତ ମଣୋହୀ,ସେବାୟତମାନଙ୍କ ଜମିଜମା ସମସ୍ୟା,ସେମାନଙ୍କ ପିଲାମାନଙ୍କ ଉଚ୍ଚଶିକ୍ଷା,୬୦ ବର୍ଷରୁ ଊର୍ଦ୍ଧ୍ଵ ସେବାୟତଙ୍କ ପାଇଁ ପେନସନ ବ୍ୟବସ୍ଥା,ବୀମାଭୁକ୍ତ କରିବା ଇତ୍ଯାଦ ସମ୍ପର୍କରେ ଆଲୋଚନା ହୋଇଥିଲା ।

ମନ୍ତ୍ରୀ ଶ୍ରୀଯୁକ୍ତ ମହାନ୍ତି ସରକାର ସେମାନଙ୍କ ସମସ୍ୟାଗୁଡ଼ିକର ସୁବିଚାର କରି ପଦକ୍ଷେପ ନିଆଯିବ ବୋଲି କହିଥିଲେ । ଆସନ୍ତା ରାହାଯାତ୍ରା ସମୟରେ ସେବାୟତମାନଙ୍କ ଠାରୁ ସମସ୍ତ ସହଯୋଗ କାମନା କରାଯାଇଥିଲା । ମୁଖ୍ୟଶାସନ ସଚିବ ଶ୍ରୀଯୁକ୍ତ ବିଜୟ କୁମାର ପଟ୍ଟନାୟକ,ଉନ୍ନୟନ ସଚିବ ଶ୍ରୀଯୁକ୍ତ ଯୁଗଳ କିଶୋର ମହାପାତ୍ର,ରାଜସ୍ୱ ପ୍ରମୁଖ ଶାସନ ସଚିବ ଶ୍ରୀଯୁକ୍ତ ତାରା ଦତ୍ତ,ଆଇନ ବିଭାଗ ସଚିବ ଶ୍ରୀଯୁକ୍ତ ଶତ୍ରୁଘ୍ନ ପୂଜାରୀ,କେନ୍ଦ୍ରାଞ୍ଚଳ ରାଜସ୍ୱ ଆୟୁକ୍ତ ତଥା ଶ୍ରୀମନ୍ଦିରର ମୁଖ୍ୟ ପ୍ରଶାସକ ଶ୍ରୀଯୁକ୍ତ ଅରବିନ୍ଦ ପାଢୀ,ପ୍ରଶାସକ ଶ୍ରୀ ପି.କେ.ହୋତା ଏହି ଆଲୋଚନାରେ ଅଂଶଗ୍ରହଣ କରି ସେମାନଙ୍କର ସୁଚିନ୍ତିତ ମତାମତ ଦେଇଥିଲେ । ସେବାୟତ ମାନଙ୍କ ପକ୍ଷରୁ ଶ୍ରୀ ମହାବୀର ପତିହାରୀ,ଦାମୋଦର ମହାସୁଆର,ଶ୍ରୀ ରାମଦାସ ମହାପାତ୍ର ଓ ରଜତ ପତିହାରୀ ପ୍ରତିନିଧିତ୍ଵ କରି ସେମାନଙ୍କର ବିଭିନ୍ନ ସମସ୍ୟା ଉପସ୍ଥାପନ କରିଥିଲେ ।

Share in top social networks!

ବିଶ୍ଵବିଦିତ ପୁରୀ ରଥଯାତ୍ରା

ରଥଯାତ୍ରା ଜଗନ୍ନାଥଙ୍କର ଏକ ପ୍ରମୁଖ ବାର୍ଷିକ ଉତ୍ସବ ଯାହାକି ପୁରୀଠାରେ ଜଗନ୍ନାଥ ମନ୍ଦିରରେ ତଥା ବିଶ୍ଵର ବାକି ଅନେକ ଜାଗାରେ ପାଳନ କରାଯାଏ ।

ପୁରୀର ଜଗନ୍ନାଥ, ବଳଭଦ୍ର ଓ ସୁଭଦ୍ରା ତିନିଗୋଟି ରଥରେ ପୁଷ୍ୟାନକ୍ଷତ୍ରଯୁକ୍ତ ଆଷାଢ଼ ଶୁକ୍ଳ ଦ୍ଵିତୀୟା ଦିନ ବିଜେ କରି ଗୁଣ୍ଡିଚା ମନ୍ଦିରକୁ ଯାଇ ସେଠାରେ ସପ୍ତାହକାଳ ଅବସ୍ଥାନ କରି ଦଶମୀ ଦିନ ସେଠାରୁ ବଡ଼ଦେଉଳକୁ ଆସିଥାନ୍ତି । ଗୁଣ୍ଡିଚା ମନ୍ଦିରକୁ ଯିବା ଦିନକୁ “ରଥଯାତ୍ରା” ବା “ଗୁଣ୍ଡିଚା ଯାତ” ଓ ଫେରିବା ଦିନକୁ “ବାହୁଡ଼ା ଯାତ୍ରା ବା ବାହୁଡ଼ା ଯାତ” ବୋଲି କୁହାଯାଏ ।
ପରମ୍ପରା ଅନୁସାରେ ଘୋଷଯାତ୍ରାର ଆଗେ ଆଗେ ବଡ଼ଭାଇ ବଳଭଦ୍ରଙ୍କ ରଥ ‘ତାଳଧ୍ଵଜ’ ଯାଏ । ତାଙ୍କ ପଛେ ପଛେ ଦେବୀ ସୁଭଦ୍ରାଙ୍କ ‘ଦର୍ପଦଳନ’ ଓ ସର୍ବଶେଷରେ ମହାପ୍ରଭୁ ଶ୍ରୀଜଗନ୍ନାଥଙ୍କ ‘ନନ୍ଦିଘୋଷ’ ଗୁଣ୍ଡିଚା ମନ୍ଦିର ଅଭିମୁଖେ ଯାତ୍ରା କରନ୍ତି ।
ବିଭିନ୍ନ ମତରେ ରଥଯାତ୍ରାର ୮ଟି ଅଙ୍ଗ ରହିଛି, ଯାହାକୁ ଅଷ୍ଟାଙ୍ଗ ବିଧି କୁହାଯାଏ । ୧. ସ୍ନାନ ଉତ୍ସବ, ୨. ଅନବସର, ୩. ନେତ୍ରୋତ୍ସବ, ୪. ଶ୍ରୀଗୁଣ୍ଡିଚା, ୫. ହେରାପଞ୍ଚମୀ, ୬. ଆଡ଼ପ ପର୍ବ, ୭. ବାହୁଡ଼ାଯାତ୍ରା ଓ ୮. ନୀଳାଦ୍ରିବିଜେ । ପୁନଶ୍ଚ ରଥଯାତ୍ରା ୫ ଭାଗରେ ବିଭକ୍ତ। ଯଥା ୧. ଅନ୍ତର୍ବେଦୀ, ୨. ମହାବେଦୀ ମହୋତ୍ସବ, ୩. ଆଡ଼ପ ଉତ୍ସବ, ୪. ଦକ୍ଷିଣାମୁଖୀ ଉତ୍ସବ ଓ ୫. ନୀଳାଦ୍ରି ବିଜୟ । ଏହାକୁ ‘ଗୁଣ୍ଡିଚା ପଞ୍ଚକ’ କୁହଯାଏ ।

ପରମ୍ପରା ଅନୁସାରେ ପୁରୀରେ ପ୍ରତିବର୍ଷ ସମ୍ପୁର୍ଣ୍ଣ ଭାବେ ନୂଆ କାଠରେ ରଥ ତିଆରି ହୋଇଥାଏ । କିନ୍ତୁ ସାରଥି, ଘୋଡ଼ା, ପାର୍ଶ୍ବ ଦେବଦେବୀ, ସଖୀ ଆଦିମୂର୍ତ୍ତି ଗୁଡ଼ିକ ପ୍ରତ୍ୟେକ ନବକଳେବର ବର୍ଷ ନୂତନ ଭାବରେ ନିର୍ମାଣ କରାଯାଇଥାଏ । ସେଗୁଡ଼ିକ ପ୍ରତ୍ୟେକ ରଥଯାତ୍ରା ସମୟରେ ଆବଶ୍ୟକୀୟ ମରାମତି ସହିତ ରଙ୍ଗ କରାଯାଇ ରଥ ଗୁଡ଼ିକରେ ଖଞ୍ଜା ଯାଇଥାଏ । ପ୍ରତିବର୍ଷ ରଥଯାତ୍ରା ପରେ ରଥଗୁଡ଼ିକୁ ଭାଙ୍ଗି ଦିଆଯାଏ ।

ପ୍ରତିବର୍ଷ ପୁରୀ ବଡ଼ଦାଣ୍ଡରେ ଥିବା ଶ୍ରୀନଅର ସମ୍ମୁଖସ୍ତ ରଥଖଳାଠାରେ ଶ୍ରୀଜଗନ୍ନାଥଙ୍କର ଏହି ବିଶ୍ବବିଦିତ ରଥଯାତ୍ରା ନିମନ୍ତେ ତିନିରଥର ନିର୍ମାଣ କାର୍ଯ୍ୟ ସଂପନ୍ନ ହୋଇଥାଏ । ଶ୍ରୀଜଗନ୍ନାଥଙ୍କ ରଥଯାତ୍ରାର ପାରମ୍ପରିକ ବିଧି ଓ ରଥନିର୍ମାଣର ଶାସ୍ତ୍ରସମ୍ମତ ଧାରାକୁ ଲକ୍ଷ୍ୟ କଲେ ବ୍ୟାପାରଟି କେତେ ଜଟିଳ ଅଥଚ କେତେ ସୁସମନ୍ବିତ ତାହା ହୃଦ୍‌ବୋଧ ହୁଏ । ବହୁ ପୁରାତନ କାଳରୁ ଏ ସମ୍ପର୍କିତ ବିଭିନ୍ନ କାର୍ଯ୍ୟ ପାଇଁ ସମୟ ନିର୍ଦ୍ଧାରିତ ହୋଇଛି, ତଦନୁସାରେ ସମସ୍ତ କାର୍ଯ୍ୟ ସୁସଂପନ୍ନ ହୋଇଥାଏ । ଉଦାହରଣ ସ୍ଵରୂପ, ମାଘ ଶୁକ୍ଳ ପଞ୍ଚମୀ ବା ଶ୍ରୀପଞ୍ଚମୀ ଦିନଟି ହେଉଛି ଶ୍ରୀଜଗନ୍ନାଥଙ୍କ ରଥ ନିର୍ମାଣ ପାଇଁ କାଠ ଆସିବାର ଶୁଭାରମ୍ଭ ଦିବସ । ବୈଶାଖ ଶୁକ୍ଳ ତୃତୀୟା ବା ଅକ୍ଷୟ ତୃତୀୟା ଦିନଟି ହେଉଛି ରଥ ନିର୍ମାଣର ଶୁଭ ଅନୁକୁଳ । ସେହିପରି ରାମନବମୀ ଦିନ ଦ୍ଵିତୀୟ ପର୍ଯ୍ୟାୟ କାଠ ଚିରଟ, ନୃସିଂହ ଚତୁର୍ଦ୍ଦଶୀ ଦିନ ରଥଗୁଜ ନିର୍ମାଣ, ଭଉଁରୀ ଦିନ ଚକ ଡେରା ଓ ସ୍ନାନ ପୂର୍ଣ୍ଣମୀ ଦିନ ରଥର ଚାରି ନାହାକା ଲଗା ହୋଇଥାଏ ।
ରଥ ନିର୍ମାଣର ପରମ୍ପରା ବଡ଼ ନିଆରା, ପ୍ରଥମେ ବଡ଼ଠାକୁରଙ୍କ ରଥ କାମ ଆରମ୍ଭ କରାଯାଉଥିବା ବେଳେ ପ୍ରଥମେ ଦେବୀ ରଥର ଚକ ନିର୍ମାଣ ହୁଏ । ଏହା ପଛରେ ପାରମ୍ପରିକ ମତାମତ ନଥିଲେ ମଧ୍ୟ ବୈଷୟିକ ମତ ରହିଛି । ରଥର ଚକ ଫାସୀ କାଠରେ ନିର୍ମାଣ ହୋଇଥାଏ । ପରମ୍ପରା ଦୃଷ୍ଟିରୁ ଦେବୀରଥର ଚକ ସବୁଠାରୁ ବଡ଼ (୧୨ ଟି ଚକ ମଧ୍ୟରୁ ପ୍ରତ୍ୟେକ ଚକର ଉଚ୍ଚତା ୬ ଫୁଟ ୮ ଇଞ୍ଚ) ।
ନେତ୍ରୋତ୍ସବ ବା ଶ୍ରୀଗୁଣ୍ଡିଚାର ପୂର୍ବଦିନ ରଥଖଳାରୁ ତିନି ରଥକୁ ଟାଣି ନିଆଯାଇ ସିଂହଦ୍ଵାର ସମ୍ମୁଖରେ ଉତ୍ତରମୁଖ କରି ରଖାଯାଏ ୤ ତିନିରଥ ରଥଖଳା ଠାରୁ ଟଣାହୋଇ ଶ୍ରୀମନ୍ଦିର ସମ୍ମୁଖକୁ ଆସିବା ସମୟରେ ପ୍ରଥମେ ନନ୍ଦିଘୋଷ ଟଣାଯାଉଥିବା ବେଳେ ଶ୍ରୀଗୁଣ୍ଡିଚା ଯାତ୍ରାରେ ପ୍ରଥମେ ତାଳଧ୍ଵଜ ଏବଂ ଦକ୍ଷିଣ ମୋଡ଼ ସମୟରେ ପ୍ରଥମେ ଦର୍ପଦଳନ ରଥକୁ ଟଣାଯିବାର ବିଧି ରହିଛି ୤

ନନ୍ଦିଘୋଷ

ନନ୍ଦିଘୋଷ ରଥ, ୨୦୦୭ର ରଥଯାତ୍ରା
‘ନନ୍ଦିଘୋଷ’ ବା ‘ଗରୁଡ଼ଧ୍ଵଜ’ ବା ‘କପିଳଧ୍ଵଜ’ ରଥରେ ଜଗନ୍ନାଥଙ୍କ ସହ ମଦନମୋହନ ବିଜେ କରନ୍ତି ।
ମୋଟ ୭୪୨ଖଣ୍ଡ କାଠରେ ତିଆରି ଏହି ରଥର ଉଚ୍ଚତା ୪୫ଫୁଟ ୬ ଇଞ୍ଚ ଅଟେ ।
ଏହି ରଥରେ ୧୬ ଟି ଚକ (ବିଷ୍ଣୁସିଦ୍ଧ, ବିଭୂତି, ଅଣିମା, ପ୍ରଜ୍ଞା, ଧୀ, ଜ୍ଞାନ, ପ୍ରେମ, ଆଶକ୍ତ, ରତି, କେଳି, ସତ୍ୟ, ସୁଷ୍ବସ୍ତି, ଜାଗୃତି, ତୁରୀୟ, ଆମ, ନିର୍ବାଣ) ସଂଯୁକ୍ତ ହୋଇଥାଏ । ପ୍ରତ୍ୟେକ ଚକର ଉଚ୍ଚତା ୬ ଫୁଟ ।
ସାରଥି: ମାତଳୀ ।
ରଥର ଦଉଡ଼ି: ଶଙ୍ଖଚୂଡ଼ ।
ପରମ୍ପରା ମୁତାବକ ଧଳାରଙ୍ଗର ଚାରୋଟି ଘୋଡ଼ା (ଶଙ୍ଖ, ବଳାହକ, ଶ୍ଵେତ ଓ ହରିଦ୍ଵାଶ) ସ୍ଥାପନ କରାଯାଏ ।
ଏହାର ପତାକା ଗରୁଡ଼ ଚିହ୍ନାଙ୍କିତ ।
ଧ୍ଵଜପମୂର୍ତ୍ତି: ପଞ୍ଚମୁଖୀ ହନୁମାନ ।
ନାଲି ଓ ହଳଦିଆ ରଙ୍ଗର କପଡ଼ା ରେ ରଥାବରଣ କରାଯାଏ ।
ନନ୍ଦିଘୋଷରେ ହରିହର, ପଣ୍ଡୁ ନୃସିଂହ, ଗିରିଧର, ଷଡ଼ଭୁଜ ଚିନ୍ତାମଣି କୃଷ୍ଣ, ଚତୁର୍ଭୁଜ ନାରାୟଣ, ସପ୍ତଫେଣ ସର୍ପରେ ଆସୀନ ମଧୁସୂଦନ ବା ବିଷ୍ଣୁ, ଲକ୍ଷ୍ମଣ, ପଞ୍ଚମୁଖୀ ମହାବୀର ପାର୍ଶ୍ଵଦେବ/ଦେବୀ ଭାବେ ଅବସ୍ଥାନ କରିଥାନ୍ତି ।
ତାଳଧ୍ଵଜ
‘ତାଳଧ୍ବଜ’ ବା ‘ଲଙ୍ଗଳ ଧ୍ଵଜ’ ରଥରେ ବଳଭଦ୍ରଙ୍କ ସହ ରାମକୃଷ୍ଣ ବିଜେ କରନ୍ତି।
ମୋଟ ୭୩୧ଖଣ୍ଡ କାଠରେ ତିଆରି ଏହି ରଥର ଉଚ୍ଚତା ୪୫ଫୁଟ ଅଟେ ।
ଏହି ରଥରେ ୧୪ ଟି ଚକ ସଂଯୁକ୍ତ ହୋଇଥାଏ । ପ୍ରତ୍ୟେକ ଚକର ଉଚ୍ଚତା ୬ ଫୁଟ ୬ ଇଞ୍ଚ।
ଦଧିନଉତି: ହିରଣ୍ମୟୀ
ସାରଥି: ଦାରୁକ ।
ରଥର ଦଉଡ଼ି: ବାସୁକୀ |
ପରମ୍ପରା ମୁତାବକ କଳା ରଙ୍ଗର ଚାରୋଟି ଘୋଡ଼ା ଘୋଡ଼ା (ଶଙ୍ଖ, ସୁଚିତ୍ର, ଅଙ୍ଗଦ, ମେଘନାଦ) ସ୍ଥାପନ କରାଯାଏ ।
ଧ୍ବଜପମୂର୍ତ୍ତି: ଲକ୍ଷ୍ମୀନୃସିଂହ ।
ନାଲି ଓ ସବୁଜ ରଙ୍ଗର କପଡ଼ା ରେ ରଥାବରଣ କରାଯାଏ ।
ତାଳଧ୍ବଜ ରଥରେ ମହାଦେବ, ବାଇଶିଭୁଜ ନୃସିଂହ, ବଳରାମ, ନୃତ୍ୟ ଗଣପତି, ଲକ୍ଷ୍ମଣଙ୍କୁ ବହନ କରିଥିବା ଅଙ୍ଗଦ, ନାଟାମ୍ବର (ବୃଷଭ ଉପରେ ନୃତ୍ୟରତ ଶିବ), କାର୍ତ୍ତିକେଶ୍ଵର, ମଧୁକୈଟବଙ୍କ ସହ ବିଷ୍ଣୁଙ୍କ ଯୁଦ୍ଧ, ଅନନ୍ତବାସୁଦେବ ପାର୍ଶ୍ଵବଦେବ/ଦେବୀ ଭାବେ ଅବସ୍ଥାନ କରିଥାନ୍ତି ।
ଦର୍ପଦଳନ
‘ଦର୍ପଦଳନ’ ବା ‘ପଦ୍ମଧ୍ଵଜ’ ବା ‘ଦେବଦଳନ’ ରଥରେ ସୁଭଦ୍ରାଙ୍କ ସହ ଶ୍ରୀସୁଦର୍ଶନ ବିଜେ କରନ୍ତି ।
ମୋଟ ୭୧୧ଖଣ୍ଡ କାଠରେ ତିଆରି ଏହି ରଥର ଉଚ୍ଚତା ୪୪ଫୁଟ ୬ ଇଞ୍ଚ ଅଟେ ।
ଏହି ରଥରେ ୧୨ ଟି ଚକ ସଂଯୁକ୍ତ ହୋଇଥାଏ । ପ୍ରତ୍ୟେକ ଚକର ଉଚ୍ଚତା ୬ ଫୁଟ ୮ ଇଞ୍ଚ।
ସାରଥି: ଅର୍ଜୁନ ।
ରଥର ଦଉଡ଼ି: ସ୍ଵର୍ଣ୍ଣଚୂଡ଼ ।
ଧ୍ବଜପମୂର୍ତ୍ତି: ଜୟଦୁର୍ଗା ।
ପରମ୍ପରା ମୁତାବକ ନାଲି ଚାରୋଟି ଘୋଡ଼ା (ରୋଚିକା, ମୋଚିକା, ଜିତା, ଅପରାଜିତା) ସ୍ଥାପନ କରାଯାଏ ।
ନାଲି ଓ କଳା ରଙ୍ଗର କପଡ଼ା ରେ ରଥାବରଣ କରାଯାଏ ।
ଦର୍ପଦଳନରେ ବିମଳା, ମଙ୍ଗଳା, ବାରାହୀ, ଭଦ୍ରକାଳୀ(ଶବରୂଢ଼ା ଚତୁର୍ଭୁଜା), ବନଦୁର୍ଗା ବା କଣ୍ଟକାଢ଼ି, କାତ୍ୟାୟନୀ (ଅଷ୍ଟଭୁଜା ଦୁର୍ଗା), ହରଚଣ୍ଡୀ, ରାମଚଣ୍ଡୀ (ଅଷ୍ଟଭୁଜା ଓ ବାମହାତ କାଣି ଆଙ୍ଗୁଠିକୁ ପାଟିରେ ଚୁଚୁମିଛନ୍ତି), ଅଘୋରା ପାର୍ଶ୍ଵଦେବ/ଦେବୀ ଭାବେ ଅବସ୍ଥାନ କରିଥାନ୍ତି ।
ଶ୍ରୀଜଗନ୍ନାଥଙ୍କ ରଥର ୧୬ ଚକ ଷୋଳକଳାର, ବଳଭଦ୍ରଙ୍କର ୧୪ ଚକ ଚତୁର୍ଦ୍ଦଶ ମନ୍ୱନ୍ତରର ଓ ସୁଭଦ୍ରାଙ୍କ ୧୨ ଚକ ବାରମାସର ଦୃଷ୍ଟି ଆକର୍ଷଣ କରିଥାଏ । ତିନି ରଥର ଦଧିନଉତି : ହିରଣ୍ୟଗର୍ଭ, ହିରଣ୍ମୟୀ, ଭୁବନକୋଷ। ଏହି ତିନି ଦଧିନଉତି ଉପରେ ମୋଟ ୯ଟି ପିତଳ କଳସ (ନଭ, ଆକାଶ, ବ୍ୟୋମ, ପରା, ଅପରା, ବୈଖାରୀ, ଚନ୍ଦ୍ର, ସୂର୍ଯ୍ୟ, ବିଦ୍ୟୁତ) ସ୍ଥାପନ କରାଯାଏ ।

ଶ୍ରୀଗୁଣ୍ଡିଚାଦିନ ସକାଳେ ଅନୁଷ୍ଠିତ ହୁଏ ରଥର ପ୍ରତିଷ୍ଠା ରୀତି ୤ ସକାଳେ ଶ୍ରୀମନ୍ଦିର ପରିସରର ଦକ୍ଷିଣ ପୂର୍ବ କୋଣରେ ଥିବା ଚାହାଁଣି ମଣ୍ଡପ ପାର୍ଶ୍ଵରେ ବ୍ରାହ୍ମଣମାନେ ହୋମ ଜଜ୍ଞାନୁଷ୍ଠାନ କରନ୍ତି ୤ ହୋମରେ ପୂଜା ପାଆନ୍ତି ବିଶ୍ଵକର୍ମାମାନଙ୍କ ଦ୍ଵାରା କାଠରେ ନିର୍ମିତ ଲକ୍ଷ୍ମୀନୃସିଂହ, ହନୁମାନ ଓ ଜୟଦୁର୍ଗା ୤ ହୋମ ଶେଷରେ ନନ୍ଦିଘୋଷରେ ହନୁମାନ, ତାଳଧ୍ଵଜରେ ଲକ୍ଷ୍ମୀନୃସିଂହ ଓ ଦର୍ପଦଳନରେ ଜୟଦୁର୍ଗା ପିତୁଳା ତ୍ରୟଙ୍କୁ ମହାରଣା ମାନେ ଦଧିନଉତି ଶୀର୍ଷରେ ସ୍ଥାପନ କରନ୍ତି ୤ ହୋମର ମନ୍ତ୍ରପୂତ ଜଳ ରଥ ଚାରିପଟେ ସିଞ୍ଚନ କରାଯାଏ ୤

ଜଗନ୍ନାଥଙ୍କ ପହଣ୍ଡି
ଶ୍ରୀମନ୍ଦିର ଅଭ୍ୟନ୍ତର ରତ୍ନବେଦୀରୁ ରଥ ଉପର ପର୍ଯ୍ୟନ୍ତ ଶ୍ରୀଜୀଉମାନଙ୍କ ବିଶାଳ ବିଗ୍ରହ ଗୁଡ଼ିକୁ ଟେକି ଟେକି ନେବା ସମ୍ଭବ ନୁହେଁ ୤ ତେଣୁ ଦଇତାପତି ସେବକମାନେ ଦଳବଦ୍ଧ ଭାବରେ ନିଜ ଭିତରେ ସମନ୍ଵୟ ରଖି ଏହି ବିଗ୍ରହ ଗୁଡ଼ିକୁ ନଚେଇ ନଚେଇ, ଝୁଲେଇ ଝୁଲେଇ ଏକପ୍ରକାର ଘୋଷାଡ଼ି ଘୋଷାଡ଼ି ନେଇଥାନ୍ତି ୤ ଏହାକୁ ମନ୍ଦିର ଭାଷାରେ ପହଣ୍ଡି ବିଜେ କୁହାଯାଏ ୤ ପହଣ୍ଡି ଦୁଇପ୍ରକାର ଯଥା:
ଗୋଟି ପହଣ୍ଡି
ପ୍ରଥମେ ସୁଦର୍ଶନ, ପରେ ଶ୍ରୀବଳଭଦ୍ର, ତତ୍ପରେ ଦେବୀ ସୁଭଦ୍ରା ଓ ସର୍ବ ଶେଷରେ ଶ୍ରୀଜଗନ୍ନାଥଙ୍କୁ ପୃଥକ ପୃଥକ କରି ପହଣ୍ଡି ବିଜେ କରାଇ ରଥ ଉପରକୁ ନେବା
ଧାଡ଼ି ପହଣ୍ଡି
ସମୟରେ ସ୍ଵଳ୍ପତା ଦୃଷ୍ଟିରେ ଆଗପଛ କରି ପ୍ରଥମେ ସୁଦର୍ଶନ, ପରେ ଶ୍ରୀବଳଭଦ୍ର ତତ୍ପରେ ଦେବୀ ସୁଭଦ୍ରା ଓ ସର୍ବଶେଷରେ ଶ୍ରୀଜଗନ୍ନାଥଙ୍କୁ ଦେଉଳମଧ୍ୟରୁ ନେଇ ସେମାନଙ୍କୁ ଏକା ଧାଡ଼ିରେ ଚଳାଇ ରଥ ଉପରକୁ ନେବା ୤
ଶ୍ରୀଜୀଉମାନଙ୍କ ଯାତ୍ରା ଆରମ୍ଭରେ ସବୁବେଳେ ଧାଡ଼ି ପହଣ୍ଡିରେ ହେଉଥିବା ବେଳେ ଯାତ୍ରା ଶେଷ କରି ଫେରିବା ବେଳେ ଗୋଟି ପହଣ୍ଡି କରାଯାଇଥାଏ ।
ବର୍ଷକରେ ଶ୍ରୀଜୀଉମାନେ ଛଅଥର ପହଣ୍ଡି ହୁଅନ୍ତି ୤
ସ୍ନାନଯାତ୍ରା ପାଇଁ ସ୍ନାନବେଦୀକୁ ପହଣ୍ଡିରେ ବିଜେ କରନ୍ତି । (ଧାଡ଼ି ପହଣ୍ଡି)
ସ୍ନାନବେଦୀରୁ ଅଣସରକୁ ପହଣ୍ଡି ହୋଇ ଯାଆନ୍ତି ୤ (ଗୋଟି ପହଣ୍ଡି)
ଶ୍ରୀଗୁଣ୍ଡିଚା ଦିନ ଗର୍ଭଗୃହରୁ ପିଣ୍ଡିରୁ ପହଣ୍ଡି ହୋଇ ରଥକୁ ବିଜେ କରନ୍ତି୤ । (ଧାଡ଼ି ପହଣ୍ଡି)
ରଥ ଗୁଣ୍ଡିଚା ମନ୍ଦିରରେ ପହଞ୍ଚିବା ପରେ ରଥରୁ ପହଣ୍ଡି ହୋଇ ଆଡ଼ପମଣ୍ଡପକୁ ବିଜେ କରନ୍ତି ୤ (ଗୋଟି ପହଣ୍ଡି)
ବାହୁଡ଼ାଦିନ ଯଜ୍ଞବେଦୀରୁ ପହଣ୍ଡି ହୋଇ ରଥାରୂଢ଼ ହୁଅନ୍ତି୤ (ଧାଡ଼ି ପହଣ୍ଡି)
ନୀଳାଦ୍ରିବିଜେ ଦିନ ରଥରୁ ଓହ୍ଲାଇ ରତ୍ନସିଂହାସନକୁ ପହଣ୍ଡି ବିଜେ କରନ୍ତି୤ (ଗୋଟି ପହଣ୍ଡି)
ଶ୍ରୀମନ୍ଦିର ପରମ୍ପରା ମୁତାବକ ପହଣ୍ଡି ଆରମ୍ଭ ପୂର୍ବରୁ ମଙ୍ଗଳାର୍ପଣ କରାଯାଏ ୤ ବଡ଼ଠାକୁରଙ୍କ ମଙ୍ଗଳାର୍ପଣ ମୁଦିରସ୍ତ କରୁଥିବା ବେଳେ ଦେବୀ ସୁଭଦ୍ରାଙ୍କ ମଙ୍ଗଳାର୍ପଣ ପତି ମହାପାତ୍ର ଓ ଶ୍ରୀଜଗନ୍ନାଥଙ୍କ ମଙ୍ଗଳାର୍ପଣ ପୂଜାପଣ୍ଡାମାନେ କରିଥାଆନ୍ତି ୤ ମୁଦିରସ୍ତ ତିନିବାଡ଼ରେ ଡୋରଲାଗି, ପୁଷ୍ପାଞ୍ଜଳି ଓ ତୂଳି ଲାଗି କରିବା ପରେ ପୁଷ୍ପାଞ୍ଜଳି କରାଯାଏ ୤ ଦଇତାପତିମାନେ ନିଜତ ଅଣ୍ଟା ପିଠି ଆଦିକୁ ୩୨ହାତ ଲମ୍ବ ବସ୍ତ୍ରରେ ଗୁଡ଼ାଇ ଠାକୁରମାନଙ୍କ ରୁନ୍ଧା (ବାନ୍ଧିବା) ଫିଟାନ୍ତି ୤ ରୁନ୍ଧା ଫିଟିବାପରେ ବିଜେ କାହାଳୀ ବାଜିଉଠେ ୤ ବିଜେ କାହାଳୀ ବାଜିବାପରେ ପହଣ୍ଡିପାଇଁ ଆଜ୍ଞାମାଳ ମିଳିଥାଏ ଓ ଘଣ୍ଟୁଆ, କାହାଳୀଆ, ବଜନ୍ତରୀ, ଓଲାର, ଛତାର ପ୍ରମୁଖ ସେବକମାନେ ପ୍ରସ୍ତୁତ ହୋଇଯାଆନ୍ତି୤ ବାଜିଉଠେ ଘଣ୍ଟ, ଘଣ୍ଟା, ମର୍ଦ୍ଦଳ, ପଖଜ, କାହାଳୀ ଓ ଆରମ୍ଭ ହୁଏ ପହଣ୍ଡି ବିଜେ ୤ ପହଣ୍ଡି ଆରମ୍ଭ ହେବା ପୂର୍ବରୁ ଛାମୁ ଖୁଣ୍ଟିଆ ସେବକ ‘ମଣିମା ଶ୍ରୀଅଙ୍ଗକୁ ସାବଧାନ’ ବୋଲି ଡାକି ଆଗେ ଚାଲନ୍ତି ୤ ପରମ୍ପରା ଅନୁସାରେ ପ୍ରଥମେ ସୁଦର୍ଶନ ମହାପ୍ରଭୁଙ୍କ ପହଣ୍ଡି ହୋଇଥାଏ ୤ ରତ୍ନବେଦୀରୁ ଓହ୍ଲାଇ ସୁଦର୍ଶନ ସାତପାହାଚ ନିକଟରେ ପହଞ୍ଚିବା ପରେ ବଡ଼ଠାକୁର ଶ୍ରୀବଳଭଦ୍ରଙ୍କର ରୁନ୍ଧା ଖୋଲାଯାଏ ୤ ବଡ଼ଠାକୁର ଭିତରକାଠ ଅତିକ୍ରମ କରିବା ବେଳକୁ ଦେବୀ ସୁଭଦ୍ରାଙ୍କ ରୁନ୍ଧା ଫିଟାଯାଏ ୤ ବଡ଼ଠାକୁର ସାତପାହାଚ ନିକଟରେ ପହଞ୍ଚିବା ବେଳକୁ ଶ୍ରୀଜଗନ୍ନାଥଙ୍କ ରୁନ୍ଧା ଫିଟାଯାଏ ୤ ଠାକୁରମାନେ ସାତପାହାଚ ନିକଟରେ ପହଞ୍ଚିବା ପରେ ସେଠାରେ ଟାହିଆ ଲାଗି ହୋଇଥାଏ ୤ ପହଣ୍ଡିବେଳେ ପ୍ରଭୁ ସୁଦର୍ଶନ ଓ ଦେବୀ ସୁଭଦ୍ରା କାନ୍ଧରେ ବିଜେ କରୁଥିବା ବେଳେ ବଡ଼ଠାକୁର ବଳଭଦ୍ର ଓ ଶ୍ରୀଜଗନ୍ନାଥ ପହୁଣ୍ଡ ପହୁଣ୍ଡ ଅର୍ଥାତ ଝୁଲି ଝୁଲି ନିଜେ ଚାଲି ଚାଲି ଆସିବା ଭଳି ବିଜେ କରନ୍ତି ୤ ଆଗରେ ଦଇତାପତି, ପୂଜାପଣ୍ଡାମାନେ ଠାକୁରଙ୍କ ପାଟଡୋରକୁ ଧରି ଭିଡ଼ନ୍ତି ଆଉ ପଛପଟେ ସୁଆର, ମହାସୁଆର ମାନେ ପଛ ପାଟଡୋରକୁ ଧରିଥାନ୍ତି ୤ ପ୍ରତିହାରୀମାନେ ପହଣ୍ଡି ସମୟରେ ଶ୍ରୀଅଙ୍ଗର ସୁରକ୍ଷା କରିଥାଆନ୍ତି ୤ ପହଣ୍ଡିବେଳେ କିଏ କେଉଁ ସେବା କରିବ ତାହା ସ୍ଵତନ୍ତ୍ର ଭାବେ ଉଲ୍ଲେଖ ରହିଛି ୤ ସେହି ଅନୁସାରେ ସେବକମାନେ ଶ୍ରୀଜୀଉମାନଙ୍କୁ ପହଣ୍ଡି କରି ଆଣନ୍ତି ୤
ଶ୍ରୀଜୀଉମାନଙ୍କ ପହଣ୍ଡି ସମୟରେ ଶ୍ରୀଜଗନ୍ନାଥ ଓ ଶ୍ରୀବଳଭଦ୍ର ଭୂଇଁକୁ ସ୍ପର୍ଶକରି ଯାଉଥିବାବେଳେ ଦେବୀ ସୁଭଦ୍ରା ଓ ସୁଦର୍ଶନଙ୍କୁ ଦଇତାପତି ମାନେ ଟେକି ଟେକି ନେଇଥାନ୍ତି୤ ଶ୍ରୀଜୀଉମାନଙ୍କୁ ପାଟ ଅଗଣା, ଆନନ୍ଦ ବଜାର, ଭିତର ସିଂହଦ୍ଵାର, ବାଇଶିପାହାଚ, ସିଂହଦ୍ଵାର, ଗୁମୁଟି, ଅରୁଣସ୍ତମ୍ଭ ଦେଇ ରଥ ପର୍ଯ୍ୟନ୍ତ ନିଆଯାଇଥାଏ ।

Share in top social networks!