ବାଲେଶ୍ଵର,ଭଦ୍ରକ,କେନ୍ଦ୍ରାପଡା, ଓ ଜଗତସିଂହପୁର ଜିଲ୍ଲାପାଳଙ୍କ ସହିତ ମୁଖ୍ୟମନ୍ତ୍ରୀଙ୍କ ଭିଡିଓ ମୁଖ୍ୟମନ୍ତ୍ରୀଙ୍କ ଭିଡିଓ କନଫରେନସିଂ

cmflood-reviewସାମ୍ଭାବ୍ୟ ବନ୍ୟା ପରିସ୍ଥିତିକୁ ଦୃଷ୍ଟିରେ ରଖି ସଜାଗ ଓ ଏହାର ମୁକାବେଲା ପାଇଁ ସଂପୂର୍ଣ୍ଣ ଭାବେ ପ୍ରସ୍ତୁତ ରହିବା ପାଇଁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ବାଲେଶ୍ଵର,ଭଦ୍ରକ,କେନ୍ଦ୍ରାପଡା ଓ ଜଗତସିଂହପୁର ର ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇଛନ୍ତି । ଆଜି ସଚିବାଳୟଠାରେ ଏକ ଭିଡିଓ କନଫରେନସିଂ ମାଧ୍ୟମରେ ମୁଖ୍ୟମନ୍ତ୍ରୀ ଏହି ନିର୍ଦ୍ଦେଶ ଦେଇଛନ୍ତି । ଯେଉଁ ଅଞ୍ଚଳ ବନ୍ୟାରେ ପ୍ରଭାବିତ ହେବାର ଆଶଙ୍କା ରହିଛି ସେଠାରେ ଖାଦ୍ୟପଦାର୍ଥ ଓ କିରୋସିନ ମହଜୁଦ ରଖିବା, ବାତ୍ୟା ଆଶ୍ରୟ ସ୍ଥଳୀ ,ସ୍କୁଲ ଗୃହ ଓ ଅନ୍ୟାନ୍ୟ ସରକାରୀ ଗୃହ ଗୁଡିକୁ ପ୍ରସ୍ତୁତ କରି ରଖିବା ଏବଂ ଯଥେଷ୍ଟ ପରିମାଣରେ ସାପକାମୁଡା ଔଷଧ ଓ ଅନ୍ୟାନ୍ୟ ଔଷଧ ମହଜୁଦ ରଖିବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ ।

ଲୋକମାନଙ୍କ ସ୍ୱାସ୍ଥ୍ୟ ଓ ପାନୀୟଜଳ ପାଇଁ ଜରୁରୀକାଳୀନ ବ୍ୟବସ୍ଥା କରିବା ପାଇଁ ମଧ୍ୟ ମୁଖ୍ୟମନ୍ତ୍ରୀ କହିଛନ୍ତି । ଆବଶ୍ୟକ ସଂଖ୍ୟାର ଡଙ୍ଗା,ଡଙ୍ଗାଚାଳକ ମାନଙ୍କୁ ପ୍ରସ୍ତୁତ ରଖିବା ଏବଂ ODRAF team ସହିତ ସମନ୍ଵୟ ରଖିବା ପାଇଁ ନିର୍ଦ୍ଦେଶ ଦିଆଯାଇଥିଲା । ଏହା ସହିତ control room ଗୁଡିକୁ ୨୪ ଘଣ୍ଟା ଖୋଲି ପରିସ୍ଥିତି ଉପରେ ନିଜର ରଖିବା ପାଇଁ ମଧ୍ୟ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀ କେନ୍ଦ୍ରାଞ୍ଚଳ ରାଜସ୍ୱ କମିଶନର ଶ୍ରୀ ଅରବିନ୍ଦ ପାଢିଙ୍କ ସହିତ ମଧ୍ୟ ଆଲୋଚନା କରିଥିଲେ । ରାଜସ୍ୱ କମିଶନର ଶ୍ରୀ ପାଢି କହିଥିଲେ ଯେ ପରିସ୍ଥିତି ପ୍ରତି ନଜର ରଖାଯାଇଛି ଏବଂ ସମସ୍ତ ଜିଲ୍ଲାପାଳ ଓ ଅନ୍ୟାନ୍ୟ ଅଧିକାରୀ ଙ୍କ ସହିତ ଯୋଗାଯୋଗ ରଖାଯାଇ ଆବଶ୍ୟକ ନିର୍ଦ୍ଦେଶ ଓ ପରାମର୍ଶ ଦିଆଯାଇଛି ।

ଚାରି ଜିଲ୍ଲାର ଜିଲ୍ଲାପାଳ ମାନେ ସେମାନଙ୍କ ପ୍ରସ୍ତୁତି ସମ୍ପର୍କରେ ମୁଖ୍ୟମନ୍ତ୍ରୀଙ୍କୁ ଜଣାଇଥିଲେ । ଆବଶ୍ୟକ ପରିମାଣରେ ଚୂଡା,ଚାଉଳ,କିରୋସିନି,ପାଣିପାଉଚ,ପାଣିବିଶୋଧକ,ସାପକାମୁଡା ଔଷଧ ଓ ଅନ୍ୟାନ୍ୟ ଦ୍ରବ୍ୟ ବିଭିନ୍ନ ସାମ୍ଭାବ୍ୟ ବନ୍ୟା ଅଞ୍ଚଳରେ ମହଜୁଦ ରଖାଯାଇଛି । ସରକାରୀ ବୋଟ୍ ସହିତ ବେସରକାରୀ ବୋଟ ମାଲିକ ଙ୍କ ସହିତ ଯୋଗାଯୋଗ କରାଯାଇଛି । ଆବଶ୍ୟକ ସଂଖ୍ୟାରେ ମେଡିକାଲ ଟିମ ଗଠନ କରାଯାଇ ଡାକ୍ତରମାନଙ୍କୁ ନିୟୋଜିତ କରାଯାଇଅଛି ବୋଲି ଜିଲ୍ଲାପାଳ ମାନେ ଜଣାଇଥିଲେ । ଏହି ବୈଠକରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ଶ୍ରୀ ସୂର୍ଯ୍ୟ ନାରାୟଣ ପାତ୍ର ,ମୁଖ୍ୟଶାସନ ସଚିବ ଶ୍ରୀ ଯୁଗଳ କିଶୋର ମହାପାତ୍ର ,ଉନ୍ନୟନ କମିଶନର ଶ୍ରୀ ଆର.ଶ୍ରୀନିବାସ ,ରାଜସ୍ୱ ବିଭାଗ ଅତିରିକ୍ତ ମୁଖ୍ୟଶାସନ ସଚିବ ଶ୍ରୀ ତାରା ଦତ୍ତ ପ୍ରମୁଖ ଉପସ୍ଥିତ ଥିଲେ ।

Share in top social networks!