ମ୍ୟାଟ୍ରିକ ପରିକ୍ଷାଫଳ ପ୍ରକାଶ ପାଇଲା, ଚଳିତ ବର୍ଷ ପାସ ହାର ସର୍ବକାଳୀନ ଅଧିକ

matric resultମାଧ୍ୟମିକ ଶିକ୍ଷାପରିଷଦ ଦ୍ଵାରା ପରିଚାଳିତ ଚଳିତ ବର୍ଷର ମାଟ୍ରିକ ପରୀକ୍ଷା ଫଳ ଆଜି ପ୍ରକାଶ ପାଇଛି । ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ଶ୍ରୀ ରବିନାରାୟଣ ନନ୍ଦ ଆଜି କଟକର ବୋର୍ଡ କାର୍ଯ୍ୟଲୟରେ ଏହି ପୁସ୍ତକକୁ ଆନୁଷ୍ଠାନିକ ଭାବେ ଉନ୍ମୋଚନ କରିଛନ୍ତି । ଚଳିତ ବର୍ଷ ମାଟ୍ରିକ ପାସ ହାର ୭୩.୧୧ପ୍ରତିଶତ ହୋଇଛି ବୋଲି ମନ୍ତ୍ରୀ ପ୍ରକାଶ କରିଛନ୍ତି ।

ତେବେ ଚଳିତ ବର୍ଷ ପାସ ହାର ସର୍ବକାଳୀନ ଅଧିକ ବୋଲି ମନ୍ତ୍ରୀ ଶ୍ରୀ ନନ୍ଦ ପ୍ରକାଶ କରୁଛନ୍ତି । ତେବେ ଚଳିତ ବର୍ଷ ଯେଉଁ ଛାତ୍ରଛାତ୍ରୀମାନେ ପାସ କରିଛନ୍ତି ତାଙ୍କୁ ମନ୍ତ୍ରୀଙ୍କ ପକ୍ଷରୁ କୃତଜ୍ଞତା ଜଣାଇବା ସହିତ ଅକୃତକାର୍ଯ୍ୟ ହୋଇଥିବା ଛାତ୍ରଛାତ୍ରୀ ମାନଙ୍କୁ ନିରାଶ ନ ହେବା ପାଇଁ ନିର୍ଦ୍ଦେଶ ଦେଇଛନ୍ତି । ଏପରିକି ଅଳ୍ପଦିନ ମଧ୍ୟରେ ହେବାକୁ ଥିବା ସପ୍ଲିମେଣ୍ଟାରୀ ପରୀକ୍ଷା ଦେଇ ସେମାନେ କୃତକାର୍ଯ୍ୟ କୋଇପାରିବେ ବୋଲି ମନ୍ତ୍ରୀ ପ୍ରକାଶ କରିଛନ୍ତି । ତେବେ ମାଟ୍ରିକ ପରୀକ୍ଷା ହେବାଠାରୁ ଆରମ୍ଭ କରାଯାଇଥିବା ପରୀକ୍ଷା ଫଳ ପ୍ରକାଶ ହେବା ପର୍ଯ୍ୟନ୍ତ ଯେପରୀ ଶାନ୍ତିଶୃଙ୍ଖଳାର ସହ ସମସ୍ତ କାର୍ଯ୍ୟ ହୋଇଛି ଏଥିପାଇଁ ମନ୍ତ୍ରୀ ବୋର୍ଡର କର୍ମଚାରି,ଛାତ୍ରଛାତ୍ରୀମାନଙ୍କୁ ଅଭିନନ୍ଦନ ଜଣାଇଛନ୍ତି ।

ମନ୍ତ୍ରୀ କହିଥିଲେ ଯେ ଚଳିତ ବର୍ଷ ମାଟ୍ରିକ ପରୀକ୍ଷା ଫେବୃୟାରୀ ୨୫ତାରିଖରୁ ଆରମ୍ଭ ହୋଇ ମାର୍ଚ୍ଚ ମାସ ୯ ତାରିଖ ପର୍ଯ୍ୟନ୍ତ ଅନୁଷ୍ଠିତ ହୋଇଥିଲା । ଶାନ୍ତି ଶୃଙ୍ଖଳାର ସହିତ ପରୀକ୍ଷା ଶେଷ ହେବା ପରେ ୭୪ଟି ପରୀକ୍ଷାକେନ୍ଦ୍ରରେ ମୂଲ୍ୟାଙ୍କନ କରାଯାଇଥିଲା । ଚଳିତ ବର୍ଷ ଛାତ୍ରଛାତ୍ରୀମାନେ ନିଜ ସ୍କୁଲ ରେ ପରୀକ୍ଷା ଦେଇଥିଲେ । ସେହିପରି ପରୀକ୍ଷା ଖାତା ଓ ଉତ୍ତର ଖାତା ଗୋଟିଏ ମଧ୍ୟ ରହିଥିଲା । ତେବେ ବୋର୍ଡ ଇତିହାସରେ ପ୍ରଥମ ଘଟଣା ଯାହାକି ଏପ୍ରିଲ ମାସ ମଧ୍ୟରେ ପରୀକ୍ଷା ଫଳ ପ୍ରକାଶ ପାଇଛି । ଚଳିତ ବର୍ଷ ରେଗୁଲାର୍ କ୍ଷେତ୍ରରେ ରାଜ୍ୟରେ ମୋଟ ୫ଲକ୍ଷ ୧୩ହଜାର ୪୨୪ଜଣ ପରୀକ୍ଷା ଦେଇଥିଲେ । ତେବେ ସେଥିମଧ୍ୟରୁ ୩ଲକ୍ଷ ୮୫ହଜାର ୮୫୨ ଜଣ ପାସ କରିଛନ୍ତି ।

ଯେଉଁଥିରେ କି ରେଗୁଲାର କ୍ଷେତ୍ରରେ ପରୀକ୍ଷା ଫଳ ୭୫.୯୯ ପ୍ରତିଶତ ରହିଛି । ପ୍ରଥମ ଶ୍ରେଣୀରେ ୧ଲକ୍ଷ ୫ହଜାର ୧୪୮ଜଣ ପାସ କରିଥିବା ବେଳେ ୧ଲକ୍ଷ ୨୭ହଜାର ୨୦୯ଜଣ ୨ୟ ଶ୍ରେଣୀରେ ଏବଂ ତୃତୀୟ ଶ୍ରେଣୀରେ ୧ଲକ୍ଷ ୫୩ହଜାର ୨୦୨ଜଣ ପାସ କରିଛନ୍ତି । ସେହିପତି ୫୦୨୦ଜଣ କପି ନକରି ନ୍ଧରା ପଡିଛନ୍ତି । ଚଳିତ ବର୍ଷ ରେଗୁଲାର କ୍ଷେତ୍ରରେ ୧ଲକ୍ଷ ୯୨ହଜାର ୯୦୯ଜଣ ଛାତ୍ର ଓ ୧ଲକ୍ଷ୯୨ହଜାରେ ୯୯୩ଜଣ ଛାତ୍ରୀ କୃତକାର୍ଯ୍ୟ ହୋଇଛନ୍ତି । ସେହିପରି ଏକ୍ସ ରେଗୁଲାର କ୍ଷେତ୍ରରେ ୫୮ହଜାର ୨୩୦ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିବାବେଳେ ସେଥିମଧ୍ୟରୁ ୨୫ହଜାର ୦୬୨ଜଣ ପାସ କରିଛନ୍ତି । ପରୀକ୍ଷାରେ ପାସ ହାର ୪୮.୮୧ ପ୍ରତିଶତ ରହିଛି । ପତ୍ରବିନିମୟ ମାଧ୍ୟମରେ ଚଳିତ ବର୍ଷ ୭୭୪୬ଜଣ ପରୀକ୍ଷା ଦେଇଥିବା ବେଳେ ୩୪୩୩ଜଣ ପାସ କରିଛନ୍ତି । ପାରିକ୍ଷାରେ ପାସ ହାର ୪୯.୧୪ପ୍ରତିଶତ ଅଟେ। ମଧ୍ୟମା କ୍ଷେତ୍ରରେ ୫ଲକ୍ଷ ୭୮୭ଜଣ ପରୀକ୍ଷା ଦେଇଥିବା ବେଳେ ୬୬୭୦ଜଣ ପାସ କରିଛନ୍ତି ।

ମୋଟ ଉପରେ ଚଳିତ ବର୍ଷର ମାଟ୍ରିକ ପରୀକ୍ଷା ଫଳ ସର୍ବ କାଳୀନ ରେକର୍ଡ ବୋଲି ସେ କହିଥିଲେ । ମୋଟ ଉପରେ ହୋଇଥିବା ପରୀକ୍ଷା ଫଳରେ ପାସ ହାର ବାଲେଶ୍ଵରରେ ସର୍ବାଧିକ ୮୬.୯୭ ପ୍ରତିଶତ ହୋଇଥାବା ବେଳେ ନୂଆପଡାରେ ସର୍ବନିମ୍ନ ୫୧.୩୮ପ୍ରତିଶତ ଛାତ୍ରଛାତ୍ରୀ ପାସ କରିଛନ୍ତି । ତେବେ ୫୧ଟି ଆଦିବାସୀ ସ୍କୁଲରେ ପରୀକ୍ଷା ଫଳ ଶୁନ ରହିଛି ।

Share in top social networks!

ମାଟ୍ରିକ୍ ପରୀକ୍ଷା ଫଳ ମେ’ପ୍ରଥମ ସପ୍ତାହରେ

07 ASSAMBLY ENTER RABI NANDA.ASHOKମାର୍ଚ୍ଚ ୧୭ତାରିଖରୁ ଆରମ୍ଭ ହୋଇଥିବା ମାଟ୍ରିକ୍ ଖାତଦେଖା ସରିଲାଣି । ତେବେ ଆସନ୍ତା କାଲି ସମସ୍ତ ମୂଲ୍ୟାୟନ କେନ୍ଦ୍ରଗୁଡ଼ିକରେ ଆନୁଷ୍ଠାନିକ ଭାବରେ ଖାତା ଦେଖା ଶେଷ ହେବ ବୋଲି ମାଧ୍ୟମିକ ଶିକ୍ଷା ପରିଷଦ (ବୋର୍ଡ)ସଭାପତି ଦକ୍ଷ ପ୍ରସାଦ ନନ୍ଦ କହିଛନ୍ତି । ଇତି ମଧ୍ୟରେ ପ୍ରଥମ ପର୍ଯ୍ୟାୟରେ ଖାତା ଦେଖା ହୋଇଥିବା ବିଷୟଗୁଡିକର ଟାବୁଲେସନ ମଧ୍ୟ ଆରମ୍ଭ ହୋଇଥିବା ବୋର୍ଡ ସଭାପତି ଶ୍ରୀ ନନ୍ଦ କହିଛନ୍ତି ।

ପୂର୍ବ ନିର୍ଦ୍ଧାରିତ ସମସ୍ତ ଯୋଜନା ଅନୁଯାୟୀ ଠିକ୍ ଢଙ୍ଗରେ ଖାତା ଦେଖା ଶେଷ ହୋଇଥିବା କାରଣରୁ ଚଳିତ ଏପ୍ରିଲ ଶେଷ ସପ୍ତାହ କିମ୍ବା ମେ’ ପ୍ରଥମ ସପ୍ତାହରେ ମାଟ୍ରିକ୍ ପରୀକ୍ଷା ଫଳ ପ୍ରକାଶିତ ହେବ ବୋଲି ସଭାପତି ଶ୍ରୀ ନନ୍ଦ କହିଛନ୍ତି ।

Share in top social networks!