ମହିଳା ସ୍ଵୟଂ ସହାୟକ ଗୋଷ୍ଠୀ ପାଇଁ ସୁଧରେ ଦୁଇ ପ୍ରତିଶତ ରିହାତି ଘୋଷଣା

tn_22-7-2013=1ମହିଳା ସ୍ଵୟଂ ସହାୟକ ଗୋଷ୍ଠୀ ପାଇଁ ରାଜ୍ୟ ସରକାର ସୁଧ ଉପରେ ରିହାତି ଘୋଷଣା କରିଛନ୍ତି । integrated action plan କାର୍ଯ୍ୟକାରୀ ହେଉଥିବା ଜିଲ୍ଲା ମାନଙ୍କର ମହିଳା ସ୍ଵୟଂ ସହାୟକ ଗୋଷ୍ଠୀ ପାଇଁ ସୁଧା ଉପରେ ୨ ପ୍ରତିଶତ ରିହାତି ଦିଆଯିବ । non IAP ଜିଲ୍ଲାମାନଙ୍କରେ ତିନି ପ୍ରତିଶତ ସୁଧ ଉପରେ ଦିଆଯିବ ଏବଂ ଠିକ୍ ସମୟରେ ସୁଧ ଦଉଥିବା ଗୋଷ୍ଠୀ ମାନଙ୍କୁ ଦୁଇ ପ୍ରତିଶତ ରିହାତି ଦିଆଯିବ ।

ସର୍ବାଧିକ ତିନି ଲକ୍ଷ ଟଙ୍କା ପର୍ଯ୍ୟନ୍ତ ଋଣ ଉପରେ ଏହି ସୁଧା ରିହାତି ମିଳିବ । ଏହାଦ୍ଵାରା ରାଜ୍ୟର ପ୍ରାୟ ୧ ଲକ୍ଷ ମହିଳା ସ୍ଵୟଂ ସହାୟକ ଗୋଷ୍ଠୀ ଉପକାର ପାଇବେ । ସୁଧହାର ହ୍ରାସ ପାଉଥିବାରୁ ସେମାନଙ୍କର ଆର୍ଥିକ ଚାପ ମଧ୍ୟ ହ୍ରାସ ପାଇବ ବୋଲି ଆଶା କରାଯାଏ । ସୂଚନାଯୋଗ୍ୟଯେ IAP ଜିଲ୍ଲାମାନଙ୍କର ସ୍ଵୟଂ ସହାୟକ ଗୋଷ୍ଠୀ ମାନଙ୍କୁ ବର୍ତ୍ତମାନ ୪ ପ୍ରତିଶତ ହାରରେ ଋଣ ଦିଆଯାଉଥିବା ବେଳେ NON IAP ଜିଲ୍ଲା ମାନଙ୍କରେ ୭ ପ୍ରତିଶତ ହାରରେ ଋଣ ଦିଆଯାଉଛି । ଏହି ନୂତନ ଘୋଷଣା ଦ୍ଵାରା ପ୍ରାୟ ଏକ ହଜାର କୋଟି ଟଙ୍କାର ଋଣ ଉପରେ ସୁଧା ରିହାତି ମିଳି ପାରିବ ବୋଲି ଆଶା କରାଯାଏ ।

Share in top social networks!

ଏକଲକ୍ଷ ସ୍ଵୟଂସହାୟକ ଗୋଷ୍ଠୀ କୁ ଚଳିତ ବର୍ଷ ଏକ ହଜାର କୋଟି ଟଙ୍କାର ବ୍ୟାଙ୍କ ଋଣ ଯୋଗାଇଦିଆଯିବ

naveen-patnaik-reviewingଚଳିତ ଆର୍ଥିକ ବର୍ଷରେ ରାଜ୍ୟର ଏକଲକ୍ଷ ମହିଳା ସ୍ଵୟଂସହାୟକ ଗୋଷ୍ଠୀକୁ ଏକହଜାର କୋଟି ଟଙ୍କାର ବ୍ୟାଙ୍କ ଋଣ ଯୋଗାଇଦିଆଯିବ । ଆଜି ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏକ ଉଚ୍ଚ ସ୍ତରୀୟ ବୈଠକରେ ଏହି ନିଷ୍ପତ୍ତି ଗ୍ରହଣ କରାଯାଇଛି । ଏହି ଋଣ ସାତ ପ୍ରତିଶତ ହାରରେ ଯୋଗାଇ ଦିଆଯିବ ଏବଂ IAP ଓ ଆଦିବାସୀ ଜିଲ୍ଲା ମାନଙ୍କରେ ଏଥିପାଇଁ ୪ ପ୍ରତିଶତ ଋଣ ନିଆଯିବ । ଏହି କାର୍ଯ୍ୟକ୍ରମ ପାଇଁ ପ୍ରତି ସ୍ଵୟଂ ସହାୟକ ଗୋଷ୍ଠୀର ୨ ଜଣ ସଦସ୍ୟ ହିସାବରେ ୨ ଲକ୍ଷ ସଦସ୍ୟକୁ ତାଲିମ ଦିଆଯିବ ।

ଏତଦବ୍ୟତୀତ ପ୍ରତ୍ୟେକ ବ୍ୟାଙ୍କ ଶାଖା ସ୍ତରରେ ସମନ୍ଵୟ ଦିବସ ମଧ୍ୟ ଆୟୋଜନ କରାଯାଇ ସ୍ଵୟଂ ସହାୟକ ଗୋଷ୍ଠୀମାନଙ୍କୁ ବ୍ୟାଙ୍କ ଋଣ ଯୋଗାଇଦିଆଯିବ । ଏହି ସବୁ କାର୍ଯ୍ୟକ୍ରମ ପାଇଁ ଏକ ସମୟବଦ୍ଧ ଯୋଜନା ପ୍ରସ୍ତୁତ କରିବା ସହିତ ମହିଳା ସ୍ଵୟଂସହାୟକ ଗୋଷ୍ଠୀ ଗୁଡିକ ଯେପରି ଅଧିକରୁ ଅଧିକ ଅର୍ଥନୈତିକ କାର୍ଯ୍ୟକ୍ରମ ହାତକୁ ନେଇପାରିବେ ସେଥିପ୍ରତି ସ୍ଵତନ୍ତ୍ର ଧ୍ୟାନ ଦେବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ । ଏତଦବ୍ୟତୀତ ବ୍ଲକ ଓ ପଞ୍ଚାୟତ ସ୍ତରରେ ଥିବା ସ୍ଵୟଂ ସହାୟକ ଗୋଷ୍ଠୀ ଗୁଡିକୁ ଅଧିକ କ୍ରିଯାଶୀଳ କରିବା ପାଇଁ ସେଗୁଡିକର ପୁନର୍ବିନ୍ୟାସ ପାଇଁ ମଧ୍ୟ ନିଷ୍ପତ୍ତି ଗ୍ରହଣ କରାଯାଇଥିଲା । ସେହିପରି ଓଡିଶା ଜୀବିକା ମିସନ କାର୍ଯ୍ୟକ୍ରମରେ ୨୦୧୩-୧୪ ବର୍ଷରେ କୋଡିଏହଜାର ସ୍ଵୟଂ ସହାୟକ ଗୋଷ୍ଠୀକୁ ୧୫,୦୦୦ ଟଙ୍କାର Revolving ପାଣ୍ଠି ମଧ୍ୟ ଯୋଗାଇଦିଆଯିବ ।

ଏଥିପାଇଁ ଚଳିତ ବର୍ଷ ୩୦ କୋଟି ଟଙ୍କା ବ୍ୟୟ କରାଯିବ । ସୂଚନାଯୋଗ୍ୟ ଯେ ଅଧିକ ବିପିଏଲ ସଦସ୍ୟ ଥିବା ସ୍ଵୟଂ ସହାୟକ ଗୋଷ୍ଠୀ ମାନଙ୍କୁ ଓଡିଶା ଜୀବିକା ମିସନ ଜରିଆରେ ସହାୟତା ଯୋଗାଇଦିଆଯାଉଛି । ଏହି ବୈଠକରେ ପଞ୍ଚାୟତିରାଜ ମନ୍ତ୍ରୀ ଶ୍ରୀ କଳ୍ପତରୁ ଦାସ,ମୁଖ୍ୟଶାସନ ସଚିବ ଶ୍ରୀ ଯୁଗଳ କିଶୋର ମହାପାତ୍ର,ମୁଖ୍ୟମନ୍ତ୍ରୀଙ୍କ ଅତିରିକ୍ତ ମୁଖ୍ୟଶାସନ ସଚିବ ଶ୍ରୀ ଆଦିତ୍ୟ ପାଢୀ ,ପଞ୍ଚାୟତିରାଜ ସଚିବ ଶ୍ରୀ ଡିକେ ସିଂହ ,ମହିଳା ଓ ଶିଶୁ ବିକାଶ ବିଭାଗ ସଚିବ ଶ୍ରୀମତୀ ଆରତୀ ଆହୁଜା ପ୍ରମୁଖ ଉପସ୍ଥିତ ଥିଲେ ।

Share in top social networks!