HDFC Bank ଭୁବନେଶ୍ୱରରେ ଏହାର ୧୩ତମ ଶାଖାର ଉଦ୍ଘାଟନ କରିଛି

hdfccଏଚ୍ଡିଏଫ୍ସି ବ୍ୟାଙ୍କ ଲି. ଏହାର ଏକ ନୂତନ ଶାଖାକୁ କିଟ୍ ୟୁନିଭର୍ସିଟି, ଭୁବନେଶ୍ୱରଠାରେ ଉଦ୍ଘାଟନ କରିଛି । ଏହି ନୂତନ ଶାଖାଟି ସ୍ଥାନୀୟ ଲୋକଙ୍କୁ ବିଶ୍ୱ-ଶ୍ରେଣୀୟ ବ୍ୟାଙ୍କିଂ ସୁବିଧା ପ୍ରଦାନ କରିବ । ଏହି ଶାଖାକୁ ମିଶାଇ ବର୍ତ୍ତମାନ ସହରରେ ୧୩ଟି ଶାଖା ରହିଛି । ଏହି ନୂତନ ଶାଖାଟି କିଟ୍ ୟୁନିଭର୍ସିଟିର, କ୍ୟାମ୍ପସ-୩ରେ ରହିଛି । ଏହା ସପ୍ତାହକୁ ଛଅ ଦିନ ଖୋଲା ରହିବ ତଥା ଲୋକମାନଙ୍କୁ ସେମାନଙ୍କର ସୁବିଧା ଅନୁଯାୟୀ ସେବା ପ୍ରଦାନ କରିବ ।
ଏହି ନୂତନ ଶାଖାଟି ଶ୍ରୀ ଦେବାଶିସ୍ ସେନାପତି, ଜୋନାଲ୍ ହେଡ୍, ଶ୍ରୀଯୁକ୍ତ ଅର୍ଜୁନନ୍ଦ ବାଘ, କ୍ଲଷ୍ଟର ହେଡ୍, ଓ ସୌଭାଗ୍ୟ ମଂଜରୀ ସାହୁ, ଶାଖା ପ୍ରବନ୍ଧକଙ୍କ ଉପସ୍ଥିତିରେ କିଟ୍ ୟୁନିଭର୍ସିଟିର ପ୍ରତିଷ୍ଠାତା ଡ. ଅଚୁ୍ୟତ ସାମନ୍ତଙ୍କ ଦ୍ୱାରା ଉଦ୍ଘାଟନ କରାଯାଇଥିଲା ।
ଏହି ନୂତନ ଶାଖାର ଉଦ୍ଘାଟନ ଅବସରରେ ଶ୍ରୀଯୁକ୍ତ ଦେବାଶିଷ୍ ସେନାପତି, ଜୋନାଲ୍ ହେଡ୍, ଏଚ୍ଡିଏଫ୍ସି ବ୍ୟାଙ୍କ କହିଥିଲେ ଯେ ଆମର ବ୍ୟାପକ ବ୍ୟାଙ୍କିଂ ନେଟ୍ୱର୍କ ସାରା ଓଡ଼ିଶାରେ ବ୍ୟାଙ୍କିଂ ସେବା ପ୍ରଦାନ କରିବାର ପ୍ରତିଶୃତିକୁ ପୁଣିଥରେ ଦୋହରାଇଛି । ଏହା ସହିତ ଆମେ ଆମର ଗ୍ରାହକଙ୍କର ଆହୁରି ନିକଟତର ହୋଇପାରିଛୁ ଓ ସେମାନଙ୍କୁ ଉନ୍ନତମାନର ବ୍ୟାଙ୍କି ସେବା ଯୋଗାଇ ଦେଉଛୁ ।
ଏହି ଶାଖାର ଶୁଭାରମ୍ଭ ସହିତ ବର୍ତ୍ତମାନ ଓଡ଼ିଶାରେ ଏହାର ୯୯ଟି ଶାଖା ରହିଛି । ସେପ୍ଟେମ୍ବର ୩୦, ୨୦୧୪ ସୁଦ୍ଧା ବ୍ୟାଙ୍କ ଡିଷ୍ଟି୍ରବୁ୍ୟସନ ନେଟ୍ୱର୍କରେ ୨୨୭୨ ଟି ସହର/ଟାଉନ୍ରେ ୩୬୦୦ଟି ଶାଖା ଓ ୧୧୫୧୫ଟି ଏଟିଏମ୍ ରହିଛି । ଜାତୀୟ ସ୍ତରରେ ବ୍ୟାଙ୍କର ୫୬% ଶାଖା ଅର୍ଦ୍ଧ ସହରାଞ୍ଚଳ ତଥା ଗ୍ରାମାଞ୍ଚଳରେ ରହିଛି ଏବଂ କ୍ରମାଗତ ଭାବରେ ଏହା ବୃଦ୍ଧି ପାଇବାରେ ଲାଗିଛି ।
ଏହି ନୂତନ ଶାଖାଟି ତାର ଗ୍ରାହକମାନଙ୍କୁ ଗୋଟିଏ ଛାତ ତଳେ ବିଶ୍ୱ ଶ୍ରେଣୀୟ ବ୍ୟାଙ୍କିଂ ସେବା ଯଥା ସେଭିଂସ୍ ଆକାଉଣ୍ଟ, ଫିକ୍ସଡ୍ ଡିପୋଜିଟ୍, କରେଣ୍ଟ ଆକାଉଣ୍ଟ, ମୁ୍ୟଚୁଆଲ୍ ଫଣ୍ଡ, ଏନ୍ଆରଆଇ, ଇନ୍ସୁ୍ୟରାନ୍ସ, ଦୁଇ-ଚକିଆ ବାହନ ଋଣ, ଅଟୋ ଲୋନ ତଥା ଏଟିଏମ୍, ଫୋନ୍ ବ୍ୟାଙ୍କିଂ, ନେଟ୍ ବ୍ୟାଙ୍କିଂ ଓ ଇଣ୍ଟରନାସ୍ନାଲ୍ କ୍ରେଡିଟ୍ ଓ ଡେବିଟ୍ କାର୍ଡ଼ର ସୁବିଧା ପ୍ରଦାନ କରୁଛି ।

Share in top social networks!

କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ କିସ୍ ଓ କିଟ୍ ପରିଦର୍ଶନ ।

kissjualbhaiକେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଜୁଏଲ ଓରାମ ତାଙ୍କ ୪ ଦିନିଆ ଓଡ଼ିଶା ଗସ୍ତର ଶେଷ ଦିବସରେ ଭୁବନେଶ୍ୱର ଠାରେ ବିଶ୍ୱବିଖ୍ୟାତ ଆଦିବାସୀ ଆବାସିକ ଶିକ୍ଷାନୁଷ୍ଠାନ କିସ୍ (କଓଝଝ)ପରିଦର୍ଶନ କରିଥିଲେ । ଅନୁଷ୍ଠାନର ପ୍ରାୟ ୨୨ ହଜାର ଛାତ୍ରଛାତ୍ରୀ ତଥା ଶିକ୍ଷାନୁଷ୍ଠାନର ବିଭିନ୍ନ ପଦାଧିକାରୀ, କର୍ମଚାରୀ ଓ ଶିକ୍ଷକଶିକ୍ଷୟତ୍ରୀମାନଙ୍କ ଗହଣରେ ଅନୁଷ୍ଠାନର ପ୍ରତିଷ୍ଠାତା ଡ଼ଃ. ଅଚୁ୍ୟତ ସାମନ୍ତ କେନ୍ଦ୍ରମନ୍ତ୍ରୀ ଶ୍ରୀ ଜୁଏଲ ଓରାମଙ୍କୁ ଭବ୍ୟସ୍ବାଗତ ସମ୍ବର୍ଦ୍ଧନା ଦେଇଥିଲେ । ପ୍ରଥମେ ଶ୍ରୀ ଓରାମ କିଟ୍ ଓ କିସ୍ର ବିଭିନ୍ନ ବିଭାଗର ପରିସର ବୁଲି ଦେଖିବା ସହିତ କିସ୍ର କଇର୍ୁପକ୍ଷଙ୍କ ଠାରୁ ବିଭିନ୍ନ ତଥ୍ୟ ପଚାରି ବୁଝିଥିଲେ ।

ଏହି ଅବସରରେ କେନ୍ଦ୍ରମନ୍ତ୍ରୀ ଶ୍ରୀ ଓରାମଙ୍କ ପାଇଁ ଏକ ଭବ୍ୟ ସମ୍ବର୍ନ୍ଧନା ସଭା କିଟ୍ ଓ କିସ୍ର ପ୍ରତିଷ୍ଠାତା ଡ଼ଃ. ଅଚୁ୍ୟତ ସାମନ୍ତଙ୍କ ସଭାପତିତ୍ୱରେ ଅନୁଷ୍ଠିତ ହୋଇଥିଲା । ନିଜର ସ୍ବାଗତ ଅଭିଭାଷଣରେ ଡ଼ଃ. ସାମନ୍ତ କହିଲେ ଯେ, ଶ୍ରୀ ଜୁଏଲ ଓରାମ ୧୯୬୧ ମସିହାରେ ସୁନ୍ଦରଗଡ଼ ଜିଲ୍ଲାର ବଣାଇ ଅଐଳର
ଦୁର୍ଗମ କେନ୍ଦୁଡ଼ିହି ଗ୍ରାମର ଏକ ଗରୀବ ଆଦିବାସୀ ପରିବାରରେ ଜନ୍ମନେଇ ନିଜର କଠୋର ପରିଶ୍ରମ ,ଅଧ୍ୟବସ୍ୟାୟ ତଥା ବିଭିନ୍ନ ପ୍ରତିକୂଳ
ପରିସ୍ଥିତିରେ ସଂଗ୍ରାମ କରି ପ୍ରଥମେ ଜଣେ ଇଂଜିନିୟର ଓ ପରେ ନିଜ ସମାଜର ଉନ୍ନତି ଓ ବିକାଶ ଲକ୍ଷ୍ୟରେ ରାଜନୀତିରେ ଯୋଗଦେଇ
ଆଜି ୨ଥର ଦେଶର କେନ୍ଦ୍ର କ୍ୟାବିନେଟ୍ ମନ୍ତ୍ରୀ ପଦ ଅଳଙ୍କୃତ କରିଛନ୍ତି ।

ଶ୍ରୀ ଓରାମ ଜଣେ ଆଦିବାସୀ ହୋଇଥିବାରୁ ସେ ଆଦିବାସୀ ମାନଙ୍କର ବିଭିନ୍ନ ସମସ୍ୟା ଓ ଦୁଃଖକଷ୍ଟ ଅେଙ୍ଗ ନିଭାଇଛନ୍ତି ଓ ସେମାନଙ୍କର ଉନ୍ନତି ତଥା ବିକାଶ ପାଇଁ ମଧ୍ୟ ସେ ମୂଳରୁ ନିଜର ସଂଗ୍ରାମ ଜାରି ରଖିଛନ୍ତି । ଏଥିପାଇଁ ତତ୍କାଳୀନ ପ୍ରଧାନମନ୍ତ୍ରୀ ମାନ୍ୟବର ଶ୍ରୀ ଅଟଳ ବିହାରି ବାଜପେୟୀ ଓ ବଇର୍ମାନର ପ୍ରଧାନମନ୍ତ୍ରୀ ମାନ୍ୟବର ଶ୍ରୀ ନରେନ୍ଦ୍ର ଭାଇ ମୋଦି ତାଙ୍କୁ ଦେଶର ଆଦିବାସୀ ବ୍ୟାପାର ଭଳି ଏକ ଗୁରୁତ୍ୱପୂର୍ଣ୍ଣ ବିଭାଗରେ କେନ୍ଦ୍ରମନ୍ତ୍ରୀ ଭାବେ ଦାୟିତ୍ୱ ଦେଇଛନ୍ତି । କିସ୍ଠା ରେ ଏହି ନୂତନ ଶିକ୍ଷାବର୍ଷର ତଥା ନୂତନ କେନ୍ଦ୍ର ସରକାରର ପ୍ରଥମ କେନ୍ଦ୍ରମନ୍ତ୍ରୀଭାବେ ଶ୍ରୀ ଓରାମ କିଟ୍ ଓ କିସ୍ ପରିଦର୍ଶନ କରିଥିବାରୁ
ଡ଼ଃ. ସାମନ୍ତ ତାଙ୍କୁ ଧନ୍ୟବାଦ ଜଣାଇଥିଲେ ।

ଏହି ସମ୍ବର୍ନ୍ଧନା ସଭାରେ ନିଜର ବକ୍ତବ୍ୟରେ କେନ୍ଦ୍ରମନ୍ତ୍ରୀ ଶ୍ରୀ ଓରାମ କିସ୍ର ଛାତ୍ରଛାତ୍ରୀ, ଶିକ୍ଷକଶିକ୍ଷୟତ୍ରୀ, କର୍ମଚାରୀ ତଥା
ଅନ୍ୟାନ୍ୟ ପଦାଧିକାରମାନଙ୍କ ସହ ଡ଼ଃ. ସାମନ୍ତଙ୍କୁ ଧନ୍ୟବାଦ ଜଣାଇଥିଲେ । ଶୃଙ୍ଖଳିତ ଛାତ୍ରଛାତ୍ରୀମାନେ ଯେଉଁଭଳି ଭାବରେ ଆବେଗପୂର୍ଣ୍ଣ
ସ୍ବାଗତ ସମ୍ବର୍ଦ୍ଧନା ଜଣାଇଲେ ସେଥିରେ ଭାବବିହ୍ୱଳ ହୋଇ ଶ୍ରୀ ଓରାମ କହିଥିଲେ ଯେ , କିସ୍ ଏଭଳି ଏକ ଅନୁଷ୍ଠାନ ଯାହା
ଛାତ୍ରଛାତ୍ରୀମାନଙ୍କୁ କେବଳ ଶିକ୍ଷାଦାନ କରୁନାହିଁ ବଂର ସେମାନଙ୍କୁ ଶୃଙ୍ଖଳିତ, ସମୟାନୁବଇର୍ୀ ଏବଂ ଆମ୍ôନିର୍ଭରଶୀଳ କରାଇବା ଦିଗରେ
ଅଗ୍ରଣୀ ଭୂମିକା ଗ୍ରହଣ କରୁଛି । ଛାତ୍ରଛାତ୍ରୀମାନଙ୍କୁ ଚରିତ୍ରବାନ, ସମୟାନୁବଇର୍ୀ ଓ ସଚ୍ଚୋଟ କର୍ମଠ ହେବାକୁ ସେ ଉପଦେଶ ଦେଇଥିଲେ ।

ନିଜ ଜୀବନର ଉଦାହରଣ ଦେଇ ଶ୍ରୀ ଓରାମ ଛାତ୍ରଛାତ୍ରୀମାନଙ୍କୁ କହିଥିଲେ ଯେ ପ୍ରତିକୂଳ ପରିସ୍ଥିତ ଓ ଦାରିଦ୍ର୍ୟ ସେଇ୍ୱ ନିଜର ଇଛାଶକ୍ତି,
ଆତ୍ମବିଶ୍ୱାସ ଓ ପରିଶ୍ରମ ବଳରେ ଯେକୌଣସି ଲକ୍ଷ୍ୟ ହାସଲ କରାଯାଇପାରେ । କିସ୍ ରେ ଥିବା ପ୍ରାୟ ୨୨ ହଜାର ଛାତ୍ରଛାତ୍ରୀ ଭାଗ୍ୟବାନ
ଯେ ତାଙ୍କୁ ଯେଉଁସବୁ ସୁବିଧାସୁଯୋଗ ମିଳିପାରୁଛି ସେଥିରୁ ଅନେକ ଜାତୀୟ ତଥା ଆନ୍ତର୍ଜାତୀୟ ସ୍ତରରେ ପ୍ରତିଷ୍ଠିତ ବ୍ୟକ୍ତିତ୍ୱ ହୋଇ
ବାହାରିବେ । ଡ଼ଃ. ସାମନ୍ତଙ୍କର ପ୍ରଚେଷ୍ଠା ଓ କିସ୍ କାର୍ଯ୍ୟକଇର୍ାମାନଙ୍କ ଉଦ୍ୟମକୁ ମନ୍ତ୍ରୀ ଶ୍ରୀ ଓରାମ ଭୂୟଂସୀ ପ୍ରଶଂସା କରିଥିଲେ ଓ ସମସ୍ତ
ଛାତ୍ରଛାତ୍ରୀମାନଙ୍କୁ ଆନ୍ତରିକ ଧନ୍ୟବାଦ ଦେଇଥିଲେ ।

ଏହି ସଭାରେ କିଟ୍ ଓ କିସ୍ର ସଂପାଦକ ଶ୍ରୀ ଆର.ଏନ.ଦାଶ ତାଙ୍କ ବ୍ୟକ୍ତବ୍ୟରେ ଶ୍ରୀ ଓରାମଙ୍କୁ ଜଣେ ସର୍ବଭାରତୀୟ ସ୍ତରରେ
ଖବ୍ ଜନପି୍ରୟ, ପ୍ରତିଷ୍ଠିତ ଜନନେତା ଭାବରେ ପରିଚିତ ବୋଲି କହିଥିଲେ । ଶ୍ରୀ ଓରାମ ପ୍ରତ୍ୟେକ ଆଦିବାସୀ ଛାତ୍ରଛାତ୍ରୀମାନଙ୍କ ପାଇଁ
ଜଣେ ଶ୍ରେଷ୍ଠ ଆଦର୍ଶ ଭାବେ ଅବିହିତ କରିଥିଲେ । କେବଳ ଜଣେ ରାଜନେତା ନୁହେଁ ଶ୍ରୀ ଓରାମ ଜଣେ ଇଂଜିନୟର ଓ ଦକ୍ଷ ପ୍ରଶାସକ
ଭାବେ ପ୍ରତିଷ୍ଠିତ ବୋଲି କହିଥିଲେ । kissjualbhaiଶେଷରେ କିସ୍ର ମୁଖ୍ୟ କାର୍ଯ୍ୟନିର୍ବାହୀ ଶ୍ରୀ ପ୍ରଶାନ୍ତ କୁମାର ରାଉତରାୟ କେନ୍ଦ୍ରମନ୍ତ୍ରୀ ଶ୍ରୀ ଓରାମଙ୍କ ସମେତ ଉପସ୍ଥିତ ସମସ୍ତଙ୍କୁ
ଧନ୍ୟବାଦ ଅର୍ପଣ କରିଥିଲେ ।

Share in top social networks!

‘ମଙ୍ଗଳ’ ଗ୍ରହ ଉପରେ ଅଧିକ ଗବେଷଣା କରିବ ଇସ୍ରୋ

DSC_0126ଭାରତୀୟ ମହାକାଶ ଗବେଷଣା ପ୍ରତିଷ୍ଠାନ (ଇସ୍ରୋ) ମଙ୍ଗଳ ଗ୍ରହ ଉପରେ ଅଧିକ ଗବେଷଣା କରିବାକୁ ଲକ୍ଷ ରଖିଛି | ଜୀବଜଗତର କ୍ରମ ବିକାଶ ଯୋଗୁଁ ଏହି ଗ୍ରହର ଭୂମିକା ବେଶ୍ ବଢିଯାଇଛି | ସେଠାରେ କିଭଳି ଜୀବଜଗତ ସୃଷ୍ଟି ହୋଇପାରିବ ତାହାର ସମ୍ଭାବନା ସନ୍ଧାନ କରିବାକୁ ଇସ୍ରୋ ମଙ୍ଗଳ ଗ୍ରହ ଉପରେ ଏହାର କାର୍ଯ୍ୟକ୍ରମକୁ ବ୍ୟାପକ କରିବ ବୋଲି ଏହାର ମୁଖ୍ୟ ଅଧ୍ୟକ୍ଷ ଡକ୍ଟର କେ ରାଧାକୃଷ୍ଣନ କହିଛନ୍ତି | କିଟ୍ ବିଶ୍ୱବିଦ୍ୟାଳୟର ଏକ କାର୍ଯ୍ୟକ୍ରମରେ ଉଦବୋଧନ ଦେଇ ସେ କହିଲେ ଜୁନ୍ ଶେଷ ସୁଦ୍ଧା ଇସ୍ରୋ ନାଭିଗେସନ ଉପଗ୍ରହ ପ୍ରେରଣ କରିବାକୁ ଯୋଜନା ରଖିଥିବା ବେଳେ ରିଜିଓନାଲ୍ ନାଭିଗେସନ୍ ସାଟେଲାଇଟ୍ ନାମକ ଏକ ନାଭିଗେସନ୍ ସାଟେଲାଇଟ୍ ବ୍ୟବସ୍ଥା ବିକଶିତ ଆରମ୍ଭ କରିବାକୁ ଲକ୍ଷ୍ୟ ରଖାଯାଇଛି | ଇସ୍ରୋର ପରବର୍ତ୍ତୀ ମୁଖ୍ୟ କାର୍ଯ୍ୟ ହେଉଛି ଏପ୍ରିଲ୍ ରେ ଜିଏସଏଲଭି ରାକେଟ୍ ପ୍ରେରଣ କରିବା | ଏହି ରାକେଟ୍ ଏପ୍ରିଲ୍ ମାସରେ ପଠାଯିବ ବୋଲି ସେ କହିଛନ୍ତି | ଆଗାମୀ ୧୮ ମାସରେ ଏଭଳି ୬ଟି ରାକେଟ୍ ପ୍ରେରଣ କରାଯିବ ବୋଲି ସେ ସୂଚନା ଦେଇଛନ୍ତି |

ସେ କହିଲେ ପୃଥିବୀରେ ଜୀବଜଗତର କ୍ରମ ବିକାଶ ପାଇଁ ମଙ୍ଗଳ ଗ୍ରହର ଭୂମିକା ବେଶ୍ ବଢିଯାଇଛି | ତେଣୁ ଭାରତ ମଙ୍ଗଳ ଗ୍ରହ ଉପରେ ଅଧିକ ଗବେଷଣା କରିବା ଉପରେ ବିଚାର କରାଯାଉଛି | କୁତ୍ରିମ ଉପଗ୍ରହ ବିକଶିତ କରିବା ସହ ଅଧିକ ଉପଗ୍ରହ ମହାକାଶକୁ ପଠାଇବା ଉପରେ ଇସ୍ରୋ ଧ୍ୟାନ ଦେଉଛି ବୋଲି ସେ କହିଛନ୍ତି | ଇସ୍ରୋ ଚନ୍ଦ୍ର, ମଙ୍ଗଳ ଓ ସୂର୍ଯ୍ୟ ଉପରେ ଅଧିକ ଗବେଷଣା କରିବାକୁ ଚାହୁଁଛି | ଦେଶର ଅନେକ ବିଜ୍ଞାନଗାର ଓ ଗବେଷଣା ପ୍ରତିଷ୍ଠାନ ଜୀବଜଗତ ଓ ଜୀବନ ସତ୍ତା ଉପରେ ଗବେଷଣା କରିବାକୁ ଯେଉଁଭଳି ଭାବେ ଆଗ୍ରହ ଦେଖାଉଛନ୍ତି ତାହାକୁ ସେ ପ୍ରଶଂସା କରିଛନ୍ତି | ସେ କହିଲେ ୨୦୩୦-୪୦ ସୁଦ୍ଧା ମଙ୍ଗଳ ଅଭିଯାନକୁ ସଫଳ କରିବା ପାଇଁ ଚନ୍ଦ୍ରକୁ ମଧ୍ୟବର୍ତ୍ତୀ ସ୍ପେସ ଷ୍ଟେସନ ଭାବେ ପ୍ରତିଷ୍ଠା କରାଯିବ |

ଆମେରିକା, ରୁଷିଆ, ଚୀନ୍ ଭଳି ରାଷ୍ଟ୍ର ମହାକାଶ ଗବେଷଣା ଦିଗରେ ଅଧିକ ଅର୍ଥ ବିନିଯୋଗ କରୁଥିବା ବେଳେ ଭାରତରେ ଶିକ୍ଷା, ଦାରିଦ୍ର ଓ ପ୍ରାକୃତିକ ଦୁର୍ବିପାକ ଯୋଗୁଁ ଭାରତ ଏ କ୍ଷେତ୍ରରେ ପଛରେ ପଡିଯାଇଛି | ଏହା ସତ୍ତ୍ୱେ ୟୁରୋପୀୟ ସଂଘ, ଆମେରିକା, ଜାପାନ ଓ ଚୀନ୍ ଭଳି ଯେଉଁ ୬ଟି ରାଷ୍ଟ୍ର ମହାକାଶ ଗବେଷଣା ଦିଗରେ ଆଗୁଆ ରହିଛନ୍ତି ସେହି ତାଲିକାରେ ଭାରତ ସ୍ଥାନ ପାଇଛି | ମହାକାଶ କ୍ଷେତ୍ରରେ ଅଧିକ ଗବେଷଣା ପାଇଁ ଅଧିକରୁ ଅଧିକ ଛାତ୍ରଛାତ୍ରୀ ଏଥିପ୍ରତି ଆଗ୍ରହ ପ୍ରକାଶ କରିବାକୁ ସେ ଆହ୍ଵାନ ଦେଇଛନ୍ତି | ଏ ନେଇ ଶିକ୍ଷା ବ୍ୟବସ୍ଥାରେ ଉନ୍ନତି ଆଣିବାକୁ ଶ୍ରୀ ରାଧାକୃଷ୍ଣନ କହିଛନ୍ତି |

Share in top social networks!