ବିବିସି ସହ ରେଡିଓ ନମସ୍କାରର ବୁଝାମଣା ସ୍ବାକ୍ଷରିତ

bbc radio namaskarକୋଣାର୍କ (୮-୩-୧୩ )କୋଣାର୍କରେ ଅବସ୍ଥିତ ଓଡିଶାର ପ୍ରଥମ ଗୋଷ୍ଠୀ ବେତାର କେନ୍ଦ୍ର ରେଡିଓ ନମସ୍କାର (୯୦. ୪ ଏଫ୍ ଏମ୍)ଓ ବ୍ରିଟିଶ ବ୍ରଡକାଷ୍ଟିଙ୍ଗ କୋର୍ପୋରେସନ(ବିବିସି)ମଧ୍ୟରେ ବୁଝାମଣା ସ୍ବାକ୍ଷରିତ ହୋଇଛି । ଏଣିକି ଉଭୟ ସଂସ୍ଥା ନିଜ ନିଜ ମଧ୍ୟରେ କାର୍ଯ୍ୟକ୍ରମ ଆଦାନ ପ୍ରଦାନ ସହ ଭାଗିଦାରୀ ଭିତ୍ତିରେ ଗୋଷ୍ଠୀ ଭିତ୍ତିକ ଅନ୍ୟାନ୍ୟ ପଦକ୍ଷେପ ଗ୍ରହଣ କରିବେ ।

ଏସମ୍ପର୍କୀୟ ଏକ ବୁଝାମଣା ପତ୍ରରେ ଆଜି ରେଡିଓ ନମସ୍କାରର ଅଧକ୍ଷ ବାରିଷ୍ଟ ସମାଜ କର୍ମୀ ଏନ୍. ଏ. ଶାହ ଅନସାରୀ ଓ ବିବିସିର ମୁଖ୍ୟ ପରିଚାଳନା ଅଧିକାରୀ ରିଚାର୍ଡ ଥୋମାସ ସ୍ବାକ୍ଷର କରିଛନ୍ତି । ଏହି ବୁଝାମଣା ଅନୁଯାଇ ବିବିସିର ସ୍ପୋର୍ଟସ ଟୁଡେ,ଡିସ୍କୋଭରି,ହେଲଥ ଚେକ୍ ,ସାଇନ୍ସ ଇନ ଆକ୍ସନ ,ୱାର୍ଲ୍ଡ ବୁକ କ୍ଲବ,ଟଫ୍ ଅଫ ଦି ପପ୍ସ,ସ୍ପୋର୍ଟସ ୱାର୍ଲ୍ଡ ପ୍ରଭୃତି କାର୍ଯ୍ୟକ୍ରମ ରେଡିଓ ନମସ୍କାର ରେ ପ୍ରସାରିତ ହେବ ।

ରେଡିଓ ନମସ୍କାର ୨୦୧୦ ଫେବୃଆରୀ ମାସରେ ପ୍ରସାରଣ ସେବା ଆରମ୍ଭ କରି ଏଥି ମଧ୍ୟରେ ୩ ବର୍ଷ ପୂର୍ତ୍ତି ପାଳନ କରିସାରିଛି । ପ୍ରଭାବଶାଳି କାର୍ଯ୍ୟକ୍ରମ ପ୍ରସାରଣ ଓ ଗୋଷ୍ଠୀ ସହଭାଗିତା କ୍ଷେତ୍ରରେ ଉଲ୍ଲେଖନୀୟ ପଦକ୍ଷେପ ନିମନ୍ତେ ଗତ ବର୍ଷ ରେଡିଓ ନମସ୍କାର କେନ୍ଦ୍ର ସୂଚନା ପ୍ରସାରଣ ମନ୍ତ୍ରଣାଳୟ ତରଫରୁ ପ୍ରଥମ ଜାତୀୟ ଗୋଷ୍ଠୀ ବେତାର ସମ୍ମାନ ଲାଭ କରିଛି । ବର୍ତ୍ତମାନ ରେଡିଓ ନମସ୍କାର ଦୈନିକ ୮ ଘନତାର କାର୍ଯ୍ୟକ୍ରମ ପ୍ରସାରଣ କରି ସ୍ଥାନୀୟ ଜନସାଧାରଣରେ ଆଦୃତ ହୋଇପାରିଛି ।

Share in top social networks!