ମୋଦି ସରକାର ଓଡିଶା ପାଇଁ ବିକାଶ ଓ ସ୍ୱାଭିମାନ କ୍ଷେତ୍ରରେ ସୁବର୍ଣ ସରକାର – ଧର୍ମେନ୍ଦ୍ର ପ୍ରଧାନ

• ନବ କଳେବରରେ ପ୍ରଥମ ଥର କେନ୍ଦ୍ରୀୟ ତହବିଲରୁ ଅର୍ଥ, ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମରେ ବନେ୍ଦ ଉକ୍ରଳ
ଜନନୀ ଗାନ, ପାଇକ ବିଦ୍ରୋହର ୨ ଶହ ବର୍ଷ ଓଡିଆ ସ୍ୱାଭିମାନକୁ ସମ୍ମାନ
• ସ୍ୱାଧୀନତାରୁ ୨୦୧୪ ପର୍ଯ୍ୟନ୍ତ ୪,୬୦୦ କିମି ଜାତୀୟ ରାଜପଥ, ଗତ ତିନି ବର୍ଷରେ ଆଉ ୪,୮୦୦
କିମି ରାଜପଥ ମଂଜୁର
• ଅଚ୍ଛେ ଦିନ ଆସିଛି ନା ନାହିଁ ଏହାର ମୂଲ୍ୟାଙ୍କନ ଲୋକଙ୍କ ଉପରେ ଛାଡି ଦିଆ ଯାଉ
• ଭଲ କାମ କରି ବିନମ୍ରତାର ସହିତ କହିବା ଅହଂକାର ନୁହେଁ
• ସମାଲୋଚନାକୁ ବି ଉପଦେଶ ଭାବେ ବିନମ୍ରତାର ସହିତ ଗ୍ରହଣ କରୁଛୁ

୨୦୧୪ ମସିହାରେ ନରେନ୍ଦ୍ର ମୋଦିଙ୍କ ସରକାର ଆସିବା ପରେ ଓଡିଶା
ଭଳି ରାଜ୍ୟରେ ବିକାଶ ଓ ସ୍ୱାଭିମାନ ପାଇଁ କେନ୍ଦ୍ରରେ ସୁବର୍ଣ ସରକାର ପ୍ରମାଣିତ ହୋଇଛି ବୋଲି କେନ୍ଦ୍ର
ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି । ମୋଦି ସରକାରଙ୍କ ଅଧା ଅବଧି
ପୂରଣ ଉପରେ ଆଧାରିତ ବିଶିଷ୍ଟ ସାମ୍ବାଦିକ ଉଦୟ ମାହୁରକରଙ୍କ ଦ୍ୱାରା ରଚିତ ବିଶ୍ଳେଷଣାତ୍ମକ ପୁସ୍ତକ
ମାର୍ଚିଂ ବିଥ ଏ ବିଲିୟନର ରି ଲଂଚିଂ ଅବସରରେ ଆୟୋଜିତ କାର୍ଯ୍ୟକ୍ରମରେ ଶ୍ରୀ ପ୍ରଧାନ ଏହା କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଯେ ପ୍ରଥମ ଥର ପାଇଁ ମହାପ୍ରଭୁ ଶ୍ରୀଜଗନ୍ନାଥଙ୍କର ନବ କଳେବରରେ କେନ୍ଦ୍ର ସରକାରଙ୍କ
ତହବିଲରୁ ୫୦ କୋଟି ଟଙ୍କା ପ୍ରଦାନ କରା ଯାଇଥିଲା ।
ଶ୍ରୀ ପ୍ରଧାନ କହିଛନ୍ତି ଯେ ମୋଦି ଓଡିଶାକୁ ଆସିଲେ ତାଙ୍କର ସାର୍ବଜନୀନ କାର୍ଯ୍ୟକ୍ରମରେ ବନେ୍ଦ ଉକ୍ରଳ ଜନନୀ
ପ୍ରାରମ୍ଭିକ ସଂଗୀତ ଭାବେ ଗାନ କରାଯାଉଛି । ଶ୍ରୀ ପ୍ରଧାନ କହିଛନ୍ତି ଯେ ତାଙ୍କ ଜ୍ଞାତ ସାରରେ ଅନ୍ୟ କେଉଁ
ପ୍ରଧାନମନ୍ତ୍ରୀଙ୍କ କାର୍ଯ୍ୟକ୍ରମରେ ବନେ୍ଦ ଉକ୍ରଳ ଜନନୀ ଗାନ କରାଯିବାର ନଜିର ବୋଧେ ନାହିଁ ।
ଶ୍ରୀ ପ୍ରଧାନ କହିଛନ୍ତି ଯେ ପାଇକ ବିଦ୍ରୋହର ୨ ଶହ ବର୍ଷ ପୂର୍ତି ଅବସରରେ ଓଡିଆ ମାନଙ୍କର ସ୍ୱାଭିମାନ ଓ
ଗର୍ବର ଏହି ସ୍ୱର୍ଣିମ ଅଧ୍ୟାୟକୁ ପାଳନର ପ୍ରସ୍ତାବ ସେ ଯେତେବେଳେ ପ୍ରଧାନମନ୍ତ୍ରୀଙ୍କୁ ଦେଇଥିଲେ ସେ କୌଣସି
ସମୟ ନ ନେଇ ଏହାକୁ ଭାରତ ସରକାରଙ୍କ ସମ୍ମତିର ମୋହର ଲଗାଇଥିଲେ ।
ପୂର୍ବ ଭାରତର ବିକାଶ ବିନା ଦେଶର ସମ୍ପୂର୍ଣ ବିକାଶ ହେବ ନାହିଁ ବୋଲି ନରେନ୍ଦ୍ର ମୋଦିଙ୍କ ଦୃଢ ବିଶ୍ୱାସ
ଆଧାରରେ ଓଡିଶା ମୋଦି ସରକାରରେ ସବୁ ଠାରୁ ଅଧିକ ଆର୍ଥିକ କ୍ଷେତ୍ରରେ ଲାଭବାନ ହୋଇଛି ବୋଲି ଶ୍ରୀ
ପ୍ରଧାନ କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଯେ ସ୍ୱାଧୀନତାରୁ ଆଜି ପର୍ଯ୍ୟନ୍ତ ରାଜ୍ୟରେ ୪ ହଜାର ୬ ଶହ କିମିର ଜାତୀୟ ରାଜପଥ ଥିବା
ବେଳେ ଗତ ତିନି ବର୍ଷରେ ରାଜ୍ୟରେ ଆଉ ୪ ହଜାର ୮ ଶହ କିମି ନୂଆ ରାଜପଥ ନିର୍ମାଣର ନୂଆ ଯୋଜନାକୁ
ସ୍ୱୀକୃତି ଦିଆ ଯାଇଛି । ରେଳବାଇ ଓ ଅନ୍ୟାନ୍ୟ ଭିତିଭୂମି କ୍ଷେତ୍ରରେ ଓଡିଶାକୁ ଯଥେଷ୍ଟ ଗୁରୁତ୍ୱ ମିଳିଛି ।
ଶ୍ରୀ ପ୍ରଧାନ କହିଛନ୍ତି ଯେ ମୋଦି ଆର୍ଥିକ ଦୃଷ୍ଟିରୁ ଜିଏସଟି ମାଧ୍ୟମରେ ଦେଶର ଯେଉଁ ଏକୀକରଣ କରିଛନ୍ତି ଏହାର
ଲାଭ ଓଡିଶା ଭଳି ଉପଭୋକ୍ତା ରାଜ୍ୟକୁ ମିଳିବ ।
ଶ୍ରୀ ପ୍ରଧାନ କହିଛନ୍ତି ଯେ ମୋଦି ସରକାର ସାଧାରଣ ଲୋକଙ୍କ ସମସ୍ୟା ପ୍ରତି ସମ୍ବେଦନଶୀଳ । ପୁରୀର କୃଷ୍ଣପ୍ରସାଦ
ଅଂଚଳର ବାଦାମଚାଷୀ ମାନଙ୍କ ଆନେ୍ଦାଳନ ଓଡିଆ ଗଣମାଧ୍ୟମରେ ପ୍ରକାଶିତ ହେବା ପରେ ପ୍ରଧାନମନ୍ତ୍ରୀଙ୍କ ଦୃଷ୍ଟିକୁ
ସେ ଆଣିଥିଲେ । ତତକ୍ଷଣାତ ୪୨ ଶହ ଟଙ୍କାର ସର୍ବ ନିମ୍ନ ସହାୟକ ମୂଲ୍ୟରେ ଚାଷୀ ଫସଲ ବିକିଲା ।
ମୋଦି ମନ କି ବାତରେ ଜମୁନାମଣି ଭଳି ସାଧାରଣ ଲୋକର ନା ନେବା ସରକାରର ଦରଦୀ ମନକୁ ସ୍ପଷ୍ଟ କରୁଛି ।
ଶ୍ରୀ ପ୍ରଧାନ କହିଛନ୍ତି ଯେ ଗଣତନ୍ତ୍ରରେ ବାଦ ବିବାଦ ଓ ସମାଲୋଚନା ଅଙ୍ଗ । ଦେଶରେ ଅଚ୍ଛେ ଦିନ ଆସିଛି ନା
ନାହିଁ ଏହାର ଉତର ଲୋକଙ୍କ ଉପରେ ଛାଡି ଦିଆ ଯାଉ । ଲୋକଙ୍କ ପାଇଁ ଭଲ କାମ କରି ଏହାକୁ ନମ୍ରତାର
ସହିତ ଜଣାଇଲେ ଏହାକୁ ଅହଂକାର ବୋଲି ସମାଲୋଚନା କରା ଯିବା ସହ ସେ ସହମତ ନୁହନ୍ତି ବୋଲି ସେ
କହିଛନ୍ତି ।
ମୋଦି ଦେଶରେ ଜନ ଭାଗିଦାରୀରେ ସରକାର ଚଳାଇଛନ୍ତି । ଦେଶର ୧୩୦ କୋଟି ଜନତା ଙ୍କୁ ସାଙ୍ଗରେ ନେଇ
ସେ ସରକାର ଚଳାଇଛନ୍ତି ବୋଲି ଶ୍ରୀ ପ୍ରଧାନ କହିଛନ୍ତି ।
ଉଦୟ ମାହୁରକରଙ୍କର ପୁସ୍ତକରେ ତାଙ୍କୁ ବହୁତ ପ୍ରଶଂସା କରା ଯାଇଥିବା ଶୁଣିବା ପରେ ସେ ଏହି ପୁସ୍ତକକୁ ପଢି
ନାହାନ୍ତି ବୋଲି କହିଛନ୍ତି । ନିଜର ପ୍ରଶଂସା ପଢିଲେ ସଂସ୍କାର ଖରାପ ହେବାର ଆଶଙ୍କା ଥିବା ବେଳେ ଏହି ସଭାରେ
ମୋଦିଙ୍କୁ କରାଯାଇଥିବା ସମାଲୋଚନାକୁ ଉପଦେଶ ଭାବେ ସେ ବିନମ୍ରତାର ସହ ସ୍ୱାଗତ କରୁଛନ୍ତି ଓ ଏହା
ଦ୍ୱାରା ଗଣତନ୍ତ୍ର ସୁଦୃଢ ହେବ ବୋଲି କହିଛନ୍ତି ।

Share in top social networks!

ତ୍ରିପୁରାରେ ୨୫ ବର୍ଷର ସିପିଏମ ସରକାର ଗରୀବଙ୍କୁ କେବଳ ଭୋଟ ଭାବରେ ବ୍ୟବହାର କରିଛି – ଧର୍ମେନ୍ଦ୍ର ପ୍ରଧାନ

ତ୍ରିପୁରାରେ ବିଜେପିରେ ଯୋଗ ଦେଲେ ୬ ତୃଣମୂଳ କଂଗ୍ରେସ ବିଧାୟକ

• ୨୦୧୮ ଜାନୁଆରୀରେ ହେବାକୁ ଥିବା ନିର୍ବାଚନରେ ବିଜେପି ସରକାର ଗଠନ ପାଇଁ ଜନ ସମର୍ଥନ
ପାଇଁ ଆହ୍ୱାନ

20689614_1442912932458948_7719990968580849222_o

ତ୍ରିପୁରାରେ ଗତ ୨୫ ବର୍ଷ ଧରି ଚାଲିଥିବା ସିପିଏମ ସରକାର ଗରୀବଙ୍କୁ କେବଳ ଗରୀବ ଭାବରେ ରଖି ନିଜର ଭୋଟ ବ୍ୟାଙ୍କ ଭାବେ ବ୍ୟବହାର କରି ଆସିଛି ବୋଲି ବିଜେପିରେ ୬ ଜଣ ତୃଣମୂଳ କଂଗ୍ରେସ ବିଧାୟକଙ୍କ ଯୋଗଦାନ ଅବସରରେ କେନ୍ଦ୍ର ପେଟ୍ରେଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ।
ସେ ଅଗରତାଲା ଠାରେ ଦଳ ପକ୍ଷରୁ ଆୟୋଜିତ ଏକ ବିଶାଳ ଜନସଭାକୁ ସମ୍ବୋଧିତ କରି ୨୫ ବର୍ଷର ମୁଖ୍ୟମନ୍ତ୍ରୀ ମାନିକ ସରକାର ତ୍ରିପୁରାର ବିକାଶ କରିବା ପାଇଁ ବିଫଳ ହୋଇଛି । ମାନିକ ସରକାରଙ୍କୁ ଆହ୍ୱାନ ଶ୍ରୀ ପ୍ରଧାନ କହିଛନ୍ତି କହିଛନ୍ତି େଯେ ବିଜେପି ତ୍ରିପୁରାର ଜନ ଆକାଂ କ୍ଷା ପୂରଣ କରିବା ପାଇଁ ପ୍ରସ୍ତୁତ ହୋଇ ସାରିଛି ।
୨୦୧୮ ଜାନୁଆରୀ ମାସରେ ଅନୁÂିତ ହେବାକୁ ଥିବା ନିର୍ବାଚନ ସୁଦ୍ଧା ସେ ପେଡି ପୁଟୁଳା ବାନ୍ଧି ଗାଦି ଛାଡିବାକୁ ପ୍ରସ୍ତୁତ ହୋଇ ଯାଆନ୍ତୁ ବୋଲି ଶ୍ରୀ ପ୍ରଧାନ କହିଛନ୍ତି ।

ଶ୍ରୀ ପ୍ରଧାନ କହିଛନ୍ତି ଯେ ତ୍ରିପୁରାର ୯ ଲକ୍ଷ ପରିବାରରେ ୩୭ ଲକ୍ଷ ଲୋକ ରହୁଛନ୍ତି । ମାତ୍ର ରାଜ୍ୟର ୮ ଲକ୍ଷ ଯୁବକ ଯୁବତୀଙ୍କୁ କର୍ମସଂସ୍ଥାନ ଯୋଗାଣରେ ୨୫ ବର୍ଷର ସିପିଏମ ସରକାର ସମ୍ପୂର୍ଣ ରୂପେ ବିଫଳ ହୋଇଛି । ମାତ୍ର ତ୍ରିପୁରାରେ ଅପାର ସମ୍ଭାବନା ଥିବା ଦର୍ଶାଇ ସିପିଏମର ସାଧାରଣ ଗରୀବ ଲୋକଙ୍କ ବିକାଶ ପାଇଁ ନିÂା କମ ଥିବା କାରଣରୁ ଲୋକ ମାନେ ବିଶେଷ ଭାବରେ ଯୁବ ପୀଢୀ ଦୁଃଖ ଓ ଦୁର୍ଦଶାରେ କାଳାତିପାତ କରୁଛନ୍ତି ବୋଲି ଶ୍ରୀ ପ୍ରଧାନ କହିଛନ୍ତି । ତ୍ରିପୁରା ସୁନ୍ଦରୀଙ୍କ ପବିତ୍ର ଭୂମିର ମାଟି ତଳେ ଯେତିକି ଗ୍ୟାସ ଅଛି ତାକୁ ଯଦି ଉପଯୋଗ କରାଯିବ ତ୍ରିପୁରାର ୮ ଲକ୍ଷ ନୁହେଁ ଦେଶର ୮୦ ଲକ୍ଷ ଯୁବକ ଯୁବତୀଙ୍କ ପାଇଁ କର୍ମସଂସ୍ଥାନ ଯୋଗାଇ ଦିଆ ଯାଇ ପାରିବ ବୋଲି ଶ୍ରୀ ପ୍ରଧାନ କହିଛନ୍ତି ।

ଶ୍ରୀ ପ୍ରଧାନ କହିଛନ୍ତି ଯେ ରକ୍ଷା ବନ୍ଧନର ପବିତ୍ର ଉତ୍ସବରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ତରଫରୁ ୨୦୧୮ ସୁଦ୍ଧା ରାଜ୍ୟର ୩ ଲକ୍ଷ ଗରୀବ ମହିଳା ମାନଙ୍କୁ ବିନା ମୂଲ୍ୟରେ ଏଲପିଜି ସଂଯୋଗର ଉପହାର ଦେବାକୁ ସେ ଦୃଢ ପ୍ରତିଶ୍ରୁତି ଦେଇଛନ୍ତି । ଶ୍ରୀ ପ୍ରଧାନ କହିଛନ୍ତି ଯେ ତାଙ୍କ ମନ୍ତ୍ରଣାଳୟ ତରଫରୁ ୭ ଶହ କୋଟି ଟଙ୍କା ବ୍ୟୟରେ ଏଲପିଜି ବଟଲିଂ ପ୍ଲାଂଟର କାମ ତ୍ରିପୁରାରେ ଆରମ୍ଭ ହେବ । ଗ୍ୟାସ ପାଇଁ ବର୍ଷା ଦିନ ଓ ଆସାମରେ ଆନେ୍ଦାଳନ ହେଲେ ଦୀର୍ଘ ଦିନ ଅପେକ୍ଷାର ଯୁଗ ଶେଷ ହୋଇ ଯିବ । ଖୁବ ଶୀଘ୍ର ରାଜ୍ୟରେ ଥିବା ୬୦ଟି ଏଲପିଜି ବିତରଣ କେନ୍ଦ୍ର ସହ ଆଉ ୪୦ଟି ନୂଆ ବିତରଣ କେନ୍ଦ୍ର ପ୍ରତିÂା କରିବା ପାଇଁ ସେ ନିର୍ଦେଶ ଦେଇ ସାରିଥିବା ପ୍ରକାଶ କରିଛନ୍ତି ।

ବିଜେପି ସଂଖ୍ୟାଲଘୁ ବିରୋଧୀ ପ୍ରଚାରକୁ ସେ ଦୃଢ ଭାବେ ଖଂଡନ କରିଛନ୍ତି । ସେ କହିଛନ୍ତି ଯେ ଉତର ପ୍ରଦେଶର ଦେଓବନ୍ଦରେ ୮୦ ପ୍ରତିଶତ ସଂଖ୍ୟାଲଘୁ ଥିବା ସତ୍ୱେ ବିନା ଭେଦଭାବରେ ବିଜେପି କାମ କରି ସବୁ ମା- ଭଉଣୀଙ୍କୁ ଉଜ୍ୱଳା ଯୋଜନାରେ ଗ୍ୟାସ ଦେବା କାରଣରୁ ସେମାନେ ସେଠାରେ ବିଜେପି ପ୍ରାର୍ଥୀଙ୍କୁ ବିଜୟ ମୁକୁଟ
ପିନ୍ଧାଇଛନ୍ତି । ଶ୍ରୀ ପ୍ରଧାନ କହିଛନ୍ତି ଯେ ଅପର ପକ୍ଷରେ ସିପିଏମ ତ୍ରିପୁରାର ଆଦିବାସୀ, ଦଳିତ ଓ ଗରୀବଙ୍କ ଘରେ ବିଜୁଳି ପହଂଚାଇ ପାରି ନାହିଁ । ଏପରି ପରିସ୍ଥିତିରେ ବିଜେପିକୁ ବିକଳ୍ପ ଭାବେ ଗ୍ରହଣ କରି ୨୦୧୮ ଜାନୁଆରୀ ନିର୍ବାଚନରେ ବିଜେପିକୁ ବିଜୟୀ କରିବାକୁ ସେ ଆହ୍ୱାନ ଦେଇଛନ୍ତି । ଏହି ସାଧାରଣ ସଭାରେ ତୃଣମୂଳ କଂଗ୍ରେସର ୬ ବିଧାୟକ ସୁଦୀପ ରାୟବର୍ମନ, ଆଶୀଷ ଶାହ, ପ୍ରଣଜିତ ସିଂହରାୟ, ବିଶ୍ୱବନ୍ଧୁ ସେନ, ଦିବଚନ୍ଦ୍ର ରଙ୍ଖଲ ଓ ଦିଲ୍ଲୀପ ସରକାର ପ୍ରମୁଖ ବିଜେପିରେ ଯୋଗ ଦେଇଥିଲେ ।

Share in top social networks!

ଯାଜପୁର ଜିଲ୍ଲାର ବନ୍ୟାଂଚଳ ବୁଲି ଦେଖିଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

• ଖାଦ୍ୟ ସହ ଶୁଦ୍ଧ ପାନୀୟ ଜଳ ଯୋଗାଇବା ପାଇଁ ଦେଲେ ପରାମର୍ଶ
• ବନ୍ୟା ନିୟନ୍ତ୍ରଣ ସହ ତୁରନ୍ତ ଜୀବନ ଯାତ୍ରା ସ୍ୱାଭାବିକ ହେବ ବୋଲି ଆଶା ପ୍ରକାଶ କଲେ
five

ଯାଜପୁର ଜିଲ୍ଲା ଗସ୍ତରେ ଥିବା କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ
ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଜିଲ୍ଲାର ବନ୍ୟା ପ୍ରଭାବିତ ଅଂଚଳ ଗସ୍ତ କରି ଲୋକଙ୍କର ସୁଖ ଦୁଖ
ବୁଝିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଯେ ଉପର ମୁଣ୍ଡରେ ପ୍ରବଳ ବର୍ଷା ଯୋଗୁ ବ୍ରାହ୍ମଣୀ ନଦୀରେ ବନ୍ୟା କାରଣରୁ
ବରୀ ଅଂଚଳର ୧୭ଟି ପଂଚାୟତ ଜଳମଗ୍ନ ହୋଇଛି । କୁବେରପାଳ ପଂଚାୟତ ସର୍ବାଧିକ କ୍ଷତିଗ୍ରସ୍ତ
ହୋଇଛି । ବିଭିନ୍ନ ପଡା, ସାହି, ଗ୍ରାମ ମୂଳ ରାସ୍ତାରୁ ବିଛିନ୍ନ ହୋଇ ଯାଇଛି । ଏପରି ପରିସ୍ଥିତିରେ
ଲୋକ ମାନଙ୍କ ପାଖରେ ରିଲିଫ ପହଂଚାଇବା ପ୍ରାଥମିକତା । ସ୍ଥାନୀୟ ପ୍ରଶାସନ ଲୋକଙ୍କ ପାଖରେ
ସାହାଯ୍ୟ ପହଂଚାଇବା ପାଇଁ ଚେଷ୍ଟା କରୁଛି । ଇତି ମଧ୍ୟରେ ବନ୍ଧ ଭାଙ୍ଗିବାର ୨୪ ଘଂଟା ବିତି
ସାରିଲାଣି । କେଉଁ ପରିସ୍ଥିତିରେ ଓ କାହିଁକି ବନ୍ଧ ଭାଙ୍ଗିଲା ତାହା ପରବର୍ତୀ ସମୟରେ ଜଣା ପଡିବ
କିନ୍ତୁ ଏବେ ଲୋକଙ୍କ ପାଖରେ ଯୁଦ୍ଧକାଳୀନ ଭିତିରେ ରିଲିଫ ପହଂଚାଇବାର ଆବଶ୍ୟକତା ରହିଛି
ବୋଲି ବନ୍ୟାଂଚଳ ବୁଲିବା ପରେ ଶ୍ରୀ ପ୍ରଧାନ କହିଛନ୍ତି ।
ସ୍ଥାନୀୟ ପ୍ରଶାସନିକ ଅଧିକାରୀ ମାନଙ୍କ ସହ କଥା ହେବା ବେଳେ ବନ୍ୟା ସହ ବିଭିନ୍ନ ରୋଗ
ବ୍ୟାପିବାର ସମ୍ଭାବନା ଥିବାରୁ ଆଗୁଆ ପଦକ୍ଷେପ ପାଇଁ ଶ୍ରୀ ପ୍ରଧାନ ପରାମର୍ଶ ଦେଇଛନ୍ତି । ଖାଦ୍ୟ ସହ
ଶୁଦ୍ଧ ପାନୀୟ ଜଳ ଯୋଗାଇ ଦେବା ଉପରେ ଶ୍ରୀ ପ୍ରଧାନ ଗୁରୁତ୍ୱ ଆରୋପ କରିଛନ୍ତି ।
ବନ୍ୟା ପରିସ୍ଥିତି ତୁରନ୍ତ ନିୟନ୍ତ୍ରଣକୁ ଆସିବା ସହ ଜୀବନ ଯାତ୍ରା ସ୍ୱାଭବିକ ହେବ ବୋଲି ଶ୍ରୀ ପ୍ରଧାନ
ଆଶା ପ୍ରକାଶ କରିଛନ୍ତି ।

Share in top social networks!

ଭାରତୀୟ ସେନା କେବଳ ବିଶ୍ୱର ଶକ୍ତିଶାଳୀ ସେନା ନୁହେଁ ବରଂ ସମସ୍ତ ଦେଶବାସୀଙ୍କ ଆସ୍ଥାର କେନ୍ଦ୍ର – ଧର୍ମେନ୍ଦ୍ର ପ୍ରଧାନ

MH9A8412
କାରଗିଲ ବିଜୟ ଦିବସର ଅବ୍ୟବହିତ ପୂର୍ବରୁ ଦିଲ୍ଲୀ ସ୍ଥିତ ଜବାହର ଲାଲ ନେହରୁ ବିଶ୍ୱବିଦ୍ୟାଳୟରେ ଆୟୋଜିତ କାରଗିଲ ବିଜୟ ଦିବସରେ ଭାରତୀୟ ସେନାକୁ ଭୂୟସୀ ପ୍ରଶଂସା କରିଛନ୍ତି କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଜେଏନୟୁର ଭାଇସ ଚାନସେଲର ପ୍ରଫେସର ଜଗଦୀଶ କୁମାରଙ୍କ ଅଧ୍ୟକ୍ଷତାରେ ଅନୁÂିତ ଏହି ଉତ୍ସବରେ ପୂର୍ବତନ ସ୍ଥଳ ସେନା ମୁଖ୍ୟ ତଥା କେନ୍ଦ୍ର ମନ୍ତ୍ରୀ ଜେନେରାଲ ଭି.କେ ସିଂହ, ମେଜର ଜେନେରାଲ ଜି.ଡି ବକ୍ସି, ପ୍ରସିଦ୍ଧ କ୍ରିକେଟିୟର
ଗୌତମ ଗମ୍ଭୀର ତଥୀ ଜଣା ଶୁଣା ଓକିଲ ଏବଂ ସାମାଜିକ କାର୍ଯ୍ୟକର୍ତା ମୋନିକା ଆରୋରାଙ୍କ ଉପସ୍ଥିତିରେ ଏହି ବିଜୟ ଦିବସ ପାଳନ କରାଯାଇଥିଲାା

ପୂର୍ବରୁ ଜେଏନୟୁକୁ ଭିନ୍ନ ଦୃଷ୍ଟିରେ ଦେଖା ଯାଉଥିବା ବେଳେ ଜେଏନୟୁ ପରିସରରେ ତ୍ରିରଙ୍ଗା ଧରି ବନେ୍ଦ ମାତରମ. ଭାରତ ମାତା କି ଜୟ ସ୍ଲୋଗାନରେ ଗଗନ ପବନ ପ୍ରକମ୍ପିତ କରି ସଭାଗାରରେ ଏକାଠି ହେବା ଜେଏନୟୁର ଲମ୍ବା ଯାତ୍ରାରେ ଏକ ପ୍ରଶଂସନୀୟ କାର୍ଯ୍ୟକ୍ରମ ବୋଲି ଶ୍ରୀ ପ୍ରଧାନ କହିଛନ୍ତି । କାରଗିଲ ଯୁଦ୍ଧର ଶହୀଦ ମାନଙ୍କର ପରିବାର ସଦସ୍ୟ ମାନଙ୍କର ଉପସ୍ଥିତିରେ ଭାରତୀୟ ସେନା କେବଳ ପୃଥିବୀର ଶକ୍ତିଶାଳୀ ସେନା ନୁହେଁ ବରଂ ଦେଶର ଅନନ୍ୟ ଜନ ଆସ୍ଥା ଏହି ସେନା ଉପରେ ରହିଛି ବୋଲି ସେ କହିଛନ୍ତି ।

ଶ୍ରୀ ପ୍ରଧାନ କହିଛନ୍ତି ଯେ ପ୍ରଜାତନ୍ତ୍ରର ଆଳରେ କିଛି ମୁଷ୍ଟିମେୟ ଲୋକ ଭାରତରେ ସେନାକୁ ନିଚା ଦେଖାଇବାର ଦୁଃସାହସ କରୁଛନ୍ତି । ଦେଶରେ ଏଭଳି ଅରାଜକ ତତ୍ୱକୁ ଭଗବାନ ସଦବୁଦ୍ଧି ଦିଅନ୍ତୁ ବୋଲି ସେ କହିଛନ୍ତି । ନିକଟ ଅତୀତରେ ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସହ ତାଙ୍କ ଗାଁରେ ଯିବା ସମୟରେ ସେଠାରେ ଚୀନ ପଟୁ ସମ୍ଭାବ୍ୟ ସାମରିକ
କାର୍ଯ୍ୟାନୁÂାନ ଓ ଭାରତର ପ୍ରସ୍ତୁତି ନେଇ ଜାଣିବାକୁ ଚାହିଁବାରୁ ବରିÂ ସେନା ଅଧିକାରୀ ଦେଶର ସେନା ଚୀନକୁ
ମୁକାବିଲା କରିବା ପାଇଁ ସମ୍ପୂର୍ଣ ରୂପେ ସକ୍ଷମ ଓ ଦେଶର ସୀମା ସୁରକ୍ଷିତ ରହିବାର ସାମାନ୍ୟତମ ସନେ୍ଦହର ଅବକାଶ ନାହିଁ
ବୋଲି କହିଥିଲେ ।

ଶ୍ରୀ ପ୍ରଧାନ କହିଛନ୍ତି ଯେ ତାଙ୍କର ନିକଟରେ ବଙ୍ଗଳାଦେଶ ଗସ୍ତ ସମୟରେ ପ୍ରଧାନମନ୍ତ୍ରୀ ଶେଖ ହାସିନାଙ୍କ ସହ ପେଟ୍ରୋଲିୟମ ବ୍ୟବସାୟ ନେଇ ସେ କଥା ହୋଇଥିବା ବେଳେ ସେ ୧୯୭୧ରେ ବାଂଲାଦେଶ ତିଆରି ପାଇଁ ଭାରତୀୟ ସେନାର ତ୍ୟାଗ ଓ ତପସ୍ୟାକୁ ଭୂୟସୀ ପ୍ରଶଂସା କରିଥିଲୋ ୧୯୯୯ ମସିହା କାରଗିଲ ଯୁଦ୍ଧ ସମୟରେ ଭାରତୀୟ ସେନା ସହ କାଶ୍ମୀରରୁ କନ୍ୟାକୁମାରୀ ପର୍ଯ୍ୟନ୍ତ ସମ୍ପୂର୍ଣ ଭାରତ ସେନା ସହିତ ଏକାକାର ହୋଇ ସତେ ଯେମିତି ଶତ୍ରୁର ସାମନା କରିବାକୁ ସେନାକୁ ମାନସିକ ବଳ ଦେଇଥିଲା ବୋଲି ସେ କହିଥିଲେ ।

Share in top social networks!

ଉଜ୍ଜ୍ୱଳା ଯୋଜନା ଦେଶର ଗରିବ ମହିଳାଙ୍କ ଜୀବନରେ ଆଣିଛି ପରିବର୍ତନ: ଧର୍ମେନ୍ଦ୍ର ପ୍ରଧାନ

SM4_1934
ରାଷ୍ଟ୍ରପତି ପ୍ରଣବ ମୁଖାର୍ଜୀ ପଶ୍ଚିମବଙ୍ଗର ଜଙ୍ଗିପୁରଠାରେ ୨.୫ କୋଟିତମ ପ୍ରଧାନମନ୍ତ୍ରୀ ଉଜ୍ଜ୍ୱଳା ଯୋଜନାରେ ଗ୍ୟାସ୍ କନେକ୍ସନ୍ ପ୍ରଦାନ କରିଛନ୍ତି । ଏହି ଐତିହାସିକ
ମୁହୂର୍ତରେ କେନ୍ଦ୍ର ପେଟ୍ରୋଲିୟମ୍ ଓ ଗ୍ୟାସ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତଥା ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ ସୁପୁତ୍ର ତଥା ସ୍ଥାନୀୟ ସାଂସଦ ଅଭିଜିତ୍ ମୁଖାର୍ଜୀ ଏଠାରେ ଉପସ୍ଥିତ ଥିଲେ ।

ରାଷ୍ଟ୍ରପତି ମୁଖାର୍ଜୀ ରଘୁନାଥଗୁଞ୍ଜର ଶ୍ରୀମତୀ ଗୌରୀ ଶଙ୍କରଙ୍କୁ ଏହି ଗ୍ୟାସ୍ ପ୍ରଦାନ ସଂଯୋଗ ପ୍ରଦାନ କରି ଦେଶରେ ଗରିବ ସୀମାରେଖା ତଲେ ଥିବା ପରିବାରମାନଙ୍କୁ ଗ୍ୟାସ୍ ସଂଯୋଗ ଯୋଗାଣର ୨.୫ କୋଟି ସଂଯୋଗ ପୂରା କରିଥିଲା । ଏହି ଅବସରରେ ରାଷ୍ଟ୍ରପତି ପ୍ରଣବ ମୁଖାର୍ଜୀ ୧୧ ଜଣ ହିତାଧିକାରୀଙ୍କୁ ଗ୍ୟାସ୍ ସଂଯୋଗ ବା•ିବା ଅବସରରେ ଏହି କାର୍ଯ୍ୟକ୍ରମ ଶୁଭାରମ୍ଭ ହେବାର ମାତ୍ର ୧୪ ମାସ ମଧ୍ୟରେ ୨.୫ କୋଟି ଗରିବ ମହିଳା ପରିବାରରେ ମାଗଣା ଗ୍ୟାସ୍ ସଂଯୋଗ ପହଂଚି ଥିବାରୁ ରାଷ୍ଟ୍ରପତି ସନ୍ତୋଷ ପ୍ରକାଶ କରିଥିଲେ ।

ଏହି ଅବସରରେ କେନ୍ଦ୍ର ପେଟ୍ରୋଲିୟମ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମହାମହିମ ରାଷ୍ଟ୍ରପତି ତାଙ୍କର ବ୍ୟସ୍ତବହୁଳ ଜୀବନରୁ ସମୟ କାଢି ୨.୫କୋଟିତମ ଉଜ୍ଜ୍ୱଳା ଗ୍ୟାସ୍ ବାଂଟିଥିବାରୁ ଧନ୍ୟବାଦ ଅର୍ପଣ କରିଥିଲେ । ଶ୍ରୀ ପ୍ରଧାନ କହିଥିଲେ, ଗତ ୧ ମଇ ୨୦୧୬ରେ ଉତରପ୍ରଦେଶର ବଲିଆଠାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
ଦେଶର ପ୍ରଥମ ଉଜ୍ଜ୍ୱଳା ଗ୍ୟାସ ପ୍ରଦାନ କରିଥିଲେ । ଶନିବାର ଦିନ ମହାମହିମ ରାଷ୍ଟ୍ରପତିଙ୍କ ହାତରେ ୨.୫କୋଟିତମ ଗ୍ୟାସ୍ ସଂଯୋଗ ପ୍ରଦାନ ଏକ ସ୍ମରଣୀୟ ଦିନ ହୋଇ ରହିବ । ଏହି ଯୋଜନା ଦେଶର ଗରିବ ମହିଳାଙ୍କ ଜୀବନରେ ସାକାରାତ୍ମକ ପରିବର୍ତନ ଆଣିବାରେ ଗୁରୁତ୍ୱପୂର୍ଣ୍ଣ ଭୂମିକା ନେଇଛି ବୋଲି ଶ୍ରୀ ପ୍ରଧାନ ଏହି ଅବସରରେ କହିଥିଲେ ।

ଶ୍ରୀ ପ୍ରଧାନ କହିଛନ୍ତି, ଭାରତର ରାଜ୍ୟମାନଙ୍କ ମଧ୍ୟରେ ଉତରପ୍ରଦେଶରେ ସର୍ବାଧିକ ୫୫ ଲକ୍ଷ ଗ୍ୟାସ୍ ସଂଯୋଗ ବଂଟାଯାଇଥିବାବେଳେ ପଶ୍ଚିମବଙ୍ଗ ଏହି ମାଗଣା ଗ୍ୟାସ୍ ସଂଯୋଗ ବଂଟନରେ ଦ୍ୱିତୀୟ ସ୍ଥାନରେ ରହିଛି । ପଶ୍ଚିମବଙ୍ଗରେ ଗ୍ୟାସ୍ ବଂଟନକୁ ଅଧିକ ଗତିଶିଳ କରିବା ପାଇଁ ଆଉ ୬୦୦ ନୂଆ ବିତରକ ନିଯୁକ୍ତି
କରାଯିବାର ପ୍ରକ୍ରିୟା ଆରମ୍ଭ ହୋଇଛି । ଶ୍ରୀ ପ୍ରଧାନ କହିଛନ୍ତି, ଏହି ଯୋଜନାରେ ଦେଶର ୫ କୋଟି ଗରିବ ମହିଳାଙ୍କୁ ଏଲ୍ପିଜି ସଂଯୋଗ ୨୦୧୯
ସୁଦ୍ଧା ଯୋଗାଇଦେବା ପାଇଁ ଲକ୍ଷ୍ୟ ରଖାଯାଇଛି । ଗରିବ ପରିବାରଙ୍କୁ ୫ କୋଟି ଗ୍ୟାସ୍ ସଂଯୋଗ ସହ ୨୦୧୯ ସୁଦ୍ଧା ଆଉ ୫ କୋଟି ସାଧାରଣ ପରିବାରକୁ ଗ୍ୟାସ୍ ସଂଯୋଗ ଦେବାର ପ୍ରକ୍ରିୟା ପୂରଣ ହେଲେ ଭାରତର ଅଧିକାଂଶ ପରିବାର ପାଖରେ ଗ୍ୟାସ୍ କନେକ୍ସନ୍ ରହିବ । ହିତାଧିକାରୀ ଚୟନରେ ସଂପୂର୍ଣ୍ଣ ବଜାୟ
ରଖିବା ପାଇଁ ୨୦୧୧ ଜନଗଣନାର ସାମାଜିକ ଆର୍ଥିକ ଦୃଷ୍ଟିରୁ ପଛୁଆ ଭାବେ ଚିହ୍ନିତ ପରିବାରମାନଙ୍କୁ ଏହି ଗ୍ୟାସ୍ ସଂଯୋଗ ଯୋଗାଇ ଦିଆଯାଇଥିବା ଶ୍ରୀ ପ୍ରଧାନ କହିଛନ୍ତି ।

ଗତ ତିନି ବର୍ଷରେ ଦେଶରେ ଏଲ୍ପିଜି ବ୍ୟବହାର ୩୩ ପ୍ରତିଶତ ବୃଦ୍ଧି ହୋଇଛି । ଏଥିପାଇଁ ୫ ହଜାର ନୂଆ ବିତରକ ନିଯୁକ୍ତ ହୋଇଛନ୍ତି ଓ ଏଗୁଡିକ ଉଜ୍ଜ୍ୱଳା ଯୋଜନାର ହିତାଧିକାରୀମାନଙ୍କ ଆବଶ୍ୟକତା ପୂରଣ କରିବା ପାଇଁ ଗ୍ରାମାଂଚଳରେ କାର୍ଯ୍ୟରତ ଥିବା ଶ୍ରୀ ପ୍ରଧାନ କହିଛନ୍ତି ।

Share in top social networks!

ଜୁଲାଇ ୨୦ ଅପରାହ୍ନ ୬ଟାରେ ରାଷ୍ଟ୍ରପତି ପ୍ରଣବ ମୁଖାର୍ଜୀ ପାଇକ ବିଦ୍ରୋହର ୨ ଶହ ବର୍ଷ ପୂର୍ତିର ବର୍ଷ ବ୍ୟାପୀ କାର୍ଯ୍ୟକ୍ରମର ଉଦଘାଟନ କରିବେ

ପାଇକ ବିଦ୍ରୋହର ୨ ଶହ ବର୍ଷ ପାଳନର ଉଦଘାଟନ କାର୍ଯ୍ୟକ୍ରମ ନୂଆ ଦିଲ୍ଲୀରେ ଆୟୋଜନ ନେଇ ସଂସ୍କୃତି ମନ୍ତ୍ରୀ ଡ. ମହେଶ ଶର୍ମାଙ୍କ ସହ ଧର୍ମେନ୍ଦ୍ର ପ୍ରଧାନଙ୍କ ଆଲୋଚନା
• ଜୁଲାଇ ୨୦ ଅପରାହ୍ନ ୬ଟାରେ ରାଷ୍ଟ୍ରପତି ପ୍ରଣବ ମୁଖାର୍ଜୀ କରିବେ ଉଦଘାଟନ
• ରାଷ୍ଟ୍ରପତିଙ୍କ ଉପସ୍ଥିତି ପାଇକ ବିଦ୍ରୋହକୁ ଉଚିତ ମର୍ଯ୍ୟାଦା ଦେବ
MH9A6530

ଆସନ୍ତା ଜୁଲାଇ ୨୦ ତାରିଖରେ ପାଇକ ବିଦ୍ରୋହର ୨ ଶହ ବର୍ଷ ପୂର୍ତିର ବର୍ଷ ବ୍ୟାପୀ କାର୍ଯ୍ୟକ୍ରମର ଉଦଘାଟନ ନେଇ କେନ୍ଦ୍ର ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଡ. ମହେଶ ଶର୍ମାଙ୍କ ସହ ସାକ୍ଷାତ କରି ସମୀକ୍ଷା କରିଛନ୍ତି କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆସନ୍ତା ୨୦ ତାରିଖ ସଂଧ୍ୟା ୬ ଘଂଟା ସମୟରେ ନୂଆ ଦିଲ୍ଲୀର ବିଜ୍ଞାନ ଭବନ ଠାରେ ମହାମହିମ ରାଷ୍ଟ୍ରପତି ପ୍ରଣବ ମୁଖାର୍ଜୀ ଏହି ବର୍ଷ ବ୍ୟାପୀ କାର୍ଯ୍ୟକ୍ରମର ଶୁଭାରମ୍ଭ କରିବାର କାର୍ଯ୍ୟକ୍ରମ ରହିଛି । ଓଡିଶାରେ ସଂଗଠିତ
ହୋଇଥିବା ବ୍ରିଟିଶ ଶାସନ ବିରୁଦ୍ଧରେ ଦେଶର ପ୍ରଥମ ସଂଗଠିତ ସଶସ୍ତ୍ର ସଂଗ୍ରାମକୁ ଦେଶ ସାମନାରେ ଉପଯୁକ୍ତ ମର୍ଯ୍ୟାଦା ପାଇଁ ଏହି କାର୍ଯ୍ୟକ୍ରମକୁ କିପରି ସୁଚାରୁ ରୁପେ ଆୟୋଜିତ କରାଯାଇ ପାରିବ ସେଥି ପାଇଁ ଶ୍ରୀ ପ୍ରଧାନ ସଂସ୍କୃତି ମନ୍ତ୍ରୀ ଶ୍ରୀ ଶର୍ମାଙ୍କ ସହ ବିଶଦ ଆଲୋଚନା କରିଥିଲେ । ଏହି ଆଲୋଚନାରେ ସଂସ୍କୃତି ବିଭାଗର ବରିÂ
ଅଧିକାରୀ ମାନେ ମଧ୍ୟ ଉପସ୍ଥିତ ଥିଲେ ।

ଏଠାରେ ଉଲ୍ଲେଖ ଯୋଗ୍ୟ ଯେ କେନ୍ଦ୍ର ଅର୍ଥ ମନ୍ତ୍ରୀ ଅରୁଣ ଜେଟଲୀ ତାଙ୍କର ବଜେଟ ଭାଷଣରେ ଓଡିଶାର ପାଇକ ବିଦ୍ରୋହର ୨ ଶତାବ୍ଦୀ ପୂର୍ତିକୁ ଉଚିତ ସମ୍ମାନର ସହିତ ପାଳନ କରିବାକୁ ବଜେଟରେ ବ୍ୟୟବରାଦ ଘୋଷଣା କରିଥିଲେ । ପାଇକ ବିଦ୍ରୋହକୁ ଭାରତ ଇତିହାସରେ ଯେତିକି ଗୁରୁତ୍ୱ ପାଇବା ଉଚିତ ତାହା ମିଳି ନ ଥିବା ବେଳେ ଏହି ଉଦଘାଟନ ଉତ୍ସବରେ ମହାମହିମ ରାଷ୍ଟ୍ରପତିଙ୍କ ଉପସ୍ଥିତି ଏହାକୁ ସମ୍ମାନଜନକ ସ୍ଥାନ ପ୍ରଦାନ କରି ପାରିବ ବୋଲି ଶ୍ରୀ ପ୍ରଧାନ ଆଶା ବ୍ୟକ୍ତ କରିଛନ୍ତି ।

Share in top social networks!

ହମ ସଫର ଏକ୍ସପ୍ରେସର ନୂଆଦିଲ୍ଲୀରୁ ଭିଡିଓ କନଫ୍ରେନ୍ସିଂ ଜରିଆରେ ଶୁଭାରମ୍ଭ; ଦୀର୍ଘ ଦିନର ଅବହେଳା ପରେ ମୋଦି ଶାସନର ତିନି ବର୍ଷରେ ରେଳ କ୍ଷେତ୍ରରେ ଓଡିଶାକୁ ମିଳୁଛି ହକ – ଧର୍ମେନ୍ଦ୍ର ପ୍ରଧାନ

• ରାଜଧାନୀ ଏକ୍ସପ୍ରେସ ଭୁବନେଶ୍ୱରରୁ ନୂଆ ଦିଲ୍ଲୀ ଢେଙ୍କାନାଳ, ଅନୁଗୁଳ, ତାଳଚେର, ସମ୍ବଲପୁର
ରାସ୍ତାରେ ଯୋଡିବାକୁ ପ୍ରସ୍ତାବ
ନୂଆ ଦିଲ୍ଲୀ ଠାରୁ ଭିଡିଓ କନଫ୍ରେନ୍ସ ଦ୍ୱାରା ଭୁବନେଶ୍ୱର ରେଳ ଷ୍ଟେସନରୁ ହମ ସଫର ଏକ୍ସପ୍ରେସର ଶୁଭାରମ୍ଭ ଅବସରରେ ନରେନ୍ଦ୍ର ମୋଦି କ୍ଷମତାକୁ ଆସିବା ପରେ ରେଳବାଇ କ୍ଷେତ୍ରରେ ଓଡିଶାକୁ ତାର ହକ୍ ମିଳିବା ଆରମ୍ଭ ହୋଇଛି ବୋଲି କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି । ଶ୍ରୀ ପ୍ରଧାନ କହିଛନ୍ତି ଯେ ରେଳ ବିଭାଗ ଓଡିଶାରୁ ପ୍ରଚୁର ଟିକସ ରୋଜଗାର କରୁଥିବା ବେଳେ ଓଡିଶାରେ ରେଳ କ୍ଷେତ୍ରରେ ବିକାଶ ପାଇଁ ସେପରି ବଡ ପଦକ୍ଷେପ ନେଉ ନ ଥିଲା ବୋଲି ପୂର୍ବରୁ ଅଭିଯୋଗ ହୋଇ ଆସିଛି । ମାତ୍ର ନରେନ୍ଦ୍ର ମୋଦି ସରକାର କେନ୍ଦ୍ରରେ ଦାୟିତ୍ୱ ନେବା ପରେ ରେଳବାଇ କ୍ଷେତ୍ରରେ ବିକାଶ ପାଇଁ ନିର୍ଦିଷ୍ଟ ଯୋଜନା
ଆଧାରରେ ପୁଂଜି ନିବେଶ ଓ ଉତମ ଯାତ୍ରୀ ସୁବିଧା ପାଇଁ ପଦକ୍ଷେପ ନିଆ ଯାଉଛି ବୋଲି ଏହି ଉଦଘାଟନ ସମାରୋହରେ ଯୋଗ ଦେଇ ଶ୍ରୀ ପ୍ରଧାନ କହିଛନ୍ତି ।

ଶ୍ରୀ ପ୍ରଧାନ କହିଛନ୍ତି ଯେ ଓଡିଶାରୁ ବେଙ୍ଗାଲୁରୁ ପାଇଁ ହମସଫର ଟ୍ରେନର ଶୁଭାରମ୍ଭ ଓଡିଶାରୁ ସେଠାକୁ କାମ କରିବାକୁ ଯାଉଥିବା ଯୁବ ଶକ୍ତି ପାଇଁ ବିଶେଷ ସହାୟକ ହେବ । ଟ୍ରେନଟି ସାପ୍ତାହିକ ହେଲେ ମଧ୍ୟ ଭୁବନେଶ୍ୱରକୁ ବେଙ୍ଗାଲୁରୁ ଓ ଯଶବନ୍ତପୁର ମଧ୍ୟରେ ଯାତାୟାତ କରୁଥିବା ଟ୍ରେନ ଗୁଡିକୁ ମିଶାଇଲେ ଓଡିଶାରୁ ବେଙ୍ଗାଲୁରୁକୁ ଦୈନିକ ଯୋଗାଯୋଗ ପାଇଁ ସୁବିଧା ସୃଷ୍ଟି ହେବ । ସେହିପରି ସମ୍ବଲପୁର ରେଳ ଷ୍ଟେସନରେ ବାଇଫାଇ ସୁବିଧା ଆରମ୍ଭ କରିଥିବାରୁ ରେଳ ମନ୍ତ୍ରୀ ଶ୍ରୀ ସୁରେଶ ପ୍ରଭୁଙ୍କୁ ଶ୍ରୀ ପ୍ରଧାନ
ଧନ୍ୟବାଦ ଦେଇଥିଲେ ।

ଏହା ସହ ଭୁବନେଶ୍ୱରରୁ ନୂଆ ଦିଲ୍ଲୀ ରାଜଧାନୀ ଟ୍ରେନକୁ ଢେଙ୍କାନାଳ, ତାଳଚେର, ଅନୁଗୁଳ, ସମ୍ବଲପୁର ଦେଇ ନୂଆ ଦିଲ୍ଲୀ ସହ ଯୋଡିବାକୁ ଶ୍ରୀ ପ୍ରଧାନ ରେଳ ମନ୍ତ୍ରୀ ସୁରେଶ ପ୍ରଭୁଙ୍କୁ ପ୍ରସ୍ତାବ ଦେଇଥିଲେ । ପରେ ଗଣମାଧ୍ୟମକୁ ସୂଚନା ଦେଇ ଦଶ ବର୍ଷର ୟୁପିଏ ଶାସନରେ ବର୍ଷକୁ ରେଳବାଇ ପାଇଁ ବ୍ୟୟବରାଦ ହଜାର
କୋଟି ହେଉ ନ ଥିବା ବେଳେ ଚଳିତ ଆର୍ଥିକ ବର୍ଷରେ ୫୧୦୨ କୋଟି ଟଙ୍କାର ବ୍ୟୟବରାଦ କରାଯିବା ମୋଦି ସରକାରଙ୍କର ଓଡିଶାରେ ରେଳ ଭିତିଭୂମିର ବିକାଶ ପାଇଁ ଗୁରୁତ୍ୱପୂର୍ଣ ପଦକ୍ଷେପ ବୋଲି ଶ୍ରୀ ପ୍ରଧାନ କହିଥିଲେ ।

Share in top social networks!

ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଇସ୍ରାଏଲର ଶକ୍ତି ମନ୍ତ୍ରୀ ଡ. ୟୁଭାଲ ଷ୍ଟେଇନିଜଙ୍କ ସହ ଦ୍ୱିପାକ୍ଷିକ ଆଲୋଚନା

• ଶକ୍ତି କ୍ଷେତ୍ରରେ ପରସ୍ପର ସହଯୋଗ ପାଇଁ ବୈଠକରେ ସହମତି
• ଭାରତରେ ତୈଳ ଓ ଗ୍ୟାସ ବିଡିଂ ରାଉଣ୍ଡକୁ ପ୍ରମୋସନ କରାଇବା ପାଇଁ ଚାଲିଥିବା ହାଇଡ୍ରୋକାର୍ବନ
ଏକ୍ସପ୍ଲୋରେସନ ଏଣ୍ଡ ଲାଇସେନ୍ସିଂ ପଲିସି ( ଏଚଇଏଲପି)ର ଏକ କାର୍ଯ୍ୟକ୍ରମକୁ କଲେ ଶୁଭାରମ୍ଭ
isreal
ଭାରତର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ତୁର୍କୀର ଇସ୍ତାନବୁଲ ଠାରେ ଚାଲିଥିବା ବିଶ୍ୱ ପେଟ୍ରୋଲିୟମ କଂଗ୍ରେସରେ ଭାରତର ପ୍ରତିନିଧିତ୍ୱ କରିବା ଅବସରରେ ଋଷ, ଲେବାନନ, ତୁର୍କୀ ଓ ଇସ୍ରାଏଲର ଶକ୍ତି ମନ୍ତ୍ରୀ ମାନଙ୍କ ସହିତ ଦ୍ୱିପାକ୍ଷିକ ଆଲୋଚନା କରିଛନ୍ତି । ଏହା ବ୍ୟତୀତ ଶ୍ରୀ ପ୍ରଧାନ ଆନ୍ତର୍ଜାତିକ ତୈଳ କମ୍ପାନୀ ମାନଙ୍କର ସିଇଓ ମାନଙ୍କ ସହ ମଧ୍ୟ ଆଲୋଚନା କରିଛନ୍ତି ।

ବୁଧବାର ଦିନ ଶ୍ରୀ ପ୍ରଧାନ ଇସ୍ରାଏଲର ଭିତିଭୂମି, ଶକ୍ତି ଓ ଜଳ ବିଭାଗର ମନ୍ତ୍ରୀ ଡ. ୟୁଭାଲ ଷ୍ଟେଇନିଜଙ୍କ ସହ ଦ୍ୱିପାକ୍ଷିକ ଆଲୋଚନା କରିଛନ୍ତି । ଏହି କଥାବାର୍ତା ବେଳେ ଶକ୍ତି କ୍ଷେତ୍ରରେ ନୂଆ ଟେକ୍ନୋଲଜି ପାଇଁ ଅପଷ୍ଟ୍ରିମ, ଡାଉନଷ୍ଟ୍ରିମ ସମେତ ଅନୁସନ୍ଧାନ କ୍ଷେତ୍ରରେ ପରସ୍ପର ସହଯୋଗ କରିବାକୁ ସହମତି ପ୍ରକାଶ ପାଇଥିଲା ।
ଏହା ପୂର୍ବରୁ ଶ୍ରୀ ପ୍ରଧାନ ଭାରତର ରାଷ୍ଟ୍ରାୟତ ଉଦ୍ୟୋଗ ମାନଙ୍କର ଟେକ୍ନଲଜି ଓ ଭାରତରେ ତୈଳ ଓ ଗ୍ୟାସ କ୍ଷେତ୍ରରେ ଥିବା ନିବେଶ ସମ୍ଭାବନାକୁ ପ୍ରଦର୍ଶିତ କରୁଥିବା ଏକ ପ୍ରଦର୍ଶନୀକୁ ଉଦଘାଟନ କରିଥିଲେ ।

ଶ୍ରୀ ପ୍ରଧାନ ଭାରତରେ ତୈଳ ଓ ଗ୍ୟାସ ବିଡିଂ ରାଉଣ୍ଡକୁ ପ୍ରମୋସନ କରାଇବା ପାଇଁ ଚାଲିଥିବା ପ୍ରକ୍ରିୟା ହାଇଡ୍ରୋକାର୍ବନ ଏକ୍ସପ୍ଲୋରେସନ ଏଣ୍ଡ ଲାଇସେନ୍ସିଂ ପଲିସି ( ଏଚଇଏଲପି)ର ଏକ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ଏହି କାର୍ଯ୍ୟକ୍ରମରେ ତୈଳ ଶିଳ୍ପ ସହ ଜଡିତ ପ୍ରମୁଖ ବ୍ୟକ୍ତି ବବ ଡୁଡଲି, ଗ୍ରୁପ ସିଇଓ, ବିପି, ଡାନିଏଲ
ୟେରଜିନ, ଭାଇସ ପ୍ରେସିଡେଂଟ, ଆଇଏଚଏସ ମାର୍କିଟ ଓ ଅନ୍ୟ ମାନେ ଉପସ୍ଥିତ ଥିଲେ ।

Share in top social networks!

ପନିପରିବା ଆଉଟଲେଟ ସଫଲର ଉଦଘାଟନ କଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

• ଓଡିଶା ଦେଶର ଚତୁର୍ଥ ସର୍ବାଧିକ ପରିବା ଉପôାଦନକାରୀ ରାଜ୍ୟ, ଚାଷୀଙ୍କୁ ଉଚିତ ମୂଲ୍ୟ ସବୁଠାରୁ ବଡ
ଆହ୍ୱାନ
• କଟକ- ଭୁବନେଶ୍ୱରକୁ କେନ୍ଦ୍ର କରି ଆଖପାଖ ଜିଲ୍ଲାର ଉପôାଦିତ ପରିବାର ପ୍ରକ୍ରିୟାକରଣ କେନ୍ଦ୍ର ପାଇଁ
ପ୍ରସ୍ତାବ
• ତେଲ ଟାଙ୍କିରେ ନାଗରିକ ମାନଙ୍କର ସୁବିଧା ଉଭୟଙ୍କ ପାଇଁ ଲାଭଦାୟକ
ଭୁବନେଶ୍ୱର, ୦୩ ଜୁଲାଇ – ରାଜଧାନୀ ଭୁବନେଶ୍ୱରର ୟୁନିଟ ୧ ମାର୍କେଟ ଠାରେ ଥିବା ବିପିସିଏଲ ତେଲ
ଟାଙ୍କିରେ ଏକ ଉତ୍ସବରେ ଯୋଗ ଦେଇ ସଫଲ ଷ୍ଟୋରର ଶୁଭ ଉଦଘାଟନ କରିଛନ୍ତି କେନ୍ଦ୍ର ପେଟ୍ରୋଲିୟମ ଓ
ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଏହା ଦ୍ୱାରା ଓଡିଶାର ପରିବା ଚାଷୀ ମାନଙ୍କୁ ଲାଭ ମିଳି ପାରିବ ବୋଲି
ଶ୍ରୀ ପ୍ରଧାନ କହିଛନ୍ତି ।
ଉଦଘାଟନ ଉତ୍ସବରେ ଶ୍ରୀ ପ୍ରଧାନ କହିଛନ୍ତି ଯେ ନ୍ୟାସନାଲ ଡାଇରୀ ଡେଭଲପମେଂଟ ବୋର୍ଡ (ଏନଡିଡିବି)
ଏହାର ସଫଳ ବ୍ରାଣ୍ଡ ଦୁଗ୍ଧ ଓ ଦୁଗ୍ଧଜାତ ଦ୍ରବ୍ୟର ମଦର ଡାଏରୀ ଓ ପନିପରିବାର ଆଉଟଲେଟ ସଫଲକୁ
ଲୋକାଭିମୁଖୀ କରି ପାରିଛି । ଏହି ସଂସ୍ଥା ଦ୍ୱାରା ବିକ୍ରୀ ହେଉଥିବା ଦ୍ରବ୍ୟର ଉତମ ଗୁଣବତା କାରଣରୁ ଗ୍ରାହକ
ମାନଙ୍କର ପସନ୍ଦ ହୋଇ ସଫଳ ବ୍ୟବସାୟିକ ମଡେଲ ଭାବେ ଦେଶରେ ଠିଆ ହୋଇଛି ।
ଶ୍ରୀ ପ୍ରଧାନ କହିଛନ୍ତି ଯେ ପନିପରିବା ଉପôାଦନରେ ଓଡିଶା ଦେଶରେ ଚତୁର୍ଥ ସ୍ଥାନରେ ରହିଛି । ଚାଷୀକୁ ତାର
ଉପôାଦନର ସଠିକ ମୂଲ୍ୟ ଦେବା ସବୁଠୁ ବଡ ଆହ୍ୱାନ ରୁପରେ ଠିଆ ହୋଇଛି । କଟକ- ଭୁବନେଶ୍ୱରକୁ କେନ୍ଦ୍ର କରି
ଆଖ ପାଖ ଜିଲ୍ଲା ମାନଙ୍କର ଚାଷୀ ମାନଙ୍କର ପରିବା ଉପôାଦନକୁ ପ୍ରକ୍ରିୟାକରଣ ବ୍ୟବସ୍ଥା କରି ଲୋକ ମାନଙ୍କ
ପାଖରେ ଉଚିତ ଗୁଣବତା ସହ ଲୋକ ମାନଙ୍କୁ ଉପଲବ୍ଧ କରାଇବା ପାଇଁ ଏନଡିଡିବି ଉଦ୍ୟମ କରିବାକୁ ଶ୍ରୀ ପ୍ରଧାନ
ଅନୁରୋଧ କରିଛନ୍ତି । ଏହି ଉଦ୍ୟମ ସହ ତୈଳ ବିପଣନ କମ୍ପାନୀ ଇଣ୍ଡିଆନ ଅଏଲ, ଭାରତ ପେଟ୍ରୋଲିୟମ,
ହିନ୍ଦୁସ୍ତାନ ପେଟ୍ରୋଲିୟମ ତଥା ତୈଳ ମନ୍ତ୍ରଣାଳୟର ଲଜିଷ୍ଟିକ କମ୍ପାନୀ ବାମରଲୋରି ଏହି ଉଦ୍ୟମରେ
ସହଯୋଗର ହାତ ବଢାଇବେ ବୋଲି ଶ୍ରୀ ପ୍ରଧାନ କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଯେ ତୈଳ ବିପଣନ କମ୍ପାନୀ ମାନଙ୍କର ଗ୍ରାହକ ମାନଙ୍କର ସ୍ୱାର୍ଥକୁ ସୁରକ୍ଷା ଓ ସୁବିଧା
ଯୋଗାଇଲେ ଉଭୟ ପକ୍ଷ ଲାଭବାନ ହେବେ । ତେଲ ପକାଇବାକୁ ଆସୁଥିବା ବ୍ୟକ୍ତି ଯଦି ଅଳ୍ପ ସମୟରେ ପରିବା,
ଜନୌଷଧି, ଗ୍ରୋସରୀ, ଏଲଇଡି ବଲ ଇତ୍ୟାଦି ସୁଲଭ ମୂଲ୍ୟରେ କିଣିବାର ସୁଯୋଗ ପାଇବେ ତେବେ ତେଲ ଟାଙ୍କି
ଓ ଗ୍ରାହକ ଉଭୟଙ୍କ ପାଇଁ ଲାଭଦାୟକ ହୋଇ ପାରିବ ।

Share in top social networks!

ସିବିଏସଇ ନମ୍ବର ବିସଙ୍ଗତି ମାମଲାରେ ଅଭିଭାବକ ପ୍ରତିନିଧି ମଣ୍ଡଳୀ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀଙ୍କୁ କଲା ସାକ୍ଷାତ ଏହି ବୈଠକରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଉପସ୍ଥିତ

ଅପିଲ ନ କରି ହାଇକୋର୍ଟଙ୍କ ଆଦେଶକୁ ପାଳନ କରିବାକୁ ସିବିଏସଇକୁ
ନିର୍ଦେଶ ଦେଇଛନ୍ତି ମାନବ ସମ୍ବଳ ବିକାଶ ମନ୍ତ୍ରୀ – ଧର୍ମେନ୍ଦ୍ର ପ୍ରଧାନ
• ସିବିଏସଇ ହାଇକୋର୍ଟଙ୍କ ନିର୍ଦେଶ ବିରୁଦ୍ଧରେ ଅପିଲ କରିବ ନାହିଁ
• ପିଲା ମାନଙ୍କୁ ଉତର ଖାତାର ନକଲ ପ୍ରଦାନର ତାରିଖକୁ ବଢା ଯାଇଛି
• ନମ୍ବରରେ ଆପତି ଥିଲେ କୋର୍ଟ ନିର୍ଦେଶ ଆଣିଲେ କରାଯିବ ପୁନଃ ମୂଲ୍ୟାୟନ19274812_1396309820452593_9005276313346605685_n

ମାନ୍ୟବର ହାଇକୋର୍ଟ ପରୀକ୍ଷା ଖାତା ପୁନର୍ମୂଲ୍ୟାୟନ ଓ ଅନ୍ୟାନ୍ୟ ପ୍ରସଙ୍ଗରେ ଯାହା ନିର୍ଦେଶ ଦେଇଛନ୍ତି ସିବିଏସଇ ଏହାକୁ ଅକ୍ଷରେ ଅକ୍ଷରେ ପାଳନ କରିବା ପାଇଁ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ସିବିଏସଇକୁ କଡା ନିର୍ଦେଶ ଦେଇଛନ୍ତି । ସିବିଏସଇ ହାଇକୋର୍ଟଙ୍କ ନିର୍ଦେଶ ବିରୁଦ୍ଧରେ ଅପିଲ କରିବ ନାହିଁ ବୋଲି ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଶ୍ରୀ ପ୍ରଧାନ ଅଭିଭାବକ ପ୍ରତିନିଧି ମଂଡଳୀ ସହ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାବଡେକରଙ୍କ ସହ ଆଲୋଚନା କରିବା ପରେ ଗଣମାଧ୍ୟମ
ପ୍ରତିନିଧିଙ୍କ ପ୍ରଶ୍ନର ଉତରରେ କହିଛନ୍ତି ।

ଏହା ସହ ଯେଉଁ ପିଲା ମାନଙ୍କର ନମ୍ବରରେ ବିସଙ୍ଗତି ଅଛି ସେମାନଙ୍କୁ ସେମାନଙ୍କର ଉତର ଖାତାର ନକଲ ଯୋଗାଇ ଦିଆ ଯିବାର ବ୍ୟବସ୍ଥା କରା ଯାଇଛି । ଯେଉଁ ମାନଙ୍କର ଏହା ପରେ ନମ୍ବର ନେଇ ଆପତି ରହିବ ସେମାନେ କୋର୍ଟକୁ ଯାଇ ଆଦେଶ ଆଣିବା ପରେ ଖାତାର ପୁନଃ ମୂଲ୍ୟାୟନ କରାଯିବ । ପିଲା ମାନଙ୍କୁ ଉତର
ଖାତାର ନକଲ ଦେବା ପାଇଁ ତାରିଖକୁ ବଢାଇ ଦିଆ ଯାଇଥିବା ଶ୍ରୀ ପ୍ରଧାନ କହିଛନ୍ତି ।

ଗୁରୁବାର ଦିନ ନୂଆ ଦିଲ୍ଲୀର ଶାସ୍ତ୍ରୀ ଭବନ ଠାରେ ଓଡିଶାରେ ସିବିଏସଇ ଦ୍ୱାଦଶ ଶ୍ରେଣୀ ପରୀକ୍ଷା ନମ୍ବର ବିଭ୍ରାଟ ମାମଲାରେ ଓଡିଶାର ଅଭିଭାବକ ପ୍ରତିନିଧି ମଣ୍ଡଳୀଙ୍କ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାବଡେକରଙ୍କ ସହ ସାକ୍ଷାତ କରିବା ସମୟରେ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ
ଉପସ୍ଥିତ ଥିଲେ । ଶ୍ରୀ ପ୍ରଧାନ କହିଛନ୍ତି ଯେ ସିବିଏସଇର ଆଂଚଳିକ ଶାଖାରେ ଥିବା ଅଧିକାରୀ ଗୋଟିଏ ଢାଂଚାରେ ସଂସ୍ଥାକୁ ଚଲାଉଥିବା ବେଳେ ଆଉ ଜଣେ ମ୍ୟାଡମ ଆସିବା ପରେ ସିବିଏସଇ କାର୍ଯ୍ୟକୁ ଅନ୍ୟ ଏକ ଢାଂଚାରେ ଚଳାଇଲେ । ଏହା ଯୋଗୁ ଓଡିଶା ସମେତ ଏହି ଜୋନରେ ଆସୁଥିବା ଅନ୍ୟାନ୍ୟ ରାଜ୍ୟର ପିଲା ମାନେ ମଧ୍ୟ ହନ୍ତ ସନ୍ତ ହୋଇଛନ୍ତି ବୋଲି ଶ୍ରୀ ପ୍ରଧାନ ଗଣମାଧ୍ୟମକୁ କହିଛନ୍ତି ।

Share in top social networks!