ବହୁଚର୍ଚ୍ଚିତ ରାଷ୍ଟ୍ରପତି ନିର୍ବାଚନର ଫଳାଫଳ ଘୋଷଣା, ପ୍ରଣବ ଦା ନୂଆ ନିର୍ବାଚିତ ରାଷ୍ଟ୍ରପତି

୨୦୧୨ର ବହୁଚର୍ଚ୍ଚିତ ରାଷ୍ଟ୍ରପତି ନିର୍ବାଚନର ଫଳାଫଳ ଆଜି ଘୋଷଣା ହୋଇଛି। ପ୍ରଣବ ମୁଖାର୍ଜୀ ନୂଆ ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି। ଏହି ନିର୍ବାଚନରେ ଦୁଇ ଜଣ ପ୍ରାର୍ଥୀ ପ୍ରଣବ ମୁଖାର୍ଜୀ ଓ ପି॰ଏ॰ ସଙ୍ଗମାଙ୍କ ଭାଗ୍ୟ ଭୋଟ ବାକ୍ସରେ ସିଲ ହୋଇଥିଲା। ଆଜି ଏହାର ଗଣନା କରାଯାଇଥିଲା।

 

 

Share in top social networks!

ରାଷ୍ଟ୍ରପତି ନିର୍ବାଚନ: କ୍ରସ ଭୋଟିଂ ଚିନ୍ତା

ଏଥର ରାଷ୍ଟ୍ରପତି ନିର୍ବାଚନ ମଇଦାନକୁ କଂଗ୍ରେସ ସମର୍ଥନରେ ପ୍ରଣବ ମୁଖାର୍ଜୀ ଓ ବିରୋଧୀଙ୍କ ସମର୍ଥନରେ ପି॰ଏ॰ ସଙ୍ଗମା ଅବତୀର୍ଣ୍ଣ ହୋଇଛନ୍ତି। ଉଭୟ ପ୍ରାର୍ଥୀ ଓଡ଼ିଶା ଆସି ନିଜନିଜର ପ୍ରଚାର ସାରି ଫେରିଯାଇଛନ୍ତି। ଏଥିରେ ଏମପି ଓ ବିଧାୟକମାନେ ଭୋଟ ଦେବେ। ରାଜ୍ୟ ସଭା ଭଳି ଏ ନିର୍ବାଚନରେ ମୁକ୍ତ ଭୋଟଦାନର ବ୍ୟବସ୍ଥା ନାହିଁ। ଏପରି କି ଦଳୀୟ ହୁଇପ କି କୌଣସି ଲିଖିତ ନିର୍ଦ୍ଦେଶନାମା ନିର୍ଦ୍ଦିଷ୍ଟ ପ୍ରାର୍ଥୀଙ୍କୁ ଭୋଟ ଦେବା ପାଇଁ ଜାରି କରାଯାଇପାରିବ ନାହିଁ। କୌଣସି ଦଳ ଏହାକୁ ଉଲ୍ଲଂଘନ କଲେ ଆଇପିସି ଧାରା ୧୭୧ (ସି) ଅନୁସାରେ ଦଣ୍ଡିତ ହେବେ। ଏଥିରେ ଏକବର୍ଷ ଜେଲର ବ୍ୟବସ୍ଥା ରହିଛି। ଓଡ଼ିଶା ବିଧାନସଭାରେ ବିଜେଡିର ୧୦୮, ଭାଜପାର ୬, କଂଗ୍ରେସର ୨୭, ସିପିଆଇର ୧ ଓ ୫ ସ୍ଵାଧୀନ ବିଧାୟକ ଅଛନ୍ତି। ସଙ୍ଗମାଙ୍କୁ ବିଜେଡି ଓ ଭାଜପା ସମର୍ଥନ ଦେଉଛି। ତେବେ ୫ ଜଣ ସ୍ଵାଧୀନ ବିଧାୟକ ସଙ୍ଗମାଙ୍କୁ ସମର୍ଥନ ଦେବେ ବୋଲି ସୂଚନା ମିଳିଛି। ହେଲେ ସିପିଆଇ କାହାକୁ ସମର୍ଥନ କରିବ ଏବେ ସୁଦ୍ଧା ଜଣାପଡ଼ିନି।

ନିର୍ବାଚନରେ ଗୁପ୍ତ ଭୋଟ ସହ ଦଳର ଆଭ୍ୟନ୍ତରୀଣ ବିବାଦ ଥିବାରୁ କ୍ରସ ଭୋଟିଂକୁ ନେଇ ସବୁ ଦଳ ଚିନ୍ତାରେ ଅଛନ୍ତି। କାରଣ କ୍ରସ ଭୋଟିଂ ହେଲେ କିଏ କରିଛି ଜଣାପଡ଼ିବ ନାହିଁ। ତେଣୁ ଏହାକୁ ସୁଯୋଗ ଭାବରେ ଗ୍ରହଣ କରି ଉଭୟ ଦଳର ନେତାମାନେ କିଛିକିଛି ଭୋଟ ଏପଟସେପଟ କରିବା ପାଇଁ ଉଦ୍ୟମ ଚଳାଇଛନ୍ତି।   

 

 

 

 

 

Share in top social networks!