ଓ.ଏମ୍.ସି. ଗୁରୁ କେଳୁଚରଣ ମହାପାତ୍ର ପୁରସ୍କାର ଉତ୍ସବର ଅନ୍ତିମ ସଂଧ୍ୟାରେ ଓଡ଼ିଶୀ ନୃତ୍ୟରେ “”ମହାନାୟକ ବିଜୟାନନ୍ଦ”

AMP_1006

ସୃଜନ ଦ୍ୱାରା ଆୟୋଜିତ ୨୩ ତମ ଗୁରୁ କେଳୁଚରଣ ମହାପାତ୍ର ପୁରସ୍କାର ଉତ୍ସବର ଆଜି ଥିଲା ଅନ୍ତିମ ସଂଧ୍ୟା । ଏହି ଉତ୍ସବର ମୂଳ ଉଦେ୍ର୍ଧଶ୍ୟ ଓଡ଼ଶାର ସଂସ୍କୃତି ପ୍ରେମୀ ଦର୍ଶକମାନଙ୍କୁ ଭାରତର ବିଭିନ୍ନ ଶାସ୍ତ୍ରୀୟ ନୃତ୍ୟକୁ ପ୍ରଦର୍ଶିତ କରାଇବା ସହିତ ଓଡ଼ିଶାର ଯୁବ କଳାକାରମାନଙ୍କୁ ଉତ୍ସାହିତ କରିବା । ୧୯୯୫ମସିହାରୁ ପ୍ରତିବର୍ଷ ଓଡ଼ିଶାରେ ନୃତ୍ୟ, ସଙ୍ଗୀତ, ମଞ୍ଚ ଏବଂ ସିନେମା କ୍ଷେତ୍ରରେ ପ୍ରସିଦ୍ଧି ଲାଭ କରିଥିବା ବ୍ୟକ୍ତି ବିଶେଷଙ୍କୁ ନାଲକୋ ଗୁରୁ କେଳୁଚରଣ ମହାପାତ୍ର ପୁରସ୍କାର ସ୍ୱରୂପ ୧ ଲକ୍ଷ ଟଙ୍କା ଲେଖାଏଁ ଦୁଇଗୋଟି ପୁରସ୍କାର ପ୍ରଦାନ କରାଯାଇଥାଏ । ସେହିପରି ପ୍ରତ୍ୟେକ ବର୍ଷ ଦେଶର ସୁନାମଧନ୍ୟ ଶାସ୍ତ୍ରୀୟ ନୃତ୍ୟ ଓ ଓଡ଼ଶୀ ସଙ୍ଗୀତ ପାଇଁ ଚାରିଜଣ ଯୁବ କଳାକାରଙ୍କୁ ନାଲକୋ ଗୁରୁ କେଳୁଚରଣ ମହାପାତ୍ର ଯୁବ ପ୍ରତିଭା ସମ୍ମାନ ପ୍ରଦାନ କରାଯାଇଥାଏ ।
ଏହି ବର୍ଷ ନୃତ୍ୟ ବିଶାରଦ ଗୁରୁ ଧୃବଚରଣ ବିଶ୍ୱାଳ ଓ ସଙ୍ଗୀତ ବିଶାରଦ ଶ୍ରୀମତୀ ଶ୍ୟାମାମଣୀ ଦେବୀଙ୍କୁ ନାଲକୋ ଗୁରୁ କେଳୁଚରଣ ମହାପାତ୍ର ପୁରସ୍କାର ୨୦୧୭ ଏବଂ ଓଡ଼ିଶୀ ନୃତ୍ୟରେ ଶ୍ରୀ ଲିଙ୍ଗରାଜ ପ୍ରଧାନ ଓ ଶ୍ରୀମତୀ ନମ୍ରତା ମେହେତା ଏବଂ ଭରତନାଟ୍ୟମରେ ଶ୍ରୀମତୀ ଜୋତ୍ସ୍ନା ଜଗନ୍ନାଥନ୍ ଓ ଓଡ଼ିଶୀ ସଙ୍ଗୀତରେ ଶ୍ରୀ ଯତିନ୍ କୁମାର ସାହୁଙ୍କୁ ନାଲକୋ ଗୁରୁ କେଳୁଚରଣ ମହାପାତ୍ର ଯୁବ ପ୍ରତିଭା ସମ୍ମାନ ୨୦୧୭ ସମ୍ମାନରେ ଅତିଥିମାନଙ୍କ ଦ୍ୱାରା ସମ୍ମାନିତ କରାଯାଇଥିଲା ।
ଅନ୍ତିମ ସଂଧ୍ୟାରେ ସୃଜନର ଶିଳ୍ପୀମାନେ ପ୍ରସ୍ତୁତ କରିଥିଲେ ତାଙ୍କର ପ୍ରଥମ କାର୍ଯ୍ୟକ୍ରମ ତରାନା ପରେ ପରେ ରାଗ ବୃନ୍ଦାବଣୀ ସାରଙ୍ଗ ଓ ଆଦି ତାଳ ଉପରେ ପର୍ଯ୍ୟବେଶିତ ହରି ସମାରଣେ ପରିବେଶିତ ହୋଇଥିଲା । ସେମାନଙ୍କର ଅନ୍ତିମ କାର୍ଯ୍ୟକ୍ରମ ଥିଲା ନୃତ୍ୟାଭିନୟ ମହାନାୟକ ବିଜୟାନନ୍ଦ । ଜନସାଧାରଣଙ୍କ ମଧ୍ୟରେ ଏକ ସାହାସୀ ଓ ପରାକ୍ରମୀ ଯୁବକ ପରେ ପରେ ଏକ ସୁଶାସକ, ରାଜନେତା ଭାବରେ ନିଜ ଜୀବନକୁ ଉତ୍ସର୍ଗ କରିବା ସହିତ ପ୍ରତିକୂଳ ପରିସ୍ଥିତିରେ ନିଜର ସାହାସିକତା ଏବଂ ଏକାଗ୍ରତା ପ୍ରତିପାଦିତ କରିବା ଏକ କିମ୍ବଦନ୍ତିର ପରିଚୟ ବହନ କରିଥାଏ । ଯିଏ ଜଣେ ଦୟାଳୁ, ପରୋପକାରୀ ସହିତ ସୁଖ ଓ ଦୁଃଖକୁ ସହଜରେ ଜିତି ପାରୁଥିବା ମଣିଷ ବିଜୟାନନ୍ଦ । ସେ ସାଧାରଣ ମଣିଷଙ୍କ ମଧ୍ୟରେ ରହି ଖୁସି ବାଣ୍ଟିବା ସହିତ ଖୁସି ଅନୁଭବ କରୁଥିବା ଲୋକ । ସେଥିପାଇଁ ତାଙ୍କର ନାମ ମହାନାୟକ ବିଜୟାନନ୍ଦ । ଗୁରୁ ରତିକାନ୍ତ ମହାପାତ୍ର ଏହି କାର୍ଯ୍ୟକ୍ରମଟିକୁ ନୃତ୍ୟ ନିଦେ୍ର୍ଧଶନା ଦେଇଥିଲେ । ଶ୍ରୀ ଲକ୍ଷ୍ମୀକାନ୍ତ ପାଳିତ ସଂଙ୍ଗୀତ ସଂଯୋଜନା ସହିତ ଜୟଦେବ ଦାସଙ୍କ ଦ୍ୱାରା ଆଲେଖ୍ୟ ଏବଂ ନିତ୍ୟାନନ୍ଦ ମିଶ୍ରଙ୍କ ଦ୍ୱାରା ଗୀତ ରଚନା କରାଯାଇଥିଲା । ନିଖୁଣ ଏବଂ ସମୟ ସାମୟିକ ସଂରଚନାରେ ସୁନ୍ଦର ଓ ଚମକ୍ରାର ପରିବେଷଣ ଅତ୍ୟନ୍ତ ଚିତ୍ତାକର୍ଷକ ଓ ଭାବୋଦ୍ଧୀପକ ଥିଲା ଯାହାକୁ ଶେଷ ପର୍ଯ୍ୟନ୍ତ ଦର୍ଶକମାନେ ଉପଭୋଗ କରିଥିଲେ ।
ଉତ୍ସବର ଅତିଥିମାନେ ଥିଲେ ଉନ୍ନୟନ କମିଶନର ତଥା ଅତିରିକ୍ତ ଶାସନ ସଚିବ ଶ୍ରୀଯୁକ୍ତ ଆର. ବାଲାକ୍ରିଶନନ୍; ଓଡ଼ିଶା ସରକାରଙ୍କ ପୂର୍ବତନ ରାଜସ୍ୱ ପରିଷଦର ମେମ୍ବର ଶ୍ରୀଯୁକ୍ତ ଅଶୋକ କୁମାର ତ୍ରିପାଠୀ; ବିଶିଷ୍ଟ କଳା ସମାଲୋଚିକା ଲୀଲା ଭେଙ୍କଟରମଣ ଏବଂ ସୃଜନର ନିଦେ୍ର୍ଧଶକ ଗୁରୁ ଶ୍ରୀ ରତିକାନ୍ତ ମହାପାତ୍ର ।

Share in top social networks!

ଦକ୍ଷ ମଶୃୱାଲାଙ୍କ ଓଡ଼ିଶୀ ଅଭିନୟ ଏବଂ ଦୀପକ୍‍ ପଣ୍ଡିତ୍‍ଙ୍କ ବେହେଲା ବାଦନରେ ବିଭୋର ଦ ବିଭୋର ଦର୍ଶକ

gkcm3ସୃଜନ ଅନୁଷ୍ଠାନ ଦ୍ୱାରା ଆୟୋଜିତ ଗୁରୁ କେଳୁଚରଣ ମହାପାତ୍ର ପୁରସ୍କାର ଉତ୍ସବର ତୃତୀୟ ସଂଧ୍ୟା ଥିଲା ବିଖ୍ୟାତ ଓଡ଼ିଶୀ ନୃତ୍ୟାଙ୍ଗନା ଦକ୍ଷା ମଶୃୱାଲା ଓ ସାଥୀଙ୍କ ଦ୍ୱାରା ଓଡ଼ିଶୀ ନୃତ୍ୟ ଏବଂ ବିଶିଷ୍ଟ ଭାୟଲିନ୍‍ ବାଦକ ଦୀପକ୍‍ ପଣ୍ଡିତ୍‍ଙ୍କ ଦ୍ୱାରା ବେହେଲା ବାଦନ ।

ସଂଧ୍ୟାର ପ୍ରଥମ କାର୍ଯ୍ୟକ୍ରମ ଆରମ୍ଭ ହୋଇଥିଲା ମୁମ୍ବାଇରୁ ଆସିଥିବା ଗୁରୁ ଶ୍ରୀମତୀ ଦକ୍ଷା ମଶୃୱାଲା ଓ ତାଙ୍କ ଅନୁଷ୍ଠାନ କୈଶିକିର ଶିଳ୍ପୀଙ୍କ ଦ୍ୱାରା ଓଡ଼ିଶୀ ନୃତ୍ୟ ପରିବେଷଣ । ପ୍ରଥମ ପ୍ରସ୍ତୁତିରେ ଥିଲା ବାକ୍‍ଦେବୀ ସରସ୍ବତୀଙ୍କ ଆବାହନ ଯାହାର ପରିସମାପ୍ତି ହୋଇଥିଲା ଦୁର୍ଗା, ଲକ୍ଷ୍ମୀ ଓ ସରସ୍ବତୀଙ୍କ ଆବାହନରେ । ରାଗ ରାଗମାଳିକା ଓ ତାଳ ତାଳମାଳିକା ଉପରେ ନିବଦ୍ଧ ଏହି ନୃତ୍ୟର ସଙ୍ଗୀତ ରଚନା ମୋନଜ ଦେଶାଇ କରିଥିଲା ବେଳେ ନୃତ୍ୟ ସଂରଚନା କରି ଥିଲେ ନିଜେ ଗୁରୁ ଦକ୍ଷା ମଶୃୱାଲା । ଦ୍ୱିତୀୟ ପ୍ରସ୍ତୁତିରେ ଥିଲା ଗୀତଗୋବିନ୍ଦ ଆଧାର ୟାହି-ମାଧବ । ରାଗ ଭୌରବୀ ଓ ତାଳ ଜତି ଉପରେ ନିବଦ୍ଧ ଏହି ନୃତ୍ୟର ସ୍ବର ସଂଯୋଜନା କରିଥିଲେ ପଣ୍ଡିତ ଭୁବନେଶ୍ୱର ମିଶ୍ର ଏବଂ ନୃତ୍ୟ ସଂରଚନା କରିଥିଲେ ଗୁରୁ କେଳୁ ଚରଣ ମହାପାତ୍ର । ଯେଉଁ ଅଭିନୟରେ ରାଧା ପାଲଟିଯାଇଥିଲେ ଖଣ୍ଡିତା ନାୟିକା ଏବଂ ଖଣ୍ଡିତା ନାୟିକାର ଖେଦୋକ୍ତିକୁ ଅତି ଚମକ୍ରାର ଭାବରେ ନିଜ ଅଭିନୟର ଚାତୁରିରେ ବଖାଣିଥିଲେ ନିଜେ ଦକ୍ଷା ମଶୃୱାଲା । ଏମାନଙ୍କର ଅନ୍ତିମ ପ୍ରସ୍ତୁତିରେ ଥିଲା ଏକ ନିଆରା ନୃତ୍ୟ ନାଟିକା ଶ୍ୟାଗିବ୍ୟାଗି ।

୧୯୪୮ ମସିହାରେ ରଚିତ ଇଂରାଜୀ ଗଳ୍ପର ଆଧାରରେ ଶିଶୁ ହାତିଟିଏ ତାର ନିଜସ୍ବ ଶାରିରିକ ବିଚିତ୍ରତାର କାରଣ ଖୋଜିବାକୁ ଯାଇ ଜଙ୍ଗଲର ଅନ୍ୟ ପଶୁ ପକ୍ଷୀଙ୍କ ସହ ନିଜର ଏକ ତୁଳନାତ୍ମକ ଚିତ୍ର ସେ ଅଙ୍କନ କରିବସେ ଏବଂ ନିଜପାଇଁ ଅନେକ କାହିଁକିର ଉତ୍ତର ଖୋଜେ । ଏହାର ସଙ୍ଗୀତ ସଂଯୋଜନା ଅଗ୍ନିମିତ୍ର ବେହେରା କରିଥିଲା ବେଳେ ନୃତ୍ୟ ସଂରଚନା କରିଥିଲେ ଗୁରୁ ରତିକାନ୍ତ ମହାପାତ୍ର ।

ଦ୍ୱିତୀୟ ପର୍ଯ୍ୟାୟରେ ମୁମ୍ବାଇରୁ ଆସିଥିବା ଦୀପକ୍‍ ପଣ୍ଡିତ୍‍ ବେହେଲଶ ବାଦନ କରିଥିଲେ । ରାଗ ଚାରୁକେଶି ଓ ମଧ୍ୟଲୟ ତିନତାଲ୍‍ରୁ ତାଙ୍କ ପ୍ରସ୍ତୁତି ଆରମ୍ଭ କରି ଅନ୍ତିମ ଧୂନ୍‍ ପର୍ଯ୍ୟନ୍ତ ତାଙ୍କ ବେହେଲାର ମୁର୍ଚ୍ଛନା ମୋହିତ କରି ରଖିଥିଲା ପ୍ରେକ୍ଷାଳୟର ଦର୍ଶକମାନଙ୍କୁ । ତାଙ୍କୁ ତବ୍‍ଲା ରେ ସହଯୋଗ କରିଥିଲେ ପ୍ରଖ୍ୟାତ ତବ୍‍ଲା ବାଦକ ହୀରା ପଣ୍ଡିତ୍‍ ଓ ମୃଦଙ୍ଗମ୍‍ ରେ ସହଯୋଗ କରିଥିଲେ ରାଜେଶ୍‍ ଶ୍ରୀନୀବାସନ୍‍ ।

ଉତ୍ସବର ଅତିଥି ଥିଲେ ପ୍ରଖ୍ୟାତ ବଂଶୀ ବାଦକ ପଣ୍ଡିତ୍‍ ମୋହିନି ମୋହନ ପଟ୍ଟନାୟକ; କଥକ ନୃତ୍ୟାଙ୍ଗନା ଶ୍ରୀମତୀ ଉମା ଡ଼ଗରା ଏବଂ ସୃଜନର ନିର୍ଦ୍ଦେଶକ ଗୁରୁ ଶ୍ରୀ ରତିକାନ୍ତ ମହାପାତ୍ର । କାର୍ଯ୍ୟକ୍ରମ ପରିଚାଳନା କରିଥିଲେ ଇଂ ଶ୍ରୀନିବାସ ଘଟୁଆରୀ ।

Share in top social networks!