ଓଡ଼ିଶୀ ନୃତ୍ୟ ସମ୍ଭାରରେ ମୁକ୍ତେଶ୍ୱର ନୃତ୍ୟ ଉତ୍ସବ ଉଦ୍‍ଘାଟିତ

DSC_8286ଓଡ଼ିଶା ପର୍ଯ୍ୟଟନ ବିଭାଗ ଦ୍ୱାରା ନିବେଦିତ ମୁକ୍ତେଶ୍ୱର ନୃତ୍ୟ ଉତ୍ସବ ୨୦୧୮, ଦଶମ ଶତାବ୍ଦୀରେ ନିର୍ମିତ କାରୁକାର୍ଯ୍ୟପୂର୍ଣ୍ଣ ମୁକ୍ତେଶ୍ୱର ମନ୍ଦିର ପ୍ରାଙ୍ଗଣରେ ଓଡ଼ିଶା ପର୍ଯ୍ୟଟନ ଉନ୍ନୟନ ନିଗମ ଓ ଓଡ଼ିଶା ସଙ୍ଗୀତ ନାଟକ ଏକାଡେ଼ମୀର ମିଳିତ ସହଯୋଗରେ ଉଦ୍‍ଘାଟିତ ହୋଇଯାଇଅଛି । ଓଡ଼ିଶୀ ନୃତ୍ୟ ତଥା ଓଡ଼ିଶାର କଳା ଓ ସଂସ୍କୃତିକୁ ଆନ୍ତର୍ଜାତୀୟସ୍ତରରେ ପହଞ୍ଚାଇବା ଏହି ଉତ୍ସବର ମୂଳ ଉଦେ୍ଧଶ୍ୟ । ତିନିଦିନ ଧରି ହେବାକୁ ଥିବା ଏହି ନୃତ୍ୟ ଉତ୍ସବରେ ଜାତୀୟ ଓ ଆନ୍ତର୍ଜାତୀୟ ଖ୍ୟାତି ସମ୍ପର୍ଣ୍ଣ ଶିଳ୍ପୀମାନେ ଓଡ଼ିଶୀ ନୃତ୍ୟକୁ ତିନୋଟି ପର୍ଯ୍ୟାୟରେ ଯଥା ଏକକ, ଦ୍ୱୈତ ଓ ଦଳଗତ ଭାବରେ ପରିବେଷଣ କରିବେ ।

ସନ୍ଧ୍ୟାର ପ୍ରଥମ କାର୍ଯ୍ୟକ୍ରମ ଥିଲା ନମ୍ରତା ମେହେତାଙ୍କ ଦ୍ୱାରା ଏକକ ଓଡ଼ିଶୀ ନୃତ୍ୟ ପରିବେଷଣ । ତାଙ୍କର ପ୍ରଥମ ପ୍ରସ୍ତୁତି ଥିଲା ରାଗ ଆଭୁଗୀ ଉପରେ ପର୍ଯ୍ୟବେଶିତ ମୁକ୍ତେଶ୍ୱର ବନ୍ଦନା, ପରେ ପରେ ତାଙ୍କର ପ୍ରସ୍ତୁତିରେ ଥିଲା ମଧ୍ୟମା ପଲ୍ଲବୀ ଏବଂ ଶେଷରେ ଅଭିନୟ ଗୀତଗୋବିନ୍ଦରୁ ଉଦ୍ଧୃତ କିଶଳୟ ଶୟନ ତଳେ । ଦ୍ୱୈତ ନୃତ୍ୟ ପର୍ଯ୍ୟାୟରେ ବିଜନ ପଲାଇ ଓ ରୁଦ୍ର ପ୍ରସାଦ ସ୍ୱାଇଁଙ୍କ ଦ୍ୱାରା ଖମାଜ ପଲ୍ଲବୀ ଓ ଅଭିନୟ ସଖା ବୋଧ ପରିବେଶିତ ହୋଇଥିଲା । ଉଦ୍ଘାଟନୀ ସଂଧ୍ୟାର ଶେଷ ପ୍ରସ୍ତୁତି ଥିଲା ରୋଜାଲିନ ମହାପାତ୍ର ଓ ସାଥୀଙ୍କ ଦ୍ୱାରା ଦଳଗତ ନୃତ୍ୟ କାର୍ଯ୍ୟକ୍ରମ । ସେମାନଙ୍କର ପ୍ରଥମ ପ୍ରସ୍ତୁତି ଥିଲା ନଟରାଜଙ୍କ ଉପରେ ସର୍ମପିତ ଭୋ ଶମ୍ଭୋ ପରେ ପରେ ଅଭିନୟରେ ରାମାୟଣରୁ ଉଦ୍ଧୃତ ସୂପର୍ଣ୍ଣରେଖା ବଧ । ସଂଧ୍ୟାର ସମସ୍ତ ପ୍ରସ୍ତୁତି ଅତ୍ୟନ୍ତ ମନୋରମ ଓ ଚିତାକର୍ଷକ ଥିଲା ଯାହାକୁ ଦର୍ଶକ ଶେଷ ପର୍ଯ୍ୟନ୍ତ ଉପସ୍ଥିତ ରହି ଉପଭୋଗ କରିଥିଲେ ।
DSC_8216
ଉଦ୍‍ଘାଟନୀ ସଂଧ୍ୟାର ଏହି ମନୋରମ କାର୍ଯ୍ୟକ୍ରମକୁ ବହୁ ସଂଖ୍ୟାରେ ଦର୍ଶକମାନେ ଉପଭୋଗ କରିଥିଲେ । ଆଜି ସନ୍ଧ୍ୟାରେ ଅତିଥି ଭାବରେ ପ୍ରଦୀପ ପ୍ରଜ୍ୱୋଳନ କରିଥିଲେ ଗୁରୁ ବନମାଳୀ ମହାରଣା, ସୁରେନ୍ଦ୍ର ନାଥ ପଶୁପାଳକ, ତ୍ରୀବିକ୍ରମ ପ୍ରଧାନ, ପୂର୍ବତନ ରାଷ୍ଟ୍ରଦୂତ ଡ଼. ଲଳୀତ ମାନସିଂହ ଏବଂ ପର୍ଯ୍ୟଟନ ବିଭାଗର ନିଦେ୍ର୍ଧଶକ ଡ଼. ନିତିନ୍ ଭାନୁଦାସ ଜାୱଲେ । କାର୍ଯ୍ୟକ୍ରମକୁ ସଂଚାଳନା କରିଥିଲେ ଡ଼. ଶ୍ରୀନିବାସ ଘଟୁଆରୀ ଓ ଅନୁଜା ତାରିଣୀ ମିଶ୍ର । ପର୍ଯ୍ୟଟନ ବିଭାଗର ଉପ ନିଦେ୍ର୍ଧଶକ, ସହ ନିଦେ୍ର୍ଧଶକ, ପର୍ଯ୍ୟଟନ ଅଧିକାରୀ ଓ ଓଡ଼ିଶା ପର୍ଯ୍ୟଟନ ନିଗମର ମହା ପରିଚାଳକ ଉପସ୍ଥିତ ରହି କାର୍ଯ୍ୟକ୍ରମକୁ ପରିଚାଳନା କରିଥିଲେ ।

Share in top social networks!

ମୁକ୍ତେଶ୍ବର ଉତ୍ସବର ଶେଷ ସଂଧ୍ୟାରେ ଓଡ଼ିଶୀ ରସରେ ଦର୍ଶକ ବିମୁଗ୍ଧ

mukteswarfestଓଡ଼ିଶା ପର୍ଯ୍ୟଟନ ବିଭାଗ ଦ୍ବାରା ଆୟୋଜିତ ମୁକ୍ତେଶ୍ବର ଉତ୍ସବର ଉଦ୍ ଯାପନୀ ସଂଧ୍ୟାରେ ଭରପୁର ଦର୍ଶକ ଓଡ଼ିଶୀ ନୃତ୍ୟ ଓ ସଙ୍ଗୀତକୁ ଉପଭୋଗ କରିଥିଲେ । ସଂଧ୍ୟାର କାର୍ଯ୍ୟକ୍ରମ ଆରମ୍ଭ ହୋଇଥିଲା ବିଶିଷ୍ଟ ସଙ୍ଗୀତ ନିର୍ଦ୍ଦେଶକ ଗୁରୁ ସୁକାନ୍ତ କୁମାର କୁଣ୍ଡୁ ଓ ସାଥୀଙ୍କ ଦ୍ବାରା ଶିବ ବନ୍ଦନାରୁ ଯାହାର ରଚନା କରିଥିଲେ ପଣ୍ଡିତ ନିତ୍ୟାନନ୍ଦ ମିଶ୍ର ଯେଉଁଥିରେ ଓଡ଼ିଶାର ଖ୍ୟାତନାମା ଶିଳ୍ପୀ ଅଂଶଗ୍ରହଣ କରିଥିଲେ । ପରେ ପରେ ଏକକ ଓଡ଼ିଶୀ ନୃତ୍ୟ ପର୍ଯ୍ୟାୟରେ ସାସ୍ବତୀ ଗୋରାଇ ଘୋଷଙ୍କ ଦ୍ବାରା ପରିବେଶିତ ନୃତ୍ୟାଭିନୟ ମୁର୍ଚ୍ଛନା । ଓଡ଼ିଶୀ ନୃତ୍ୟରେ ମୃଦଙ୍ଗର ଉତ୍ପତୀ ଏବଂ ପରିବର୍ତ୍ତନ ସମୟରେ ତାହାର ତାଳ, ଛନ୍ଦ ଓ ମୁର୍ଚ୍ଛନାକୁ ସେ ତାଙ୍କର ନୃତ୍ୟ ମାଧ୍ୟମରେ ଶାସ୍ବତ ଭାବର ପରିପ୍ରକାଶ କରିଥିଲେ ଯାହର ପରିକଳ୍ପନା ଓ ନୃତ୍ୟ ସଂରଚନା କରିଥିଲେ ଗୁରୁ ସର୍ମିଲା ବିଶ୍ବାସ । ତାପରେ ଓଡ଼ିଶୀ ଯୁଗ୍ମ ନୃତ୍ୟ ପର୍ଯ୍ୟାୟରେ ଶୁଭଲକ୍ଷ୍ମୀ ପାଢୀ ଓ ଆରତୀ କରଙ୍କ ଦ୍ବାରା ବକୁଳଭରଣ ପଲ୍ଲବୀ ପରିବେଷତ ହୋଇଥିଲା ଯାହା ରାଗ-ବକୁଳଭରଣ ଓ ତାଳ଼ଏକତାଳୀ ଉପରେ ପର୍ଯ୍ୟବେସିତ ଥିଲା । ତାଙ୍କର ପରବର୍ତ୍ତୀ ପ୍ରସ୍ତୁତି ଥିଲା ରାଧା ଓ ମୀରାଙ୍କ ଶ୍ରୀକୃଷ୍ଣଙ୍କ ପ୍ରତି ପ୍ରେମ, ଅନୁରାଗ, ବିରହ ଉପରେ ଆଧାରିତ ଅଭିନୟ ରାଗ ଅନୁରାଗ ଯାହା ରାଗ ରାଗମାଳିକା ଓ ତାଳ ତାଳମାଳିକା ଉପରେ ଆଧାରିତ ଥିଲା । ଯାହର ସଙ୍ଗୀତ ସଂଯୋଜନା କରିଥିଲେ ଗୁରୁ ଶୁକାନ୍ତ କୁମାର କୁଣ୍ଡୁ ଏବଂ ନୃତ୍ୟ ସଂରଚନା କରିଥିଲେ ଗୁରୁ ପ୍ରଭାତ କୁମାର ସ୍ବାଇଁ । ଅନ୍ତିମ ସଂଧ୍ୟାର ଅନ୍ତିମ ପ୍ରସ୍ତୁତି ଥିଲା ନୃତ୍ୟାଙ୍ଗନା ଅନୁଷ୍ଠାନର ଶିଳ୍ପୀମାନଙ୍କ ଦ୍ବାରା ଦଳଗତ ଓଡ଼ିଶୀ ନୃତ୍ୟ । ପ୍ରଥମେ ନୃତ୍ୟ ଶିଳ୍ପୀମାନେ ନଟରାଜଙ୍କୁ ପୁଷ୍ପାଞ୍ଜଳୀ ଅର୍ପଣ କରି ରାଗ ବଜ୍ରକାନ୍ତିରେ ପଲ୍ଲବୀ ପରିବେଷଣ କରିଥିଲେ । ପରେ ପରେ ରାଧା କୃଷ୍ଣଙ୍କର ଦିବ୍ୟ ପ୍ରେମର ପରିପ୍ରକାଶ ସହିତ ପାରମ୍ପାରିକ ଚମ୍ପୁ ଓ ଗୀତଗୋବିନ୍ଦ ପରିବେଷଣ କରିଥିଲେ ।

ଆଜିର ଅନ୍ତିମ ସଂନ୍ଧ୍ୟାରେ ପ୍ରଦୀପ ପ୍ରଜ୍ବୋଳନପୂର୍ବକ ଅତିଥି ଭାବେ ବିଶିଷ୍ଟ ଓଡ଼ିଶୀ ନୃତ୍ୟାଙ୍ଗନା ଗୁରୁ ସର୍ମିଲା ବିଶ୍ବାସ, କାମାତ ଗୃପର ମୁଖ୍ୟ ବିଶାଲ କାମାତ, ପର୍ଯ୍ୟଟନ ବିଭାଗର ପ୍ରମୁଖ ଶାସନ ସଚିବ ଆରତୀ ଆହୁଜା ଏବଂ ପର୍ଯ୍ୟଟନ ବିଭାଗର ନିର୍ଦ୍ଦେଶକ ନିତୀନ ଭାନୁଦାସ ଜାୱଲେ ଯୋଗଦେଇ କାର୍ଯ୍ୟକ୍ରମକୁ ଶୁଭାରମ୍ଭ କରିଥିଲେ । ମଞ୍ଚ ପରିଚାଳନା କରିଥିଲେ ଓଡ଼ିଶୀ ଗବେଷଣା କେନ୍ଦ୍ରର ମୁଖ୍ୟ ନିର୍ବାହୀ ଡ଼. ସଙ୍ଗୀତା ଗୋସାଇଁ ଏବଂ କାର୍ଯ୍ୟକ୍ରମ ପରିଚାଳନା କରିଥିଲେ ଇଂ ଶ୍ରୀନୀବାସ ଘଟୁଆରୀ ଓ ସଂହତି ପାଣି ।

Share in top social networks!