ରାଜ୍ୟସ୍ତରୀୟ ଓଡିଶା ଦିବସ ସମାରୋହ ପ୍ରଥମ ଥର ପାଇଁ ଆକର୍ଷଣୀୟ ଲେଜର ସୋ

1-4-2012=9ରାଜ୍ୟସ୍ତରୀୟ ଓଡିଶା ଦିବସ ସମାରୋହ ଭୁବନେଶ୍ଵର ସ୍ଥିତ ୟୁନିଟ୍-୩ ପ୍ରଦର୍ଶନୀ ପଡିଆରେ ମହା ସମାରୋହରେ ଆୟୋଜିତ ହେଉଛି । ଅପ୍ରେଲ ୧ତାରିଖ ସନ୍ଧ୍ୟା ୬ ଘଣ୍ଟା ସମୟରେ ଆୟୋଜିତ ସାଧାରଣ ସଭାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମୁଖ୍ୟ ଅତିଥି ଭାବେ ଯୋଗଦେବେ । ବାଚସ୍ପତି ପ୍ରଦୀପ କୁମାର ଅମାତ ଙ୍କ ସଭାପତିତ୍ଵରେ ଏହି ସାଧାରଣ ସଭାରେ ଶକ୍ତି,ସୂଚନା ଓ ଲୋକ ସମ୍ପର୍କ ମନ୍ତ୍ରୀ ଅରୁଣ କୁମାର ସାହୁ,ସାଂସଦ ପ୍ରସନ୍ନ ପାଟ୍ଟଶାଣୀ ,ବିଧାୟକ ସର୍ବଶ୍ରୀ ଭାଗିରଥି ବଡଜେନା,ଅଶୋକ ଚନ୍ଦ୍ର ପଣ୍ଡା ଓ ବିଜୟ କୁମାର ମହାନ୍ତି ସମ୍ମାନନୀୟ ଅତିଥି ଭାବେ ଯୋଗ ଦେବେ ।

ଓଡିଶୀ,ସମ୍ବଲପୁରୀ,ଘୁମୁରା,ଛଉ,ଗୋଟିପୁଅ,ଶଙ୍ଖ-ରଣପା ନୃତ୍ୟ ସହ ଓଡିଶାର ବିଶିଷ୍ଠ କଣ୍ଠଶିଳ୍ପୀ ଙ୍କ ଦ୍ଵାରା ଦେଶାତ୍ମବୋଧକ ସଙ୍ଗୀତ ପରିବେଷଣ କରାଯିବ । ଓଡିଶାର ଇତିହାସ,ସ୍ଵତନ୍ତ୍ର ଓଡିଶାର ଗଠନର ଇତିବୃତ୍ତ,ଐତିହ୍ୟ,ପରମ୍ପରା ଓ ବିକାଶ କଥାବସ୍ତୁ ସମ୍ବଳିତ ଆକର୍ଷଣୀୟ ଲେଜର ସୋ ପ୍ରଥମ ଥର କରି ଆୟୋଜନ କରାଯାଇଛି । ପୂର୍ବାହ୍ନ ଘ. ୧୦.୩୦ ରେ ସ୍ଵତନ୍ତ୍ର ଓଡିଶା ପ୍ରଦେଶ ଗଠନ ଇତିହାସ ଓ ଓଡିଶାର ବରପୁତ୍ର ମାନଙ୍କର ଜୀବନୀ ସମ୍ପର୍କିତ ଫଟୋଚିତ୍ର ପ୍ରଦର୍ଶନୀକୁ ଶକ୍ତି,ସୂଚନା ଓ ଲୋକ ସମ୍ପର୍କ ମନ୍ତ୍ରୀ ଅରୁଣ ସାହୁ ଉଦ୍ ଘାଟନ କରିବେ ।

ସଭାକାର୍ଯ୍ୟ ଆରମ୍ଭ ଓ ଶେଷରେ ଓଡିଆ ଦେଶାତ୍ମୋବୋଧକ ସଙ୍ଗୀତ ଧୁନ୍ ପୋଲିସ୍ ବ୍ୟାଣ୍ଡପାର୍ଟି ଦ୍ଵାରା ପରିବେଷଣ କରାଯିବ । ‘ଉତ୍କଳ ପ୍ରସଙ୍ଗ’ ଓ ‘’ଓଡିଶା ରିଭ୍ୟୁ’ର ଓଡିଶା ଦିବସ ବିଶେଷାଙ୍କ ଉନ୍ମୋଚିତ ହେବା ସହ ରାଜ୍ୟସ୍ତରୀୟ ବକ୍ତୃତା ପ୍ରତିଯୋଗିତାର କୃତି ଭିନ୍ନକ୍ଷମ ବ୍ୟକ୍ତି ମାନଙ୍କୁ ରେଡକ୍ରସ୍ ପୁରସ୍କାର ମୁଖ୍ୟମନ୍ତ୍ରୀ ପ୍ରଦାନ କରିବେ । ଓଡିଶା ଦିବସରେ ସକାଳ ଘ.୫.୩୦ରୁ ୬.୩୦ ପର୍ଯ୍ୟନ୍ତ ଭୁବନେଶ୍ଵର ମହାନିଗମ ଅନ୍ତର୍ଭୁକ୍ତ ଅଞ୍ଚଳରେ ‘ବନ୍ଦେ ଉତ୍କଳ ଜନନୀ’ସଙ୍ଗୀତ ବାଦନ କରାଯିବ । ବିଭିନ୍ନ ସରକାରୀ ସଂସ୍ଥା ,ଅର୍ଦ୍ଧ ସରକାରୀ ସଂସ୍ଥା ,କେନ୍ଦ୍ର ସରକାରଙ୍କ କାର୍ଯ୍ୟଳୟ ,ବ୍ୟାଙ୍କ ଆଦି ସେମାନଙ୍କ କାର୍ଯ୍ୟଳୟ ସୌଧରେ ଆଲୋକ ସଜ୍ଜା କରିବେ । ରାଜ୍ୟ ସ୍ତରୀୟ ସମାରୋହରେ ବହୁସଂଖ୍ୟାରେ ଯୋଗ ଦେବାକୁ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଅନୁରୋଧ କରାଯାଉଛି ।

Share in top social networks!

ମୁଖ୍ୟମନ୍ତ୍ରୀ ରାଜ୍ୟ ସ୍ତରୀୟ ଓଡିଶା ଦିବସ ସମାରୋହର ମୁଖ୍ୟ ଅତିଥି

tn_20-3-2013=6ଆସନ୍ତା ଅପ୍ରେଲ ପହିଲାରେ ଭୁବନେଶ୍ଵରରେ ରାଜ୍ୟସ୍ତରୀୟ ଉତ୍ସବ ପାଳନ ସହିତ ଓଡିଶା ଦିବସ ନୂଆଦିଲ୍ଲୀ,କୋଲକାତା,ମୁମ୍ବାଇ,ସମସ୍ତ ଜିଲ୍ଲା ଓ ଉପଖଣ୍ଡ ସଦର ମହକୁମାରେ ପାଳନ କରିବା ନିମନ୍ତେ ନିଷ୍ପତ୍ତି ଗ୍ରହଣ କରାଯାଇଛି । ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଭୁବନେଶ୍ଵର ଠାରେ ପାଳନ ହେବାକୁ ଥିବା ରାଜ୍ୟ ସ୍ତରୀୟ ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦାନ କରିବେ । ମାନ୍ୟବର ମୁଖ୍ୟମନ୍ତ୍ରୀଙ୍କ ଅନୁମୋଦନ କ୍ରମେ ବିଭିନ୍ନ ସ୍ଥାନରେ ପାଳନ ହେବାକୁ ଥିବା ଓଡିଶା ଦିବସ ସମାରୋହର ମୁଖ୍ୟାତିଥିମାନଙ୍କ ତାଲିକା ପ୍ରକାଶ ପାଇଛି ।

କଟକ ଜିଲା ସଦର ମହକୁମାଠାରେ କୃଷି,ମତ୍ସ୍ୟ ଓ ପ୍ରାଣୀସମ୍ପଦ,ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ଶ୍ରୀ ଦେବିପ୍ରସାଦ ମିଶ୍ର,ସମ୍ବଲପୁର ଠାରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ଶ୍ରୀ ସୂର୍ଯ୍ୟନାରାୟଣ ପାତ୍ର, ବ୍ରହ୍ମପୁର ଠାରେ ମହିଳା ଓ ଶିଶୁ ବିକାଶ ମନ୍ତ୍ରୀ ଶ୍ରୀମତୀ ଉଷା ଦେବୀ,କେନ୍ଦ୍ରାପଡା ଠାରେ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ,ନିଯୁକ୍ତି ଏବଂ ବୈଷୟିକ ଶିକ୍ଷା,ତାଲିମ,ସୂଚନା ପ୍ରଯୁକ୍ତି ମନ୍ତ୍ରୀ ଶ୍ରୀ ପ୍ରତାପ କେସରୀ ଦେବ,କୋରାପୁଟ ଠାରେ ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ଶ୍ରୀ ରବିନାରାୟଣ ନନ୍ଦ,ସୁନ୍ଦରଗଡଠାରେ ବାଣିଜ୍ୟ ଓ ପରିବହନ ମନ୍ତ୍ରୀ ଶ୍ରୀ ସୁବ୍ରତ ତରାଇ,ଝାରସୁଗୁଡାଠାରେ ଉପମୁଖ୍ୟ ସଚେତକ ଶ୍ରୀ ସଞ୍ଜୟ କୁମାର ଦାସବର୍ମା,କେଉଁଝର ଠାରେ ଉଚ୍ଚ ଶିକ୍ଷାମନ୍ତ୍ରୀ ଶ୍ରୀ ବଦ୍ରିନାରାୟଣ ପାତ୍ର,ମୟୂରଭଞ୍ଜଠାରେ ବୟନ,ହସ୍ତତନ୍ତ ଓ ହସ୍ତଶିଳ୍ପ ମନ୍ତ୍ରୀ ଶ୍ରୀମତୀ ସରୋଜିନୀ ହେମ୍ବ୍ରମ୍,ଯାଜପୁର ଠାରେ ପଞ୍ଚାୟତିରାଜ ଓ ସଂସଦୀୟ ବ୍ୟାପାର ମନ୍ତ୍ରୀ ଶ୍ରୀ କଳ୍ପତରୁ ଦାସ,ରାୟଗଡାଠାରେ ଅନୁସୂଚିତ ଜନଜାତି,ଅନୁସୂଚିତ ଜାତି ଏବଂ ସଂଖ୍ୟାଲଘୁ ଓ ପଛୁଆବର୍ଗ କଲ୍ୟାଣ ମନ୍ତ୍ରୀ ଲାଲବିହାରୀ ହିମିରିକା,ନବରଙ୍ଗପୁରଠାରେ କ୍ରିଡା ଓ ଯୁବ ବ୍ୟାପାର ବିଜ୍ଞାନ ଓ କାରିଗରୀ କୌଶଳ,ସାଧାରଣ ଅଭିଯୋଗ ଓ ପେନ୍ ସନ୍ ପ୍ରଶାସନ ମନ୍ତ୍ରୀ ଶ୍ରୀ ରମେଶ ଚନ୍ଦ୍ର ମାଝୀ,ଅନୁଗୁଳରେ ଇସ୍ପାତ ଓ ଖଣି ମନ୍ତ୍ରୀ ଶ୍ରୀ ରଜନୀକାନ୍ତ ସିଂ,ରାଉରକେଲା ଠାରେ ଉପବାଚସ୍ପତି ଶ୍ରୀ ସାନନ୍ଦ ମାରାଣ୍ଡି,ଭଦ୍ରକ ଠାରେ ଜଙ୍ଗଲ ଓ ପରିବେଶ ,ଶ୍ରମ ଓ ନିୟୋଜନ ମନ୍ତ୍ରୀ ଶ୍ରୀ ବିଜୟଶ୍ରୀ ରାଉତରାୟ,କନ୍ଧମାଳଠାରେ ଗ୍ରାମ୍ୟ ଉନ୍ନୟନ ଓ ସମବାୟ ମନ୍ତ୍ରୀ ଶ୍ରୀ ବିକ୍ରମ କେସରୀ ଆରୁଖ,ବରଗଡରେ ଅର୍ଥ ଓ ସାଧାରଣ ଉଦ୍ୟୋଗ ମନ୍ତ୍ରୀ ଶ୍ରୀ ପ୍ରସନ୍ନ ଆଚାର୍ଯ୍ୟ,ପୁରୀଠାରେ ପର୍ଯ୍ୟଟନ,ସଂସ୍କୃତି,ଯୋଜନା ଓ ସମନ୍ଵୟ ଓ ଆଇନ ମନ୍ତ୍ରୀ ଶ୍ରୀ ମହେଶ୍ଵର ମହାନ୍ତି,ନୟାଗଡଠାରେ ମୁଖ୍ୟ ସଚେତକ ଶ୍ରୀ ପ୍ରଭାତ କୁମାର ତ୍ରିପାଠୀ,ସୋନପୁରଠାରେ ଶିଳ୍ପ ଓ ଅବକାରୀ ମନ୍ତ୍ରୀ ଶ୍ରୀ ନିରଞ୍ଜନ ପୂଜାରୀ ,କୋଲକାତା ଠାରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ଏବଂ ଅଣୁ,କ୍ଷୁଦ୍ରଓ ମଧ୍ୟମ ଉଦ୍ୟୋଗ ମନ୍ତ୍ରୀ ଡ.ଦାମୋଦର ରାଉତ,ମୁମ୍ବାଇଠାରେ ରାଜ୍ୟ ଯୋଜନା ବୋର୍ଡ ଉପାଧ୍ୟକ୍ଷ ଶ୍ରୀ ସୁରେନ୍ଦ୍ର ନାଥ ନାୟକ,ଛତ୍ରପୁର,ନୂଆପଡା,କଳାହାଣ୍ଡି,ଢେଙ୍କାନାଳ,ବଲାଙ୍ଗୀର,ଜଗସିଂପୁର ,ବାଲେଶ୍ଵର,ଗଜପତି,ଦେଓଗଡ,ମାଲକାନଗିରିଠାରେ ଅଧ୍ୟକ୍ଷ,ଜିଲ୍ଲା ପରିଷଦ ଏବଂ ଖୋର୍ଦ୍ଧା ଠାରେ ରାଜସ୍ୱ ପରିଷଦ ସଭ୍ୟ ଓ ବୌଦ୍ଧ ଠାରେ ଦକ୍ଷିଣାଞ୍ଚଳ ରାଜସ୍ୱ କମିଶନର ଓଡିଶା ଦିବସ ସମାରୋହରେ ମୁଖ୍ୟ ଅତିଥି ଭାବେ ଯୋଗଦାନ କରିବେ ।

Share in top social networks!