ଏଲପିଜି ଗ୍ରାହକ ସଂଖ୍ୟା ବୃଦ୍ଧି ସହ ନୂଆ ବିତରକଙ୍କୁ ବିତରଣ ପାଇଁ ଅନୁମତି ପତ୍ର ବାଂଟିଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

• ଓଡିଶାରେ୨୦୧୪ ସୁଦ୍ଧା ୨୦ ଲକ୍ଷ ଏଲପିଜି ଗ୍ରାହକ ଥିଲା ବେଳେ ଏବେ ସୁଦ୍ଧା ହେଲେଣି ୫୦
ଲକ୍ଷ ଗ୍ରାହକ
• ରାଜ୍ୟର ଏକ କୋଟି ଘରେ ଏଲପିଜି ପହଂଚାଇବାର ଲକ୍ଷ୍ୟ
• ଏଲପିଜି ବିତରଣ, ପାଇପ ଯୋଗେ ପରିବହନ, ବଟଲିଂ ପ୍ଲାଂଟ ଓ ଘରେ ପାଇପ ଯୋଗେ ଗ୍ୟାସ ଯୋଗାଣରେ ଖର୍ଚ ହେବ ଦେଢ ହଜାର କୋଟି ଟଙ୍କା

20170821121928_5G1A2142
ଓଡିଶାରେ ଏଲପିଜି ଗ୍ରାହକଙ୍କ ସଂଖ୍ୟା ଦୃତ ବେଗରେ ବଢୁଥିବା କାରଣରୁ ଏଲପିଜି ଯୋଗାଣ ବ୍ୟବସ୍ଥାର ସୁଦୃଢୀକରଣ ପାଇଁ ନୂଆ ବିତରଣ କେନ୍ଦ୍ର ପ୍ରତିÂା କରିବାକୁ ଯାଉଥିବା ବ୍ୟକ୍ତିବିଶେଷ ମାନଙ୍କୁ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଲେଟର ଅଫ ଇଂଟେଂଟ ପ୍ରଦାନ କରିଛନ୍ତି । ସ୍ଥାନୀୟ ଜୟଦେବ ଭବନ ଠାରେ ଉତ୍ସବରେ ଉଦବୋଧନ ଦେଇ ଶ୍ରୀ ପ୍ରଧାନ କହିଛନ୍ତି ଯେ ୨୦୧୪ରେ ମୋଦି ସରକାର ଦାୟିତ୍ୱ ନେବା ପୂର୍ବରୁ ଓଡିଶାରେ ୨୦ ଲକ୍ଷ ଘରେ ଏଲପିଜି ସଂଯୋଗ ଥିବା ବେଳେ ଏହା ଏବେ ବୃଦ୍ଧି ପାଇ ୫୦ ଲକ୍ଷ ଘରେ ପହଂଚିଛି । ବୃଦ୍ଧିର ହାର ୧୫୦ ପ୍ରତିଶତ ରହିଛି ବୋଲି ସେ କହିଛନ୍ତି । ଏହି ତିନି ବର୍ଷରେ ୧୫ ଲକ୍ଷ ଗରୀବ ମା ଭଉଣୀଙ୍କ ପାଖରେ ଉଜ୍ୱଳା ଯୋଜନାରେ ମାଗଣାରେ ଗ୍ୟାସ ସଂଯୋଗ ପହଂଚା ଯାଇଛି ବୋଲି ସେ କହିଛନ୍ତି ।

ଶ୍ରୀ ପ୍ରଧାନ କହିଛନ୍ତି ଯେ ଦେଶରେ ସ୍ୱାଧୀନତାରୁ ମୋଦି ପ୍ରଧାନମନ୍ତ୍ରୀ ଦାୟିତ୍ୱ ନେବା ପର୍ଯ୍ୟନ୍ତ ୧୪ କୋଟି ଏଲପିଜି ଗ୍ରାହକ ଥିବା ବେଳେ ଏହି ସଂଖ୍ୟା ୭ କୋଟି ବୃଦ୍ଧି ପାଇ ୨୧ କୋଟିରେ ପହଂଚିଛି । ଓଡିଶାରେ ଏହି ଗ୍ରାହକ ସଂଖ୍ୟାକୁ ରାଜ୍ୟର ଏକ କୋଟି ଘର ପହଂଚାଇବା ପାଇଁ ଲକ୍ଷ୍ୟ ଧ୍ୟାର୍ଯ୍ୟ କରା ଯାଇଛି । ଏଥି ପାଇଁ ବିତରକ ନେଟବର୍କ ବୃଦ୍ଧି, ବଟଲିଂ ପ୍ଲାଂଟ, ଏଲପିଜି ପାଇପଲାଇନ, ପାଇପ ଯୋଗେ ଘରେ ଘରେ ଗ୍ୟାସ ପହଂଚାଇବା ପାଇଁ କାର୍ଯ୍ୟକ୍ରମ ହାତକୁ ନିଆ ଯାଇଛି । ରାଜ୍ୟରେ ପୂର୍ବରୁ ଚାରିଟି ବଟଲିଂ ପ୍ଲାଂଟ ଥିବା ବେଳେ ଆଉ ୪ ଶହ କୋଟି ଟଙ୍କା ଖର୍ଚରେ ଆଉ ତିନୋଟି ବଟଲିଂ ପ୍ଲାଂଟ ରାଜ୍ୟରେ ଖୋଲା ଯାଉଛି । ପାରାଦୀପରୁ ବାଲେଶ୍ୱର ପାଇପଲାଇନ ଯୋଗେ ଏଲପିଜି ପରିବହନର ବ୍ୟବସ୍ଥା କରାଯାଇଛି । ଏଲପିଜି ବିତରଣ ପ୍ରକ୍ରିୟାରେ ତାଙ୍କ ବିଭାଗ ରାଜ୍ୟରେ ଦେଢ ହଜାର କୋଟି ଟଙ୍କାର ବ୍ୟୟର ବ୍ୟବସ୍ଥା ତିଆରି କରିଛନ୍ତି ବୋଲି ଶ୍ରୀ ପ୍ରଧାନ କହିଛନ୍ତି ।
ରାଜ୍ୟରେ ଏ ପର୍ଯ୍ୟନ୍ତ ମୋଟ ୫୮୨ ଏଲପିଜି ବିତରକ ପୂର୍ବରୁ ୨୦ ଲକ୍ଷ ପରିବାରକୁ ଏଲପିଜି ଯୋଗାଉଥିଲେ ା ଏହି ବିତରକ ସଂଖ୍ୟାକୁ ଦୁଇ ଗୁଣ କରା ଯିବାକୁ ଲକ୍ଷ୍ୟ ରଖା ଯାଇଛି । ପ୍ରଥମ କିସ୍ତିରେ ଚାରିଶହ ବିତରକଙ୍କ ପାଇଁ ବିଜ୍ଞାପନ ଓ ସ୍ୱଚ୍ଛ ଚୟନ ମାଧ୍ୟମରେ ବଛା ଯିବାର ବ୍ୟବସ୍ଥା କରାଯାଇଛି । ସୋମବାର ଦିନ ଏଥି ମଧ୍ୟରୁ ୧୨୧ ଜଣଙ୍କୁ ଯୋଗ୍ୟ ବିବେଚିତ କରାଯାଇଛି । ଏହି ତାଲିକାରେ ୩୬ ମହିଳା, ୨୦ ଅନୁସୂଚିତ ଜାତି- ଜନଜାତି ଓ ୨୫ ଓବିସି ବର୍ଗର ଆଶାୟୀ ସାମିଲ ଅଛନ୍ତି ।
ଶ୍ରୀ ପ୍ରଧାନ କହିଛନ୍ତି ଯେ ସ୍ୱଚ୍ଛ ଉପାୟରେ ଲଟେରୀ ମାଧ୍ୟମରେ ଚୟନ ପ୍ରକ୍ରିୟା କରା ଯାଇଥିବାରୁ ଜଗନ୍ନାଥଙ୍କ ଆଶୀର୍ବାଦରୁ ଲେଟର ଅଫ ଇଂଟେଟ ନେଉଥିବା ଯୋଗ୍ୟ ବ୍ୟକ୍ତି ମାନେ ସାମିଲ ଅଛନ୍ତି ।

ଶ୍ରୀ ପ୍ରଧାନ କହିଛନ୍ତି ଯେ ଏଲପିଜି ସହ ସୁରକ୍ଷା ଅତ୍ୟନ୍ତ ଜରୁରୀ । ପୂର୍ବରୁ ଏଲପିଜି ଦୁର୍ଘଟଣା ଜନିତ ବୀମାରାଶି ନଗଣ୍ୟ ଥିବା ବେଳେ ଏବେ ଏହା ୬ ଲକ୍ଷ ଟଙ୍କା କୁ ବୃଦ୍ଧି କରାଯାଇଛି । ମାତ୍ର ଜୀବନ ସାମନାରେ ଟଙ୍କାର ମୂଲ୍ୟ କିଛି ନ ଥିବା କାରଣରୁ ବଡ ଆକାରରେ ସୁରକ୍ଷା ପାଇଁ ସଚେତନତା ପାଇଁ ତାଙ୍କ ବିଭାଗ କରିଥିବା ଯୋଜନାରେ
ନୂତନ ବିତରକ ମାନେ ସାମିଲ ହେବାକୁ ସେ ଅନୁରୋଧ କରିଛନ୍ତି । ଶ୍ରୀ ପ୍ରଧାନ କହିଛନ୍ତି ଯେ ଘରୋଇ ଧୁଆଁ କାରଣରୁ ଦେଶରେ ବାର୍ଷିକ ପାଂଚ ଲକ୍ଷ ମହିଳାଙ୍କ ମୃତ୍ୟୁ ହେଉଥିବା କାରଣରୁ ଏଲପିଜି ବିତରଣ ଏକ ବ୍ୟବସାୟିକ ଲାଭ ପାଇଁ କରାଯାଉଥିଲେ ମଧ୍ୟ ଏହା ସହ ଜୀବନ ବଂଚାଇବାର ଏକ ମହତ କାମରେ ଏଲପିଜି ବିତରକ ମାନଙ୍କର ଭାଗ ରହିଛି ବୋଲି ଶ୍ରୀ ପ୍ରଧାନ କହିଛନ୍ତି ।

Share in top social networks!

ଆଦିମ ଜନଜାତି ମାଙ୍କିଡିଆ ବର୍ଗର ପ୍ରଥମ ମାଟ୍ରିକ ପାସ ଛାତ୍ରୀ କୁହା ଯାଉଥିବା ମୋନିକା ମାଙ୍କିଡିଆଙ୍କୁ ଅଭିନନ୍ଦନ ଜଣାଇଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

monica
• ଅଧ୍ୟବସାୟ ଆଗରେ ଅର୍ଥ ପ୍ରତିବନ୍ଧକ ହେବ ନାହିଁ
• ଭାରତୀୟ ତୈଳ ନିଗମକୁ ଉଚ୍ଚ ଶିକ୍ଷା ପାଇଁ ଆର୍ଥିକ ସହାୟତା ଯୋଗାଇ ଦେବାକୁ ନିର୍ଦେଶ ଦେଲେ ମନ୍ତ୍ରୀ
• ପୂର୍ବରୁ ବ୍ରହ୍ମପୁର ନୀଳକଣ୍ଠ ନଗର ବିଦ୍ୟା ମନ୍ଦିରର ରାଜ୍ୟର ଚାରି ସର୍ବୋଚ୍ଚ ନମ୍ବର ରଖିଥିବା ଛାତ୍ର- ଛାତ୍ରୀ
ସମସ୍ତେ ନିମ୍ନ ମଧ୍ୟ ବର୍ଗର ବୋଲି କହିଲେ କେନ୍ଦ୍ର ମନ୍ତ୍ରୀ
• ସାଧାରଣ ଓଡିଆ ଘରର ପିଲାଙ୍କ ମେଧା ଶକ୍ତି ଓଡିଶାର ମୂଳ ପୁଂଜି, ସୁଯୋଗ ମିଳିଲେ ଅସମ୍ଭବକୁ ସମ୍ଭବ
କରିବାର କ୍ଷମତା ରଖିଛନ୍ତି ଓଡିଆ ପିଲା
ଆଦିମ ଜନଜାତି ମାଙ୍କିଡିଆ ବର୍ଗର ପ୍ରଥମ ହାଇସ୍କୁଲ ପାସ କରିଥିବା କୁହା ଯାଉଥିବା ଝିଅ ମୋନିକା ମାଙ୍କିଡିଆଙ୍କୁ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭୁବନେଶ୍ୱର ଠାରେ ସମ୍ବର୍ଧିତ କରିଛନ୍ତି । ଖଣିରେ ଦିନ ମଜୁରିଆ ଭାବେ କାମ କରୁଥିବା ଗରୀବ ପରିବାରର ଝିଅ ବସ୍ତିରେ ଜୀବନ କଟାଇ ସରକାରୀ
ସ୍କୁଲରେ ପାଠ ପଢି ଯଦି ସଫଳ ହେଉଛନ୍ତି ଏହା ହିଁ ନ୍ୟୁ ଓଡିଶାର ଚିତ୍ର ବୋଲି ଶ୍ରୀ ପ୍ରଧାନ କହିବା ସହ ମୋନିକାଙ୍କ ସମେତ ତାଙ୍କର ବାପା ରାମଦାସ ମାଙ୍କିଡିଆ ଓ ମା ସାବିତ୍ରୀ ମାଙ୍କିଡିଆଙ୍କୁ ଅଭିନନ୍ଦନ ଜଣାଇଥିଲେ । ଶ୍ରୀ ପ୍ରଧାନ କହିଛନ୍ତି ଯେ ଆଗ୍ରହ ଓ ଅଧ୍ୟବସାୟ ଥିଲେ ଅର୍ଥ ପ୍ରତିବନ୍ଧକ ହୋଇ ପାରିବ ନାହିଁ । ଭାରତ
ସରକାରଙ୍କର ରାଷ୍ଟ୍ରାୟତ ଉଦ୍ୟୋଗ ଭାରତୀୟ ତୈଳ ନିଗମ ମୋନିକାଙ୍କ ଉଚ୍ଚ ଶିକ୍ଷା ତାଙ୍କ ପସନ୍ଦରେ ସରକାରୀ କଲେଜ ହେଉ ବା କୌଣସି ବେସରକାରୀ ଶିକ୍ଷାନୁÂାନ ସେଥିରେ ଶିକ୍ଷା ଗ୍ରହଣ ପାଇଁ ଆର୍ଥିକ ସହାୟତାଯୋଗାଇ ଦେବାକୁ ନିର୍ଦେଶ ଦେଇଥିଲେ ।

ଶ୍ରୀ ପ୍ରଧାନ କହିଛନ୍ତି ଯେ ଆଜି ସକାଳେ ବ୍ରହ୍ମପୁର ନୀଳକଣ୍ଠନଗର ସ୍ଥିତ ସରସ୍ୱତୀ ବିଦ୍ୟାମନ୍ଦିରର ଚାରି ଜଣ ଅତୀବ ମେଧାବୀ ଛାତ୍ର- ଛାତ୍ରୀଙ୍କୁ ସମ୍ବର୍ଧିତ କରିଥିଲେ । ସେ କହିଥିଲେ ଯେ ଏହି ବିଦ୍ୟାଳୟର ଚାରି ଜଣ ଛାତ୍ର- ଛାତ୍ରୀ ସୁଯୋଗ୍ୟ କୁମାର ସାହୁ, ସନ୍ତୋଷୀ ପାଢୀ, ସୌମ୍ୟାଶ୍ରୀ ଖାଡଙ୍ଗା ଓ ସୁପ୍ରିତା ଦେବୀ ୯୬.୫୦ ପ୍ରତିଶତରୁ ୯୬.୮ ପ୍ରତିଶତ ରଖି ରାଜ୍ୟରେ ପ୍ରଥମ ଚାରି ସ୍ଥାନ ହାସଲ କରିଥିବା ବିଦ୍ୟାଳୟ ତରଫରୁ କୁହାଯାଇଥିଲା । ଶ୍ରୀ ପ୍ରଧାନ କହିଛନ୍ତି ଯେ ଏହି ଚାରି ଜଣ ପିଲା ନିମ୍ନ ମଧ୍ୟବିତ ପରିବାରରୁ କିଏ କାହାର ବାପା ସ୍କୁଲ ଶିକ୍ଷକ, କନେଷ୍ଟବଳ ବା ରାଜ୍ୟ ସରକାରରେ ଅଣ ଗେଜେଟେ କର୍ମଚାରୀ ଭାବେ କାମ କରନ୍ତି । ମାଙ୍କିଡିଆ ବର୍ଗର ମୋନିକା ହୁଅନ୍ତୁ ଅଥବା ନିମ୍ନ ମଧ୍ୟ ପରିବାରର ଚାରି ସଫଳ ପୁଅ – ଝିଅ ଅଗାଧ ମେଧା ଶକ୍ତି ସାଧାରଣ ଓଡିଆ ପିଲା ମାନଙ୍କର ମୂଳ ଶକ୍ତି । ସେମାନଙ୍କୁ ସୁଯୋଗ ଉପଲବ୍ଧ କରାଇଲେ ସେମାନଙ୍କ ପାଖରେ ଅସମ୍ଭବକୁ ସମ୍ଭବ କରିବାର କ୍ଷମତା ରହିଛି । ଶ୍ରୀ ପ୍ରଧାନ ମାଟ୍ରିକ ପରୀକ୍ଷାରେ ସମସ୍ତ ସଫଳ ଛାତ୍ର- ଛାତ୍ରୀ ମାନଙ୍କୁ ଅଭିନନ୍ଦନ ଜଣାଇବା ସହ ଆଗାମୀ ଦିନରେ ଓଡିଶାକୁ ଆହୁରି ଆଗକୁ ନେବାକୁ ସହାୟକ ହେବ ବୋଲି ଆଶା ବ୍ୟକ୍ତ କରିଛନ୍ତି ।

Share in top social networks!