“ଯୁବବର୍ଗ ଓ ଗଣମାଧ୍ୟମ ”ଶୀର୍ଷକ ଏକ ପରାମର୍ଶୀୟ କର୍ମଶାଳା ଆୟୋଜିତ

26 CONSELTIVE WORKSHOP ON YOUTH MEDIA  (3)ରାଜ୍ୟରେ ଏକ ଯୁବନୀତି ପ୍ରଚଳନ ନିମନ୍ତେ କ୍ରିଡା ଓ ଯୁବସେବା ବିଭାଗ ଓ ସୂଚନା ଓ ଲୋକସମ୍ପର୍କ ବିଭାଗର ମିଳିତ ଆନୁକୁଲ୍ୟରେ “ଯୁବବର୍ଗ ଓ ଗଣମାଧ୍ୟମ ”ଶୀର୍ଷକ ଏକ ପରାମର୍ଶୀୟ କର୍ମଶାଳାଆୟୋଜିତ ହୋଇଯାଇଛି । ଏଥିରେ ରାଜ୍ୟର ଅଭିଜ୍ଞ ସାମ୍ବାଦିକ ଏବଂ ବିଭିନ୍ନ ବର୍ଗର ଯୁବପ୍ରତିନିଧୀମାନେ ଯୋଗଦେଇ ଯୁବନୀତି ପ୍ରଣୟନର ଅନେକ ଗୁରୁତ୍ୱପୂର୍ଣ୍ଣ ଦିଗ ଉପରେ ଆଲୋଚନା କରିଥିଲେ ।

ସ୍ଥାନୀୟ ସୂର୍ଯ୍ୟ ହୋଟେଲର ସମ୍ମିଳନୀ କକ୍ଷରେ ଆୟୋଜିତ କର୍ମଶାଳାକୁ ପୂର୍ବାହ୍ନରେ କ୍ରିଡା ଓ ଯୁବସେବା ବିଭାଗର ମୁଖ୍ୟଶାସନ ସଚିବ ଶ୍ରୀ ଆଇ .ଶ୍ରୀନିବାସ ଉଦ୍ ଘାଟନକରି ଯୁବ ବର୍ଗ ସଂଖ୍ୟାର ୪୦ଭାଗ ହୋଇଥିବା ଦୃଷ୍ଟିରୁ ସେମାନଙ୍କ ନିମନ୍ତେ ଏକ ସ୍ଵତନ୍ତ୍ର ନୀତି ପ୍ରଣୟନପାଇଁ ଅନେକ ସୁଫଳ ଆଣି ପାରିବ ବୋଲି କହିଥିଲେ । ସମୟର ପରିବର୍ତ୍ତନ ସହ ଆମର ମାନସିକ ମାନସିକ ପରିବର୍ତ୍ତନ ଆବଶ୍ୟକ ବୋଲି ସେ କହିଥିଲେ ।

ଅନ୍ୟ ମାନଙ୍କ ମଧ୍ୟରୁ ସନ୍ ମାର୍ଗ ର ବରିଷ୍ଠ ସାମ୍ବାଦିକ ଡଃ ଅଶୋକ ପଣ୍ଡା ଯୁବନୀତି ପ୍ରଣୟନ କ୍ଷେତ୍ରରେ ଅନେକ ଆବଶ୍ୟକ,କାରଣ ଏମାନେ ହେଉଛନ୍ତି ରାଷ୍ଟ୍ର ଗଠନର ଶକ୍ତିର ପ୍ରତୀକ । ଏମାନଙ୍କୁ ଉଚିତ ମାର୍ଗ ଦର୍ଶନ କରାଗଲେ ସମାଜର ଉନ୍ନତି ସାଧନ ହୋଇପାରିବ ବୋଲି ସେ କହିଥିଲେ । ଟାଇମସ ଅଫ ଇଣ୍ଡିଆ ର ଶ୍ରୀ ରାଜାରମ ଶତପଥୀ ଯୁବନୀତି କଣ ଓ କାହିଁକି ଏହା ଭଲ ଭାବରେ ଜାଣିବା ସହ ଏହିପ୍ରଣୟନ ପକ୍ରିୟାରେ ସମସ୍ତଙ୍କୁ ସାମିଲ ହେବାର ସୁଯୋଗ ପ୍ରଦାନ ଉପରେ ଗୁରୁତ୍ଵାରୋପ କରିଥିଲେ ।

ଅପରାହ୍ନରେ ଉପସ୍ଥିତ ଅତିଥିମାନେ ନିଜନିଜର ମତ ପ୍ରଦାନ କରି ଏହି ପ୍ରକ୍ରିୟାକୁ ସ୍ଵାଗତ ଜଣାଇଥିଲେ । କ୍ରୀଡା ପ୍ରାରମ୍ଭରେ କ୍ରୀଡା ଓ ଯୁବସେବା ନିର୍ଦ୍ଦେଶକ ଶ୍ରୀ ଡି.ଭି ସ୍ଵାମୀ ସ୍ଵାଗତ ଭାଷଣ ଦେଇଥିବାବେଳେ ସୂଚନା ଓ ଲୋକ ସମ୍ପର୍କ ନିର୍ଦ୍ଦେଶକ ଶ୍ରୀ ଦେବେନ୍ଦ୍ର ଦାସ ଧନ୍ୟବାଦ ଅର୍ପଣା କରିଥିଲେ । କର୍ମଶାଳାରେ ବିଭାଗୀୟ ବତିଷ୍ଠ ଅଧିକାରୀଙ୍କ ସହ ସାମ୍ବାଦିକ ମାନେ ଉପସ୍ଥିତ ଥିଲେ ।

Share in top social networks!

ଓଡିଶା ଯୁବ ନୀତି ପ୍ରଣୟନରେ ଆଦିବାସୀ ଯୁବ ପିଢୀ ମାନଙ୍କର ଅବଦାନ

39478ଓଡିଶାରେ ସମଗ୍ର ଲୋକସଂଖ୍ୟା ମଧ୍ୟରେ ଏକପଞ୍ଚମାଂଶ ହେଉଛନ୍ତି ଆଦିବାସୀ ଯେଉଁମାନେ କି ଓଡିଶାର ଭୌଗୋଳିକ ସ୍ଥିତି ଅନୁଯାୟୀ ପ୍ରକୃତିକ ବୈଶିଷ୍ଠତା ଭାର ଭୂଭାଗରେ ବସବାସକରୁଛନ୍ତି । ମାତ୍ର ଏମାନେ ସର୍ବଦା ପ୍ରଗତି ଠାରୁ ଦୂରରେ ରହି ସମାଜ ରେ ବିଭିନ୍ନ ବାଧାବିଘ୍ନର ସମ୍ମୁଖୀନ ହୋଇଥାନ୍ତି । ସମଗ୍ର ରାଜ୍ୟ ଉନ୍ନତି ପଥରେ ଅଗ୍ରସର ହେଉଥିବାବେଳେ ଏହି ଅଧ୍ୟୁଷିତ ଆଦିମ ଜନଜାତିଙ୍କ ଅବଦାନ ଏକ ଚର୍ଚ୍ଚାର ବିଷୟ ହୋଇଆସିଛି ।

ଓଡିଶା ରାଜ୍ୟ ଯୁବନୀତି ୨୦୧୩ କାର୍ଯ୍ୟକ୍ରମ ଅଂଶସ୍ଵରୂପ ଗତ ୧୩ ଫେବୃୟାରୀ ୨୦୧୩ ଦିନ କେଉଁଝର ଠାରେ ରାଜ୍ୟ ଯୁବସେବା ବିଭାଗ ଏବଂ ୟୁଏନ୍ଏଫ୍ ପିଏ ର ମିଳିତ ଆନୁକୁଲ୍ୟରେ ଆଦିବାସୀ ଯୁବପିଢିମାନଙ୍କୁ ନେଇ ଏକ ଆଞ୍ଚଳିକ କାର୍ଯ୍ୟକ୍ରମ ହୋଇଯାଇଛି । ଏହି କାର୍ଯ୍ୟକ୍ରମରେ କେଉଁଝର,ମୟୂରଭଞ୍ଜ ,ଏବଂ ସୁନ୍ଦରଗଡ ଭଳି ଜିଲ୍ଲା ମାନଙ୍କରୁ ଅନୁନ୍ୟଆଦିବାସୀଦଳଙ୍କ ମଧ୍ୟରେ ପ୍ରାୟ ୬୬ ଜଣ ଆଦିବାସୀ ଯୁବକ ଅଂଶ ଗ୍ରହଣ କରିଥିଲେ,ଯେଉଁମାନଙ୍କ ମଧ୍ୟରେ ୪୦ଭାଗ ଥିଲେ ମାହିଳା । ଏହି କାର୍ଯ୍ୟକ୍ରମରେ ରାଜ୍ୟ ତଥା ଜିଲ୍ଲା ସ୍ତରରୁ ବହୁ ବିଶେଷଜ୍ଞ ସମେତ ଜିଲ୍ଲାର ବରିଷ୍ଠ ଅଧିକାରୀ ବୃନ୍ଦ ଏବନ ସମାଜ ମଙ୍ଗଳକାରୀ ଅନୁଷ୍ଠାନମାନେ ମଧ୍ୟ ଉପସ୍ଥିତ ଥିଲେ ।

କେଉଁଝର ଜିଲ୍ଲାପାଳ ଶ୍ରୀ ବଳବନ୍ତ ସିଂହ ,ଆଇ.ଏ.ଏସ୍ ଉନ୍ନତିରେ ବାଧକ ତଥା ପ୍ରଗତି ମୂଳକ ନୀତି ପ୍ରଣୟନରେ ଆଦିବାସୀ ଯୁବପିଢି ମାନଙ୍କର ସାମିଲ୍ ବା ଅବଦାନ ଉପରେ ବିଶେଷ ଆଲୋକପାତ କରିଥିଲେ । ଏହି କାର୍ଯ୍ୟକ୍ରମର ପ୍ରାଥମିକ ସ୍ତରରେ ଆଦିବାସୀମାନଙ୍କ ଆଞ୍ଚଳିକ ଭାଷା ଶିକ୍ଷାର କିପରି ଏକ ମାଧ୍ୟମ ହୋଇପାରିବ , ଯୁବପିଢୀଙ୍କ ମଧ୍ୟରେ ବିଭିନ୍ନ ପାରମ୍ପରିକ କ୍ରିଡା ଏବଂ ବୃତ୍ତିର ପ୍ରଚାର ଓ ପ୍ରସାର ଏବଂ ଆଦିବାସୀ ଚିତ୍ରକଳା,ସଂସ୍କୃତିକୁ ପ୍ରଦଶନ କରିବା ନିମନ୍ତେ କାର୍ଯ୍ୟକ୍ରମ ଉପରେ ମତ ପ୍ରକାଶ ପାଇଥିଲା।

ଏହା ବ୍ୟତୀତ ସଚେତନତା ସୃଷ୍ଟି , ସରକାରଙ୍କ ବିଭିନ୍ନ ଯୋଜନା , ମହିଳାମାନଙ୍କ ସ୍ୱାସ୍ଥ୍ୟ , ଆଦିବାସୀ ମାନଙ୍କର ସ୍ଵତନ୍ତ୍ର ପରିଚୟ ସୃଷ୍ଟି କରିବା , ସେମାନଙ୍କ ଭାଷା ଓ ସଂସ୍କୃତି ର ବିକାଶ ଆଦି ଉପରେ ଆଲୋଚନା କରାଯାଇଥିଲା।

Share in top social networks!