ଦ୍ଵାଦଶ ଯୋଜନାରେ ରାଜ୍ୟସରକାର 24ଟି ITI ପ୍ରତିଷ୍ଠା କରିବେ

MAP-5ଦ୍ଵାଦଶ ପଞ୍ଚବାର୍ଷିକ ଯୋଜନା କାଳରେ ରାଜ୍ୟସରକାର ନିଜସ୍ଵପାଣ୍ଠି ରୁ 24 ଟି ITI ନିର୍ମାଣ କରିବା ପାଇଁ ନିଷ୍ପତ୍ତି ନେଇଛନ୍ତି । ଏଥିମଧ୍ୟରୁ 6 ITI ର ପ୍ରତିଷ୍ଠା ପାଇଁ ସ୍ଥାନ ନିରୂପଣ କରାଯାଇ ନିର୍ମାଣର ପ୍ରାରମ୍ଭିକ ପ୍ରକ୍ରିୟା ଆରମ୍ଭ କରାଯାଇଛି । ଏହି 6ଟି ITI ରାଇଘର,ଚନ୍ଦାହାଣ୍ଡି,ଲକ୍ଷ୍ମୀପୁର,ଖରିଆର,ନୟାଗଡ ଓ ଝାରସୁଗୁଡାରେ ପ୍ରତିଷ୍ଠା କରାଯାଉଛି । 2013-14 ଆର୍ଥିକ ବର୍ଷ ଶେଷ ସୁଦ୍ଧା ଏହା ସଂପୂର୍ଣ୍ଣ କରିବାର ଲକ୍ଷ୍ୟ ରଖାଯାଇଛି । ଆଜି ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଙ୍କ ଅଧ୍ୟକ୍ଷତାରେ ସଚିବାଳୟରେ ଅନୁଷ୍ଠିତ ଏକ ବୈଠକରୁ ଏହା ଜଣାଯାଇଛି । ସୂଚନାଯୋଗ୍ୟ ଯେ ରାଜ୍ୟରେ ବର୍ତ୍ତମାନ ରାଜ୍ୟସରକାରଙ୍କ ପରିଚାଳିତ 29ଟି ITI ରହିଛି ।

ଏହା ସହିତ ରାୟଗଡା ଠାରେ ଗୋଟିଏ ଓ ବାରଙ୍ଗରେ ଭିନ୍ନକ୍ଷମ ମାନଙ୍କ ପାଇଁ ଗୋଟିଏ ITI ନିର୍ମାଣାଧୀନ ରହିଛି । ଦ୍ଵାଦଶଯୋଜନାରେ ରାଜ୍ୟ ସରକାର ଆଉ 24 ଟି ITI ନିର୍ମାଣ କରିବେ । ଏହା ସହିତ ବର୍ତ୍ତମାନ poly technique ର ନିର୍ମାଣ କାର୍ଯ୍ୟ ସଂପୂର୍ଣ୍ଣ ହୋଇଛି ଏବଂ ଅଗଷ୍ଟ ମାସରୁ ଏହି 8ଟି poly-technique ରେ ପାଠପଢା ଆରମ୍ଭ ହେବ ବୋଲି ସୂଚନା ଦିଆଯାଇଥିଲା । ଏହି ପଲିଟେକନିକ୍ ଗୁଡିକ ସମ୍ବଲପୁର,ସୁବର୍ଣ୍ଣପୁର,ନବରଙ୍ଗପୁର,କନ୍ଧମାଳ,ବାଲେଶ୍ଵର,କେନ୍ଦ୍ରାପଡା,ଗଜପତି,ଓ ବଲାଙ୍ଗୀରରେ ପ୍ରତିଷ୍ଠା କରାଯାଇଛି । ଏଥିରେ 2000 ଛାତ୍ରଛାତ୍ରୀ ପାଠ ପଢିବେ । ବୈଠକର ସୂଚନା ଅନୁଯାୟୀ କେନ୍ଦ୍ରସରକାରଙ୍କ ପକ୍ଷରୁ ଗୁମ୍ମା ଓ ମୋହନାଠାରେ 2ଟି ITI ଏବଂ 5ଟି LWE ଜିଲ୍ଲାରେ 5ଟି ITI ଓ 10ଟି ଦକ୍ଷତା ବୃଦ୍ଧି କେନ୍ଦ୍ର ପ୍ରତିଷ୍ଠା ପାଇଁ କାର୍ଯ୍ୟକ୍ରମ ଗ୍ରହଣ କରାଯାଇଛି ।

ତାଳଚେର ଠାରେ ବିଶ୍ଵବ୍ୟାଙ୍କ ସହାୟତାରେ ଏକ ପ୍ରଶିକ୍ଷଣ ପ୍ରତିଷ୍ଠାନ ଏବଂ ଭୁବନେଶ୍ଵର ଶୈଳେଶ୍ରୀବିହାର ଠାରେ ମଧ୍ୟ ଏକ ପ୍ରଶିକ୍ଷକ ପ୍ରଶିକ୍ଷଣ କେନ୍ଦ୍ର ପ୍ରତିଷ୍ଠା ପାଇଁ ଅଅଦଖେପା ଗ୍ରହଣ କରାଯାଇଛି ବୋଲି ବୈଠକରେ ସୂଚନା ଦିଆଯାଇଥିଲା । ବର୍ତ୍ତମାନ ରାଜ୍ୟ ସରକାର ଙ୍କ ପରିଚାଳିତ 29 ଟି ITIରେ ଛାତ୍ରଛାତ୍ରୀ ସଂଖ୍ୟା 9936 ଥିବାବେଳେ 2016-17 ସୁଦ୍ଧା ଏହି କ୍ଷମତାକୁ 46,280 କୁ ବୃଦ୍ଧି କରିବା ପାଇଁ ଲକ୍ଷ୍ୟ ରଖାଯାଇଅଛି । ନୂଆ ITI ଓ skill development centre ନିର୍ମାଣ ଦ୍ଵାରା ଏହି ଲକ୍ଷ୍ୟ ପୂରଣ ହେବ । ଏହି ବୈଠକରେ ବିଭାଗୀୟ ମନ୍ତ୍ରୀ ଶ୍ରୀ ପ୍ରତାପ କେଶରୀ ଦେବ,ମୁଖ୍ୟ ଶାସନ ସଚିବ ଯୁଗଳ କିଶୋର ମହାପାତ୍ର ଏବଂ ବିଭାଗୀୟ ସଚିବ ଶ୍ରୀ ଚନ୍ଦ୍ର ଶେଖର କୁମାର ପ୍ରମୁଖ ଉପସ୍ଥିତ ଥିଲେ ।

Share in top social networks!