ବାର- କୋଡିଂ ସଂପର୍କରେ କାର୍ମଶାଳା ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋଗ କ୍ଷେତ୍ରରେ ଦୃଶ୍ୟମାନ ପରିବର୍ତ୍ତନ ଆଣିବାକୁ ଉଦ୍ୟମ କରାଯାଉଛି –ମନ୍ତ୍ରୀ ଡାଃ ରାଉତ

BAR-CODE-SEMINARରାଜ୍ୟର ବିକାଶ ପାଇଁ ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋଗ କ୍ଷେତ୍ରରେ ବିକାସା ସାଧନ କରି ଏକ ଦୃଶ୍ୟମାନ ପରିବର୍ତ୍ତନ ଆଣିବାକୁ ଉଦ୍ୟମ ଆରମ୍ଭ କରାଯାଇଛି । ଫଳରେ ରାଜ୍ୟରେ ଯୁବକ ଯୁବତୀ ମାନେ ସ୍ଵାବଲମ୍ବୀ ହେବା ସହିତ ଆର୍ଥିକ ବିକାଶ ଘଟିବ ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ତଥା ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋଗ ମନ୍ତ୍ରୀ ଡାଃ ଦାମୋଦର ରାଉତ କହିଛନ୍ତି । ଆଜି ଭୁବନେଶ୍ଵରଠାରେ ରାଜ୍ୟ ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋଗ ବିଭାଗ ଏବଂ କେନ୍ଦ୍ର ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋଗ ମନ୍ତ୍ରଣାଳୟ ଅଧିନସ୍ଥ ଏମ୍.ଏସ୍.ଏମ୍.ଇ ବିକାଶ ପ୍ରତିଷ୍ଠାନର ମିଳିତ ଉଦ୍ୟମରେ ଆୟୋଜିତ ବାର-କୋଡିଂ ସଂପର୍କିତ ଦିନିକିଆ କର୍ମଶାଳାକୁ ଉଦଘାଟନ କରି ମନ୍ତ୍ରୀ ଡାଃ ରାଉତ ଏହା କହିଛନ୍ତି ।

ସେ କହିଛନ୍ତି ଯେ ରାଜ୍ୟରେ ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋଗର ବିକାଶ ପାଇଁ ୨୦୦୯ ମସିହାରେ ଏ ନେଇ ଏକ ପଲିସି ଘୋଷଣା କରାଯିବା ସହିତ ସ୍ଵତନ୍ତ୍ର ବିଭାଗ ସୃଷ୍ଟି କରାଯାଇଛି । ଆମର ପର୍ଯ୍ୟନ୍ତ ସୁବିଧା ସୁଯୋଗ ରହିଛି । କିନ୍ତୁ ତାକୁ ଉପଯୋଗ କରାଯାଇ ପାଇବା ସେ ସବୁର ଉପଯୋଗ କରାଯାଇ ପାରିବ ସେଥି ପାଇଁ ଉଦ୍ୟମ କରିବା । ଆମର ପ୍ରତିଭା ରହିଛି । ଯାହାକି ଅବଚେତନ ଅବସ୍ଥାରେ ରହିଛି । ତାକୁ ଚେତାଇବାରେ ସମୟ ଉପନୀତ ।

ସେହିପରି ଶିଳ୍ପଦ୍ୟୋଗୀ ମାନଙ୍କର ମାନସିକତାରେ ପରିବର୍ତ୍ତନ ଉପରେ ମନ୍ତ୍ରୀ ଡାଃ ରାଉତ ଗୁରୁତ୍ଵ ଆରୋପ କରିଥିଲେ । ବର୍ତ୍ତମାନ ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋମ ଦ୍ଵାରା ପ୍ରସ୍ତୁତ ସାମଗ୍ରୀ ଗୁଡିକର ଉପଯୁକ୍ତ ବଜାର ଓ ବାହାର ରାଜ୍ୟର ପ୍ରସ୍ତୁତ ସାମଗ୍ରୀ ସହିତ ପ୍ରତିଯୋଗିତା ପାଇଁ ପା-କୋର୍ଡର ଆବଶ୍ୟକତା ନିତ୍ୟାନ୍ତ ଆବଶ୍ୟକ । ଏହି ବାର-କୋଡିଂ ପଞ୍ଜୀକୃତ କରାଇଲେ ପଞ୍ଜୀକରଣ ବାବଦ ଦେୟର ୭୫ ପ୍ରତିଶତ ଏବଂ ପ୍ରଥମ ତିନି ବର୍ଷ ପାଇଁ ରେକରିଂ ବାର୍ଷିକ ଦେୟ କେନ୍ଦ୍ରସରକାର ଭରଣା କରିବେ । ଏଣୁ ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋଗପତି ମାନେ ଏହି ବା-କୋଡିଂ ସମ୍ପର୍କରେ ଅବଗତ ହୋଇ ପଞ୍ଜୀକୃତ କରାଇ ବିଭିନ୍ନ ମଲ୍ ଆଦିରେ ସେମାନଙ୍କର ଉତ୍ପାଦିତ ସାମଗ୍ରୀର ଚାହିଦା ବଢାଇବା ଆବଶ୍ୟକ ବୋଲି ମନ୍ତ୍ରୀ ଦାହ ରାଉତ ପରାମର୍ଶ ଦେଇଥିଲେ ।

ରାଜ୍ୟରେ ବିଭିନ୍ନ ସ୍ଥାନରେ ଏହି ଭଳି ୧୫ ଟି କର୍ମଶାଳାର ଆୟୋଜନ କରାଯିବା ପାଇଁ ନିଷ୍ପତ୍ତି ହୋଇଛି । ଏମ୍.ଏସ୍.ଏମ୍.ଇ ବିଭାଗ ଶାସନ ସଚିବ ପଂଚାନନ ଦାଶ ତାଙ୍କ ଭାଷଣରେ ବିଭାଗର ଏ ନେଇ କାର୍ଯ୍ୟକ୍ରମ ଉପରେ ଆଲୋକପାତ କରିବା ସହିତ ରାଜ୍ୟର ଯୁବକ ଯୁବତୀ ମାନଙ୍କୁ ଶିଳ୍ପ ପ୍ରତସ୍ଥା କରିବା ଦିଗରେ ପ୍ରୋତ୍ସାହନ କରିବା ନିମନ୍ତେ ଗ୍ରହଣକରାଯାଇଥିବା ପଦକ୍ଷେପ ସଂପର୍କରେ ସୂଚନା ଦେଇଥିଲେ । ଓଡିଶାରେ ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋଗ କ୍ଷେତ୍ରରେ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ଏବଂ ବିଭାଗୀୟ ମନ୍ତ୍ରୀଙ୍କ ପରାମର୍ଶ ଅନୁଯାୟୀ ଯୁବକ ଯୁବତିମାନଙ୍କୁ ଶିଳ୍ପ ପ୍ରତିଷ୍ଠା କରିବା ଉପରେ ଜ୍ଞାନ କୌଶଳ ଏବଂ ତାଲିମ ନେଇ ବର୍ତ୍ତମାନ ଗ୍ରହଣ କରାଯାଇଥିବା ଏବଂ ଆଗାମୀ ଦିନରେ କାର୍ଯ୍ୟକାରୀ ହେବାକୁ ଯାଉଥିବା କାର୍ଯ୍ୟକ୍ରମ ସମ୍ପର୍କରେ କହିଥିଲେ । ଅନ୍ୟମାନଙ୍କ ମଧ୍ୟରେ ଶିଳ୍ପ ନିର୍ଦ୍ଦେଶକ ଏନ୍.ପଲାଇ,କେନ୍ଦ୍ର ଏମ୍.ଏସ୍.ଏମ୍.ଇ ମନ୍ତ୍ରଣାଳୟ ଅଧିନସ୍ଥ କଟକ ସ୍ଥିତ ଏମ୍.ଏସ୍.ଏମ୍.ଇ ବିକାଶ ପ୍ରତିଷ୍ଠାନ ଉପନିର୍ଦ୍ଦେଶକ ପି.କେ.ଗୁପ୍ତା ପ୍ରମୁଖ ଉଦବୋଧନ ଦେଇଥିଲେ ଏବଂ ଇ.ପି.ଏମ୍ ନିର୍ଦ୍ଦେଶକ ବି.କେ.ଦାସ ଧନ୍ୟବାଦ ଅର୍ପଣ କରିଥିଲେ ।

Share in top social networks!