ନୂଆଦିଲ୍ଲୀରେ ଅକ୍ଟୋବର ୨୫ ରୁ ୨୮ ପର୍ଯ୍ୟନ୍ତ ଜାତୀୟ ଆଦିବାସୀ ମହୋତ୍ସବ , ୨୫ ତାରିଖରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ୱାରା ଉଦ୍ଘାଟନ ।

jualoramକେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରଣାଳୟ ତରଫରୁ ଚଳିତ ମାସ ୨୫ ତାରିଖରୁ ୨୮ ତାରିଖ ପର୍ଯ୍ୟନ୍ତ ନୂଆଦିଲ୍ଲୀ ଠାରେ ଜାତୀୟ ଆଦିବାସୀ ମହୋତ୍ସବ (ନ୍ୟାସନାଲ ଟ୍ରାଇବାଲ କାର୍ଣ୍ଣିଭାଲ) ଆୟୋଜନ ହେବାକୁ ଯାଉଛି । ଆଜି ନୂଆଦିଲ୍ଲୀ ଠାରେ ଏକ ସାମ୍ବାଦିକ ସମ୍ମିଳନୀରେ କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଜୁଏଲ ଓରାମ କହିଛନ୍ତି ଯେ, ଏହି ଜାତୀୟ ଆଦିବାସୀ ମହୋତ୍ସବକୁ ୨୫ ତାରିଖ ଅପରାହ୍ନ ୪ଟାରେ ଦିଲ୍ଲୀସ୍ଥିତ ଇନ୍ଦିରାଗାନ୍ଧୀ ଇନ୍ଡେ଼ାର ଷ୍ଟାଡ଼ିୟମ ଠାରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ କରକମଳରେ ଏହା ଉଦ୍ଘାଟିତ ହୋଇ ୨୮ ତାରିଖ ପର୍ଯ୍ୟନ୍ତ ଚାଲିବ । ଏଥିରେ ଦେଶର ସମସ୍ତ ପ୍ରାନ୍ତରୁ ପାଖାପାଖି ୨୫ ହଜାରରୁ ଉଦ୍ଧ୍ୱର୍ ଆଦିବାସୀ ସମ୍ପ୍ରଦାୟର ଲୋକ ଅଂଶଗ୍ରହଣ କରିବେ । ଦେଶରେ ପ୍ରଥମଥର ପାଇଁ ଆୟୋଜିତ ଉକ୍ତ ମହୋତ୍ସବ ଦେଶର ସାଂସ୍କୃତିକ ଐକ୍ୟକୁ ସୁଦୃଢ଼ କରିବାରେ ସହାୟକ ହେବ ବୋଲି ଶ୍ରୀ ଓରାମ ପ୍ରକାଶ କରିଛନ୍ତି ।
ଉକ୍ତ ୪ ଦିନବ୍ୟାପି ମହୋତ୍ସବ ସମୟରେ ପ୍ରତ୍ୟେକ ଦିନ ପୂର୍ବାହ୍ନରୁ ମଧ୍ୟାହ୍ନ ପର୍ଯ୍ୟନ୍ତ ପ୍ରଗତି ମୈଦାନର (ହଲ ନମ୍ବର ୭, ଏଫ, ଜି ଏବଂ ଏଚ) ଠାରେ ବିଭିନ୍ନ କର୍ମଶାଳାମାନ ଆୟୋଜନ କରାଯାଇଛି । ୨୬ ତାରିଖ ଦିନ ପେସା ଆକ୍ଟ ୧୯୯୬ ଏହାର କାର୍ଯ୍ୟକାରିତା ସହ ଜନଜାତି ସମୁଦାୟଙ୍କ ପାଇଁ ଏହାର ଉପାଦେୟତା ତଥା ଅନ୍ୟାନ୍ୟ ଦିଗ ବିଷୟରେ ଆଲୋଚନା ହେବ । ସେହିପରି ୨୭ ତାରିଖ ଦିନ ଜଙ୍ଗଲ ଅଧିକାର ଆଇନ-୨୦୦୬ ଏବଂ ତାହାର କାର୍ଯ୍ୟକାରିତା ଏବଂ ୨୮ ତାରିଖ ଦିନ ଆଦିବାସୀ ମାନଙ୍କର ରାଜନୈତିକ, ଶିକ୍ଷା ଏବଂ ନିଯୁକ୍ତି କ୍ଷେତ୍ରରେ ସଂରକ୍ଷଣ ବିଷୟରେ ଆଳୋଚନା ହେବ । ଏହି କର୍ମଶାଳାମାନଙ୍କରେ ଦେଶର ବହୁ ଅଭିଜ୍ଞ ଓ ବିଶାରଦ ମାନେ ଅଂଶଗ୍ରହଣ କରି ଆବଶ୍ୟକୀୟ ପରାମର୍ଶ ଦେବେ ।
ସେହିପରି ପ୍ରତ୍ୟେକ ଦିନ ଅପରାହ୍ନ ୪ ଟାରୁ ୮ ପର୍ଯ୍ୟନ୍ତ ପ୍ରଗତି ମୈଦାନର ହଂସଧ୍ୱନୀ ମୁକ୍ତାକାଶ ରଙ୍ଗମଂଚ(ଆମ୍ଫିଥିଇଟର)ରେ ଦେଶର ବିଭିନ୍ନ ପ୍ରାନ୍ତରୁ ଆସିଥିବା ପ୍ରାୟ ୧୫୦୦ କଳାକାରମାନଙ୍କ ଦ୍ୱାରା ସାସ୍କୃତିକ କାର୍ଯ୍ୟକ୍ରମ ପରିବେଷଣ କରାଯିବ । ଏହି ମହୋତ୍ସବରେ ପ୍ରାୟ ୧୦୦ରୁ ଉଦ୍ଧ୍ୱର୍ ଷ୍ଟଲ ଖୋଲାଯିବ ଯେଉଁଥିରେ କି ଆଦିବାସୀମାନଙ୍କର କଳା, ସଂସ୍କୃତି, ବନଜାତ ସାମଗ୍ରୀ, ଜୈବିକ ଖାଦ୍ୟ, ଜନଜାତିମାନଙ୍କ ଦ୍ୱାରା ବ୍ୟବହୃତ ଦ୍ରବ୍ୟ ଆଦି ଉପଲବ୍ଧ ହେବ ।

Share in top social networks!

କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ଦ୍ୱାରା ଗୁରୁଣ୍ଡିଆ ଓ ହେମଗିରି ବ୍ଳକରେ ଉଜ୍ଜଳା ଯୋଜନାର ଶୁଭାରମ୍ଭ

jualoramକେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଜୁଏଲ ଓରାମ ୨୯ ତାରିଖରୁ ୩୧ ତାରିଖ ପର୍ଯ୍ୟନ୍ତ ତିନି ଦିନିଆ ସୁନ୍ଦରଗଡ଼ ଜିଲ୍ଲା ଗସ୍ତ ଅବସରରେ ଆଜି ବୁଧବାର ସୁନ୍ଦରଗଡ଼ ଜିଲ୍ଲାର ଗୁରୁଣ୍ଡିଆ ଓ ହେମଗିରି ବ୍ଳକରେ ଉଜ୍ଜଳା ଯୋଜନାର ଶୁଭାରମ୍ଭ କରିଥିଲେ। ପୂର୍ବାହ୍ନରେ ଶ୍ରୀ ଓରାମ ବଣାଇ ସବ୍ଡ଼ିଭିଜନର ଗୁରୁଣ୍ଡିଆ ଠାରେ ଆଇଓସିଏଲ ଦ୍ୱାରା ଆୟୋଜିତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇ ୩୦ ଜଣ ହିତାଧିକାରୀମାନଙ୍କୁ ଏଲ.ପି.ଜି ଗ୍ୟାସ ବଂଟନ କରିଥିଲେ। ଏହି ବ୍ଳକରେ ମୋର ୬୦୦ ଜଣ ଉପଭୋକ୍ତାଙ୍କୁ ଚୟନ କରାଯାଇଛି। ପରବର୍ତୀ ସମୟରେ ଏହି ସଂଖ୍ୟାକୁ ଆହୁରି ବୃଦ୍ଧି କରାଯିବ ବୋଲି ଶ୍ରୀ ଓରାମ ପ୍ରକାଶ କରିଥିଲେ।
ଏହି କାର୍ଯ୍ୟକ୍ରମରେ କୁଚିଣ୍ଡା ବିଧାୟକ ରବି ନାରାୟଣ ନାୟକ, ବଣାଇ ବିଜେପି ସାଂଗଠନିକ ଜିଲ୍ଲା ସଭାପତି ରାହାସ ବିହାରି ପ୍ରଧାନ, ପୂର୍ଣ୍ଣ ପ୍ରଧାନ, ରମେଶ ଅଗ୍ରୱାଲ,ଧନେଶ୍ୱର ମହନ୍ତ, ଖଗେଶ୍ୱର ମହାନ୍ତ, ଡ଼େଙ୍ଗୁରା ଓରାମ, ନିରଞ୍ଜନ ସିଂହ ଏବଂ ବାସୁଦେବ ସାହୁଙ୍କ ସମେତ ବହୁ କାର୍ଯ୍ୟକର୍ତା ଉପସ୍ଥିତି ଥିଲେ।
ଅପରାହ୍ନରେ ଶ୍ରୀ ଓରାମ ସୁନ୍ଦରଗଡ଼ର ହେମଗିରି ବ୍ଳକରେ ଉଜ୍ଜଳା ଯୋଜନାର ଶୁଭାରମ୍ଭ କରିଥିଲେ। ସୁନ୍ଦରଗଡ଼ ଜିଲ୍ଲା ସଭାପତି ଶ୍ରୀ ବଟକିଶୋର ମିଶ୍ରଙ୍କ ନେତୃତ୍ୱରେ ୩୦୦ରୁ ଉଦ୍ଧ୍ୱର୍ ଏକ ମୋଟର ସାଇକେଲ ର୍ୟାଲିରେ ଶ୍ରୀ ଓରାମ ହେମଗିରି ବଜାର ପରିକ୍ରମା କରିଥିଲେ। ପରେ ହେମଗିରି ପଂଚାୟତ କଲେଜ ପରିସରରେ ଆୟୋଜିତ କାର୍ଯ୍ୟକ୍ରମରେ ଯୋଗଦେଇ ୩୦ ଜଣ ହିତାଧିକାରୀଙ୍କୁ ଏଲପିଜି ଗ୍ୟାସ ବଂଟନ କରିଥିଲେ। ଏହି ଅବସରରେ ଆୟୋଜିତ ଏକ ସାଧାରଣ ସଭାରେ ଉଦ୍ବୋଧନ ଦେଇ ମନ୍ତ୍ରୀ ଶ୍ରୀ ଓରାମ ବିଗତ ଅଢ଼େଇ ବର୍ଷରେ କେନ୍ଦ୍ରରେ ମୋଦି ସରକାର ନେଇଥିବା ବିଭିନ୍ନ ଲୋକହିତକର ଯୋଜନା ବିଷୟରେ ଅବଗତ କରାଇଥିଲେ।
ଏହି କାର୍ଯ୍ୟକ୍ରମରେ ସୁନ୍ଦରଗଡ଼ ବିଜେପି ଜିଲ୍ଲା ସଭାପତି ଶ୍ରୀ ବଟକିଶୋର ମିଶ୍ର, ସହଦେବ ଖାଖା,ପ୍ରେମସାଗର ଓରାମ, ଶାନ୍ତି ସରାଫ, ନେତ୍ରମଣି ପଟେଲ ପ୍ରମୁଖ ଉପସ୍ଥିତ ଥିଲେ। ଭଉୟ କାର୍ଯ୍ୟକ୍ରମକୁ ଆଇଓସିଏଲର ଆଂଚଳିକ ଅଧିକାରୀ ପୱନ କୁମାର ଏବଂ ଡ଼େପୁଟି ମ୍ୟାନେଜର ସୁରଜ ଶର୍ମା ପରିଚାଳନା କରିଥିଲେ।

Share in top social networks!

ଲୋକାଭିମୁଖୀ ବଜେଟ ପ୍ରସ୍ତୁତ ପାଇଁ ଜେଟଲିଙ୍କୁ ଅଭିନନ୍ଦନ : ଜୁଏଲ ଓରାମ

226614_569717943074186_1416129610_n୨୦୧୬-୧୭ ମସିହା ପାଇଁ ଆଗତ ବଜେଟ ଦେଶର ସାମୁହିକ ବିକାଶ ପାଇଁ ଉଦ୍ଦିଷ୍ଟ ଏବଂ ଏହା ଏକ ଲୋକାଭିମୁଖୀ ବଜେଟ ବୋଲି କେନ୍ଦ୍ର ଅଦିବାସୀ କଲ୍ୟାଣ ବିଭାଗ ମନ୍ତ୍ରୀ ଶ୍ରୀ ଜୁଏଲ ଓରାମ ପ୍ରକାଶ କରିବା ସହ କେନ୍ଦ୍ର ଅର୍ଥ ମନ୍ତ୍ରୀଙ୍କୁ ଅଭିନନ୍ଦନ ଜଣାଇଛନ୍ତି । ଉକ୍ତ ବଜେଟରେ କୃଷକ, ଶ୍ରମିକ, ତଫସିଲଭୁକ୍ତ ଜାତି, ଉପଜାତି, ବରିଷ୍ଟ ନାଗରୀକ, ମହିଳା ଓ ଯୁବକ ଯୁବତୀମାନଙ୍କୁ ପ୍ରତି ସ୍ୱତନ୍ତ୍ର ଧ୍ୟାନ ଦିଆଯାଇଛି ବୋଲି କହିଛନ୍ତିି । ପ୍ରଥମ ଥର ପାଇଁ ପ୍ରତ୍ୟେକ ଗ୍ରାମ ପଂଚାୟତକୁ ସିଧା ସଳଖ ୮୦ଲକ୍ଷ ଟଙ୍କା ଗ୍ରମୀଣ ବିକାଶ ପାଇଁ ଦିଆଯିବ । ଜାତୀୟ ବ୍ୟାଙ୍କ୍ ଶାଖାଗୁଡିକ ଅନୁସୂଚୀତ ଜାତି ଓ ଜନଜାତିର ଉଦ୍ୟୋଗୀ ମାନଙ୍କୁ ଋଣ ଦେବା ସହିତ କୃଷି ଓ କୃଷକ କଲ୍ୟାଣ ପାଇଁ ୯ ଲକ୍ଷ କୋଟି ଟଙ୍କା ଋଣ ଦେବାର ବ୍ୟବସ୍ଥା କରାଯିବ । ଏହା ଛଡା କୃଷି ଓ କୃଷକ କଲ୍ୟାଣ ପାଇଁ ୩୫ହଜାର ୯୮୪ କୋଟି ଟଙ୍କା ବ୍ୟୟ ବରାଦ କରାଯାଇଛି । ୬୦,୦୦୦ କୋଟି ଟଙ୍କା ଭୂତଳ ଜଳକୁ ରିଚାର୍ଜ କରିବା ପାଇଁ ଖର୍ଚ୍ଚ ହେବ । ଜଳ ସେଚନ ପାଇଁ ନାବାର୍ଡ ଜରିଆରେ ୨୦ହଜାର କୋଟି ଟଙ୍କା ବିନିଯୋଗ କରାଯିବ । ଗ୍ରମୀଣ ବିକାଶ ପାଇଁ ୩୮,୫୦୦ କୋଟି ବରାଦ ହୋଇଥିବା ବେଳେ ସ୍ୱଚ୍ଛ ଭାରତ ଅଭିଯାନରେ ୯,୫୦୦ କୋଟି ଟଙ୍କା ବ୍ୟବସ୍ଥା କରାଯାଇଛି । ପ୍ରତ୍ୟେକ ବିପିଏଲ ପରିବାରକୁ ୧ ଲକ୍ଷ ଟଙ୍କା ସ୍ୱାସ୍ଥ୍ୟ ବୀମା ଯୋଗାଇ ଦିଆଯିବ ଓ ଆସନ୍ତା ୫ ବର୍ଷ ମଧ୍ୟରେ ସେମାନଙ୍କୁ ଏଲ.ପି.ଜି ଗ୍ୟାସ କନେକସନ୍ ମିଳିବ । ପ୍ରତ୍ୟେକ ଗାଁକୁ ୨୦୧୮ ମସିହା ଭିତରେ ବିଜୁଳି ଯୋଗାଇ ଦିଆଯିବ । ୩ ବର୍ଷରେ ଏକ କୋଟି ଅଧିକ ଯୁବକ ଯୁବତୀଙ୍କୁ ପ୍ରଧାନମନ୍ତ୍ରୀ କୌଶଳ ବିକାଶ ଯୋଜନାରେ ପ୍ରଶିକ୍ଷିତ କରାଯିବ ।
ବିଶ୍ୱ ଅର୍ଥନୀତିରେ ମାନ୍ଦାବସ୍ଥା ସ୍ୱତେ ସମାଜରେ ସବୁ ବର୍ଗ ଓ ଦେଶର ସବୁ ଅଂଚଳର ବିକାଶ ପାଇଁ ଯେଉଁ ବଜେଟ୍ ଅରୁଣ ଜେଟଲୀ ଉପସ୍ଥାପିତ କରିଛନ୍ତି ସେଥିପାଇଁ ଶ୍ରୀ ଜେଟଲୀ ତଥା ପ୍ରଧାନ ମନ୍ତ୍ରୀ ଶ୍ରୀ ନରେନ୍ଦ୍ର ମୋଦିଙ୍କ ନିକଟରେ ଶ୍ରୀ ଓରାମ କୃତଜ୍ଞତା ଜ୍ଞାପନ କରିଛନ୍ତି ।

Share in top social networks!

ନବକଳେବର ଭିତ୍ତିଭୂମି ପ୍ରକଳ୍ପର ଲୋକାର୍ପଣ ପାଇଁ ୪ କେନ୍ଦ୍ରମନ୍ତ୍ରୀଙ୍କ ଓଡ଼ିଶା ଗସ୍ତ

1907433_10154590373880553_8180045285544437697_nମହାପ୍ରଭୁ ଜଗନ୍ନାଥଙ୍କର ନବକଳେବର ଯାତ୍ରା ଉପଲକ୍ଷେ ପ୍ରସ୍ତୁତ ହୋଇ ରହିଥିବା ଭିତ୍ତିଭୂମିର ବିକାଶ ପାଇଁ ଆଗାମୀ ୯ ଓ ୧୦ ଜୁଲାଇ ଦୁଇ ଦିନ ଧରି ମାନ୍ୟବର ଭୂତଳ ପରିବହନ ଓ ଜାହାଜ ଚଳାଚଳ ମନ୍ତ୍ରୀ ଶ୍ରୀଯୁକ୍ତ ନୀତିନ୍ ଗଡ଼କରୀ, ମାନ୍ୟବର ଦୂରସଂଚାର, ସୂଚନା ଓ ପ୍ରଯୁକ୍ତି ବିଜ୍ଞାନ ମନ୍ତ୍ରୀ ଶ୍ରୀଯୁକ୍ତ ରବିଶଙ୍କର ପ୍ରସାଦ, ମାନ୍ୟବର ଆଦିବାସୀ ବ୍ୟପାର ମନ୍ତ୍ରୀ ଶ୍ରୀଯୁକ୍ତ ଜୁଏଲ ଓରାମ ଏବଂ କେନ୍ଦ୍ର ପେଟ୍ରୋଲିୟମ୍ ଓ ପ୍ରାକୃତିକ ଗ୍ୟାସ୍ ମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ଓଡ଼ିଶାର ବିଭିନ୍ନ ପ୍ରକଳ୍ପର ଲୋକାର୍ପଣ ଉସôବ ଓ ସମୀକ୍ଷା ବୈଠକ ଗୁଡ଼ିକରେ ଯୋଗଦେବେ ।
ଶ୍ରୀଯୁକ୍ତ ଗଡ଼କରୀ ଏକ ଦୁଇ ଦିନିଆ ଓଡିଶା ଗସ୍ତ ଅବସରରରେ ଆସନ୍ତା କାଲି ୯ ତାରିଖ ଦିନ ଅପରାହ୍ନ ୧.୩୦ ରେ ଏକ ସ୍ୱତନ୍ତ୍ର ବିମାନ ଯୋଗେ ରାଉରକେଲାରେ ପହଂଚି ପ୍ରଥମେ ବ୍ରାହ୍ମଣି ନଦୀରେ ଦ୍ୱିତୀୟ ସେତୁ ଓ ବିରମିତ୍ରପୁରରୁ ବାରକୋଟ ନୂଆ ଜାତୀୟ ରାଜପଥ ୧୪୩ ର ଶିଳାନ୍ୟାସ ପାନପୋଷଠାରେ କରିବେ । ଉକ୍ତ କାର୍ଯ୍ୟକ୍ରମରେ ଶ୍ରୀଯୁକ୍ତ ଗଡ଼କରୀଙ୍କ ସହ କେନ୍ଦ୍ର ଆଦିବାସୀ କଲ୍ୟାଣ ବିଭାଗର ମନ୍ତ୍ରୀ ଶ୍ରୀଯୁକ୍ତ ଜୁଏଲ ଓରାମ ଓ ସ୍ଥାନୀୟ ବିଧାୟକ ତଥା ବରିଷ୍ଠ ନେତା ଶ୍ରୀଯୁକ୍ତ ଦିଲ୍ଲୀପ ରାୟ ଉପସ୍ଥିତ ରହିବେ । ଶ୍ରୀ ଗଡକରୀ ରାଉରକେଲାରୁ ଭୁବନେଶ୍ୱର ଆସି ପିପିଲି ନିକଟସ୍ଥ ବାଇପାସ୍ଠାରେ ନବ ନିର୍ମିତ ଭୁବନେଶ୍ୱର-ପୁରୀ ଜାତୀୟ ରାଜପଥ ୨୦୩ର ଲୋକାର୍ପଣ ଉସôବରେ ଯୋଗଦେବେ । ଏହି ଲୋକାର୍ପଣ ଉସôବରେ ଓଡିଶାର ଦୁଇ କେନ୍ଦ୍ର ମନ୍ତ୍ରୀ ଶ୍ରୀ ଓରାମ ଓ ଶୀ ପ୍ରଧାନ ଉପସ୍ଥିତ ରହିବେ ।
ଦିତ୍ୱୀୟ ଦିବସରେ ଅର୍ଥାତ୍ ୧୦ ତାରିଖ ପୁର୍ବାହ୍ନ ୯ ଟାରେ ହୋଟେଲ୍ ମେଫେୟାର ଲାଗୁନ, ଭୁବନେଶ୍ୱରରେ ଏକ ସାଂବାଦିକ ସମ୍ମିଳନୀରେ ଯୋଗ ଦେବା ପରେ ଶ୍ରୀଯୁକ୍ତ ଗଡ଼କରୀ ପାରାଦୀପ ଅଭିମୂଖେ ଯିବେ ଓ ସେଠାରେ ଆନ୍ତର୍ଦେଶୀୟ ଜଳପଥ ଓ ପାରାଦୀପ ବନ୍ଦର କାର୍ଯ୍ୟ ପ୍ରଗତିର ସମୀକ୍ଷା କରିବେ । ଉକ୍ତ ଗସ୍ତରେ ଶ୍ରୀଯୁକ୍ତ ଜୁଏଲ ଓରାମ ଓ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ଉପସ୍ଥିତ ରହିବେ । ଭୁବନେଶ୍ୱର ଫେରି ଏକ ସ୍ୱତନ୍ତ୍ର ବିମାନ ଯୋଗେ ଶ୍ରୀଯୁକ୍ତ ଗଡ଼କରୀ ନାଗପୁର ଫେରିଯିବେ ।
ସେହିପରି କେନ୍ଦ୍ର ଦୂରସଂଚାର, ସୂଚନା ଓ ପ୍ରଯୁକ୍ତି ବିଜ୍ଞାନ ମନ୍ତ୍ରୀ ଶ୍ରୀଯୁକ୍ତ ରବିଶଙ୍କର ପ୍ରସାଦ ଓ କେନ୍ଦ୍ର ପେଟ୍ରୋଲିୟମ୍ ଓ ପ୍ରାକୃତିକ ଗ୍ୟାସ୍ ମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ଆସନ୍ତା କାଲି ସକାଳ ୯ଟା ରେ ଭୁବନେଶ୍ୱର ବିମାବନ୍ଦରରେ ଅବତରଣ କରି ମେଫେୟାର କନଭେନସନ୍ ଠାରେ ବରମୁଣ୍ଡା ପୋଷ୍ଟ ଅଫିସ ଗୃହର ଶିଳାନ୍ୟାସ ଉସôବରେ ଯୋଗ ଦେବା ପରେ ଦିନ ୧ଟା ସମୟରେ ପୁରୀ ସ୍ଥିତ ହୋଟେଲ ମେଫେୟାରରେ (ଙ୍ଗସ-ଲସ) ୱାଇ-ଫାଇ ସୁବିଧାର ଲୋକାର୍ପଣ ଉସôବରେ ଯୋଗଦେଇ ଅପରାହ୍ନ ୪ଟାରେ ପୋଷ୍ଟାଲ, ଦୂରସଂଚାର ଓ ସୁଚନା ପ୍ରଯୁକ୍ତି ବିଜ୍ଞାନ ବିଭାଗର କର୍ମକର୍ତ୍ତାଙ୍କ ସହ ଏକ ସମୀକ୍ଷା ବୈଠକରେ ଭାଗନେବେ ଓ ସେହି ଦିନ ଭୁବନେଶ୍ୱରରୁ ଦିଲ୍ଲୀ ଫେରିଯିବାର କାର୍ଯ୍ୟକ୍ରମ ରହିଛି ।
୧୦ ତାରିଖ ଅପରାହ୍ନ ୧ ଟା ସମୟରେ ଭୁବନେଶ୍ୱର ଆର୍ନ୍ତଜାତିକ ବିମାନ ବନ୍ଦରଠାରେ ଆର୍ନ୍ତଜାତିକ ବିମାନ ସେବାର ଉଦ୍ଘାଟନ ଉସôବରେ ଓଡିଶାର ଦୁଇ କେନ୍ଦ୍ରମନ୍ତ୍ରୀ ଶ୍ରୀଯୁକ୍ତ ଜୁଏଲ ଓରାମ ଓ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ଯୋଗଦେବେ ବୋଲି ଭାରତୀୟ ଜନତା ପାର୍ଟି କାର୍ଯ୍ୟାଳୟ ସୂତ୍ରରୁ ପ୍ରକାଶ ।

Share in top social networks!

କେନ୍ଦ୍ରମନ୍ତ୍ରୀ ଜୁଏଲ ଓରାମଙ୍କ ରାୟଗଡ଼ା ଓ କୋରାପୁଟ ଜିଲ୍ଲା ଗସ୍ତ

jualoramକେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଜୁଏଲ ଓରାମ ଚଳିତ ୧୯, ୨୦ ଓ ୨୧ ତାରିଖ ତିନି ଦିନ ଧରି ପ୍ରଥମ ଥର ଆଦିବାସୀ ଅଧ୍ୟୁଷିତ ଜିଲ୍ଲା ରାୟଗଡ଼ା ଓ କୋରାପୁଟ ଜିଲ୍ଲା ଗସ୍ତ କରିଛନ୍ତି । ଏହି ଗସ୍ତ ଅବସରରେ ସେ ଆଜି ପୂର୍ବାହ୍ନରେ ରାୟଗଡ଼ା ଠାରେ ଦଳୀୟ କାର୍ଯ୍ୟକର୍ତ୍ତା ଓ ସାଧାରଣ ଜନତାଙ୍କ ସହ ବିଭିନ୍ନ ସମସ୍ୟା ବିଷୟରେ ଆଲୋଚନା କରିଥିଲେ ଏବଂ ପରେ ରାୟଗଡ଼ା ଜିଲ୍ଲା ମୁଖ୍ୟ ଡ଼ାକ୍ତରଖାନ ଗସ୍ତ କରି ସେଠାରେ ଥିବା ରୋଗୀମାନଙ୍କୁ ଭେଟି ବିଭିନ୍ନ ସ୍ୱାସ୍ଥ୍ୟଗତ ସମସ୍ୟା ବିଷୟରେ ଆଲୋଚନା କରିଥିଲେ ଏବଂ ପରେ ଡ଼ାକ୍ତରମାନଙ୍କ ସହ ବିଭିନ୍ନ ସମସ୍ୟା ଓ ତାହାର ସମାଧାନ ସମ୍ପର୍କରେ ଆଲୋଚନା କରିଥିଲେ ।

ଅପରାହ୍ନରେ ମନ୍ତ୍ରୀ ଶ୍ରୀ ଓରାମ ରାୟଗଡ଼ା ଜିଲ୍ଲା ସମ୍ମିଳନୀ ଠାରେ ଜିଲ୍ଲାର ସମୀକ୍ଷା ବୈଠକରେ ଉପସ୍ଥିତ ରହି ବିଭିନ୍ନ ଜିଲ୍ଲାରେ ହୋଇଥିବା ବିଭିନ୍ନ ବିକାଶମୂଳକ କାର୍ଯ୍ୟକ୍ରମର ସମୀକ୍ଷା କରିଥିଲେ । ଆସନ୍ତା କାଲି ଶ୍ରୀ ଓରାମ କୋରାପୁଟ ଜିଲ୍ଲା ଗସ୍ତ ଅବସରରେ ସେ କାଶିପୁର ବ୍ଳକ ଅନ୍ତର୍ଗତ ଟିକିରି ଠାରେ ଆୟୋଜିତ ସାଧାରଣ ସଭାରେ ଉଦ୍ବୋଧନ ଦେବା ସହ ଲକ୍ଷ୍ମୀପୁର ବ୍ଳକ ଗସ୍ତରେ ଯାଇ ସାଧାରଣ ଜନତା ଓ ଦଳୀୟ କର୍ମୀମାନଙ୍କ ସହ ଆଲୋଚନା କରିବେ । ଅପରାହ୍ନରେ କୋରାପୁଟ ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଜିଲ୍ଲାରେ ହୋଇଥିବା ବିଭିନ୍ନ ବିକାଶମୂଳକ କାର୍ଯ୍ୟକ୍ରମର ସମୀକ୍ଷା କରିବେ ।

୨୧ ତାରିଖ ଦିନ ସକାଳ ୬.୩୦ ମିନିଟ୍ରେ ଜୟପୁର ଠାରେ ଆୟୋଜିତ ୨୧ ତମ ଆନ୍ତର୍ଜାତିକ ଯୋଗ ଦିବସରେ ଉପସ୍ଥିତ ରହିବା ସହ ଦିବା ୧୦ ଘଟିକା ସମୟରେ ଜୟପୁର ଠାରେ ବିଭିନ୍ନ ସଂଗଠନ ତରଫରୁ ଆୟୋଜିତ ନାଗରିକ ସମ୍ବର୍ଦ୍ଧନା ଉତ୍ସବରେ ଯୋଗଦେବେ । ଏହି ଗସ୍ତ ଅବସରରେ ମନ୍ତ୍ରୀ ଶ୍ରୀ ଓରାମ ୧୯ ତାରିଖ ଦିନ ରାୟଗଡ଼ା ଠାରେ ଏବଂ ୨୧ ତାରିଖ ଦିନ ଜୟପୁର ଠାରେ ସାମ୍ବାଦିକ ସମ୍ମିଳନୀରେ ତାଙ୍କର ଗସ୍ତ କାର୍ଯ୍ୟକ୍ରମ ସମ୍ପର୍କରେ ସୂଚନା ପ୍ରଦାନ କରିବେ । ୨୧ ତାରିଖ ଦିନ ୧୧ ଟାରୁ ୪ ଟା ପର୍ଯ୍ୟନ୍ତ ଜୟପୁର ଠାରେ ବିଭିନ୍ନ ଦଳୀୟ କାର୍ଯ୍ୟକ୍ରମରେ ଯୋଗଦେବେ ବୋଲି ଏକ ପ୍ରେସ୍ ବିବୃତି ମାଧ୍ୟମରେ ପ୍ରକାଶ କରିଛନ୍ତି ।

Share in top social networks!

କେନ୍ଦ୍ରମନ୍ତ୍ରୀ ଶ୍ରୀ ଜୁଏଲ ଓରାମଙ୍କ ତିନିଦିନିଆ ଓଡ଼ିଶା ଗସ୍ତ

jualbhaiକେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଜୁଏଲ ଓରାମ ତାଙ୍କ ୩ ଦିନିଆ ଓଡ଼ିଶା ଗସ୍ତ ଅବସରରେ ଆଜି ବୌଦ୍ଧ ଜିଲ୍ଲା ହରଭଙ୍ଗା ବ୍ଳକ ଅନ୍ତର୍ଗତ ତଳଗାଁ ରେ ଥିବା ଭାରତ ନିର୍ମାଣ ରାଜୀବ ଗାନ୍ଧୀ ସେବା କେନ୍ଦ୍ରର ଶୁଭ ଉଦ୍ଘାଟନ କରିଥିଲେ । ହରଭଙ୍ଗା ବ୍ଳକ ଅନ୍ତର୍ଗତ ଏହି ତଳଗାଁ ପଂଚାୟତ ଦୁର୍ଗମ ତଥା ନକ୍ସଲ ଉପଦ୍ରବ ଆଦିବାସୀ ବହୁଳ ପଂଚାୟତ ଅଟେ । ସ୍ୱାଧୀନତା ପରଠାରୁ ଏଯାବତ ଏଠାରେ ଟେଲି ଯୋଗାଯୋଗ ସହ ବିଦୁ୍ୟତକରଣ ସୁବିଧାରୁଉକ୍ତ ପଂଚାୟତବାସୀ ବଂଚିତ ଅଛନ୍ତି । ଆଜି ପୂର୍ବାହ୍ନରେ କେନ୍ଦ୍ର ମନ୍ତ୍ରୀ ଶ୍ରୀ ଓରାମଙ୍କ ଗସ୍ତ ସମୟରେ ଦୁଇ ହଜାରରୁ ଉଦ୍ଧ୍ୱର୍ ଗ୍ରାମବାସୀ ଉଭୟ ପୁରୁଷ ଓ ମହିଳା ମନ୍ତ୍ରୀ ଶ୍ରୀ ଓରାମଙ୍କୁ ସମ୍ବର୍ଦ୍ଧିତ କରି ଏକ ବିଶାଳ ଶୋଭାଯାତ୍ରାରେ ଗ୍ରାମ ପରିକ୍ରମା କରିଥିଲେ । ପରେ ତଳଗାଁ ପଂଚାୟତ କାର୍ଯ୍ୟାଳୟରେ ଥିବା ଭାରତ ନିର୍ମାଣ ରାଜୀବ ଗାନ୍ଧୀ ସେବା କେନ୍ଦ୍ରକୁ ଉଦ୍ଘାଟନ କରିଥିଲେ । ପରେ ଭାରତୀୟ ଜନତା ପାର୍ଟି ତରଫରୁ ଆୟୋଜିତ ଏକ ସାଧାରଣ ସଭାରେ ଯୋଗଦେଇ କେନ୍ଦ୍ରମନ୍ତ୍ରୀ ଶ୍ରୀ ଓରାମ କେନ୍ଦ୍ର ସରକାରଙ୍କର ବିଭିନ୍ନ ଜନହିିତକର କାର୍ଯ୍ୟକ୍ରମ ସମ୍ବନ୍ଧରେ ଜନସାଧାରଣଙ୍କୁ ଅବଗତ କରାଇଥିଲେ । ଶ୍ରୀ ଓରାମ କହିଲେ ଯେ, କେନ୍ଦ୍ରରେ ନରେନ୍ଦ୍ର ଭାଇ ମୋଦି ସରକାର ଆଦିବାସୀ ମାନଙ୍କର ଶିକ୍ଷା, ସ୍ୱାସ୍ଥ୍ୟ, ଗମନାଗମନ, କୃଷି ସମେତ ସାମଗ୍ରୀକ ବିକାଶ ପାଇଁ ଦୃଢ଼ ପରିକର । ଏହି କାର୍ଯ୍ୟକ୍ରମରେ ବିଜେପିର ବରିଷ୍ଠ ନେତା ଶ୍ରୀ ବିଜୟ ମହାପାତ୍ର, ପୂର୍ବତନ ସାଂସଦ ଶ୍ରୀ ରୁଦ୍ରମାଧବ ରାୟ, ବିଜେପି ରାଜ୍ୟ ସମ୍ପାଦକ ଶ୍ରୀ ଭୃଗୁ ବକ୍ସିପାତ୍ର, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଶ୍ରୀ ସୁକାନ୍ତ ପାଣିଗ୍ରାହୀ, ବୌଦ୍ଧ ଜିଲ୍ଲା ସଭାପତି ଶ୍ରୀ ମନୋରଂଜନ ଦାଶ, ଶ୍ରୀ ଲମ୍ବୋଦର କହଁର, ଶ୍ରୀ କମଳା ପାଣ୍ଡେ ଏବଂ ତଳଗାଁ ଗ୍ରାମ ପଂଚାୟତ ସରପଂଚ ଶ୍ରୀ ରବିନାରାୟଣ ପ୍ରଧାନ ପ୍ରମୁଖ ଉଦ୍ବୋଧନ ଦେଇଥିଲେ ।
ପୂର୍ବରୁ ବୌଦ୍ଧ ଯିବା ବାଟରେ କେନ୍ଦ୍ରମନ୍ତ୍ରୀ ଶ୍ରୀ ଓରାମ ଖୋର୍ଦ୍ଧା ଜିଲ୍ଲା ବୋଲଗଡ଼ ଠାରେ ଆୟୋଜିତ ବିଜେପିର ସ୍ୱତନ୍ତ୍ର ସଦସ୍ୟତା ଅଭିଯାନ କାର୍ଯର୍୍ୟକ୍ରମରେ ଯୋଗଦେଇ ୧୩୦୦ ରୁ ଉଦ୍ଧ୍ୱର୍ ଲୋକଙ୍କୁ ଭାରତୀୟ ଜନତା ପାର୍ଟିର ପ୍ରାଥମିକ ସଦସ୍ୟ କରାଇଥିଲେ । ସଶକ୍ତ ଭାଜପା ଓ ସଶକ୍ତ ଭାରତ ନିର୍ମାଣ ପାଇଁ ବିଜେପିର ସଦସ୍ୟତା ଅଭିଯାନରେ ସାମିଲ ହେବା ସହ ୧୮୦୦ ୨୬୬ ୨୦୨୦ ଡ଼ାଏଲ କରି ପ୍ରାଥମିକ ସଦସ୍ୟ କରାଇବାକୁ ଶ୍ରୀ ଓରାମ ଅନୁରୋଧ କରିଥିଲେ ।

Share in top social networks!

ଗ୍ରାମ ପଂଚାୟତ ସମୂହକୁ ରାଉରକେଲା ମହାନଗର ନିଗମରେ ସାମିଲକୁ ଜୁଏଲଙ୍କ ବିରୋଧ ।

10915162_805113226201322_5333394891755199640_nଓଡ଼ିଶାରେ ନୂଆକରି ଗଠନ କରାଯାଇଥିବା ରାଉରକେଲା ମହାନଗର ନିଗମରେ ସୁନ୍ଦରଗଡ଼ ଜିଲ୍ଲାର ଜଗଦା, ଝାରତରଂଗ, ଝିରିପାଣି ଆଦି କେତେକ ପଂଚାୟତକୁ ଅନ୍ତର୍ଭୁକ୍ତ କରାଯିବାକୁ କେନ୍ଦ୍ରକରି ରାଉରକେଲାରେ ସୃଷ୍ଟିହୋଇଥିବା ତୀବ୍ର ଜନ ଅସନ୍ତୋଷକୁନେଇ କେନ୍ଦ୍ର ଆଦିବାସୀବ୍ୟାପର ମନ୍ତ୍ରୀ ଶ୍ରୀଜୁଏଲଓରାମ ଗଭୀର ଉଦ୍ବେଗ ପ୍ରକାଶକରିଛନ୍ତି ।

କେନ୍ଦ୍ରମନ୍ତ୍ରୀ ଶ୍ରୀଓରାମ ଆଜିରାଜ୍ୟ ନଗର ଉନ୍ନୟନ ମନ୍ତ୍ରୀଶ୍ରୀ ପୁଷ୍ପେନ୍ଦ୍ର ସିଂହଦେଓଙ୍କୁ ଟେଲିଫୋନ ଯୋଗେ ବିସ୍ତୃତଭାବେ ଅବଗତକରାଇ ଘଟଣାରତୁରନ୍ତର ସମାଧାନ କରିବା ପାଇଁ ଅନୁରୋଧ କରିଛନ୍ତି । ଏଥିପୂର୍ବରୁକେନ୍ଦ୍ରମନ୍ତ୍ରୀଶ୍ରୀଓରାମରାଜ୍ୟ ନଗର ଉନ୍ନୟନ ମନ୍ତ୍ରୀ ଶ୍ରୀସିଂହଦେଓଙ୍କୁ ଓଡ଼ିଶାମହାନଗର ନିଗମ ଆଇନ୍-୨୦୦୩ ଓ ପେସା ଆଇନ୍-୧୯୯୭କୁ ଆଧାରକରି ଏହି ସମ୍ବନ୍ଧରେ କାର୍ଯ୍ୟାନୁଷ୍ଠାନ ଗ୍ରହଣକଲେ ଯେଉଁ ଅଂଚଳବାସୀ ରାଉଲକେଲାମହାନଗର ନିଗମରେ ଅନ୍ତର୍ଭୁକ୍ତ ହେବାକୁ ଚାହୁଁ ନାହାନ୍ତି ସେମାନଙ୍କର ସମସ୍ୟାର ସମାଧାନ ହୋଇଯିବ ବୋଲି ପତ୍ର ଲେଖି ଜଣାଇଥିଲେ ।

Share in top social networks!

କେନ୍ଦ୍ର ମନ୍ତ୍ରୀ ଜୁଏଲ ଓରାମ ଜନଜାତି ଖାଦ୍ୟ ମହୋତ୍ସବକୁ ଉଦ୍ଘାଟନ କଲେ

tribalfoodfestଭାରତ ସରକାରଙ୍କ ଆଦିବାସୀ ବ୍ୟାପାର ମନ୍ତ୍ରଣାଳୟ ତରଫରୁ ଟ୍ରାଇଫେଡ଼ ଦ୍ୱାରା ରାଜଧାନୀ ଦିଲ୍ଲୀ ଠାରେ ପ୍ରଥମ ଥର ପାଇଁ ଏକ
ଅନନ୍ୟ ଆଦିବାସୀ ଖାଦ୍ୟ ମହୋତ୍ସବ-୨୦୧୫ର ୧୬ ଜାନୁୟାରୀ ରୁ ଆରମ୍ଭ ହୋଇ ୧୯ ଜାନୁୟାରୀ ପର୍ଯ୍ୟନ୍ତ ରାଜୀବ ଗାନ୍ଧୀ ହସ୍ତଶିଳ୍ପ ଭବନ ଠାରେ ଆୟୋଜିତ ହେଉଅଛି । ଏହି ମହୋତ୍ସବକୁ ଆଜି କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଜୁଏଲ ଓରାମ ଉଦ୍ଘାଟନ କରିଥିଲେ ।

ଆନ୍ଧ୍ର ପ୍ରଦେଶ, ଛତିଶଗଡ଼, ହିମାଚଂଳ ପ୍ରଦେଶ, ଜାମ୍ମୁ କାଶ୍ମୀର, ମଧ୍ୟପ୍ରଦେଶ, ମହାରାଷ୍ଟ୍ର , ରାଜସ୍ଥାନ, ତାମିଲନାଡ଼ୁ, ତେଲେଙ୍ଗାନା, ଉତରାଖଣ୍ଡ ଏବଂ ପୂର୍ବାଚଂଳ ରାଜ୍ୟ ଗୁଡ଼ିକରୁ ଆସିଥିବା ରୋଷେୟା (ଖାମ୍ସାମା) ପାରମ୍ପରିକ ମନପସନ୍ଦର ସ୍ୱାଦିଷ୍ଟ ଉକ୍ରୁଷ୍ଟ ବ୍ୟଞ୍ଜନ ଭୋଜନ
ପ୍ରସ୍ତୁତ କରି ଏହି ଶୀତ ଦିନରେ ଦିଲ୍ଲୀର ଖାଦ୍ୟପ୍ରେମୀ ତଥା ବାହାରୁ ଆସିଥିବା ପର୍ଯ୍ୟଟକମାନଙ୍କୁ ଖାଦ୍ୟ ପରିବେଷଣ କରିବେ । ଏହି ମହୋତ୍ସବର ମୁଖ୍ୟ ଉଦେ୍ଧଶ୍ୟ ଦିଲ୍ଲୀର ଖାଦ୍ୟପ୍ରେମୀ ଏବଂ ବିଦେଶରୁ ଆସୁଥିବା ପର୍ଯ୍ୟଟକମାନଙ୍କୁୁ ଆଦିବାସୀ ବିଭିନ୍ନ ବ୍ୟଞ୍ଜନ ବିଷୟରେ ପରିଚିତ କରାଇବା ସହିତ ଆଦିବାସୀମାନଙ୍କର ଆୟ ପନ୍ଥା ସୃଷ୍ଟି କରିବା । ବିଭିନ୍ନ ପ୍ରକାର ଉଭୟ ଆମିଷ ଓ ନିରାମିଷ ଖାଦ୍ୟ ଦ୍ୱାରା ଆପାୟିତ କରିବା ପାଇଁ ଦିଲ୍ଲୀର କିଛି ବିଶିଷ୍ଟ ବ୍ୟକ୍ତି ଏବଂ ଏଠାକୁ ଆସୁଥିବା ପର୍ଯ୍ୟଟକମାନଙ୍କୁ ନିମନ୍ତ୍ରଣ କରାଯାଇଛି । ଖାଦ୍ୟପ୍ରେମୀମାନଙ୍କ ପାଇଁ ଏହା ଏକ ଅନ୍ୟନ୍ୟ ସୁଯୋଗ ଯାହା ଦ୍ୱାରାକି ଆଦିବାସୀମାନଙ୍କ ପାରମ୍ପରିକ ଖାଦ୍ୟ ଓ ଏହାର ସ୍ୱାଦ ପ୍ରତି ଉଦ୍ଧିଷ୍ଟ ।

ଏହି ଅବସରରେ କେନ୍ଦ୍ରମନ୍ତ୍ରୀ ଶ୍ରୀ ଓରାମ କେତେକ ଷ୍ଟଲ ପରିଦର୍ଶନ କରି ବିଭିନ୍ନ ରାଜ୍ୟରୁ ଆସିଥିବା ରୋଷେୟା (ଖାମସାମା) ମାନଙ୍କ ସହ କଥାବାର୍ତା କରିଥିଲେ ଏବଂ ଏହି ଖାଦ୍ୟ ମହୋତ୍ସବକୁ ପ୍ରସଂଶା କରିଥିଲେ । ଅନ୍ୟମାନଙ୍କ ମଧ୍ୟରେ କେନ୍ଦ୍ର ଆଦିବାସୀ ବ୍ୟାପାର ରାଷ୍ଟ୍ରମନ୍ତ୍ରୀ
ଶ୍ରୀ ମନସୁଖ ଭାଇ ବସୱା ଏବଂ ଟ୍ରାଇଫେଡ଼ର ପରିଚାଳନା ନିଦେ୍ର୍ଧଶକ ଶ୍ରୀ କେ.ବି.ଏସ୍. ସିଦ୍ଧୁ ଉପସ୍ଥିତ ରହିଥିଲେ । ଏହି ମହୋତ୍ସବରରେ ବହୁ ସଂଖ୍ୟାରେ ଉତ୍ସୁକ ଖାଦ୍ୟପ୍ରେମୀ ଯୋଗଦେଇ ନୂତନ ପ୍ରକାରର ଖାଦ୍ୟର ମଜା ଉଠାଇଥିଲେ ।

Share in top social networks!

ଆସାମ ପ୍ରଭାବିତ ଅଂଚଳରେ କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଜୁଏଲ ଓରାମ

226614_569717943074186_1416129610_nଆସାମର ସୋନିତପୁର ଓ କୋକ୍ରାଝାର ଜିଲ୍ଲାରେ ନ୍ୟାସନାଲ ଡ଼େମୋକ୍ରେଟିକ ଫ୍ରଂଟ୍ ଅଫ ବୋଡ଼ୋ ଲ୍ୟାଣ୍ଡର ଉଗ୍ରପନ୍ଥୀମାନେ ଯେପରି ଭାବରେଶିଶୁ ଓ ମହିଳାମାନଙ୍କ ସମେତ ୫୨ ଜଣ ନିରୀହ ଆଦିବାସୀମାନଙ୍କୁ ହତ୍ୟା କରିଛନ୍ତି, ତାହାକୁ କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଜୁଏଲ ଓରାମ ଘୋର ନିନ୍ଦା କରିବା ସହ ଗଭୀର ଉଦ୍ବେଗ ପ୍ରକାଶ କରିଛନ୍ତି ।

ଏହି ପରିସ୍ଥିତି ସମ୍ପର୍କରେ ମନ୍ତ୍ରୀ ଶ୍ରୀ ଓରାମ ଆଜି ଆସାମର ମୁଖ୍ୟମନ୍ତ୍ରୀ ଶ୍ରୀ ତରୁଣ ଗୋଗେଇଙ୍କ ସହ ଟେଲିଫୋନ ଯୋଗେ ପଚାରି ବୁଝିଛନ୍ତି ଏବଂ ରାଜ୍ୟ ସରକାର ଏହି ପରିସ୍ଥିତିରେ ସଜାଗ ରହିବାକୁ ପରାମର୍ଶ ଦେଇଛନ୍ତି । ଏହି ଦୁଃଖଦ ଘଟଣାରେ ଆହତମାନଙ୍କୁ ତୁରନ୍ତ ଉପଯୁକ୍ତ ସରକାରୀ ଚିକିତ୍ସା ସେବା ଯୋଗାଇ ଦେବା ସହ ପ୍ରଭାବିତ ଅଂଚଳରେ ଆଇନ୍ କାନୁନ୍ ସୁଦୃଢ଼ କରିବା ପାଇଁ ପରାମର୍ଶ ମଧ୍ୟ ଦେଇଛନ୍ତି ।

ପରିସ୍ଥିତିର ସମୀକ୍ଷା କରିବା ପାଇଁ ଆଜି କେନ୍ଦ୍ର ସ୍ୱରାଷ୍ଟ୍ର ମନ୍ତ୍ରୀ ଶ୍ରୀ ରାଜନାଥ ସିଂହଙ୍କ ସହ ଶ୍ରୀ ଓରାମ ଆସାମ ଗ୍ରସ୍ତ କରିଛନ୍ତି । ମନ୍ତ୍ରୀ ଦ୍ୱୟ ପ୍ରଭାବିତ ଅଂଚଳ ଗସ୍ତ କରିବା ସହ ଆସାମର ମୁଖ୍ୟମନ୍ତ୍ରୀ ଓ ରାଜ୍ୟ ପ୍ରଶାସନର ବରିଷ୍ଠ ପଦାଧିକାରୀମାନଙ୍କ ସହ ସାଂପ୍ରତିକ ପରିସ୍ଥିତି ବିଷୟରେ ଆଲୋଚନା କରିବେ ।

Share in top social networks!

ଆଦିବାସୀ ସମ୍ବନ୍ଧୀୟ ସମସ୍ୟା ଉପରେ ଦୁଇ ଦିନିଆ ଆନ୍ତର୍ଜାତୀୟ ସମ୍ମିଳନୀ କେନ୍ଦ୍ରମନ୍ତ୍ରୀ ଶ୍ରୀ ଜୁଏଲ ଓରାମଙ୍କ ଦ୍ୱାରା ଉଦ୍ଘାଟିତ

jualbhaiଆଦିବାସୀ ସମ୍ବନ୍ଧୀୟ ସମସ୍ୟା ଉପରେ ଏକ ଦୁଇଦିନିଆ ଆନ୍ତର୍ଜାତୀୟ ସମ୍ମିଳନୀ ଆଜି ଭୁବନେଶ୍ୱରସ୍ଥିିତ କିଟ୍ ବିଶ୍ୱବିଦ୍ୟାଳୟ ଠାରେ କଳିଙ୍ଗ ଇନିଷ୍ଟ୍ର୍ୟଚ୍ ଅଫ ସୋସିଆଲ ସାଇନ୍ସି ଓ କିଟ୍ ଆନୁକୁଲ୍ୟରେ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟଅତିଥି ଭାବେ ଯୋଗଦେଇ କେନ୍ଦ୍ର ଆଦିବାସୀ ବ୍ୟାପାର ମନ୍ତ୍ରୀ ଶ୍ରୀ ଜୁଏଲ ଓରାମ ଏହାକୁ ଉଦ୍ଘାଟନ କରି କହିଲେ ଯେ, ଭାରତୀୟ ସମ୍ବିଧାନରେ ସଦ୍ୟ ସଂଶୋଧିତ ଧାରା ୨୧ (କ) ଅନୁଯାୟୀ ୬ ବର୍ଷ ବୟସରୁ ୧୪ ବର୍ଷ ପର୍ଯ୍ୟନ୍ତ ସମସ୍ତ ଶିଶୁମାନଙ୍କୁ ବାଧ୍ୟତାମୂଳକ ନିଶୁଃଳ୍ପ ଶିକ୍ଷା ପ୍ରଦାନ କରାଯିବାର ବ୍ୟବସ୍ଥା ରହିଛି ; ଯଦ୍ଧ୍ୱାରା ଆଦିବାସୀ ପରମ୍ପରାରେ ବଢ଼ିଥିବା ବାଳିକାମାନଙ୍କ ପାଇଁ ଅସୁବିଧା ସୃଷ୍ଟି ହୋଇଛି । ଏ ପ୍ରକାର ଅସୁବିଧାର ମୁକାବିଲା କରିବା ପାଇଁ ଆଦିବାସୀ ବାଳିକାମାନଙ୍କ ନିମନ୍ତେ ସ୍ୱତନ୍ତ୍ର ଛାତ୍ରାବାସ, ପ୍ରାକମେଟ୍ରିକ ଏବଂ ମେଟି୍ରକ ପର କ୍ଳାସରେ ପଢ଼ୁଥିବା ଛାତ୍ରଛାତ୍ରୀମାନଙ୍କ ପାଇଁ ମେଧାବୀ ବୃତି ବ୍ୟବସ୍ଥା ତଥା ଉଚ୍ଚସ୍ତରୀୟ ଶିକ୍ଷାନୁଷ୍ଠାନରେ ଶିକ୍ଷାଗ୍ରହଣ ତଥା ରାଷ୍ଟ୍ରବାହାରେ ପଢ଼ୁଥିବା ଆଦିବାସୀ ଛାତ୍ରଛାତ୍ରୀମାନଙ୍କ ପାଇଁ ବିଶେଷ ମେଧାବୀ ବୃତିର ବ୍ୟବସ୍ଥା କରାଯାଇଛି ।
ଆଦିବାସୀ ଅଧ୍ୟୁଷିତ ଅଂଚଳରେ ବିଶେଷକରି କେତୋଟି ଡ଼ିଆଁ ରୋଗ, ବଂଶଗତ ରୋଗ ଏବଂ ଭିଟାମିନ୍ ଅଭାବଜନିତ ରୋଗ ପରିଲକ୍ଷିତ ହୁଏ । ଏ ସମସ୍ତ ସମସ୍ୟାର ପ୍ରତିକାର ବ୍ୟବସ୍ଥା ପାଇଁ କେନ୍ଦ୍ର ସରକାର ବିଶେଷ ପଦକ୍ଷେପ ଗ୍ରହଣ କରିଛନ୍ତି । ଉଦ୍ୟୋଗୀକରଣ ହେତୁ ଦେଶର ବିଭିନ୍ନ ସ୍ଥାନରେ ଜଙ୍ଗଲାଚଂଳ ବହୁ ପରିମାଣରେ କମିଯାଉଛି । ଆଦିବାସୀ ପରିବାରମାନେ ବିଶେଷକରି ଜଙ୍ଗଲ ଉପଜାତ ଦ୍ରବ୍ୟ ଉପରେ ନିର୍ଭର କରି ଜୀବନ ନିର୍ବାହ କରନ୍ତି । ପୁରୁଣାକାଳିଆ କୃଷି ବ୍ୟବସ୍ଥାରୁ ମୁକ୍ତ କରି ଆଧୁନିକ ଚାଷ ପ୍ରଣାଳୀ କ୍ଷେତ୍ରରେ ସେମାନଙ୍କୁ ଉପଯୁକ୍ତ ଶିକ୍ଷା ଦେଇ ସେମାନଙ୍କ ଜୀବନ ପ୍ରଣାଳୀକୁ ଆହୁରି ସରଳ ଓ ସହଜ କରିବା ପାଇଁ କେନ୍ଦ୍ର ସରକାର ପ୍ରତିଶୃତିବଦ୍ଧ । ସର୍ବାଧିକ ଲଘୁବନଜାତ ଦ୍ରବ୍ୟ ମୂଲ୍ୟ (ଏମ.ଏଫ.ପି ଏବଂ ଏମ୍.ଏସ.ପି) ସାହାଯ୍ୟରେ ସେମାନଙ୍କ ଜୀବନଧାରାକୁ ଆହୁରି ସହଜ କରିବାପାଇଁ କେନ୍ଦ୍ର ସରକାର ବିଶେଷ ଯତ୍ନବାନ । ପାର୍ବତ୍ୟ ଅଂଚଳ ତଥା ଆଦିବାସୀ ଅଧୁ୍ୟଷିତ ଇଲାକାରେ ମାଓବାଦୀ-ସନ୍ତ୍ରାସବାଦ ଗତ ଦୁଇ ଦଶନ୍ଧିରେ ବହୁ ପରିମାଣରେ ବୃଦ୍ଧି ପାଇଛି । ଉକ୍ତ ଅଂଚଳମାନଙ୍କରେ ବିକାଶର ଧାରା ବ୍ୟାହାତ ହୋଇଛି । ସରକାରଙ୍କ ତରଫରୁ ବିକାଶମୂଳକ କାର୍ଯ୍ୟକୁ ତ୍ୱରାନ୍ୱିତ କରିବା ସଂଗେସଂଗେ ଆଦିବାସୀ ଜନତାଙ୍କ ଭିତରେ ଉପଯୁକ୍ତ ଜାଗରଣ ସୃଷ୍ଟି କରି ଶିକ୍ଷା ଏବଂ ଶ୍ରମ ବିକାଶ ପାଇଁ ବିଭିନ୍ନ ପଦକ୍ଷେପ ନିଆଯାଇଛି । ଏ ସମସ୍ତ ଦିଗରେ କେନ୍ଦ୍ର ସରକାର ଓøଦ୍ୟୋଗିକ ସଂସ୍ଥାମାନଙ୍କର ଦାୟିତ୍ୱକୁ ବଢ଼ାଇବା ପାଇଁ ସ୍ୱତନ୍ତ୍ର କାନୁନ୍ ପ୍ରସ୍ତୁତ କରିଛନ୍ତି ଏବଂ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ଭାଇ ମୋଦିଜୀ ଏ ଦିଗରେ ବିଶେଷ ଉତ୍ସାହ ପ୍ରଦର୍ଶନ କରିଛନ୍ତି ।
ଭୁବନେଶ୍ୱରର କିଟ୍ ଓ କିସ୍ ଆନୁକୂଲ୍ୟରେ ଆଦିବାସୀ ବ୍ୟାପାରକୁ କେନ୍ଦ୍ର କରି ଆର୍ନ୍ତରାଷ୍ଟୀୟ ସମ୍ମିଳନୀ ଆୟୋଜନ କରିଥିବାରୁ କେନ୍ଦ୍ରମନ୍ତ୍ରୀ ଶ୍ରୀ ଓରାମ ଅନୁଷ୍ଠାନର ଉଦ୍ୟୋକ୍ତାମାନଙ୍କୁ ବିଶେଷ ସାଧୁବାଦ ଜଣାଇଥିଲେ ।
ଏହି ଆନ୍ତର୍ଜାତୀୟ ସମ୍ମିଳନୀରେ ନାଇଜେରିଆ, କଲମ୍ବିଆ, କ୍ରୋସିଆ, ଚେକ୍ ରିପବ୍ଳିକ, ଇଥିଓପିଆ, ଗୁଆଟାମାଲା, ଉଗାଣ୍ଡା, ବୁରୁଣ୍ଡି ତଥା ସେନେଗାଲ୍ ଭଳି ୨୩ଟି ବିଭିନ୍ନ ଦେଶର ରାଷ୍ଟ୍ରଦୂତ ଓ ବୈଦେଶିକ ବିଭାର ବରିଷ୍ଠ କର୍ମକର୍ତାଙ୍କ ସମେତ ୟୁ.ଏନ.ଏଫ.ପି.ଏ , ୟୁ.ଏନ.ଡ଼ି.ପି, ଆଇ.ଏଲ୍.ଓ ଭଳି ଆର୍ନ୍ତରାଷ୍ଟ୍ରୀୟ ସଂଗଠନର ମୁଖ୍ୟ ପ୍ରତିନିଧି ଓ ଦିଲ୍ଲୀ ଜବାହରଲାଲ ନେହେରୁ ବିଶ୍ୱବିଦ୍ୟାଳୟର ପ୍ରଫେସର ଆନନ୍ଦ କୁମାର ଏବଂ ମହାରାଷ୍ଟ ସରକାରଙ୍କ ଟି.ଆର.ଟି.ଆଇ. କମିଶନର ଶ୍ରୀ ଏସ.ଏମ୍. ସରକୁଣ୍ଡେ ଓ ବହୁ ବୁଦ୍ଧିଜୀବି ପ୍ରମୁଖ ଯୋଗଦେଇଥିଲେ ।

Share in top social networks!