ମହାନଦୀ ଜଳ ବିବାଦରେ ଓଡିଶାର ସ୍ୱାର୍ଥକୁ ପ୍ରଭାବିତ ହେବାକୁ ଦିଆଯିବ ନାହିଁ – ଧର୍ମେନ୍ଦ୍ର ପ୍ରଧାନ

dpji
-୫୦ ଦଶକରେ ହୀରାକୁଦ ବନ୍ଧ ନିର୍ମାଣ ସମୟରେ ମହାନଦୀ ଜଳକୁ ନେଇ ଓଡିଶା ପାଇଁ ଯେତିକି
ଭାଗ ନିର୍ଣୟ ହୋଇଥିଲା ସେହି ଭାଗରେ କୌଣସି ପରିବର୍ତନ ହେବ ନାହିଁ
-ଅଣ ମୌସୁମୀ ସମୟରେ ଓଡିଶା ତାର ଭାଗର ବୁନ୍ଦାଏ ପାଣି କମିବ ନାହିଁ
- ଉମା ଭାରତୀ ଓଡିଶା ପ୍ରତି ପକ୍ଷପାତ ନୀତି ଅବଲମ୍ବନ ଅଭିଯୋଗ ଠିକ ନୁହେଁ ,ସମ୍ପୂର୍ଣ ବୈଠକ
କ୍ୟାମେରା ଆଗରେ ଅନୁଷ୍ଠିତ ହୋଇଛି ଏଥିରେ ଲୁଚାଇବାର କିଛି ବିଷୟ ନାହିଁ
- ମହାନଦୀ ପ୍ରସଙ୍ଗର ରାଜ୍ୟ ସରକାରଙ୍କ ମତ ଭିନ୍ନତା ରହିଛି
- ଚେଇଁ ଶୋଇଥିବ ଯିଏ, ତାକୁ ଉଠାଇବ କିଏ
-ପ୍ରଧାନମନ୍ତ୍ରୀଙ୍କ ଏହି ମାମଲାରେ ହସ୍ତକ୍ଷେପ ଦାବି ପ୍ରସଙ୍ଗରେ ଉତର, ପ୍ରଜାତନ୍ତ୍ରରେ କୌଣସି ବି
ସ୍ତରରେ କଥାବାର୍ତାକୁ ସ୍ୱାଗତ କରାଯିବା ଉଚିତ
ମହାନଦୀ ଜଳ ବିବାଦରେ ଓଡିଶାର ସ୍ୱାର୍ଥକୁ ପ୍ରଭାବିତ ହେବାକୁ ଦିଆଯିବ ନାହିଁ ବୋଲି କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ନୂଆ ଦିଲ୍ଲୀରୁ ଆସି ଭୁବନେଶ୍ୱର ବିମାନ ବନ୍ଦରରେ ପହଂଚିବା ପରେ ସାମ୍ବାଦିକ ମାନଙ୍କ ପ୍ରଶ୍ନର ଉତରରେ କହିଛନ୍ତି।

୫୦ ଦଶକରେ ହୀରାକୁଦ ବନ୍ଧ ନିର୍ମାଣ ସମୟରେ ମହାନଦୀ ଜଳକୁ ନେଇ ଓଡିଶା ପାଇଁ ଯେତିକି ଭାଗ ନିର୍ଣୟ ହୋଇଥିଲା ସେହି ଭାଗରେ କୌଣସି ପରିବର୍ତନ ହେବ ନାହିଁ ବୋଲି କେନ୍ଦ୍ର ସରକାରଙ୍କ ଏହା ଦୃଢ ଘୋଷଣା ବୋଲି ଶ୍ରୀ ପ୍ରଧାନ ସାମ୍ବାଦିକ ମାନଙ୍କ ପ୍ରଶ୍ନରେ ସ୍ପଷ୍ଟ କରିଛନ୍ତି।

ଶ୍ରୀ ପ୍ରଧାନ କହିଛନ୍ତି ଯେ ଓଡିଶା ଓ ଛତିଶଗଡ ମୁଖ୍ୟମନ୍ତ୍ରୀଙ୍କ ବୈଠକରେ ମଧ୍ୟସ୍ଥତାର ଭୂମିକା ନେଇ କେନ୍ଦ୍ର ଜଳ ସମ୍ପଦ ମନ୍ତ୍ରୀ ସୁଶ୍ରୀ ଉମା ଭାରତୀ ଓଡିଶାକୁ ମହାନଦୀର ଜଳ ପ୍ରବେଶର ଅବ୍ୟବହିତ ପୂର୍ବରୁ ଗେଜ ଷ୍ଟେସନ ସ୍ଥାପନା କରି ଓଡିଶାକୁ ପ୍ରାପ୍ୟ ଜଳ ଆସୁଛି ନା ନାହିଁ ତାହାକୁ ସୁନିଶ୍ଚିତ କରିବା ପାଇଁ ଓଡିଶାବାସୀଙ୍କୁ ଆଶ୍ୱସ୍ତ କରିଛନ୍ତି। ବର୍ଷା ଦିନେ ଓଡିଶାକୁ ମହାନଦୀର ପାଣି ନେଇ କୌଣସି ବିବାଦ ନାହିଁ, ମାତ୍ର ଅଣ ମୌସୁମୀ ସମୟରେ ଓଡିଶାତାର ଭାଗର ବୁନ୍ଦାଏ ପାଣି କମିବ ନାହିଁ ଏହାର ସ୍ପଷ୍ଟତା କେନ୍ଦ୍ର ସରକାରଙ୍କ ପାଖରେ ଅଛି ବୋଲି ଶ୍ରୀ ପ୍ରଧାନ କହିଛନ୍ତି।

ଅସହମତି ପ୍ରକାଶ କରିବା ପାଇଁ ରାଜ୍ୟ ସରକାରଙ୍କର ସମ୍ପୂର୍ଣ ଅଧିକାର ଅଛି ବୋଲି ଶ୍ରୀ ପ୍ରଧାନ କହିବା ସହ କେନ୍ଦ୍ର ଜଳ ସମ୍ପଦ ମନ୍ତ୍ରୀ ଉମା ଭାରତୀ ଓଡିଶା ପ୍ରତି ପକ୍ଷପାତ ନୀତି ଅବଲମ୍ବନ କରୁଥିବା ସାମ୍ବାଦିକଙ୍କ ପ୍ରଶ୍ନରେ ଶ୍ରୀ ପ୍ରଧାନ କହିଥିଲେ ଯେ ଏହି ସମ୍ପୂର୍ଣ ବୈଠକ କ୍ୟାମେରା ଆଗରେ ଅନୁଷ୍ଠିତ ହୋଇଛି। ଏଥିରେ ଲୁଚାଇବାର କିଛି ବିଷୟ ନାହିଁ।

ମହାନଦୀ ପ୍ରସଙ୍ଗରେ ବିଜେପିରେ ଭିନ୍ନ ମତ ଥିବା ସାମ୍ବାଦିକଙ୍କ ପ୍ରଶ୍ନର ଉତର ଦେଇ ଶ୍ରୀ ପ୍ରଧାନ କହିଥିଲେ ଯେ ବହୁ ତୁମ୍ବିତୋଫାନ କରି ଗତକାଲିର କ୍ୟାବିନେଟ ବୈଠକ ଆହୁତ କରାଯାଇଥିଲା। କରିବାକୁ କହିଥିଲେ କଣ ଓ କଲେ କଣ, ସରକାରଙ୍କ ମତ ଭିନ୍ନତା ରହିଛି ବୋଲି ଶ୍ରୀ ପ୍ରଧାନ କହିଥିଲେ।

ଗତ କାଲିର କ୍ୟାବିନେଟ ବୈଠକ ପରେ ମୁଖ୍ୟ ଶାସନ ସଚିବଙ୍କ ବକ୍ତବ୍ୟ ଉପରେ ମନ୍ତବ୍ୟ ଦେଇ ଶ୍ରୀ ପ୍ରଧାନ କହିଲେ ଯେ ଯୁଗ୍ମ ନିୟନ୍ତ୍ରଣ ବୋର୍ଡ ପାଇଁ କେନ୍ଦ୍ର ଓ ଛତିଶଗଡ ମତ ଦେଇଥିଲେ। ମାତ୍ର ଏହା ସତ୍ୟ ଯେ ଓଡିଶା ସରକାରଙ୍କ ଦାବି ଅନୁସାରେ କମିଟି ଗଢିବା ପାଇଁ କେନ୍ଦ୍ର ସମ୍ମତି ଦେଇଛି। ଜାଂଚ ପାଇଁ ଯେମିତି କମିଟି ଗଢିବାକୁ ରାଜ୍ୟ ଦାବି କରିଥିଲା ତାହା ମାନି ନିଆ ଯାଇଛି ବୋଲି ଶ୍ରୀ ପ୍ରଧାନ କହିଛନ୍ତି।

ନଦୀ ରାଜ୍ୟ ପ୍ରସଙ୍ଗ ହୋଇଥିବା କାରଣରୁ କେନ୍ଦ୍ର ସରକାରଙ୍କର ସାମ୍ବିଧାନିକ ସୀମା ଅଛି। ପୋଲାଭରମ ପ୍ରସଙ୍ଗରେ ଛତିଶଗଡ ସମସ୍ୟା ଭୋଗୁଥିବା ବେଳେ କେନ୍ଦ୍ର ସରକାର ବିଜେପି ଦଳର ହେଲା ପରେ ବି ତାଙ୍କ ଦାବିକୁ ମାନି ନେବା ସମ୍ଭବ ନୁହେଁ। ସାମ୍ବିଧାନିକ ସୀମା ସଂପର୍କରେ ରାଜ୍ୟ ସରକାରଙ୍କୁ ଜଣା ଅଛି ବୋଲି କହିବା ସହ ଚେଇଁ ଶୋଇଥିବ ଯିଏ, ତାକୁ ଉଠାଇବ କିଏ ବୋଲି ଶ୍ରୀ ପ୍ରଧାନ କହିଛନ୍ତି।

ମହାନଦୀ ଜଳ ନେଇ କେନ୍ଦ୍ର ଓଡିଶାକୁ ସମ୍ପୂର୍ଣ ଆଶ୍ୱସ୍ତ କରି ସାରିବା ପରେ ଯଦି ବିଜେଡି ସରକାର ଅସନ୍ତୁଷ୍ଟ ଅଛି ତେବେ କୋର୍ଟ ଓ ଟ୍ରିବ୍ୟୁନାଲ ରାସ୍ତାକୁ ଯିବାକୁ ଆପତି ନାହିଁ। ମାତ୍ର ପୋଲାଭରମ ମାମଲାରେ ମାମଲା କୋର୍ଟରେ ଥିବା ପରେ ବି ରାଜ୍ୟକୁ କଣ ସୁଫଳ ମିଳିଛି ବୋଲି ସେ ପ୍ରଶ୍ନ କରିଥିଲେ।

ପ୍ରଧାନମନ୍ତ୍ରୀଙ୍କ ଏହି ମାମଲାରେ ହସ୍ତକ୍ଷେପ ଦାବି ପ୍ରସଙ୍ଗରେ ଶ୍ରୀ ପ୍ରଧାନ କହିଥିଲେ ଯେ ପ୍ରଜାତନ୍ତ୍ରରେ କୌଣସି ବି ସ୍ତରରେ କଥାବାର୍ତାକୁ ସ୍ୱାଗତ କରାଯିବା ଉଚିତ। କଥାବାର୍ତା ମାଧ୍ୟମରେ ହିଁ ସମାଧାନର ରାସ୍ତା ବାହାରି ପାରିବ ଓ ଏହା ହିଁ ପ୍ରଜାତାନ୍ତ୍ରିକ ପରମ୍ପରା ବୋଲି ସେ କହିଥିଲେ।

Share in top social networks!

ମହାନଦୀ ସଂପର୍କରେ ବିଜୁ ଜନତା ଦଳର ପୂର୍ଣ୍ଣାଙ୍ଗ କମିଟି ଘୋଷିତ; ବୈଷୟିକ ପରାମର୍ଶଦାତା ମଣ୍ଡଳୀ ସହାୟତା ଦେବେ

13901480_756035411202731_3237524598159786769_nଆଜି ବିଜୁ ଜନତା ଦଳର ରାଜ୍ୟ ସଭାପତି ତଥା ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ଅନୁମୋଦନ କ୍ରମେ ମହାନଦୀ ସଂପର୍କରେ ଏକ ପୂର୍ଣ୍ଣାଙ୍ଗ କମିଟି ଏହାର ଅଧ୍ୟକ୍ଷ ତଥା ବିଜେଡି ଉପ-ସଭାପତି ଶ୍ରୀ ପ୍ରସନ୍ନ ଆଚାର୍ଯ୍ୟଙ୍କ ଦ୍ୱାରା ଘୋଷିତ ହୋଇଛି। ଏହି କମିଟି ଏକ ବୈଷୟିକ ପରାମର୍ଶଦାତା ମଣ୍ଡଳୀର ସହାୟତା ନେବେ।

ଏହି ୧୨ଜଣିଆ କମିଟି ଅଗଷ୍ଟ ୭ ଓ ୮ ତାରିଖ ଏହି ଦୁଇଦିନ ମହାନଦୀର ଛତିଶଗଡ଼ ଓ ଓଡ଼ିଶା ସୀମାର ପ୍ରକଳ୍ପ ଅଞ୍ଚଳ ଯିବ ଏବଂ ସଂପୃକ୍ତ କର୍ତ୍ତୃପକ୍ଷଙ୍କ ସହ ମତ ବିନିମୟ କରିବାର କାର୍ଯ୍ୟକ୍ରମ ନିର୍ଦ୍ଧାରିତ ହୋଇଛି। ଏହି କମିଟିରେ ଶ୍ରୀ ପ୍ରସନ୍ନ ଆଚାର୍ଯ୍ୟ, ଅଧ୍ୟକ୍ଷ, ସଦସ୍ୟ ସର୍ବଶ୍ରୀ ଦେବୀ ପ୍ରସାଦ ମିଶ୍ର, ପ୍ରଦୀପ ଅମାତ, ମଙ୍ଗଳା କିଶାନ, କିଶୋର ମହାନ୍ତି, ପଦ୍ମନାଭ ବେହେରା, ସଞ୍ଜୟ ଦାସବର୍ମା, ରୋହିତ ପୂଜାରୀ, ସୁଶାନ୍ତ ସିଂହ, ପ୍ରତାପ ଦେବ ଏବଂ ଶ୍ରୀମତୀ ପ୍ରମିଳା ମଲ୍ଲିକ ଓ ଶ୍ରୀମତୀ ରାସେଶ୍ୱରୀ ପାଣିଗ୍ରାହୀ ଅଛନ୍ତି। ଏହି କମିଟି ଏକ ବୈଷୟିକ ପରାମର୍ଶଦାତା ମଣ୍ଡଳୀର ସହାୟତା ନେବ। ଏହି ମଣ୍ଡଳୀରେ ଜଳସଂପଦ ବିଭାଗର ପୂର୍ବତନ ଯନ୍ତ୍ରୀ ମୁଖ୍ୟ ଶ୍ରୀ ଶରତ ମହାନ୍ତି, ଶ୍ରୀ ଶ୍ରୀଧର ବେହେରା,
ଶ୍ରୀ ରମେଶ ରଥ ପ୍ରମୁଖ ରହିବେ।

ପରିଦର୍ଶନ ଓ ଅନୁଧ୍ୟାନ ପରେ କମିଟି ଏ ସଂପର୍କରେ ଆବଶ୍ୟକ ସ୍ଥଳେ ବିଭିନ୍ନ ଦଳ, ବିଶେଷଜ୍ଞ, ସିଭିଲ୍‌ ସୋସାଇଟି ଓ ଅନୁଷ୍ଠାନମାନଙ୍କ ସହିତ ମତ ବିନିମୟ କରିବ ଏବଂ ମାନ୍ୟବର ମୁଖ୍ୟମନ୍ତ୍ରୀ ତଥା ରାଜ୍ୟ ସଭାପତିଙ୍କୁ ତଥ୍ୟ ପ୍ରଦାନ କରିବ।

Share in top social networks!

ମହାନଦୀ ଶୁଖିଗଲେ ବି ଜାତୀୟ ଦଳର ନେତାମାନେ ତାଙ୍କ ହାଇକମାଣ୍ଡଙ୍କ ବିରୋଧରେ ଯିବେ ନାହିଁ: ପ୍ରତାପ କେଶରୀ ଦେବ

1925264_1389012784747179_27090619927041293_nମାନ୍ୟବର ବିରୋଧୀ ଦଳର ନେତା ମହାନଦୀ ଇସୁ୍ୟରେ ସର୍ବଦଳୀୟ ବୈଠକ ଡାକିବା ପାଇଁ ଯେଉଁ ଦାବି କରୁଛନ୍ତି, ତାହା କେବଳ ଏକ ରାଜନୈତିକ ଚାଲ୍‌। କେନ୍ଦ୍ରର ଉପା ସରକାର ସମୟରେ ପୋଲାଭରମ୍‌ ପ୍ରକଳ୍ପ ମଞ୍ଜୁର ହୋଇଥିଲା। ରାଜ୍ୟ ସରକାରଙ୍କ ସବୁ ବିରୋଧକୁ କେନ୍ଦ୍ର ସରକାର ଅଣଦେଖା କରିଥିଲେ।

ସେତେବେଳେ ରାଜ୍ୟ କଂଗ୍ରେସ ଦଳ ସବୁ ଜାଣି ଚୁପ୍‌ ରହିଥିଲେ। ଓଡ଼ିଶାର ସ୍ୱାର୍ଥ ପାଇଁ ପଦଟିଏ ବି କହିଲେ ନାହିଁ। ଛତିଶଗଡ଼ରେ ମହାନଦୀ ଉପରେ କିଛି ପ୍ରକଳ୍ପ ସେହି ଉପା ସରକାର ସମୟରେ ଆରମ୍ଭ ହୋଇଥିଲା। ଜାତୀୟ ଦଳ, ଦିଲ୍ଲୀ ନେତା ଓ ତାଙ୍କର ହାଇକମାଣ୍ଡଙ୍କ ପ୍ରତି ଅନୁରକ୍ତି ରାଜ୍ୟର ସ୍ୱାର୍ଥଠୁ ମଧ୍ୟ ବହୁ ଉପରେ। ରାଜ୍ୟର ସ୍ୱାର୍ଥ ପାଇଁ ଦିଲ୍ଲୀ ହାଇକମାଣ୍ଡଙ୍କ ବିରୋଧରେ ସେମାନେ ଆଗରୁ କେବେ ଯାଇନଥିଲେ କି ଭବିଷ୍ୟତରେ ବି ଯିବେନାହିଁ।

ବର୍ତ୍ତମାନ ମହାନଦୀ ପ୍ରସଂଗରେ ବିହାରର ରାଜ୍ୟସଭା ସାଂସଦ ଓ କେନ୍ଦ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ୧୯୮୩ ରାଜିନାମାକୁ ଆୟୁଧ କରି ଛତିଶଗଡ଼ ପାଇଁ ପୂରା ଓକିଲାତି କଲେ। ତେଣୁ ସର୍ବଦଳୀୟ ବୈଠକ ଡାକିବା ପାଇଁ ଦାବି କରିବା ଆଗରୁ ମାନ୍ୟବର ବିରୋଧୀ ଦଳର ନେତାଙ୍କୁ ବିଜୁ ଜନତା ଦଳ ତରଫରୁ ଅନୁରୋଧ କରାଯାଉଛି ଯେ ସେ ତାଙ୍କର ହାଇକମାଣ୍ଡ ଏବଂ ଏଆଇସିସି ଉପରେ ଚାପ ପକାଇ ମହାନଦୀ ପ୍ରସଂଗକୁ ପାର୍ଲାମେଣ୍ଟରେ ଉଠାଇବା ସହିତ ପୋଲାଭରମ୍‌ ଓ ଛତିଶଗଡ଼ରେ ଡ୍ୟାମ୍‌ ନିର୍ମାଣ କାର୍ଯ୍ୟକୁ ବନ୍ଦ କରାଇବା ପାଇଁ ବିଧିବଦ୍ଧ ପ୍ରସ୍ତାବ ଆଗତ କରନ୍ତୁ। ସେହିଭଳି ଭାରତୀୟ ଜନତା ପାର୍ଟିର କେନ୍ଦ୍ରୀୟ ନେତୃତ୍ୱ ଛତିଶଗଡ଼ ରାଜ୍ୟ ସରକାରଙ୍କୁ ମହାନଦୀ ଉପରେ ଚାଲୁଥିବା ନିର୍ମାଣ ତୁରନ୍ତ ବନ୍ଦ କରିବା ପାଇଁ ଦଳ ତରଫରୁ ଏ ସଂପର୍କରେ ନିର୍ଦ୍ଦିଷ୍ଟ ପ୍ରସ୍ତାବ ଆଗତ କରାଯିବା ନିହାତି ଆବଶ୍ୟକ। ତା’ହେଲେ ଯାଇ ରାଜ୍ୟବାସୀ ବିଶ୍ୱାସ
କରିବେ, ମହାନଦୀ ଇସୁ୍ୟରେ ତାଙ୍କର ଆନ୍ତରିକତା ଅଛି। “ଆମେ ଜାଣିଛୁ, ମହାନଦୀ ଶୁଖିଗଲେ ବି ଜାତୀୟ ଦଳର ନେତାମାନେ ତାଙ୍କ ହାଇକମାଣ୍ଡଙ୍କ ବିରୋଧରେ ଯିବେ ନାହିଁ” ବୋଲି ବିଜୁ ଜନତା ଦଳର ମୁଖପାତ୍ର ତଥା ପୂର୍ବତନ ମନ୍ତ୍ରୀ ଶ୍ରୀ ପ୍ରତାପ କେଶରୀ ଦେବ କହିଛନ୍ତି।

Share in top social networks!

ବର୍ଷା ଦିନ ଛାଡି ଅନ୍ୟ ଋତୁରେ ମଧ୍ୟ ଓଡିଶାକୁ ମହାନଦୀ ପାଣି ପ୍ରବାହିତ ହେବ ବୋଲି କେନ୍ଦ୍ର ଜଳ ସମ୍ପଦ ମନ୍ତ୍ରୀ ଆଶ୍ୱସ୍ତ କରିଛନ୍ତି – କେନ୍ଦ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

dpମହାନଦୀ ଜଳକୁ ନେଇ ବିଶେଷ ଭାବରେ ବର୍ଷା ଋତୁ ଛଡା ଅନ୍ୟ ଦିନରେ ହୀରାକୁଦ ଜଳ ଭଣ୍ଡାରକୁ ଜଳ ଆସିବା, ରବି ଋତୁର ଜଳସେଚନ ତଥା ପାନୀୟ ଜଳ ସମସ୍ୟା ସମ୍ବନ୍ଧରେ କେନ୍ଦ୍ର ଜଳ ସମ୍ପଦ ମନ୍ତ୍ରୀ ସଂସଦରେ ବୟାନ ମାଧ୍ୟମରେ ଓଡିଶାକୁ ଆଶ୍ୱସ୍ତ କରିଛନ୍ତି ବୋଲି କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି।

ଶ୍ରୀ ପ୍ରଧାନ କହିଛନ୍ତି ଯେ ରାଜ୍ୟ ସରକାର ଓଡିଶାର ସ୍ୱାର୍ଥ ରକ୍ଷା କରିବା ପାଇଁ କେଉଁ ସମୟରେ କଣ କରିଛନ୍ତି ସେ ସମ୍ପର୍କରେ ସଂସଦରେ କେନ୍ଦ୍ର ଜଳସମ୍ପଦ ରାଷ୍ଟ୍ର ମନ୍ତ୍ରୀଙ୍କ ବକ୍ତବ୍ୟ ପରେ ସ୍ପଷ୍ଟ ହୋଇଯାଇଛି। ୧୯୮୩ ମସିହାର ଓଡିଶା ଓ ତକ୍ରାଳୀନ ମଧ୍ୟପ୍ରଦେଶ ମଧ୍ୟରେ ଚୁକ୍ତି ଆଧାରରେ ଯଦି ଯୁଗ୍ମ ନିୟନ୍ତ୍ରଣ ବୋର୍ଡ ଗଠନ ହୋଇଥାନ୍ତା ତା ହେଲେ ଜଳ ବିବାଦ ଆଜିର ରୂପ ନେଇ ନ ଥାନ୍ତା ସେ କହିଛନ୍ତି ଯେ ଏହି ବୋର୍ଡ ଗଠନ ନେଇ ମୁଖ୍ୟମନ୍ତ୍ରୀଙ୍କୁ ଦାୟିତ୍ୱ ନେବାକୁ ପଡିବ।। ଜଳ ଏକ ରାଜ୍ୟ ବିଷୟ ହୋଇଥିବା କାରଣରୁ ଅଭିଯୋଗ ଆସିଲା ପରେ କେନ୍ଦ୍ର ଏକ ପରାମର୍ଶଦାତା ଓ ମଧ୍ୟସ୍ଥତାର ଭୂମିକା ନେଇ ପାରିବ।

ଓଡିଶା ସରକାରଙ୍କ ନିକଟରେ ଛତିଶଗଡରେ ପ୍ରକଳ୍ପ ନିର୍ମାଣର ପ୍ରସ୍ତାବ ସମ୍ପର୍କରେ ସୂଚନା ଉପଲବ୍ଧ କରି ମତାମତ ଲୋଡା ଯାଇଥିଲେ ମଧ୍ୟ ଓଡିଶା ସରକାର ନୀରବ ରହିବା ଚିନ୍ତାର ବିଷୟ ବୋଲି ଶ୍ରୀ ପ୍ରଧାନ ପ୍ରକାଶ କରିଛନ୍ତି। ମନ୍ତ୍ରୀ ତାଙ୍କ ବକ୍ତବ୍ୟରେ ଅରପା ପ୍ରକଳ୍ପ ବିନା ଅନୁମତିରେ ଛତିଶଗଡ ସରକାର ଆରମ୍ଭ କରିଥିବା ସ୍ପଷ୍ଟ ତଥ୍ୟ
ସଂସଦରେ ଉପସ୍ଥାପିତ କରିଛନ୍ତି।

Share in top social networks!