ଚିଟ ଫଣ୍ଡ ମହାଦୁର୍ନୀତିରେ ପ୍ରସନ୍ନ ଆଚାର୍ଯ୍ୟଙ୍କ ସାମିଲ ଅଭିଯୋଗ ପରିପ୍ରେକ୍ଷୀରେ ତାଙ୍କୁ ତଦନ୍ତ ପରିସର ଭୂକ୍ତ କରାଯାଉ: ବିଜେପି

 ବିନା ଅଭିଜ୍ଞତାରେ ସିସୋର ଓ ଗ୍ରୀନରେ ଭଳି ଦୁଇଟି ଠକ ଚିଟଫଣ୍ଡ କମ୍ପାନୀକୁ ଗୁରୁତ୍ୱପୂର୍ଣ ସ୍ୱାସ୍ଥ୍ୟ ସମ୍ପର୍କିତ କାମରେ ନିୟୋଜିତ କରିଥିଲେ ଶ୍ରୀ ଆଚାର୍ଯ୍ୟ
 ଗ୍ରୀନରେ କମ୍ପାନୀର ଔଷଧ ତିଆରି ବ୍ୟବସାୟ ସହ ଆଦୌ କୌଣସି ସମ୍ପର୍କ ନ ଥିବା ସତ୍ୱେ ଫାର୍ମାସିଟିକାଲ ବ୍ୟବସାୟରେ କମ୍ପାନୀ ୮୦ କୋଟି ଟଙ୍କା ବିନିଯୋଗ କରିଥିଲା
 ପ୍ରସନ୍ନ ଆଚାର୍ଯ୍ୟଙ୍କ ନେତୃତ୍ୱରେ ରାଜ୍ୟ ସ୍ୱାସ୍ଥ୍ୟ ବିଭାଗ ଏହି କମ୍ପାନୀକୁ କିପରି ଲାଇସେନ୍ସ ପ୍ରଦାନ କଲା ?
 ଗ୍ରୀନରେ କମ୍ପାନୀର ମାଲିକ ମୀର ସାହିରୁଦ୍ଧିନ ଏହି ଲାଇସେନ୍ସ ଆଧାରରେ ନିଶାଯୁକ୍ତ ଔଷଧ ତିଆରି କରି ବଜାରରୁ ପ୍ରଚୁର ମୁନାଫା କମାଇଥିଲା
 ମୀର ସାହିରୁଦ୍ଧିନକୁ ଅହେତୁକ ଅନୁକମ୍ପା ଦେଖାଇ ପ୍ରଚୁର ମୁନାଫା କମାଇବାର ପଥ ପରିଷ୍କାର ପ୍ରସନ୍ନ ଆଚାର୍ଯ୍ୟ କରିଥିଲେ କି ନାହିଁ ?
 ବାଲେଶ୍ୱର ଠାରେ ଗ୍ରୀନରେ କମ୍ପାନୀର ଉଦଘାଟନ ଉତ୍ସବରେ ପ୍ରସନ୍ନ ଆଚାର୍ଯ୍ୟ ମୁଖ୍ୟ ଅତିଥି ଭାବେ ଯୋଗ ଦେବା ତାଙ୍କର କମ୍ପାନୀ ପ୍ରୀତିର ପ୍ରମାଣ ନୁହେଁ କି ?
 ସ୍ୱାସ୍ଥ୍ୟ ସେବାରେ ଅନଭିଜ୍ଞ ସିସୋରକୁ ସରକାରୀ ଡାକ୍ତରଖାନା ଚଳାଇବା ଦାୟିତ୍ୱ ଦେଇ ସିସୋର ଦ୍ୱାରା ରାଜ୍ୟରେ ମେଡିକାଲ କଲେଜ ଓ ଡାକ୍ତରଖାନା ଖୋଲିବା ପାଇଁ ଅପରାଧିକ ଷଡଯନ୍ତ୍ର କରିଥିଲେ ଶ୍ରୀ ଆଚାର୍ଯ୍ୟ
 ପ୍ରସନ୍ନ ଆଚାର୍ଯ୍ୟ ଚିଟ ଫଣ୍ଡ ଲୁଟେରାଙ୍କ ଅର୍ଥରେ ଅନୁଗ୍ରହୀତ ହେବାର ସନେ୍ଦହ ଘେରରେ ଥିବାରୁ ତାଙ୍କୁ ତଦନ୍ତ ପରିସରଭୁକ୍ତ କରାଯାଉ
 ଉପଯୁକ୍ତ ତଦନ୍ତ ହେଲେ ପ୍ରସନ୍ନ ଆଚାର୍ଯ୍ୟଙ୍କ ଅସଲ ମୁଖା ଖୋଲିଯିବ
 ଏହି ପ୍ରସଙ୍ଗରେ ବରଗଡ଼ରେ ଦଳ ପକ୍ଷରୁ କରାଯିବ ବିକ୍ଷୋଭ ପ୍ରଦର୍ଶନ

Press Release_21

ଚିଟ ଫଣ୍ଡ ମହାଘୋଟାଲାରେ ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କ ଗିରଫଦାରୀ ପରେ ଦଳକୁ ସୁରକ୍ଷା ପ୍ରଦାନ କରିବା ପାଇଁ ଆଗକୁ ଆସିିଥିବା ଦଳର ସାଂସଦ ପ୍ରସନ୍ନ ଆଚାର୍ଯ୍ୟ ନିଜେ ଏହି ମହାଦୁର୍ନୀତିରେ ସଂପୃକ୍ତ ବୋଲି ଅଭିଯୋଗ କରିଛି ଭାରତୀୟ ଜନତା ପାର୍ଟି ।
ଏ ସମ୍ପର୍କରେ ବିଜେପି ବିଧାୟକ ପ୍ରଦୀପ ପୁରୋହିତଙ୍କ ବକ୍ତବ୍ୟ ପରେ ସାଂସଦ ପ୍ରସନ୍ନ ଆଚାର୍ଯ୍ୟ ଚିଟ ଫଣ୍ଡ କମ୍ପାନୀକୁ କାମ ଦେଇ ଓଡିଶା ସରକାରଙ୍କୁ ଲାଭ ପହଂଚାଇଥିଲେ ବୋଲି ଯୁକ୍ତି ବାଢିବା ସହ ବିଜେପି ବିଧାୟକଙ୍କ ଅଳ୍ପ ବିଦ୍ୟା ଭୟଙ୍କରୀ ବୋଲି ବକ୍ତବ୍ୟ ରଖିଥିଲେ ।

ଏ ସମ୍ପର୍କରେ ପୁଣି ଥରେ ସାମ୍ବାଦିକ ସମ୍ମିଳନୀ କରି ପ୍ରସନ୍ନ ଆଚାର୍ଯ୍ୟଙ୍କ ଠକ ଚିଟଫଣ୍ଡ କମ୍ପାନୀ ମାନଙ୍କୁ ତାଙ୍କର ସ୍ୱାସ୍ଥ୍ୟମନ୍ତ୍ରୀତ୍ୱ ସମୟରେ ଦେଖାଇଥିବା ଅନୁକମ୍ପା ଓ ଏହା ଦ୍ୱାରା ଶ୍ରୀ ଆଚାର୍ଯ୍ୟ ନିଜେ ଆର୍ଥିକ ଦୃଷ୍ଟିରୁ ଲାଭବାନ ହୋଇଥିବା ସନେ୍ଦହକୁ ଗଣମାଧ୍ୟମ ଆଗରେ ଉପସ୍ଥାପିତ କରିଛନ୍ତି ବିଜେପି ବିଧାୟକ ପ୍ରଦୀପ ପୁରୋହିତ ।
ଶ୍ରୀ ପୁରୋହିତ କହିଛନ୍ତି ଯେ, ଶ୍ରୀ ଆଚାର୍ଯ୍ୟ ସ୍ୱାସ୍ଥ୍ୟ ମନ୍ତ୍ରୀ ଥିବା ବେଳେ ସିସୋର ଓ ଗ୍ରୀନରେ ଭଳି ଦୁଇଟି ଠକ ଚିଟଫଣ୍ଡ କମ୍ପାନୀକୁ ସ୍ୱାସ୍ଥ୍ୟ କ୍ଷେତ୍ରରେ ଆଦୌ ଅଭିଜ୍ଞତା ନ ଥିବା ସତ୍ୱେ ଗୁରୁତ୍ୱପୂର୍ଣ ସ୍ୱାସ୍ଥ୍ୟ ସମ୍ପର୍କିତ କାମରେ ନିୟୋଜିତ କରିଥିଲେ ।
ଶ୍ରୀ ପୁରୋହିତ କହିଛନ୍ତି ଯେ, ଗ୍ରୀନରେ କମ୍ପାନୀର ଔଷଧ ତିଆରି ବ୍ୟବସାୟ ସହ ଆଦୌ କୌଣସି ସମ୍ପର୍କ ନ ଥିବା ସତ୍ୱେ ଫାର୍ମାସିଟିକାଲ ବ୍ୟବସାୟରେ ଏହି କମ୍ପାନୀ ୮୦ କୋଟି ଟଙ୍କା ବିନିଯୋଗ କରିଥିଲା । ପ୍ରସନ୍ନ ଆଚାର୍ଯ୍ୟଙ୍କ ନେତୃତ୍ୱରେ ରାଜ୍ୟ ସ୍ୱାସ୍ଥ୍ୟ ବିଭାଗ ଏହି କମ୍ପାନୀକୁ କିପରି ଲାଇସେନ୍ସ ପ୍ରଦାନ କଲା ଏହାର ଉତର ଦେବାର ଦାୟିତ୍ୱ ପ୍ରସନ୍ନ ଆଚାର୍ଯ୍ୟଙ୍କର ବୋଲି ବିଜେପି କହିଛି ।
ଗ୍ରୀନରେ କମ୍ପାନୀର ମାଲିକ ମୀର ସାହିରୁଦ୍ଧିନ ଏହି ଲାଇସେନ୍ସ ଆଧାରରେ ନିଶାଯୁକ୍ତ ଔଷଧ ତିଆରି କରି ବଜାରରୁ ପ୍ରଚୁର ମୁନାଫା କମାଉଥିବାର ଅଭିଯୋଗ ଗଣମାଧ୍ୟମରେ ପ୍ରକାଶିତ ହୋଇଛି । ମୀର ସାହିରୁଦ୍ଧିନକୁ ଅହେତୁକ ଅନୁକମ୍ପା ଦେଖାଇ ପ୍ରଚୁର ମୁନାଫା କମାଇବାର ପଥ ପରିଷ୍କାର ପ୍ରସନ୍ନ ଆଚାର୍ଯ୍ୟ କରିଥିଲେ କି ନାହିଁ ବୋଲି ବିଜେପି ପ୍ରଶ୍ନ କରିଛି ।
ବାଲେଶ୍ୱର ଠାରେ ଏହି କମ୍ପାନୀର ଉଦଘାଟନ ଉତ୍ସବରେ ପ୍ରସନ୍ନ ଆଚାର୍ଯ୍ୟ ମୁଖ୍ୟ ଅତିଥି ଭାବେ କାହିଁକି ଯୋଗ ଦେଇଥିଲେ ବୋଲି ଏ ସମ୍ବନ୍ଧରେ ସ୍ପଷ୍ଟୀକରଣ ରଖିବାକୁ ବିଜେପି ତରଫରୁ ଆହ୍ୱାନ କରାଯାଇଛି ।
ଅହେତୁକ ଅନୁକମ୍ପା ଦେଖାଇ ପ୍ରସନ୍ନ ଆଚାର୍ଯ୍ୟ ଗ୍ରୀନରେ ଅର୍ଥରୁ କେତେ ଲାଭବାନ ହୋଇଛନ୍ତି ଏହା ମଧ୍ୟ ସ୍ପଷ୍ଟ କରିବାକୁ ଶ୍ରୀ ପୁରୋହିତ ଆହ୍ୱାନ ଜଣାଇଛି ।
ଗ୍ରୀନରେ ସହ ଚିଟ ଫଣ୍ଡ କେଳେଙ୍କାରୀ ଦୁନିଆର ମହାରାଜ ସିସୋର କମ୍ପାନୀର ସ୍ୱାସ୍ଥ୍ୟ ସେବା ସହ କୌଣସି ସମ୍ପର୍କ ନ ଥିବା ବେଳେ ୯ଟି ସରକାରୀ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଚଲାଇବାକୁ ଅନୁମତି ଦେବା ପଛରେ ଥିବା ଅପରାଧିକ ଷଡଯନ୍ତ୍ରରେ ପ୍ରସନ୍ନ ଆଚାର୍ଯ୍ୟ ଥିବା ବିଜେପି ଅଭିଯୋଗ କରିଛି ।
ବିଜେପି କହିଛି ଯେ ସ୍ୱାସ୍ଥ୍ୟ ସେବାରେ ଅନଭିଜ୍ଞ ସିସୋରକୁ ସରକାରୀ ଡାକ୍ତରଖାନା ଚଳାଇବା ଦାୟିତ୍ୱ ଦେଇ ତକ୍ରାଳୀନ ସ୍ୱାସ୍ଥ୍ୟ ମନ୍ତ୍ରୀ ଶ୍ରୀ ଆଚାର୍ଯ୍ୟ ସିସୋର ଦ୍ୱାରା ରାଜ୍ୟରେ ମେଡିକାଲ କଲେଜ ଓ ଡାକ୍ତରଖାନା ଖୋଲିବା ପାଇଁ ଅପରାଧିକ ଷଡଯନ୍ତ୍ର କରିଥିଲେ ବୋଲି ଶ୍ରୀ ପୁରୋହିତ ଅଭିଯୋଗ କରିଛି ।
ମେଡିକାଲ ଶିକ୍ଷାରେ ପ୍ରଚୁର ଲାଭ ଥିବା କାରଣରୁ ସରକାରୀ ଡାକ୍ତରଖାନା ଚଳାଇବା ସହ ଡାଇଗ୍ନୋଷ୍ଟିକ ସେଂଟର ଚଲାଇବା ପାଇଁ ରାଜ୍ୟ ସରକାର ସିସୋର ଭଳି ଅନଭିଜ୍ଞ ଓ ଠକ ସଂସ୍ଥାକୁ ଶ୍ରୀ ଆଚାର୍ଯ୍ୟଙ୍କ ଅନୁଗ୍ରହରେ ଅନୁମତି ପ୍ରଦାନ କରାଯାଇଥିଲା ବୋଲି ଶ୍ରୀ ପୁରୋହିତ ଅଭିଯୋଗ କରିଛି ।
ବିଜେପି ତରଫରୁ ଦାବି କରାଯାଇଛି ଯେ, ପ୍ରସନ୍ନ ଆଚାର୍ଯ୍ୟ ଚିଟ ଫଣ୍ଡ ଲୁଟେରାଙ୍କ ଅର୍ଥରେ ଅନୁଗ୍ରହୀତ ହେବାର ସନେ୍ଦହ ଘେରରେ ଥିବାରୁ ତାଙ୍କୁ ଏହି ଦୁଇ ସଂସ୍ଥାର ତଦନ୍ତ ପ୍ରକ୍ରିୟାରେ ତଦନ୍ତ ପରିସରଭୁକ୍ତ କରାଯାଉ । ଉପଯୁକ୍ତ ତଦନ୍ତ ହେଲେ ପ୍ରସନ୍ନ ଆଚାର୍ଯ୍ୟଙ୍କ ଅସଲ ମୁଖା ଖୋଲିଯିବ ବୋଲି ବିଜେପି ତରଫରୁ ପ୍ରକାଶ କରାଯାଇଛି ।
ଏହି ପ୍ରସଙ୍ଗରେ ଦଳ ତରଫରୁ ବରଗଡ଼ ଠାରେ ଆଜି ବିକ୍ଷୋଭ ପ୍ରଦର୍ଶନ କରାଯିବ ବୋଲି ଶ୍ରୀ ପୁରୋହିତ ଘୋଷଣା କରିଛନ୍ତି ।
ଆଜିର ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ମୁଖପାତ୍ର ଶ୍ରୀ ଗୋଲକ ପ୍ରସାଦ ମହାପାତ୍ର ଉପସ୍ଥିତ ଥିଲେ ।

Share in top social networks!

୧୦ ଲକ୍ଷ ଚିଟଫଣ୍ଡ କ୍ଷତିଗ୍ରସ୍ତଙ୍କ ୨୦ ହଜାର କୋଟି ଟଙ୍କା ସହ ନୁହେଁ, ଚିଟଫଣ୍ଡ ଲୁଟେରାଙ୍କ ସହ ଅଛି ବିଜେଡି : ବିଜେପି

 ପାପ କରିଛନ୍ତି ଅଥଚ ପ୍ରାୟଶ୍ଚିତ କରିବାକୁ ଡରୁଛନ୍ତି
 ପ୍ରଭାତ ବିଶ୍ୱାଳଙ୍କୁ ରାଜରାସ୍ତାରେ ବିଜେଡିର ସମର୍ଥନକୁ ନିନ୍ଦା
 ଚିଟଫଣ୍ଡ ଲୁଟେରାଙ୍କୁ ସାଥ ଦେଉଥିବା ବିଜେଡି ବିରୁଦ୍ଧରେ ଏକାଠି ହୋଇ ସ୍ୱର ଉତୋଳନ କରିବାକୁ ରାଜ୍ୟବାସୀଙ୍କୁ ଆହ୍ୱାନ
 ପ୍ରସନ୍ନ ଆଚାର୍ଯ୍ୟଙ୍କ ସ୍ୱାସ୍ଥ୍ୟମନ୍ତ୍ରୀତ୍ୱ କାଳରେ ଚିଟ୍ଫଣ୍ଡ କମ୍ପାନୀମାନଙ୍କୁ ସ୍ୱାସ୍ଥ୍ୟ ବିଭାଗର ଅନୁକମ୍ପା ସମ୍ପର୍କରେ ସ୍ପଷ୍ଟିକରଣ ରଖିବାକୁ ଶ୍ରୀ ଆଚାର୍ଯ୍ୟଙ୍କୁ ବିଜେପିର ଆହ୍ୱାନ
 ୨୦୧୨ ରେ ବିଷାକ୍ତ େଓ÷ାଷଧଜନିତ ୧୨ ଜଣଙ୍କ ମୃତୁ୍ୟରେ ତଦନ୍ତ କରିଥିବା ନାୟୁଡୁ କମିଶନ ରିପୋର୍ଟ ଖୁଲାସା କରନ୍ତୁ ରାଜ୍ୟ ସରକାର
Photo_PC_PradeepPurohit_20

ରାମାୟଣ ଯୁଗରେ ପୁତ୍ର ଇନ୍ଦ୍ରଜିତର ମୃତୁ୍ୟରେ ବିଚଳିତ ହୋଇ ରାବଣର ଅଯଥା ଅହଂକାର ପାଇଁ ଯେଉଁ ଭଳି ପତନ ହୋଇଥିଲା, ସେହି ଭଳି ଚିଟ୍ ଫଣ୍ଡ ଦୁର୍ନୀତିରେ ଅଭିଯୁକ୍ତ ବିଧାୟକ ପ୍ରଭାତ ବିଶ୍ୱାଳଙ୍କ ଗିରଫଦାରୀରେ ଅହଂକାରୀ ଶାସକ ବିଜେଡିର ପତନ ଘଟିବ । ଧନ, ଜୀବନ ଆଦିକୁ ସୁରକ୍ଷା ଯୋଗାଇ ଦେବା ପାଇଁ ରାଜ୍ୟବାସୀ ନବୀନ ପଟ୍ଟନାୟକଙ୍କ ନେତୃତ୍ୱରେ ବିଜେଡିକୁ ଶାସନ କ୍ଷମତା ଦେଇଥିଲେ । ସିବିଆଇ ଦ୍ୱାରା ଗିରଫ ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କ ସୁରକ୍ଷା ଦାବୀରେ ରାଜରାସ୍ତାକୁ ବିଜେଡି ବାହାରିବା ପରିପ୍ରେକ୍ଷୀରେ ରାଜ୍ୟର ଶାସକ ଦଳ ଚିଟ ଫଣ୍ଡ କ୍ଷତିଗ୍ରସ୍ତ ୧୦ ଲକ୍ଷ ଗରୀବ ଓଡିଆଙ୍କ ୨୦ ହଜାର କୋଟି ଟଙ୍କା ସହିତ ନା ଚିଟଫଣ୍ଡ ଲୁଟେରାଙ୍କ ସହିତ ଅଛି, ତାହା ସ୍ପଷ୍ଟ କରିବାକୁ ଏକ ସାମ୍ବାଦିକ ସମ୍ମିଳନରେ ବିଜେପି ବିଧାୟକ ପ୍ରଦୀପ ପୁରୋହିତ ପ୍ରଶ୍ନ କରିଛନ୍ତି ।
ପ୍ରଭାତ ବିଶ୍ୱାଳଙ୍କୁ ରାଜନୈତିକ ଓ ନୈତିକ ସମର୍ଥନ ଦେଇ ବିଜୁ ଜନତା ଦଳର ରାଜରାସ୍ତାରେ ବିକ୍ଷୋଭ ଆୟୋଜନକୁ ଦୃଢ ଶବ୍ଦରେ ନିନ୍ଦା କରିଛନ୍ତି ଶ୍ରୀ ପୁରୋହିତ । ଚିଟ ଫଣ୍ଡ ଲୁଟେରାଙ୍କୁ ସୁରକ୍ଷା ଦେବା ଓ ସେମାନଙ୍କ ଅର୍ଥରେ ପ୍ରଚୁର ମାତ୍ରାରେ ଲାଭବାନ ହୋଇଥିବା ଦଳୀୟ ବିଧାୟକ ପ୍ରଭାତ ବିଶ୍ୱାଳଙ୍କୁ ରାଜ ରାସ୍ତାରେ ସମର୍ଥନ କରି ବିଜେଡି ଚିଟଫଣ୍ଡ ଲୁଟର ଶୀକାର ହୋଇଥିବା ସାଧାରଣ ଗରୀବ ଓଡିଆ ମାନଙ୍କ ସ୍ୱାର୍ଥକୁ କୁଠାରାଘାତ କରିଛନ୍ତି । ନିରୀହ ଜମାକାରୀଙ୍କ ଅର୍ଥକୁ ଲୁଟ୍ କରି ପାପ କରିଥିବାବେଳେ ବର୍ତମାନ ପ୍ରାୟଶ୍ଚିତ କରିବାକୁ କାହିଁକି ଡରୁଛନ୍ତି ବୋଲି ଶ୍ରୀ ପୁରୋହିତ ସାମ୍ବାଦିକ ସମ୍ମିଳନୀରେ ପ୍ରଶ୍ନ କରିଛନ୍ତି ।
ବିଜେଡି ନେତାମାନେ ପ୍ରଭାତ ବିଶ୍ୱାଳ ଚିଟ ଫଣ୍ଡ ଲୂଟରେ ଭାଗିଦାର ନାହାନ୍ତି ବୋଲି କହିବାକୁ ସତସାହାସ କରି ପାରୁ ନାହାନ୍ତି । ମାତ୍ର ରାଜରାସ୍ତାରେ ସମର୍ଥନ କରି ଚିଟଫଣ୍ଡ ଲୂଟର ଶୀକାର ଓଡିଆଙ୍କ ସମର୍ଥନରେ ନୁହେଁ ବରଂ ବିଜେଡି ଚିଟ ଫଣ୍ଡ ଲୁଟେରାଙ୍କ ସାଥିରେ ଅଛି ବୋଲି ପ୍ରମାଣିତ କରୁଛି ।
ଓଡିଶାର ଲକ୍ଷ ଲକ୍ଷ ଚିଟ ଫଣ୍ଡ କ୍ଷତିଗ୍ରସ୍ତମାନେ ବିଜେଡିର ଚିଟ ଫଣ୍ଡ ଲୁଟେରାଙ୍କ ସାଥ ଦେବା ବିରୁଦ୍ଧରେ ଏକାଠି ହୋଇ ସ୍ୱର ଉତୋଳନ କରିବାକୁ ଶ୍ରୀ ପୁରୋହିତ ଆହ୍ୱାନ ଜଣାଇଛନ୍ତି ।
(ପୃÂା: ୧/୨)

ଶ୍ରୀ ପୁରୋହିତ କହିଛନ୍ତି ଯେ, ମୂଳରୁ ଚୁଳ ପର୍ଯ୍ୟନ୍ତ ବିଜୁ ଜନତା ଦଳ ଚିଟ ଫଣ୍ଡ ଦୁର୍ନୀତିରେ ବୁଡି ରହିଛି । ଏହି ଦୁର୍ନୀତି ନବୀନ ନିବାସରୁ ତୃତୀୟ ମହଲା ପର୍ଯ୍ୟନ୍ତ ବ୍ୟାପିଛି । ଓଡିଶାର ସାଧାରଣ ଗରୀବ ଲୋକ ମାନଙ୍କୁ ନ୍ୟାୟ ଦେବା ପାଇଁ ଯେ କେହି ବି ପ୍ରତ୍ୟକ୍ଷ ଓ ପରୋକ୍ଷ ଭାବରେ ଏହି ମହାଦୁର୍ନୀତିରେ ସାମିଲ ଅଛନ୍ତି ସେମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁÂାନ ହେବାର ଆବଶ୍ୟକତା ଅଛି । ଦୋଷୀଙ୍କୁ ସୁରକ୍ଷା ନ ଦେଇ ଗରୀବ ଜମାକାରୀଙ୍କୁ ନ୍ୟାୟ ଦେବା ପାଇଁ ନବୀନ ବାବୁ ଆଗେଇ ଆସନ୍ତୁ ବୋଲି ଶ୍ରୀ ପୁରୋହିତ ପରାମର୍ଶ କରିଛନ୍ତି ।
ବିଜେଡି ସାଂସଦ ତଥା ଚିଟ ଫଣ୍ଡ ମାମଲାରେ ଦଳକୁ ସୁରକ୍ଷା ଦେଉଥିବା ପ୍ରସନ୍ନ ଆଚାର୍ଯ୍ୟଙ୍କୁ କଟୁ ସମାଲୋଚନା କରିଛନ୍ତି ଶ୍ରୀ ପୁରୋହିତ । ଶ୍ରୀ ପୁରୋହିତ କହିଛନ୍ତି ଯେ ଶ୍ରୀ ପ୍ରସନ୍ନ ଆଚାର୍ଯ୍ୟ ରାଜ୍ୟର ସ୍ୱାସ୍ଥ୍ୟ ମନ୍ତ୍ରୀ ଥିବା ବେଳେ ବିଷାକ୍ତ େଓ÷ାଷଧ ସେବନ କାରଣରୁ ୧୨ ଜଣ ପ୍ରାଣ ହରାଇଥିଲେ । ଏହି ଘଟଣାର ତଦନ୍ତ ଦାୟୀତ୍ୱ ଜଷ୍ଟିସ ନାୟୁଡୁଙ୍କ ଦ୍ୱାରା କରାଯାଇଥିଲା । ନାୟୁଡୁ କମିଶନ ୨୦୧୫ ମସିହାରେ ରାଜ୍ୟ ସରକାରଙ୍କୁ ତାଙ୍କ ରିପୋର୍ଟ ପ୍ରଦାନ କରିଥିବା ସତ୍ୱେ ତାହାକୁ ଏ ପର୍ଯ୍ୟନ୍ତ ରାଜ୍ୟ ସରକାର ଚପାଇ ରଖିଛନ୍ତି । ନାୟୁଡୁ କମିଶନଙ୍କ ରିପୋର୍ଟ ଖୁଲାସା ହେଲେ ଶ୍ରୀ ଆଚାର୍ଯ୍ୟଙ୍କ ସମେତ ରାଜ୍ୟ ସରକାରଙ୍କ ପାଇଁଁ ଅସୁବିଧା ସୃଷ୍ଟି ହେବାର ଶଙ୍କା ଘାରିଛି ବୋଲି ଶ୍ରୀ ପୁରୋହିତ କହିଛନ୍ତି । କେଉଁ କେଉଁ ଚିଟ ଫଣ୍ଡ କମ୍ପାନୀ ସହ କଣ କଣ ବୁଝାମଣା ପତ୍ର ହୋଇ କାହାକୁ କେଉଁ କେଉଁ ସୁବିଧା ଦିଆ ଯାଇଛି ଓ ଏଥିରୁ ଶ୍ରୀଯୁକ୍ତ ଆଚାର୍ଯ୍ୟ ବ୍ୟକ୍ତିଗତ ଭାବରେ ଓ ଦଳ ତଥା ଦଳର ନେତା ମାନଙ୍କ ପାଇଁ କଣ କଣ ସୁବିଧା ନେଇଛନ୍ତି ତାହା ସ୍ପଷ୍ଟ କରିବାକୁ ଆହ୍ୱାନ ଜଣାଇବା ସହ ନାୟୁଡୁ କମିଶନଙ୍କ ରିପୋର୍ଟକୁ ଖୁଲାସା କରିବାକୁ ଶ୍ରୀ ପୁରୋହିତ ଦାବୀ କରିଛନ୍ତି ।
ଶ୍ରୀଯୁକ୍ତ ଆଚାର୍ଯ୍ୟ ତାଙ୍କର ସ୍ୱାସ୍ଥ୍ୟମନ୍ତ୍ରିତ୍ୱ କାଳରେ ତାଙ୍କର କଳା କାରନାମା ସମ୍ପର୍କରେ ସ୍ପଷ୍ଟୀକରଣ ନ ରଖିଲେ ତାଙ୍କ ଦଳ ତରଫରୁ ଗଣମାଧ୍ୟମରେ ସ୍ପଷ୍ଟ କରାଯାଇ ଶ୍ରୀ ଆଚାର୍ଯ୍ୟଙ୍କର ମୁଖା ଖୋଲି ଦିଆ ଯିବ ବୋଲି ଶ୍ରୀ ପୁରୋହିତ ଚେତାବନୀ ଦେଇଛନ୍ତି ।
ଆଜିର ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ସଂପାଦକ ଦିଲୀପ ମଲ୍ଲିକ ଏବଂ ରାଜ୍ୟ ପ୍ରବକ୍ତା ଦିଲୀପ ମହାନ୍ତି ଉପସ୍ଥିତ ଥିଲେ ।

Share in top social networks!

ତୈଳ ଦର ବୃଦ୍ଧି ପ୍ରତିବାଦରେ ସକାଳ ୭ଟା ମଧ୍ୟାହ୍ନ ୧୨ଟା ପର୍ଯ୍ୟନ୍ତ ବିଜେଡିର ରାଜ୍ୟାବ୍ୟାପୀ ‘ହକ୍‍ ପାଇଁ ହରତାଲ୍‍’

DSC_0127
ତୈଳ ଦର ବୃଦ୍ଧି କରି କେନ୍ଦ୍ର ବିଜେପି ସରକାର ଓଡ଼ିଶା ତଥା ଦେଶର ଗରିବ ଜନସାଧାରଣଙ୍କୁ
ଲୁଟ୍‍ କରି ଘରୋଇ ତୈଳ କମ୍ପାନୀଗୁଡିକୁ ଲାଭ ଦେଉଛନ୍ତି । ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ଅର୍ଦ୍ଧାଧିକ ହ୍ରାସ
ପାଇଥିବା ବେଳେ ଉପôାଦ ଶୁଳ୍କ ଅହେତୁକ ବୃଦ୍ଧି କରି କେନ୍ଦ୍ର ଏନ୍‍ଡିଏ ସରକାର ବାରମ୍ବାର ତୈଳ ଦର ବୃଦ୍ଧି କରିବା ଅତ୍ୟନ୍ତ
ଦୁର୍ଭାଗ୍ୟଜନକ ଏବଂ ଜନବିରୋଧୀ ପଦକ୍ଷେପ । ବାରମ୍ବାର ତୈଳ ଦର ବୃଦ୍ଧି ଯୋଗୁ ନିତ୍ୟ ବ୍ୟବହାର୍ଯ୍ୟ ଓ ଅତ୍ୟାବଶ୍ୟକ ସାମଗ୍ରୀର
ଦରଦାମ ହୁ ହୁ ହୋଇ ବଢ଼ି ଚାଲିଛି । ସାଧାରଣ ଜନତା ଓ ଖାଉଟିମାନଙ୍କ ସ୍ୱାର୍ଥକୁ ଆଖିବୁଜି ଦେଇ କେନ୍ଦ୍ର ସରକାରଙ୍କ ଲଗାମ ଛଡ଼ା
ଦର ବୃଦ୍ଧିକୁ ବିରୋଧ କରି ଆସନ୍ତାକାଲି ସକାଳ ୭ଟା ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଶାନ୍ତିପୂର୍ଣ୍ଣ ଭାବେ ‘ହକ୍‍ ପାଇଁ ହରତାଲ୍‍’ କରାଯିବ
ବୋଲି ଆଜି ସାମ୍ବାଦିକ ସମ୍ମିଳନୀରେ ବିଜୁ ଜନତା ଦଳ ଉପ-ସଭାପତି ତଥା ମୁଖପାତ୍ର ପ୍ରସନ୍ନ ଆଚାର୍ଯ୍ୟ, ଉପ-ସଭାପତି ଉଷା
ଦେବୀ, ସାଧାରଣ ସଂପାଦକ ସଂଜୟ କୁମାର ଦାସବର୍ମା, ଉପ-ସଭାପତି ଉଷା ଦେବୀ ଏବଂ ବିଜୁ ମହିଳା ଜନତା ଦଳ ଉପ-
ସଭାନେତ୍ରୀ ସ୍ନେହାଙ୍ଗିନୀ ଛୁରିଆ କହିଛନ୍ତି ।
କଞ୍ଚାତେଲ ବିଶେଷତଃ ଆରବ ରାଷ୍ଟ୍ରରୁ ଆସିଥାଏ । ଆମେରିକାରେ ଝଡ଼ ହେବା ଯୋଗୁ କଞ୍ଚାତେଲ ଦର ବଢ଼ିଛି ଓ ଏହାଦ୍ୱାରା
ଭାରତରେ ତେଲ ଦର ବଢ଼ୁଛି ବୋଲି କେନ୍ଦ୍ରମନ୍ତ୍ରୀଙ୍କ ବିବୃତି ନିଶ୍ଚିତ ହାସ୍ୟାସ୍ପଦ ଏବଂ ଏହାକୁ ଭାରତବାସୀ କୌଣସିମତେ ଗ୍ରହଣ
କରୁନାହାନ୍ତି । ମହାରାଷ୍ଟ୍ରରେ ବିଜେପି ସରକାର ଥାଇ ତେଲ ଉପରେ ଭାଟ୍‍ ୩୨.୦୭% ନେଉଥିବାବେଳେ ୟୁପିରେ ୩୩%,
ଉତ୍ତରାଖଣ୍ଡରେ ୩୫.୯୮%, ରାଜସ୍ଥାନରେ ୩୨.୭୧%, ଝାଡ଼ଖଣ୍ଡରେ ୩୪.୭୪% ଭାଟ୍‍ ଆଦାୟ କରାଯାଉଛି । ସେହି ତୁଳନାରେ
ଓଡ଼ିଶା ସରକାର ତୈଳ ଉପରେ କମ୍‍ ଭାଟ୍‍ ନେଉଛି । ଏଭଳି ସ୍ଥିତିରେ କେନ୍ଦ୍ର ଓଡ଼ିଶାକୁ ତୈଳ ଉପରେ ଭାଟ୍‍ କମାଇବା ପାଇଁ
ଉପଦେଶ ଦେଉଛି, ଏହା ନିଶ୍ଚିତ ଦୁର୍ଭାଗ୍ୟଜନକ । ଅଶୋଧିତ ତୈଳ ଦଳ ଆନ୍ତର୍ଜାତିକ ବଜାରରେ ବଢ଼ିବା-କମିବା ଲାଗିବ ରହିବ ।
କିନ୍ତୁ ଆମ ଦେଶରେ ଉପôାଦ ଶୁଳ୍କ କାହିଁକି ବଢ଼ିବ, ତାହା ବୁଝାପଡୁନାହିଁ । କେନ୍ଦ୍ରରେ ଏନ୍‍ଡିଏ ସରକାର ଆସିବା ପରେ ଅର୍ଥାତ୍‍
୨୦୧୪ରୁ ଜାନୁଆରୀ ୨୦୧୬ରେ ପେଟ୍ରୋଲ ଉପରେ ୧୦୮% ଉପôାଦ ଶୁଳ୍କ ବଢ଼ିଛି, ଡିଜେଲ୍‍ ଉପରେ ୨୮୮.୦୯% ଉପôାଦ
ଶୁଳ୍କ ବଢ଼ିଛି । ଏହା କେଉଁ ପ୍ରକାର ଆଚ୍ଛେଦିନ, ତାହା ଜନସାଧାରଣ ବିଚାର କରିବେ ବୋଲି ବିଜୁ ଜନତା ଦଳ ଉପ-ସଭାପତି ତଥା
ମୁଖପାତ୍ର ପ୍ରସନ୍ନ ଆଚାର୍ଯ୍ୟ କହିଥିଲେ ।
ରାଜ୍ୟ ରାଜଧାନୀ ଭୁବନେଶ୍ୱର ଠାରୁ ଆରମ୍ଭ କରି ସମସ୍ତ ଜିଲ୍ଳା/ସବ୍‍ଡିଭିଜନ୍‍/ବ୍ଲକ ସଦର ମହକୁମାରେ ସକାଳ ୭ଟା ଦିନ
୧୨ଟା ପର୍ଯ୍ୟନ୍ତ ଶାନ୍ତିପୂର୍ଣ୍ଣ ଭାବେ ‘ହକ୍‍ ପାଇଁ ହରତାଲ୍‍’ କରାଯିବ । ବିଭିନ୍ନ କେନ୍ଦ୍ର ସରକାରଙ୍କ କାର୍ଯ୍ୟାଳୟ ସମ୍ମୁଖରେ ମଧ୍ୟ
ହରତାଳ କରାଯିବ । ଏଥିରେ ସମସ୍ତ ଅତ୍ୟାବଶ୍ୟକ ସେବା ଏଥିରୁ ବାଦ୍‍ ଦିଆଯାଇଛି । ଏହା ଗୋଟିଏ ଦିନ ପାଇଁ ନୁହେଁ, ବରଂ ଯେ
ପର୍ଯ୍ୟନ୍ତ କେନ୍ଦ୍ର ସରକାର ତୈଳ ଦର ବୃଦ୍ଧି ପ୍ରତ୍ୟାହାର ନହେବା ପର୍ଯ୍ୟନ୍ତ ପର୍ଯ୍ୟାୟକ୍ରମେ ଏହା ଚାଲୁ ରହିବ । କାରଣ ବିଜେପି ଯେଉଁ
ପ୍ରତ୍ୟେକ ଘରୁ ଲୁଟ୍‍ କରିବା ଆରମ୍ଭ କରିଛି ତାକୁ ଯଥାସାଧ୍ୟ ମୁକାବିଲା କରିବା ପାଇଁ ଓଡ଼ିଶାର ଯୁବ, ଛାତ୍ର, ବୁଦ୍ଧିଜୀବୀ, ଶ୍ରମିକ,
ବିଭିନ୍ନ ବ୍ୟବସାୟ ଅନୁÂାନ ଓ ଜନସାଧାରଣ ଏହାକୁ ସମର୍ଥନ କରିବାକୁ ସାଧାରଣ ସଂପାଦକ ସଂଜୟ କୁମାର ଦାସବର୍ମା
ନିବେଦନ କରିଛନ୍ତି ।

Share in top social networks!

ଜିଏସଟି କାଉନ୍ସିଲ ମନ୍ତ୍ରୀସ୍ତରୀୟ କମିଟିରେ ଅର୍ଥମନ୍ତ୍ରୀ ଶ୍ରୀ ବେହେରା

ଦେଶରେ ଦ୍ରବ୍ୟ ଓ ସେବାକର କାର୍ଯ୍ୟକାରୀ କରୁଥ#ବା ପ୍ରମୁଖ ସଂସ୍ଥା ଦ୍ରବ୍ୟ ଓ ସେବାକର କାଉନ୍ସିଲ (ଜିଏସଟି କାଉନ୍ସିଲ)ର ମନ୍ତ୍ରୀସ୍ତରୀୟ କମିଟିରେ ଅର୍ଥ ଓ ଅବକାରୀ ମନ୍ତ୍ରୀ ଶ୍ରୀ ଶଶିଭୂଷଣ ବେହେରାଙ୍କୁ ସ୍ଥାନିତ କରାଯାଇଛି । ଏହି ମର୍ମରେ କେନ୍ଦ୍ରୀୟ ଅର୍ଥ ମନ୍ତ୍ରାଳୟରୁ ପତ୍ର ଲେଖି ଜଣାଇ ଦିଆଯାଇଛି ।

ମନ୍ତ୍ରୀ ଶ୍ରୀ ବେହେରା ଜିଏସଟି କାଉନ୍ସିଲ ମନ୍ତ୍ରୀସଭାର ସଦସ୍ୟ ଭାବରେ ଦାୟିତ୍ୱ ନିର୍ବାହ କରିବେ ବୋଲି କାଉନ୍ସିଲ ପକ୍ଷରୁ କୁହାଯାଇଛି । ଜିଏସଟି କାର୍ଯ୍ୟାନ୍ୱୟନରେ ଆଇଟି ବାବଦ ଆହ୍ୱାନଗୁଡ଼ିକର ତଦାରଖ ଏବଂ ସମାଧାନ ନିମନ୍ତେ ଏହି ମନ୍ତ୍ରୀଗୋଷ୍ଠୀ କାର୍ଯ୍ୟ କରିବେ । ଏହି କମିଟିରେ ବିହାର ଉପମୁଖ୍ୟମନ୍ତ୍ରୀ ଶ୍ରୀ ସୁଶୀଲ କୁମାର
ମୋଦି ଆବାହକ ଭାବେ କାର୍ଯ୍ୟ କରିବେ । ଛତିଶଗଡ଼ର ବାଣିଜ୍ୟକର ମନ୍ତ୍ରୀ ଅମର ଅଗ୍ରଓ୍ୱାଲ, କର୍ଣ୍ଣାଟକର କୃଷିମନ୍ତ୍ରୀ ଶ୍ରୀ କିଷ୍ଣ ବୈରାଗୌଡ଼ା ଓ ତେଲେଙ୍ଗାନାର ଅର୍ଥମନ୍ତ୍ରୀ ଶ୍ରୀ ଏତେଲା ରାଜେନ୍ଦର୍ଙ୍କୁ କମିଟିରେ ସଭ୍ୟ ରଖାଯାଇଛି । ଏହି ମନ୍ତ୍ରୀସ୍ତରୀୟ କମିଟିକୁ ସହାୟତା ଦେବା ନିମନ୍ତେ ଦ୍ରବ୍ୟ ଓ ସେବାକର ନେଟ୍ଓ୍ୱର୍କର ଅଧ୍ୟକ୍ଷ ଶ୍ରୀ ଏ.ବି.ପାଣ୍ଡେ ଓ
ସି.ଇ.ଓ. ପ୍ରକାଶ କୁମାରଙ୍କୁ ମଧ୍ୟ ନିର୍ଦ୍ଦେଶ ଦିଆଯାଇଛି ।

Share in top social networks!

୩ ଦିନିଆ ଓଡିଶା ଗସ୍ତରେ ଆସନ୍ତା କାଲି ଆସୁଛନ୍ତି ବିଜେପି ରାଷ୍ଟ୍ରୀୟ ସାଧାରଣ ସଂପାଦକ ତଥା ରାଜ୍ୟ ପ୍ରଭାରୀ ଶ୍ରୀ ଅରୁଣ ସିଂହ

ରାଜ୍ୟରେ ପାର୍ଟିର ସାଂଗଠନିଳ କାର୍ଯ୍ୟକଳାପର ସମୀକ୍ଷା କରିବା ପାଇଁ ବିଜେପି ରାଷ୍ଟ୍ରୀୟ ସାଧାରଣ ସଂପାଦକ ତଥା ରାଜ୍ୟ ପ୍ରଭାରୀ ଶ୍ରୀ ଅରୁଣ ସିଂହ ଆସନ୍ତା କାଲି ଓଡିଶା ଆସୁଛନ୍ତି । ଶ୍ରୀ ସିଂହ ଆସନ୍ତା କାଲି ସଂଧ୍ୟାରେ ଭୂବନେଶ୍ୱର ପହଂଚିବା ପରେ ସିଧାସଳଖ କେନ୍ଦୁଝର ଗସ୍ତ କରି ସେଠାରେ ରାତ୍ରଯାପନ କରିବେ । ଆସନ୍ତା ୧୬ ଓ ୧୭ ତାରିଖ ଦୁଇ ଦିନ ଧରି ଶ୍ରୀ ସିଂହ କେନ୍ଦୁଝରଠାରେ ଅନୁÂିତ ହେବାକୁ ଥିବା ପାର୍ଟିର ବିଭିନ୍ନ ବୈଠକରେ ଯୋଗ ଦେଇ ପାର୍ଟିର ସ୍ଥିତି ଏବଂ କାର୍ଯ୍ୟକଳାପର ସମୀକ୍ଷା କରିବା ସହ ପ୍ରମୁଖ ନେତୃବୃନ୍ଦ ଏବଂ କାର୍ଯ୍ୟକର୍ତାଙ୍କ ସହ ବିସ୍ତୃତ ଆଲୋଚନା କରିବେ ।
ଶ୍ରୀ ସିଂହ ୧୭ ତାରିଖ ସଂଧ୍ୟାରେ ଭୁବନେଶ୍ୱର ଫେରି ଆସି ଦିଲ୍ଲୀ ପ୍ରତ୍ୟାବର୍ତନ କରିବାର କାର୍ଯ୍ୟକ୍ରମ ଅଛି ବୋଲି ରାଜ୍ୟ ମୁଖପାତ୍ର ଶ୍ରୀ ସଜ୍ଜନ ଶର୍ମା ସୁଚନା ଦେଇଛନ୍ତି ।

Share in top social networks!

ଓଡିଶାର ବିକାଶ ପାଇଁ ମୋଦି ସରକାରଙ୍କ ଦ୍ୱାରା ବିଗତ ୩ ବର୍ଷରେ ୩୯୪୯୯୪ କୋଟି ଟଙ୍କାର ଅନୁଦାନ: ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ଅମିତ ଶାହା

2017090715032100
ଭୂବନେଶ୍ୱର: ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଶ୍ରୀ ଅମିତ ଶାହା ଆଜି ସାମ୍ବାଦିକମାନଙ୍କୁ ଭେଟି ସାମ୍ବାଦିକ ସମ୍ମିଳନୀରେ ଉଦ୍ ବୋଧନ ଦେଇଥିବା ବକ୍ତବ୍ୟର ମୁଖ୍ୟ ଅଂଶ ।

 ଓଡିଶାର ବିକାଶ ପାଇଁ ମୋଦି ସରକାରଙ୍କ ଦ୍ୱାରା ବିଗତ ୩ ବର୍ଷରେ ୩୯୪୯୯୪ କୋଟି ଟଙ୍କାର ଅନୁଦାନ ଆସିଛି, ମାତ୍ର ରାଜ୍ୟ ସରକାରଙ୍କ ଅପାରଗତା କାରଣରୁ ରାଜ୍ୟବାସୀ ନିଜ ହକ୍ ପାଇବାରୁ ବଂଚିତ ହୋଇଛନ୍ତି ।
 ଭାରତୀୟ ଜନତା ପାର୍ଟି ଓଡିଶାରେ ୧୨୦ରୁ ଅଧିକ ଆସନ ହାସଲ କରି ସରକାର ଗଠନ କରିବ ।
 ସ୍ୱାଧୀନତା ପରେ ବର୍ତମାନର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ ପରିଚାଳିତ କେନ୍ଦ୍ର ସରକାରଙ୍କ ସମୟରେ ଅଧିକ ଆର୍ଥିକ ଅନୁଦାନ ଓଡିଶାକୁ ଆସିଛି ।
 ୪ର୍ଥ ପାଳି ଏବଂ ପାଖାପାଖି ୨୦ ବର୍ଷର ଶାସନ ପରେ ମଧ୍ୟ ଦେଶର ଅନ୍ୟ ଭାଗ ତୁଳନାରେ ଅଧିକ ସଂଶାଧନ ଥିବା ସତ୍ୱେ ଓଡିଶାରେ ବିକାଶ ହୋଇପାରିନାହିଁ ।
 ରାଜ୍ୟରେ ବର୍ଦ୍ଧିତ ଭ୍ରଷ୍ଟାଚାର ଏବଂ ଧୀମା ବିକାଶ ପାଇଁ ଚିନ୍ତିତ ଭାରତୀୟ ଜନତା ପାର୍ଟି ।
 ଶାସକ ବିଜେଡି ରାଜ୍ୟର ସଠିକ ବିକାଶ କରିନପାରିଲେ ି କ୍ଷମତାରେ ରହିବାର ଅଧିକାର ନାହିଁ ।
 ମନମୋହନ-ସୋନିଆଙ୍କ ଶାସନ କାଳ ସମୟରେ କେନ୍ଦ୍ରୀୟ ଟିକାସ ବାବଦରେ ୬୮୧୯୬ କୋଟି ଟଙ୍କା ଅନୁଦାନ ପାଇଥିବାବେଳେ ଚତୁର୍ଦ୍ଧଶ ଅର୍ଥ କମିଶନଙ୍କ ସୁପାରିଶ କ୍ରମେ ମୋଦି ସରକାର ତିନି ଗୁଣ ବୃଦ୍ଧି କରି ୧୮୪୦୭୦ କୋଟି ଟଙ୍କାର ଅନୁଦାନ ଦେଇଛନ୍ତି ।
 ତ୍ରୟୋଦଶ ଅର୍ଥ କମିଶନ ଅନୁଦାନ ସହାୟତା ରାଶି ଭାବେ ଓଡିଶା ୭୪୯୬ କୋଟି ଟଙ୍କା ପାଇଥିବାବେଳେ ମୋଦି ସରକାରଙ୍କ ଅମଳରେ ଓଡିଶାକୁ ୧୩୭୨୦ କୋଟି ଟଙ୍କା ଆବଂଟନ କରାଯାଇଛି ।
 ଋିଲିଫ ଫଣ୍ଡକୁ ମଧ୍ୟ ୧୬୦୦ କୋଟି ଟଙ୍କାରୁ ବୃଦ୍ଧି କରାଯାଇ ୩୦୦୦ କୋଟି ଟଙ୍କା କରାଯାଇଛି ।
 କେନ୍ଦ୍ର ଟିକସରେ ରାଜ୍ୟ ଭାଗ, ଅନୁଦାନ ସହାୟତା, ରିଲିଫ ଫଣ୍ଡ, ଲୋକାଲ ବଡିଜ ଗ୍ରାଂଟରେ ତ୍ରୟୋଦଶ ଅର୍ଥ କମିଶନରେ ୟୁପିଏ ସରକାର ଓଡିଶାକୁ କେବଳ ୭୯୪୮୬କୋଟି ଟଙ୍କା ଦେଇଥିବାବେଳେ ଚତୁର୍ଦ୍ଧଶ ଅର୍ଥ କମିଶନ ସୁପାରିଶ ଆଧାରରେ ମୋଦି ସରକାର ପାଖାପାଖି ଅଢେଇ ଗୁଣା ଅଧିକ ୨୧୧୫୧୦ କୋଟି ଟଙ୍କା ଉପଲବ୍ଧ କରାଇଛନ୍ତି ।
 (ପୃÂା: ୧/୨)

 ପେଟ୍ରୋଲିୟମ ମନ୍ତ୍ରଣାଳୟ ଦ୍ୱାରା ବର୍ତମାନ ସୁଦ୍ଧା ଓଡିଶାରେ ୩୮ହଜାର କୋଟି ଟଙ୍କା ନିବେଶ କରାଯାଇଥିବାବେଳେ ୧ ଲକ୍ଷ କୋଟି ଟଙ୍କାରୁ ଉର୍ଦ୍ଧ ନିବେଶ ର କାର୍ଯ୍ୟ ଚାଲୁଅଛି ।
 ମାନ୍ୟବର ଉଚ୍ଚତମ ନ୍ୟାୟାଳୟଙ୍କ ଓଡିଶା ସଂପର୍କରେ ଟିପ୍ପଣି ହିଁ ଓଡିଶା ସରକାରଙ୍କ ବିଫଳତା ବୟାନ କରୁଛି ।
 ନଗଡା, ଦାନ ମାଝୀ, ମାଲକାନଗିରି ଶିଶୁ ମୃତୁ୍ୟ ଘଟଣା ଆଦି ରାଜ୍ୟ ଶାସନର ଅବ୍ୟବସ୍ଥା ଏବଂ ଅରାଜକତାକୁ ସ୍ପଷ୍ଟ କରୁଛି
 ଗରିବ ଦଳିତ, ଶୋଷିତ, ପଛୁଆ, ଆଦିବାସୀ ଏବଂ କୃଷକଙ୍କ ସରକାର ବୋଲି ପ୍ରଧାନମନ୍ତ୍ରୀ ଦାୟୀତ୍ୱ ନେବା ପରେ କହିଥିବା ଶ୍ରୀ ମୋଦି ଏହାକୁ ମାତ୍ର ୩ ବର୍ଷର ଶାସନରେ ସାକାର କରି ଦେଖାଇଛନ୍ତି
 ଓବିସି କମିଶନକୁ ସାବିଧାନିକ ମାନ୍ୟତା ଦେବା ପାଇଁ ବିଜେପି ପ୍ରତିଶୃତିବଦ୍ଧ । ରାଜ୍ୟସଭାରେ ଏ ସଂପର୍କରେ ଆଗତ ବିଲକୁ ପାରିତ କରି ପଛୁଆ ବର୍ଗକୁ ସମ୍ମାନର ସହିତ ଅଧିକାର ପ୍ରଦାନ କରିବେ ।

ଏହି ଅବସରରେ ରାଜ୍ୟ ସଭାପତି ଶ୍ରୀ ବସନ୍ତ ପଣ୍ଡା, କେନ୍ଦ୍ରମନ୍ତ୍ରୀ ଶ୍ରୀ ଜୁଏଲ ଓରାମ ଏବଂ ଧର୍ମେନ୍ଦ୍ର ପ୍ରଧାନ, ରାଷ୍ଟୀୟ ସାଧାରଣ ସଂପାଦକ ତଥା ଓଡିଶା ପ୍ରଭାରୀ ଶ୍ରୀ ଅରୁଣ ସିଂହ, ରାଷ୍ଟ୍ରୀୟ ବିଜେପି ପ୍ରବକ୍ତା ଡ.ସମ୍ବିତ ପାତ୍ର ଏବଂ ବିଧାୟକ ଦଳ ନେତା ଶ୍ରୀ କନକ ବର୍ଦ୍ଧନ ସିଂହଦେଓ ପ୍ରମୁଖ ଉପସ୍ଥିତ ଥିଲେ ।

Share in top social networks!

ଅର୍ଥମନ୍ତ୍ରୀଙ୍କୁ ଓଡ଼ିଶା ପୋଲିସ ମହାସଂଘ ପକ୍ଷରୁ କୃତଜ୍ଞତା

IMG-20170830-WA0038
ଓଡ଼ିଶା ପୋଲିସ କନ୍ଷ୍ଟେବଳ, ହାବିଲଦାର, ସିପାହୀ ମହାସଂଘର କର୍ମକର୍ତ୍ତା ତଥା ସଦସ୍ୟବୃନ୍ଦ ଆଜି ଅର୍ଥ ମନ୍ତ୍ରୀ ଶ୍ରୀ ଶଶିଭୂଷଣ ବେହେରାଙ୍କୁ ସାକ୍ଷାତ କରି ସପ୍ତମ ବେତନ କମିଶନ ସୁପାରିଶ ଲାଗୁ ହୋଇଥ#ବା ପରିପ୍ରେକ୍ଷୀରେ ହାର୍ଦ୍ଦିକ କୃତଜ୍ଞତା ଜ୍ଞାପନ କରିଛନ୍ତିା ଆଜି ପୂର୍ବାହ୍ନରେ ସଚିବାଳୟସ୍ଥିତ ମନ୍ତ୍ରୀଙ୍କ ପ୍ରକୋଷ୍ଠରେ ପ୍ରତିନିଧ#ବୃନ୍ଦ ତାଙ୍କୁ ସାକ୍ଷାତ କରିଥ#ଲୋ

ମହାସଂଘର ସଭାପତି ସନ୍ତୋଷ କୁମାର ଶତପଥୀ ଓ ସଂପାଦକ ପଞ୍ଚାନନ ବେହେରାଙ୍କ ସମେତ ସଂଘର ବିଭିନ୍ନ କର୍ମକର୍ତ୍ତା ଓ ସଦସ୍ୟ ଉପରୋକ୍ତ ପ୍ରତିନିଧ# ଦଳରେ ସାମିଲ ହୋଇଥ#ଲୋ କଟକ-ଭୁବନେଶ୍ୱର କମିଶନରେଟ୍ ପୋଲିସ, ଓଏସ୍ଏପି ସପ୍ତମ ବାଟାଲିୟନ୍, ସ୍ପେସାଲ ବ୍ରାଞ୍ଚ୍ ଓ କଟକ ଜିଆର୍ପିର ପୋଲିସ ବନ୍ଧୁମାନେ ମଧ୍ୟ ଉପସ୍ଥିତ ଥ#ଲୋ

Share in top social networks!

ସ୍ୱାୟତ ଶାସନ ଦିବସ ଅବ୍ୟବହିତ ପୂର୍ବରୁ ମୁଖ୍ୟମନ୍ତ୍ରୀଙ୍କୁ ଟାର୍ଗେଟ କଲା ବିଜେପି

ମୁଖ୍ୟମନ୍ତ୍ରୀଙ୍କ ଘୋଷଣା ଓ ସରକାରଙ୍କ ବିଧାନସଭାରେ ଉତର ଉପସ୍ଥାପନ
କରି ମୁଖ୍ୟମନ୍ତ୍ରୀ ଘୋଷଣା ସର୍ବସ୍ୱ ସରକାର ଚଳାଉଛନ୍ତି : ବିଜେପି
 ଗୃହ ନିର୍ମାଣ ନେଇ ୨୦.୧୧.୨୦୧୫ ଓ ୦୨.୦୯.୨୦୧୫ର ମୁଖ୍ୟମନ୍ତ୍ରୀଙ୍କ ଘୋଷଣା ତଥା ୦୨.୧୨.୨୦୧୬ ଓ ୦୩.୦୩.୨୦୧୭ ବିଧାନସଭାରେ ସରକାରଙ୍କ ଉତର ମଧ୍ୟରେ ଆକାଶ ପାତାଳ ଫରକକୁ ନେଇ ମୁଖ୍ୟମନ୍ତ୍ରୀଙ୍କୁ କଟୁ ସମାଲୋଚନା
 ୩୦/୦୭/୨୦୧୬ରେ ମୁଖ୍ୟମନ୍ତ୍ରୀ ଘୋଷଣା କରିଥିଲେ ୫୦୦ କିଲୋ ମିଟର ପୁରୁଣା ପାଇପକୁ ବଦଳେଇବା ପାଇଁ । ମାତ୍ର ଆଜି ପର୍ଯ୍ୟନ୍ତ ଏହାର କିଛି ବି ଅଗ୍ରଗତି ହୋଇ ନାହିଁ ।
 ସହରାଂଚଳର ପରିମଳ ବ୍ୟବସ୍ଥା, ସାଧାରଣ ଲୋକଙ୍କର ପାଇଁ ସାର୍ବଜନୀନ ଶୌଚାଳୟ, ଡ୍ରେନେଜ ଏବଂ ସ୍ୱେରେଜ ବ୍ୟବସ୍ଥା ସମ୍ପୂର୍ଣ ରୂପେ ବିପର୍ଯ୍ୟସ୍ତ
 ଜେଏନ୍ଏନ୍ୟୁଆର୍ଏମ୍ ଭୁବନେଶ୍ୱର ଓ ପୁରୀ ସହରର ନାଗରିକ ସୁବିଧା ବିକାଶ ପାଇଁ ଯୋଜନା ସରକାରଙ୍କ ଇଚ୍ଛାଶକ୍ତି ଅଭାବରୁ ସମ୍ପୂର୍ଣ୍ଣ ବିଫଳ
 ରାଜ୍ୟ ସରକାରଙ୍କର କଠିନ ବର୍ଜ୍ୟ ପରିଚାଳନା କାର୍ଯ୍ୟକ୍ରମ କେବଳ ଘୋଷଣାରେ ରହିଛି
 ସହରାଂଚଳରେ ଉତମ ନାଗରିକ ସୁବିଧା ଉପଲବ୍ଧ କରାଇବା ତଥା ବିଶେଷ ଭାବରେ ଆର୍ଥିକ ଦୃଷ୍ଟିରୁ ଦୁର୍ବଳ ଓ ବସ୍ତିବାସିନ୍ଦାଙ୍କ ସମସ୍ୟାକୁ ସମାଧାନ କରିବାରେ ରାଜ୍ୟ ସରକାର ବିଫଳ ବୋଲି କଲା ଅଭିଯୋଗ
PIX_PC_SameerMohanty_30-08-2017

ସହରାଂଚଳରେ ଉତମ ନାଗରିକ ସୁବିଧା ଉପଲବ୍ଧ କରାଇବା ତଥା ବିଶେଷ ଭାବରେ ଆର୍ଥିକ ଦୃଷ୍ଟିରୁ ଦୁର୍ବଳ ଓ ବସ୍ତିବାସିନ୍ଦାଙ୍କ ସମସ୍ୟାକୁ ସମାଧାନ କରିବା ଓ ସେମାନଙ୍କ ମୁଣ୍ଡ ଉପରେ ପକ୍କା ଘରକୁ ସୁନିଶ୍ଚିତ କରିବା ଏ ସମସ୍ତ ପାଇଁ ରାଜ୍ୟ ସରକାରଙ୍କର ପ୍ରତିଶ୍ରୁତି ସତ୍ୱେ ଏହା ପ୍ରତାରଣାରେ ପରିଣତ ହୋଇଛି ବୋଲି ସ୍ୱାୟତ ଶାସନ ଦିବସ ଅବ୍ୟବହିତ ପୂର୍ବରୁ ଏକ ସାମ୍ବାଦିକ ସମ୍ମିଳନୀକୁ ଉଦବୋଧନ ଦେଇ ବିଜେପି ରାଜ୍ୟ ଉପ ସଭାପତି ସମୀର ମହାନ୍ତି ଅଭିଯୋଗ କରିଛନ୍ତି ।
ସ୍ୱାୟତ ଶାସନ ଦିବସ ଅବସରରେ ମୁଖ୍ୟମନ୍ତ୍ରୀଙ୍କ ମାରାଥନ ଉଦଘାଟନ ଓ ଶିଳାନ୍ୟାସ କାର୍ଯ୍ୟକ୍ରମ ଯୋଜନା ଘୋଷଣା ସର୍ବସ୍ୱ ସରକାରଙ୍କର ସାଧାରଣ ଲୋକଙ୍କୁ ଭଣ୍ଡେଇବା ଓ ପ୍ରତାରିତ କରିବାର ନାଟକ ବୋଲି କହିଛନ୍ତି ଶ୍ରୀ ମହାନ୍ତି ।
ସହରାଂଚଳରେ ଗରୀବ ବସ୍ତିବାସିନ୍ଦାଙ୍କ ସମସ୍ୟାକୁ ନବୀନ ପଟ୍ଟନାୟକଙ୍କ ୧୭ ବର୍ଷର ସରକାର କେବଳ ପ୍ରତିଶ୍ରୁତିର ବାଣରେ ଜର୍ଜରିତ କରିଛନ୍ତି । ସମାଧାନ ଦେଇ ପାରି ନାହାନ୍ତି । ଶ୍ରୀ ମହାନ୍ତି କହିଛନ୍ତି ଯେ ପୌର ନିର୍ବାଚନ ଆସିଲେ ସରକାର ଗରୀବ ବସ୍ତିବାସିନ୍ଦାଙ୍କୁ ଜମି ପଟ୍ଟା ଓ ପକ୍କା ଘର ଯୋଗାଇ ଦେବାର ନାଟକ କରନ୍ତି । ପ୍ରତିଶ୍ରୁତି ଦିଅନ୍ତି, ପାଳନ କରନ୍ତି ନାହିଁ । ପୁଣି ନିର୍ବାଚନ ଆସିଲେ ଆଉଥରେ ପ୍ରତିଶ୍ରୁତି ଦିଅନ୍ତି ।
ଏ ସମ୍ବନ୍ଧରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ୨୦.୧୧.୨୦୧୫ ଏବଂ ୦୨.୦୯.୨୦୧୫ର ଘୋଷଣାନାମାକୁ ଗଣମାଧ୍ୟମ ସାମନାରେ ଉପସ୍ଥାପିତ କରି ଏହି ପ୍ରତିଶ୍ରୁତିର ଅଗ୍ରଗତିର ହିସାବ ମାଗିଛନ୍ତି ଶ୍ରୀ ମହାନ୍ତି ।
୨୦.୧୧.୨୦୧୫ର ଘୋଷଣାନାମାରେ ‘ ଆବାସ ମିଶନ ପାଇଁ ଜମି ହସ୍ତାନ୍ତର ପ୍ରକ୍ରିୟା ତ୍ୱରାନ୍ୱିତ କରିବା ପାଇଁ ମୁଖ୍ୟମନ୍ତ୍ରୀଙ୍କ ନିର୍ଦେଶ, ୨୦୧୫-୧୬ରେ ନିର୍ମାଣ ହେବ ୩୨ ହଜାର ବାସଗୃହ’ ପ୍ରତିଶ୍ରୁତି ପ୍ରତାରଣାର ରୂପ ନେଇଛି ବୋଲି ଶ୍ରୀ ମହାନ୍ତି କହିଛନ୍ତି ।
(ପୃÂା: ୧/୨)

ଏହି ବୈଠକର ନିର୍ଣୟ ଆଧାରରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟରୁ ଘୋଷଣା କରା ଯାଇଥିଲା ଯେ ‘ ୫ଟି ମ୍ୟୁନିସିପାଲ କର୍ପୋରେସନ ଓ ୪୫ଟି ମ୍ୟୁନିସିପାଲିଟୀରେ ଚଳିତ ୨୦୧୫-୧୬ରେ ୩୨ ହଜାର ଗୃହ ନିର୍ମାଣ ପାଇଁ ଲକ୍ଷ୍ୟ ରଖା ଯାଇଛି । ଭୁବନେଶ୍ୱରରେ ୯୭୩୦ ବାସଗୃହ ପାଇଁ ୪ଟି ପ୍ରକଳ୍ପ ଅନୁମୋଦିତ ହୋଇଛି ଏବଂ ଏଥି ମଧ୍ୟରୁ ୫୬୦୦ ବାସଗୃହ ନିର୍ମାଣ ପାଇଁ କାର୍ଯ୍ୟ ଆରମ୍ଭ ହୋଇଛି । ସେହିପରି ୦୨.୦୯.୨୦୧୫ରେ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ଘୋଷଣାନାମା ଅନୁସାରେ ‘ ବସ୍ତି ଉନ୍ନୟନ ଓ ଗୃହ ନିର୍ମାଣ ପାଇଁ ବିଡିଏକୁ ୧୦୭ ଏକର ଜମି ହସ୍ତାନ୍ତରକୁ ମୁଖ୍ୟମନ୍ତ୍ରୀଙ୍କ ଅନୁମୋଦନ’ ମିଥ୍ୟା ପ୍ରତିଶ୍ରୁତିର ସୌଦାଗରଙ୍କ ଆଉ ଏକ ଡାହା ମିଛ ବୋଲି ଶ୍ରୀ ମହାନ୍ତି ଅଭିଯୋଗ କରିଛନ୍ତି ।
ଏହି ପ୍ରତିଶ୍ରୁତି ଏକ ପ୍ରତାରଣ କହିବା ସହ ବିଧାନସଭାରେ ଡିସେମ୍ବର ୨୦୧୬ ( ଅଣତାରକା ପ୍ରଶ୍ନ-୧୬୧) ଓ ମାର୍ଚ ୨୦୧୭ ( ତାରକା ପ୍ରଶ୍ନ ୨୦୮)ର ଉତରକୁ ଉପସ୍ଥାପିତ କରିବା ସହ ମୁଖ୍ୟମନ୍ତ୍ରୀଙ୍କ ଘୋଷଣା ନାମା ଯେ ସମ୍ପୂର୍ଣ ରୂପେ ପାଣିରେ ଗାର ଏହା ପ୍ରମାଣିତ କରିଛି ବୋଲି ଶ୍ରୀ ମହାନ୍ତି କହିଛନ୍ତି ।
ଶ୍ରୀ ମହାନ୍ତି କହିଛନ୍ତି ଯେ, ଅଣତାରକା ପ୍ରଶ୍ନ ୧୬୧ର ଉତରରେ ଡିସେମ୍ବର ୨୦୧୬ରେ ମୋଟ ୮୩୫ ହିତାଧିକାରୀଙ୍କୁ ଗୃହ ଯୋଗାଇ ଦେବା ସମ୍ପର୍କରେ ରାଜ୍ୟ ସରକାର ଲିଖିତ ଉତର ଦେଇଛନ୍ତି । ପୁଣି ତାରକା ପ୍ରଶ୍ନ ୨୦୮ରେ କହିଛନ୍ତି ଯେ ‘ ରାଜ୍ୟର ସହରାଂଚଳରେ ବାସ କରୁଥିବା ଗୃହହୀନ ପରିବାର ମାନଙ୍କୁ ଗୃହ ଯୋଗାଇ ଦେବା ପାଇଁ ପ୍ରଧାନମନ୍ତ୍ରୀ ଆବାସ ଯୋଜନା କାର୍ଯ୍ୟକାରୀ କରାଯାଉଛି । ’
ଘୋଷଣା ଓ କାର୍ଯ୍ୟକାରିତା ନବୀନ ପଟ୍ଟନାୟକ ଯେ ଘୋଷଣା ସର୍ବସ୍ୱ ମୁଖ୍ୟମନ୍ତ୍ରୀ ଶ୍ରୀ ମହାନ୍ତି ଅଭିଯୋଗ କରିବା ସହ ମୁଖ୍ୟମନ୍ତ୍ରୀଙ୍କ ମନଲୋଭା ଘୋଷଣାରେ ବିଶ୍ୱାସ ନ କରି ତାଙ୍କୁ କାର୍ଯ୍ୟ ଆଧାରରେ ଆକଳନ କରି ପ୍ରତ୍ୟାଖ୍ୟାନ କରିବା ପାଇଁ ଶ୍ରୀ ମହାନ୍ତି ଆହ୍ୱାନ କରିଛନ୍ତି ।
ସ୍ୱଚ୍ଛ ପାନୀୟ ଜଳ ଯୋଗାଇ ଦେବା କୌଣସି ବି ସରକାରଙ୍କର ପ୍ରାଥମିକ ଦାୟିତ୍ୱ । ତା ୩୦/୦୭/୨୦୧୬ରେ ମୁଖ୍ୟମନ୍ତ୍ରୀ ଘୋଷଣା କରିଥିଲେ ୫୦୦ କିଲୋ ମିଟର ପୁରୁଣା ପାଇପକୁ ବଦଳେଇବା ପାଇଁ । ଆଜି ପର୍ଯ୍ୟନ୍ତ ଏହାର କିଛି ବି ଅଗ୍ରଗତି ହୋଇ ନାହିଁ । ଜଣ୍ଡିସ ଓ ଅନ୍ୟାନ୍ୟ ରୋଗ ବ୍ୟାପୁଛି । ମୁଖ୍ୟମନ୍ତ୍ରୀ ଏହାକୁ ଘୋଷଣା କରି କାହିଁକି ଚୁପ ବସିଛନ୍ତି ବୋଲି ଶ୍ରୀ ମହାନ୍ତି ପ୍ରଶ୍ନ କରିଛନ୍ତି ।
ରାଜ୍ୟ ସରକାରଙ୍କର କଠିନ ବର୍ଜ୍ୟ ପରିଚାଳନା କାର୍ଯ୍ୟକ୍ରମ କେବଳ ଘୋଷଣାରେ ରହିଛି ବୋଲି ଶ୍ରୀ ମହାନ୍ତି ଅଭିଯୋଗ କରିଛନ୍ତି ।
ସହରାଂଚଳର ପରିମଳ ବ୍ୟବସ୍ଥା, ସାଧାରଣ ଲୋକଙ୍କର ପାଇଁ ସାର୍ବଜନୀନ ଶୌଚାଳୟ, ଡ୍ରେନଜ ଏବଂ ସ୍ୱେରେଜ ବ୍ୟବସ୍ଥା ସମ୍ପୂର୍ଣ ରୂପେ ବିପର୍ଯ୍ୟସ୍ତ ହୋଇ ଯାଇଛି । ପ୍ରମୁଖ ସହରରେ ପରିମଳ ବ୍ୟବସ୍ଥା ପାଇଁ ଚାଲୁଥିବା ଜାଇକା ପ୍ରକଳ୍ପ ସରକାରଙ୍କର ସ୍ଥାଣୁତା ଓ ଅପାରଗତା ପାଇଁ ବିଳମ୍ବିତ ହେବା କାରଣରୁ ବିଦେଶୀ ସରକାରଙ୍କର ସହାୟତାରେ ଚାଲୁଥିବା କଟକ, ଭୁବନେଶ୍ୱର ସହରରେ ଏହି ପ୍ରକଳ୍ପ ସାଧାରଣ ଲୋକଙ୍କୁ ସୁବିଧା ପହଂଚାଇବା ପରିବର୍ତେ ଯନ୍ତ୍ରଣା ଦେଉଛି । ଖୋଲା ପଡିଥିବା ମ୍ୟାନହୋଲରେ ପୁରୁଣା ଭୁବନେଶ୍ୱରର ଜଣେ ମହିଳା ରାତି ଟିଏ ପଡି ଯିବା ସରକାରଙ୍କର ବିଫଳତାର ସାର୍ଟିଫିକେଟ ବୋଲି ଶ୍ରୀ ମହାନ୍ତି କହିଛନ୍ତି ।
ଶ୍ରୀ ମହାନ୍ତି କହିଛନ୍ତି ୨୦୦୫ରୁ ୨୦୧୪ କେନ୍ଦ୍ରସରକାରଙ୍କ ସମ୍ପୂର୍ଣ୍ଣ ଅନୁଦାନରେ ଚାଲୁଥିବା ଜେଏନ୍ଏନ୍ୟୁଆର୍ଏମ୍ ଯୋଜନାରେ ଭୁବନେଶ୍ୱର ଓ ପୁରୀ ସହରର ନାଗରିକ ସୁବିଧା ବିକାଶ ପାଇଁ ଯୋଜନା ସରକାରଙ୍କ ଇଚ୍ଛାଶକ୍ତି ଅଭାବରୁ ସମ୍ପୂର୍ଣ୍ଣ ବିଫଳ ହୋଇଛି ବୋଲି ଶ୍ରୀ ମହାନ୍ତି ଅଭିଯୋଗ କରିଛନ୍ତି ।
ଏପରି ପରିସ୍ଥିତିରେ ସ୍ୱାୟତ ଶାସନ ଦିବସରେ ମୁଖ୍ୟମନ୍ତ୍ରୀଙ୍କର ଡ୍ରାମାକୁ ରାଜ୍ୟର ସହରାଂଚଳବାସୀ ପ୍ରଭାବିତ ନ ହୋଇ ପ୍ରତ୍ୟାଖ୍ୟାନ କରିବେ ବୋଲି ଶ୍ରୀ ମହାନ୍ତି କହିଛନ୍ତି ।
ଏହି ଅବସରରେ ରାଜ୍ୟ ମୁଖପାତ୍ର ଶ୍ରୀ ସଜ୍ଜନ ଶର୍ମା ଉପସ୍ଥିତ ଥିଲେ ।

Share in top social networks!

ଆନେ୍ଦାଳନକାରୀ ଶିକ୍ଷକ ମାନଙ୍କୁ ସମର୍ଥନ ଜଣାଇଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ; ମୁଖ୍ୟମନ୍ତ୍ରୀ ତୁରନ୍ତ ହସ୍ତକ୍ଷେପ କରି ସମାଧାନ କରନ୍ତୁ ଶିକ୍ଷକଙ୍କ ସମସ୍ୟା

• ଶିକ୍ଷା ସହିତ ରାଜ୍ୟର ୩୦ ଲକ୍ଷ ଛାତ୍ରଙ୍କ ଭବିଷ୍ୟତ ଜଡିତ
• ହଜାରେ ବା ଦୁଇ ହଜାର କୋଟିରୁ ଅଧିକ ଏ ବାବଦରେ ଖର୍ଚ ଯୁକ୍ତିଯୁକ୍ତ

20170820135258_5G1A1611
ଶିକ୍ଷକ, ଅଧ୍ୟାପକ ଓ କର୍ମଚାରୀ ମିଳିତ ମଂଚ ତରଫରୁ ପିଏମଜି ଛକରେ ଦିଆ
ଯାଇଥିବା ଧାରଣା ସ୍ଥଳରେ ପହଂଚି ଆନେ୍ଦାଳନକାରୀଙ୍କୁ ସମର୍ଥନ ଜ୍ଞାପନ କରିଛନ୍ତି କେନ୍ଦ୍ର ପେଟ୍ରୋଲିୟମ ଓ
ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଶ୍ରୀ ପ୍ରଧାନ କହିଛନ୍ତି ଯେ ଶିକ୍ଷା ହେଉଛି ଓଡିଶାର ମୂଳ ପୁଂଜି । ସରକାର ଓ ସରକାରଙ୍କ ଦ୍ୱାରା ସମ୍ପୂର୍ଣ ଓ ଆଂଶିକ
ଅନୁଦାନ ପ୍ରାପ୍ତ ଶିକ୍ଷାନୁÂାନ ଗୁଡିକରେ ୩୦ ଲକ୍ଷ ପିଲା ପାଠ ପଢୁଛନ୍ତି । ଶ୍ରୀ ପ୍ରଧାନ କହିଛନ୍ତି ଯେ ଏହି
ଶିକ୍ଷାନୁÂାନ ଗୁଡିକର ଆନେ୍ଦାଳନରତ ଶିକ୍ଷକ ମାନଙ୍କ ହିସାବ ଅନୁସାରେ ସେମାନଙ୍କୁ ଦରମା ଦେଲେ ରାଜ୍ୟ
ରାଜକୋଷରେ ୮୫୦ କୋଟି ଟଙ୍କା ଖର୍ଚ କରିବାକୁ ପଡିବ ।
ଶ୍ରୀ ପ୍ରଧାନ କହିଛନ୍ତି ଯେ ଶିକ୍ଷକ ମାନଙ୍କୁ ସମ୍ମାନର ସହିତ ବଂଚିବା ଓ ଉପଯୁକ୍ତ ମାନଦେୟ ହଜାରେ କୋଟି ବା ୨
ହଜାର କୋଟି ଟଙ୍କା ଖର୍ଚ ହେଲେ ବି ଏହାକୁ ଖର୍ଚ କରା ଯିବାର ଆବଶ୍ୟକତା ରହିଛି । ଶିକ୍ଷକଙ୍କୁ ସମ୍ମାନ ସହିତ
ରାଜ୍ୟର ୩୦ ଲକ୍ଷ ପିଲାଙ୍କ ଭବିଷ୍ୟତ ଜଡିତ ହୋଇଥିବାରୁ ଶିକ୍ଷକ ମାନଙ୍କର ଦାବିକୁ ରାଜ୍ୟ ସରକାର ତୁରନ୍ତ
ମାନି ନେବା ଉଚିତ ବୋଲି ଶ୍ରୀ ପ୍ରଧାନ କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଆନେ୍ଦାଳନକାରୀ ଶିକ୍ଷକ ମାନେ ମୁଖ୍ୟମନ୍ତ୍ରୀ ଦିଲ୍ଲୀରୁ ଆସି ମାମଲାରେ ହସ୍ତକ୍ଷେପ କରନ୍ତୁ
ବୋଲି ଦାବି କରି ବସିଛନ୍ତି । ଶିକ୍ଷକ ମାନଙ୍କର ଅପେକ୍ଷା ସମ୍ପୂର୍ଣ ଯୁକ୍ତି ଯୁକ୍ତ ଓ ମୁଖ୍ୟମନ୍ତ୍ରୀ ଦିଲ୍ଲୀରୁ ଫେରିବା ପରେ
ଘଟଣାରେ ହସ୍ତକ୍ଷେପ କରି ସମାଧାନର ତୁରନ୍ତ ରାସ୍ତା କାଢନ୍ତୁ ବୋଲି ୍ର ଶ୍ରୀ ପ୍ରଧାନ କହିଛନ୍ତି ।

Share in top social networks!

ମହା ଖଣି ଦୁର୍ନୀତି ମାମଲାରେ ରାୟ ଆସିବା ପରେ ରାଜ୍ୟ ସରକାର ଅସାଧୁ ଖଣି ମାଲିକ ମାନଙ୍କୁ ସୁରକ୍ଷା ଦେବାକୁ ଚେଷ୍ଟା କରୁଛି : ବିଜେପି

 ରାଜ୍ୟ ସରକାର ଅସାଧୁ ଖଣି ମାଲିକ ମାନଙ୍କୁ ୫୯ ହଜାର କୋଟି ଟଙ୍କା ପୈଠ ପାଇଁ ନୋଟିସ ପଠାଇଥିବା ଏବେଏହି ଖଣି ଦୁର୍ନୀତିର ମୂଲ୍ୟ ୧୭-୧୮ ହଜାର କୋଟି ଟଙ୍କା ହେବ ବୋଲି ଖଣି ମନ୍ତ୍ରୀ ପ୍ରଫୁଲ୍ଲ ମଲିକ ବୟାନ ଏହାର ପ୍ରମାଣ
 ଅସାଧୁ ଖଣି ମାଲିକ ଓ ଓଡିଶା ସରକାର ବିଶେଷ ଭାବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ନିବିଡ ସମ୍ପର୍କର ପର୍ଦାଫାଶ କରୁଛି
 ପିନାକୀ ମିଶ୍ର ଓ ଅଶୋକ ପରିଜା ମୁଖ୍ୟମନ୍ତ୍ରୀଙ୍କ ଓକିଲ ଓ ଅସାଧୁ ଖଣି ମାଲିକଙ୍କର ମଧ୍ୟ ଓକିଲ
 ଏହି ଦୁଇ ଓକିଲ ଅସାଧୁ ଖଣି ମାଲିକ ଓ ମୁଖ୍ୟମନ୍ତ୍ରୀଙ୍କ ମଧ୍ୟରେ ଯୋଗସୂତ୍ରକାରୀ
 ତୃତୀୟ ମହଲାର ନିର୍ଦେଶରେ ବେଆଇନ ଭାବେ ୪୦-୬୦ ସୂତ୍ରରେ ଖଣି ସବ ଲିଜ ଦିଆ ଯାଇ ହଜାର ହଜାର କୋଟିର ଲାଂଚ ତୃତୀୟ ମହଲାକୁ ଯାଇଛି
 ମୁଖ୍ୟମନ୍ତ୍ରୀଙ୍କ ନାମରେ ଗୁରୁତର ଅଭିଯୋଗ ପରିପ୍ରେକ୍ଷୀରେ ସେ ତୁରନ୍ତ ସ୍ପଷ୍ଟୀକରଣ ଦିଅନ୍ତୁ
PC_05

ସୁପ୍ରିମକୋର୍ଟଙ୍କ ଓଡିଶା ମହା ଖଣି ଦୁର୍ନୀତି ମାମଲାରେ ରାୟ ଆସିବା ପରେ ରାଜ୍ୟ ସରକାର ଅସାଧୁ ଖଣି ମାଲିକ ମାନଙ୍କୁ ସୁରକ୍ଷା ଦେବାକୁ ଚେଷ୍ଟା କରୁଛି ବୋଲି ବିଜେପି ରାଜ୍ୟ ସାଧାରଣ ସମ୍ପାଦକ ଭୃଗୁ ବକ୍ସିପାତ୍ର ଅଭିଯୋଗ କରିଛନ୍ତି ।
ଗୋଟିଏ ପଟେ ରାଜ୍ୟ ସରକାର ଅସାଧୁ ଖଣି ମାଲିକ ମାନଙ୍କୁ ୫୯ ହଜାର କୋଟି ଟଙ୍କା ପୈଠ ପାଇଁ ନୋଟିସ ପଠାଇଥିବା ବେଳେ ମାନ୍ୟବର ସୁପ୍ରିମକୋର୍ଟଙ୍କ ରାୟ ଆସିବା ପରେ ଏହି ଖଣି ଦୁର୍ନୀତିର ମୂଲ୍ୟ ୧୭-୧୮ ହଜାର କୋଟି ଟଙ୍କା ହେବ ବୋଲି ଖଣି ମନ୍ତ୍ରୀ ପ୍ରଫୁଲ୍ଲ ମଲିକ ସାର୍ବଜନୀନ ବୟାନ ଦେଇଛନ୍ତି ।
ଶ୍ରୀ ବକ୍ସିପାତ୍ର ରାଜ୍ୟ ସରକାରଙ୍କୁ ମନେ ପକାଇ ଦେଇ କହିଛନ୍ତି ଯେ, ଖୋଦ ରାଜ୍ୟ ସରକାର କୋଇଡା ସର୍କଲରେ ୧୩ ହଜାର କୋଟି, ଯୋଡାରେ ୪୪ ହଜାର, କେନ୍ଦୁଝରରେ ୧୦୬୫ କୋଟି କୋରାପୁଟରେ ୪୪ ଲକ୍ଷ, ବାରିପଦାରେ ୪୬୭ କୋଟି ଆଦି ନୋଟିସ ଇସ୍ୟୁ କରି ସାରିବା ପରେ ଏହି ଦୁର୍ନୀତିକୁ ୧୭-୧୮ ହଜାର କୋଟି ଟଙ୍କାକୁ ଖସାଇ ଦେଇ କାହାକୁ ସୁରକ୍ଷା ଦେବା ପାଇଁ ଚେଷ୍ଟା କରୁଛନ୍ତି ବୋଲି ଶ୍ରୀ ବକ୍ସିପାତ୍ର ପ୍ରଶ୍ନ କରିଛନ୍ତି ।
ଅସାଧୁ ଖଣି ମାଲିକ ଓ ଓଡିଶା ସରକାର ବିଶେଷ ଭାବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ନିବିଡ ସମ୍ପର୍କର ପର୍ଦାଫାଶ କରୁଛି ବୋଲି ଶ୍ରୀ ବକ୍ସିପାତ୍ର କହିଛନ୍ତି ।
ଶ୍ରୀ ବକ୍ସିପାତ୍ର କହିଛନ୍ତି ଯେ ଖଣି ମାଲିକଙ୍କ ଓକିଲ ଭାବେ ବିଜେଡିର ସାଂସଦ ପିନାକୀ ମିଶ୍ର ଅଛନ୍ତି । ଏହି ପିନାକୀ ବାବୁ ମୁଖ୍ୟମନ୍ତ୍ରୀଙ୍କ ନିର୍ବାଚନ ପାଣ୍ଠି ଭୁଲ ସତ୍ୟପାଠ ମାମଲାରେ ମୁଖ୍ୟମନ୍ତ୍ରୀଙ୍କୁ ରାଜନୈତିକ ସୁରକ୍ଷା ଦେଉଛନ୍ତି ।
ମାନ୍ୟବର ସୁପ୍ରିମକୋର୍ଟରେ ଖଣି ମାଲିକ ମାନଙ୍କର ଅନ୍ୟତମ ଓକିଲ ହେଉଛନ୍ତି ଅଶୋକ ପରିଜା । ଏହି ଆଇନଜୀବୀ ମୁଖ୍ୟମନ୍ତ୍ରୀଙ୍କ ମିଥ୍ୟା ସତ୍ୟପାଠ ମାମଲାର କେସ ଲଢୁଛନ୍ତି ।
(ପୃÂା: ୧/୨)

ନବୀନ ପଟ୍ଟନାୟକଙ୍କ ରାଜନୈତିକ ଓ ଆଇନଗତ ଓକିଲ ଖଣି ମାଲିକ ମାନଙ୍କର ମଧ୍ୟ ଆଇନଗତ ସୁରକ୍ଷା ପ୍ରଦାନକାରୀ । ଏହା କେବଳ ସଂଯୋଗ ନୁହେଁ ଅସାଧୁ ଖଣି ମାଲିକ ଓ ଏହି ଦୁଇ ଓକିଲ ରାଜ୍ୟର ମହାଖଣିଦୁର୍ନୀତିରେ ମୁଖ୍ୟମନ୍ତ୍ରୀ ଓ ଖଣି ମାଲିକଙ୍କ ସଂଯୋଗକାରୀ ବୋଲି ଶ୍ରୀ ବକ୍ସିପାତ୍ର ଅଭିଯୋଗ କରିଛନ୍ତି ।
ଖଣି ମନ୍ତ୍ରୀ ପ୍ରଫୁଲ୍ଲ ମଲିକ ନିଜ ଇଚ୍ଛାରେ ନୁହେଁ, ଖୋଦ ମୁଖ୍ୟମନ୍ତ୍ରୀଙ୍କ ନିର୍ଦେଶରେ ଅସାଧୁ ଖଣି ମାଲିକଙ୍କୁ ସୁରକ୍ଷା ଦେବାର ରାସ୍ତା କାଢୁଛନ୍ତି ବୋଲି ଶ୍ରୀ ବକ୍ସିପାତ୍ର କହିଛନ୍ତି ।
ଏହା ସହ ନିୟମ ଅନୁସାରେ ଖଣି ଲିଜଧାରୀମାନେ ଏହାକୁ ସବଲିଜ ସୂତ୍ରରେ କାହାକୁ ଦେଇ ପାରିବେ ନାହିଁ ବୋଲି ସ୍ପଷ୍ଟ ନିୟମ ଥିବା ବେଳେ ୪୦-୬୦ ସୂତ୍ରରେ ରାଜ୍ୟରେ ଯେଉଁ ପ୍ରମୁଖ ଖଣି ଖନନ କରାଯାଇଛି, ସଚିବାଳୟର ତୃତୀୟ ମହଲାର ମୁଖ୍ୟ ଭାଗିଦାରୀ ରହିଛି ବୋଲି ଶ୍ରୀ ବକ୍ସିପାତ୍ର ଅଭିଯୋଗ କରି ଏହି ମହାଦୁର୍ନୀତିର ମହାନାୟକ ଭାବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଦାୟୀ କରିଛନ୍ତି । ଏତେ ବଡ ଅଭିଯୋଗ ମୁଖ୍ୟମନ୍ତ୍ରୀଙ୍କ ନାମରେ ଆସୁଥିବା ବେଳେ ଏ ସମ୍ପର୍କରେ ସେ ତୁରନ୍ତ ସ୍ପଷ୍ଟୀକରଣ ଦିଅନ୍ତୁ ବୋଲି ଶ୍ରୀ ବକ୍ସିପାତ୍ର ଦାବି କରିଛନ୍ତି ।

Share in top social networks!