ନାଗାଲାଣ୍ଡର ପୂର୍ବତନ ମୁଖ୍ୟମନ୍ତ୍ରୀ ଜମିର୍ ଓଡିଶାର ପରବର୍ତ୍ତୀ ରାଜ୍ୟପାଳ

8c4a4c31fcab370d9a46cb48b3a54fff_XLବରିଷ୍ଠ କଂଗ୍ରେସ ନେତା ତଥା ଅତ୍ୟାଧୁନିକ ନାଗାଲାଣ୍ଡର ନିର୍ମାତା ପୂର୍ବତନ ମୁଖ୍ୟମନ୍ତ୍ରୀ ଡକ୍ଟର ସେନାୟାଙ୍ଗ୍ ବା ଚୁବାତୋସି ଜମିର୍ ଓଡିଶାର ପରବର୍ତ୍ତୀ ରାଜ୍ୟପାଳ ଭାବେ ନିଯୁକ୍ତ ହୋଇଛନ୍ତି । ଆଜି ବିଧି ବଦ୍ଧ ଭାବରେ ଏ ସମ୍ପର୍କରେ ରାଷ୍ଟ୍ରପତି ଭବନରୁ ସରକାରୀ ନିର୍ଦ୍ଦେଶ ନାମା ପ୍ରକାଶ ପାଇଛି।

କିଏ ଓଡିଶାର ପରବର୍ତ୍ତୀ ରାଜ୍ୟପାଳ ହେବେ ସେ ନେଇ ଗତ କିଛି ଦିନ ଧରି କଳ୍ପନାଜଳ୍ପନାର ଜାରି ରହିଥିଲା । ଏବେ ଏଥିରେ ପୂର୍ଣ୍ଣଛେଦ ପଡିଛି । ୮୨ବର୍ଷୀୟ ଜମିର୍ ପୂର୍ବରୁ ମହାରାଷ୍ଟ୍ର ଓ ଗୋଆର ବି ରାଜ୍ୟପାଳ ଭାବେ କାର୍ଯ୍ୟନିର୍ବାହ କରିଛନ୍ତି । ୧୯୬୧ ମସିହାରେ ଜମିର୍ ପ୍ରଥମେ ଲୋକସଭାକୁ ନିର୍ବାଚିତ ହୋଇଥିଲେ ଓ ତତ୍ କାଳୀନ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କ ସରକାରରେ ସଂସଦୀୟ ସଚିବ ଥିଲେ । ଏହା ପରେ ସେ ଖାଦ୍ୟ ,ରେଳ,ଶ୍ରମ ଓ କୃଷି ବୁଭାଗର ମନ୍ତ୍ରୀ ଭାବେ ବି କେନ୍ଦ୍ରରେ ଦାୟିତ୍ଵ ତୁଲାଇଥିଲେ ।

କେନ୍ଦ୍ରୀୟ ରାଜନୀତିରୁ ଫେରି ସେ ୧୯୭୧ ମସିହାରେ ପ୍ରଥମେ ନାଗାଲାଣ୍ଡ ବିଧାନ ସଭାକୁ ନିର୍ବାଚିତ ହୋଇଥିଲେ ଓ ପରେ ୧୯୮୦,୧୯୮୨ରୁ୧୯୮୬,୧୯୮୯ରୁ୯୦,୧୯୯୩-୯୭ ଓ ୧୯୯୭ରୁ ୨୦୦୩ ଏହିଭଳି ମୋଟ ୫ଥର ମୁଖ୍ୟମନ୍ତ୍ରୀ ଥିଲେ । ସୂଚନାଯୋଗ୍ୟ,ରାଜ୍ୟର ୪୩ତମ ରାଜ୍ୟପାଳ ଭାବେ ୨୦୦୭ଅଗଷ୍ଟ ୨୧ତାରିଖଦିନ ମୁରଲୀଧର ଚନ୍ଦ୍ରକାନ୍ତ ଭଣ୍ଡାରେ ନିଯୁକ୍ତି ପାଇଥିଲେ । ଗତ ଅଗଷ୍ଟ ୨୦ତାରିଖ ଦିନ ତାଙ୍କ କାର୍ଯ୍ୟ ଅବଧି ପୂରଣ ହୋଇଥଲେ ହେଁ ରାଷ୍ଟ୍ରପତି ଏହି ପଦରେ କାହାକୁ ନିଜିକତି ଦେଇ ନ ଥିବାରୁ ସମ୍ବିଧାନର ପ୍ରବତ୍ତ ନିୟମାନୁଯାୟୀ ଶ୍ରୀ ଭଣ୍ଡାରେ ରାଜ୍ୟପାଳ ଭାବେ କାର୍ଯ୍ୟ ତୁଲାଉଛନ୍ତି ।

Share in top social networks!