୨୬ ନମ୍ବର ଜାତୀୟ ରାଜପଥରେ ଲୁଟ୍ ଘଟଣା ୧୨ ଡକାୟତ ଗିରଫ

001କୋରାପୁଟ ଜିଲାର ପଟ୍ଟାଙ୍ଗୀ,ସୁଙ୍କି ଘାଟି ଓ ୨୬ ନମ୍ବର ଜାତୀୟ ରାଜପଥରେ ବିଳମ୍ବିତ ରାତିରେ ଲୋକଙ୍କୁ ଲୁଟ୍ କରୁଥିବା ୧୨ ଜଣ ଡକାୟତଙ୍କୁ ଗିରଫ କରାଯାଇଛି । ସେମାନେ ହେଲେ ବୌପାରିଗୁଡାର ସୁରେନ୍ଦ୍ର ସଗରିଆ ,ବେଣୁ ସଗରିଆ,ଡମ୍ବରୁ ବିଶୋଈ,ନରସିଂହ ଟଲିଆ,କୃଷ ସଗରିଆ, ତ୍ରିନାଥ ସଗରିଆ, ମନୋ ଗୌଡ,ରବୀନ୍ଦ୍ର ପାଙ୍ଗି,ଜୟପୁର ସଦର ଅଞ୍ଚଳର ଚକ୍ର କମାର,ଧନପତି ନାଗ,ବଳରାମ ଟାକ୍ରି ଓ ଜୟପୁର ଟାଉନ ର କାଳିଆ ନାୟକ । ସୁରେନ୍ଦ୍ର ଡକାୟତ ଦଳର ମୁଖ୍ୟଭାବେ କାର୍ଯ୍ୟ କରୁଥିଲେ ।

ପଟ୍ଟାଙ୍ଗୀ ପୁଲିସ ଜୟପୁର ଓ ବୌପାରିଗୁଡା ବ୍ଲକର ବିଭିନ୍ନ ସ୍ଥାନରେ ଚଢାଉ କରି ଏମାନଙ୍କୁ ଗିରଫ କରିଛି । ୬ ଦିନ ପରେ ଏମାନଙ୍କୁ ଜେରା ପରେ ମଙ୍ଗଳବାର ଏକ ସାମ୍ବାଦିକ ସମ୍ମିଳନୀରେ ଏ ସମ୍ପର୍କରେ ସୂଚନା ଦିଆଯାଇଛି । ସେମାନଙ୍କ ନିକଟରୁ ୪ଟି ମୋଟର ସାଇକେଲ,୧୫ ମୋବାଇଲ ଫୋନ୍,ମାରଣାସ୍ତ୍ର ସହ ଲୋକଙ୍କ ଠାରୁ ଲୁଟ୍ ହୋଇଥିବା ସୁନା ଅଳଙ୍କାର ଜବତ କରାଯାଇଛି । ଏ ନେଇ ପଟ୍ଟାଙ୍ଗୀ ଥାନାରେ ମାମଲା (ନଂ -୩୨,୩୪,୩୫-୧୩,ଦଫା ୩୯୫)ରୁଜୁ କରାଯାଇଥିବା ବେଳେ ବୁଧବାର ଡକାୟତ ଦଳକୁ କୋର୍ଟ ଚାଲାଣ କରାଯିବ ବୋଲି ତଦନ୍ତ କାରୀ ଅଧିକାରୀ ପ୍ରଭାତ କୁମାର ସେଠୀ ସୂଚନା ଦେଇଛନ୍ତି ।

Share in top social networks!

ମହାରାଜା ବିକ୍ରମ ଦେବଙ୍କ ଜୟନ୍ତୀ ପାଳିତ

Bikramdeb jayantiକୋରାପୁଟସ୍ଥିତ ସଂସ୍କୃତି ଭବନ ସମ୍ମିଳୀ କକ୍ଷରେ ମହାରାଜା ବିକ୍ରମଦେବ ବର୍ମାଙ୍କ ଜୟନ୍ତୀ ପାଳିତ ହୋଇଯାଇଛି । କୋରାପୁଟ ସତା ସାହିତ୍ୟ ସଂସଦ, କୋରାପୁଟ ସାହିତ୍ୟ ପରିବାର ଆନୁକୁଲ୍ୟରେ ଆୟୋଜିତ ଜୟନ୍ତୀରେ ସତା ସଂସଦର ସଭାପତି ଜଳଧର ସ୍ଵାଇଁ ଅଧ୍ୟକ୍ଷତା କରି ବିକ୍ରମବେବଙ୍କ କାର୍ଯ୍ୟାବଳୀ ଉପରେ ସୂଚନା ଦେଇଥିଲେ । ଜିଲ୍ଲା ସଂସ୍କୃତି ଅଧିକାରୀ ଭଗବାନ ଖରା ସଭା ପରିଚାଳନା କରିଥିଲେ । ଉକ୍ତ ଉତ୍ସବରେ ଅଧ୍ୟାପିକା ଡା. ପ୍ରୀତିଧାରା ସାମଲ, ଡା. ଜଗବନ୍ଧୁ ସାମଲ,ନାରାୟଣ ପଣ୍ଡା, ବିଜୟ କୁମାର ପ୍ରଧାନ, ସି.ଏଚ୍ . ସାନ୍ତାକାର, ତ୍ରିନାଥ ପାତ୍ର, ଭବାନୀ ଶଙ୍କର ମିଶ୍ର,ବିଶ୍ଵନାଥ ଦେଓ, ନବୀନ ଚନ୍ଦ୍ର ସାହୁ, ପ୍ରଶାନ୍ତ କୁମାର ସାମନ୍ତ ରାୟ,ଘନଶ୍ୟାମ ରଥ ପ୍ରମୁଖ ଯୋଗ ଦେଇ ମହାରାଜାଙ୍କ ଜୀବନୀ ଉପରେ ଆଲୋଚନା କରିଥିଲେ ।

Share in top social networks!