ଆର୍ଟିସାନ୍ ଭିଲେଜ୍ ର ଆଧୁନିକୀକରଣ ନିମନ୍ତେ ୪.୮୨୯ କୋଟି ବ୍ୟୟ ବରାଦ

Bazaar-Opensଧଉଳିଗିରି ନିକଟରେ ଆର୍ଟିସାନ୍ ଭିଲେଜ୍ ପରିସରରେ ଇଣ୍ଟର୍ ପିଟେସନ୍ ସେଣ୍ଟର ଶିଶୁ ଉଦ୍ୟାନ, ଅଭ୍ୟର୍ଥନା ପ୍ରକୋଷ୍ଠ ଓ ଆଲୋକିକରଣ ,ରାସ୍ତା ସଂଯୋଗୀକରଣ ଇତ୍ୟାଦି ନିମନ୍ତେ ନିର୍ମିତ ହେବାକୁ ଥିବା ପର୍ଯ୍ୟଟନ ପ୍ରକଳ୍ପର ମାନ୍ୟବର ପର୍ଯ୍ୟଟନ,ସଂସ୍କୃତି,ଯୋଜନା ସମନ୍ଵୟ ଓ ଆଇନ ମନ୍ତ୍ରୀ ଶ୍ରୀଯୁକ୍ତ ମହେଶ୍ଵର ମହାନ୍ତି ଶିଳାନ୍ୟାସ କରିଛନ୍ତି ।

ପିପିଲି ବିଧାୟକ ଶ୍ରୀ ପ୍ରଦୀପ ମହାରଥୀ ,ପୁରୀ ଜିଲ୍ଲା ପରିଷଦ ଅଧ୍ୟକ୍ଷ ଶ୍ରୀ ଦେବରାଜ ବେହେରା, ପିପିଲି ପଞ୍ଚାୟତ ସମିତି ଅଧ୍ୟକ୍ଷ ଯୁଧିଷ୍ଠିର ସ୍ଵାଇଁ,ପର୍ଯ୍ୟଟନ ନିର୍ଦ୍ଦେଶକ ଶ୍ରୀ ମନୋରଞ୍ଜନ ପଟ୍ଟନାୟକ ,କାର୍ଯ୍ୟ ନିର୍ବାହୀ ଜନ୍ତ୍ରୀ ଶ୍ରୀ ଏ.କେ ଜେନା, ବିଭାଗୀୟ ସୂଚନା ଅଧିକାରୀ ଶ୍ରୀ ବରଦା ପ୍ରସନ୍ନ ଦାସ,ଉପସ୍ଥିତ ଥିଲେ ।

୪.୮୨୯ କୋଟି ଟଙ୍କା ବିନିଯୋଗରେ ଏହି ପ୍ରକଳ୍ପର ନିର୍ମାଣ ହେବ ବୋଲି ବିଭାଗୀୟ ସୂତ୍ରରୁ ପ୍ରକାଶ । ଏହି ଆର୍ଟିସାନ ଭିଲେଜ୍ କୁ ଉଭୟ ଧଉଳିଗିରି ଓ ଜାତୀୟ ରାଜପଥ ବାଟ ଦେଇ ପର୍ଯ୍ୟଟକ ମାନେ କଳାତ୍ମକ ସାମଗ୍ରୀ ମାନ କ୍ରୟ କରିବା ନିମନ୍ତେ ସୁବିଧା ପାଇବେ । ଏହା ଦ୍ଵାରା ଆର୍ଟିସାନ୍ ଭିଲେଜର ଶିଳ୍ପୀମାନେ ସେମାନଙ୍କ ଦ୍ଵାରା କଳାକୃତି ବିକ୍ରି କରିବାର ସୁଯୋଗ ପାଇପାରିବେ ।

Share in top social networks!