ଶେଷରେ ଗଜରାଜଙ୍କ ମୃତ୍ୟୁ :ଜଙ୍ଗଲ ବିଭାଗ କାର୍ଯ୍ୟ ସନ୍ଦେହରେ

mruta hatiଦୀର୍ଘ ଦିନ ହେବ ପ୍ରସବ ସ୍ଥଳୀରେ ଯନ୍ତ୍ରଣା ଓ କିଛି ଦିନ ହେଲା ଖାଦ୍ୟ ଛାଡି ଦେଇଥିବା ଜଙ୍ଗଲି ମାଈ ହାତୀର ଶେଷରେମୃତ୍ୟୁଘଟିଛି । ଅସହ୍ୟ ଯନ୍ତ୍ରଣା ଯୋଗୁଁ ମାଈ ହାତୀଟି ଗୁରୁବାର ବିଳମ୍ବିତ ରାତ୍ରରେ ଶେଷ ନିଃଶ୍ଵାସ ତ୍ୟାଗ କରିଛି। ମୃତ ହାତିକୁ ସମସ୍ତ ସାଥି ଛାଡି ପଳାଇଥିବା ବେଳେ ଶୁକ୍ରବାର ସକାଳ ୭ତା ସମୟ ପର୍ଯ୍ୟନ୍ତ ଛୁଆ ହାତୀ ଟି ନିଜ ମା’ର ଶବ ନିକଟରେ ଉପସ୍ଥିତ ରହିଥିଲା । ଗୁରୁବାର ରାତ୍ରରେ ହାତୀଟିର ମୃତ୍ୟୁ ଘଟିଥିବାରୁ ଲେନ୍ଦ୍ରି ମାଳିଗୁଡା ଗ୍ରାମବାସୀ ଗ୍ରାମରୁ ଲକ୍ଷ୍ମୀ ଛାଡି ଗଲେ ବୋଲି ଆଲୋଚନା କରିଥିଲେ ।

ଗ୍ରାମବାସୀ ମାନେ ମୃତ ହାତୀ ନିକଟରେ ଧୂପ କାଠି ଦେଇ ମୁଣ୍ଡିଆ ମାରିବାର ଦେଖାଦେଇଥିଲା । ହାତୀ ମୃତ୍ୟୁରେ ସ୍ଥାନୀୟ ବାସିନ୍ଦା ମ୍ରିୟମାଣ ହୋଇ ଶବ ନିକଟରେ କ୍ରନ୍ଦନ ଗତ ହୋଇଥିବା ଦେଖା ଯାଇଥିଲା । କେତେକ ଏହାକୁ ଜଙ୍ଗଲ ବିଭାଗର ଅବହେଳା ଯୋଗୁଁ ଏହା ଘଟିଲା ବୋଲି ଖୋଲାଖୋଲି ଅଭିଯୋଗ କରିଛନ୍ତି । ଦୀର୍ଘଦିନ ହେଲା ହାତୀଟି ପ୍ରସବ ସ୍ଥଳୀରେ ବେଦନା ଯୋଗୁଁ ଠିକ୍ ଭାବେ ଚଳପ୍ରଚଳ କରିପାରୁ ନ ଥିବା ବେଳେ ଜଙ୍ଗଲ ବିଭାଗ ଏହା ଆପେ ଠିକ ହୋଇଯିବ ବୋଲି ହେୟ ଜ୍ଞାନ କରି ଛାଡି ଦେଇଥିଲେ । ଖାଦ୍ୟ ଅଭାବ ଓ ଶିଳ୍ପାୟନ ଦ୍ଵାରା ଜଙ୍ଗଲ କ୍ଷୟ ଯୋଗୁଁ କଳାହାଣ୍ଡି ଜଙ୍ଗଲରୁ ୨୦୦୮ ମସିହାରେ ୧୩ଟିକିଆ ହାତୀ ପଲ କୋରାପୁଟ ଲଙ୍ଗଲକୁ ଚାଲି ଆସିଥିଲେ ।

ସେବେ ଠାରୁ ଏହି ହାତୀ ପଲ କୋରାପୁଟ ଜିଲାର ବିଭିନ୍ନ ଅଞ୍ଚଳରେ ବସବାସ କରୁଛନ୍ତି । ଇତି ମଧ୍ୟରେ ଦୁଇଟି ଛୁଆ ହାତୀ ଜନ୍ମ ହୋଇଥିବା ବେଳେ ଏହି ସଂଖ୍ୟା ବର୍ତ୍ତମାନ ୭ ରେ ପହଞ୍ଚିଛି । ୮ଟି ହାତୀଙ୍କର ମୃତ୍ୟୁ ଘଟିଥିବାବେଳେ ବନବିଭାଗ ପାଖରେ ସଠିକ ହିସାବ ନାହିଁ । ବିଭିନ୍ନ ସମୟରେ ବନ ବିଭାଗ ଅବହେଳା ଯୋଗୁଁ ହାତୀଙ୍କ ମୃତ୍ୟୁ ଘଟୁଛି । ଯାହାର ସଦ୍ୟତମ ଉଦାହରଣ କୋରାପୁଟ ଜିଲା ଦଶମନ୍ତପୁର ବ୍ଲକ ପୋଡାଗଡ ପଞ୍ଚାଯତ ଲେନ୍ଦ୍ରିମାଳୀଗୁଡା ଗ୍ରାମ ନିକଟରେ ଆଜି ଘଟିଥିବା ଅଘଟଣ । ଯନ୍ତ୍ରଣା ଯୋଗୁଁ ମାଈ ହାତୀଟି ଚଳପ୍ରଚଳ କରିନପାରି ଏକ ନାଳ କୁ ଖସି ପଡିଥିଲା । ନାଳରୁ ହାତୀଟିକୁ ଉଦ୍ଧାର କରିବା ପାଇଁ ଜଙ୍ଗଲ ବିଭାଗ କୋରାପୁଟ ଓଡ୍ରା ଦଳର ସହାୟତା ନେଇଥ୍ଜିଲେ ।

ସେମାନେ ସେହି ହାତୀଟିକୁ ଏକ ସ୍ଵତନ୍ତ୍ର ବେଲଟ ର ସାହାଯ୍ୟରେ ଉଦ୍ଧାର କରିଥିଲେ । ଆଜି ମୃତ ହାତୀର ଶବ ବ୍ୟବଛେଦ ପରେ ଘଟଣା ସ୍ଥଳରେ ବନ ବିଭାଗ ଦ୍ଵାରା ପୋତି ଦିଆଯାଇଛି । ବାରମ୍ବାର ହାତୀ ମୃତ୍ୟୁଘଟୁଥିବାରୁ ୱାଇଲ୍ଡ ଲାଇ ବିଭାଗ ପକ୍ଷରୁ ଏହାର କାରଣ ଖୋଜି ଦୋଷୀଙ୍କ ବିରୁଦ୍ଧରେ ଦୃଢ କାର୍ଯ୍ୟନୁଷ୍ଠାନ ପାଇଁ ଦାବି କରାଯାଇଛି ।

Share in top social networks!

ହାତୀ ମୃତ୍ୟୁ ଘଟଣା; ଡ୍ରାଇଭରଙ୍କ ନାମରେ ଦାଏର ହେଲା ଏତାଲା

ରମ୍ଭା ଅଞ୍ଚଳରେ ଶନିବାର ଦିନ ବିଳମ୍ବିତ ରାତିରେ ଟ୍ରେନ ଧକ୍କାରେ ୬ ଟି ହାତୀଙ୍କର ମୃତ୍ୟୁ ଘଟିବା ଘଟଣା ପରେ କରମଣ୍ଡଳ ଏକ୍ସପ୍ରେସ ର ଡ୍ରାଇଭରଙ୍କ ନାମରେ ଏତଲା ଦାଏର କରାଯାଇଛି | ବନବିଭାଗ ରେଞ୍ଜରଙ୍କ ପକ୍ଷରୁ ଏଥିନେଇ ଏତଲା ଦାଏର କରିଥିବା ଜଣାପଡିଛି | ଅନ୍ୟପକ୍ଷରେ ଏହି ଅଭାବନୀୟ ଘଟଣା କୁ ନେଇ ରେଳବିଭାଗ ଓ ବନବିଭାଗ ପରସ୍ପର ମଧ୍ୟରେ ଦୋଷ ଲଦାଲଦି କରୁଥିବା ବେଳେ ଆଜି ଏଥିନେଇ ଏକ ଉଚ୍ଚସ୍ତରୀୟ ବୈଠକ ବସି ଏ ସମ୍ପର୍କରେ ଆଲୋଚନା କରାଯାଇଛି |
31  People for Animals condemn the death of Six innocent Elephants  (1)
ଜଙ୍ଗଲ ଓ ପରିବେଶ ମନ୍ତ୍ରୀ ବିଜୟଶ୍ରୀ ରାଉତରାୟଙ୍କ ଅଧକ୍ଷତାରେ ବସିଥିବା ଏହି ବୈଠକରେ ଜଙ୍ଗଲ ଓ ପରିବେଶ ବିଭାଗର ସଚିବ, ବିଭାଗୀୟ ବରିଷ୍ଠ ଅଧିକାରୀଙ୍କ ଠାରୁ ଆରମ୍ଭ କରି ରେଳବିଭାଗର ଡିଆରଏମ ସଞ୍ଜୟ ମହାନ୍ତି, ଚିଫ ପାସେଞ୍ଜର ଟ୍ରାଫିକର ମ୍ୟାନେଜର ଦୀପକ ଝା, ଚିଫ ଟ୍ରାଫିକ ଇନ୍ସପେକ୍ଟର ଡି.କେ.ପଟ୍ଟନାୟକ, ସିନିୟର ଡିଭିଜିନାଲ ଇଞ୍ଜିନିୟର ଅଶୋକ କୁମାର ସମେତ ବହୁ ଅଧିକାରୀ ମାନେ ଉପସ୍ଥିତ ରହିଥିଲେ | ଦୀର୍ଘ ସମୟ ଧରି ଏଥିନେଇ ଆଲୋଚନା ଚାଲିଥିଲା |

ଗତକାଲି ଘଟିଥିବା ଦୁର୍ଘଟଣା ପାଇଁ ଟ୍ରେନ ଡ୍ରାଇଭର ଙ୍କ ନାମରେ ଏତଲା ଦାଏର କରାଯାଇଥିବା ବେଳେ ଏ ସମ୍ପର୍କରେ ପତ୍ର ମଧ୍ୟମରେ କେନ୍ଦ୍ର ମନ୍ତ୍ରଣାଳୟକୁ ଜଣାଇ ଦିଆଯିବ ବୋଲି ମନ୍ତ୍ରୀ ଶ୍ରୀ ରାଉତରାୟ ପ୍ରକାଶ କରିଛନ୍ତି | ସମ୍ବାଦିକ ମାନଙ୍କ ପ୍ରଶ୍ନର ଉତ୍ତର ଦେଇ ମନ୍ତ୍ରୀ କହିଲେ ଯେ ଏ ଘଟଣା ସମ୍ପର୍କରେ ଉଭୟ ବନ ମନ୍ତ୍ରଣାଳୟ ଓ ପରିବେଶ ମନ୍ତ୍ରଣାଳୟକୁ ଦୁଇ ଦିନ ମଧ୍ୟରେ ଜଣାଇ ଦିଆଯିବ |

Share in top social networks!