ଯୁକ୍ତ ଦୁଇ ଇ- ଆଡମିସନ ୨୦୧୩-୧୪

plustwoadmissionରାଜ୍ୟର ୧୩୩୯ ଟି ଜୁନିୟର କଲେଜରେ ନାମ ଲେଖାଇବା ପାଇଁ ଇ-ଆଡମିସନ ପ୍ରକ୍ରିୟା ଆରମ୍ଭ ହୋଇଛି । ମଇ ୨୭ ରୁ ଆରମ୍ଭ ହୋଇଥିବା ଏହି ପ୍ରକ୍ରିୟାରେ ୨୮ ତାରିଖ ସନ୍ଧ୍ୟା ୬ ଘଟିକା ସୁଦ୍ଧା ୧ ଲକ୍ଷ ୮୦ ହଜାରରୁ ଊର୍ଦ୍ଧ୍ଵ ଛାତ୍ରଛାତ୍ରୀ ଅନଲାଇନ୍ ରେ କମନ ଆପ୍ଲିକେସନ ଫର୍ମ ଗ୍ରହଣ କରିଛନ୍ତି । ଏହି ସମୟ ସୀମା ମଧ୍ୟରେ ପ୍ରାୟ ୨୦ ହାଜାରରୁ ଅଧିକ ଛାତ୍ରଛାତ୍ରୀ ନିର୍ଧାରିତ ଦେୟ ଓ ନାମଲେଖା ନିମନ୍ତେ ଆବଶ୍ୟକ କାଗଜପତ୍ର ଦାଖଲ କରିଛନ୍ତି । ଚଳିତ ବର୍ଷ ଉକ୍ତ ୧୩୫୯ ଟି ଜୁନିୟର କଲେଜରେ କଳା,ବିଜ୍ଞାନ ଓ ବାଣିଜ୍ୟ ଇତ୍ୟାଦି ବିଭିନ୍ନ ବିଭାଗରେ ୩ ଲକ୍ଷ ୨୦ ହଜାରରୁ ୧୯୬ ଟି ସ୍ଥାନ ଉପଲବ୍ଧ ହେଉଅଛି । ମଇ ୨୭ ତାରିଖରୁ ଆରମ୍ଭ ହୋଇଥିବା ଇ- ଆଡମିସନ ପ୍ରକ୍ରିୟା ଅନଲାଇନରେ ଆସନ୍ତା ଜୁନ ୧୧ ତାରିଖ ମଧ୍ୟରାତ୍ରି ପର୍ଯ୍ୟନ୍ତ ଚାଲୁ ରହୁଥିବା ବେଳେ ଅଫଲାଇନ ର ନିର୍ଦ୍ଧାରିତ ଶେଷ ତାରିଖ ଜୁନ ୧୨ କୁ ଧାର୍ଯ୍ୟ କରାଯାଇଛି ।

Share in top social networks!

ଆଜିଠାରୁ ଆରମ୍ଭ ହେଲ। +୨ପରୀକ୍ଷା

02 +2 EXAM START.ASHOK (1)ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଦ୍ଵାରା ପରିଚାଳିତ ଚଳିତ ବର୍ଷ +୨ କଳା,ବିଜ୍ଞାନ,ବାଣିଜ୍ୟ ପରୀକ୍ଷା ଆଜିଠାରୁ ଆନୁଷ୍ଠିତ ହେବ । କାଉନସିଲ ପକ୍ଷରୁ ଏଥିପାଇଁ ସମସ୍ତ ପ୍ରକାରର ପ୍ରସ୍ତୁତି ଶେଷହୋଇଛି । ଚଳିତ ବର୍ଷ ପରୀକ୍ଷା କିପରି ଶାନ୍ତି ଶୃଙ୍ଖଳାର ସହିତ ହେବ ସେଥିପ୍ରତି ଦୃଷ୍ଟି ଦିଆଯିବା ପାଇଁ ସମସ୍ତ ପ୍ରକାରର ବ୍ୟବସ୍ଥା ଗ୍ରହଣ କରାଯାଇଛିବୋଲି କାଉନସିଲ ପକ୍ଷରୁ ପ୍ରକାଶ କରାଯାଇଛି ।

ତେବେ ପରୀକ୍ଷା ପୂର୍ବରୁ ସହଯୋଗ ନ କରିବାର ଆନ୍ଦୋଳନ କରୁଥିବା ପ୍ରକାଶ କରିଥିବା ୬୬୨ଓ୪୮୮ ଅଧ୍ୟାପକ ଓ କର୍ମଚାରୀମାନେ ପରୀକ୍ଷାରେ ସହଯୋଗ କରିବେ ବୋଲି ପ୍ରକାଶ କରିଛନ୍ତି । ଚଳିତ ବର୍ଷ ରାଜ୍ୟର ପାଖାପାଖି ୨ଲକ୍ଷ ୮୦ହଜାର ଛାତ୍ରଛାତ୍ରୀ ୧୦୭୦ଟି ପରୀକ୍ଷା କେନ୍ଦ୍ରରେ ପରୀକ୍ଷାଦେବେ । କପି ରୋକିବା ପାଇଁ ଏକ ସ୍ଵତନ୍ତ୍ର ବ୍ୟବସ୍ଥା କରଯାଇଛି । ସେପଟେ ଆସନ୍ତା କାଲି ଠାରୁ ପରୀକ୍ଷା ହଲ ମାନଙ୍କରେ ରୋଲ ନମ୍ବର ଲେଖା କାର୍ଯ୍ୟ ଶେଷ ହୋଇଯାଇଛି ।

ଦୁଇଟି ସିଟିଂରେଛାତ୍ରଛାତ୍ରୀ ମାନେ ପରୀକ୍ଷା ଦେବେ । ପ୍ରଥମ ସିଟିଂ ସକାଳ ୧୦ଟାରୁ ୧ଟା ପର୍ଯ୍ୟନ୍ତ ଚାଲିବ ଏବଂ ଦ୍ଵିତୀୟ ସିଟିଂ ଦିନ ୨ଟାରୁ ୫ଟା ପର୍ଯ୍ୟନ୍ତ ଚାଲିବ । ଏଥିପାଇଁ ୧୫୭ଟି ନୋଡାଲ ସେଣ୍ଟରରେ ପ୍ରଶ୍ନ ପାତ୍ର ରଖାଯାଇଥିବାବେଳେ ମୋଟାମୋଟି ଭାବେ ପରୀକ୍ଷା ଯେପରି ଶାନ୍ତି ଶୃଙ୍ଖଳାର ସହିତ ହେବ ସେଥିପାଇଁ ସମସ୍ତ ପ୍ରକାର ପଦକ୍ଷେପ ନିଆଯାଇଛି ବୋଲି କାଉନସିଲପକ୍ଷରୁ ସୂଚନା ପ୍ରଦାନ କରାଯାଇଛି ।

Share in top social networks!