ଆଇପିଏସ ସ୍ତରରେ ଅଦଳ ବଦଳ

dgpodishaଅତିରିକ୍ତ ପୋଲିସ ମହାନିର୍ଦ୍ଦେଶକ ପଦବୀକୁ ପଦୋନ୍ନତି ପାଇଥିବା ଚାରିଜଣ ବରିଷ୍ଠ ଆଇପିଏସ କ୍ୟାଡରର ଅଧିକାରୀ ମାନଙ୍କୁ ରାଜ୍ୟ ସରକାର ଗୁରୁତ୍ୱପୂର୍ଣ୍ଣ ପଦବିରେ ଅବସ୍ଥାପିତ କରିଛନ୍ତି । ବିନୟ କୁମାର ବେହେରାଙ୍କୁ ଓଏସଆଇଟିସିର ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଭାବେ ନିଯୁକ୍ତି ଦିଆଯାଇଥିବା ବେଳେ ଏମ.ନାଗେଶ୍ଵର ରାଓଙ୍କୁ ଅଗ୍ନିଶମ ସେବା ଓ ହୋମଗାର୍ଡ ସଂସ୍ଥାର ଏଡିଜି ଭାବେ ଅବସ୍ଥାପିତ କରାଯାଇଛି ।

ସତ୍ୟଜିତ ମହାନ୍ତିଙ୍କୁ ଓଡିଶା ପୋଲିସ ଗୃହ ନିର୍ମାଣ ନିଗମରା ଅଧ୍ୟକ୍ଷ ତଥା ପରିଚାଳନା ନିର୍ଦ୍ଦେଶକ ଭାବେ ନିଯୁକ୍ତି ଦିଆଯାଇଥିବା ବେଳେ ଏମ.ଅକ୍ଷୟଙ୍କୁ ରାଜ୍ୟ ଅପରାଧ ରେକର୍ଡ ବ୍ୟୁରୋର ଏଡିଜି ଭାବେ ଏବଂ ସନ୍ତୋଷ ଉପାଧ୍ୟାୟଙ୍କୁ ଓଡିଶା ମାନବିକ ଅଧିକାର କମିଶନର ଏଡିଜି ଭାବେ ନିଯୁକ୍ତି ଦିଆଯାଇଛି । ବିନୟନନ୍ଦ ଝାଙ୍କୁ ଆଇନ ଶୃଙ୍ଖଳାର ଏଡିଜି ଭାବେ ନିଯୁକ୍ତି ଦିଆଯାଇଥିବାବେଳେ,ଅରୁଣ ରାୟଙ୍କୁ ସ୍ଵତନ୍ତ୍ର ସଶସ୍ତ୍ର ବାହିନୀର ଏଡିଜି ଭାବେ ରଖାଯାଇଥିବା ବେଳେ,ଅରୁଣ ଷଡଙ୍ଗୀଙ୍କୁ ଗୁଇନ୍ଦା ସଂସ୍ଥାର ଆଇଜି ଭାବେ ନିଯୁକ୍ତି ଦିଆଯାଇଛି ।

ଆରପି କୋଚେଙ୍କୁ କେନ୍ଦ୍ରୀୟ ରେଞ୍ଜର ଆଇଜି ଭାବେ ନିଯୁକ୍ତି ଦିଆଯାଇଥିବା ବେଳେ ଏସ.କେ.ପ୍ରିୟଦର୍ଶିଙ୍କୁ ନୂତନ ଚିଫ୍ ଅପରେସନ ଭାବେ ନିଯୁକ୍ତି ଦିଆଯାଇଛି । ଅସିତ ପାଣିଗ୍ରାହୀଙ୍କୁ ଡିଆଇଜି ଇଷ୍ଟର୍ଣ ରେଞ୍ଜ ଦାୟିତ୍ଵରେ ରଖାଯାଇଛି ।

Share in top social networks!