ପାଇପ ଯୋଗେ ଗ୍ୟାସ ବଂଟନ ଯୋଗୁଁ ରାଜ୍ୟର ଭୁବନେଶ୍ୱର, କଟକ ଜିଲ୍ଲାର ଗୃହିଣୀମାନେ ଉପକୃତ ହେବେ

bjppetrol- ପ୍ରଧାନମନ୍ତ୍ରୀ ଏବଂ କେନ୍ଦ୍ର ପେଟ୍ରୋଲିୟମ ମନ୍ତ୍ରୀଙ୍କୁ ଧନ୍ୟବାଦ ସହ କୃତଜ୍ଞତା ଞ୍ଜାପନ
- ରାଜ୍ୟର ବିକାଶ ପାଇଁ ସମସ୍ତ କ୍ଷେତ୍ରରେ ପ୍ରଧାନମନ୍ତ୍ରୀ ତାଙ୍କର ପ୍ରଚେଷ୍ଟା ଜାରି ରଖିଛନ୍ତି
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଦେଶର ସନ୍ତୁଳିତ ବିକାଶକୁ ପ୍ରାଧାନ୍ୟ ଦେଇ କାର୍ଯ୍ୟ କରୁଛନ୍ତି। ଏହି କ୍ରମରେ ପୂର୍ବ ଭାରତ ଦେଶର ଅନ୍ୟ ଅଂଚଳ ତୁଳନାରେ କମ୍ ବିକଶିତ। ଓଡିଶା ଏଥି ମଧ୍ୟରୁ ଅନ୍ୟତମ। ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀ ତାଙ୍କ ଭାଷଣରେ ଓଡିଶାବାସୀଙ୍କ ସ୍ନେହ ଓ ଭଲ ପାଇବାକୁ ସୁଧମୁଳ ସହିତ ଫେରସ୍ତ କରିବେ ବୋଲି ଘୋଷଣା କରିଥିଲେ। ରାଜ୍ୟର ବିକାଶ ପାଇଁ ସମସ୍ତ କ୍ଷେତ୍ରରେ ପ୍ରଧାନମନ୍ତ୍ରୀ ତାଙ୍କର ପ୍ରଚେଷ୍ଟା ଜାରି ରଖିଛନ୍ତି। ଏହି କ୍ରମରେ ଗତକାଲି କେନ୍ଦ୍ର କ୍ୟାବିନେଟ ପକ୍ଷରୁ ଧାମରା-ବୋକାରୋ ଏବଂ ଜଗଦିଶପୁର-ହଳଦିଆ ଦେଇ ପାଇପ ଯୋଗେ ଗ୍ୟାସ ସଂଯୋଗ ପ୍ରକଳ୍ପ ଘୋଷଣା କରାଯାଇଛି। ଏହି ପ୍ରକଳ୍ପରେ ରାଜ୍ୟର ଭୂବନେଶ୍ୱର ଏବଂ କଟକ ସହରକୁ ଅନ୍ତର୍ଭୁକ୍ତ କରାଯାଇଥିବାରୁ ରାଜ୍ୟ ବିଜେପି ତରଫରୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଏବଂ ପେଟ୍ରୋଲିୟମ ଓ ପ୍ରାକୃତିକ ବାଷ୍ପ ରାଷ୍ଠ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଧନ୍ୟବାଦ ଜ୍ଞାପନ କରାଯାଇଅଛି।
ଆଜି ରାଜ୍ୟ ବିଜେପି କାର୍ଯ୍ୟାଳୟ ଠାରେ ଆୟୋଜିତ ଏକ ଭବ୍ୟ ସମାରୋହରେ ଭୂବନେଶ୍ୱର ଜିଲ୍ଲା ସଭାପତି ଶ୍ରୀ ହରେକୃଷ୍ନ ଖୁଂଟିଆଙ୍କ ଅଧ୍ୟକ୍ଷତାରେ ଅନୁଷ୍ଠିତ ଧନ୍ୟବାଦ ସଭାରେ ବିଧାୟକ ଦଳର ନେତା ଶ୍ରୀ କନକ ବର୍ଦ୍ଧନ ସିଂଡଦେଓ, ଉପସଭାପତି ଶ୍ରୀ ସମୀର ମହାନ୍ତି, ସାଧରଣ ସଂପାଦକ ଶ୍ରୀ ପୃଥିରାଜ ହରିଚନ୍ଦନ, ରାଜ୍ୟ ସମ୍ପାଦକ ଶ୍ରୀ ଦିଲ୍ଳିପ ମଲ୍ଲିକ, ପ୍ରବକ୍ତା ଦିଲ୍ଲିପ ମହାନ୍ତି, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅମୀୟ ଦାଶ, ଜଗନ୍ନାଥ ପ୍ରଧାନ, ଯୁବମୋର୍ଚ୍ଚା ରାଜ୍ୟ ସଭାପତି ଟଙ୍କଧର ତ୍ରିପାଠୀ, ଯୁବମୋର୍ଚ୍ଚା ସାଧାରଣ ସଂପାଦକ ବିଶ୍ୱରଂଜନ ବଡଜେନା, ଜିଲ୍ଲା ସଭାନେତ୍ରୀ ମିନାକ୍ଷୀ ପ୍ରିୟଦର୍ଶିନୀ, ଶୁଶାନ୍ତ ସାବତ, ବିଭାସ ସେନଗୁପ୍ତ, ଶିବପ୍ରସାଦ ବେହେରା, ଅଚ୍ୟୁତାନନ୍ଦ ରଣଜିତ, ରୁପାଲୀ ଠାକୁର, ସଂଜୁଲତା ଶତପଥୀ, ସଂଗ୍ରାମ ନାୟକ, ସଂଜିବ ମିଶ୍ର ପ୍ରମୁଖ ଯୋଗଦେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ପେଟ୍ରୋଲିୟମ ବିଭାଗ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ସାଧୁବାଦ ଜଣାଇଥିଲେ।
ରାଜ୍ୟରେ ହେଉଥିବା ଏହି ପ୍ରଳ୍ପରେ ପ୍ରାୟ ୧୩ ହଜାର କୋଟି ଟଙ୍କା ବ୍ୟୟ ହେବ ଏବଂ ଏହାଦ୍ୱାରା କଟକ , ଭୁବନେଶ୍ୱର ସମେତ ବାଲେଶ୍ୱର, ଭଦ୍ରଖ, ମୟୁରଭଂଜ, କେନ୍ଦୁଝର ଜିଲ୍ଲାର ଉପଭୋକ୍ତା ମାନଙ୍କୁ ଗ୍ୟାସ ପାଇପ ମାଧ୍ୟମରେ ଘରକୁ ଯୋଗାଇ ଦିଆଯିବ। ଏହି ପ୍ରକଳ୍ପରେ ୨୧ ହଜାର ବ୍ୟକ୍ତି ସିଧାସଲଖ ଭାବେ ନିଯୁକ୍ତିର ସୁଯୋଗ ପାଇ ପାରିବେ। ରାଜ୍ୟର ଗୃହିଣୀ ମାନଙ୍କ ପାଇଁ ଏହା ବେଶ ସୁବିଧା ଜନକ ହେବ ଏବଂ ଗ୍ୟାସ ପାଇଁ କୌଣସି ସମସ୍ୟା ରହିବ ନାହିଁ। ଏହି ଭଳି ସଂଯୋଗ ଦ୍ୱାରା ଗ୍ୟାସ ଚୋରି ବନ୍ଦ ହେବା ସହିତ ଦୁର୍ନିତୀ ମଧ୍ୟ ବନ୍ଦ ହେବ ବୋଲି ବିଜେପି ନେତୃବୃନ୍ଦ ମତ ଦେଇଥିଲେ।
ବିଧାୟକ ଦଳର ନେତା ଶ୍ରୀ ସିଂହଦେଓ କହିଥିଲେଯେ, ୨୦୧୨ ମସିହାରେ ଶ୍ରୀ ମୋଦି ଗୁଜରାଟର ମୁଖ୍ୟମନ୍ତ୍ରୀ ଥିବାବେଳେ ତାଙ୍କ ରାଜ୍ୟରେଏହି କାର୍ଯ୍ୟ ଆରମ୍ଭ କରିବାକୁ ଯାଉଥିବା ସମୟରେ ସେତେବେଳର କେନ୍ଦ୍ର ଉପା ସରକାର ସୁପ୍ରିମକୋର୍ଟ ଯାଇ ଏହାର ବିରୋଧ କରିଥିଲେ। ତେବେ ବର୍ତମାନ କେନ୍ଦ୍ର ସରାକର ଘରକୁ ଗ୍ୟାସ ପାଇପ ଦ୍ୱାରା ଯୋଗାଇ ଦେବା ପାଇଁ ସ୍ଥିର କରିଛନ୍ତି। ଆଗାମୀ ଦୁଇ ବର୍ଷ ମଧ୍ୟରେ ଓଡିଶାରେ ଏହି ପ୍ରକଳ୍ପର କାର୍ଯ୍ୟ ଶେଷ ହେବା ସହିତ ଆଗାମୀ ଦିନମାନଙ୍କରେ ଏହା ରାଜ୍ୟର ସମସ୍ତ ଅଂଚଳରେ କାର୍ଯ୍ୟକ୍ଷମ କରାଯିବ ବୋଲି ଶ୍ରୀ ସିଂହଦେଓ ଆଶାବ୍ୟକ୍ତ କରିଥିଲେ।ଏହାପରେ ଜିଲ୍ଲା ତରଫରୁ ପ୍ରଧାନମନ୍ତ୍ରୀ ଶ୍ରୀ ମୋଦି ଏବଂ କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନଙ୍କୁ ଧନ୍ୟବାଦ ଜଣାଇ ଖୁସିରେ ଦଳର ସମସ୍ତ କାର୍ଯ୍ୟକର୍ତା ବାଜା ବଜାଇ ମିଷ୍ଠାନ ବଂଟନ କରିଥିଲେ।

Share in top social networks!

ସମସ୍ତ ଯୋଗ୍ୟ ହିତାଧିକାରୀଙ୍କୁ ରାସନ କାର୍ଡ ମିଳିବା ପର୍ଯ୍ୟନ୍ତ ଗାଁ-ଗାଁରେ ସଂଘର୍ଷ କରିବ ବିଜେପି : ବସନ୍ତ ପଣ୍ଡା

bansantababuଭାରତୀୟ ଜନତା ପାର୍ଟୀ ଜନ ଅଧିକାର ଓ ଜନ ସଂଘର୍ଷର ରାସ୍ତାରେ ରାଜ୍ୟର ତୃଣମୂଳ ସ୍ତରରେ କାର୍ଯ୍ୟ କରିବ ବୋଲି ରାଜ୍ୟ ସଭାପତି ଦାୟିତ୍ୱ ନେବା ପରେ ତାଙ୍କର ପ୍ରଥମ ସାମ୍ବାଦିକ ସମ୍ମିଳନୀରେ ଶ୍ରୀ ବସନ୍ତ ପଣ୍ଡା ଘୋଷଣା କରିଛନ୍ତି । ରାଜ୍ୟରେ ଜାତୀୟ ଖାଦ୍ୟ ସୁରକ୍ଷା ଆଇନ ଅଧୀନରେ ପ୍ରସ୍ତୁତ ରାସନକାର୍ଡ ତାଲିକାରେ ବ୍ୟାପକ ସଂଖ୍ୟାରେ ଯୋଗ୍ୟ ହିତାଧିକାରୀ ବାଦ ପଡିବା ଓ ରାଜ୍ୟ ଶାସକ ଦଳର ଧନୀ କର୍ମୀ ଓ ନେତା ବ୍ୟାପକ ମାତ୍ରାରେ ସାମିଲ ହେବା କାରଣରୁ ଏହି ତାଲିକାର ବିଶ୍ୱସନୀୟତା ଉପରେ ପ୍ରଶ୍ନଚିହ୍ନ ଲାଗିଛି । ଏହି ପରିପ୍ରେକ୍ଷୀରେ ପ୍ରସ୍ତୁତ ହୋଇଥିବା ତାଲିକାକୁ ସମ୍ପୂର୍ଣ ରଦ୍ଧ କରି ନୂତନ ଭାବେ ତାଲିକା ପ୍ରସ୍ତୁତ କରିବା ପାଇଁ ଦାବି କରିବା ସହ ଯେପରି ଗୋଟିଏ ବି ଯୋଗ୍ୟ ପରିବାର ବାଦ ପଡିବେ ନାହିଁ, ଏହା ନିଶ୍ଚିତ କରିବାକୁ ସେ ଦୃଢ ଦାବି କରିଛନ୍ତି ।
ସାରା ରାଜ୍ୟରେ ଜାତୀୟ ଖାଦ୍ୟ ସୁରକ୍ଷା ଆଇନ ଅନୁସାରେ ରାସନ କାର୍ଡ ବଂଟନ ପ୍ରକ୍ରିୟାରେ ଯୋଗ୍ୟ ହିତାଧିକାରୀ ବ୍ୟାପକ ସଂଖ୍ୟାରେ ବାଦ ପଡିବା ଘଟଣାରେ ଶ୍ରୀ ପଣ୍ଡା ଗଭୀର ଉଦବେଗ ପ୍ରକାଶ କରିବା ସହ ଏହି ପ୍ରସଙ୍ଗରେ ଜନ ଅଧିକାରର ବ୍ୟାପକ ଉଲ୍ଲଂଘନ ହୋଇଛି ବୋଲି ଶ୍ରୀ ପଣ୍ଡା ଅଭିଯୋଗ କରିଛନ୍ତି । ଏହି ପ୍ରସଙ୍ଗରେ ଲୋକଙ୍କୁ ସେମାନଙ୍କର ନ୍ୟାଯ୍ୟ ଅଧିକାର ଦେବା ପାଇଁ ୪୦ ଲକ୍ଷ ସଦସ୍ୟଙ୍କୁ ନେଇ ତାଙ୍କ ଦଳର ନେତା ଗାଁ – ଗାଁ କୁ ଯାଇ ଜନ ସଚେତନତା ସୃଷ୍ଟି କରିବା ସହ ଜନସାଧାରଣଙ୍କୁ ସାଙ୍ଗରେ ନେଇ ଏହି ଜନ ଆନେ୍ଦାଳନକୁ ବ୍ୟାପକ କରିବାକୁ ଶ୍ରୀ ପଣ୍ଡା ଦଳର କାର୍ଯ୍ୟକର୍ତା ମାନଙ୍କୁ ଆହ୍ୱାନ ଜଣାଇଛନ୍ତି ।
ଜାତୀୟ ଖାଦ୍ୟ ସୁରକ୍ଷା ଆଇନ ଅନୁସାରେ କେନ୍ଦ୍ର ସରକାରଙ୍କର ଗାଇଡଲାଇନ ଆଧାରରେ ରାଜ୍ୟ ସରକାର ପ୍ରସ୍ତୁତ କରିଥିବା ୬ଟି ସାମିଲ କରିବାର ଆଧାର ଓ ୯ଟି ବାଦ ଦେବାର ଆଧାର ଅନୁସାରେ ତାଲିକା ପ୍ରସ୍ତୁତି କରାଯାଇଥିଲେ ଏଥିରେ ଦୋଷ ତ୍ରୁଟି ରହିବାର ସମ୍ଭାବନା ବହୁତ କମ । ମାତ୍ର ତାଲିକା ପ୍ରସ୍ତୁତିର ବ୍ୟାପକ ଅନିୟମିତତା ଓ ଯୋଗ୍ୟ ହିତାଧିକାରୀ ବାଦ ପଡିବା ସରକାର ମଧ୍ୟ ସ୍ପଷ୍ଟ ଭାବରେ ସ୍ୱୀକାର କରି ସାରିଛନ୍ତି । ଏହିି ପରିସ୍ଥିତିରେ ରାଜ୍ୟ ସରକାରଙ୍କ ଆଭିମୁଖ୍ୟକୁ ଶ୍ରୀ ପଣ୍ଡା ଦୃଢ ସମାଲୋଚନା କରିଛନ୍ତି ।
ରାସନ କାର୍ଡ ପ୍ରସ୍ତୁତିର ତ୍ରୁଟିକୁ ତୃଣମୂଳ ସ୍ତରରେ କାର୍ଯ୍ୟ କରୁଥିବା ଛୋଟକାଟିଆ ସରକାରୀ କର୍ମଚାରୀଙ୍କ ଉପରେ ଦୋଷ ଲଦି ମୁଖ୍ୟମନ୍ତ୍ରୀ, ମନ୍ତ୍ରୀ, ସରକାରୀ ଦଳର ବିଧାୟକ, ଜିଲ୍ଲା ପରିଷଦ, ବ୍ଲକ ପଂଚାୟତ, ପୌର ସଂସ୍ଥାର ପଦପଦବୀରେ ଥିବା ଶାସକ ଦଳର ନେତା ତଥା ଶାସକ ଦଳର ବଡ ନେତା ଓ କର୍ମୀ ନିଜକୁ ଦୋଷ ମୁକ୍ତ କରି ପାରିବେ ନାହିଁ ବୋଲି ଶ୍ରୀ ପଣ୍ଡା କହିଛନ୍ତି । ଯୋଗ୍ୟ ହିତାଧିକାରୀଙ୍କୁ ବାଦ ଦେବା ଓ ଶାସକ ଦଳର ଧନୀ ନେତା ଓ କର୍ମୀଙ୍କୁ ସାମିଲ କରିବା ପଛରେ କେବଳ ତୃଣମୂଳ ସ୍ତରରେ ସରକାରୀ କର୍ମଚାରୀ ନୁହନ୍ତି ବରଂ ଶାସକ ଦଳର କାହା ଇଙ୍ଗିତରେ ଭୁଲ ତାଲିକା ପ୍ରସ୍ତୁତ ହୋଇଛି, ତଦନ୍ତ କରାଯାଇ ଏହା ସ୍ପଷ୍ଟ କରାଗଲେ ପ୍ରକୃତ ଦୋଷୀର ମୁଖା ଖୋଲିବ ବୋଲି ଶ୍ରୀ ପଣ୍ଡା କହିଛନ୍ତି ।

ଖାଦ୍ୟ ସୁରକ୍ଷା ଆଇନରେ ଓଡିଶାର ମୋଟ ଜନ ସଂଖ୍ୟାର ୭୮ ଭାଗ ଅର୍ଥାତ ୩ କୋଟି ୨୬ ଲକ୍ଷ ୫୦ ହଜାର ଲୋକ ସାମିଲ ହୋଇ ପାରିବେ ବୋଲି କେନ୍ଦ୍ର ସରକାର ସ୍ପଷ୍ଟ ଭାବେ ଗାଇଡଲାଇନ ଜାରୀ କରିଛନ୍ତି । ଓଡିଶାର ସବୁ ଗରୀବଙ୍କୁ ଏହି ତାଲିକାରେ ଯୋଡିବା ପାଇଁ କୌଣସି ସମସ୍ୟା ନାହିଁ । ମାତ୍ର ଏହି ବ୍ୟାପକ ଖାଦ୍ୟ ସୁରକ୍ଷା ଯୋଜନାକୁ ଚଂଚକତା ପୂର୍ବକ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଖାଦ୍ୟ ସୁରକ୍ଷାର ପ୍ରତିବଦ୍ଧତା ଭାବେ ଗଣମାଧ୍ୟମରେ ବିଜ୍ଞାପନ ଜରିଆରେ ପ୍ରଚାର ତଥା ମୁଖ୍ୟମନ୍ତ୍ରୀ ଓ ମନ୍ତ୍ରୀ ମାନେ ଏହାକୁ ଯେପରି ରାଜ୍ୟ ସରକାରଙ୍କର ନିଜସ୍ୱ ଯୋଜନା ଭାବେ ପ୍ରଚାରିତ କରିବାକୁ ଚେଷ୍ଟା କଲେ, ତାହା ସଂଘୀୟ ବ୍ୟବସ୍ଥାର ଦୃଢ ବିରୋଧାଚରଣ କରୁଛି ବୋଲି ଶ୍ରୀ ପଣ୍ଡା ଅଭିଯୋଗ କରିଛନ୍ତି । ଟଙ୍କିକିଆ ଚାଉଳ ମୁଖ୍ୟମନ୍ତ୍ରୀଙ୍କ ନିଜସ୍ୱ ଯୋଜନା ଭାବରେ ଦର୍ଶାଇ ଅଧିକରୁ ଅଧିକ ଅଯୋଗ୍ୟ ଓ ସ୍ୱଚ୍ଛଳ ବିଜେଡି ନେତା ଓ କର୍ମୀଙ୍କୁ ସାମିଲ କରି ଏଥିରୁ ରାଜନୈତିକ ସ୍ୱାର୍ଥ ଲାଭର ଏକ ସୁଚିନ୍ତିତ ଷଡଯନ୍ତ୍ରରେ ପରିଣତ କରିଥିବା ସ୍ପଷ୍ଟ ହୋଇ ଯାଇଛି । ଜାତୀୟ ଖାଦ୍ୟ ସୁରକ୍ଷା ଆଇନରେ ଅଭିଯୋଗ ଶୁଣାଣୀ ଓ ସମାଧାନ ପାଇଁ ଯେଉଁ ଯେଉଁ ବ୍ୟବସ୍ଥା ରହିଛି ଯେପରି ରାଜ୍ୟ ସ୍ତରରେ ଖାଦ୍ୟ କମିଶନ, ଜିଲ୍ଲାସ୍ତରରେ ଗ୍ରିଭାନ୍ସ ରିଡ୍ରେସାଲ ବ୍ୟବସ୍ଥାକୁ ଜାଣିଶୁଣି ବନ୍ଦ କରି ରାସନକାର୍ଡ ବଂଟନ ପ୍ରକ୍ରିୟାକୁ ଦଳୀୟ ଆଧାରରେ ପରିଚାଳିତ କରିବାର ଷଡଯନ୍ତ୍ର ଏବେ ସ୍ପଷ୍ଟ ହୋଇଛି ।
ବିଜେପି କେନ୍ଦ୍ର ସରକାରଙ୍କର ଏହି ଜାତୀୟ ଖାଦ୍ୟ ସୁରକ୍ଷା ଆଇନ ସମ୍ବନ୍ଧରେ ଗାଁ – ଗାଁ ରେ ସଚେତନତା ସୃଷ୍ଟି କରିବ । ତାଲିକାରୁ ଜଣେ ବି ଯୋଗ୍ୟ ପରିବାର ବାଦ ପଡିବେନି ସେଥି ପାଇଁ ବିଜେପି ସଂଘର୍ଷର ରାସ୍ତାରେ ଯିବ । ଏହା ସହ ସାଧାରଣ ଲୋକ ଏକ ଟଙ୍କାରେ ପାଉଥିବା ଚାଉଳର ମୂଲ୍ୟରୁ କେନ୍ଦ୍ର ସରକାର ୨୭ ଟଙ୍କା ବହନ କରୁଥିବା ବେଳେ ରାଜ୍ୟ ସରକାର ୨ ଟଙ୍କା ଦେଇ ଚଂଚକତାର ସହିତ ନିଜସ୍ୱ କାର୍ଯ୍ୟକ୍ରମ ଭାବେ କିପରି ମିଥ୍ୟା ପ୍ରଚାର କରି ଜନମତକୁ ନିଜ ଆଡକୁ ନେବା ପାଇଁ ସରକାରୀ କଳର ଅପ ବ୍ୟବହାର କରୁଛି ତାହା ଲୋକଲୋଚନକୁ ଆଣିବା ପାଇଁ ତୃଣମୂଳ ସ୍ତରର ଦଳୀୟ କାର୍ଯ୍ୟକର୍ତାଙ୍କୁ ଶ୍ରୀ ପଣ୍ଡା ଆହ୍ୱାନ ଜଣାଇଛନ୍ତି । ଶ୍ରୀ ପଣ୍ଡା ମୁଖ୍ୟମନ୍ତ୍ରୀ ଓ ରାଜ୍ୟ ସରକାରଙ୍କୁ ଆହ୍ୱାନ ଜଣାଇ କହିଛନ୍ତି ଯେ ସରକାର ତାଙ୍କର ଏ ସମ୍ପର୍କରେ ମତ ସ୍ପଷ୍ଟ କରନ୍ତୁ ଯାହା ଦ୍ୱାରା ଓଡିଶାର ସାଧାରଣ ଲୋକ ପ୍ରକୃତ ସତ୍ୟ କଣ ଜାଣି ପାରିବେ ।
ଖାଦ୍ୟ ସୁରକ୍ଷା ଆଇନ ସମ୍ପର୍କିତ ଏକ ପ୍ରାଚୀରପତ୍ରକୁ ଶ୍ରୀ ପଣ୍ଡା ଉନ୍ମୋଚିତ କରିବା ସହ ଏହି ବାର୍ତାକୁ ଗାଁ- ଗାଁକୁ ପହଂଚାଇ ରାଜ୍ୟ ସରକାରଙ୍କ ଚଂଚକତାକୁ ଜନସଚେତନତା ମାଧ୍ୟମରେ ସ୍ପଷ୍ଟ କରାଯିବ ବୋଲି ଏହି ସାମ୍ବାଦିକ ସମ୍ମିଳନୀରେ ଘୋଷଣା କରିଛନ୍ତି ।
ସଭାପତି ହେବା ପରେ ଶ୍ରୀ ପଣ୍ଡା ଚାରି ସୂତ୍ରୀ କାଯ୍ୟକ୍ରମ ଆଧାରରେ କାମ କରିବେ ବୋଲି ସ୍ପଷ୍ଟ କରିଛନ୍ତି । ପ୍ରଥମରେ ତୃଣମୂଳ ସ୍ତରରେ ଦଳୀୟ ସଙ୍ଗଠନକୁ ମଜବୁତ କରିବା, ଦ୍ୱିତୀୟରେ ଯୁବ ଶକ୍ତି ଓ ମାତୃଶକ୍ତିକୁ ଅଧିକ ପ୍ରାଧାନ୍ୟ ଦେବା, ତୃତୀୟରେ ମୋଦୀ ସରକାରଙ୍କର ଜନକଲ୍ୟାଣକାରୀ ଯୋଜନାକୁ ବ୍ୟାପକ ପ୍ରଚାର କରିବା ଚତୁର୍ଥରେ ରାଜ୍ୟ ସରକାରଙ୍କର ଜନବିରୋଧୀ କାଯ୍ୟକୁ ଜନ ଆନେ୍ଦାଳନରେ ପରିଣତ କରିବା ।

Share in top social networks!

ଚାଷୀ ଆତ୍ମହତ୍ୟା ପାଇଁ ନବୀନ ଦାୟୀ : ବିଜୟ; ଚାଷୀଙ୍କ ପାଇଁ ହେଲପ ଲାଇନର ଶୁଭାରମ୍ଭ କଲା ବିଜେପି

bijayସାମ୍ବାଦିକ ସମ୍ମିଳନୀରେ ବିଜୟ ମହାପାତ୍ର କହିଲେଯେ, ରାଜ୍ୟରେ ଏବେ ଭୟାନକ ମରୁଡ଼ି ପଡ଼ିଛି । ଦିନକୁ ଦିନ ଚାଷୀ ଆତ୍ମହତ । ଉଗ୍ରରୂପ ଧାରଣ କରିଛି । ଫଳରେ ଚାଷୀଙ୍କ ମନରେ ହତାଶା, ନିରାଶା ଓ ଆତଙ୍କ ଖେଳିଯାଇଛି । ଓଡ଼ିଶାର ମରୁଡ଼ି ସ୍ଥିତି ନେଇ କେନ୍ଦ୍ରୀୟ ଟିମ ବୁଲି ଦେଖିସାରିଥିବାବେଳେ ମୁଖ୍ୟମନ୍ତ୍ରୀ, ମନ୍ତ୍ରୀ ଓ ବାବୁମାନେ ଗୋଟିଏ ବି ଓଳି ଯିବାକୁ ସମୟ ପାଇନାହାନ୍ତି । ବର୍ଷା କମ ହେବବୋଲି ବହୁ ପୂର୍ବରୁ ପାଣିପାଗ ବିଭାଗ ପୂର୍ବାନୁମାନ କରିଥିବାବେଳେ ସରକାର କୌଣସି କଣ୍ଡିଜେନ୍ସୀ ପ୍ଲାନ ପ୍ରସ୍ତୁତ କରିନଥିଲେ । କେନ୍ଦ୍ରୀୟ ଟିମ କ୍ଷେତ୍ର ପରିଦର୍ଶନ କରି ଯିବା ପରେ ସରକାରଙ୍କର ନିଦ ଭାଙ୍ଗିଲା ବୋଲି ସେ କହିଛନ୍ତି ।
ଶ୍ରୀ ମହାପାତ୍ର କହିଲେଯେ, ଏଯାଏଁ ରାଜ୍ୟ ସରକାର ମରୁଡ଼ି କ୍ଷୟକ୍ଷତି ଆକଳନ କରିନାହାନ୍ତି । ରାଜସ୍ୱ ମନ୍ତ୍ରୀ ଓ କୃଷି ମନ୍ତ୍ରୀଙ୍କ କଥାରେ ତାଳମେଳ ରହୁନାହିଁ । ମୋଟାମୋଟି ଭାବେ ଦେଖିଲେ ରାଜ୍ୟ ସରକାର ଏହାକୁ ଖାତ୍ମଖିଆଲି ଓ ମାମୁଲି ଭାବେ ଘଟଣାକୁ ନେଇଛନ୍ତି । ଗଲା ୧୪ରେ ମୁଖ୍ୟମନ୍ତ୍ରୀ ମରୁଡ଼ି ପ୍ୟାକେଜ ଘୋଷଣା କରିଛନ୍ତି । ହେଲେ ସେହିଦିନ ଠାରୁ ଆଜି ଯାଏଁ ଚାଷୀ ଆତ୍ମହତ୍ୟା ବଢ଼ିଚାଲିଛି । ପୂର୍ବରୁ ପଶ୍ଚିମାଞ୍ଚଳରେ ଚାଷୀ ଆତ୍ମହତ୍ୟା ବଢ଼ି ଚାଲିଥିବାବେଳେ ଏବେ ପୂର୍ବାଞ୍ଚଳରେ ଏହି ଧାରା ପରିଲକ୍ଷିତ ହୋଇଛି । ସାରା ରାଜ୍ୟରେ ଏମିତି ଅବସ୍ଥା ସୃଷ୍ଟି ହୋଇଛି । ଗତକାଲି ମୁଖ୍ୟମନ୍ତ୍ରୀ ଦିଲ୍ଲୀରେ ଛୁଟି କାଟି ଫେରିବା ପରେ ଋଣ ପୂନହଃଧାର୍ଯ୍ୟ କରିବେ ବୋଲି କହିଛନ୍ତି । ହେଲେ ଯେଉଁ ଚାଷୀମାନେ ଆତ୍ମହତ୍ୟା କରିଛନ୍ତି ସେମାନେ ସରକାରୀ ଋଣ ନେଇନାହାନ୍ତି । ଗାଁ ମହାଜନଙ୍କ ଠାରୁ ସୁଧରେ ଟଙ୍କା ଆଣିଛନ୍ତି । ଏହାକୁ କିପରି ପୂନହଃଧାର୍ଯ୍ୟ କରାଯାଇପାରିବ ବୋଲି ସେ ପ୍ରଶ୍ନ କରିଛନ୍ତି ।
ସରକାରଙ୍କ ଉପରେ ଚାଷୀଙ୍କର ଆଉ ବିଶ୍ୱାସ ନାହିଁ । ଫସଲ କ୍ଷତି ହେଲେ ଚାଷୀ ଆର ଫସଲକୁ ଅପେକ୍ଷା କରିଥାଏ । ହେଲେ ଫସଲ କ୍ଷତି ଓ ଋଣ ବୋଝ ଚାଷୀକୁ ଏତେ ଅତିଷ୍ଠ କରିଦେଇଛିଯେ, ମୃତୁ୍ୟଭଳି ଚରମ ପଦକ୍ଷେପ ନେବାକୁ ଚାଷୀ ବାଧ୍ୟ ହୋଇଛି । ସମବାୟ ବିଭାଗ ଜରିଆରେ ହଜାର ହଜାର କୋଟି ଟଙ୍କାର କୃଷି ଋଣ ଦିଆଯାଉଥିଲେ ମଧ୍ୟ ତାହା ପ୍ରକୃତ ଚାଷୀ ପାଏ ନାହିଁ । ଜମି ମାଲିକ ଓ ବିଜେଡ଼ି ନେତାମାନଙ୍କ ପକେଟକୁ ଏହି ଋଣ ଟଙ୍କା ଯାଇଥାଏ । ସେହିପରି କ୍ଷତିପୂରଣ ବେଳେବି ଭାଗଚାଷୀକୁ କିଛି ମିଳେନାହିଁ । ଏଭଳି ଅବସ୍ଥାରୁ ମୁକୁଳିବା ପାଇଁ ଓଏଲଆର ଆଇନରେ ସଂଶୋଧନ କରିବାକୁ ସରକାର ଚିନ୍ତା କରିଥିଲେ । ଏନେଇ ଏକ ଉଚ୍ଚସ୍ତରୀୟ କମିଟି ସରକାରଙ୍କ ରିପୋର୍ଟ ଦେଇଥିବାବେଳେ ଆଇନ ବିଭାଗ ମଧ୍ୟ ତର୍ଜମା କରିସାରିଛି । ଏବେ ଏହି ରିପୋର୍ଟ ମୁଖ୍ୟମନ୍ତ୍ରୀଙ୍କ ପାଖରେ ରହିଛି । ଯଦି ଚାଷୀ ପାଇଁ ସରକାରଙ୍କର ଏତେ ଦରଦ ତେବେ ଏହି ରିପୋର୍ଟ ମୁଖ୍ୟମନ୍ତ୍ରୀ କାହିଁକି ଚାପି ରଖିଛନ୍ତି ବୋଲି ବିଜୟ ପ୍ରଶ୍ନ କରିଛନ୍ତି ।
ଶ୍ରୀ ମହାପାତ୍ର କହିଲେଯେ, ଯେଉଁ ୩୬ ଚାଷୀ ଆତ୍ମହତ୍ୟା କରିଛନ୍ତି ସେମାନଙ୍କ ଋଣ ପରିମାଣ ମାତ୍ର ୧୫ ଲକ୍ଷ ଟଙ୍କା ହେବ । ମୁଖ୍ୟମନ୍ତ୍ରୀ ଥରେ ହେଲିକପ୍ଟରରେ ଗଲେ ୧୦ ଲକ୍ଷ ଟଙ୍କା ଖର୍ଚ୍ଚ ହେଉଛି । ଯଦି ଚାଷୀ ପାଇଁ ସେତିିକି ଟଙ୍କା ଉପଯୋଗ ହୋଇଥା’ନ୍ତା ତେବେ ଚାଷୀ ଆତ୍ମହତ୍ୟା ହୁଅନ୍ତା ନାହିଁ ବୋଲି ବିଜୟ କହିଛନ୍ତି । ସେହିପରି ଗଲା ୧୦ ବର୍ଷ ମଧ୍ୟରେ ରାଜ୍ୟ ସରକାର ଯୋଜନା ବ୍ୟୟ ବାବଦରେ ଦେଢ଼ ଲକ୍ଷ କୋଟି ଟଙ୍କା ବ୍ୟୟ କରିଥିବାବେଳେ କେବଳ କୃଷି ପାଇଁ୨୫ ହଜାର କୋଟି ଟଙ୍କା ଖର୍ଚ୍ଚ କରିଛନ୍ତି । କିନ୍ତୁ ବାସ୍ତବରେ ଏହା ଚାଷ ଓ ଚାଷୀ ପାଇଁ ଖର୍ଚ୍ଚ ହୋଇନାହିଁ । ଯଦି ହୋଇଥା’ନ୍ତା ତେବେ ମରୁଡ଼ି ସ୍ଥିତି ଏତେ ଉକôଟ ହୋଇନଥା’ନ୍ତା । ସେହିପରି ଏବେ ରାଜ୍ୟ ସରକାର କେନ୍ଦ୍ରକୁ ମରୁଡ଼ି ପାଇଁ ୩୫ ଶହ ଓ ଜଳସେଚନ ପାଇଁ ୫ ହଜାର କୋଟି ଟଙ୍କା ମାଗିଛନ୍ତି । ଯଦି କେନ୍ଦ୍ର ରାଜ୍ୟକୁ ୮୫୦୦ କୋଟି ଦେଇଦିଏ ସରକାର ଚାଷୀ ଆତ୍ମହତ୍ୟାକୁ ରୋକିପାରିବେ କି ବୋଲି ସେ ପ୍ରଶ୍ନ କରିଛନ୍ତି । ଗୋଟିଏ ପଟେ ରାଜ୍ୟ ସରକାର ୯ ହଜାର କୋଟି ଟଙ୍କା ଖର୍ଚ୍ଚ କରିନପାରି କେନ୍ଦ୍ରକୁ ଫେରାଇ ଦେଇଥିବାବେଳେ ଏବେ କେଉଁ ମୁହଁରେ ଟଙ୍କା ମାଗୁଛନ୍ତି ବୋଲି ବିଜୟ ପ୍ରଶ୍ନ କରିଛନ୍ତି ।
ଚାଷୀଙ୍କ ପାଇଁ ଲଢ଼ିବାକୁ ବିଜେପି ସଂକଳ୍ପ ନେଇଛି । ଆତ୍ମହତ୍ୟା କରିଥିବା ଚାଷୀଙ୍କ ଘରକୁ ଯାଇ ବିଜେପି ପ୍ରତିନିଧିଦଳ ସମବେଦନା ଜଣାଇବା ସହ ସେମାନଙ୍କ ପାଇଁ ଲଢ଼ିବାକୁ ପ୍ରତିଶ୍ରୁତି ଦେଇଛି । ଚାଷୀମାନେ ଆତ୍ମହତ୍ୟା ଭଳି ଚରମ ପଦକ୍ଷେପରୁ ନିବୃତ୍ତ ରହିବାକୁ ବିଜେପି ପକ୍ଷରୁ ନିବେଦନ କରାଯାଇଛି । ଚାଷୀମାନେ ଯଦି କୌଣସି ସମସ୍ୟାରେ ପଡ଼ିଥିବେ ତେବେ ବିଜେପି କ୍ଷତିଗ୍ରସ୍ତ କୃଷକ ହେଲପ ଲାଇନ ନମ୍ବର ୦୬୭୪-୨୫୩୧୮୮୬, ୦୬୭୪-୨୫୩୧୮୮୭ ଓ ୯୪୩୯୯୨୮୨୩୮ରେ ଫୋନ କରି ସମସ୍ୟା ଜଣାଇବାକୁ ବିଜେପି ପକ୍ଷରୁ ଶ୍ରୀ ମହାପାତ୍ର ଅନୁରୋଧ କରିଛନ୍ତି ।
ଏହି ସାମ୍ବାଦିକ ସମ୍ମିଳନୀରେ ବିଜେପି ରାଜ୍ୟ ସଭାପତି କନକବର୍ଦ୍ଧନ ସିଂହଦେଓ କହିଲେଯେ, କ୍ଷୁଦ୍ର ଚାଷୀମାନେ ସାହୁକାରଙ୍କ ଠାରୁ ଋଣ ନିଅନ୍ତି । ସେହିପରି କୃଷି ଋଣ ନେଇଥିବା ଚାଷୀମାନଙ୍କ ଋଣ ପୂନହଃଧାର୍ଯ୍ୟ କରିବାକୁ ସରକାର ଘୋଷଣା କରିଛନ୍ତି । ତେବେ ଏହା ହେଲେ ଚାଷୀକୁ ସୁଧ ଦେବାକୁ ପଡ଼ିବ । ଋଣ ଶୁଝିନପାରି ଚାଷୀ ଆତ୍ମହତ୍ୟା କରୁଥିବାବେଳେ ପୂନହଃଧାର୍ଯ୍ୟ ବ୍ୟବସ୍ଥା ଦ୍ୱାରା ଚାଷୀ କିଛି ଫାଇଦା ପାଇପାରିବ ନାହିଁ । ସେହିପରି ରାଜ୍ୟ ସରକାର ୧% ହାରରେ କୃଷି ଋଣ ଯୋଗାଇବା ପାଇଁ ଇସ୍ତାହାରରେ କହିଥିବାବେଳେ ଏହି ପ୍ରତିଶ୍ରୁତି କୁଆଡ଼େ ଗଲା ତାହା ସ୍ପଷ୍ଟ କରିବାକୁ ଶ୍ରୀ ସିଂହଦେଓ ଆହ୍ୱାନ ଦେଇଛନ୍ତି ।
ଏହି ସାମ୍ବାଦିକ ସମ୍ମିଳନୀରେ ମୁଖପାତ୍ର ସମୀର ମହାନ୍ତି, ସଜ୍ଜନ ଶର୍ମା, ଦିଲ୍ଳୀପ ମଲ୍ଳିକ, ଭ୍ରୁଗୁ ବକ୍ସି ପାତ୍ର, ରାମଚନ୍ଦ୍ର ପଣ୍ଡା, ପ୍ରଭାତୀ ପରିଡ଼ା, ଡକ୍ଟର ଯତୀନ ମହାନ୍ତି, ମହେଶ୍ୱର ସାହୁ ପ୍ରମୁଖ ଉପସ୍ଥିତ ଥିଲେ ।

Share in top social networks!

ରାଜ୍ୟ ବିଜେପି କାର୍ଯ୍ୟାଳୟରେ ୬୯ତମ ସ୍ୱାଧୀନତା ଦିବସ ପାଳିତ

bjp
ରାଜ୍ୟ ସଭାପତି କନକ ବର୍ଦ୍ଧନ ସିଂହଦେଓଙ୍କ ଅଧ୍ୟକ୍ଷତାରେ ଅନୁଷ୍ଠିତ ୬୯ତମ ସ୍ୱାଧୀନତା ଦିବସ ଆଜି ରାଜ୍ୟ ବିଜେପି କାର୍ଯ୍ୟାଳୟରେ ଆନନ୍ଦ ଓ ଉଲ୍ଲାସ ମଧ୍ୟରେ ପାଳିତ ହୋଇଯାଇଅଛି । ଦଳର ବରିଷ୍ଠ ନେତା ତଥା ରାଜ୍ୟ ବିଜେପିର ପ୍ରଥମ ସଭାପତି ଶ୍ରୀଯୁକ୍ତ ବିଶ୍ୱଭୂଷଣ ହରିଚନ୍ଦନ ଜାତୀୟ ପତାକା ଉତ୍ତୋଳନ କରିଥିଲେ । ଏହାପରେ ସାମୁହିକ ଭାବେ ଜାତୀୟ ସଙ୍ଗୀତ ଗାନ କରାଯାଇଥିଲା । ଶ୍ରୀ ହରିଚନ୍ଦନ କାର୍ଯ୍ୟକର୍ତ୍ତାଙ୍କୁ ଉଦବୋଧନ ଦେଇ କହିଥିଲେ ଯେ, ଆଜିର ଯୁବ ପିଢି ଅନୁଶାସନ ଭିତରେ ରହି ରାଜ୍ୟ ତଥା ଦେଶ ହିତରେ ବ୍ରତୀ ହେବା ସହିତ ଆଗାମୀ ଦିନରେ ଏକ ଶ୍ରେଷ୍ଠ ରାଜ୍ୟ ଓ ଦେଶ ରୂପେ ଗଢି ତୋଳିବା ପାଇଁ ପ୍ରତିଶୃତିବଦ୍ଧ ହେବାକୁ ଆହ୍ୱାନ ଦେଇଥିଲେ । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ଆମ ରାଜ୍ୟ ଏବଂ ଦେଶ ଦୃତ ବେଗରେ ପ୍ରଗତି ପଥେ ଆଗେଇ ଚାଲିଥିବାରୁ ଖୁସି ବ୍ୟକ୍ତ କରିଥିଲେ । ଏହି ଅବସରରେ ରାଜ୍ୟ ସଭାପତି ଶ୍ରୀ ସିଂହଦେଓ ଆଗାମୀ ଦିନରେ ସମସ୍ତ କାର୍ଯ୍ୟକର୍ତ୍ତା ଏକତ୍ରିତ ହୋଇ ଦଳକୁ ଗଢି ତୋଳିବା ପାଇଁ ସଂକଳ୍ପ କରାଇଥିଲେ । ଏହାପରେ ବନେ୍ଦ ମାତରଂ ଗାନ କରାଯାଇ ମିଷ୍ଠାନ ବଣ୍ଟନ ସହିତ ସଭା କାର୍ଯ୍ୟ ସମାପ୍ତ ହୋଇଥିଲା ।
ଏହି ଉତ୍ସବରେ ସାଧାରଣ ସଂପାଦକ (ସଂଗଠନ) ଶ୍ରୀ ପ୍ରସନ୍ନ ମିଶ୍ର, ସହ-ସାଧାରଣ ସଂପାଦକ (ସଂଗଠନ) ଶ୍ରୀ ଶାରଦା ପ୍ରସାଦ ଶତପଥୀ, ଉପ ସଭାପତି ସୁରମା ପାଢୀ ଓ ପୃଥ୍ୱୀରାଜ ହରିଚନ୍ଦନ, ରାଜ୍ୟ ସଂପାଦିକା ନିୟତୀ ଗିରି, ସଂଗଠନ ମନ୍ତ୍ରୀ ଛୋଟେଲାଲ୍ ମହନ୍ତ ଓ ବିରଞ୍ଚି ତ୍ରିପାଠୀ, ମହିଳା ମୋର୍ଚ୍ଚା ସଭାନେତ୍ରୀ ସୀମନ୍ତିନୀ ଜେନା, ଯୁବ ମୋର୍ଚ୍ଚା ସଭାପତି ଉମାକାନ୍ତ ପଟ୍ଟନାୟକ ଓ ସଂପାଦକ ଠାକୁର ରଣଜିତ୍ ଦାଶ, କାର୍ଯ୍ୟାଳୟ ସଂପାଦକ ସରୋଜ କର, ଜିଲ୍ଲା ସଭାପତି ଅମୀୟ ଦାଶଙ୍କ ସମେତ ବହୁ କାର୍ଯ୍ୟକର୍ତ୍ତା ଉପସ୍ଥିତ ଥିଲେ ।

Share in top social networks!

ଓକିଲ ସଙ୍ଘର ବନ୍ଦ ଡାକରାକୁ ବିଜେପିର ସମର୍ଥନ

bijaybjpରାଜ୍ୟରେ ଆଇନ ଶୃଙ୍ଖଳା ପରିସ୍ଥିତି ସମ୍ପୂର୍ଣ୍ଣ ଭାବେ ବିପର୍ଯ୍ୟସ୍ତ ହୋଇ ପଡିଛି । ପୋଲିସ ଦ୍ୱାରା ଲୋକଙ୍କୁ ଭୟଭିତ କରି ଶାସନ କରିବା ପାଇଁ ରାଜ୍ୟ ସରକାର ଅପଚେଷ୍ଟା କରୁଛନ୍ତି । କେନ୍ଦ୍ରାପଡା, ବାଣୀବିହାର ଏବଂ କେନ୍ଦୁଝର ଜିଲ୍ଲା ବେଲବାହାଲି ଗ୍ରାମ ଠାରେ ପୋଲିସକୁ ଶାସକ ଦଳ ଗୁଣ୍ଡା ଭାବେ ବ୍ୟବହାର କରିଛନ୍ତି ତାହାର ପ୍ରତିବାଦରେ ରାଜ୍ୟ ବ୍ୟାପି ଆନେ୍ଦାଳନ କରାଯିବ ବୋଲି ଭାରତୀୟ ଜନତା ପାର୍ଟୀର ସଭାପତି ଶ୍ରୀ କନକ ବର୍ଦ୍ଧନ ସିଂହଦେଓ ପ୍ରକାଶ କରିଛନ୍ତି ।

ବିଜେପି ଦଳର ଏକ ପ୍ରତିନିଧି ଦଳ ଗତକାଲି କେନ୍ଦ୍ରାପଡାରେ ହୋଇଥିବା ପୋଲିସର ବର୍ବର ଏବଂ ଅମାନୁସିକ ଅତ୍ୟାଚାର ବିଷୟରେ ସବିଶେଷ ଅନୁଧ୍ୟାନ କରି ଫେରିବା ପରେ ଆଜି ଏକ ସମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି ଯେ କେନ୍ଦ୍ରାପଡା ଜିଲ୍ଲା ବିଜେପି ସଭାପତି ଶ୍ରୀ ଦୁର୍ଯୋଧନ ସାହୁଙ୍କୁ ପୋଲିସ ଏସପି ରକ୍ତମୁଖା ହୋଇ ନିଜେ ମରଣାତ୍ମକ ଆକ୍ରମଣ କରିବା ସଙ୍ଗେ ସଙ୍ଗେ ତାଙ୍କୁ ଉଠବସ କରିଥିଲେ । ଏହିଭଳି ଜଘନ୍ୟ କାଣ୍ଡ କେନ୍ଦ୍ରାପଡା ଇତିହାସରେ କେବେ ଘଟିନଥିଲା । ତାଙ୍କ ପିଠିର ଚମଡା ଠାଏ ଠାଏ ଉଠି ଯାଇଛି ଏବଂ ସାଧାରଣ ଭାବେ କଥାବାର୍ତ୍ତା ମଧ୍ୟ କରି ପାରୁ ନାହାନ୍ତି । ସେ ଜଣେ ମଧୁମେହ ରୋଗି ହୋଇଥିବା ବେଳେ ତାଙ୍କୁ ଏହି ଭଳି ଅବସ୍ଥାରେ ଆଶୁ ଚିକିସôା ସୁବିଧା ମଧ୍ୟ ଦିଆଯାଇନଥିଲା । ଶାନ୍ତ ପୂର୍ଣ୍ଣ ଭାବେ ଆନେ୍ଦାଳନ କରୁଥିବା ବେଳେ ପୋଲିସ ନିଜ ଆଡୁ ବିନା କାରଣରେ ଜନତାଙ୍କୁ ଆକ୍ରମଣ କରି ଲହୁଲୁହାଣ କରି ଦେଇଥିଲେ ଏବଂ ଶ୍ରୀ ସାହୁଙ୍କ ସମେତ ସେଠାରେ ଉପସ୍ଥିତ ଶତାଧିକ ବ୍ୟକ୍ତିଙ୍କୁ ପୋଲିସ ମାଡ ମାରିଥିଲେ । ଏଭଳିକି ଜଣେ ଆଦିବାସୀ ଛାତ୍ର କଲେଜ ଯିବା ବାଟରେ ତାକୁ ଅଟକାଇ ମାଡ ମାରବା ଘଟଣା ଇଂରେଜ ସରକାରଙ୍କ ବର୍ବର ଶାସନକୁ କେବଳ ମନେପକାଇ ଦେଉଛି ।
ଏହାର ପ୍ରତିବାଦରେ ରାଜ୍ୟ ହାଇକୋର୍ଟ ବାର ଏସୋସିଏସନ ଏବଂ ରାଜ୍ୟ ଓକିଲ ସଙ୍ଘ ପକ୍ଷରୁ ରାଜ୍ୟର ୧୫୩ ଗୋଟି ବିଚାରାଳୟ କାର୍ଯ୍ୟକୁ ଆଗାମୀ ସୋମବାର ଦିନ ବର୍ଜନ କରିବା ପାଇଁ ଯେଉଁ ନିଷ୍ପତ୍ତି ନେଇଛି ତାହାକୁ ବିଜେପି ଦଳ ସମର୍ଥନ ଓ ସ୍ୱାଗତ କରୁଛି ବୋଲି ଶ୍ରୀ ସିଂହଦେଓ ପ୍ରକାଶ କରିଥିଲେ ।
ଏହି ସମ୍ମିଳନୀରେ ବିଜେପିର ଅନ୍ୟତମ ବରିଷ୍ଠ ନେତା ଶ୍ରୀ ବିଜୟ ମହାପାତ୍ର କହିଲେ ଯେ କେନ୍ଦ୍ରାପଡାର ଏସ୍ପିି ଏହି ବର୍ବର ଆକ୍ରମଣ କରିବା ବେଳେ ନିଜେ ମଦ୍ୟପାନ କରିଥିବା ଜଣାଯାଇଛି । ତାଙ୍କୁ ବଦଳୀ କରି ରାଜ୍ୟ ସରକାର ତାଙ୍କୁ ଘଣ୍ଟ ଘୋଡାଇôବା ପାଇଁ ଚେଷ୍ଟା କରୁଛନ୍ତି । ତାଙ୍କୁ ତୁରନ୍ତ ଗିରଫ କରାଯିବା ଆବଶ୍ୟକ । ମାଲକାନଗିରିରେ ସେ ଏସପି ଥିବା ବେଳେ ତାଙ୍କ ବେପରବାହୀ ଯୋଗୁଁ ୨୯ ଜଣ ଜବାନଙ୍କ ମୃତୁ୍ୟ ହୋଇଥିଲା ଏଭଳି ଜଣେ ଦାୟୀତ୍ୱ୍ୱହୀନ ବ୍ୟକ୍ତି ପୁଣି ଚିଟଫଣ୍ଡ ଦୁର୍ନୀତିରେ ସମ୍ପୃକ୍ତ ।
ଶ୍ରୀ ମହାପାତ୍ର ପୁଣି କହିଲେ ଯେ ରାଜ୍ୟ ମୁଖ୍ୟମନ୍ତ୍ରୀ ନିଜ ଫଣ୍ଡରୁ ୨୦୧୦-୧୧ ବର୍ଷରେ ସାରଥି ବାବାଙ୍କ ଆଶ୍ରମକୁ ଏକ ଲକ୍ଷ ଟଙ୍କା ଦେଇଛନ୍ତି । ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ବାରମୁଳ ଆଶ୍ରମକୁ ପର୍ଯ୍ୟଟନ କେନ୍ଦ୍ର ଭାବେ ଘୋଷଣା କରିବା ପାଇଁ ବିଜେଡି ନେତୃବୃନ୍ଦ ପ୍ରଚେଷ୍ଟା କରିଛନ୍ତି । ବିଧାୟକ ଏବଂ ସାଂସଦ ଫଣ୍ଡରୁ ମଧ୍ୟ ତାଙ୍କୁ ବହୁ ପରିମାଣରେ ଆର୍ଥôକ ସାହାଯ୍ୟ ଦିଆଯାଇଛି । ଶାସକଦଳର ବହୁନେତା ଏହି ଦୁସ୍କର୍ମରେ ସମ୍ପୃକ୍ତ । ଏହି ପରିପ୍ରେକ୍ଷୀରେ କ୍ରାଇମ ବ୍ରାଞ୍ଚ ରାଜ୍ୟ ସରକାରଙ୍କ ଅଧିନରେ ଥିବା ଯୋଗୁ ଏହି ଘଟଣାର ନିରପେକ୍ଷ ତଦନ୍ତ କରି ପାରିବା ମମ୍ଭବ ନୁହେଁ । ତେଣୁ ସିବିଆଇକୁ ଏହି ବିଷୟରେ ତଦନ୍ତ କରିବା ପାଇଁ ଦାୟିତ୍ୱ ଦେବା ପାଇଁ ସେ ଦାବୀ କରିଥିଲେ । ଉକ୍ତ ସମ୍ପାଦିକ ସମ୍ମିଳନୀରେ ବିଜେପି ବିଧାୟକ ଦଳ ନେତା ଶ୍ରୀ ବସନ୍ତ ପଣ୍ଡା , ବିଧାୟିକା ରାଧାରାଣୀ ପଣ୍ଡା, ଶ୍ରୀ ରବି ନାୟକ, ଉପସଭାପତି ଶମତୀ ସୁରମା ପାଢୀ, ଶ୍ରୀମତୀ ନିୟତୀ ଗିରି, ମହିଳା ମୋର୍ଚ୍ଚା ସଭାନେତ୍ରୀ ଶ୍ରମନ୍ତିନୀ ଜେନା, ମୁଖପାତ୍ର ସମୀର ମହାନ୍ତି ପ୍ରମୁଖ ଉପସ୍ଥିତ ଥିଲେ ।

Share in top social networks!

ରାଜ୍ୟର ଚାଷୀଙ୍କ ଆଖିରୁ ଲୁହ ନୁହେଁ ରକ୍ତ ଝରୁଛି: ବିଜେପି କୃଷକ ମୋର୍ଚ୍ଚା

ବିଜେପି ରାଜ୍ୟ କାର୍ଯ୍ୟାଳୟଠାରେ କୃଷକ ମୋର୍ଚ୍ଚା ରାଜ୍ୟ ପଦାଧିକାରୀ ଓ ଜିଲ୍ଲା ସଭାପତିମାନଙ୍କ ଏକ ଜରୁରୀ ବୈଠକ ମୋର୍ଚ୍ଚା ରାଜ୍ୟ ସଭାପତି ଶ୍ରୀ ମହେଶ୍ୱର ସାହୁଙ୍କ ଅଧ୍ୟକ୍ଷତା ରେ ଅନୁଷ୍ଠିତ ହୋଇ ଯାଇଛି । ଏହି ବୈଠକରେ ମୋର୍ଚ୍ଚାପାଇଁ ସହ ପ୍ରଭାରୀ ବିଜେପି ରାଜ୍ୟ ସଂପାଦକ ଶ୍ରୀ ଛୋଟଲାଲ ମହନ୍ତ ମୁଖ୍ୟ ଅତିଥି ରୂପେ ଯୋଗଦାନ କରିଥିଲେ । ସର୍ବପ୍ରଥମେ ସଦସ୍ୟତା ଅଭିଯାନ ଉପରେ ସମୀକ୍ଷା କରାଯାଇଥିଲା ଏବଂ ଅଧିକରୁ ଅଧିକ ଚାଷୀଙ୍କୁ ପାର୍ଟିରେ ସାମିଲ କରିବା ପାଇଁ ଆହ୍ୱାନ ଦିଆଯାଇଥିଲା ।
ରାଜ୍ୟରେ ଚାଷୀଙ୍କ ସମସ୍ୟା ଉକôଟରୁ ଉକôଟତର ହେଉଥିବାବେଳେ ରାଜ୍ୟ ସରକାର ନିଦା ବିଷ୍ଣୁ ସାଜି ବସି ଯାଇଥିବାରୁ ମୋର୍ଚ୍ଚା ଗଭୀର ଉଦବେଗ ପ୍ରକାଶ କରିଥିଲା । ଆଜି ରାଜ୍ୟର ଚାଷୀଙ୍କ ଦୁର୍ଦ୍ଧଶା ପାଇଁ ନବୀନ ସରକାର ସମ୍ପୂର୍ଣ୍ଣ ରୂପେ ଦାୟୀ ବୋଲି ବୈଠକରେ ମତ ପ୍ରକାଶ ପାଇଥିଲା । ମିଥ୍ୟା ପ୍ରତିଶ୍ରୁତି ଓ ଫମ୍ପା ଆୱାଜ୍ କରି ଚାଷୀଙ୍କ ସମସ୍ୟାକୁ ବିଜେଡି ସରକାର ଚାପି ଦେବାର ଉଦ୍ୟମ ସବୁବେଳେ କରିଆସିଛି । ରାଜ୍ୟରେ ଧାନ ବିକ୍ରୀ ନାମରେ ଚାଷୀଙ୍କୁ ଶୋଷଣ କରାଯାଇଛି । ବିଭିନ୍ନ ସ୍ଥାନରେ ମଣ୍ଡି ଗୁଡିକ ଠିକ୍ ଭାବରେ ଚାଲି ପାରିଲା ନାହିଁ ଓ ପ୍ରତ୍ୟେକ ମଣ୍ଡିରେ ମିଲ୍ ମାଲିକ ମାନଙ୍କ ହସ୍ତକ୍ଷେପ ଓ ଧାନ ୫ ରୁ ୧୦ କେ.ଜି. କଟନୀ ନାମରେ ଚାଲିଲା । ମଣ୍ଡି ଗୁଡିକରେ ସର୍ବନିମ୍ନ ଭିତ୍ତିଭୂମି ଯୋଗାଇବାରେ ସରକାର ବିଫଳ ହୋଇଛନ୍ତି । ଆଳୁ ଉପôାଦନରେ ରାଜ୍ୟକୁ ସ୍ୱାବଲମ୍ବୀ କରିବା ପାଇଁ ସରକାର ଘୋଷଣା କରିଥିବା ସବସିଡି ଯୋଜନା ସମ୍ପୂର୍ଣ୍ଣ ରୂପେ ବିଫଳ ହୋଇଛି । କୃଷି ସମ୍ବଦ୍ଧିତ ଯେତେ ବିଭାଗ ଅଛି ଯଥା କୃଷି, ଉଦ୍ୟାନ, ପଶୁ ସମ୍ପଦ ଉଠା ଜଳସେଚନ , ଜଳସେଚନ, ସମବାୟ ଇତ୍ୟାଦି ବିଭାଗରେ ପିଆନଠାରୁ ଅଧିକାରୀ ପର୍ଯ୍ୟନ୍ତ ୫୦ ପ୍ରତିଶତ ପଦବୀ ଖାଲି ପଡିଛି । ଜଳସେଚିତ ଜମି କେନାଲ ମରାମତି ଓ ରକ୍ଷଣାବେକ୍ଷଣା ଅଭାବରେ ସଙ୍କୁଚିତ ହୋଇଛି । ୧୫ ବର୍ଷ ଶାସନ କାଳରେ ଗୋଟିଏ ମଧ୍ୟ ବୃହତ ଜଳସେଚନ ଯୋଜନା ସମ୍ପୂର୍ଣ୍ଣ ହୋଇପାରିନାହିଁ । ଗଭୀର ନଳକୂପ ଯୋଜନା ରେ ଅନେକ ଚାଷୀଙ୍କ ଦରଖାସ୍ତ ପଡିରହିଛି ଓ ଯେଉଁ ଚାଷୀମାନଙ୍କ କୂପ ଖୋଳା ହୋଇଛି ସେଠି ବିଦୁ୍ୟତ ସଂଯୋଗ କରାଯାଇନାହିଁ । ଅନେକ ଶୀତଳଭଣ୍ଡାର ବନ୍ଦ ହୋଇଯାଇଥିବାବେଳେ ଗୋଟିଏ ମଧ୍ୟ ନୂତନ ଶୀତଳଭଣ୍ଡାର ସ୍ଥାପିତ ହୋଇନାହିଁ । ଚାଷୀଙ୍କୁ ରାଷ୍ଟ୍ରାୟତ୍ତ ବ୍ୟାଙ୍କ୍ ଗୁଡିକ କୃଷି ଋଣ ଦେବା କ୍ଷେତ୍ରରେ ଘୋର ଅବହେଳା କରୁଛନ୍ତି । ରାଜ୍ୟରେ ଦୁର୍ଦ୍ଧଶା ଗ୍ରସ୍ତ ଚାଷୀ ଶହ ଶହ ସଂଖ୍ୟାରେ ଆତ୍ମହତ୍ୟା କରିବାପାଇଁ ବାଧ୍ୟ ହୋଇଛନ୍ତି । ପରିସ୍ଥିତି ଏମିତି ହୋଇଛି ଯେ ରାଜ୍ୟ ରେ ଚାଷୀଙ୍କ ଆଖିରୁ ଲୁହ ନୁହେଁ ରକ୍ତ ଝରୁଛି । କୃଷକ ମୋର୍ଚ୍ଚା ଗଭୀର ଉଦବେଗ ପ୍ରକାଶ କରିବା ସଂଗେସଂଗେ ଆଗାମୀ ଦିନରେ ଚାଷୀଙ୍କ ବିଭିନ୍ନ ସମସ୍ୟା ଓ ରାଜ୍ୟର ସରକାରଙ୍କ ଅବହେଳା ଓ ବିଫଳତା କୁ ନେଇ ଚାଷୀ ସଚେତନତା ସଂଗେ ଜୋରଦାର ଆନେ୍ଦାଳନ କରାଯିବ ବୋଲି ବୈଠକରେ ମତ ପ୍ରକାଶ ପାଇଥିଲା ।
ଏହି ବୈଠକରେ ମୋର୍ଚ୍ଚାର ରାଜ୍ୟ ଉପସଭାପତି ଶ୍ରୀ ରାମଚନ୍ଦ୍ର ପାତ୍ର, ସୁରଥ ବିଶ୍ୱାଳ, ମଙ୍ଗଳ ସାହୁ, ରାଜ୍ୟ ସାଧାରଣ ସଂପାଦକ ଶ୍ରୀ ଯଦୁମଣି ପାଣିଗ୍ରାହୀ, ଶ୍ରୀ ହୃଷିକେଶ ଜେନା, ରାଜ୍ୟ ସଂପାଦକ ଶ୍ରୀ ଅଜୟ ପ୍ରଧାନ, ରବିନାରାୟଣ ମହାପାତ୍ର, ଶଙ୍କର୍ଷଣ ଜେନା, ଜାମିନୀ ରଂଜନ ଦାସ, ସୂର୍ଯ୍ୟନାରାୟଣ ଦାସ, ଦିବାକର ସାହୁ, ବିଜୟ ପଣ୍ଡା, ସଂଜୟ କାମ୍ପ, ରଶ୍ମୀ ରଂଜନ ସାହୁ, ଅକ୍ଷୟ ସାମଲ, କ୍ଷୀରୋଦ ଚନ୍ଦ୍ର ଦଳେଇ, ସଂଜୀବ କୁମାର ରଣା ପ୍ରମୁଖ ଯୋଗଦାନ କରିଥିଲେ ।

Share in top social networks!

ସବୁ କ୍ଷେତ୍ରରେ ସରକାର ବିଫଳ : ରାମକୃଷ୍ଣ ପଟ୍ଟନାୟକ

ramakrushnaରାଜ୍ୟ ସରକାର ସବୁ କ୍ଷେତ୍ରରେ ବିଫଳ ହୋଇଛନ୍ତି । ସବୁଠି ଦୁର୍ନୀତି ଭରି ହୋଇ ରହିଛି । କେନ୍ଦ୍ର ସରକାର ରାଜ୍ୟକୁ ଆର୍ଥିକ କ୍ଷମତା ଦେବା ସହ ଅଧିକ ରାଜସ୍ୱ ଓ ଅନୁଦାନର ସୁଯୋଗ ସୃଷ୍ଟି କରିଥିବାବେଳେ ସରକାର ଟଙ୍କା ଖର୍ଚ୍ଚ କରିବାରେ ବିଫଳ ହୋଇଛନ୍ତି । କେନ୍ଦ୍ର ଅବହେଳା ନାମରେ ସରକାର କେବଳ ରାଜନୀତି କରୁଛନ୍ତି । ଲୋକଙ୍କୁ ଭୂଅାଁ ବୁଲାଇ, ଅସତ୍ୟ ତଥ୍ୟ କହିବାରେ ନବୀନ ବାବୁଙ୍କୁ ବିଶ୍ୱରେ କେହି ପାରିବେ ନାହିଁ ବୋଲି ବରିଷ୍ଠ ବିଜେପି ନେତା ରାମକୃଷ୍ଣ ପଟ୍ଟନାୟକ କହିଛନ୍ତି ।
ନବୀନ ବାବୁଙ୍କର ମସ୍ତିଷ୍କ ନାହିଁ ବୋଲି ଖୋଦ୍ ଅଫିସରମାନେ କହିବାକୁ ବି ପଛାଉନାହାନ୍ତି । ମୁଖ୍ୟମନ୍ତ୍ରୀ ଖାଲି କାଗଜକଲମରେ ନିଜକୁ ବିକାଶ ପୁରୁଷ ବୋଲି ଦେଖାଇ ହେଉଛନ୍ତି । ହେଲେ ଏପଟେ ୬୦ ଲକ୍ଷ ଆଦିବାସୀଙ୍କର କାଣିଚାଏ ବି ସମ୍ପତ୍ତି ନାହିଁ । କୃଷି ବଜେଟ୍ରେ ଭେଳିକି ଦେଖାଯାଉଥିବାବେଳେ ମାତ୍ର ୧୪% ବଜେଟ୍ ଅଟକଳ ବୃଦ୍ଧି କରାଯାଇଛି । କିନ୍ତୁ ସେପଟେ ଚାଷୀ ଧାନ ବିକ୍ରି କରିପାରୁନାହିଁ । ୫ ବର୍ଷରେ ୧୦ ଲକ୍ଷ ହେକ୍ଟର ଜମିରେ ଜଳସେଚନ ପାଇଁ କୁହାଯାଉଛି । କିନ୍ତୁ ଗଲା ୫ ବର୍ଷ ମଧ୍ୟରେ ରାଜ୍ୟ ସରକାର ୧,୬୫, ୧୨୬ ହେକ୍ଟର ଜମିରେ ଜଳସେଚନ କରିବା ପାଇଁ ଲକ୍ଷ୍ୟ ରଖିôଥିବାବେଳେ ମାତ୍ର ୬୬୧୬୦ ହେକ୍ଟର ଜମି ଜଳସେଚିତ କରିପାରିଛନ୍ତି । ଏଥିରୁ ସରକାର କିଭଳି ୧୦ ଲକ୍ଷ ହେକ୍ଟର ଜମିକୁ ଜଳସେଚନ ଯୋଗାଇ ପାରିବେ ତାହା ଜଣାପଡ଼ିଯାଉଛି । ସେହିପରି ରାଜ୍ୟର ୮୦% ପରିବାରର ଟଏଲେଟ୍ ନଥିବାବେଳେ ୪୭.୫% ଲୋକଙ୍କୁ ପିଇବା ପାଣି ମିଳୁନାହିଁ । ସେହିପରି ସାରା ଭାରତରେ ୨ ହଜାର ବ୍ୟକ୍ତିରେ ଜଣେ ଡାକ୍ତର ଥିବାବେଳେ ଓଡ଼ିଶାରେ ୧୦ ହଜାର ଲୋକରେ ଜଣେ ଡାକ୍ତର ଅଛନ୍ତି । ମୁଖ୍ୟମନ୍ତ୍ରୀ ସବୁବେଳେ ପ୍ରଶାସକଙ୍କ ଦ୍ୱାରା ପରିଚାଳିତ ହୁଅନ୍ତି । ଏମିତିକି ସେ ନପଢ଼ି ଦସ୍ତଖତ କରୁଥିବାରୁ ସେ ଅତୀତରେ ବାରବାର ତାଗିଦ୍ ମଧ୍ୟ କରିଛନ୍ତି ।
ଆଳୁ ମିଶନ୍ ସମ୍ପର୍କରେ ଶ୍ରୀ ପଟ୍ଟନାୟକ କହିଲେଯେ, ରାଜ୍ୟରେ ଏବେ ୦.୪ ନିୟୁତ ଟନ୍ ଆଳୁ ଉପôାଦିତ ହେଉଥିବାବେଳେ ଆଳୁ ମିଶନ ମାଧ୍ୟମରେ ୧.୨ ନିୟୁତ ଟନ୍ ଆଳୁ ଉପôାଦନର ଲକ୍ଷ୍ୟ ରଖାଯାଇଛି । କିନ୍ତୁ ବାସ୍ତବରେ ରାଜ୍ୟର ସ୍ଥିତିକୁ ଆକଳନ କରାଗଲେ ବାର୍ଷିକ ଆଳୁ ଉପôାଦନ ମାତ୍ର ୦.୪ ନିୟୁତ ବଢ଼ିପାରିବ । ଏଭଳି କ୍ଷେତ୍ରରେ ଆଳୁ ମିଶନ ପାଇଁ ଯେଉଁ ୫୦ କୋଟିର ବ୍ୟୟବରାଦ କରାଯାଇଛି ତାହା କେବଳ ବାଟମାରଣା ପାଇଁ ଉଦ୍ଧିଷ୍ଟ ବୋଲି ଶ୍ରୀ ପଟ୍ଟନାୟକ ମତପୋଷଣ କରିଛନ୍ତି ।
ଏମଜିଏନଆରଇଜିଏସ୍ ସମ୍ପର୍କରେ ଶ୍ରୀ ପଟ୍ଟନାୟକ କହିଲେଯେ, ୨୦୦୭-୦୮ରେ ହାରାହାରି ୩୭ ଦିନର ରୋଜଗାର ସରକାର ଯୋଗାଇ ଦେଇଥିବାବେଳେ ୨୦୦୮-୦୯ରୁ ୨୦୧୩-୧୪ ପର୍ଯ୍ୟନ୍ତ ତାହା ଯଥାକ୍ରମେ ୩୭, ୪୦, ୫୩, ୩୩, ୩୬, ୪୧ ଦିନ ରହିଛି । ଏହିଭଳି ଭାବେ ସରକାର ସବୁ କ୍ଷେତ୍ରରେ ବିଫଳ ହୋଇଛି ଓ ସବୁ କ୍ଷେତ୍ରରେ ଦୁର୍ନୀତି ବ୍ୟାପିଛି ବୋଲି ଶ୍ରୀ ପଟ୍ଟନାୟକ କହିଛନ୍ତି ।

Share in top social networks!

ଓଡ଼ିଶାର ବିକାଶ ପାଇଁ ମୋଦି ସରକାର ପ୍ରତିଶ୍ରୁତିବଦ୍ଧ : ଧର୍ମେନ୍ଦ୍ର

dharmendra1ଓଡ଼ିଶାର ବିକାଶ ପାଇଁ ମୋଦି ସରକାର ପ୍ରତିଶ୍ରୁତିବଦ୍ଧ । ରେଳ ବଜେଟ୍ରୁ ନେଇ ସାଧାରଣ ବଜେଟ୍ ଓ ଚତୁର୍ଦ୍ଧଶ ଅର୍ଥ କମିଶନଙ୍କ ଅନୁଦାନ ଜରିଆରେ ଓଡ଼ିଶା ବହୁ ଲାଭବାନ ହେବ । କେନ୍ଦ୍ର ସରକାର କୋଇଲା ଓ ଖଣି ନିଲାମ ପାଇଁ ଯେଉଁ ନିଷ୍ପତି ନେଇଛନ୍ତି ତାହାଦ୍ୱାରା ମଧ୍ୟ ରାଜ୍ୟ ଲାଭବାନ ହୋଇପାରିବ । ତେବେ ରାଜ୍ୟ ସରକାର ଅନେକ ସମୟରେ ଦାବିକୁ ନେଇ ରାଜନୀତି କରୁଛନ୍ତି । ପ୍ରଧାନମନ୍ତ୍ରୀଙ୍କୁ ପତ୍ର ମାଧ୍ୟମରେ ଦାବି ଜଣାଇବା ପୂର୍ବରୁ ପ୍ରଥମେ ତାହାକୁ ଗଣମାଧ୍ୟମକୁ ଦିଆଯାଉଛି । ସଂଘୀୟ ବ୍ୟବସ୍ଥା ଦୃଷ୍ଟିରୁ ଏହା ଠିକ୍ ନୁହେଁ । ମୁଖ୍ୟମନ୍ତ୍ରୀ ଏଭଳି ଅଭ୍ୟାସ ଛାଡ଼ି ରାଜ୍ୟର ବିକାଶ ପାଇଁ କେନ୍ଦ୍ର ସରକାରଙ୍କ ସହ ମିଳିମିଶି କାର୍ଯ୍ୟ କରିବା ଦରକାର ବୋଲି କେନ୍ଦ୍ର ପେଟ୍ରୋଲିୟମ୍ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏକ ସାମ୍ବାଦିକ ସମ୍ମିଳନୀରେ ପ୍ରକାଶ କରିଛନ୍ତି । ଏହି ସାମ୍ବାଦିକ ସମ୍ମିଳନୀରେ ବିଜେପିର ରାଷ୍ଟ୍ରୀୟ ସମ୍ପାଦକ ତଥା ଓଡ଼ିଶା ପ୍ରଭାରୀ ଅରୁଣ ସିଂହ, ଭୃଗୁ ବକ୍ସିପାତ୍ର, ମୁଖପାତ୍ର ସମୀର ମହାନ୍ତି ଓ ସଜ୍ଜନ ଶର୍ମା ଉପସ୍ଥିତ ଥିଲେ ।
କେନ୍ଦ୍ର ପେଟ୍ରୋଲିୟମ୍ ଓ ରସାୟନମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଲେଯେ, ମୋଦି ସରକାର ତାଙ୍କର ପ୍ରଥମ ପୂର୍ଣ୍ଣାଙ୍ଗ ବଜେଟ୍ରେ ଦେଶର ସବୁ ରାଜ୍ୟର ଆବଶ୍ୟକତାକୁ ଆଖିଆଗରେ ରଖି ବଜେଟ୍ ପ୍ରସ୍ତୁତ କରିଛନ୍ତି । ୨୦୧୫-୧୬ ଆର୍ଥିକ ବର୍ଷ ହେଉଛି ଚତୁର୍ଦ୍ଧଶ ଅର୍ଥ କମିଶନଙ୍କ ପ୍ରଥମ ବର୍ଷ । ଚତୁର୍ଦ୍ଧଶ ଅର୍ଥ କମିଶନଙ୍କ ସୁପାରିଶ୍କୁ ଗ୍ରହଣ କରି କେନ୍ଦ୍ର ସରକାର ରାଜ୍ୟ ସରକାରମାନଙ୍କୁ ଅଧିକ ଆର୍ଥିକ କ୍ଷମତା ଓ ଅନୁଦାନ ପ୍ରଦାନ କରିଛନ୍ତି । ଫଳରେ ରାଜ୍ୟର ଆବଶ୍ୟକତା ଅନୁଯାୟୀ ରାଜ୍ୟ ସରକାରମାନେ ନିଜ ନିଜର ଯୋଜନା ପ୍ରସ୍ତୁତ କରିପାରିବେ । କୋଇଲା ଓ ଅନ୍ୟ ଖଣି ଲିଜ୍ ନିଲାମ ମାଧ୍ୟମରେ ପ୍ରଦାନର ବ୍ୟବସ୍ଥା କରାଯାଇଛି । ଆଉ ସବୁଠାରୁ ବଡ଼ କଥା ହେଉଛି, ନିଲାମର ଶତ ପ୍ରତିଶତ ଲାଭାଂଶ ଅର୍ଥ ସିଧାସଳଖ ରାଜ୍ୟ ସରକାରମାନଙ୍କୁ ମିଳିବ । ଏହାଦ୍ୱାରା ଓଡ଼ିଶା ଭଳି ଖଣି ସମୃଦ୍ଧ ରାଜ୍ୟଗୁଡ଼ିକ ଆର୍ଥିକ ଦୃଷ୍ଟିରୁ ବେଶ୍ ଲାଭବାନ ହୋଇପାରିବେ । କେନ୍ଦ୍ରୀୟ ଟିକସ ଅଂଶରେ ରାଜ୍ୟର ଭାଗ ପୂର୍ବରୁ ୩୨% ଥିବାବେଳେ ଏବେ ତାହା ୪୨%କୁ ବୃଦ୍ଧି ପାଇଛି । ଗ୍ରାମପଂଚାୟତ ଓ ପୌର ପରିଷଦଗୁଡ଼ିକ ପାଇଁ ମଧ୍ୟ ସ୍ୱତନ୍ତ୍ର ଭାବେ ଅଧିକ ଅର୍ଥର ପ୍ରାବଧାନ କରାଯାଇଛି ବୋଲି ମନ୍ତ୍ରୀ ଶ୍ରୀ ପ୍ରଧାନ ପ୍ରକାଶ କରିଛନ୍ତି ।
ଏତଦବ୍ୟତୀତ ଚଳିତ ବର୍ଷ ପ୍ରଥମ ଥର ପାଇଁ ଏକ ନୂତନ ଧରଣର ରେଳ ବଜେଟ୍ ଉପସ୍ଥାପନ କରାଯାଇଛି । ବଜେଟ୍ ପରିମାଣ ୫୨% ବଢ଼ିଛି । ବନ୍ଦ ଥିବା ବା ଚାଲିଥିବା ପ୍ରକଳ୍ପଗୁଡ଼ିକୁ ପୂର୍ଣ୍ଣାଙ୍ଗ କରିବା ପାଇଁ ଅଧିକ ବ୍ୟୟବରାଦ ହୋଇଛି । ସାରା ଭାରତରେ ପ୍ରଥମ ଥର ପାଇଁ ୯ ହଜାର ଆରଓବି କରିବାକୁ ବଜେଟ୍ରେ ପ୍ରାବଧାନ କରାଯାଇଛି । ଏତଦବ୍ୟତୀତ ଯାତ୍ରୀମାନଙ୍କ ସୁବିଧା, ରେଳ ଲାଇନ୍ ଡବଲିଂ, ଟ୍ରିପଲିଂ ୂଓ ଯାତ୍ରୀ ସୁରକ୍ଷା ଦିଗରେ ଯଥେଷ୍ଟ ଗୁରୁତ୍ୱାରୋପ କରାଯାଇଛି ।
୨୦୧୫-୧୬ ଆର୍ଥିକ ବର୍ଷ ସଂଘୀୟ ବ୍ୟବସ୍ଥା ପାଇଁ ଏକ ସୁବର୍ଣ୍ଣ ବର୍ଷ ହୋଇଥିବାବେଳେ ସହଯୋଗଭିତିକ ସଂଘୀୟ ବ୍ୟବସ୍ଥାର ଅୟମାରମ୍ଭ କରାଯାଇଛି । ୨୦୨୨ରେ ଦେଶ ସ୍ୱାଧୀନତାର ୭୫ ବର୍ଷ ପୂର୍ତି ପାଳନ ହେବାକୁ ଯାଉଥିବାବେଳେ ଦେଶର ସାମାଜିକ ଓ ଅର୍ଥନୈତିକ ବିକାଶ ପାଇଁ ବ୍ଲୁପ୍ରିଂଟ ପ୍ରସ୍ତୁତ କରାଯାଇଛି । ବାସହୀନଲୋକଙ୍କୁ ପକ୍କାଘର, ସବୁ ଘରକୁ ବିଜୁଳି, ସବୁ ଗାଁକୁ ରାସ୍ତା, ଚିକିତ୍ସା ବ୍ୟବସ୍ଥା ଓ ପାନୀୟ ଜଳର ବ୍ୟବସ୍ଥା ପାଇଁ ପଦକ୍ଷେପ ଗ୍ରହଣ କରାଯାଇଛି । ପ୍ରଧାନମନ୍ତ୍ରୀ ସିଂଚାଇ ଯୋଜନାରେ ଜଳସେଚନ ନେଟୱାର୍କ ବୃଦ୍ଧି କରିବାର ଲକ୍ଷ୍ୟ ରଖାଯାଇଥିବାବେଳେ ଦୀନଦୟାଲ ଜ୍ୟୋତି ଯୋଜନାରେ ବିଜୁଳି ଯୋଗାଣ କରାଯିବ । ଏବେ ସରକାରୀ ଓ କମ୍ପାନୀ କର୍ମଚାରୀମାନଙ୍କୁ ବିଭିନ୍ନ ବ୍ୟବସ୍ଥା ଜରିଆରେ ପେନସନ୍ ଦିଆଯାଉଥିଲା । କିନ୍ତୁ ଅଟଳ ପେନସନ୍ ଯୋଜନାରେ ସାଧାରଣ ବ୍ୟକ୍ତିଟିଏ ବର୍ଷକୁ ୧ ହଜାର ଟଙ୍କା ଲେଖାଏଁ ୫ ବର୍ଷ ପର୍ଯ୍ୟନ୍ତ ପ୍ରିମିୟମ୍ ପ୍ରଦାନ କଲେ ୬୦ ବର୍ଷ ପରେ ସେମାନଙ୍କୁ ମାସିକ ୫ ହଜାର ଟଙ୍କା ପେନସନ ଦେବାର ବ୍ୟବସ୍ଥା ହୋଇଛି । ସେହିପରି ବର୍ଷକୁ ୧୨ ଟଙ୍କା ଲେଖାଏଁ ପ୍ରଦାନ କଲେ ୨ ଲକ୍ଷ ଟଙ୍କାର ଦୁର୍ଘଟଣାଜନିତ ବୀମା ମଧ୍ୟ ମିଳିପାରିବ । କ୍ଷୁଦ୍ର ଉଦ୍ୟୋଗୀମାନଙ୍କୁ ପ୍ରୋତ୍ସାହନ ଯୋଗାଇବା ସକାଶେ ସ୍ୱତନ୍ତ୍ର ବ୍ୟାଙ୍କର ବ୍ୟବସ୍ଥା କରାଯିବା ସହ ଅର୍ଥର ମଧ୍ୟ ପ୍ରାବଧାନ ହୋଇଛି । ଯୁବକଯୁବତୀମାନଙ୍କୁ ବ୍ୟବସାୟ ବା ଉଦ୍ୟୋଗ ପ୍ରତିଷ୍ଠା ପାଇଁ ପ୍ରାରମ୍ଭିକ ପୁଞ୍ଜି ନିମନ୍ତେ ମଧ୍ୟ ସ୍ୱତନ୍ତ୍ର ପାଣ୍ଠିର ବ୍ୟବସ୍ଥା ହୋଇଛି ବୋଲି ମନ୍ତ୍ରୀ ଶ୍ରୀ ପ୍ରଧାନ କହିଛନ୍ତି । ଛାତ୍ରଛାତ୍ରୀଙ୍କ ପାଠପଢ଼ା ଋଣକୁ ମଧ ସରଳୀକରଣ କରାଯାଇଛି । କେନ୍ଦ୍ର ସରକାର ଭିତିଭୂମିକୁ ଅଧିକ ଗୁରୁତ୍ୱ ଦେଇଥିବାବେଳେ ଏକ୍ଷେତ୍ରରେ ୮.୫ ଲକ୍ଷ କୋଟି ନିବେଶ କରିବାର ଲକ୍ଷ୍ୟ ରଖିଛନ୍ତି । ଯାହାଦ୍ୱାରା ଓଡ଼ିଶାର ମଧ୍ୟ ଭିତିଭୂମି ବିକାଶ ହୋଇପାରିବ । ଓଡ଼ିଶାକୁ ଚଳିତ ବଜେଟ୍ରେ ଆଇଆଇଏମ୍ ଦିଆଯାଇଥିବାବେଳେ ଆଗାମୀ ବଜେଟ୍ରେ ଆଇଏସଇଆର ପ୍ରତିଷ୍ଠା ପାଇଁ ଘୋଷଣା କରାଯାଇଛି ।ମନ୍ତ୍ରୀ ଶ୍ରୀ ପ୍ରଧାନ କହିଲେଯେ, ତ୍ରୟୋଦଶ ଅର୍ଥ କମିଶନବେଳେ ଓଡ଼ିଶାକୁ ବାର୍ଷିକ ୧୬୬୩୦ କୋଟି ଟଙ୍କା ମିଳୁଥିବାବେଳେ ଏଣିକି ରାଜ୍ୟକୁ ୨୪୪୧୬ କୋଟି ଟଙ୍କା ମିଳିବ । ଫଳରେ ରାଜ୍ୟ ଅଧିକ ୮ ହଜାର କୋଟି ଟଙ୍କାର ରାଜସ୍ୱ ପାଇବ । ଏହାଛଡ଼ା କୋଇଲା ଓ ଅନ୍ୟ ଖଣି ନିଲାମରୁ ରାଜ୍ୟ ହଜାର ହଜାର କୋଟି ଟଙ୍କାର ରାଜସ୍ୱ ପାଇପାରିବ ।
ଏହି ସାମ୍ବାଦିକ ସମ୍ମିଳନୀରେ ସାମ୍ବାଦିକମାନଙ୍କ ବିଭିନ୍ନ ପ୍ରଶ୍ନର ଉତର ଦେଇଥିଲେ । ପଶ୍ଚିମବଙ୍ଗ ଓ ବିହାରକୁ ସ୍ୱତନ୍ତ୍ର ପ୍ୟାକେଜ୍ ଦିଆଯାଇଥିବାବେଳେ ଓଡ଼ିଶାକୁ କାହିଁକି ଦିଆଯାଇନାହିଁ ତାହାର ଉତରରେ ମନ୍ତ୍ରୀ ଶ୍ରୀ ପ୍ରଧାନ କହିଲେଯେ, ମୋଦି ସରକାର ପୂର୍ବାଂଚଳର ବିକାଶ ପାଇଁ ଅଧିକ ଧ୍ୟାନ ଦେଉଛନ୍ତି । ଖଣି ନିଲାମ ଜରିଆରେ ଛତିଶଗଡ଼, ଝାରଖଣ୍ଡ ଓ ଓଡ଼ିଶା ଭଳି ରାଜ୍ୟଗୁଡ଼ିକ ହଜାର ହଜାର କୋଟିର ଅର୍ଥ ପାଇବେ । ତେବେ ପଶ୍ଚିମବଙ୍ଗ ଓ ବିହାର ଖଣି ନିଲାମରୁ ଅଧିକ ଅର୍ଥ ପାଇବାର ନଥିବାରୁ ସେହି ରାଜ୍ୟଗୁଡ଼ିକର ବିକାଶ ପାଇଁ ସ୍ୱତନ୍ତ୍ର ପ୍ୟାକେଜ୍ ପ୍ରଦାନ କରାଯାଇଛି । ନବକଳେବର ପାଇଁ ସ୍ୱତନ୍ତ୍ର ଅନୁଦାନ ନମିଳିବା ସମ୍ପର୍କରେ ସାମ୍ବାଦିକଙ୍କ ପ୍ରଶ୍ନର ଉତରରେ ସେ କହିଲେଯେ, ନବକଳେବର ପାଇଁ କେନ୍ଦ୍ର କ୍ୟାବିନେଟ୍ ସଚିବ ଦୁଇ ଦୁଇ ଥର ସମୀକ୍ଷା ବୈଠକ କରିଛନ୍ତି । ତେବେ ଏହା ଏକ ଧାର୍ମିକ ବିଶ୍ୱାସର ପ୍ରସଙ୍ଗ ହୋଇଥିବାବେଳେ ରାଜ୍ୟ ସରକାର ଏହାକୁ ନେଇ ରାଜନୀତି କରୁଛନ୍ତି । ନିକଟରେ ଗଜପତି ମହାରାଜା ପ୍ରଧାନମନ୍ତ୍ରୀଙ୍କ ସହ ଭେଟି ମଧ୍ୟ ଏନେଇ ଆଲୋଚନା କରିଛନ୍ତି । ନବକଳେବର ପାଇଁ କେନ୍ଦ୍ର ସରକାର ଅର୍ଥ ପ୍ରଧାନ କରିବେ ବୋଲି ସେ କହିଥିଲେ । ସେହିପରି ରାଜ୍ୟ ସରକାର କେନ୍ଦ୍ର କିଛି ଦେଉନାହିଁ ବୋଲି ରାଜନୀତି କରୁଥିବାବେଳେ ଓଡ଼ିଶାରେ ୪୨ ହଜାର ସ୍କୁଲ୍ରେ ଶୌଚାଳୟ ସ୍ଥାପନ କରିବା ପାଇଁ ବିଭିନ୍ନ ରାଷ୍ଟ୍ରାୟତ ଉଦ୍ୟୋଗର ସିଏସଆର ଅନୁଦାନ ଜରିଆରେ ୬୦୦ କୋଟି ଟଙ୍କା ଖର୍ଚ୍ଚ କରାଯାଉଛି । କିନ୍ତୁ କେବେବି ରାଜ୍ୟ ସରକାର ଏ ବିଷୟରେ ପଦୁଟିଏ ବି କହିନାହାନ୍ତି । ସେହିପରି ଓଡ଼ିଶାରେ ମଧ୍ୟ ୟୁଏମପିପି ପ୍ରକଳ୍ପ ହେବବୋଲି ସେ ପ୍ରକାଶ କରିଛନ୍ତି ।
ମନ୍ତ୍ରୀ ଶ୍ରୀ ପ୍ରଧାନ କହିଲେଯେ, ଓଡ଼ିଶା ସରକାର ଦାବିକୁ ନେଇ ରାଜନୀତି କରୁଛନ୍ତି । ପ୍ରଧାନମନ୍ତ୍ରୀ ଚିଠି ପାଇବା ପୂର୍ବରୁ ଗଣମାଧ୍ୟମକୁ ଚିଠି ମିଳୁଛି । ମୁଖ୍ୟମନ୍ତ୍ରୀ ଏଭଳି ଅଭ୍ୟାସ ଛାଡ଼ନ୍ତୁ ବୋଲି ସେ କହିଥିଲେ ।

Share in top social networks!

ଭୁବନେଶ୍ୱର ମଧ୍ୟ ନିର୍ବାଚନମଣ୍ଡଳୀରୁ ସକ୍ରିୟ ସଭ୍ୟ ହେବେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

କେନ୍ଦ୍ର ପେଟ୍ରୋଲିୟମ୍ ଓ ପ୍ରାକୃତିକ ଗ୍ୟାସ୍ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଭୁବନେଶ୍ୱର ମଧ୍ୟ ନିର୍ବାଚନମଣ୍ଡଳୀରୁ ବିଜେପିର ସକ୍ରିୟ ସଭ୍ୟ ହେବେ । ଏନେଇ ଆସନ୍ତା ମାର୍ଚ୍ଚ ୧, ଅପରାହ୍ନ ୧୦ଟା ୩୦ରେ ବମିଖାଲ ଦୁର୍ଗାମଣ୍ଡପ ପଡ଼ିଆରେ ଏକ ସ୍ୱତନ୍ତ୍ର ସଦସ୍ୟତା ଅଭିଯାନ କାର୍ଯ୍ୟକ୍ରମର ଆୟୋଜନ କରାଯାଇଛି ।
ଏହି ଅବସରରେ ଭୁବନେଶ୍ୱରର ବିଭିନ୍ନ ସାମାଜିକ ଅନୁଷ୍ଠାନ ତଥା ବିଭିନ୍ନ ଉନ୍ନୟନ ପରିଷଦ, କ୍ଲବ, ଯୁବକ ସଂଘ, ମହିଳା ସମିତି, ବ୍ୟବସାୟିକ ସଂଘଙ୍କ ଠାରୁ ଆରମ୍ଭ କରି ବସ୍ତିବାସିନ୍ଦା ମୁଖିଆମାନେ ଏହି କାର୍ଯ୍ୟକ୍ରମରେ ବହୁଳ ସଂଖ୍ୟାରେ ଯୋଗଦେବା ପାଇଁ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ତଥା ମଧ୍ୟ ନିର୍ବାଚନମଣ୍ଡଳୀରୁ ବିଧାୟକ ଭାବେ ଲଢ଼ିଥିବା ଜଗନ୍ନାଥ ପ୍ରଧାନ ଅନୁରୋଧ କରିଛନ୍ତି ।
ସାରା ଭାରତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱ ପ୍ରତି ଯୁବଗୋଷ୍ଠୀ ଠାରୁ ଆରମ୍ଭ କରି ବିଭିନ୍ନ ବର୍ଗର ଜନସାଧାରଣଙ୍କ ଆସ୍ଥା ବୃଦ୍ଧି ପାଇବାରେ ଲାଗିଛି । ବିଜେପିର ସଭ୍ୟ ହେବା ପାଇଁ ସାଧାରଣରେ ଆଗ୍ରହ ପ୍ରକାଶ ପାଇଛି । ସଶକ୍ତ ଭାରତ, ଶ୍ରେଷ୍ଠ ଭାରତ ଓ ସ୍ୱଚ୍ଛ ଭାରତ ଗଠନ ପାଇଁ ସମସ୍ତେ ଆଗେଇ ଆସିବା ଦରକାର ବୋଲି ଶ୍ରୀ ପ୍ରଧାନ କହିଛନ୍ତି ।

Share in top social networks!

ଯୁଗାନ୍ତକାରୀ ବଜେଟ୍ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରେଳମନ୍ତ୍ରୀ ସୁରେଶ ପ୍ରଭୁଙ୍କୁ ରାଜ୍ୟ ବିଜେପିର ଧନ୍ୟବାଦ

bjprailଚଳିତ ରେଳ ବଜେଟ୍ ଏକ ସର୍ବଭାରତୀୟ ବଜେଟ୍ । ବଜେଟ୍ରେ ଜାତୀୟ ଆଭିମୁଖ୍ୟ ପ୍ରତିଫଳିତ ହୋଇଛି । ସବ୍କା ସାଥ ସବ୍କା ବିକାଶର ଯଥାର୍ଥତା ପ୍ରତିପାଦିତ ହୋଇଛି । କୃଷକ, ଯୁବକଙ୍କ ଠାରୁ ଆରମ୍ଭ କରି ମହିଳା ଓ ବରିଷ୍ଠ ନାଗରିକ ତାଥା ସାଧାରଣ ଜନତାଙ୍କ ପର୍ଯ୍ୟନ୍ତ ସମସ୍ତଙ୍କ ପାଇଁ ବଜେଟ୍ରେ ପ୍ରାବଧାନ କରାଯାଇଛି । ଏନଡ଼ିଏ ସରକାରଙ୍କର ଏହି ପ୍ରଥମ ପୂର୍ଣ୍ଣାଙ୍ଗ ରେଳ ବଜେଟ୍ ଏକ ନୂଆ ଦିଗ୍ଦର୍ଶନ ଦେଇଥିବାବେଳେ ଏଭଳି ଯୁଗାନ୍ତକାରୀ ବଜେଟ୍ ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ ରେଳମନ୍ତ୍ରୀ ସୁରେଶ ପ୍ରଭୁଙ୍କୁ ରାଜ୍ୟ ବିଜେପି ପକ୍ଷରୁ ଧନ୍ୟବାଦ ଜ୍ଞାପନ କରାଯାଇଛି ।
ଦଳୀୟ କାର୍ଯ୍ୟାଳୟଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ବରିଷ୍ଠ ବିଜେପି ନେତା ପ୍ରତାପ ଚନ୍ଦ୍ର ଷଡ଼ଙ୍ଗୀ ଓ ରୁଦ୍ର ନାରାୟଣ ପାଣି କହିଲେଯେ, ପ୍ରଥମ ଥର ପାଇଁ ଏଭଳି ଏକ ରେଳ ବଜେଟ୍ ପ୍ରସ୍ତୁତ ହୋଇଛି ଯେଉଁଥିରେ ସର୍ବଭାରତୀୟ ଭାବନାର ପ୍ରତିଫଳନ ଦେଖିବାକୁ ମିଳିଛି । ବିଭିନ୍ନ ରାଜ୍ୟର ଆବଶ୍ୟକତା ଓ ରେଳବାଇର ଆର୍ଥôକ ସ୍ଥିତିକୁ ଆଖି ଆଗରେ ରଖି ବଜେଟ୍ରେ ରାଜ୍ୟମାନଙ୍କ ପାଇଁ ଅର୍ଥ ପ୍ରାବଧାନ କରାଯାଇଛି । ନୂତନ ପ୍ରକଳ୍ପ ଠାରୁ ଆରମ୍ଭ କରି ଅର୍ଥ ପର୍ଯ୍ୟନ୍ତ ସବୁଥିରେ ଓଡ଼ିଶାକୁ ମଧ୍ୟ ବହୁ ଅର୍ଥ ମିଳିଛିି । ଗତବର୍ଷ ରେଳ ବଜେଟ୍ ଓଡ଼ିଶାକୁ ଯେତିକି ଅର୍ଥ ମିଳିଥିଲା, ଏହି ବଜେଟ୍ରେ ତାହାର ଦୁଇଗୁଣା ଅର୍ଥ ମିଳିଛି । ଓଡ଼ିଶାର ବିକାଶ ପାଇଁ ମୋଦି ସରକାରଙ୍କ ପ୍ରତିବଦ୍ଧତା ଏହିଥିରୁ ହିଁ ବାରି ହୋଇପଡ଼ୁଛି ।
୨୦୧୫-୧୬ ଆର୍ଥିକ ବର୍ଷରେ ପୂବ୍୍ତଟ ରେଲୱେ ପାଇଁ ପ୍ରାୟ ୩୧୧୨ କୋଟି ଟଙ୍କା ମିଳିଥିବା କଥା ପୂର୍ବତଟର ମହାପ୍ରବନ୍ଧକ କହିଥିବାବେଳେ ଓଡିଶାକୁ ୨୫୧୪କୋଟି ମିଳିଥିବା କଥା ସ୍ୱୟଂ ମୁଖ୍ୟମନ୍ତ୍ରୀ ସ୍ୱୀକାର କରିଛନ୍ତି ପ୍ରକୃତରେ ତାହା ୨୫୪୭କୋଟି ଟଙ୍କା ବୋଲି ଶ୍ରୀଯୁକ୍ତ ପାଣି ଉଲ୍ଲେଖ କରିଥିଲେ । ଓଡିଶାକୁ ରେଲୱେରେ ମିଳିଥିବା ଏହି ରାଶି ସର୍ବାଧିକ ଅଟେ । ଅନୁଗୁଳ-ଡୁବୁରି-ସୁକିନ୍ଦା ରୋଡ ପାଇଁ ୭୫ କୋଟି, ଖୋର୍ଦ୍ଧା-ବଲାଙ୍ଗିର ପାଇଁ ୧୯୫କୋଟି, ହରିଦାସପୁର-ପାରାଦ୍ୱୀପ ପାଇଁ ୩୬.୮କୋଟି, ତାଳଚେର ବିମଳାଗଡ ପାଇଁ ୨୮୦କୋଟି, ଦିଘା-ଜଳେଶ୍ୱର ପାଇଁ ୨କୋଟି, ଲାଞ୍ଜିଗଡ-ଜୁନାଗଡ ପାଇଁ ୧୦୭କୋଟି ଓ ଦୈତାରି-ବାଂଶପାଣି ପାଇଁ ୧୨କୋଟି ଟଙ୍କା ନୂଆ ରେଳ ଲାଇନ୍ ବିଛାଇବା ପାଇଁ ବ୍ୟୟ ବରାଦ କରାଯାଇଛି । ସେହିପରି ଖୋର୍ଦ୍ଧା-ବାରଙ୍ଗ ତୃତୀୟ ରାସ୍ତା ପାଇଁ ୩୨ କୋଟି, କଟକ-ବାରଙ୍ଗ ପାଇଁ ୪କୋଟି, ତାଳଚେର-ସମ୍ବଲପୁର ପାଇଁ ୧୯୪କୋଟି, ଡେଲାଙ୍ଗ-ପୁରୀ ପାଇଁ ୧୦୦କୋଟି, ସମ୍ବଲପୁରୀ-ଟିଟ୍ଲାଗଡ ପାଇଁ ୪୭୦କୋଟି, ବାଂଶପାଣି-ଦୈତାରି-ଜଖପୁରା ୫୧୩କୋଟି, ରଜତଗଡ-ବାରଙ୍ଗ ୧୬କୋଟି, ଭଦ୍ରକ-ନିର୍ଗୁଣ୍ଡି ୧୨୫କୋଟି, ବିମଳାଗଡ-ଡୁମମେତ୍ରା ୧କୋଟି, ସମ୍ବଲପୁର-ରେଙ୍ଗଲି-ଝାରସୁଗୁଡା ୪୩.୩କୋଟି, ରୁପ୍ସା-ବାଙ୍ଗିରିପୋଷି ପାଇଁ ୫କୋଟି, ପଦପାହାଡ-ବାଂଶପାଣି ପାଇଁ ୧କୋଟି, ବଡବିଲ୍-ବଡଜାମଦା ପାଇଁ ୫କୋଟି, ବାଂଶପାଣି-ଜାରୁଳି ପାଇଁ ୧କୋଟି, ରାଉର୍କେଲା-ଝାରସୁଗୁଡା ତୃତୀୟ ଲାଇନ୍ ପାଇଁ ୧୭.୫କୋଟି ରାସ୍ତା ଦୋହରିକରଣ ପାଇଁ ସମୁଦାୟ ୧୫୨୭.୮ କୋଟି ବରାଦ କରାଯାଇଛି ।
ବିଜୟାନଗରମ-ରାୟଗଡା-ଟିଟ୍ଲାଗଡ-ରାୟପୁର ପାଇଁ ୧୩୭.୮୮କୋଟି, ଝାରସୁଗୁଡା-ସମ୍ବଲପୁର-ଟିଟ୍ଲାଗଡ ପାଇଁ ୧୦୦ କୋଟି, ସମ୍ବଲପୁର-ଅନୁଗୁଳ ପାଇଁ ୫୫କୋଟି, ଭୁବନେଶ୍ୱର-କୋଟବାଲ୍ସା ପାଇଁ .୫କୋଟି ଟଙ୍କା, ରେଲ୍ ଲାଇନ୍ ବିଦୁ୍ୟତକରଣ ପାଇଁ ସମୁଦାୟ ୨୯୩.୩୮କୋଟି ଟଙ୍କା ବ୍ୟୟବରାଦ କରାଯାଇଛି । ସେହିପରି ଖୋର୍ଦ୍ଧା-ଅନୁଗୁଳ-ପୁରୀ ୱାର୍କସପ ମେଂଟ୍ନୋନ୍ସ ପାଇଁ ୧୯.୭୭କୋଟି, ରୋଡ ସେଫ୍ଟି ଓଭରବି୍ରଜ ଓ ଅଣ୍ଡରବି୍ରଜ ପାଇଁ ୪୪.୫କୋଟି ତଥା ଭୁବନେଶ୍ୱର ପୁରୀ-ଭୁବନେଶ୍ୱର-ବ୍ରହ୍ମପୁର-ଜାଜପୁର-ରାଉର୍କେଲାର ଷ୍ଟେସନର ଉନ୍ନତି ପାଇଁ ୨୦.୩୨କୋଟି ବ୍ୟୟବରାଦ କରାଯାଇଛି ।
ଖାଲି ସେତିକିନୁହେଁ ବଜେଟ୍ରେ କୃଷକମାନଙ୍କ ପାଇଁ ସ୍ୱତନ୍ତ୍ର ଏଗି୍ରକଲଚର କରିଡ଼ର ସହ କୃଷି ଉପôାଦ ପରିବହନ ନିମନ୍ତେସ୍ୱତନ୍ତ୍ର କୋଚର ବ୍ୟବସ୍ଥା କରାଯାଇଛି । ସେହିପରି ମେକ ଇନ୍ ଇଣ୍ଡିଆ କାର୍ଯ୍ୟକ୍ରମରେ ରେଳବାଇ ପକ୍ଷରୁ ହେବାକୁ ଥିବା କାରଖାନାରେ ମଧ୍ୟ ବ୍ୟାପକ ନିଯୁକ୍ତି ସୁଯୋଗ ସୃଷ୍ଟି ହୋଇପାରିବ । ବରିଷ୍ଠ ନାଗରିକ ଓ ଗର୍ଭବତୀ ମହିଳାଙ୍କ ପାଇଁ ସ୍ୱତନ୍ତ୍ର ସଂରକ୍ଷଣର ବ୍ୟବସ୍ଥା ମଧ୍ୟ କରାଯାଇଛି । ଏତଦ୍ବ୍ୟତୀତ ବଜେଟ୍ର ଅନ୍ୟାନ୍ୟ ସାଂରାଂଶଗୁଡ଼ିକ ହେଉଛି :
୧. ରେଳ ଲାଇନ୍ ବୃଦ୍ଧି, ନିରାପଦ ରେଳ ଯାତ୍ରା ଓ ରେଳବାଇର ଆର୍ଥିକ ସ୍ଥିତି ସୁଦୃଢ଼ କରିବା ଲକ୍ଷ୍ୟ ।
୨. ଏବେ ଯାତ୍ରୀଙ୍କ ସଂଖ୍ୟା ୨୧ ନିୟୁତ ଥିବାବେଳେ ଏହାକୁ ୩୦ ନିୟୁତକୁ ବୃଦ୍ଧି ପାଇଁ ଲକ୍ଷ୍ୟ
୩. ରେଳବାଇରେ ୮ ଲକ୍ଷ ୫୦ ହଜାର କୋଟି ଟଙ୍କାର ନିବେଶ ଲକ୍ଷ୍ୟ
୪. ଅପରେସନ୍ ୫ : ଯାତ୍ରୀଙ୍କୁ ୫ ମିନିଟ୍ ମଧ୍ୟରେ ଟିକେଟ୍ ସୁବିଧା
୫. ପାସେଞ୍ଜର ମତାମତ ଓ ଅଭିଯୋଗ ପାଇଁ ହେଲପଲାଇନ୍ ନମ୍ବର ଓ ମୋବାଇଲ୍ ଆପ୍ଲିକେସନ୍
୬. ରେଳ ବଗିରେ ୧୭ ହଜାର ଆଧୁନିକ ଟଏଲେଟ୍
୭. ଇ-କ୍ୟାଟରିଂ
୮. ପେପରଲେସ ଟିକେଟିଂ : ଟିଟିଇଙ୍କ ପାଇଁ ହ୍ୟାଣ୍ଡ ହେଲଡ଼ ଡିଭାଇସ୍
୯. ପ୍ରତ୍ୟେକ ବି-କ୍ୟାଟେଗୋରୀ ରେଲୱେ ଷ୍ଟେସନ୍ରେ ୱାଇଫାଇ
୧୦. ଟ୍ରେନ ବିଳମ୍ବ ହେଲେ ଯାତ୍ରୀଙ୍କୁ ଏସଏମଏସରେ ଦିଆଯିବ ସୂଚନା
୧୧. ୧୦୦୦ ଷ୍ଟେସନର ଆଧୁନିକୀକରଣ, ଏତଦ୍ବ୍ୟତୀତ ଆଉ ୨୦୦ ଟ୍ରେନ୍କୁ ମଧ୍ୟ ସାମିଲ୍ କରାଯିବ
୧୨. ୧୨୦ ଦିନ ପୂର୍ବରୁ ଟିକେଟ୍ କରାଯାଇପାରିବ । ପୂର୍ବରୁ ଏହା ୬୦ ଦିନ ଥିଲା
୧୩. ରାଜ୍ୟ ସରକାର ଓ ସ୍ଥାନୀୟ ସଂସ୍ଥା ମାଧ୍ୟମରେ ଷ୍ଟେସନର ଆଧୁନିକୀକରଣ
୧୪. ପାସେଞ୍ଜରଙ୍କ ସୁବିଧା ପାଇଁ ବଜେଟ୍ରେ ପୂର୍ବାପେକ୍ଷା ୬୭% ଅଧିକ ବ୍ୟୟବରାଦ
୧୫. ଡବଲିଂ, ଟି୍ରପଲିଂ ଓ କ୍ୱାଡ୍ରପଲିଂ ସହ ବିଦୁ୍ୟତୀକରଣ ପାଇଁ ୭୭ ପ୍ରକଳ୍ପ । ପୂର୍ବାପେକ୍ଷା ଅଧିକ ୮୪% ନିବେଶ
୧୬. କୋଷ୍ଟାଲ କନେକ୍ଟିଭିଟି ପ୍ରୋଗ୍ରାମ ପାଇଁ ୨୦୦୦ କୋଟି
୧୭. ଆନୁ୍ୟଟି ରୁଟ୍/ବିଓଟି ଜରିଆରେ ୨୫୦୦ କୋଟି
୧୮. ୧୦୦୦ ମେଗାୱାଟ୍ ସୋଲାର ପ୍ଲାଂଟ ପାଇଁ ଯୋଜନା
୧୯. ରେଳବାଇର ଯୋଜନା ଖର୍ଚ୍ଚ ୫୨% ବୃଦ୍ଧି ପାଇ ୧ ଲକ୍ଷ ୧୧ ହଜାର କୋଟି ଟଙ୍କାରେ ପହଁଚିଛି
୨୦. ଆଗାମୀ ଦୁଇମାସ ମଧ୍ୟରେ ମାଲବାହୀ ବ୍ୟବସାୟ ସମ୍ପର୍କରେ ହେବ ଅଡ଼ିଟ୍
୨୧. ଟେକ୍ନୋଲୋଜିର ବିକାଶ ପାଇଁ ଆରମ୍ଭ ହେବ ‘କାୟାକଳ୍ପ’ ।
୨୧. ଟ୍ରେନ୍ରେ ଅଗ୍ନିକାଣ୍ଡକୁ ରୋକିବା ତଥା ଦୁର୍ଘଟଣା ନିରୋଧ ପାଇଁ ଟ୍ରେନ୍ ସୁରକ୍ଷା ସତର୍କ ସୂଚନା ବ୍ୟବସ୍ଥା ହେବ ।
୨୨. ଦ୍ରୁତ ଗତିଶୀଳ ଟ୍ରେନ୍ ଚଳାଚଳ ପାଇଁ ଟ୍ରାକ୍ରେ ପରିବର୍ତନ, ପିପିପି ମୋଡ଼ରେ ଫ୍ରେଟ କରିଡ଼ର ଓ ଟର୍ମିନାଲ୍ ସ୍ଥାପନ କରାଯିବ ।
୨୩. ମୁମ୍ବାଇରୁ ଅହମ୍ମଦାବାଦ ପର୍ଯ୍ୟନ୍ତ ହାଇସ୍ପିଡ଼୍ ଟ୍ରେନ୍ ଚଳାଚଳ ପାଇଁ ପ୍ରକ୍ରିୟା ଆରମ୍ଭ
୨୪. ନୂଆ ଟ୍ରେନ୍ ସମ୍ପର୍କରେ ସଂସଦ ଅଧିବେଶନରେ ଘୋଷଣା କରାଯିବ ।
ଏହି ବଜେଟ୍ରେ ଯାତ୍ରୀ ସୁରକ୍ଷା ଓ ସ୍ୱଚ୍ଛତା ଦିଗରେ ବିଶେଷ ଗୁରୁତ୍ୱାରୋପ କରାଯାଇଛି । ଫଳରେ ଭାରତୀୟ ରେଳ ଭାରତର ସାମାଜିକ ଓ ଆର୍ଥôକ ବିକାଶରେ ସହାୟକ ହୋଇପାରିବ ବୋଲି ସେ କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ବିଜେପି ମୁଖପାତ୍ର ସଜ୍ଜନ ଶର୍ମା ଓ ସମୀର ମହାନ୍ତି ପ୍ରମୁଖ ଉପସ୍ଥିତ ଥିଲେ ।

Share in top social networks!