ଓଡିଶା ସରକାର ପର୍ଯ୍ୟାପ୍ତ ପରିମାଣରେ କେନ୍ଦ୍ରୀୟ ପାଣ୍ଠି ପାଉଥିଲେ ମଧ୍ୟ ତାହାର ସୁବିନିଯୋଗ କରିପାରୁନାହାନ୍ତି

Congress PCC Press Meetକେନ୍ଦ୍ରସରକାରଙ୍କ ଅବହେଳାର ଅଭିଯୋଗ କରି ବିଜେଡ଼ି ର ମୁଖ୍ୟ ଶ୍ରୀ ନବୀନ ପଟ୍ଟନାୟକ ଗତ ୧୨ତାରିଖରେ ଅଜସ୍ର ଅର୍ଥ ବ୍ୟୟ କରି ୭ ଟି ଟ୍ରେନରେ ହଜାରହଜାର ଲୋକଙ୍କୁ ଏକତ୍ରିତ କରି ନୂଆଦିଲ୍ଲୀର ରାମଲିଳା ମଇଦାନରେ ତାଙ୍କର ମହାପ୍ରହସନ ଅଭିନୟ କରିଥିଲେ ।

ମାତ୍ର ସୁପ୍ରତିଷ୍ଠିତ ଇଂରାଜୀ ଦୈନିକ “ଟାଇମ୍ସ ଅଫ୍ ଇଣ୍ଡିଆ” ରେ ଏକ ତଥ୍ୟ ମୂଳକ ବିବରଣୀ ସଦ୍ୟତମ ଭାବେ ପ୍ରକାଶ ପାଇଲା ଯେ ଦେଶର ୨୮ଟି ରାଜ୍ୟ ମଧ୍ୟରେ ଓଡ଼ିଶାକୁ ମୁଣ୍ଡପିଛା ସର୍ବାଧିକ ବାର୍ଷିକ କେନ୍ଦ୍ରୀୟ ଅନୁଦାନ ଦିଆଯାଇଛି । ଏହି ସମ୍ବାଦ ଶ୍ରୀ ପଟ୍ଟନାୟକଙ୍କ କେନ୍ଦ୍ର ବିରୋଧୀ ଆନ୍ଦୋଳନକୁ ଅର୍ଥହୀନ ଏବଂ କେବଳ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି ପ୍ରମାଣ କରିଦେଇଛି । ଓଡିଶାରେ ବିଭିନ୍ନ ମହଲରେ ନବୀନବାବୁଙ୍କର ରାମଲିଳା ମଇଦାନ ନାଟକ ବାଜିକୁ ଦୃଢ ନିନ୍ଦାକରାଯାଇଛି ବୋଲି ପିସିସି ସଭାପତି ଶ୍ରୀ ଜୟଦେବ ଜେନା କହିଛନ୍ତି । ଅନ୍ୟ ପକ୍ଷରେ କେନ୍ଦ୍ର ଅର୍ଥମନ୍ତ୍ରୀ ଶ୍ରୀଯୁକ୍ତ ପି.ଚିଦାମ୍ବରମ ଓଡିଶା ସମେତ କେତେକ ରାଜ୍ୟକୁ ସ୍ଵତନ୍ତ୍ର ପାହ୍ୟା ମାନ୍ୟତା ଦେବା ନିମନ୍ତେ ବିଧି ସଂଶୋଧନ ନିମନ୍ତେ କେନ୍ଦ୍ରସରକାରଙ୍କ ମୁଖ୍ୟ ଅର୍ଥନୈତିକ ପରାମର୍ଶଦାତା ଶ୍ରୀ ରଘୁରାମ ରାଜନ ଙ୍କ ନେତୃତ୍ଵରେ ଏକ ଉଚ୍ଚ କ୍ଷମତା ସମ୍ପର୍ଣ୍ଣ କମିଟି ଗଠନ କରି ପ୍ରସ୍ତୁତି ପର୍ବ ଆରମ୍ଭ କରିଥିବାରୁ ଦିଲ୍ଲୀରେ ବିଜେଡ଼ି ଗଣନାଟ୍ୟର “ସ୍ଵାଭିମାନ ସମାବେଶ”ନାଟକ ଓଡିଶା ବାସୀଙ୍କ ମନ ଜିଣିବା ପାଇଁ ସମର୍ଥ ହୋଇପାରିନାହିଁ। ଚିଟଫଣ୍ଡ ଦୁର୍ନୀତିରେ ମୁଖ୍ୟମନ୍ତ୍ରୀ,ମନ୍ତ୍ରୀ ଓ ଶାସକ ଦଳର ବିଧାୟକମାନଙ୍କ ସମ୍ପୃକ୍ତିକୁ ନେଇ ଓଡିଶାରେ ଝାଡା ସୃଷ୍ଟି ହୋଇଥିବାରୁ ଏହାକୁ ଏଡେଇ ଯିବାପାଇଁ ରାମଲିଳା ମଇଦାନରେ ସମାବେଶ କରାଯାଇଥିଲା ବୋଲି ଶ୍ରୀ ଜେନା କହିଛନ୍ତି ।

୨୦ ଲକ୍ଷ ପରିବାରଙ୍କ ଠାରୁ ୨୦ହଜାର କୋଟି ଟଙ୍କା ଲୁଟି ନିଆଯାଇଛି । ପୂର୍ବରୁ ଓଡିଆବାସୀ ଭଲଭାବରେ ଜାଣିପାରିଛନ୍ତି ଯେ ଓଡିଶା ସରକାରଙ୍କ ସମୁଦାୟ ବ୍ୟୟର ସିଂହଭାଗ କେନ୍ଦ୍ର ସରକାର ପ୍ରଦାନ କରିଥାନ୍ତି । ଉଦାହରଣ ସ୍ୱରୂପ ଓଡିଶା ସରକାରଙ୍କ ଚଳିତ ବର୍ଷର (୨୦୧୩-୧୪)ମୋଟ ବଜେଟ ବ୍ୟୟ ବରାଦରେ ରାଜ୍ୟଅଂଶ୨୪, ୪୩୦ କୋଟି ହୋଇଥିବା ବେଳେ କେନ୍ଦ୍ର ଅଂଶ ୨୬,୮୬୮ କୋଟି ଟଙ୍କା ଅଟେ । ବର୍ତ୍ତମାନ “ଟାଇମ୍ସ ଅଫ ଇଣ୍ଡିଆ”ରେ ଦିଲ୍ଲୀର ସୁପ୍ରସିଦ୍ଧ ଅର୍ଥନୈତିକ ଗବେଷଣା ସଂସ୍ଥା Center for Budget and Accountability ପ୍ରକାଶ କରିଅଛି ଯେ କଂଗ୍ରେସ ଶାସିତ ରାଜ୍ୟ ଅପେକ୍ଷା ଓଡ଼ିଶାକୁ ମୁଣ୍ଡପିଛା ସର୍ବାଧିକ ବାର୍ଷିକ କେନ୍ଦ୍ରୀୟ ଅନୁଦାନ ମିଳିଛି । ଏହି ତଥ୍ୟ ଅନୁଯାୟୀ ପ୍ରତି ବ୍ୟକ୍ତି ପାଇଁ ବାର୍ଷିକ ଅନୁଦାନର ବିବରଣୀ ହେଲା :-

(ବିଜେଡ଼ି)ଓଡିଶା – ୧୬୮୮ଟଙ୍କା

(କଂଗ୍ରେସ)କେରଳ -୮୮୨ଟଙ୍କା

( କଂଗ୍ରେସ) ରାଜସ୍ଥାନ – ୯୬୯ଟଙ୍କା

(କଂଗ୍ରେସ)କର୍ଣ୍ଣାଟକ -୧୦୯୧ଟଙ୍କା

(କଂଗ୍ରେସ)ମହାରାଷ୍ଟ୍ର – ୧୧୪୩ଟଙ୍କା

(କଂଗ୍ରେସ)ହରିୟାନା -୧୧୬୫ଟଙ୍କା

(କଂଗ୍ରେସ)ଆନ୍ଧ୍ରପ୍ରଦେଶ – ୧୩୩୩ଟଙ୍କା

ଓଡିଶା ଅନ୍ୟ ରାଜ୍ୟ ତୁଳନାରେ ସର୍ବୋଚ୍ଚ ସ୍ଥାନରେ ରହିଛି ।

ଦୁର୍ଭାଗ୍ୟର ବିଷୟ ଓଡିଶା ସରକାର ଧାରାବାହିକ ଭାବରେ ପର୍ଯ୍ୟାପ୍ତ ପରିମାଣରେ କେନ୍ଦ୍ରୀୟ ପାଣ୍ଠି ପାଉଥିଲେ ମଧ୍ୟ ତାହାର ସୁବିନିଯୋଗ କରିପାରୁନାହାନ୍ତି । ୨୦୦୯-୧୦,୨୦୧୦-୧୧, ଓ ୨୦୧୧-୧୨ ଆର୍ଥିକ ବର୍ଷରେ ଯଥାକ୍ରମେ ୭୦୦୧.୪୬କୋଟି ,୬୪୨୩.୧୫ କୋଟି ଏବଂ ୮୪୩୯.୫୮କୋଟି ଟଙ୍କା ଖର୍ଚ୍ଚ କରି ନ ପାରି ରାଜ୍ୟ ସରକାର କେନ୍ଦ୍ରକୁ ଫେରାଇ ଦେଉଛନ୍ତି । ଦାରିଦ୍ର୍ୟ ସୀମାରେଖା ତଳେଥିବା ୪୨ଲକ୍ଷ ୩୨ହଜାର ପରିବାରକୁ କେନ୍ଦ୍ରସରକାର ପ୍ରତି ପରିବାର ପିଛା ୩୫କିଲୋ ଚାଉଳ ଯୋଗାଇଦେଉଥିବା ବେଳେ ରାଜ୍ୟ ସରକାର ପ୍ରତିପରିବାର ଠୁ ସେହି ଚାଉଳରୁ ୧୦କିଲୋ କାଟି ୨୫କିଲୋ ଲେଖାଏଁ ଚାଉଳ ଦେଉଛନ୍ତି । ମହାତ୍ମାଗାନ୍ଧୀ ନରେଗା ଯୋଜନା ଓ ଇନ୍ଦିରା ଆବାସ ଯୋଜନାର କାର୍ଯ୍ୟକାରିତା ଉପରେ ସିଏଜି କ୍ଷୋଭ ପ୍ରକାଶ କରିଛନ୍ତି । ଏପରି ୬ଟି ଜିଲ୍ଲାରେ ମହାତ୍ମାଗାନ୍ଧି ନରେଗା ଯୋଜନାର ଦୁର୍ନୀତି ଉପରେ ସିବିଆଇ ତଦନ୍ତ ଚାଲିଛି । ଗୋଟିଏ ଘଟଣାରୁ ଓଡିଶା ସରକାରଙ୍କର ଅପାରଗତା ଓ ଭ୍ରଷ୍ଟାଚାର ସହଜରେ ଅନୁମେୟ ଯେ ପ୍ରଧାନମନ୍ତ୍ରୀ ଗ୍ରାମ ସଡକ ଯୋଜନାରେ ଗ୍ରାମାଞ୍ଚଳ କୁ ପକ୍କାରାସ୍ତା ନିର୍ମାଣ ପାଇଁ ଚଳିତ ବର୍ଷ କେନ୍ଦ୍ର ଗ୍ରାମଉନ୍ନୟନ ମନ୍ତ୍ରଣାଳୟ ଓଡ଼ିଶାକୁ ଦେଶର ସବୁରାଜ୍ୟ ତୁଳନାରେ ସର୍ବାଧିକ ପାଣ୍ଠି ଯୋଗାଇ ଦେଇଛନ୍ତି ମାତ୍ର ରାଜ୍ୟସରକାର ତାର ସୁବିନିଯୋଗ କରୁନାହାନ୍ତି । ପୁରୁଣା ରାସ୍ତା କୁ ମରାମତି କରି ନୂଆରାସ୍ତାନିର୍ମାଣ ନାମରେ ବ୍ୟାପକ ଅର୍ଥ ଲୁଣ୍ଠନ ଚାଲିଛନ୍ତି । ଏଥିରେ ବିଜେଡ଼ି ଦଳର ମନ୍ତ୍ରୀ,ବିଧାୟକ ଓ ନେତାମାନେ ପ୍ରଚୁର କଳାଧନ ସଂଗ୍ରହ କରୁଛନ୍ତି କିନ୍ତୁ ଓଡିଶା ବାସୀଙ୍କ ଦୁର୍ଦ୍ଦଶା ଦିନକୁଦିନ ବଢିବାରେ ଚାଲିଛି ।

Share in top social networks!

କେନ୍ଦ୍ର ଅନୁଦାନ ଅର୍ଥ ଫେରିବା ପ୍ରତିବାଦରେ କଂଗ୍ରେସର ବିକ୍ଷୋଭ

JAYDEB-JENAକେନ୍ଦ୍ରର ବିପୁଳ ଅନୁଦାନ ଖର୍ଚ୍ଚ ହୋଇ ନ ପାରି ଫେରିଯିବା ପ୍ରତିବାଦରେ ଆଜି ଓଡିଶା ପ୍ରଦେଶ କଂଗ୍ରେସ କମିଟି ପକ୍ଷରୁ ରାଜଭବନ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଥିଲା । ଗତ ୩ଟି ଆର୍ଥିକ ବର୍ଷରେ ୨୧ହଜାର କୋଟିରୁ ଉର୍ଦ୍ଧ୍ଵ କେନ୍ଦ୍ରଅନୁଦାନକୁ ବିଜେଡ଼ି ସରକାର ଖର୍ଚ୍ଚ କରିପାରିନାହାନ୍ତି ।

ନିଜର ଅପାରଗତାକୁ ଘୋଡାଇବା ଲାଗି ସ୍ଵତନ୍ତ୍ର ପାହ୍ୟା ରାଜ୍ୟ ଦାବିରେ ବିଜେଡ଼ି ଦିଲ୍ଲୀରେ ସମାବେଶ କରୁଛି । ଏହା ଏକ ପ୍ରହସନ ଛଡା କିଛି ନୁହେଁ ବୋଲି କଂଗ୍ରେସ ନେତାମାନେ କହିଛନ୍ତି । ଓଡିଶା ଭଳି ଏକ ଦରିଦ୍ର ରାଜ୍ୟରେ କେନ୍ଦ୍ରର ବିପୁଳ ଅର୍ଥରାଶି ଖର୍ଚ୍ଚ କରିନଥିବା ଦୁଃଖର ବିଷୟ ବୋଲି କଂଗ୍ରେସ ପକ୍ଷରୁ କୁହାଯାଇଛି । ଓଡ଼ିଶାକୁ ସବୁ କ୍ଷେତ୍ରରେ ପଛକୁ ନେଇଥିବା ମୁଖ୍ୟମନ୍ତ୍ରୀ ନିଜେ କେନ୍ଦ୍ରମନ୍ତ୍ରୀ ଥିବାବେଳେ ଓଡ଼ିଶାକୁ ସ୍ଵତନ୍ତ୍ର ପାହ୍ୟା ରାଜ୍ୟ ମାନ୍ୟତା ପାଇଁ କାହିଁକି ଦାବି କଲେ ନାହିଁ ବୋଲି କଂଗ୍ରେସର ବରିଷ୍ଠ ନେତାମାନେ ପ୍ରଶ୍ନ କରିଛନ୍ତି ।

ବିକ୍ଷୋଭରେ ପିସିସି ସଭାପତି ଜୟଦେବ ଜେନା,ପୂର୍ବତନ ପିସିସି ସଭାପତି ଶରତ ପଟ୍ଟନାୟକ,ଜଗନ୍ନାଥ ପଟ୍ଟନାୟକ,ଚିରଞ୍ଜିବୀ ବିଶ୍ଵାଳ ,ମତଲୁବ୍ ଅଲ୍ଲୀ,ପ୍ରସାଦ ହରିଚନ୍ଦନ,ନବ ଦାସ,ରାମକୃଷ୍ଣ ପଟ୍ଟନାୟକ,ସୁରେଶ କୁମାର ରାଉତ ରାୟ,ଶିବାନନ୍ଦ ରାୟ ସମେତ ଅନେକ ନେତା ଯୋଗ ଦେଇଥିଲେ ।

Share in top social networks!