ଇଣ୍ଡିଆ ଇଣ୍ଟରନ୍ୟାସନାଲ୍ ମେଗା ବାଣିଜ୍ୟ ମେଳା ଆରମ୍ଭ

taraiଆଜିଠାରୁ ଜନତା ମଇଦାନରେ ଇଣ୍ଡିଆ ଇଣ୍ଟରନ୍ୟାସନାଲ୍ ମେଗା ବାଣିଜ୍ୟ ମେଳା ଆରମ୍ଭ ହୋଇଛି | ଏହାକୁ ବାଣିଜ୍ୟ ଓ ପରିବହନ ମନ୍ତ୍ରୀ ସୁବ୍ରତ ତରାଇ ଉଦ୍ଘାଟନ କରିଛନ୍ତି | ରାଜଧାନୀରେ ଆୟୋଜନ କରାଯାଇଥିବା ଏହା ହେଉଛି ଦେଶର ଅନ୍ୟତମ ବୃହତ ବାଣିଜ୍ୟ ମେଳା | ଏହାକୁ ଜି ଏସ୍ ମାର୍କେଟିଂ ଆସୋସିଏଟ୍ ଓ ବେଙ୍ଗଲ୍ ଚାମ୍ବର ଅଫ୍ କମର୍ସର ମିଳିତ ଆନୁକୁଲ୍ୟରେ ଆୟୋଜନ କରାଯାଇଛି | ଚଳିତ ମାସ ପହିଲାରୁ ୧୦ ପର୍ଯ୍ୟନ୍ତ ଏହି ମେଳା ଚାଲିବ | ପରିଦର୍ଶକଙ୍କ ପାଇଁ ଏହା ଅପରାହ୍ନ ୧ଟାରୁ ରାତି ୯ଟା ପର୍ଯ୍ୟନ୍ତ ଖୋଲା ରହିବ |

ଏହି ବାଣିଜ୍ୟ ମେଲାରେ ୮ଟି ପାଭିଲିୟନରେ ୩୦୦ ଷ୍ଟଲ୍ ଖୋଲା ଯାଇଛି | ରିଅଲ ଇଷ୍ଟେଟ୍ ଓ ହାଉସିଂ ଫାଇନାନ୍ସ, ନିର୍ମାଣ ସାମଗ୍ରୀ ଓ ତତ୍ ସଙ୍କ୍ରାନ୍ତୀୟ ଉତ୍ପାଦ, ଲାଇଫ୍ ଷ୍ଟାଇଲ୍, ଏଲେକ୍ଟ୍ରୋନିକ୍ସ ଓ ଆପ୍ଲିକେସନ୍, ଫୁଡ୍ କୋର୍ଟ, ଲାଇଫଷ୍ଟାଇଲ୍, ବିଦେଶୀ ଅଂଶଗ୍ରହଣକାରୀ, ଜାତୀୟ ଝୋଟ ବୋର୍ଡ, ସରକାରୀ ଓ ପିଏସୟୁ, ଫର୍ଣିଚର, କିଚେନ୍ କିଚେନ୍ ଆକସେସୋରିଜ୍, ହାର୍ଡଓୟାର ପାଇଁ ସ୍ଵତନ୍ତ୍ର ହଲ୍ ଖୋଲା ଯାଇଥିବା ବେଳେ ବାଂଲାଦେଶ ସାମଗ୍ରୀଗୁଡିକ ପାଇଁ ଏକ ସ୍ଵତନ୍ତ୍ର ହଲ୍ ଖୋଲାଯାଇଛି |

ପାମ୍ ଆଭେନ୍ୟୁ ଓ ନ୍ୟାସନାଲ୍ ଇନସ୍ୟୁରାନ୍ସ ପ୍ରୟୋଜିତ ଏହି ବାଣିଜ୍ୟ ମେଳା ପରିଦର୍ଶନକାରୀଙ୍କ ପାଇଁ ବିଭିନ୍ନ ଆକର୍ଷଣୀୟ ପୁରସ୍କାର ଜିତିବାର ସୁଯୋଗ ରହିଛି | ରହିଛି | ସେମାନେ ପ୍ରଥମ ପୁରସ୍କାର ଭାବେ କାର, ଦ୍ଵିତୀୟ ପୁରସ୍କାର ବେଡ୍ରୁମ୍ ସେଟ୍ ଓ ତୃତୀୟ ପୁରସ୍କାର ଭାବେ ଡାଇନିଂ ସେଟ୍ ଜିତିପାରିବେ | ଏହି ଅବସରରେ ଜି ଏସ୍ ମାର୍କେଟିଂ ଆସୋସିଏଟ୍ସର ସିଇଓ ପ୍ରକାଶ ଶାହ ଓ ବାଣିଜ୍ୟ ମେଳା ଆୟୋଜନ କମିଟିର ଅଧ୍ୟକ୍ଷ ଏସ୍ ଡି ଗୁପ୍ତା ଉପସ୍ଥିତ ଥିଲେ |

Share in top social networks!

ଏମ୍ଓୟୁ କାରବାର ନେଇ ସିଏଜିଙ୍କ ପ୍ରଶ୍ନ

tn_2-11-2012=5ବିନା କୌଣସି ନୀତିରେ ଗୋଟିଏ ପରେ ଗୋଟିଏ କମ୍ପାନୀ ସହିତ ବୁଝାମଣାପତ୍ର ସ୍ଵାକ୍ଷର ଏବେ ମହଙ୍ଗା ପଡିଛି ରାଜ୍ୟ ସରକାରଙ୍କୁ | ଭାରତର ମହାଲେଖା ସମୀକ୍ଷକ ତଥା ମହାଲେଖା ନିୟନ୍ତ୍ରକ (ସିଏଜି) ପ୍ରଶ୍ନ କରିଛନ୍ତି ରାଜ୍ୟ ସରକାରଙ୍କୁ | ଆସନ୍ତା ବଜେଟ୍ ଅଧିବେଶନରେ ରିପୋର୍ଟ ଉପସ୍ଥାପନ କରିବା ପାଇଁ ଆରମ୍ଭ କରିଛନ୍ତି ଖୋଳତାଡ୍ |

ପଚାରିଛନ୍ତି ରାଜ୍ୟରେ ଇସ୍ପାତ ଓ ବିଦ୍ୟୁତ ପ୍ରକଳ୍ପ ସ୍ଥାପନ ପାଇଁ ସରକାରୀ ନୀତି କଣ? ଏସବୁ ପ୍ରକଳ୍ପ ସ୍ଥାପନ ପୂର୍ବରୁ କମ୍ପିଟେଟିଭ୍ ବିଡିଂ ବା ପ୍ରକଳ୍ପ ପାଇଁ ପ୍ରସ୍ତାବ ଗ୍ରହଣ ପ୍ରକ୍ରିୟା କରାଯାଇନି କାହିଁକି ? ଜମି ଦୁର୍ନୀତି ପରେ ସିଏଜି ଏଭଳି ସଙ୍ଗୀନ ପ୍ରସଙ୍ଗ ଉଠାଇ ସରକାରଙ୍କୁ ଦୁର୍ନୀତି ଓ ଅନିୟମିତତାର ଜାଲକୁ ଭିଡିଛନ୍ତି | ଇଡ୍କଲ ଓ ଇପିକଲ୍ ଏ ପ୍ରସଙ୍ଗରେ ଉପସ୍ଥାପନ କରିଥିବା ଯୁକ୍ତି ସିଏଜିଙ୍କୁ ସନ୍ତୁଷ୍ଟ କରିପାରିନି | ପୁଣି ମାଗିଛନ୍ତି ଜବାବ |୨୦୦୧ ରୁ ୨୦୧୨ ମଧ୍ୟରେ ୯୩ଟି ଶିଳ୍ପସଂସ୍ଥା ସହିତ ବୁଝାମଣାପତ୍ର ସ୍ଵାକ୍ଷର କରିଛନ୍ତି ସରକାର | ୪୯ଟି କମ୍ପାନୀ କେବଳ ଇସ୍ପାତ ଓ ଖଣି ବିଭାଗର | ଏସବୁ କମ୍ପାନୀ ଯିଏ ଯାହା ମାଗିଛନ୍ତି, ମୁକ୍ତ ହସ୍ତରେ ସରକାର ଟେକିଦେଇଛନ୍ତି |

Share in top social networks!