ଓଡିଶାରେ ଗୁଟଖା ସେବନ, ପ୍ରସ୍ତୁତି ଏବଂ ବିକ୍ରୟକୁ ସରକାର ନିଷେଧ କରିଛନ୍ତି

ଓଡିଶାରେ ଗୁଟଖା ସେବନ, ପ୍ରସ୍ତୁତି ଏବଂ ବିକ୍ରୟକୁ ସରକାର ନିଷେଧ କରିଛନ୍ତି | ଏ ନେଇ ଖୁବଶୀଘ୍ର ବିଜ୍ଞପ୍ତି ପ୍ରକାଶ ପାଇବ ବୋଲି ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡାଃ ଦାମୋଦର ରାଉତ କହିଛନ୍ତି |
ଓଡିଶାରେ ଏହି ନିଷେଧ ଆଦେଶ ଲାଗୁ କରାଯିବା ସମ୍ପର୍କରେ ସୂଚନା ଦେଇ ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡାଃ ଦାମୋଦର ରାଉତ କହିଛନ୍ତି ଯେ ତମାଖୁ ମିଶ୍ରିତ ଗୁଟୁଖା ବ୍ୟବହାର କରିବା ଯୋଗୁ ସାଧାରଣତଃ ମୁଖ ଗହ୍ଵର କର୍କଟ ରୋଗରେ ଲୋକମାନେ ଆକ୍ରାନ୍ତ ହୋଇ ଥାଆନ୍ତି |
IMG_0035
ସମଗ୍ର ବିଶ୍ଵରେ ଏହି ରୋଗରେ ଆକ୍ରାନ୍ତ ଙ୍କ ମଧ୍ୟରୁ ଆମ ଦେଶରେ ପ୍ରାୟ ଅଧିକ ଲୋକ ଆକ୍ରାନ୍ତ |ସେହି ଦୃଷ୍ଟିରୁ ବିଚାର କରାଯାଇ ସାଧାରଣ ଲୋକଙ୍କ ସ୍ଵାସ୍ଥ୍ୟର ସୁରକ୍ଷା ନିମନ୍ତେ ଖାଦ୍ୟ ନିରାପତ୍ତା ଏବଂ ମାନକ (ବିକ୍ରୟ କଟକଣା ଓ ନିଷେଧ) ନିୟମାକ ୨୦୧୧ ଧାରା ୨୩୪ ଅନୁଯାୟୀ ଏହି ନିଷେଧ କରାଯାଇଛି | ପୂର୍ବରୁ ଦେଶର ୧୨ ଟି ରାଜ୍ୟରେ ଏହାକୁ ନିଷେଧ କରାଯାଇଥିବା ବେକେ ବର୍ତ୍ତମାନ ଓଡିଶା ୧୩ତମ ରାଜ୍ୟ | ଏ ନେଇ ମାନ୍ୟବର ସର୍ବୋଚ୍ଚ ନ୍ୟାୟାଳୟ ଗୋଧୱାରା ପାନ ମସଲା ଏବଂ କେନ୍ଦ୍ରସରକାରଙ୍କ ଏକ ମାମଲାରେ ଏହାକୁ ଖାଦ୍ୟ ସୁରକ୍ଷା ଦୃଷ୍ଟିରୁ ନିଷେଧ କରିବାକୁ କହିଥିଲେ |

ବିହାର, କେରଳ, ମଧ୍ୟପ୍ରଦେଶ, ରାଜସ୍ଥାନ, ଛତିଗଡ ଏବଂ ମହାରାଷ୍ଟ୍ର ଆଦି ଅନେକ ରାଜ୍ୟରେ ତମାଖୁ ମିଶ୍ରିତ ଗୁଟୁଖାକୁ ନିଷିଦ୍ଧ କରିଛନ୍ତି | ଏହିପରି ସ୍ଥଳେ ସମସ୍ତ ଦୃଷ୍ଟିରୁ ବିଚାର କରି ମୁଖ୍ୟମନ୍ତ୍ରୀଙ୍କ ଅନୁମୋଦନ କ୍ରମେ ରାଜ୍ୟରେ ତମାଖୁ ମିଶ୍ରିତ ଗୁଟୁଖା ସେବନ, ପ୍ରସ୍ତୁତି ଏବଂ ବିକ୍ରୟ ଉପରେ ନିଷେଧାଦେଶ ଲଗାଇଛନ୍ତି | ଏ ନେଇ ଆସନ୍ତା ଦୁଇ ତିନିଦିନ ମଧ୍ୟରେ ସ୍ୱାସ୍ଥ୍ୟ ଓ ପରେବର କଲ୍ୟାଣ ବିଭାଗ ତରଫରୁ ବିଧିବଦ୍ଧ ବିଜ୍ଞପ୍ତି ପ୍ରକାଶ ପାଇବ ବୋଲି ସ୍ଵାସ୍ଥମନ୍ତ୍ରୀ ଡାଃ ରାଉତ ପ୍ରକାଶ କରିଛନ୍ତି |

Share in top social networks!