ମୁଖ୍ୟମନ୍ତ୍ରୀଙ୍କୁ ଭେଟିଲେ ବୁଲଗେରିଆର ରାଷ୍ଟ୍ରଦୂତ

cmcmଓଡ଼ିଶା ଏବଂ ବୁଲ୍ଗେରିଆ ମଧ୍ୟରେ କୃଷି, ପର୍ଯ୍ୟଟନ, ସୂଚନା ପ୍ରଯୁକ୍ତି ବିଦ୍ୟା ଓ ମେନୁଫେକ୍ଚରିଂ କ୍ଷେତ୍ରରେ ସହଯୋଗ ପାଇଁ ବୁଲଗେରିଆର ରାଷ୍ଟ୍ରଦୂତ ମିଃ ପେଟକୋ ଦୋୟକୋଭ ପ୍ରସ୍ତାବ ଦେଇଛନ୍ତି ାବୁଲଗେରିଆର ରାଷ୍ଟ୍ରଦୂତ ଦୋୟକୋଭ ଆଜି ସଚିବାଳୟଠାରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କୁ ସୌଜନ୍ୟମୂଳକ ସାକ୍ଷାତ କରିଥିଲୋ ଏହି ସାକ୍ଷାତ ସମୟରେ ଓଡ଼ିଶା ଓ ବୁଲଗେରିଆ ମଧ୍ୟରେ ଉପରୋକ୍ତ ବିଷୟ ଉପରେ ଆଲୋଚନା କରିଥିଲେ ଏବଂ ଏ କ୍ଷେତ୍ରରେ ସହଯୋଗ ପାଇଁ ମିଃ ଦୋୟକୋଭ ପ୍ରସ୍ତାବ ଦେଇଥିଲୋ

ବୈଠକ ପରେ ଆଗାମୀ ଦିନରେ ବୁଲ୍ଗେରିଆର ଏକ ବାଣିଜ୍ୟପ୍ରତିନିଧି ଦଳ ଆସି ସହଯୋଗ ଉପରେ ବିସ୍ତୃତ ଭାବରେ ଆଲୋଚନା କରିବେ ବୋଲି ମିଃ ଦୋୟକୋଭ ସାମ୍ବାଦିକ ମାନଙ୍କୁ ସୂଚନା ଦେଇଥିଲୋ ଅନ୍ୟ ପକ୍ଷରେ ରାଜ୍ୟ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଓଡ଼ିଶାରେ କୃଷି, ପର୍ଯ୍ୟଟନ, ସୂଚନା ପ୍ରଯୁକ୍ତି ଓ ଖଣିଜ କ୍ଷେତ୍ରରେ ଥିବା ବିପ୍ଳବ ସମ୍ଭାବନା ଉପରେ ଆଲୋକପାତ କରିଥିଲୋ ଓଡ଼ିଶାରେ ଚାଲିଥିବା ବିକାଶ ପ୍ରକ୍ରିୟା ଓ ବାତ୍ୟା ବିପର୍ଯ୍ୟୟ ପରିଚାଳନା କ୍ଷେତ୍ରରେ ରାଜ୍ୟ ସରକାର ନେଇଥିବା ପଦକ୍ଷେପକୁ ସେ ଉଚ୍ଚ ପ୍ରଶଂସା କରିଥିଲୋ
ଏ ଆଲୋଚନା ସମୟରେ ଉନ୍ନୟନ କମିଶନର ଶ୍ରୀ ଆଦିତ୍ୟ ପ୍ରସାଦ ପାଢ଼ୀ ଉପସ୍ଥିତ ଥିଲେ ।

Share in top social networks!

ସୁନ୍ଦରଗଡ ଖଣି ଦୁର୍ଘଟଣାର ପ୍ରଶାସନିକ ତଦନ୍ତ ନିର୍ଦ୍ଦେଶ, ମୁଖ୍ୟମନ୍ତ୍ରୀଙ୍କ ସହାୟତା ଘୋଷଣା

C.M-DECERATION-BITEସୁନ୍ଦରଗଡ ଗଦିନବାହାଲ ଏମ୍.ସି.ଏଲ୍ ଖଣିଦୁର୍ଘଟଣା ରେ ୭ ଜଣ ବ୍ୟକ୍ତି ମୃତ୍ୟୁବରଣ କରିଥିବା ଖବର ପାଇଁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଗଭୀର ଦୁଃଖପ୍ରକାଶ କରିଛନ୍ତି । ଶୋକ ବିଭୋର ପରିବାରଙ୍କୁ ମୁଖ୍ୟମନ୍ତ୍ରୀ ଗଭୀର ସମବେଦନା ଜଣାଇଛନ୍ତି । ମୃତ ବ୍ୟକ୍ତିଙ୍କ ନିକଟତମ ଆତ୍ମୀୟଙ୍କ ପାଇଁ ମୁଖ୍ୟମନ୍ତ୍ରୀ ୨ ଲକ୍ଷ ଟଙ୍କା ଲେଖାଏଁ ଅନୁକମ୍ପାମୁଲକ ଅର୍ଥରାଶି ସହାୟତା କରିଛନ୍ତି ଏବଂ ଉଦ୍ଧାର କାର୍ଯ୍ୟ ତ୍ୱରାନ୍ୱିତ କରିବା ପାଇଁ ଏମ୍.ସି.ଏ କର୍ତ୍ତୃପକ୍ଷଙ୍କୁ ମୁଖ୍ୟମନ୍ତ୍ରୀ ପରାମର୍ଶ ଦେଇଛନ୍ତି । ଏହି ଦୁର୍ଭାଗ୍ୟଜନକ ଘଟଣାର ପ୍ରଶାସନିକ ତଦନ୍ତ ପାଇଁ କମିଶନର ଏହି ତଦନ୍ତ କରିବେ ।

Share in top social networks!

ରାଜ୍ୟସ୍ତରୀୟ ଉଚ୍ଚକ୍ଷମତାପନ୍ନ ଭିଜିଲାନ୍ସ ଓ ତଦାରଖ କମିଟି ବୈଠକ

tn_2-8-2013=3ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଆଜି ସଚିବାଳୟଠାରେ ଅନୁସୂଚିତ ଜାତି ଜନଜାତି କଲ୍ୟାଣ ବିଭାଗର ରାଜ୍ୟସ୍ତରୀୟ ଉଚ୍ଚକ୍ଷମତାପନ୍ନ ଭିଜିଲାନ୍ସ ଓ ତଦାରଖ କମିଟି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଅନୁସୂଚିତ ଜାତି ବର୍ଗର ଜନସାଧାରଣ ଙ୍କ ସୁରକ୍ଷା ପାଇଁ ପ୍ରଣିତ ବିଭିନ୍ନ ଆଇନର କାର୍ଯ୍ୟକାରିତା ସମ୍ପର୍କରେ ସମୀକ୍ଷା କରିଥିଲେ । ଅନୁସୂଚିତ ଜାତି ବର୍ଗର ଜନତାଙ୍କ ବିରୋଧରେ ହେଉଥିବା ଅତ୍ୟାଚାର ମାମଲାର ତ୍ଵରିତ ବିଚାର ପାଇଁ ରାଜ୍ୟସରକାର କଟକ ବାଲେଶ୍ଵର ଓ ବଲାଙ୍ଗୀରଠାରେ ତିନୋଟି ସ୍ଵତନ୍ତ୍ର ଅଦାଲତ ପ୍ରତିଷ୍ଠା ପାଇଁ ପଦକ୍ଷେପ ନେଇଛନ୍ତି ।

ସେଥିପାଇଁ ଗୃପ ସି ଓ ଗୃପ୍ ଡି କର୍ମଚାରୀ ନିଯୁକ୍ତି ପାଇଁ ପଦବୀ ମଞ୍ଜୁର କରାଯାଇଛି ବୋଲି ବୈଠକରେ ସୂଚନା ଦିଆଯାଇଥିଲା । ସ୍ଵତନ୍ତ୍ର ଅଦାଲତ ନିମନ୍ତେ ଜମି ଚିହ୍ନଟ କାର୍ଯ୍ୟ ଶୀଘ୍ର ଶେଷ କରିବା ପାଇଁ ମୂଖ୍ୟମନ୍ତ୍ରୀ ପରାମର୍ଶ ଦେଇଥିଲେ । ଅନୁସୂଚିତ ଜାତି ର ଲୋକମାନଙ୍କ ଉପରେ ହେଇଥିବା ଅତ୍ୟାଚାର ସମ୍ପର୍କିତ ମୋକଦ୍ଦମା ଗୁଡିକର ଫଇସଲା ଦିଗରେ ସ୍ଵତନ୍ତ୍ର ପଦକ୍ଷେପ ନେବା ପାଇଁ ବୈଠକରେ ମତ ପ୍ରକାଶ ପାଇଥିଲା । ଅନୁସୂଚିତ ଜାତି ବର୍ଗଙ୍କ ଲୋକଙ୍କ ଅଧିକାରର ସୁରକ୍ଷା ପାଇଁ ଥିବା ବିଭିନ୍ନ ଆଇନ ତଥା ଅନ୍ୟାନ୍ୟ ସୁବିଧା ସୁଯୋଗ ସମ୍ପର୍କରେ ଜନସଚେତନତାକୁ ଆହୁରି ବ୍ୟାପକ କରିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ । ଏହି ବୈଠକରେ ମନ୍ତ୍ରୀ ଶ୍ରୀ ଲାଲବିହାରୀ ହିମିରିକା ,ମନ୍ତ୍ରୀ ଶ୍ରୀମତୀ ସରୋଜିନୀ ହେମ୍ବ୍ରମ ,କମିଟିର ସଦସ୍ୟ ଗଣ ମୁଖ୍ୟଶାସନ ସଚିବ ,ଉନ୍ନୟନ କମିଶନର ପୋଲିସ ମହାନିର୍ଦ୍ଦେଶକ ଏବଂ ବରିଷ୍ଠ ପଦାଧିକାରୀ ମାନେ ଉପସ୍ଥିତ ଥିଲେ ।

Share in top social networks!

କଳାହାଣ୍ଡିର ସମର୍ଥ ଦୃଷ୍ଟିହୀନ ସଂଘ କମ୍ୟୁନିଟି କେନ୍ଦ୍ର ପାଇଁ ୫ ଲକ୍ଷ ଟଙ୍କା ମଞ୍ଜୁର

top-imageକଳାହାଣ୍ଡି ଜିଲ୍ଲା ଗୋଲମୁଣ୍ଡା ବ୍ଲକର ଗୋଟିଆ ଗାଁ ର ସମର୍ଥ ଦୃଷ୍ଟିହୀନ ସଂଘର ସଭାପତି ଶାନ୍ତିଲାଲ ଶବର ଏବଂ ଅନ୍ୟ ସଦସ୍ୟମାନେ ଆଜି ସଚିବାଳୟ ଠାରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କୁ ସାକ୍ଷାତ କରି ସେମାନଙ୍କର ବିଭିନ୍ନ ସମସ୍ୟା ସମ୍ପର୍କରେ ତାଙ୍କ ଦୃଷ୍ଟି ଆକର୍ଷଣ କରିଥିଲେ । ମୁଖ୍ୟତଃ ସେମାନେ ଗୋଟିଆ ଗାଁରେ ସେମାନଙ୍କ ସଂଘ ପାଇଁ ଏକ କମ୍ୟୁନିଟି ସେଣ୍ଟର ପ୍ରତିଷ୍ଠା ପାଇଁ ସହାୟତା କାମନା କରିଥିଲେ । ସେମାନଙ୍କ ଅନୁରୋଧକୁ ବିଚାର କରି ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ସେମାନଙ୍କ ସଂଘର କମ୍ୟୁନିଟି ସେଣ୍ଟର ପାଇଁ special problem found ରୁ ୫ ଲକ୍ଷ ଟଙ୍କା ମଞ୍ଜୁର କରିଛନ୍ତି ।

Share in top social networks!

ମେଲେରିଆ,ଡେଙ୍ଗୁ ଓ ଡାଏରିଆ ସଂପର୍କରେ ସଚେତନତା ପକ୍ଷ ଶୁଭାରମ୍ଭ କଲେ ମୁଖ୍ୟମନ୍ତ୍ରୀ

cm-dengucamignମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଜୟଦେବ ଭାବନଠାରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଆୟୋଜିତ ମେଲେରିଆ,ଡେଙ୍ଗୁ ଓ ଡାଏରିଆ ସଂପର୍କରେ ସଚେତନତା ପକ୍ଷର ଶୁଭାରମ୍ଭ କରିଛନ୍ତି । ଆଜିଠାରୁ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ ଅଗଷ୍ଟ ୧୫ ତାରିଖ ପର୍ଯ୍ୟନ୍ତ ସାରାରାଜ୍ୟରେ ଚାଲିବ । ଏହି ଅବସରରେ ପ୍ରାରମ୍ଭରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ନିଧି ମଉସା ସଚେତନତା ରଥକୁ ପତାକା ଦେଖାଇ ଶୁଭାରମ୍ଭ କରିଥିଲେ ଏବଂ ଏକ ପ୍ରଦର୍ଶନୀ ମଧ୍ୟ ଉଦଘାଟନ କରିଥିଲେ ।

ଏହି ଅବସରରେ ଉଦବୋଧନ ଦେଇ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଏକ ସୁସ୍ଥ ପରିବେଶ ଏବଂ ପ୍ରତିଷେଧକ ବ୍ୟବସ୍ଥା ଦ୍ଵାରା ମସା,ମାଛି ଏବଂ ଜଳବାହିତ ବିଭିନ୍ନ ରୋଗର ସଫଳ ଭାବରେ ମୁକାବିଲା କରାଯାଇପାରିବ ବୋଲି କହିଥିଲେ । ଏଥିପାଇଁ ବିଶୁଦ୍ଧ ପାନୀୟ ଜଳ ଯୋଗାଣ ଉପରେ ସରକାର ପ୍ରଥମିକତା ଦେଉଛନ୍ତି ବୋଲି ମୁଖ୍ୟମନ୍ତ୍ରୀ କହିଥିଲେ । ୧୦୪୮ ଟି ଆଦିବାସୀ ଗାଁ ମାନଙ୍କରେ ୧୦୦ କୋଟି ଟଙ୍କା ବ୍ୟୟରେ ପାଇପଯୋଗ ପାନିୟ ଜଳ ଯୋଗାଣ ବ୍ୟବସ୍ଥା କାର୍ଯ୍ୟକାରୀ କରାଯିବ ବୋଲି ଶ୍ରୀ ପଟ୍ଟନାୟକ ସୂଚନା ଦେଇଥିଲେ । ଏହି ସ୍ୱାସ୍ଥ୍ୟ ସଚେତନା କାର୍ଯ୍ୟକ୍ରମରେ ମା’ ମାନଙ୍କୁ ବହୁ ସଂଖ୍ୟାରେ ସାମିଲ କରାଯିବା ଉପରେ ମୁଖ୍ୟମନ୍ତ୍ରୀ ଗୁରୁତ୍ଵାରୋପ କରିଥିଲେ ।

ଜଣ ପ୍ରତିନିଧି,ଗଣମାଧ୍ୟମ,ଛାତ୍ରଛାତ୍ରୀ ବିଭିନ୍ନ ବେସରକାରୀ ଅନୁଷ୍ଠାନ,ଆଶା ଅଙ୍ଗନବାଡି କର୍ମୀ ସମେତ ଜନସାଧାରଣଙ୍କ ମିଳିତ ସହଯୋଗରେ ମେଲେରିଆ,ଡେଙ୍ଗୁ,ଡାଏରିଆ ପରି ରୋଗ ଗୁଡିକର ନିୟନ୍ତ୍ରଣ କରାଯାଇ ପାରିବ ବୋଲି ମୁଖ୍ୟମନ୍ତ୍ରୀ ଦୃଢ ବିଶ୍ଵାସ ପ୍ରକଟ କରିଥିଲେ । ଏହି କାର୍ଯ୍ୟକ୍ରମରେ ବିଭାଗୀୟ ମନ୍ତ୍ରୀ ଡାଃ ଦାମୋଦର ରାଉତ ମଧ୍ୟ ଉଦବୋଧନ ଦେଇ ଏହି ତିନୋଟି ରୋଗର ନିରାକରଣ ପାଇଁ ସଚେତନତା କାର୍ଯ୍ୟକ୍ରମ ବ୍ୟାପକ କରିବା ଉପରେ ଗୁରୁତ୍ଵାରୋପ କରିଥିଲେ । ସ୍ୱାସ୍ଥ୍ୟ ବିଭାଗର ସ୍ଵତନ୍ତ୍ର ସଚିବ ଶ୍ରୀ ବିରଞ୍ଚି ନାରାୟଣ ଦାସ ସ୍ଵାଗତ ଭାଷଣ ଦେଇଥିଲେ ଏବଂ SIH ର ନିର୍ଦ୍ଦେଶିକା ଡାଃ ବିଜୟିନୀ ମହାପାତ୍ର କାର୍ଯ୍ୟକ୍ରମ ସଂପର୍କରେ ସୂଚନାଦେଇଥିଲେ ।

Share in top social networks!

କାର୍ତ୍ତିକ ମହାରଣାଙ୍କୁ ମୁଖ୍ୟମନ୍ତ୍ରୀଙ୍କ ଅଭିନନ୍ଦନ ଓ ସହାୟତା ଘୋଷଣା

mahranaଗତକାଲି ଭୁବନେଶ୍ଵର ନାଗେଶ୍ଵର ଟାଙ୍ଗୀ ଅଞ୍ଚଳରେ ଏକ ଲୁଟେରାକୁ ଧରିବାକୁ ଯାଇ ଗୁଳିମାଡର ଶୀକାର ହୋଇଥିବା କାର୍ତ୍ତିକ ମହାରଣାଙ୍କୁ ତାଙ୍କ ସାହସିକତା ପାଇଁ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଅଭିନନ୍ଦନ ଜଣାଇଛନ୍ତି । ଆହତ କାର୍ତ୍ତିକଙ୍କ ଚିକିତ୍ସା ଖର୍ଚ୍ଚ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ଯୋଗାଇଦେବା ପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଆହତ କାର୍ତ୍ତିକଙ୍କର ଆଶୁ ଆରୋଗ୍ୟ କାମନା କରିଛନ୍ତି ।

Share in top social networks!

ବର୍ଷକୁ ୨୦୦ଟି ସେତୁ ନିର୍ମାଣ ସଂପୂର୍ଣ୍ଣ କରିବାକୁ ଗ୍ରାମ୍ୟ ଉନ୍ନୟନ ବିଭାଗକୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ

cmbridgeଆଜି ସଚିବାଳୟଠାରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ରାଜ୍ୟର ସେତୁ ପ୍ରକଳ୍ପ ଗୁଡିକର ସମୀକ୍ଷା କରି ଗ୍ରାମ୍ୟ ଉନ୍ନୟନ ବିଭାଗ ବର୍ଷକୁ ଅତି କମ୍ ରେ ୨୦୦ ଟି ସେତୁର ନିର୍ମାଣ କାର୍ଯ୍ୟ ଶେଷ କରିବାକୁ ନିର୍ଦ୍ଦେଶ ଦେଇଛନ୍ତି । ସୂଚନା ଅନୁଯାୟୀ,ବର୍ତମାନ ଗ୍ରାମ୍ୟ ଉନ୍ନୟନ ବିଭାଗ ୧ହଜାର ସେତୁର ନିର୍ମାଣ କାର୍ଯ୍ୟ ହାତକୁ ନେଇଛି । ଏଥି ମଧ୍ୟରୁ ୪୩୦ ଟି ସେତୁ ନିର୍ମାଣାଧୀନ ରହିଛି । ଟେଣ୍ଡରପ୍ରକ୍ରିୟା ,କାର୍ଯ୍ୟାଦେଶ ଓ ନିର୍ଦ୍ଦିଷ୍ଟ ସମୟସୀମା ମଧ୍ୟରେ ନିର୍ମାଣ ଶେଷ କରିବାକୁ ମୁଖ୍ୟମନ୍ତ୍ରୀ ବୈଠକରେ ଗୁରୁତ୍ଵାରୋପ କରିଥିଲେ ।

ଆଗାମୀ ୩ ବର୍ଷ ପାଇଁ ନିର୍ମାଣ ସମ୍ପର୍କିତ କାର୍ଯ୍ୟଯୋଜନା ପ୍ରସ୍ତୁତ କରି ୩ ବର୍ଷରେ ୬୦୦ ଟି ସେତୁ ସଂପୂର୍ଣ୍ଣ କରିବାକୁ ନିର୍ଦ୍ଦେଶ ସେଇଥିଲେ । ବୈଠକରେ ପୂର୍ତ୍ତ ବିଭାଗର ୧୦ କୋଟିରୁ ଉର୍ଦ୍ଧ୍ଵ ଟଙ୍କା ସେତୁ ପ୍ରକଳ୍ପ ସମ୍ପର୍କରେ ମଧ୍ୟ ଆଲୋଚନା ହୋଇଥିଲା । ସୂଚନା ଅନୁଯାୟୀ ,ପୂର୍ତ୍ତ ବିଭାଗ ଏହିପରି ୪୫ଟି ବୃହତ୍ତ ସେତୁ ପ୍ରକଳ୍ପ ହାତକୁ ନେଇଛି । ଏଗୁଡିକ ନାବାର୍ଡ ସହାୟତା ନିର୍ଦ୍ଦିଷ୍ଟRIDF ଯୋଜନା,ରାଜ୍ୟ ଯୋଜନା ଓ କେବିକେ RLTAP ଯୋଜନାର କାର୍ଯ୍ୟକାରୀ ହେଉଛି ୪୫ଟି ସେତୁ ମଧ୍ୟରୁ ୩୦ ଟି ସେତୁ ନିର୍ମାଣାଧୀନ ଅଛି । ଏଥି ମଧ୍ୟରୁ ୮ଟି ସେତୁ ୨୦୧୩-୧୪ ଆର୍ଥିକ ବର୍ଷରେ ସଂପୂର୍ଣ୍ଣ ହେବ ବୋଲି ସୂଚନା ଦିଆଯାଇଥିଲା ।

ବାକି ୧୫ ଟି ସେତୁର ଟେଣ୍ଡରପକ୍ରିୟା ଚାଲିଛି ନିର୍ମାଣାଧୀନ ୧୦ଟି ରେଳ ଓଭର ବ୍ରିଜ ସମ୍ପର୍କରେ ମଧ୍ୟ ବୈଠକରେ ଆଲୋଚନା ହୋଇଥିଲା । ସେତୁ ନିର୍ମାଣକୁ ତ୍ୱରାନ୍ୱିତ କରିବା ପାଇଁ ମୁଖ୍ୟମନ୍ତ୍ରୀ କାର୍ଯ୍ୟଯୋଜନା ପ୍ରସ୍ତୁତି ଓ ନିୟମିତ monitoring ଉପରେ ଗୁରୁତ୍ଵାରୋପ କରିଥିଲେ । ପ୍ରକଳ୍ପ ଗୁଡିକ ପାଇଁ ଏକ ମାସିକିଆ କାର୍ଯ୍ୟଯୋଜନା ପ୍ରସ୍ତୁତ କରି ସମୀକ୍ଷା କରିବା ପାଇଁ ସେ ପୂର୍ତ୍ତ ବିଭାଗକୁ ପରାମର୍ଶ ଦେଇଥିଲେ । ଏହି ବୈଠକରେ ଗ୍ରାମ୍ୟ ଉନ୍ନୟନ ମନ୍ତ୍ରୀ ଶ୍ରୀ ବିକ୍ରମ କେଶରୀ ଆରୁଖ ,ମୁଖ୍ୟ ଶାସନ ସଚିବ ଯୁଗଲ କିଶୋର ମହାପାତ୍ର ,ଉନ୍ନୟନ କମିଶନର ଶ୍ରୀ ଆର.ଶ୍ରୀନିବାସ,ଗ୍ରାମ୍ୟ ଉନ୍ନୟନ ବିଭାଗ ସଚିବ ଶ୍ରୀ ସି.ଜେ ଭେଣୁଗୋପାଳ,ପୂର୍ତ୍ତ ସଚିବ ଶ୍ରୀ ଶୁଭେନ୍ଦୁ ରାୟ ପ୍ରମୁଖ ଉପସ୍ଥିତ ଥିଲେ ।

Share in top social networks!

ବିଶ୍ଵବ୍ୟାଙ୍କ ସହାୟତାରେ ୬୫୩.୮୦ କୋଟି ଟଙ୍କାର ଜାତୀୟ ବାତ୍ୟା ପ୍ରଶମନ ପ୍ରକଳ୍ପର ସମୀକ୍ଷା

NATIONAL-CYCLONE-MITIGETIONଜାତୀୟ ବାତ୍ୟା ପ୍ରଶମନ ପ୍ରକଳ୍ପ (National Cyclone Risk Mitigation Project ) ଅଧୀନରେ କାର୍ଯ୍ୟ କାରୀ ହେଉଥିବା ବାତ୍ୟା ଆଶ୍ରୟ ସ୍ଥଳ ଲୁଣାବନ୍ଧ ଏବଂ ରାସ୍ତା ନିର୍ମାଣ କାର୍ଯ୍ୟର ଅଗ୍ରଗତି ସମ୍ପର୍କରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ସଚିବାଳୟ ଠାରେ ଏକ ଉଚ୍ଚ ସ୍ତରୀୟ ବୈଠକରେ ସମୀକ୍ଷା କରିଥିଲେ । ବିଶ୍ଵବ୍ୟାଙ୍କ ସହାୟତାରେ ୬୫୩.୮୦ କୋଟି ଟଙ୍କାର ଏହି ପ୍ରକଳ୍ପ ରାଜ୍ୟର ୬ଟି ଉପକୂଳବର୍ତ୍ତୀ ଜିଲ୍ଲା ଯଥା:- ପୁରୀ,ଜଗତସିଂହପୁର, କେନ୍ଦ୍ରାପଡା,ବାଲେଶ୍ଵର ,ଭଦ୍ରକ,ଓ ଗଞ୍ଜାମ ରେ କାର୍ଯ୍ୟକାରୀ କରାଯାଉଛି ।

୨୦୧୦-୧୧ ଓ ୨୦୧୪-୧୫ ମଧ୍ୟରେ ଏହି ପ୍ରକଳ୍ପ ଅଧୀନରେ ୧୪୯ଟି ବାତ୍ୟା ଆଶ୍ରୟସ୍ଥଳୀ,୬ଟି ଗୋଦାମ ଘର,୧୭୫.୩୩ କି.ମିର ୧୩୪ଟି ରାସ୍ତା ଏବଂ ୬୧.୮୮କି.ମି ଦୈର୍ଘ୍ୟ ବିଶିଷ୍ଟ ୧୦ଟି ଲୁଣାବନ୍ଧ ନିର୍ମାଣର ଲକ୍ଷ୍ୟ ରଖାଯାଇଛି । ବର୍ତ୍ତମାନ ସୁଦ୍ଧା ଗୋଟିଏ ବାତ୍ୟାସ୍ଥଳ ନିର୍ମାଣ କାର୍ଯ୍ୟ ଶେଷ ହୋଇଥିବା ବେଳେ ଅନ୍ୟ ସବୁ ଗୁଡିକର ନିର୍ମାଣ କାର୍ଯ୍ୟ ସନ୍ତୋଷ ଜନକ ଭାବରେ ଅଗ୍ରଗତି ହେଉଛି ବୋଲି ବୈଠକରୁ ଜଣାଯାଇଛି । ଏହି ସମସ୍ତ ବାତ୍ୟା ଆଶ୍ରୟସ୍ଥଳ ମାର୍ଚ୍ଚ ୨୦୧୪ସୁଦ୍ଧା ଶେଷ ହେବ ବୋଲି ସୂଚନା ଦିଆଯାଇଥିଲା । ରାସ୍ତା ଓ ଲୁଣାବନ୍ଧ ନିର୍ମାଣ କାର୍ଯ୍ୟ ନଭେମ୍ବର ସୁଦ୍ଧା ଯେପରି ଆରମ୍ଭ ହୋଇପାରିବ ସେଥିପ୍ରତି ଆବଶ୍ୟକ ପଦକ୍ଷେପ ନେବାପାଇଁ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଥିଲେ ।

ଏହି ବୈଠକରେ ରାଜସ୍ୱ ମନ୍ତ୍ରୀ ଶ୍ରୀ ସୂର୍ଯ୍ୟ ନାରାୟଣ ପାତ୍ର,ମୁଖ୍ୟ ଶାସନ ସଚିବ ଯୁଗଳ କିଶୋର ମହାପାତ୍ର, ଉନ୍ନୟନ କମିଶନର , ରାଜସ୍ୱ ବିଭାଗର ଅତିରିକ୍ତ ମୁଖ୍ୟ ଶାସନ ସଚିବ ଏବଂ ବିଭିନ୍ନ ବିଭାଗର ପ୍ରମୁଖ ଶାସନ ସଚିବ ଓ ସଚିବ ମାନେ ଉପସ୍ଥିତ ଥିଲେ ।

Share in top social networks!

ଆୟତ ପୁର ହାଇସ୍କୁଲ ବିସ୍ଫୋରଣ ଘଟଣା ଆହତ ଛାତ୍ରଙ୍କ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରିବେ-ମୁଖ୍ୟମନ୍ତ୍ରୀ

tn_5-6-2012=4କଟକ ଜିଲ୍ଲା ଆୟତପୁର ହାଇସ୍କୁଲରେ ଆଜି ଘଟିଥିବା ବିସ୍ଫୋରଣ ଘଟଣାରେ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଉଦବେଗ ପ୍ରକାଶ କରିଛନ୍ତି । ଏହି ଘଟଣାରେ ଆହତ ସମସ୍ତ ୧୯ ଜଣ ଛାତ୍ରଙ୍କ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରିବେ ବୋଲି ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ ଦେଇଛନ୍ତି । ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ସମସ୍ତ ଛାତ୍ରଙ୍କର ଆଶୁ ଆରୋଗ୍ୟ କାମନା କରିଛନ୍ତି ।

Share in top social networks!

ବନ୍ୟା ଓ ଜଳବାହିତ ରୋଗ ପ୍ରତି ସତର୍କ ରହିବାକୁ ଜିଲ୍ଲାପାଳମାନଙ୍କୁ ମୁଖ୍ୟମନ୍ତ୍ରୀଙ୍କ ପରାମର୍ଶ

cm-video-confernceମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ସଚିବାଳୟ ଠାରେ ଭିଡିଓ କନଫରେନ୍ସ ଜରିଆରେ ଜିଲ୍ଲାପାଳମାନଙ୍କ ସହିତ ବନ୍ୟା ବାତ୍ୟା ଆଦି ପ୍ରାକୃତିକ ବିପର୍ଯ୍ୟୟ ପାଇଁ ପ୍ରାକ୍ ପ୍ରସ୍ତୁତି ଓ ଜଳବାହିତ ରୋଗ ନିୟନ୍ତ୍ରଣ ପାଇଁ ପଦକ୍ଷେପ ସମ୍ପର୍କରେ ସମୀକ୍ଷା କରିଥିଲେ । ମୁଖ୍ୟମନ୍ତ୍ରୀ କହିଥିଲେ ଯେ ଆଗାମୀ ବର୍ଷା ଚାରିମାସ ରାଜ୍ୟ ପାଇଁ ଅତ୍ୟନ୍ତ ଗୁରୁତ୍ଵ ପୂର୍ଣ୍ଣ । ତେଣୁ ଜିଲ୍ଲାପାଳ ମାନେ ସାମ୍ଭାବ୍ୟ ବନ୍ୟା,ବାତ୍ୟା ଆଦି ପ୍ରାକୃତିକ ବିପର୍ଯ୍ୟୟର ମୁକାବେଲା ପାଇଁ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଜିଲ୍ଲାପାଳମାନଙ୍କୁ ନିର୍ଦ୍ଦେଶ ଦେଇଥିଲେ ।

ବିପଦ ସମୟରେ ପ୍ରଶାସନ ଯେପରି ଲୋକଙ୍କ ପାଖରେ ଠିକ ସମୟରେ ପହଞ୍ଚି ଶୀଘ୍ର ଲୋକଙ୍କୁ ସହାୟତା ଯୋଗାଇଦେବ ତା ଉପରେ ମୁଖ୍ୟମନ୍ତ୍ରୀ ଗୁରୁତ୍ଵ ଦେଇଥିଲେ । ଏତଦ୍ ବ୍ୟତୀତ ବିଭିନ୍ନ ସଂବେଦନଶୀଳ ସ୍ଥାନମାନଙ୍କରେ ବାଲିବସ୍ତା,ବାଉଁଶ ଆଦି ମହଜୁଦ ରଖିବା । ଦୁର୍ଗମ ଅଞ୍ଚଳ ମାନଙ୍କରେ ଖାଦ୍ୟ ସାମଗ୍ରୀ ,ପଲଥିନ ,ଗୋଖାଦ୍ୟ ଏବଂ ଡଙ୍ଗା ଆଦି ମହଜୁଦ ରଖିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ । ସେହିପରି ବିଦ୍ୟୁତ ଯୋଗାଣ, ପିଇବା ପାଣି ବ୍ୟବସ୍ଥା ଓ ରାସ୍ତା ଆଦିର ତୁରନ୍ତ ପୁନରୁଦ୍ଧାର ବ୍ୟବସ୍ଥା ଏବଂ କ୍ଷୟକ୍ଷତି ର ଶୀଘ୍ର ଆକଳନ ପାଇଁ ମଧ୍ୟ ପଦକ୍ଷେପ ନିଆଯିବା ଉପରେ ମଧ୍ୟ ମୁଖ୍ୟ ମନ୍ତ୍ରୀ ଗୁରୁତ୍ଵାରୋପ କରିଥିଲେ । ସାଧାରଣତଃ ବନ୍ୟା ପରେ ବିଭିନ୍ନ ଜନବାହିତ ରୋଗ ଦେଖା ଦେଇଥିବାରୁ ଏହାକୁ ରୋକିବା ପାଇଁ ମୁଖ୍ୟମନ୍ତ୍ରୀ ପରାମର୍ଶ ଦେଇଥିଲେ ।

ପ୍ରାରମ୍ଭରେ କୋରାପୁଟ ,ନବରଂଗପୁର ,ରାୟଗଡା ଓ କଳାହାଣ୍ଡି ଜିଲ୍ଲା ପାଇଁ ମୁଖ୍ୟମନ୍ତ୍ରୀ ଘୋଷଣା କରିଥିବା ପ୍ୟାକେଜର କାର୍ଯ୍ୟକାରିତା ସମ୍ପର୍କରେ ପ୍ରଥମେ ଆଲୋଚନା କରାଯାଇଥିଲା । ଏହି ଭିଡିଓ କନଫରେନ୍ସି ରେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡଃ ଦାମୋଦର ରାଉତ,ରାଜସ୍ୱ ମନ୍ତ୍ରୀ ଶ୍ରୀ ସୂର୍ଯ୍ୟ ନାରାୟଣ ପାତ୍ର ,ମୁଖ୍ୟାସସନ ସଚିବ ଶ୍ରୀ ବିଜୟ କୁମାର ପଟ୍ଟନାୟକ,ଉନ୍ନୟନ କମିଶନର ଶ୍ରୀ ଯୁଗଳ କିଶୋର ମହାପାତ୍ରଙ୍କ ବିଭିନ୍ନ ବିଭାଗର ପ୍ରମୁଖ ଶାସନ ସଚିବ ଓ ଶାସନ ସଚିବ ଉପସ୍ଥିତ ଥିଲେ ।

Share in top social networks!