ମୁଖ୍ୟମନ୍ତ୍ରୀଙ୍କୁ କେନ୍ଦ୍ରମନ୍ତ୍ରୀ ଜୟରାମ ରମେଶଙ୍କ ଚିଠି: ଆଦିବାସୀ ମାନଙ୍କ ସମସ୍ୟା ଉପରେ ଗୁରୁତ୍ଵ

jairam rameshକଳାହାଣ୍ଡି ଓ ନୂଆପଡା ଗ୍ରସ୍ତରେ ଆସି କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରୀ ଜୟରାମ ରମେଶ ଏହି ଅଞ୍ଚଳର ଆଦିବାସୀ ଓ ଲୋକପ୍ରତିନିଧି ମାନଙ୍କ ସହିତ ଆଲୋଚନା କରିବା ପରେ ଏ ସମ୍ପର୍କରେ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଛନ୍ତି | ବିଶେଷ କରି ଏହି ଅଞ୍ଚଳରେ ଆଇବାସୀ ମାନଙ୍କର ଉନ୍ନତି ଉପରେ ଦୃଷ୍ଟି ଦିଆନଯିବା ହେତୁ ରାୟଗଡା ଓ ନୂଆପଡା ସୀମାନ୍ତ ଅଞ୍ଚଳରେ ମାଓବାଦୀ ମାନଙ୍କର ପ୍ରଭାବ ଦିନକୁ ଦିନ ବଢିବାରେ ଲାଗିଛି | ସୁନାବେଡା ଓ ସରଣ୍ଡା ଜଙ୍ଗଲ ଏବେ ମାଓବାଦୀ ମାନଙ୍କର ଆଡ୍ଡାସ୍ଥଳୀରେ ପରିଣତ ହୋଇଯାଇଛି | ତେଣୁ ଏହିସବୁ ଅଞ୍ଚଳରେ ଯୋଜନାର କାର୍ଯ୍ୟକାରୀ ହେବା ଦରକାର | ଏହି ଅଞ୍ଚଳରରେ ରହିଥିବା ଡ଼ଙ୍ଗରିଆ କନ୍ଧମାନଙ୍କର ଉନ୍ନତି ଉପରେ ମଧ୍ୟ ଦୃଷ୍ଟି ଦିଆଯିବା ଦରକାର |

ଏହିସବୁ ଅଞ୍ଚଳ ପାଇଁ ସ୍ଵତନ୍ତ୍ର ଯୋଜନା କରିବା ଦରକାର ବୋଲି ସେ ଏହି ଚିଠିରେ ଉଲ୍ଲେଖ କରିଥିବା ଜଣାପଡିଛି | ସେହିପରି ଭାବେ ଏହିସବୁ ଅଞ୍ଚଳରେ ରହିଥିବା ଲୋକମାନଙ୍କ ପାଇଁ ଇନ୍ଦିରାଆବାସ ଯୋଜନାର ବ୍ୟବସ୍ଥା କରିବା ସହିତ NRLM ଯୋଜନାରେ ମଧ୍ୟ ଆବଶ୍ୟକୀୟ ବ୍ୟବସ୍ଥା କରାଯିବ ଦରକାର ବୋଲି ସେ ଏଥିରେ ଉଲ୍ଲେଖ କରିଥିଲେ | ବିଶେଷ କରି ପ୍ରଧାନମନ୍ତ୍ରୀ ଗ୍ରାମ୍ୟସଡକ ଯୋଜନା ରେ ଏହି ସବୁ ଅଞ୍ଚଳକୁ ଯୋଗାଯୋଗର ସୁବିଧା କରାଯିବା ଆବଶ୍ୟକ ବୋଲି ଏହି ଚିଠିରେ ଉଲ୍ଲେଖ କରାଯାଇଛି | ଅନ୍ୟପକ୍ଷରେ ଆସନ୍ତା ଫେବୃୟାରୀ ୧୫ ତାରିଖରେ ସେ ପୁନଃର୍ବାର ଓଡିଶା ଗ୍ରସ୍ତରେ ଆସିପାରନ୍ତି |

ଅନ୍ୟପକ୍ଷରେ କେନ୍ଦ୍ରମନ୍ତି ଶ୍ରୀ ରମେଶଙ୍କ ଚିଠି ଉପରେ ଗଣମାଧ୍ୟମରେ ପ୍ରତିକ୍ରିୟା ଦେଇ ବିଜେଡି ଦଳର ବିଶିଷ୍ଠ ନେତା ତଥା ଅର୍ଥମନ୍ତ୍ରୀ ପ୍ରସନ୍ନଆଚାର୍ଯ୍ୟ କହିଛନ୍ତି ଯେ ନିର୍ବାଚନ ସମୟ ଆସିଲେ ଏହିପରି ଭେଳିକି ଦେଖାଯାଏ | ତେବେ ରାଜ୍ୟ ସରକାରଙ୍କ ପକ୍ଷରୁ ବିକାଶ ମୂଳକ କାର୍ଯ୍ୟକ୍ରମ ଜାରି ରହିଛି | ଆଗାମୀ ଦିନରେ ଏହି ପ୍ରକ୍ରିୟାକୁ ଆହୁରି ଜୋରଦାର କରାଯିବ ବୋଲି ସେ କହିଥିଲେ |

Share in top social networks!

କେନ୍ଦ୍ର ମନ୍ତ୍ରୀ ଜୟରାମ ରମେଶ ଲାଞ୍ଜିଗଡରେ ଡ଼ଙ୍ଗରିଆ କନ୍ଧଙ୍କୁ ଭେଟିବେ

DSC00237କେନ୍ଦ୍ର ଗ୍ରାମ୍ୟ ଉନ୍ନୟନ ମନ୍ତ୍ରୀ ଜୟରାମ ରମେଶ ଓଡିଶା ଆସୁଛନ୍ତି | ଭୁବନେଶ୍ୱର ନୁହେଁ, ଲାଞ୍ଜିଗଡ ଯିବେ, ଡ଼ଙ୍ଗରିଆ କନ୍ଧମାନଙ୍କ ସହ ଆଲୋଚନା କରିବେ | ନକ୍ସଲ ଉପଦ୍ରୁତ ନୂଆପଡା ଜିଲ୍ଲାରେ ରାତି କାଟିବେ |

ଜୟରାମଙ୍କ ଦୁଇ ଦିନିଆ ଗ୍ରସ୍ତ ଆରମ୍ଭ ହେବ ଆସନ୍ତା ୧୩ ତାରିଖ ଠାରୁ | ଘରୋଇ ବିଭାଗ ସୂତ୍ରରୁ ମିଳିଥିବା କାର୍ଯ୍ୟସୂଚୀ କହୁଛି ମନ୍ତ୍ରୀ ବିମାନ ଯୋଗେ ରାଇପୁର ଆସିବେ ୧୨ ତାରିଖରେ | ସେଠୁ କେଶିଙ୍ଗାକୁ ଟ୍ରେନ୍ ଯାତ୍ରା (କୋର୍ବା-ବିଶାଖପାଟଣା ଏକ୍ସପ୍ରେସ୍) | ୧୨ ରାତି ସାଢେ ୧ଟାରେ ଭାବନିପାଟଣା ପହଞ୍ଚିବେ | ୧୩ ସକାଳ ୮ଟାରେ ବାହାରିବେ ଲାଞ୍ଜିଗଡ | ବାଟରେ ବିଷବନାଥପୁରରେ ମଡେଲ୍ ସ୍କୁଲ ଭିତ୍ତି ପ୍ରସ୍ତର ସ୍ଥାପନ କରିବେ | ତା’ପରେ ଲଞ୍ଚିଗଡରେ ରାଜୀବ ଗାନ୍ଧୀ ସେବା କେନ୍ଦ୍ର ପାଇଁ ମଧ୍ୟ ଭିତ୍ତି ଦେବେ |

ସକାଳ ପ୍ରାୟ ସାଢେ ୧୦ଟାରେ ଡ଼ଙ୍ଗରିଆ କନ୍ଧ ଏବଂ କୁଟିଆ କନ୍ଧ ସମ୍ପ୍ରଦାୟ ସହ ବାର୍ତାଳାପ କରିବେ ଘଣ୍ଟାଏ | ଭବାନୀପାଟଣା ଫେରି ସେଠି ପଞ୍ଚାୟତିରାଜ ନିର୍ବାଚିତ ପ୍ରତିନିଧିମାନଙ୍କ ସମ୍ମିଳନୀରେ ଭାଷଣ ଦେବେ | ଅପହରଣ ସାଢେ ୪ଟାରେ ଘଣ୍ଟାଏ କାଳ ସମୀକ୍ଷା କରିବେ କଳାହାଣ୍ଡିରେ ଚାଲିଥିବା ବିଭିନ୍ନ ଗ୍ରାମ୍ୟ ଉନ୍ନୟନ ଯୋଜନା ସମ୍ପର୍କରେ |

ସେଦିନ ସନ୍ଧ୍ୟାରେ ନୂଆପଡା ଯିବେ, ରାତି କାଟିବେ | ୧୪ ସକାଳେ କ୍ଷେତ୍ର ପରିଦର୍ଶନ କରିବେ | ଯେଉଁ ଯୋଜନା କେମିତି କାର୍ଯ୍ୟକାରୀ ହେଉଛି, ଦେଖିବେ | ପଞ୍ଚାୟତ ପ୍ରତିନିଧିମାନଙ୍କୁ ଭେଟି ଆଲୋଚନା କରିବେ ଏବଂ ସନ୍ଧ୍ୟାରେ ରାୟପୁର ଫେରିଯିବେ |

Share in top social networks!