ଆଇଜିସିଏସ୍ ସୌର୍ଯ୍ୟକୁ କୋଷ୍ଟଗାର୍ଡରେ ସାମିଲ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

- ଜଳସୀମା ସୁରକ୍ଷା ସହ ତଟୀୟ ସମ୍ପଦର ସୁରକ୍ଷା ପାଇଁ କୋଷ୍ଟଗାର୍ଡକୁ କଲେ ପ୍ରଶଂସା
- ଯାହାଜରେ ପେଟ୍ରୋଲ ବଦଳରେ ସିଏନ୍ଜି/ଏଲ୍ଏନ୍ଜି ବ୍ୟବହାର ପାଇଁ ଦେଲେ ପ୍ରସ୍ତାବ
ICGS 2
ଭାରତୀୟ ତଟରକ୍ଷୀ ବାହିନୀର ଇଣ୍ଡିଆନ୍ କୋଷ୍ଟଗାର୍ଡ ସିପ୍ (ଆଇଜିସିଏସ୍) ସୌର୍ଯ୍ୟକୁ ଗୋଆ ସିପ୍ୟାର୍ଡ ଠାରେ କୋଷ୍ଟଗାର୍ଡରେ ସାମିଲ୍ କରାଇଛନ୍ତି କେନ୍ଦ୍ର ପେଟ୍ରୋଲିୟମ୍ ଏବଂ ପ୍ରାକୃତିକ ଗ୍ୟାସ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହି ଅବସରରେ କୋଷ୍ଟଗାର୍ଡ ଭାରତୀୟ ଜଳ ସୀମାକୁ ସୁରକ୍ଷା ଦେଉଥିବାରୁ ଶ୍ରୀ ପ୍ରଧାନ ସାଧୁବାଦ ଜଣାଇଛନ୍ତି ।
ଦେଶର ଜଳସୀମା ସହ ସମୁଦ୍ର ମଧ୍ୟରେ ଥିବା ବମ୍ବେ ହାଇ ପରି ତୈଳ ଓ ପ୍ରାକୃତିକ ଗ୍ୟାସ୍ ଉତ୍ସକୁ ସୁରକ୍ଷା ପ୍ରଦାନ କରୁଥିବାରୁ ଶ୍ରୀ ପ୍ରଧାନ କୋଷ୍ଟଗାର୍ଡକୁ ମଧ୍ୟ ଧନ୍ୟବାଦ ଜଣାଇଛନ୍ତି ।
ପେଟ୍ରୋଲ ଦ୍ୱାରା ଚାଳିତ ଏହି ଆଇଜିସିଏସ୍ ସୌର୍ଯ୍ୟ ସମ୍ପୂର୍ଣ୍ଣରୂପେ ଭାରତୀୟ ଜ୍ଞାନ କୌଶଳରେ ନିର୍ମିତ ହୋଇଛି ।
ଏହି ଅବସରରେ ଗୋଆ ସିପ୍ୟାର୍ଡ ଜାହାଜ ମାନଙ୍କରେ ପେଟ୍ରୋଲ ପରିବର୍ତେ ଏଲଏନଜି ବା ସିଏନଜି ଇନ୍ଧନ ବ୍ୟବହାର
ପାଇଁ ପଦକ୍ଷେପ ନେବାକୁ ମନ୍ତ୍ରୀ ଶ୍ରୀ ପ୍ରଧାନ ପ୍ରସ୍ତାବ ଦେଇଛନ୍ତି ।
ଶ୍ରୀ ପ୍ରଧାନ କହିଛନ୍ତି ଗ୍ୟାସ୍ ଅଥରିଟି ଅଫ୍ ଇଣ୍ଡିଆ (ଗେଲ୍) ଏହି ପ୍ରକଳ୍ପରେ ଆବଶ୍ୟକୀୟ ସହଯୋଗ ଯୋଗାଇ
ଦେଇପାରିବ । ଯାହାଜମାନଙ୍କରେ ସିଏନଜି ବା ଏଲଏନଜିର ବ୍ୟବହାର ଗୋଆରେ ସବୁଜ ଇନ୍ଧର କାରବାର ବଢାଇ
ଗୋଆର ପର୍ଯ୍ୟଟନ ବିକାଶରେ ଆହୁରି ସହାୟକ ହୋଇପାରିବ ବୋଲି ଶ୍ରୀ ପ୍ରଧାନ କହିଛନ୍ତି ।
ଏହି ଉତ୍ସବ ଅବସରରେ ଶ୍ରୀ ପ୍ରଧାନ ପଡୋଶୀ ବଙ୍ଗଳାଦେଶର ଏକ ପ୍ରତିନିଧି ମଣ୍ଡଳକୁ ଗୋଆ ସିପୟାର୍ଡରେ ସ୍ୱାଗତ
କରିଥିଲେ । ବଙ୍ଗଳାଦେଶର ରିଅର ଆଡମିରାଲ ଏମ୍ . ସହିନ୍ ଇକବାଲଙ୍କ ନେତୃତ୍ୱରେ ଆସିଥିବା ପ୍ରତିନିଧି ମଣ୍ଡଳୀ
ଗୋଆ ସିପ୍ୟାର୍ଡରୁ ଯୁଦ୍ଧ ଜାହାଜ କିଣିବା ପାଇଁ ଆସିଛନ୍ତି ।

Share in top social networks!