ଶିଶୁ ଚିତ୍ରକଳା ପ୍ରଦର୍ଶନୀ “କୁନି ଚିତ୍ରକର-୨୦୧୩”

mayor-kunichitrakarଭୁବନେଶ୍ଵରର ମଦର୍ଣ୍ଣ ଆର୍ଟ ଗ୍ୟାଲେରୀରେ ଆଜି ୨୧-୦୭-୨୦୧୩ “ସୌମ୍ୟ ମେମୋରିଆଲ ଟ୍ରଷ୍ଟ”ପକ୍ଷରୁ ଏକ ଦିନିକିଆ ଶିଶୁ ଚିତ୍ରକଳା ପ୍ରଦର୍ଶନୀ “କୁନି ଚିତ୍ରକର”ର ଆୟୋଜନ କରାଯାଇଥିଲା । ଯେଉଁଥିରେ ଭୁବନେଶ୍ଵରର ତଥା ତାର ଆଖପାଖ ଅଞ୍ଚଳରେ ୧୦୦ ରୁ ଅଧିକ ଶିଶୁ ଚିତ୍ରକାରଙ୍କର ଚିତ୍ରାକୁ ପ୍ରଦର୍ଶିତ କରାଯାଇଥିଲା । ଗାଁ ପରିବେଶ,ଜଙ୍ଗଲ,ପାହାଡ,ପୁରୀ ରଥ ଯାତ୍ରାରେ ଭକ୍ତଙ୍କ ଭିଡ,କଳ କାରଖାନା ଧୂଆଁରେ ପରିବେଶ ନଷ୍ଟ ଆଦି କଥାକୁ ନିଜ ଚିତ୍ରରେ ସ୍ଥାନ ଦେଇ କୁନି କୁନି ଚିତ୍ରକାରମାନେ ଜନସଚେତନତା ସୃଷ୍ଟି କରିବାକୁ ପ୍ରୟାସ କରିଥିଲେ ।

ଏଥିରେ ତିନୋଟି ବିଭାଗର ପ୍ରଥମ ଶ୍ରେଣୀ ଠାରୁ ଆରମ୍ଭ କରି ୧୦ ମ ଶ୍ରେଣୀ ପର୍ଯ୍ୟନ୍ତ ପିଲାମାନଙ୍କ ଚିତ୍ରକୁ ପ୍ରଦର୍ଶିତ କରାଯାଇଥିଲା । ଶିଶୁ ଚିତ୍ରକଳା ପ୍ରଦର୍ଶନୀ ସହ ୯ ଜଣ ଶିଶୁ ଚିତ୍ରକରଙ୍କୁ ସୌମ୍ୟ ମେମୋରିଆଲ ଟ୍ରଷ୍ଟ ପକ୍ଷରୁ କୁନି ଚିତ୍ରକର ସମ୍ମାନରେ ସମ୍ମାନିତ କରାଯାଇଥିଲା । ଭୁବନେଶ୍ଵର ମୁନିସିପାଲ କର୍ପୋରେସନ ମେୟର ଶ୍ରୀଯୁକ୍ତ ଅନନ୍ତ ନାରାୟଣ ଜେନା କୁନି ଚିତ୍ରକରମାନଙ୍କୁ ପ୍ରୋତ୍ସାହନ କରିବା ସହ ମାନପତ୍ର ଓ ପୁରସ୍କାର ପ୍ରଦାନ କରିଥିଲେ ।

ଏହା ସହ ତିନି ଜଣ କୁନିକୁନି ଚିତ୍ରକରଙ୍କୁ ସୌମ୍ୟମେମୋରିଆଲ ଟ୍ରଷ୍ଟ ପକ୍ଷରୁ ବର୍ଷେ ପାଇଁ ମାଗଣାରେ ଓଡିଶା ମଡର୍ଣ୍ଣ ଆର୍ଟ ଗ୍ୟାଲେରୀରେ ଚିତ୍ର ଶିଖିବାର ପ୍ରଶିକ୍ଷଣ ଦିଆଯିବ ବୋଲି ଟ୍ରଷ୍ଟର ଟ୍ରଷ୍ଟି ଭବାନୀ ମହାନ୍ତି ଘୋଷଣା କରିଥିଲେ । ଗତ ୧୪-୦୭-୨୦୧୩ (ରବିବାର)ଦିନ ଟ୍ରଷ୍ଟ ପକ୍ଷରୁ କୁନି ଚିତ୍ରକର ପାଇଁ ଓଡିଶା ମଡର୍ଣ୍ଣ ଆର୍ଟ ଗ୍ୟାଲେରୀରେ ଏକ ଶିଶୁ ଚିତ୍ରକର ପାଇଁ ଓଡିଶା ମଡର୍ଣ୍ଣ ଆର୍ଟ ଗ୍ୟାଲେରୀରେ ଏକ ଶିଶୁ ଚିତ୍ରକଳା ପ୍ରତିଯୋଗିତାର ଆୟୋଜନ କରାଯାଇଥିଲା । ଯେଉଁଥିରେ ଭୁବନେଶ୍ଵର ତଥା ତାର ଅଖପାଖ ଅଞ୍ଚଳର ୧୦୦ ରୁ ଅଧିକ ଶିଶୁ ଚିତ୍ରକର ଭାଗନେଇଥିଲେ । କୁନି ଚିତ୍ରକରମାନଙ୍କୁ ପ୍ରୋତ୍ସାହନ କରିବା ପାଇଁ ଆଗକୁ ମଧ୍ୟ ପ୍ରତ୍ୟେକ ବର୍ଷ ଏହିପରି ଶିଶୁ ଚିତ୍ରକଳା ପ୍ରତିଯୋଗୀତା ଓ ପ୍ରଦର୍ଶନୀର ଆୟୋଜନ କରାଯିବ ବୋଲି ଟ୍ରଷ୍ଟର ଚେୟାରମ୍ୟାନ ଶ୍ରୀଯୁକ୍ତ କାହ୍ନୁଚରଣ ପରିଡା କହିଛନ୍ତି ।

Share in top social networks!

କୁନି ଚିତ୍ରକର -2013 ପାଇଁ ଶିଶୁ ଚିତ୍ରକଳା ପ୍ରତିଯୋଗୀତା

kunichitrakaraaଭୁବନେଶ୍ଵରର ମଡର୍ଣ୍ଣ ଆର୍ଟ ଗ୍ୟାଲେରୀରେ ଆଜି ସୌମ୍ଯ ମେମୋରିଆଲ ଟ୍ରଷ୍ଟ ପକ୍ଷରେଉ ଏକ ଶିଶୁ ଚିତ୍ରକଳା ପ୍ରତିଯୋଗୀତାର ଆୟୋଜନ କରାଯାଇଥିଲା । ଯେଉଁଥିରେ ଭୁବନେଶ୍ଵର ତଥା ତାର ଆଖପାଖ ଅଞ୍ଚଳର 100 ରୁ ଅଧିକ ଶିଶୁ ଚିତ୍ରକର ଭାଗନେଇଥିଲେ । ଏହି କୁନିକୁନି ଚିତ୍ରକର ମାନେ ରଙ୍ଗ,ତୁଳୀ ମାଧ୍ୟମରେ ନିଜର ମନର ଭାବକୁ ପରିପ୍ରକାଶ କରିଥିଲେ । ଏଥିରେ ତିନୋଟି ବିଭାଗର ପ୍ରଥମଶ୍ରେଣୀଠାରୁ ଆରମ୍ଭ କରି 10 ମ ଶ୍ରେଣୀ ପର୍ଯ୍ୟନ୍ତ ପିଲାମାନଙ୍କୁ ଭାଗନେବାର ସୁଯୋଗ ଦିଆଯାଇଥିଲା ।

ଏହି ପ୍ରତିଯୋଗିତାରେ ଭାଗନେଇଥିବା ଶିଶୁ ଚିତ୍ରକରଙ୍କ ଚିତ୍ରାକୁ ନେଇ ଆସନ୍ତା 21-07-2013 ରବିବାର ଦିନ ଓଡିଶା ମଡର୍ଣ୍ଣ ଆର୍ଟ ଗ୍ୟାଲେରୀରେ ସୌମ୍ୟ ମେମୋରିଆଲ ଟ୍ରଷ୍ଟ ପକ୍ଷରୁ ଏକ ଶିଶୁ ଚିତ୍ରକଳା ପ୍ରଦର୍ଶନୀ କୁନି ଚିତ୍ରକରର ଆୟୋଜନ କରାଯିବ । ଏହି ଚିତ୍ରକଳା ପ୍ରଦର୍ଶନୀ ସହ 9 ଜଣ ଶିଶୁ ଚିତ୍ରକରଙ୍କୁ କୁନି ଚିତ୍ରକର ସମ୍ମାନରେ ସମ୍ମାନିତ କରାଯିବ । ଏହା ସହ 3 ଜଣ କୁନି ଚିତ୍ରକରଙ୍କୁ ସୌମ୍ୟ ମେମୋରିଆଲ ଟ୍ରଷ୍ଟ ପକ୍ଷରୁ ମଡର୍ଣ୍ଣ ଆର୍ଟ ଗ୍ୟାଲେରୀରେ ବର୍ଷକ ପାଇଁ ମାଗଣା ଚିତ୍ରକଳା ଶିକ୍ଷା ଦିଆଯିବ ବୋଲି ଟ୍ରଷ୍ଟର ଟ୍ରଷ୍ଟି ଭବାନୀ ମହାନ୍ତି ସୂଚନା ଦେଇଛନ୍ତି ।

ଶିଶୁ ଚିତ୍ରକରମାନଙ୍କୁ ପ୍ରୋତ୍ସାହନ କରିବା ପାଇଁ ସୌମ୍ୟ ମେମୋରିଆଲ ଟ୍ରଷ୍ଟ ପକ୍ଷରୁ ଗତ ଏ ବର୍ଷ ମଧ୍ୟ ଏହି ପ୍ରତିଯୋଗିତାର ଆୟୋଜନ କରାଯାଇଥିଲା । ଆଗକୁ ମଧ୍ୟ କୁନି ଚିତ୍ରକରମାନଙ୍କୁ ପ୍ରୋତ୍ସାହନ କରିବା ପାଇଁ ପ୍ରତ୍ୟେକ ବର୍ଷ ଏହିପରି ଶିଶୁ ଚିତ୍ରକଳା ପ୍ରତିଯୋଗିତାର ଆୟୋଜନ କରାଯିବ ବୋଲି ଟ୍ରଷ୍ଟର ଚେୟାରମ୍ୟାନ ଶ୍ରୀଯୁକ୍ତ କାହ୍ନୁଚରଣ ପରିଡା କହିଛନ୍ତି ।

Share in top social networks!