ଖଣିଜ ଯୋଗାଣ ସମ୍ପର୍କରେ ୧୫ ସୁଦ୍ଧା ମନ୍ତ୍ରୀସ୍ତରୀୟ କମିଟି ରିପୋର୍ଟ

MAP-5ଶିଳ୍ପସଂସ୍ଥାକୁ ଖଣିଜ ସଂପଦ ଯୋଗାଣ ସଂପର୍କିତ ମନ୍ତ୍ରୀସ୍ତରୀୟ କମିଟି ଆସନ୍ତା ୧୫ ତାରିଖ ସୁଦ୍ଧା ତାଙ୍କ ରିପୋର୍ଟ ପ୍ରଦାନ କରିବେ । ଅର୍ଥମନ୍ତ୍ରୀ ପ୍ରସନ୍ନ ଆଚାର୍ଯ୍ୟଙ୍କ ଅଧ୍ୟକ୍ଷତାରେ ଆଜି ସଚିବାଳୟରେ ବସିଥିବା ବୈଠକରେ ଏ ସଂକ୍ରାନ୍ତ ନିଷ୍ପତ୍ତି ହୋଇଛି । କମିଟିର ଅନ୍ୟ ଦୁଇ ସଦସ୍ୟ ମନ୍ତ୍ରୀ ନିରଞ୍ଜନ ପୂଜାରୀ ଓ ଖଣି ଓ ଇସ୍ପାତ ରାଷ୍ଟ୍ରମନ୍ତ୍ରୀ ରଜନୀକାନ୍ତ ସିଂହ ଏହି ବୈଠକରେ ଉପସ୍ଥିତ ଥିଲେ ।

ଗତସପ୍ତାହରେ ରାଜ୍ୟସରକାର କମିଟିର କାର୍ଯ୍ୟକାଳ ଜୁଲାଇ ୧୫ ତାଇଖ ପର୍ଯ୍ୟନ୍ତ ବୃଦ୍ଧି କରିଥିଲେ । ଗତ ଜୁନ୍ ୩୦ ତାରିଖରେ କମିଟିର କାର୍ଯ୍ୟକାଳ ଶେଷ ହୋଇଥିଲା । ଏଥିପୂର୍ବଉ କମିଟି ବହୁବାର ବସି ଶିଳ୍ପସଂସ୍ଥା ସମେତ ବିଭିନ୍ନ ଖଣିମାଲିକଙ୍କ ମତାମତ ଲୋଡିଥିଲେ। କମିଟି ରିପୋର୍ଟ ଆଧାରରେ ନୂଆ ନୀତି ସରକାର ପ୍ରସ୍ତୁତ କରିବେ । ଉଲ୍ଲେଖଯୋଗ୍ୟ,ରାଜ୍ୟର ବିଭିନ୍ନ ଶିଳ୍ପ ପ୍ରକଳ୍ପ କଞ୍ଚାମାଲ ଅଭାବରୁ ବନ୍ଦ ହେବାରେ ଲାଗିଛି । ଏ ସଙ୍କ୍ରାନ୍ତରେ ଶିଳ୍ପ ସଂସ୍ଥାମାନେ ଆପତ୍ତି ଉଠାଇବା ପରେ ସରକାର ଏ କମିଟି ଗଠନ କରିଥିଲେ ।

Share in top social networks!

ଜାନୁଆରୀ-୨୦୧୩ ମାସର ଖଣି ରାଜସ୍ୱ ୪୫୭,୬୯ କୋଟି

16SM_BELLARY_809074fଓଡିଶା ସରକାରଙ୍କ ଇସ୍ପାତ ଓ ଖଣି ବିଭାଗ ଦ୍ଵାରା ଜାନୁଆରୀ-୨୦୧୩ ମାସର ଖଣି ରାଜସ୍ୱ ୪୫୭,୬୯ କୋଟି ଟଙ୍କା ଆଦାୟ କରାଯାଇଛି | ଏହି ମାସର ଖଣି ରାଜସ୍ୱ ୪୬୨ କୋଟି ଟଙ୍କା ଆଦାୟ ପାଇଁ ଲକ୍ଷ୍ୟ ଥିବାବେଳେ ୪୫୭.୬୯ କୋଟି ଟଙ୍କା ଆଦାୟ କରାଯାଇଛି | ୨୦୧୩ ଜାନୁଆରୀ ମାସ ସୁଦ୍ଧା ଖଣି ରାଜସ୍ୱ ୪୫୬୪ କୋଟି ଟଙ୍କା ଲକ୍ଷ୍ୟ ରଖାଯାଇଥିବା ବେଳେ ୪୨୯୩.୩୮ କୋଟି ଟଙ୍କା ଆଦାୟ ହୋଇପାରିଛି | ଗତବର୍ଷ ଜାନୁଆରୀ ୨୦୧୨ ସୁଦ୍ଧା ଖଣି ରାଜସ୍ୱ ୩୫୯୪.୫୧ କୋଟି ଟଙ୍କା ସଂଗୃହୀତ ହୋଇଥିଲା ବୋଲି ବିଭାଗୀୟ ସୂତ୍ରରୁ ପ୍ରକାଶ |

Share in top social networks!