କଂଗ୍ରେସ ଆଣିଲା ମହାନଦୀ ଉପରେ ଶ୍ୱେତପତ୍ର

14317590_1088818461205253_8837138089442484740_n
 ମହାନଦୀ ପ୍ରସଙ୍ଗରେ ସରକାର କରିଛନ୍ତି ମହାପ୍ରତାରଣା
 ଶ୍ୱେତପତ୍ରରେ ପଦାରେ ପଡିଛି ରାଜ୍ୟ ସରକାରଙ୍କ ଦୋମୁହାଁ ନୀତି
 ବୈଠକରେ ଆଲୋଚନାପାଇଁ ଶୁଭେଚ୍ଛା
 ହେଲେ ଓଡ଼ିଶାର ହକ୍କୁ ନେଇ ସାଲିସ କରାନଯାଉ
 ତ୍ରିପାକ୍ଷିକ ବୈଠକରେ ଓଡିଶାର ସ୍ୱାର୍ଥହାନୀ ହେଲେ ବରଦାସ୍ତ କରାଯିବ ନାହିଁ
 ଓଡିଶା ହକ୍ର ବିନ୍ଦୁଏ ଜଳ ଛତିଶଗଡକୁ ନଦେବାକକୁ କଂଗ୍ରେସ ସକଳ୍ପ ବଦ୍ଧ

ମହାନଦୀ ଓଡିଶାର ଜୀବନ ସ୍ରୋତ, ଓଡିଶାବାସୀଙ୍କ ମା’ ନଦୀ। ମହାନଦୀ ପାଣିକୁ ନେଇ ଏବେ ଓଡିଶାବାସୀ ଆତଙ୍କିତ। ମହାନଦୀର ଉପରମୁଣ୍ଡରେ ଛତିଶଗଡ଼ ସରକାରଙ୍କ ଦ୍ୱାରା ତିଆରି କରାଯାଉଥିବା ବିଭିନ୍ନ ପ୍ରକଳ୍ପ ଯୋଗୁଁ ଓଡ଼ିଶା ବହୁମାତ୍ରାରେ ପ୍ରଭାବିତ ହେବ ବୋଲି ଆଶଙ୍କା ପ୍ରକାଶ ପାଉଛି। ଅଣମୌସୁମୀ ସମୟରେ ମହାନଦୀ ଦେଇ ପ୍ରବାହିତ ଜଳର ପରିମାଣ କମିଯିବ, ଚାଷ ପାଇଁ ପାଣି ମିଳିବନି, ହୀରାକୁଦ ଜଳଭଣ୍ଡାରରେ ଆବଶ୍ୟକ ପାଣି ରହିବ ନାହିଁ, ଜଳ ବିଦୁ୍ୟତ୍ ବାଧାପ୍ରାପ୍ତ ହେବ, ଶିଳ୍ପାନୁଷ୍ଠାନଗୁଡିକ ପାଣି ପାଇବେନି ଏମିତି ଅନେକ ପ୍ରଶ୍ନ ଆତଙ୍କିତ କରିଛି । ମହାନଦୀ ପ୍ରସଙ୍ଗରେ ଗତ ୧୬ବର୍ଷ ଭିତରେ ବିଜେଡି ସରକାରଙ୍କ ଅପାଗରତା ଓ ମହାପ୍ରତାରଣା ପାଇଁ ଆଜି ମହାନଦୀର ଜଳରେ ଓଡିଶାର ହକ୍ଉପରେ ଆକ୍ରମଣ କରିବାକୁ ବସିଛି। ଏହାକୁ ଆନ୍ତରିକତାର ସହ ଠିକଣା ଜାଗାରେ ପ୍ରତିବାଦ କରିବା ବଦଳରେ ନିଜ ଅପାଗରତା ଘୋଡାଇବା ସହ ଓଡିଶାବାସୀଙ୍କୁ ଭୂଆଁ ବୁଲାଇବା ପାଇଁ ଆନେ୍ଦାଳନ ନାଟକ ଚଳାଇଛନ୍ତି ।

ହେଲେ ରାଜ୍ୟସରକାର ୨୦୦୦ ମସିହାରୁ ତକ୍ରାଳୀନ ମଧ୍ୟପ୍ରଦେଶ ଓ ଛତିଶଗଡ ମହାନଦୀ ଉପରେ କରୁଥିବା ବେଆଇନ ନିର୍ମାଣ ସର୍ମ୍ପର୍କରେ ଅବଗତ ଥାଇ ବି ଓଡିଶାବାସୀଙ୍କ ସ୍ୱାର୍ଥକୁ ଜଳାଞ୍ଜଳୀ ଦେଇଦେଇଛନ୍ତି । ୧୬ବର୍ଷ ଭିତରେ ୧୬ ମିନିଟ୍ବି ସମୟ ପାଇଲେନି ମହାନଦୀ, ହୀରାକୁଦ ନଦୀବନ୍ଧ ସର୍ବୋପରି ଓଡିଶାବାସୀଙ୍କ ଭବିଷ୍ୟତକୁ ବିପନ୍ନ କରିବାକୁ ଯାଉଥିବା ଏହି ଛତିଶଗଡ ସରକାରଙ୍କ ଏଭଳି କାର୍ଯ୍ୟର ସମ୍ପର୍କରେ ଆଲୋଚନା କରିବା ପାଇଁ। ଏବେ ନେଡିଗୁଡ କହୁଣିକୁ ବୋହିଯାଇଛି । ଛତିଶଗଡ ମହାନଦୀର ଜଳପ୍ରବାହକୁ ରୋକିବା ଭଳି ଅନେକ ଡ୍ୟାମ, ବ୍ୟାରେଜ୍ ବନ୍ଦ କରିସାରିଲାଣି । ଏଥିପାଇଁ କେବଳ ଜଳ ସମ୍ପଦ ବିଭାଗ ଦାୟିତ୍ୱରେ ଥିବା ମୁଖ୍ୟମନ୍ତ୍ରୀ ଦାୟୀ। ଓଡିଶାର ବିଜେଡି ଓ ଛତିଶଗଡର ବିଜେପି ସରକାର ଦାୟୀ। ହେଲେ ଏବେ ତ୍ରିପାକ୍ଷିକ ଆଲୋଚନା ପାଇଁ ମୁଖ୍ୟମନ୍ତ୍ରୀ ଯାଉଛନ୍ତି ଯେତେବେଳେ ଆମେ ସେ ଆଲୋଚନାର ସ‘ଳକାମନା କରୁଛୁ । ହେଲେ ନବୀନ ବାବୁ କିଭଳି ଭାବେ ପ୍ରସ୍ତୁତ ତାହା ରାଜ୍ୟବାସୀ ଏବେବି ଅନ୍ଧାରରେ । ଏ ସମ୍ପର୍କରେ ଏକ ଶ୍ୱେତପତ୍ର ପ୍ରକାଶ କରିବା ପାଇଁ ଆମେ ଦାବି କରିଆସିଥଲୁ । ହେଲେ ରାଜ୍ୟସରକାର ଏହା କଲେନାହିଁ ।

ବିଜେପି ଏହାରି ଉପରେ ଖୁବ୍ଶିଘ୍ର ଶ୍ୱେତପତ୍ର ପ୍ରକାଶ କରିବ ବୋଲି ଘୋଷଣା କଲା ନାହିଁ । ତେଣୁ ମହାନଦୀ ପ୍ରସଙ୍ଗରେ ସମ୍ପୂର୍ଣ୍ଣ ଅନ୍ଧାରରେ ଥିବା ଓଡିଶାବାସୀଙ୍କ ନିକଟରେ ମହାନଦୀ ଗୁମରରର ଖୁଲାସା କରିବା ପାଇଁ ଓ କେମିତି ରାଜ୍ୟସରକାର ମହାନଦୀ ପ୍ରସଙ୍ଗରେ କେମିତି ରାଜ୍ୟବାସୀଙ୍କ ପ୍ରତି ମହାପ୍ରତାରଣା କରିଛନ୍ତିତାହା ଲୋକ ଲୋକଚନକୁ ଆଣିବା ପାଇଁ ଓ ବାସ୍ତବରେ ମହାଂନଦୀ ପ୍ରସଙ୍ଗର ମୂଳରୁ ବିଜେଡିର ଆଭିମୁଖ୍ୟ କଣ ତାହା ପ୍ରକାଶ କରିବା ସହ ମହାନଦୀ ପ୍ରସଙ୍ଗରେ ଓଡିଶାର ସ୍ୱାର୍ଥ କେମିତି ସୁରକ୍ଷିତ ରଖାଯାଇପାରିବ ସେ ସମ୍ପର୍କରେ ମତାମତ ସମ୍ବଳିତ ମହାନଦୀ ଜଳ ସଂକ୍ରାନ୍ତରେ ଏହି ଶ୍ୱେତପତ୍ର ପ୍ରଦେଶ କଂଗ୍ରେସ ପକ୍ଷରୁ ପ୍ରକାଶ କରାଯାଇଛି ବୋଲି ପ୍ରଦେଶ କଂଗ୍ରେସ କମିଟି ସଭାପତି ଶ୍ରୀ ପ୍ରସାଦ ହରିଚନ୍ଦନ ଆଜି ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ।

ଶ୍ରୀ ହରିଚନ୍ଦନ କହିଛନ୍ତି ଯେ,ରାଜ୍ୟ ସରକାରଙ୍କ ଉଦାସୀନତା ତଥା ମହାପ୍ରତାରଣା କାରଣରୁ ମହାନଦୀ ପ୍ରସଙ୍ଗକୁ ନେଇ ଏବେ ଯେଉଁଭଳି ପରିସ୍ଥିତି ସୃଷ୍ଟି ହୋଇଛି,ଏହା କାବେରୀ ଜଳ ବିବାଦର ରୂପ ନ ନେଉ। ପ୍ରସ୍ତାବିତ ବୈଠକରେ ଓଡିଶାର ସ୍ୱାର୍ଥକୁ ଗୁରୁତ୍ୱ ଦିଆଯାଇ ଓଡିଶା ଓ ଛତିଶଗଡ ମଧ୍ୟରେ ଜଳ ଆବଂଟନ ଚୁକ୍ତିନାମା କରାଯାଉ। ମହାନଦୀ ଜଳ ବିବାଦରେ ଓଡିଶାର ସ୍ୱାର୍ଥ ସୁରକ୍ଷିତ ହେବା ଭଳି ଆପୋଷ ବୁଝାମଣା ନହେଲେ ତୁରନ୍ତ ଓଡିଶା ସରକାର ଆନ୍ତଃରାଜ୍ୟ ଜଳ ବିବାଦ ଆଇନ୍, ୧୯୫୬ ଅନ୍ତର୍ଗତ ବ୍ୟବସ୍ଥା ଅନୁଯାୟୀ ମହାନଦୀ ଜଳ ବିବାଦ ଟି୍ରବୁ୍ୟନାଲ୍ ଗଠନ ପାଇଁ କେନ୍ଦ୍ର ସରକାରଙ୍କୁ ଜଣାନ୍ତୁ।

ମହାନଦୀ ଏବଂ ଏହାର ଅବବାହିକାର ବିକାଶ ପାଇଁ ସାମ୍ବିଧାନିକ ବ୍ୟବସ୍ଥା ଅନୁଯାୟୀ ମହାନଦୀ ରିଭର କର୍ପୋରେସନ / ବୋର୍ଡ ଗଠନ କରାଯାଉ। ହୀରାକୁଦର ଉପରମୁଣ୍ଡରେ ଥିବା ମହାନଦୀରେ ଛତିଶଗଡ ସରକାରଙ୍କ ଦ୍ୱାରା ନିର୍ମାଣାଧିନ ସମସ୍ତ ବନ୍ଧ, ବ୍ୟାରେଜ୍, ପାୱାର ପ୍ଲାଂଟ କାର୍ଯ୍ୟ ତୁରନ୍ତ ବନ୍ଦ କରାଯାଉ। ମହାନଦୀ ପାଣି ଉଭୟ ରାଜ୍ୟର ଅବବାହିକା ଅଧିବାସୀଙ୍କର ଜୀବନ, ଜୀବିକା ପାଇଁ ; ବ୍ୟବସାୟ ପାଇଁ ନୁହେଁ। ମହାନଦୀର ଜଳ ଉପରେ ନଦୀର ଅବବାହିକାରେ ବସବାସ କରୁଥିବା ଲୋକମାନଙ୍କର ପ୍ରଥମ ଅଧିକାର। ସେମାନଙ୍କର ପିଇବା ପାଇଁ ପାଣି, ଚାଷ ପାଇଁ ପାଣି ଓ ପରିବେଶର ଆବଶ୍ୟକତାକୁ ପ୍ରାଥମିକତା ଦିଆଯିବା ଦରକାର। ଏଥିପାଇଁ ଓଡିଶା ସରକାର ଏକ ବିଧିବଦ୍ଧ ଆଇନ୍ ପ୍ରଣୟନ କରନ୍ତୁ। ଛତିଶଗଡ ଓ ଓଡିଶା ସରକାର ଘରୋଇ କମ୍ପାନୀ, ଶିଳ୍ପପତି, ଉଦ୍ୟୋଗପତି ଓ ଖଣି ମାଲିକମାନଙ୍କୁ ମହାନଦୀର ମାଲିକ କରିପାରିବେ ନାହିଁ। ଏହା ଅବବାହିକା ଅଧିବାସୀମାନଙ୍କ ପାଇଁ ପ୍ରକୃତିର ଦାନ। ନଦୀ ଓ ନଦୀ ଅବବାହିକାର ସର୍ବାଙ୍ଗୀନ ବିକାଶ ଦୃଷ୍ଟିଭଙ୍ଗୀକୁ ନେଇ ଏକ ସମନ୍ୱିତ ମହାନଦୀ ନୀତି ରାଜ୍ୟ ସରକାର ପ୍ରସ୍ତୁତ କରନ୍ତୁ। ଓଡିଶା ସରକାର ହୀରାକୁଦର ଉପରମୁଣ୍ଡରେ
ଚାଲିଥିବା ଏବଂ ନିର୍ମାଣାଧିନ ଥିବା ସମସ୍ତ ପ୍ରକଳ୍ପ ସଂକ୍ରାନ୍ତୀୟ ତଥ୍ୟ, ଏହାର ପରିବେଶ ଓ ପର୍ଯ୍ୟାବରଣ ଉପରେ ପ୍ରଭାବ, ଜଳଭଣ୍ଡାରର ଧାରଣ କ୍ଷମତା, ଉଭୟ ରାଜ୍ୟର ବର୍ତମାନ ଏବଂ ଆଗାମୀ ଶହେ ବର୍ଷ ପାଇଁ ଚାହିଦାର ଆକଳନ ସମ୍ବଳିତ ଏକ ଦସ୍ତାବିଜ୍ ତୁରନ୍ତ ପ୍ରକାଶ କରନ୍ତୁ। ମହାନଦୀର ସୁରକ୍ଷାରେ ବିଫଳ ହୋଇଥିବା ବିଜୁ ଜନତା ଦଳ ସରକାରରେ ଥାଇ ମଧ୍ୟ ଏହାକୁ ନେଇ ଆନେ୍ଦାଳନ ରାଜନୀତି କରିବା ଏକ ପ୍ରହସନ। ମହାନଦୀରେ ବଳକା ପାଣି ନାହିଁ।

ମହାନଦୀ ପାଲଟିଲାଣି ନିଅଂଟିଆ ନଦୀ। ହୀରାକୁଦ ଜଳଭଣ୍ଡାରରେ ଜଳାଭାବ ଯୋଗୁଁ ହୀରାକୁଦ କମାଣ୍ଡ ଅଂଚଳରେ ଜଳସେଚନ ବାଧାପ୍ରାପ୍ତ ହେବା ସହିତ ରବି ଫସଲ ପାଇଁ କେନାଲର ତଳି ଅଂଚଳକୁ ପାଣି ମାଡୁନାହିଁ। ତିରୋଟ ସମୟରେ କେନାଲରେ ପାଣି ଯୋଗାଇବା ମ୍ମ ସମ୍ଭବ ହେଉନାହିଁ। ମହାନଦୀର ଉପରମୁଣ୍ଡରେ ବ୍ୟାପକ ଜଙ୍ଗଲ ଅବକ୍ଷୟ ଏବଂ ଅବବାହିକାରେ ଗଢି ଉଠିଥିବା ବିଭିନ୍ନ ଶିଳ୍ପାନୁଷ୍ଠାନ ବିଶେଷକରି ସ୍ପଞ୍ଜ ଆଇରନ୍, ତାପଜ ବିଦୁ୍ୟତ କେନ୍ଦ୍ର ଏବଂ ଆଲୁମିନିୟମ୍ ପ୍ରକଳ୍ପଗୁଡିକ ଗଢି ଉଠିଥିବାରୁ ମହାନଦୀର ସୁରକ୍ଷା ପ୍ରତି ବିପଦ ସୃଷ୍ଟି ହୋଇଛି। ଜଳଭଣ୍ଡାର ପଟୁମାଟିରେ, କୋଇଲା ଗୁଣ୍ଡ ଓ ନିଦା ପାଉଁଶରେ ଭର୍ତି ହେବା ସହ ପ୍ରଦୂଷିତ ଏବଂ ସଂକୁଚିତ ହେଉଛି। ଜଳଭଣ୍ଡାରର ଜଳଧାରଣ କ୍ଷମତା ମ୍ମ କମୁଛି। ନିର୍ମାଣ ବେଳେ ଯେତେ ପଟୁମାଟି ଭର୍ତି ହେବ ବୋଲି ଆକଳନ କରାଯାଇଥିଲା ଏସବୁ କାରଣରୁ ଏବେ ଅଢ଼େଇଗୁଣାରୁ ଅଧିକ ଭର୍ତି ହୋଇ ଜଳଭଣ୍ଡାର ପୋତି ହୋଇଗଲାଣି। ତେଣୁ ଜଳଭଣ୍ଡାରର କ୍ଷମତା ବୃଦ୍ଧି ବର୍ତମାନର ସବୁଠୁ ବଡ ଆବଶ୍ୟକତା। ହୀରାକୁଦ ଜଳଭଣ୍ଡାରରୁ ମୁହାଣ ପର୍ଯ୍ୟନ୍ତ ମହାନଦୀ ଜଳର ସର୍ବାଧିକ ଉପଯୋଗ ଓ ଉତମ ପରିଚାଳନା କରାଯାଉ।

ଏଥିନିମନ୍ତେ ନୀତି, ଯୋଜନା ଖସଡା ପ୍ରସ୍ତୁତ କରାଯାଇ କାର୍ଯ୍ୟକାରୀ କରାଯାଉ। ଯେଉଁସବୁ ପ୍ରକଳ୍ପ / ଯୋଜନା ସହ ଆନ୍ତଃ-ରାଜ୍ୟ ପ୍ରସଙ୍ଗ ଜଡିତ ସେଭଳି କ୍ଷେତ୍ରରେ ଓଡିଶା ସରକାର ତୁରନ୍ତ ଯନôବାନ ଓ କ୍ରିୟାଶୀଳ ହେବା ଜରୁରୀ ଅଟେ। ପୋଲାଭରମ୍, ଇନ୍ଦ୍ରାବତୀ ଓ ଜୁଆରନଳା, ଝଞ୍ଜାବତୀ, ବଂଶଧାରା (ନେରେଡି), ବହୁଦା, ପେଡାଗଡା, ଇବ୍, ସପନାଇ, ଅପର ଜୋଙ୍କ, ଲୋୟର ଜୋଙ୍କ, ଅଙ୍ଗ, ଜିରା, ଲୋୟର କୋଲାବ, ସୁବର୍ଣ୍ଣରେଖା ଭଳି ଆନ୍ତଃ-ରାଜ୍ୟ ନଦୀ ପ୍ରକଳ୍ପରେ ରାଜ୍ୟର ସ୍ୱାର୍ଥ ସୁରକ୍ଷା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ମହାନଦୀ ଓ ଓଡିଶାର ଅନ୍ୟ ନଦୀଗୁଡିକର ସୁରକ୍ଷା ଓ ନଦୀ ଜଳର ସଦୁପଯୋଗ ତଥା ସୁପରିଚାଳନା ପାଇଁ କାର୍ଯ୍ୟ ଓ ଗବେଷଣା କରୁଥିବା ବ୍ୟକ୍ତି ବିଶେଷ, ବୈଷୟିକ ସଂସ୍ଥା, ଅନୁଷ୍ଠାନ, ସାମାଜିକ ସଂଗଠନ ସହ ସରକାର ସମନ୍ୱୟ ରଖନ୍ତୁ। ୧୬ ବର୍ଷ ଧରି ବିଜେଡି ଦଳ ଓ ଜଳସଂପଦ ବିଭାଗ ଦାୟିତ୍ୱରେ ଥିବା ଖୋଦ୍ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଜଟିଳ ରୂପ ଧାରଣ କରିଥିବା ମହାନଦୀ ଜଳ ବିବାଦ ପାଇଁ ସଂପୂର୍ଣ୍ଣ ରୂପେ ଦାୟୀ। ରାଜ୍ୟ ସ୍ୱାର୍ଥ ରକ୍ଷା କରିବାରେ ଚରମ ଅବହେଳା ପାଇଁ ମଧ୍ୟ ସେ ଉତରଦାୟୀ। ନିଜର ଦାୟିତ୍ୱ ନ ତୁଲେଇ ରାଜ୍ୟବାସୀଙ୍କ
ସ୍ୱାର୍ଥ ପ୍ରତି ପ୍ରତାରଣା କରିଛନ୍ତି।

ମହାନଦୀର ଜଳ ଓଡିଶାବାସୀଙ୍କର ରକ୍ତ। ରାଜ୍ୟ ହକ୍ରୁ ଗୋଟିଏ ବିନ୍ଦୁ ମଧ୍ୟ ଜଳ ଛଡାଯିବ ନାହିଁ। ମହାନଦୀ ଜଳ ପ୍ରସଙ୍ଗରେ ରାଜ୍ୟ ସରକାର ଓଡିଶାବାସୀଙ୍କୁ ଅନ୍ଧାରରେ ରଖିଥିବା ବେଳେ ବିରୋଧୀ ଦଳ ନେତାଙ୍କ ନେତୃତ୍ୱରେ କଂଗ୍ରେସ ବିଧାୟକମାନଙ୍କର ଏକ ପ୍ରତିନିଧି ଦଳ ଛତିଶଗଡ ଗସ୍ତ କରିଥିଲେ। ଓଡିଶା ଏବଂ ଛତିଶଗଡ ସରକାରଙ୍କ ପ୍ରତାରଣା ବିରୁଦ୍ଧରେ ପ୍ରଦେଶ କଂଗ୍ରେସ ପକ୍ଷରୁ ଗତ ଅଗଷ୍ଟ ୧୬, ୨୦୧୬ ରେ ‘ଓଡିଶା ବନ୍ଦ’ ଡାକରା ଦିଆଯାଇଥିଲା। ରାଜ୍ୟବାସୀ ବନ୍ଦରେ ସାମିଲ ହୋଇଥିଲେ ଏବଂ ବନ୍ଦ ଅଭୂତପୂର୍ବ ଭାବେ ସଫଳ ହୋଇଥିଲା। ମହାନଦୀ ଜଳ ପ୍ରସଙ୍ଗରେ ସଂଗ୍ରାମ ଜାରି ରଖିବା ପାଇଁ କଂଗ୍ରେସ କଟୀବଦ୍ଧ ବୋଲି ଶ୍ରୀ ହରିଚନ୍ଦନ ସାମ୍ବାଦିକ ସମ୍ମଳିନୀରେ ଘୋଷଣା କରିଥିଲେ। ଏ ସାମ୍ବାଦିକ ସମ୍ମିଳନୀରେ ମିଡିଆସେଲ ଅ୍ମକ୍ଷ କୈଳାସ ଆଚାର୍ଯ୍ୟ, ପିସିସି ଉପସଭାପତି ରବୀନ୍ଦ୍ର ସେଠୀ, ପିସସି ସାଧାରଣ ସମ୍ପାଦକ ଶୁଭେନ୍ଦୁ ମହାନ୍ତି, ସୁଲୋଚନା ଦାସ, ମୁଖପାତ୍ର ଗିରିଜା ଶଙ୍କର ଦାଶ ଓ ସୌଗତ ମହାନ୍ତି ଉପସ୍ଥିତ ଥିଲେ.

ଏହି ଶ୍ୱେତପତ୍ରରେ ମହାନଦୀ ପ୍ରସଙ୍ଗରେ ରାଜ୍ୟ ସରକାର ସବୁ ଜାଣି କେମିତି ଅଜଣା ଥିଲେ ସେ ସମ୍ପର୍କିତ ଅନେକ ଦଲିଲ ଓ ଗୁରୁତ୍ୱପୂର୍ଣ୍ଣନଥି ସ୍ଥାନୀତ କରାଯାଇଛି । ଜୁଲାଇ ୭ ତାରିଖ ୨୦୦୦ ମସିହାରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ତତ୍କାଳୀନ କେନ୍ଦ୍ର ଜଳସେଚନ ମନ୍ତ୍ରୀ ଶ୍ରୀ ଅର୍ଜୁନ ସେଠୀଙ୍କୁ ଲେଖିଥିବା ଏକ ଚିଠିରୁ ସ୍ପଷ୍ଟ। ଯାହା ଆପଣମାନଙ୍କର ଅବଗତି ନିମନ୍ତେ ଦିଆଯାଇଛି। ଏହି ଚିଠିରେ ମହାଦନୀର ଉପରମୁଣ୍ଡରେ ମଧ୍ୟପ୍ରଦେଶ ୧୯୫୭ ମସିହାରୁ ୨୦୦୦ ମସିହା ଭିତରେ କ’ଣ କ’ଣ ପ୍ରକଳ୍ପ କରିଛନ୍ତି ସେ ବିଷୟରେ ମୁଖ୍ୟମନ୍ତ୍ରୀ ସ୍ପଷ୍ଟ କରିଛନ୍ତି। ୨୦୦୦ମସିହାର ସବୁ ଜାଣି ଚୁପ୍ ଥିବା ରାଜ୍ୟ ସରକାରଙ୍କ ଚକ୍ରାଳନୀ ଜଳସମ୍ପଦ ସଚିବଙ୍କ ବିବୃତି ‘ ମହାନଦୀର ଉପର ମୁଣ୍ଡରେ ଶହେ ପ୍ରକଳ୍ପ କଲେ ବି ଓଡିଶାର କିଛି କ୍ଷତି ହେବନି’ ବୋଲି କହିଥିବା ପ୍ରମାଣ ଉପସ୍ଥାପିତ କରାଯାଇଛି ।

୨୦୦୦ ମସିହାରେ ଛତିଶଗଡ ପ୍ରକଳ୍ପକୁ ନେଇ ଚିନ୍ତାପ୍ରକଟ କରୁଥିବା ରାଜ୍ୟ ସରକାର ୨୦୧୦ ରେ ଏହି ପ୍ରକଳ୍ପ ଯୋଗୁଁ ମହାନଦୀର ଜଳ ପ୍ରବାହରେ କୌଣସି ପ୍ରଭାବ ପଡିବ ନାହିଁ ବୋଲି ସଫେଇ ଦେଇଥିଲେ। ଅଗଷ୍ଟ ୫, ୨୦୧୦ ରେ ବିଧାୟକ ପ୍ରଭାତ ରଞ୍ଜନ ବିଶ୍ୱାଳ, ପ୍ରଭାତ କୁମାର ତି୍ରପାଠୀ ଓ ପ୍ରୀତିରଞ୍ଜନ ଘଡାଇଙ୍କ “ମହାନଦୀ ଜଳକୁ ନେଇ ବିବାଦ” ଶୀର୍ଷକ ଏକ ଧ୍ୟାନ ଆକର୍ଷଣକାରୀ ପ୍ରସ୍ତାବ ଉପରେ ସରକାର କହିଥିଲେ
“୧୯୮୨ ରୁ ୨୦୦୬ ମଧ୍ୟରେ ହୀରାକୁଦ ଉପରମୁଣ୍ଡରେ ଛତିଶଗଡରେ ଜଳଭଣ୍ଡାର ଗୁଡିକ ନିର୍ମାଣ ହେବାପରେ ମଧ୍ୟ ଅଣମୌସୁମୀ ସମୟରେ ହୀରାକୁଦ ଜଳଭଣ୍ଡାରକୁ ଅଧିକ ଜଳ ପ୍ରବେଶ କରୁଛି। ଏଣୁ ଜଳଭଣ୍ଡାରକୁ କମ୍ ଜଳ ଆସିବା ଅଭିଯୋଗ ଯୁକ୍ତିସଂଗତ ଏବଂ ତଥ୍ୟଭିତିକ ନୁହେଁ।” ସମ୍ପିକିତ ସବିଶେଷ ତଥ୍ୟ ଓ ପ୍ରମାଣ ଏହି ଶ୍ୱେତପତ୍ରରେ ଉପସ୍ଥାପିତ କରାଯିବା ସହ ସରକାରଙ୍କ ଦୋମୁହାଁ ନୀତିକୁୂ ପଦାରେ ପଡିଯାଇଛି ବୋଲି ଶ୍ରୀ ହରିଚନ୍ଦନ ପ୍ରକାଶ କରିଛନ୍ତି ।

Share in top social networks!

ପଞ୍ଚାୟତନିର୍ବାଚନ ପାଇଁ କଂଗ୍ରେସର ସଜବାଜ; “ନିର୍ବାଚନ କମିଟି” ଗଠନ।

12074897_883385655081869_8246657718837157650_n
• ୩୦ଟି ଜିଲ୍ଲାର ନିର୍ବାଚନ ଦାୟିତ୍ୱରେ ୩୦ ଜଣ ବରିଷ୍ଠ ନେତା।
• ରାଜ୍ୟର ସମସ୍ତ (୩୧୪) ବ୍ଲକ ପାଇଁ ୩୧୪ ପର୍ଯ୍ୟବେକ୍ଷକ ନିଯୁକ୍ତ।
• ପଞ୍ଚାୟତ ନିର୍ବାଚନ ପାଇଁ ଏକ ରାଜ୍ୟସ୍ତରୀୟ ଇସ୍ତାହାର କମିଟି ଏବଂ ବ୍ଲକ ସ୍ତରୀୟ ଇସ୍ତାହାର କମିଟି ଗଠନ।
• ଆଦିବାସୀ, ଦଳିତ, ଚାଷୀ, ମହିଳା ଓ ଯୁବଗୋଷ୍ଠୀ ସମେତ ସମସ୍ତ ଓଡିଶାବାସୀଙ୍କୁ ଦଳ ସହ ସାମିଲ କରିବାକୁ ଯୋଜନା ପ୍ରସ୍ତୁତ।
• ବିଭିନ୍ନ ପ୍ରସଙ୍ଗରେ ରାଜ୍ୟର ବିଜେଡି ସରକାରଙ୍କ ବିଫଳତା ଏବଂ ସେ ଦିଗରେ କଂଗ୍ରେସର ଆଭିମୁଖ୍ୟ କ’ଣ ହେବ ତାହା ଲୋକମାନଙ୍କୁ ଜଣାଇବାକୁ ଚେଷ୍ଟା କରାଯିବ।
• ରାଜ୍ୟରେ ବିପର୍ଯ୍ୟସ୍ତ ସରକାରୀ ସ୍ୱାସ୍ଥ୍ୟ ସେବା ବିରୁଦ୍ଧରେ କଂଗ୍ରେସ ଆଗାମୀ ସେପ୍ଟେମ୍ବର ୧୯ ତାରିଖ ସୋମବାର ଦିନ ପ୍ରତ୍ୟେକ ବ୍ଲକର ମୁଖ୍ୟ ସ୍ୱାସ୍ଥ୍ୟକେନ୍ଦ୍ର ଆଗରେ ଦିନିକିଆ ବିକ୍ଷୋଭ କରିବାକୁ ନିଷ୍ପତ୍ତି ।
• ମହାନଦୀ ପ୍ରସଙ୍ଗରେ କଂଗ୍ରେସ ପକ୍ଷରୁ “ମହାନଦୀ ଜଳସଚେତନତା ଯାତ୍ରା” ଆସନ୍ତା ଅକ୍ଟୋବର ପ୍ରଥମ ସପ୍ତାହ ଠାରୁ ଆରମ୍ଭ କରାଯିବାକୁ ନିଷ୍ପତ୍ତି।
ଭୁବନେଶ୍ୱର ତା ୮.୯ – ରାଜ୍ୟରେ ହେବାକୁ ଥିବା ପଞ୍ଚାୟତ ନିର୍ବାଚନ ପାଇଁ ଓଡିଶା ପ୍ରଦେଶ କଂଗ୍ରେସ ସଂପୂର୍ଣ୍ଣ ପ୍ରସ୍ତୁତ। ନିର୍ବାଚନର ପ୍ରତ୍ୟେକ କାର୍ଯ୍ୟ ତଦାରଖ କରିବା ପାଇଁ ଦଳ ପକ୍ଷରୁ ଏକ ରାଜ୍ୟସ୍ତରୀୟ ନିର୍ବାଚନ କମିଟି ଗଠନ କରାଯାଇଛି। ଜିଲ୍ଲାସ୍ତରରେ ନିର୍ବାଚନକୁ ତଦାରଖ କରିବା ପାଇଁ ଜଣେ ଜଣେ ବରିଷ୍ଠ ନେତା ଦାୟିତ୍ୱରେ ରହିବେ। ୩୧୪ଟି ବ୍ଲକରେ ୩୧୪ ଜଣ ପର୍ଯ୍ୟବେକ୍ଷକ ନିଯୁକ୍ତ ହେବେ। ରାଜ୍ୟସ୍ତରରେ ଏକ ଇସ୍ତାହାର କମିଟି ଗଠନ କରାଯିବ। ଏତଦ୍ବ୍ୟତୀତ ବ୍ଲକ ସ୍ତରରେ ମଧ୍ୟ ସ୍ଥାନୀୟ ପ୍ରସଙ୍ଗକୁ ନେଇ ଏକ ଇସ୍ତାହାର କମିଟି ଗଠନ କରାଯିବ। ପ୍ରତି ୱାର୍ଡ଼ସ୍ତରରେ ବୁଥ କମିଟି ଗଠନ ସହିତ ପ୍ରତ୍ୟେକ ଗ୍ରାମପଞ୍ଚାୟତ ଏବଂ ବ୍ଲକସ୍ତରରେ ଗଠନ କରାଯାଉଥିବା ଟାକ୍ସଫୋର୍ସ ଗୁଡ଼ିକ ଶୀଘ୍ର ସାରିବା ପାଇଁ ନିଷ୍ପତ୍ତି ଗ୍ରହଣ କରାଯାଇଛି। ଏ ସଂକ୍ରାନ୍ତରେ ଚଳିତ ମାସରେ ବ୍ଲକ ସଭାପତିମାନଙ୍କର ଏକ ସମ୍ମିଳନୀ ଆୟୋଜନ କରାଯିବାପାଇଁ ସ୍ଥିର କରାଯାଇଛି। ରାଜ୍ୟସ୍ତରୀୟ ନିର୍ବାଚନ କମିଟି ଜିଲ୍ଲାସ୍ତରରେ ଥିବା ନେତୃବର୍ଗଙ୍କ ପରାମର୍ଶରେ ପ୍ରାର୍ଥୀ ଚୟନ ଠାରୁ ଆରମ୍ଭ କରି କେଉଁ କେଉଁ ପ୍ରସଙ୍ଗକୁ ନେଇ ନିର୍ବାଚନ ପ୍ରଚାର କରାଯିବ ସେ ବିଷୟରେ ନିଷ୍ପତ୍ତି ନେବ ବୋଲି ପ୍ରଦେଶ କଂଗ୍ରେସ ସଭାପତି ଶ୍ରୀ ପ୍ରସାଦ ହରିଚନ୍ଦନ ଆଜି ଏକ ସାମ୍ବାଦିକ ସମ୍ମିଳନୀରେ କହିଛନ୍ତି।
ରାଜ୍ୟ ସରକାରଙ୍କ ଅପାରଗତା ଏବଂ ସ୍ଥାଣୁତା ଯୋଗୁଁ ତୃଣମୂଳ ସ୍ତରରେ ଥିବା ଲୋକମାନଙ୍କ ପାଖରେ ଯୋଜନାର ସୁଫଳ ଏବେବି ଅପହଞ୍ଚ। ସରକାରଙ୍କ ଚାଷୀମାରଣ ନୀତି ଯୋଗୁଁ ଚାଷୀମାନେ ଏ ପର୍ଯ୍ୟନ୍ତ ଫସଲବୀମା ପାଇବାରୁ ବଞ୍ଚôତ। ମା’କୁ ସମ୍ମାନ କଥା କହିଆସୁଥିବା ସରକାରଙ୍କର ୧୭ ବର୍ଷ ଶାସନ କାଳରେ ମହିଳାମାନେ ସବୁଠାରୁ ନିର୍ଯ୍ୟାତିତା। ସରକାରଙ୍କ ଆଦିବାସୀ ଦଳିତ ବିରୋଧି ମନୋଭାବ ଏବଂ ରାଜ୍ୟରେ ଦେଖା ଦେଇଥିବା ବିଭିନ୍ନ ସମସ୍ୟା ଯଥା ଅପପୃଷ୍ଟି, ମା’ ଓ ଶିଶୁ ମୃତୁ୍ୟ, ବିପର୍ଯ୍ୟସ୍ତ ସ୍ୱାସ୍ଥ୍ୟ ବ୍ୟବସ୍ଥା, ଚିଟ୍ଫଣ୍ଡ ସମସ୍ୟା, ରାସନକାର୍ଡ ଦୁର୍ନୀତି, ଶାସକ ଦଳର ମନ୍ତ୍ରୀ ଓ ବିଧାୟକମାନଙ୍କ ବିଭିନ୍ନ ଦୁର୍ନୀତିରେ ସଂପୃକ୍ତି ଆଦି ପ୍ରସଙ୍ଗ ସହିତ ସ୍ଥାନୀୟ ସମସ୍ୟାକୁ ନେଇ କଂଗ୍ରେସ ଆଗାମୀ ପଞ୍ଚାୟତ ନିର୍ବାଚନକୁ ଓହ୍ଲାଇବ। ରାଜ୍ୟ ସରକାରଙ୍କ ଅପାରଗତା ଏବଂ ଦୂରଦୃଷ୍ଟିର ଅଭାବ ଯୋଗୁଁ ଓଡିଶାର ଜୀବନରେଖା କୁହାଯାଉଥିବା ମହାନଦୀର ଜଳ ପ୍ରବାହ କମିବାର ଆଶାଙ୍କା ଦେଖା ଦେଇଛି। ଫଳରେ ୧୫ଟି ଜିଲ୍ଲାର ଲୋକ ସିଧାସଳଖ ପ୍ରଭାବିତ ହେବା ସହିତ ରାଜ୍ୟରେ ପାନୀୟ ଜଳର ଏବଂ କୃଷି ଏବଂ ବିଦୁ୍ୟତ୍ ଉତ୍ପାଦନ ପାଇଁ ଏକ ସଙ୍କଟମୟ ପରିସ୍ଥିତି ସୃଷ୍ଟି ହେବ। ମହାନଦୀର ଏ ସମସ୍ୟା ପାଇଁ ରାଜ୍ୟର ବିଜେଡି ସରକାର ଏବଂ ଛତିଶ ଗଡ଼ର ବିଜେପି ସରକାର ଦାୟୀ। ଏ ଦିଗରେ କଂଗ୍ରେସ ଜନସଚେତନତା ସୃଷ୍ଟି କରିବା ପାଇଁ “ମହାନଦୀ ଜଳସଚେତନତା ଯାତ୍ରା” ଆରମ୍ଭ କରିବ। ସମ୍ବଲପୁର, ବରଗଡ଼, ସୁବର୍ଣ୍ଣପୁର, ବୌଦ, ଅନୁଗୁଳ, ନୟାଗଡ଼, କଟକ, ଜଗତସିଂହପୁର ଏବଂ କେନ୍ଦ୍ରାପଡ଼ାରେ ବରିଷ୍ଠ ନେତାମାନଙ୍କୁ ନେଇ ଆଗାମୀ ଅକ୍ଟୋବର ପ୍ରଥମ ସପ୍ତାହରେ ଗୋଟିଏ ଗୋଟିଏ ସାଧାରଣ ସଭା ଆୟୋଜନ କରିବାର ନିଷ୍ପତ୍ତି ନିଆଯାଇଛି।
ଗତ ପଞ୍ଚାୟତ ନିର୍ବାଚନରେ ବିଜୁ ଜନତା ଦଳକୁ ରାଜ୍ୟବାସୀ ବିପୁଳ ସଂଖ୍ୟାରେ ଭୋଟ ଦେଇ ବିଜୟୀ କରିଥିଲେ ମଧ୍ୟ ଦଳ କ୍ଷମତାକୁ ଆସିବା ପରେ ଲୋକଙ୍କ ଆଶା ଆକାଙ୍କ୍ଷାରେ କୁଠାରଘାତ କରିଛି। ଦଳ ପଞ୍ଚାୟତ ନିର୍ବାଚନରେ ଦେଇଥିବା ପ୍ରତିଶ୍ରୁତି ପ୍ରତିଶ୍ରୁତିରେ ହିଁ ରହିଯାଇଛି। ଏବେବି ଗ୍ରାମାଞ୍ଚଳରେ ବାସ କରୁଥିବା ଲକ୍ଷ ଲକ୍ଷ ଲୋକ ସ୍ୱାସ୍ଥ୍ୟ, ଶିକ୍ଷା, ଗମନାଗମନ, ପାନୀୟ ଜଳ ଭଳି ଅତ୍ୟାବଶ୍ୟକୀୟ ସେବା ପାଇବାରୁ ବଞ୍ଚôତ। ଅପପୃଷ୍ଟି କାରଣରୁ ମା’ ଓ ଶିଶୁ ମୃତୁ୍ୟବରଣ କରୁଛନ୍ତି। ଦାନ ମାଝୀ ଭଳି ଆଦିବାସୀ ଓ ଦଳିତ ଲୋକଙ୍କ ପାଇଁ ସରକାରୀ ଯୋଜନା ଏବେବି ଅପହଞ୍ଚ। ଜନ୍ମରୁ ମୃତୁ୍ୟ ଯାଏ ଏ ସରକାର ଯୋଜନା ପରେ ଯୋଜନା ଘୋଷଣା କରି ଚାଲିଥିବା ବେଳେ ତା’ର ସୁଫଳ ଲୋକମାନଙ୍କ ପାଖରେ ପହଞ୍ଚô ପାରୁନାହିଁ। ବାସ୍ତବ କଥା ହେଉଛି ସରକାରଙ୍କର ଏସବୁ ଯୋଜନା କାର୍ଯ୍ୟକାରୀ କରିବାର ମାନସିକତା ନାହିଁ। ଲୋକମାନଙ୍କୁ ଭୁଅାଁ ବୁଲାଇ ଭୋଟ ହାତେଇବା ପାଇଁ ସରକାରଙ୍କ ଏ ପ୍ରହସନ। ରାଜ୍ୟରେ ବିପର୍ଯ୍ୟସ୍ତ ସରକାରୀ ସ୍ୱାସ୍ଥ୍ୟ ସେବା ବିରୁଦ୍ଧରେ କଂଗ୍ରେସ ଆଗାମୀ ସେପ୍ଟେମ୍ବର ୧୯ ତାରିଖ ସୋମବାର ଦିନ ପ୍ରତ୍ୟେକ ବ୍ଲକର ମୁଖ୍ୟ ସ୍ୱାସ୍ଥ୍ୟକେନ୍ଦ୍ର ଆଗରେ ଦିନିକିଆ ବିକ୍ଷୋଭ କରିବାକୁ ନିଷ୍ପତ୍ତି ନିଆଯାଇଛି।
ଆଜି କଂଗ୍ରେସ ଭବନ ଠାରେ ଓଡିଶା ପ୍ରଦେଶ କଂଗ୍ରେସ ସମନ୍ୱୟ କମିଟି ବୈଠକରେ ଆଗାମୀ ପଞ୍ଚାୟତ ନିର୍ବାଚନ ବିଷୟରେ ଆଲୋଚନା କରାଯିବା ସହିତ ଦଳ କିଭଳି ସଂଗଠିତ ଭାବରେ କାର୍ଯ୍ୟ କରିବ ସେ ବିଷୟରେ ଆଲୋଚନା କରାଯାଇଥିଲା। କମିଟିର ଅଧ୍ୟକ୍ଷ ତଥା ଓଡିଶା ପ୍ରଭାରୀ ଶ୍ରୀ ବି.କେ. ହରିପ୍ରସାଦଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବୈଠକରେ ପ୍ରଦେଶ କଂଗ୍ରେସ ସଭାପତି ଶ୍ରୀ ପ୍ରସାଦ ହରିଚନ୍ଦନ, ବିରୋଧିଦଳ ନେତା ନରସିଂହ ମିଶ୍ର, ସହ ପ୍ରଭାରୀ ଶୁଭଙ୍କର ସରକାରଙ୍କ ସମେତ ବହୁ ବରିଷ୍ଠ ନେତା ଉପସ୍ଥିତ ଥିଲେ।

Share in top social networks!

ପ୍ରଦେଶ କଂଗ୍ରେସ କମିଟିର କର୍ମକର୍ତ୍ତା ବୈଠକ; ଗୁଣାତ୍ମକ ସଭ୍ୟସଂଗ୍ରହ ଅଭିଯାନକୁ ତ୍ୱରାନ୍ୱିତ କରିବାକୁ ନିଷ୍ପତ୍ତି ।

pcccପ୍ରଦେଶ କଂଗ୍ରେସ କମିଟି କାର୍ଯ୍ୟକର୍ତ୍ତାଙ୍କ ବୈଠକ କଂଗ୍ରେସ ଭବନଠାରେ ଅନୁଷ୍ଠିତ ହୋଇଯାଇଛି । ପ୍ରଦେଶ କଂଗ୍ରେସ ସଭାପତି ଶ୍ରୀ ପ୍ରସାଦ ହରିଚନ୍ଦନଙ୍କ ସଭାପତିତ୍ୱରେ ଅନୁଷ୍ଠିତ ଏହି ବୈଠକରେ ଅଖିଳ ଭାରତ କଂଗ୍ରେସ କମିଟି ସାଧାରଣ ସଂପାଦକ ତଥା ଓଡିଶା ପ୍ରଭାରୀ ଶ୍ରୀ ବି.କେ. ହରିପ୍ରସାଦ, ବିରୋଧିଦଳ ନେତା ଶ୍ରୀ ନରସିଂହ ମିଶ୍ର ଓ ସହପ୍ରଭାରୀ ଶ୍ରୀ ଶୁଭଙ୍କର ସରକାର ଯୋଗ ଦେଇଥିଲେ ।

ଅଖିଳ ଭାରତ କଂଗ୍ରେସ କମିଟି ଉପାଧ୍ୟକ୍ଷ ଶ୍ରୀ ରାହୁଲ ଗାନ୍ଧିଙ୍କ ସଂପୂର୍ଣ୍ଣ ସଫଳ ହୋଇଥିବା ଯୋଗୁଁ ସମସ୍ତ କର୍ମକର୍ତ୍ତାମାନଙ୍କୁ ଏ.ଆଇ.ସି.ସି ତଥା ପ୍ରଦେଶ କଂଗ୍ରେସ କମିଟି ତରଫରୁ ଧନ୍ୟବାଦ ଅର୍ପଣ କରାଯାଇଥିଲା । ରାହୁଲଜୀଙ୍କ ଦୁଇଦିନିଆ ଓଡିଶା ଗସ୍ତର ସଫଳତାରେ ଜନସାଧାରଣ ଯେଉଁଭଳି ଭାବରେ ପ୍ରଭାବିତ ହୋଇଛନ୍ତି ସେହି ପଦଯାତ୍ରା କାର୍ଯ୍ୟକ୍ରମ ପିସିସି ପକ୍ଷରୁ ପୁଣି ଆରମ୍ଭ କରାଯିବ ବୋଲି ବୈଠକରେ ନିଷ୍ପତ୍ତି ନିଆଯାଇଥିଲା । ଦୁଇଟି ଲୋକସଭା ନିର୍ବାଚନ ମଣ୍ଡଳୀକୁ ନେଇ ଦଶଟି ପର୍ଯ୍ୟାୟରେ ପଦଯାତ୍ରା ଅନୁଷ୍ଠିତ ହେବ । ଅକ୍ଟୋବର ୨ ଗାନ୍ଧି ଜୟନ୍ତୀ ଠାରୁ ଅକ୍ଟୋବର ୯ ଗୋପବନ୍ଧୁ ଜୟନ୍ତୀ ପର୍ଯ୍ୟନ୍ତ ପ୍ରଥମ ପର୍ଯ୍ୟାୟ ପଦଯାତ୍ରା ଆରମ୍ଭ ହୋଇ ଆଗାମୀ ମାର୍ଚ୍ଚ ମାସରେ ଶେଷ ହେବ ।

ଏହି ପଦଯାତ୍ରାରେ ସଭାପତି ଶ୍ରୀ ହରିଚନ୍ଦନ ନେତୃତ୍ୱ ନେବା ସହିତ ଓଡିଶା ପ୍ରଭାରୀ ଶ୍ରୀ ବି.କେ ହରିପ୍ରସାଦ ଓ ସହପ୍ରଭାରୀ ଶ୍ରୀ ଶୁଭଙ୍କର ସରକାର, ଅନ୍ୟ କେନ୍ଦ୍ରୀୟ ଓ ରାଜ୍ୟ ନେତୃବୃନ୍ଦ ଯୋଗଦେବେ । ଏହି ପଦଯାତ୍ରା ବେଳେ ବିଭିନ୍ନ ପ୍ରସଙ୍ଗରେ ରାଜ୍ୟ ସରକାରଙ୍କ ବିଫଳତାକୁ ଲୋକଙ୍କ ନିକଟରେ ଉପସ୍ଥାପିତ କରାଯିବ । ବିଧାନସଭାର ବଜେଟ୍ ଅଧିବେସନ ବେଳକୁ ଭୁବନେଶ୍ୱର ଠାରେ ଏକ ବିଶାଳ ସମାବେଶର ଆୟୋଜନ କରିବା ପାଇଁ ପ୍ରସ୍ତାବ ଗ୍ରହଣ କରାଯାଇଅଛି । ରାଜ୍ୟର ବିଜେଡି ଓ କେନ୍ଦ୍ରର ବିଜେପି ସରକାରଙ୍କ ବିଫଳତାକୁ ନେଇ ବ୍ଲକ ଠାରୁ ରାଜ୍ୟସ୍ତର ପର୍ଯ୍ୟନ୍ତ ଜୋରଦାର ଆନେ୍ଦାଳନ ଗଢିତୋଳିବା ପାଇଁ ଉପସ୍ଥିତ କର୍ମକର୍ତ୍ତାମାନଙ୍କୁ କଂଗ୍ରେସ ନେତୃବୃନ୍ଦ ପରାମର୍ଶ ଦେଇଥିଲେ ।

ରାଜ୍ୟରେ ଶିକ୍ଷା ବ୍ୟବସ୍ଥା ସଂପୂର୍ଣ୍ଣ ବିପର୍ଯ୍ୟସ୍ତ, ସ୍ୱାସ୍ଥ୍ୟ ଅବସ୍ଥା ଭୁଷୁଡି ପଡିଛି । ମରୁଡି ଅବସ୍ଥା ରାଜ୍ୟରେ ବର୍ତ୍ତମାନ ଉଦ୍ବେଗଜନକ । ଘନଘନ ବିଜୁଳି କାଟ ରାଜ୍ୟବାସୀଙ୍କ ବଞ୍ଚôବାକୁ ଦୁର୍ବିସହ କରିଦେଲାଣି । ଚାଷୀ ଓ ଚାଷ ଏବେ ସଂଙ୍କଟରେ । ଏଣୁ ଏ ସମସ୍ତ ବିଫଳତାକୁ ନେଇ ଲୋକଙ୍କ ପାଖରେ କଂଗ୍ରେସ ପହଞ୍ଚôବା ସହିତ ସେମାନଙ୍କ ପାଇଁ ଲଢେଇ କରିବାକୁ କର୍ମକର୍ତ୍ତାଙ୍କୁ ବୈଠକରେ ପରାମର୍ଶ ଦିଆଯାଇଥିଲା । ସାଂଗଠନିକ ସ୍ତରରେ ଦଳକୁ ମଜବୁତ କରିବା ପାଇଁ ପଦକ୍ଷେପ ନେବା ସହ ବୁଥ୍ ସ୍ତର ପର୍ଯ୍ୟନ୍ତ ଦଳକୁ କ୍ରିୟାଶୀଳ କରିବା ପାଇଁ ଉଦ୍ୟମ କରିବାକୁ ବୈଠକରେ ନିଷ୍ପତ୍ତି ହୋଇଛି । ନାମକୁ ମାତ୍ର ସଭ୍ୟ ନୁହେଁ, ପ୍ରତିଶ୍ରୁତି ବଦ୍ଧ ଓ ଗୁଣାତ୍ମକ ସଭ୍ୟ ସଂଗ୍ରହ ପାଇଁ ବୈଠକରେ ନିଷ୍ପତ୍ତି ନିଆଯାଇଥିଲା । କର୍ମକର୍ତ୍ତାଙ୍କ ପାଇଁ ଦାୟିତ୍ୱ ବଣ୍ଟନ କରାଯିବା ସହ ସେମାନଙ୍କ ପାଇଁ ସ୍ୱତନ୍ତ୍ର ମାର୍ଗଦର୍ଶିକା ଜାରି କରାଯାଇଛି । ଶେଷରେ ଯୁବ କଂଗ୍ରେସ ସଭାପତି ଶ୍ରୀ ରଜତ ଚୌଧୁରୀ ଧନ୍ୟବାଦ ଅର୍ପଣ କରିଥିଲେ ।

Share in top social networks!

ମୋଦିଙ୍କ ସ୍ଲୋଗାନ ‘ସ୍କିଲ୍ ଇଣ୍ଡିଆ’ ନୁହେଁ ‘ଷ୍ଟିଲ୍ ଇଣ୍ଡିଆ’

prasadharichandanବ୍ୟାପମ୍ ଦୁର୍ନୀତିର ପ୍ରମୁଖ ଅଭିଯୁକ୍ତ ସୁଧିର ଶର୍ମାଙ୍କ ସହ କେନ୍ଦ୍ର ପେଟ୍ରୋଲିୟମ୍ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ସଂପର୍କ ପଦାକୁ ଆସିବାପରେ ମନ୍ତ୍ରୀ ପଦରେ ରହିବାର ନୈତିକ ଅଧିକାର ଶ୍ରୀ ପ୍ରଧାନ ହରାଇଛନ୍ତି । ତେଣୁ ଲକ୍ଷାଧିକ ଛାତ୍ରଛାତ୍ରୀଙ୍କ ଭବିଷ୍ୟତ ଅନ୍ଧାର ଭିତରକୁ ଠେଲି ଦେଇଥିବା ବ୍ୟାପମ୍ ଦୁର୍ନୀତିର ସି.ବି.ଆଇ. ତଦନ୍ତ ଚାଲିଥିବା ଯୋଗୁଁ ଏହାକୁ ପ୍ରଭାବମୁକ୍ତ ରଖିବା ପାଇଁ ଶ୍ରୀ ପ୍ରଧାନ ମନ୍ତ୍ରୀ ପଦରୁ ତୁରନ୍ତ ଇସ୍ତଫା ଦିଅନ୍ତୁ ବୋଲି ଓଡିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ଦାବି କରାଯାଇଛି । ଗୋଟିଏପଟେ ସ୍ୱଚ୍ଛ ଶାସନର ଡିଣ୍ଡିମ ପିଟି କ୍ଷମତାକୁ ଆସିଥିବା ନରେନ୍ଦ୍ର ମୋଦି ସରକାର ‘ସ୍କିଲ୍ ଇଣ୍ଡିଆ’ (କୁଶଳୀ ଭାରତ)ର ଶୁଭାରମ୍ଭ କରୁଥିବା ବେଳେ ଅନ୍ୟପଟରେ ବିଜେପିର ‘ଷ୍ଟିଲ୍ ଇଣ୍ଡିଆ (ଚୋରି ଅଭିଯାନ) ପଦାରେ ପଡିଯାଇଛି । ତେଣୁ ନରେନ୍ଦ୍ର ମୋଦି ‘ସ୍କିଲ୍ ଇଣ୍ଡିଆ’ ନା ‘ଷ୍ଟିଲ୍ ଇଣ୍ଡିଆ’ ଅଭିଯାନ ଆରମ୍ଭ କଲେ ବୋଲି ଶ୍ରୀ ହରିଚନ୍ଦନ ପ୍ରକାଶ କରିଛନ୍ତି ।
ପ୍ରଦେଶ କଂଗ୍ରେସ ସଭାପତି ଶ୍ରୀ ପ୍ରସାଦ ହରିଚନ୍ଦନ କହିଛନ୍ତି ଯେ ଆୟକର ବିଭାଗ ପକ୍ଷରୁ ଅଭିଯୁକ୍ତ ଶ୍ରୀ ଶର୍ମାଙ୍କ କାର୍ଯ୍ୟାଳୟ ଉପରେ ଚଢ଼ାଉ ବେଳେ ଯେଉଁ କାଗଜପତ୍ର ଜବତ ହୋଇଥିଲା ସେଥିରୁ ଶ୍ରୀ ଶର୍ମାଙ୍କ ସହ ଶ୍ରୀ ପ୍ରଧାନଙ୍କ ସଂପର୍କର ପ୍ରମାଣ ମିଳିସାରିଛି । ଶ୍ରୀ ଶର୍ମା ବର୍ତ୍ତମାନର କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନଙ୍କ ବିମାନ ଖର୍ଚ୍ଚ ବାବଦ ଅର୍ଥ ବହନ କରିଥିଲେ ବୋଲି ଆୟକର ବିଶ୍ଳେଷଣ ରିପୋର୍ଟରେ ଉଲ୍ଲେଖ ହୋଇଛି । ସେହି ରିପୋର୍ଟରେ ଶ୍ରୀ ପ୍ରଧାନଙ୍କ ନାମ ଏକାଧିକବାର ରହିଛି । କେବଳ ଗୋଟିଏ ବର୍ଷର ଚଢ଼ଉରୁ ଶ୍ରୀ ପ୍ରଧାନଙ୍କ ବିରୁଦ୍ଧରେ ଏତିକି ପ୍ରମାଣ ମିଳିଥିବା ବେଳେ ଅଧିକ ତଦନ୍ତ ହେଲେ ସଂପର୍କର ଅଧିକ ଗୁମର ପଦାକୁ ଆସିବାର ସମ୍ଭାବନା ରହିଛି । କେବଳ ମନ୍ତ୍ରୀ ଶ୍ରୀ ପ୍ରଧାନ ନୁହଁନ୍ତି, ବିଜେପି ଓ ଆର.ଏସ୍.ଏସ୍.ର ବହୁ ନେତାଙ୍କ ନାମ ମଧ୍ୟ ଉକ୍ତ ରିପୋର୍ଟରେ ଆସିବା କଳଙ୍କମୁକ୍ତ ଶାସନର ଡିଣ୍ଡିମ ପିଟି କ୍ଷମତାକୁ ଆସିଥିବା ବିଜେପିର ଅସଲ ଚେହେରା ପଦାରେ ପଡିଯାଇଛି । ଏଭଳି ପରିସ୍ଥିତିରେ ସନେ୍ଦହ ଘେରକୁ ଆସିଥିବା ଶ୍ରୀ ପ୍ରଧାନ ନୈତିକତା ଦୃଷ୍ଟିରୁ ତୁରନ୍ତ ଇସ୍ତଫା ଦିଅନ୍ତୁ ବୋଲି ଶ୍ରୀ ହରିଚନ୍ଦନ ଦାବି କରିଛନ୍ତି ।
ସୂଚନାଯୋଗ୍ୟ ଯେ ବ୍ୟାପମ୍ ହେଉଛି ଏଯାବତ୍ ପଦାକୁ ଆସିଥିବା ଦେଶର ସର୍ବ ବୃହତ୍ ଶିକ୍ଷା ଦୁର୍ନୀତି । ଏହି ଦୁର୍ନୀତି ୭୦ ଲକ୍ଷରୁ ଉଦ୍ଧ୍ୱର୍ ଛାତ୍ରଛାତ୍ରୀଙ୍କ ଭବିଷ୍ୟତ ଅନ୍ଧାର ଭିତରକୁ ଠେଲି ଦେଇଥିବା ବେଳେ ଏହି ଘଟଣା ପଦାକୁ ଆସିବା ପରେ ପ୍ରତ୍ୟେକ୍ଷ ଓ ପରୋକ୍ଷ ଭାବରେ ୪୯ ଜଣଙ୍କ ସନେ୍ଦହଜନକ ମୃତୁ୍ୟ ଘଟିଲାଣି । ଏ ପ୍ରସଙ୍ଗରେ ମଧ୍ୟପ୍ରଦେଶର ବିଜେପି ସରକାର, ବିଜେପି ଓ ଆର.ଏସ୍.ଏସ୍. ନେତାମାନଙ୍କ ସଂପୃକ୍ତି ଲୋକଲୋଚନକୁ ଆସୁଥିବା ବେଳେ ଏହି ଦୁର୍ନୀତିର ତଦନ୍ତ ସି.ବି.ଆଇ. ଆରମ୍ଭ କରିଛି । ଏହି ଅଭିଯୋଗର ସଫେଇ ଦେଇ ଶ୍ରୀ ପ୍ରଧାନ ପ୍ରକାଶ କରିଛନ୍ତି ଯେ ଯେଉଁ ବିମାନ ଟିକେଟ୍କୁ ନେଇ ବିବାଦ ସୃଷ୍ଟି ହୋଇଛି ତାହା ମଧ୍ୟପ୍ରଦେଶ ବିଜେପି ଦଳ ପକ୍ଷରୁ କରାଯାଇଥିଲା । ଅପରପକ୍ଷରେ ଏହି ଟିକେଟ୍ ବାବଦର ଅର୍ଥ ବ୍ୟାପମ୍ ଦୁର୍ନିତିରେ ଅଭିଯୁକ୍ତ ଶ୍ରୀ ଶର୍ମା ବହନ କରିଥିଲେ ବୋଲି ତାଙ୍କ ଆୟକର ବିବରଣୀରୁ ପ୍ରମାଣିତ ହୋଇଛି । ଏପରି କହି ଶ୍ରୀ ପ୍ରଧାନ ପ୍ରମାଣିତ କରିଦେଇଛନ୍ତି ଯେ କେବଳ ସେ ନୁହଁନ୍ତି ବିଜେପି ଦଳ ଏହି ଦୁର୍ନୀତିରେ ବେକ ପର୍ଯ୍ୟନ୍ତ ବୁଡି ରହିଛନ୍ତି । ଶ୍ରୀ ପ୍ରଧାନ ମନ୍ତ୍ରୀ ପଦରେ ରହିଲେ ସି.ବି.ଆଇ. ତଦନ୍ତ ପ୍ରଭାବିତ ହେବା ଆଶଙ୍କା ଥିବାରୁ ତୁରନ୍ତ ନିଜ ସ୍ୱଚ୍ଛତା ପ୍ରଣାମ କରିବା ପାଇଁ ମନ୍ତ୍ରୀ ପଦରୁ ସେ ଇସ୍ତଫା ଦିଅନ୍ତୁ ବୋଲି ପିସିସି ପକ୍ଷରୁ ଦାବି କରାଯାଇଛି । ଏ କ୍ଷେତ୍ରରେ ପ୍ରଧାନମନ୍ତ୍ରୀଙ୍କ ନିରବତା, ସର୍ବୋପରି ବିଜେପିର ବହୁ ପ୍ରଭାବଶାଳୀ ନେତା ସଂପୃକ୍ତ ଥିବା କାରଣରୁ ମାନ୍ୟବର ସୁପି୍ରମ୍କୋର୍ଟଙ୍କ ପ୍ରତ୍ୟକ୍ଷ ତତ୍ତ୍ୱାବଧାନରେ ସି.ବି.ଆଇ. ତଦନ୍ତ କଲେ ପ୍ରକୃତ ରହସ୍ୟ ପଦାକୁ ଆସିବ ବୋଲି କଂଗ୍ରେସ ପକ୍ଷରୁ ପ୍ରକାଶ କରାଯାଇଛି ।

Share in top social networks!

ନବୀନଙ୍କ ଜନପ୍ରିୟତାରେ ବିବ୍ରତ କଂଗ୍ରେସର ବାଚାଳ ବିବୃତି

cmfeliciatationକେନ୍ଦ୍ର ରାଷ୍ଟ୍ରମନ୍ତ୍ରୀ ଶ୍ରୀ ଶ୍ରୀକାନ୍ତ ଜେନା ଓ ରାଜ୍ୟ କଂଗ୍ରେସଦଳର ସଭାପତି ଶ୍ରୀ ଜୟଦେବ ଜେନା ପୃଥକ,ପୃଥକ ବିବୃତିରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ନୈତିକତା ଦୃଷ୍ଟିରୁ ତୁରନ୍ତ ନିଜ ପଦବୀରୁ ଇସ୍ତଫା ଦେବା ପାଇଁ ଆହ୍ଵାନ ଜଣାଇଛନ୍ତି । କଥାରେ ଅଛି ଗୋଦାରିଲୋ ନିଜ ଗୋଡକୁ ଅନା ନ୍ଯାଯରେ ଏ ଦୁଇଜଣ ଙ୍କର ମୁଖ୍ୟମନ୍ତ୍ରୀଙ୍କୁ ଇସ୍ତଫା ଦେବା କଥା କହିବାର ନୈତିକ ଅଧିକାର ଅଛି କି ?

କେନ୍ଦ୍ର ରାଷ୍ଟ୍ରମନ୍ତ୍ରୀ ଶ୍ରୀ ଶ୍ରୀକାନ୍ତ ଜେନା ଜନତା ଦଳ ସରକାରର ଜଣେ କ୍ୟାବିନେଟ ମନ୍ତ୍ରୀ ଥିବା ବେଳେ ଏବେ ରାଷ୍ଟ୍ରମନ୍ତ୍ରୀ ଟିଏ ହୋଇ ବସିବା ଓଡିଶାର ସମ୍ମାନ ପ୍ରତି ବା ସ୍ଵାଭିମାନ ପ୍ରତି ଅପମାନ ସୂଚକ ନୁହେଁ କି? ବ୍ୟକ୍ତିଗତ ସ୍ଵାର୍ଥପାଇଁ ଯିଏ ରାଜ୍ୟର ସମୂହ ସ୍ଵାର୍ଥକୁ ବଳି ପକାଇ ଦେବାକୁ ଲଜ୍ଜାଜନକ ମନେକରନ୍ତି ନାହିଁ ସେ ପୁଣି ରାଜ୍ୟର ସର୍ବଜନ ପ୍ରିୟା ମୁଖ୍ୟମନ୍ତ୍ରୀଙ୍କୁ ନୈତିକତାର ବାଣୀ ଶୁଣାଇବା ହାସ୍ୟାସ୍ପଦ ନୁହେଁ କି ? ବିଗତ ସରକାର ମାନଙ୍କରେ ଓଡ଼ିଶାକୁ ସମ୍ମାନ ଦିଆଯାଉ ୨,୩ ଜଣ କ୍ୟାବିନେଟ ମନ୍ତ୍ରୀ କେନ୍ଦ୍ରରେ ରହୁଥିବା ବେଳେ ଶ୍ରୀ ଶ୍ରୀକାନ୍ତ ଜେନାଙ୍କୁ ରାଷ୍ଟ୍ରମନ୍ତ୍ରୀ ପଦ ଟିଏ ମାତ୍ର ଦେଇ କେନ୍ଦ୍ର ଓଡିଶାର ସ୍ଵାଭିମାନକୁ ଉପହାସ କରିନାହାନ୍ତି କି?

ଅନ୍ୟତମ କଂଗ୍ରେସ ଦଳର ସଭାପତି ଶ୍ରୀ ଜୟଦେବ ଜେନା ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କର ଇସ୍ତଫା ଦାବି କରି ନୈତିକତାର ପ୍ରଶ୍ନ ଉଠାଇଛନ୍ତି । ରାୟଗଡା ଠାରେ ତାଙ୍କର ବ୍ୟକ୍ତିଗତ କାରରୁ କଣ ବାହାରିଲା ଯେ ସେ ସମୟରେ ଚାରିଆଡେ ଚହଳ ପଡିଯାଇଥିଲା । ସେ ବିଷୟରେ ଅଧିକ ଚର୍ବିତ ଚର୍ବଣ କରିବା ଆବଶ୍ୟକତା ଆମେ ଅନୁଭବ କରୁନାହୁଁ । ଓଡିଶାର ଜନତା ଏକଥା ଜାଣନ୍ତି । ଅନ୍ୟଏକ ଅଭିଯୋଗ ମୁଖ୍ୟମନ୍ତ୍ରୀଙ୍କ ବିରୁଦ୍ଧରେ ଆଣିଛନ୍ତି,କଂଗ୍ରେସର ପ୍ରଭାରି ହରି ପ୍ରସାଦ,ଶ୍ରୀ ପ୍ରସାଦ ଜଣେ ନୂଆ ଲୋକ ଓଡିଶା ପ୍ରସଙ୍ଗରେ ତାଙ୍କର ସମ୍ୟକ ଧାରଣା ନାହିଁ ।

ଷ୍ଟେନସ୍ ପୋଡିଭଳି ଏକ ନିନ୍ଦନୀୟ ଓ ଦୁଃଖଦ ଘଟଣା ଘଟିବା ପରେ ସେ ସମୟର ମୁଖ୍ୟମନ୍ତ୍ରୀ ଶ୍ରୀ ଜାନକୀ ବଲ୍ଲବ ପଟ୍ଟନାୟକ କିଭଳି ଏବଂ କଣ ସବୁ ପଦକ୍ଷେପ ନେଇଥିଲେ ଏ କଥା ବୋଧେ ଶ୍ରୀ ପ୍ରସାଦ ଜାଣିନାହାନ୍ତି । ଶ୍ରୀ ନବୀନ ପଟ୍ଟନାୟକ ଏଭଳି ବିଭତ୍ସ ଘଟଣାର କିଭାଷାରେ ନିନ୍ଦା କରିଥିଲେ । ହରିପ୍ରସାଦ ହୁଏତ ଅବଗତ ନାହାନ୍ତି । ହରି ନାମ ବିନା ସଙ୍କୀର୍ତ୍ତନ ଯେମିତି ହୋଇପାରେନା ଷ୍ଟେନସ ପୋଡି ସହ କଂଗ୍ରେସର ସମ୍ପୃକ୍ତି କୁ ସେଭଳି ଏଡେଇ ଦେଇ ହୁଏନା । ତେଣୁ ସାଧୁ ସାବଧାନ । ବୁଦ୍ଧି ଆସୁନାହିଁ ଘରକୁ,ବୁଦ୍ଧି କହୁଥାଏ ପରକୁ ନୀତି କଂଗ୍ରେସ ର ତଥା କଥିତ ବଡପଣ୍ଡା ମାନେ ଛାଡନ୍ତୁ ।

Share in top social networks!

ରାଜ୍ୟ କଂଗ୍ରେସର ମୁଖ୍ୟମନ୍ତ୍ରୀଙ୍କୁ ପ୍ରଶ୍ନ

pcc-odisha୪୨୦ କିଏ – ମୁଖ୍ୟମନ୍ତ୍ରୀ ଉତ୍ତର ଦେବେ କି ?

୨୦୦୦ ମସିହା ନିର୍ବାଚନ ଠାରୁ ଆଜି ପର୍ଯ୍ୟନ୍ତ ବିଜେଡ଼ି ତଥା ସେହି ଦଳର ମୁଖିଆ ଶ୍ରୀଯୁକ୍ତ ନବୀନ ପଟ୍ଟନାୟକ ନିର୍ବାଚନ ଇସ୍ତାହାର ମାଧ୍ୟମରେ ଓଡିଶାର ଲୋକମାନଙ୍କୁ ନିମ୍ନଲିଖିତ ପ୍ରତିଶ୍ରୁତିମାନ ଦେଇଥିଲେ । କେଉଁଟା ଆଜି ପର୍ଯ୍ୟନ୍ତ ପୂରଣ ହୋଇଛି ?

· କୃଷକମାନଙ୍କୁ ମାଗଣାରେ ବିଜୁଳି ଯୋଗାଇ ଦିଆଯିବା ପ୍ରତିଶ୍ରୁତି ।

· ପ୍ରାକୃତିକ ସମ୍ପଦ କାରବାର କ୍ଷେତ୍ରରେ ବାହାର ଅସାଧୁ ବ୍ୟବସାୟୀଙ୍କ ଉପରେ କଟକଣା ।

· ପାଞ୍ଚ ବର୍ଷରେ ଦଶ ଲକ୍ଷ ବେକାର ଯୁବକ ଯୁବତୀ ଙ୍କୁ ନିଯୁକ୍ତି ।

· ଶାସନ କ୍ଷମତାରେ ଥିବା ବିଧାୟକ ଓ ମନ୍ତ୍ରୀମାନଙ୍କ ସମ୍ପତ୍ତି ତାଲିକା ସର୍ବସାଧାରଣରେ ପ୍ରକାଶ ନିମନ୍ତେ ଆଇନ୍ ପ୍ରଣୟନ ।

· କଳିଙ୍ଗ ରେଜିମେଣ୍ଟ ଗଠନ ।

· କଳିଙ୍ଗ ବ୍ୟାଙ୍କ ପ୍ରତିଷ୍ଠା ।

ଏମିତି ଅନେକ ପ୍ରତିଶ୍ରୁତି ।

ଯଦି କୌଣସିଟା ପୂରଣ ହୋଇନାହିଁ ୪୨୦ କିଏ ?

କେଉଁଟା ସତ ?

ଓଡିଶା ରାଜ୍ୟ ସରକାରଙ୍କ ଦ୍ଵାରା ପ୍ରସ୍ତୁତ ଇକୋନୋମିକ୍ ସର୍ଭେ ରେ କୁହାଯାଇଛି ଦାରିଦ୍ର୍ୟ ୫୭.୨ ଶତାଂଶରୁ ଖସି ୩୭ ଶତାଂଶରେ ରହିଛି ଏବଂ ରାଜ୍ୟସରକାର ବାହା ପିଆପଣ ଦେଖାଇ କହିଲେ ରାଜ୍ୟରେ ପାଞ୍ଚ ବର୍ଷରେ ଅର୍ଥାତ୍ ୨୦୦୪-୦୫ ରୁ ୨୦୦୯-୧୦ ମଧ୍ୟରେ ୨୦ ଶତାଂଶ ଦାରିଦ୍ର୍ୟ ହ୍ରାସ କରିବାରେ ସକ୍ଷମ ହୋଇଛନ୍ତି, ଯାହାକି ଭାରତ ବର୍ଷରେ ଏକ ନମ୍ବର । ଏହି ଉଭୟ ପରିସଂଖ୍ୟାନ ମଧ୍ୟରୁ କେଉଁଟା ଠିକ୍ ? ୨୦୦୯-୧୦ ଆର୍ଥିକ ବର୍ଷରେ ଓଡିଶାରେ କେତେ ଶତାଂଶ ଦାରିଦ୍ର୍ୟ ଥିଲା – ୨୯ ପ୍ରତିଶତ ନା ୩୭ ପ୍ରତିଶତ ?

ଉପରୋକ୍ତ ପରିସଂଖ୍ୟାନ ମଧ୍ୟରୁ ଯେଉଁଟା ବି ଠିକ୍ ହୋଇଥିଲେ ଓଡିଶାରେ କେତେ ଲକ୍ଷ ପରିବାର ଦାରିଦ୍ର୍ୟ ସୀମାରେଖା ତଳେ ? ୩୨.୯୮ ଲକ୍ଷ ପରିବାର ନା ତା’ ଠାରୁ ଉର୍ଦ୍ଧ୍ଵ , ନା ତା’

ଠାରୁ କମ୍ ?

ରାଜ୍ୟସରକାରଙ୍କ କହିବା ଅନୁଯାୟୀ କେନ୍ଦ୍ରସରକାର ୩୨.୯୮ ଲକ୍ଷ ପରିବାରକୁ ଦାରିଦ୍ର୍ୟ ଲୋକଙ୍କ ପାଇଁ ଉଦ୍ଦିଷ୍ଟ ଚାଉଳ ପରିବାର ପିଛା ୩୫ କିଲୋ ହିସାବରେ ଦେଉଛନ୍ତି ।

ଅନ୍ୟ ପଟରେ ରାଜ୍ୟ ସରକାର ନିଜେ ସ୍ଵୀକାର କରିଛନ୍ତି ଯେ ଓଡିଶାରେ ଦାରିଦ୍ର୍ୟ ପରିବାର ସଂଖ୍ୟା ୩୨.୯୮ ଲକ୍ଷରୁ କମ୍ । ତା’ ହେଲେ ପରିବାର ପିଛା ୧୦ କେଜି ଚାଉଳ ଗଲା କୁଆଡେ ?

Share in top social networks!

ଜୁଲାଇ ୮ ପିସିସି ଅନୁସୂଚିତ ଜାତି ବିଭାଗ ବୈଠକ

CONGRESS-MEETINGଜୁଲାଇ ୮ ତାରିଖ ପ୍ରଦେଶ କଂଗ୍ରେସ ଅନୁସୂଚିତ ଜାତି ବିଭାଗର କାର୍ଯ୍ୟକାରୀ କମିଟି ବୈଠକ ଦିବା ୧୦ ଘଟିକା ସମୟରେ ପ୍ରଦେଶ କଂଗ୍ରେସ ଅନୁସୂଚିତ ଜାତି ବିଭାଗର ଅଧ୍ୟକ୍ଷ ରିପୁନାଥ ସେଠଙ୍କ ଅଧ୍ୟକ୍ଷତାରେ ଅନୁଷ୍ଠିତ ହେବ । ଉକ୍ତ ବୈଠକରେ ପ୍ରଦେଶ କଂଗ୍ରେସ ସଭାପତି ଶ୍ରୀଯୁକ୍ତ ଜୟଦେବ ଜେନା ମୁଖ୍ୟ ଅତିଥିଭାବେ ଯୋଗଦେବେ ।

ବୈଠକରେ ପ୍ରଦେଶ କଂଗ୍ରେସ ଅନୁସୂଚିତ ଜାତି ବିଭାଗର ରାଜ୍ୟ କର୍ମକର୍ତ୍ତା,କାର୍ଯ୍ୟକାରୀ କମିଟି ସଦସ୍ୟ,ସ୍ଵତନ୍ତ୍ର ନିମନ୍ତ୍ରିତ ସଦସ୍ୟ,ସମସ୍ତ ସାଙ୍ଗଠନିକ ଜିଲ୍ଲାର ଅଧ୍ୟକ୍ଷ ମାନେ ଯୋଗ ଦେବା ପାଇଁ ନିମନ୍ତ୍ରଣ କରାଯାଇଅଛି । ଯଦି କୌଣସି ସଦସ୍ୟ ନିମନ୍ତ୍ରଣ ପତ୍ର ପାଇନଥାନ୍ତି ଏହାକୁ ନିମନ୍ତ୍ରଣ ମନେକରି ବୈଠକରେ ଯୋଗଦେବା ପାଇଁ ପିସିସି ଅନୁସୂଚିତ ଜାତି ବିଭାଗର ଉପାଧ୍ୟକ୍ଷ ଶ୍ରୀ ବାଙ୍କନିଧି ବେହେରା ଏକ ପ୍ରେସ ବିଜ୍ଞପ୍ତିରେ ଜଣାଇଛନ୍ତି ।

Share in top social networks!

ଏପ୍ରିଲ ୬ରୁ କଂଗ୍ରେସର ପ୍ରତି ବ୍ଲକରେ କର୍ମୀ ସମ୍ମିଳନୀ

25 CONGRESS PRESS CONFERENCE.ASHOKଆସନ୍ତା ଏପ୍ରିଲ୍ ୬ତାରିଖରୁ ସମଗ୍ର ରାଜ୍ୟରେ କଂଗ୍ରେସପକ୍ଷରୁ ସାଧାରଣ ସଭା ଓ କର୍ମୀ ସମ୍ମିଳନୀ ମାନ ଆୟୋଜନ କରାଯିବ । ପ୍ରତି ବ୍ଲକ ,ପ୍ରତି ଜିଲ୍ଲାରେ କର୍ମୀ ସମ୍ମିଳନୀ ଆୟୋଜନ କରାଯାଇ ରାଜ୍ୟର ବିଜେଡ଼ି ସରକାରଙ୍କ ଦୁର୍ନୀତିକୁ ଲୋକ ଲୋଚନକୁ ଅଣାଯିବ ବୋଲି ପ୍ରଦେଶ କଂଗ୍ରେସ କମିଟିର ସଭାପତି ନିରଞ୍ଜନ ପଟ୍ଟନାୟକ କହିଛନ୍ତି ।

ପିସିସି ସଭାପତି ଶ୍ରୀ ପଟ୍ଟନାୟକ କହିଛନ୍ତି ଯେ ଓଡିଶା ଲୋକମାନେ ପ୍ରକୃତ ସତ୍ୟ କଣ ଜାଣିବା ଉଚିତ ।କେନ୍ଦ୍ର ସରକାର ଓଡିଶା ଲୋକଙ୍କ ପାଇଁ ବିଭିନ୍ନ ଜଣ କଲ୍ୟାଣ ଯୋଜନାମାନ କରୁଥିବା ବେଳେ ବିଜେଡ଼ି ଦଳ କିପରି ମିଛ ବାହାବା ନେଉଛି,ତାହା ଲୋକଙ୍କୁ ଜଣାଇବା ପାଇଁ ଏହି ଅଭିଯାନ ଆରମ୍ଭ ହେଉଛି । ଏହି କ୍ରମରେ ବ୍ଲକ ସ୍ତରରେ ଓ ଜିଲ୍ଲାସ୍ତରରେ କର୍ମୀମାନେ ସମ୍ମିଳନୀ ମାନ ଆୟୋଜନ କରାଯିବ ସାଙ୍ଗକୁ ସାଧାରଣ ସଭା ମଧ୍ୟ କରାଯିବ ବୋଲି ଶ୍ରୀ ପଟ୍ଟନାୟକ ସୂଚନା ଦେଇଛନ୍ତି ।

ଗତ ୨୦୧୨ମସିହା ଅକ୍ଟୋବର ମାସରେ କଂଗ୍ରେସ ପକ୍ଷରୁ ସମଗ୍ର ରାଜ୍ୟରେ ୮ଦିନିଆ ପରିବର୍ତ୍ତନ ଯାତ୍ରା ଆରମ୍ଭ କରାଯାଇ ବିଜେଡ଼ି ସରକାରଙ୍କ ଦୁର୍ନୀତି ବିରୋଧରେ ଶତାଧିକ ଗ୍ରାମରେ ସଚେତନତା ସୃଷ୍ଟି କରାଯାଇଥିଲା । ଗତ ମାସରେ କଂଗ୍ରେସ ଉପସଭାପତି ରାହୁଲ ଗାନ୍ଧୀ ଓଡିଶା ଗସ୍ତରେ ଆସି କଂଗ୍ରେସ କର୍ମୀ ଓ ନେତୃତ୍ଵ ବୃନ୍ଦ ମଧ୍ୟରେ ଉତ୍ସାହ କରିବା ପରେ ପିସିସି ସଭାପତି ନିରଞ୍ଜନ ପଟ୍ଟନାୟକ ନିର୍ବାଚନ ପୂର୍ବରୁ କଂଗ୍ରେସ କର୍ମୀମାନଙ୍କୁ ରାଜ୍ୟର ପ୍ରତି ଗାଁ,ସହର ଠାରୁ ଆରମ୍ଭ କରି ଗଳିକନ୍ଦିରେ ବିଜେଡ଼ି ସରକାରଙ୍କ ଛଦ୍ମମୁଖା ଖୋଲିବା ପାଇଁ ଏହି କାର୍ଯ୍ୟକ୍ରମ ଆରମ୍ଭ କରିଛନ୍ତି ।

Share in top social networks!

ପ୍ରସ୍ତୁତ ହେଲା ୧୨ଟି ଜିଲ୍ଲାର କଂଗ୍ରେସ ପ୍ରାର୍ଥୀ ତାଲିକା; ଗୋଟିଏ ପରିବାରରୁ ଜଣଙ୍କୁ ଟିକଟ

Dethrone-Naveen-Govtଆଗାମୀ ବିଧାନସଭା ଏବଂ ଲୋକସଭା ନିର୍ବାଚନ ପାଇଁ କଂଗ୍ରେସ ପକ୍ଷରୁ ଦଳୀୟ ପ୍ରାର୍ଥୀ ଚୟନ ପ୍ରକ୍ରିୟା ଆରମ୍ଭ ହୋଇଛି | ଏହି କ୍ରମରେ ଆଜି ୧୨ଟି ସାଙ୍ଗଠନିକ ଜିଲ୍ଲାର କଂଗ୍ରେସ କମିଟି (ଡିସିସି) ସଭାପତି ଏଆଇସିସି ସାଧାରଣ ସମ୍ପାଦକ ତଥା ଓଡିଶା ପସିସି ପ୍ରଭାରୀ ଜଗଦୀଶ ଟାଇଟଲରଙ୍କୁ ଭେଟି ସେମାନଙ୍କ ଦ୍ଵାରା ପ୍ରସ୍ତାବିତ ସମ୍ଭାବ୍ୟ ବିଧାନସଭା ପ୍ରାର୍ଥୀ ତାଲିକା ପ୍ରଦାନ କରିଛନ୍ତି | ଏଥିପାଇଁ କଂଗ୍ରେସ ଭବନରେ ଶ୍ରୀ ଟାଇଟଲର ସକାଳ ୧୦ ଟାରୁ ଅପରାହ୍ନ ୫ଟା ପର୍ଯ୍ୟନ୍ତ ଏହି ସବୁ ଜିଲ୍ଲାର ସଭାପତିମାନଙ୍କ ସହିତ ପୃଥକ ପୃଥକ ଆଲୋଚନା କରିଥିଲେ |

ଜିଲ୍ଲା ସଭାପତିମାନେ ସେମାନଙ୍କ ସାଙ୍ଗଠନିକ ଜିଲ୍ଲାରେ ଥିବା ପ୍ରତି ବିଧାନସଭାମାନଙ୍କ ପାଇଁ ଜଣକ ଠାରୁ ଆରମ୍ଭ କରି ୪ ଜଣ ପର୍ଯ୍ୟନ୍ତ ସମ୍ଭାବ୍ୟ ପ୍ରାର୍ଥୀଙ୍କ ନାମ ଦେଇଛନ୍ତି | ବିଶ୍ଵସ୍ତ ସୂତ୍ରରୁ ମିଳିଥିବା ସୂଚନାରୁ ଜଣାପଡିଛି, ଚଳିତ ବିଧାନସଭାରେ ନିର୍ବାଚିତ ବିଧାୟକଙ୍କୁ ପୁନର୍ବାର ପ୍ରାର୍ଥୀ କରାଯିବ | ଆଗାମୀ ନିର୍ବାଚନ ପାଇଁ ପ୍ରାର୍ଥୀ ତାଲିକା ପ୍ରଦାନ ବେଳେ ଜିଲ୍ଲା ସଭାପତିମାନେ ଏଆଇସିସି ଦ୍ଵାରା ନିର୍ଧାରିତ କେତେକ ଦିଗ ପ୍ରତି ସ୍ଵତନ୍ତ୍ର ଧ୍ୟାନ ଦେଇଥିଲେ | ଜିଲ୍ଲା ସଭାପତିମାନେ ଗୋଟିଏ ପରିବାରରୁ ଜଣଙ୍କୁ ଟିକେଟ ଦେବା ପାଇଁ ସୁପାରିସ କରିଥିବା ବେଳେ ଓ ଦୁଇଥର ହାରିଥିବା ପ୍ରାର୍ଥୀଙ୍କ ନାମ ସୁପାରିସ କରି ନଥିବା ଜଣାପଡିଛି | ରାଜ୍ୟର ୧୪୭ଟି ବିଧାନସଭା ଆସନ ମଧ୍ୟରୁ ୯୦ଟି ଆସନରେ ସମ୍ଭାବ୍ୟ ପ୍ରାର୍ଥୀମାନଙ୍କ ତାଲିକା ପ୍ରସ୍ତୁତ ହୋଇଥିବା ବେଳେ ମାର୍ଚ୍ଚ ସୁଦ୍ଧା ଅନ୍ୟ ଆସନରେ ସମ୍ଭାବ୍ୟ ପ୍ରାର୍ଥୀମାନଙ୍କ ତାଲିକା ପ୍ରସ୍ତୁତ ହେବ |

ମାର୍ଚ୍ଚ ଶେଷ ସୁଦ୍ଧା ଚୁଡାନ୍ତ ପ୍ରାର୍ଥୀ ତାଲିକା ପ୍ରସ୍ତୁତି ଯୋଜନା ରହିଛି | ଆଜି ଶ୍ରୀ ଟାଇଟଲର ବିଧାନସଭା ସମ୍ଭାବ୍ୟ ପ୍ରାର୍ଥୀ ତାଲିକା ସଂଗ୍ରହ ସହ ପ୍ରତି ବିଧାନସଭା ମଣ୍ଡଳୀରେ ବୁଥ୍ କମିଟି ଗଠନର ଅଗ୍ରଗତି, ଜିଲ୍ଲାରେ ସାଙ୍ଗଠନିକ ସମସ୍ୟା, ଗତ ଥର ଦଳର ପରାଜିତ ପ୍ରାର୍ଥୀଙ୍କ ଭୋଟ ବ୍ୟବଧାନ, ଦଳର ନୂଆ ମୁହଁ ଓ ସର୍ବାଧିକ ବିଜୟ ସମ୍ଭାବନା ଥିବା ପ୍ରାର୍ଥୀଙ୍କ ସମ୍ପର୍କରେ ବିବରଣୀ ସଂଗ୍ରହ କରିଥିଲେ | ଆଜି ୧୫ଟି ସାଙ୍ଗଠନିକ ଜିଲ୍ଲା ସଭାପତିଙ୍କ ସହିତ ଆଲୋଚନା କରିବା ପାଇଁ ଶ୍ରୀ ଟାଇଟଲର ଡ଼ାକିଥିବା ବେଳେ ଗଞ୍ଜାମ, ଗଜପତି ଓ ନୟାଗଡ ଜିଲ୍ଲାର ଡିସିସି ସଭାପତିମାନେ ଉପସ୍ଥିତ ହୋଇ ପାରି ନଥିଲେ | ବାଲେଶ୍ଵର ଡିସିସି ସଭାପତି ପଦ୍ମ ଲୋଚନ ପଣ୍ଡା, ଭଦ୍ରକ ଡିସିସି ସଭାପତି ବଦ୍ରି ନାରାୟଣ ଧଳ, ଯାଜପୁର ଡିସିସି ସଭାପତି ଶ୍ରୀନାଥ ମିଶ୍ର, କେନ୍ଦ୍ରାପଡା ସଭାପତି ଦେବେନ୍ଦ୍ର ଶର୍ମା, ଜଗତସିଂହପୁର ସଭାପତି ରବୀନ୍ଦ୍ରନାଥ ମହାନ୍ତି, କଟକ ସଭାପତି ପ୍ରକାଶ ବେହେରା, କଟକ ନଗର ସଭାପତି ମହମ୍ମଦ ମୁକିମ, ଖୋର୍ଦ୍ଧା ଜିଲ୍ଲା ସଭାପତି ଜାନକୀ ବଲ୍ଲଭ ପଟ୍ଟନାୟକ, ପୁରୀ ସଭାପତି ଶରତ ରଥ,
ଢେଙ୍କାନାଳ ସଭାପତି ନବୀନ ଚନ୍ଦ୍ର ନାରାୟଣ ଦାସ, ଅନୁଗୁଳ ସଭାପତି ପ୍ରତାପ ଚନ୍ଦ୍ର ପ୍ରଧାନ ଓ ମୟୂରଭଞ୍ଜ ଡିସିସି ସଭାପତି ଦିନକୃଷ୍ଣ ଓଡିଶା ପ୍ରଭାରୀ ଶ୍ରୀ ଟାଇଟଲରଙ୍କ ସହ ଉପରୋକ୍ତ ପ୍ରସଙ୍ଗ ଉପରେ ଆଲୋଚନା ସହ ତାଲିକା ପ୍ରଦାନ କରିଥିଲେ |

ପର୍ଯ୍ୟାୟ କ୍ରମେ ଅବଶିଷ୍ଟ ୨୧ ଟି ସାଙ୍ଗଠନିକ ଜିଲ୍ଲାର ସଭାପତିମାନଙ୍କ ସହ ଶ୍ରୀ ଟାଇଟଲର ଉପସ୍ଥିତ ସାମ୍ବାଦିକମାନଙ୍କୁ କହିଛନ୍ତି, ଓଡିଶାରେ କଂଗ୍ରେସର ବିଜୟ ପାଇଁ ସେ ଜିଲ୍ଲା ସହଭାପତିମାନଙ୍କ ସହ ବିଭିନ୍ନ ପ୍ରସଙ୍ଗ ଉପରେ ଆଲୋଚନା କରିଛନ୍ତି | ତାଙ୍କୁ ଡିସିସି ସଭାପତିମାନେ ସମ୍ଭାବ୍ୟ ପ୍ରାର୍ଥୀ ଚୟନ ନିଷ୍ପତ୍ତି ଏଆଇସିସି ସଭାନେତ୍ରୀ ସୋନିଆଜୀ ଓ ଉପ ସଭାପତି ରାହୁଲଜୀ ନେବେ | ଅନ୍ୟାନ୍ୟ ପ୍ରଶ୍ନ ଉପରେ ଉତ୍ତର ଦେଇ ସେ କହିଲେ, ଗୋଟିଏ ପରିବାରରୁ କେବଳ ଜଣଙ୍କୁ ଟିକଟ ଦେବା ଏବଂ ଦୁଇ ଥର ହାରିବା ପ୍ରାର୍ଥୀଙ୍କୁ ଟିକଟ ନଦେବା ପାଇଁ ଦଳ ନିଷ୍ପତ୍ତି ନେଇଥିବା ଆଲୋଚନା ବେଳେ ପିସିସି ଉପସଭାପତି ଗୁରୁପଦ ନନ୍ଦ ଓ ଏଆଇସିସି ସମ୍ପାଦକ ବିନୟ ସୋରକେ ଉପସ୍ଥିତ ଥିଲେ |

Share in top social networks!