ବିଜେପୁର ଉପ ନିର୍ବାଚନର ଜନାଦେଶକୁ ବିଜେପି ନମ୍ରତାର ସହ ସ୍ୱୀକାର କରୁଛି: Dharmendra Pradhan

27866948_1624968627586710_7171832390280521617_nବିଜେପୁର ଉପ ନିର୍ବାଚନର ଜନାଦେଶକୁ ବିଜେପି ନମ୍ରତାର ସହ ସ୍ୱୀକାର କରୁଛି । ବିଜେଡି ପ୍ରାର୍ଥିନୀ ରୀତା ସାହୁଙ୍କୁ ତାଙ୍କର ବିଜୟ ପାଇଁ ସାଧୁବାଦ ଜଣାଉଛି ।

କଂଗ୍ରେସ ଦଳ ବିଜୁ ଜନତା ଦଳ ସହ ଏକ ଅହେତୁକ ଓ ଅଦୃଶ୍ୟ ବୁଝାମଣା ଥିବା ସମ୍ପର୍କରେ ବିଜେପି ଯେଉଁ ଅଭିଯୋଗ କରୁଥିଲା ଏହି ନିର୍ବାଚନ ଫଳାଫଳ ତାକୁ ପ୍ରମାଣିତ କରୁଛି । ରାଜ୍ୟ ସରକାରଙ୍କର ସ୍ଥାଣୁତା ଓ ଅପାରଗତା ସମ୍ପର୍କରେ ବିଜେପି ତାର ଅଭିମତକୁ ବିଜେପୁରର ଜନସାଧାରଣକୁ ସଠିକ ଭାବେ ବୁଝାଇବାରେ ସଫଳ ହୋଇ ପାରି ନାହିଁ ।

କଂଗ୍ରେସ ରାଜ୍ୟ ରାଜନୀତିରେ ଅପ୍ରାସଙ୍ଗିକ ହୋଇ ଯିବାର ବାର୍ତା ଏହି ନିର୍ବାଚନରେ ମତଦାତା ମାନେ ଦେଇଛନ୍ତି । ରାଜ୍ୟର ପ୍ରମୁଖ ବିରୋଧୀ ଦଳ ହିସାବରେ ଆହୁରି ମୁଖର ଭାବେ ଜନ ସମସ୍ୟାକୁ ନେଇ ବିଜେପି କାମ କରିବ ।
ଏହି ପରାଜୟକୁ ନେଇ ଦଳ ଆତ୍ମ ସମୀକ୍ଷା କରିବ ଓ ଶିକ୍ଷା ଗ୍ରହଣ କରିବ, ଏହା ୨୦୧୯ ନିର୍ବାଚନ ପାଇଁ ସହାୟକ ହେବ ।

Share in top social networks!

ବିଜେପି-ବିଜେଡ଼ି ଖୋଲା ବିତର୍କ ପ୍ରସଙ୍ଗରେ ଓଡ଼ିଆ ଭାଷା ଓ ଧର୍ମେନ୍ଦ୍ର ପ୍ରଧାନଙ୍କୁ ଡ଼ରି ଗଳା ବାଟ ଖୋଜି ବିତର୍କରୁ ଖସି ଯିବାକୁ ପ୍ରୟାସ କରୁଛି ବିଜେଡ଼ି : ବିଜେପି

 ଓଡ଼ିଆରେ ବିତର୍କ ସର୍ତ ଶୁଣି ପ୍ରଧାନମନ୍ତ୍ରୀଙ୍କ ନାଁ କୁ ଭୟରେ ଉଠାଉଛି ବିଜେଡ଼ି
 ବିତର୍କ ସହ ସାଢେ ୪କୋଟି ଓଡ଼ିଆ ଲୋକଙ୍କର ସ୍ୱାର୍ଥ ଓ ସ୍ୱାଭିମାନ ଜଡ଼ିତ
 ଓଡ଼ିଆ ଭାଷାରେ ବିତର୍କ ଶୁଣିବା ଓଡ଼ିଆ ଲୋକମାନଙ୍କର ଅଧିକାର
 ଧର୍ମେନ୍ଦ୍ର ପ୍ରଧାନ ଓଡ଼ିଆ ଓ କେନ୍ଦ୍ରସରକାରରେ କ୍ୟାବିନେଟ ପାହ୍ୟା ମନ୍ତ୍ରୀ । ତେଣୁ ପ୍ରୋଟକଲ୍ର ବିବାଦ ନାହିଁ
 ବିତର୍କ ପାଇଁ ଅତି ଶୀଘ୍ର ତାରିଖ, ସମୟ ଓ ସ୍ଥାନ ଘୋଷଣା କରିବାକୁ ଶାସକ ବିଜୁ ଜନତା ଦଳକୁ ଶ୍ରୀ ହରିଚନ୍ଦନଙ୍କ ଆହ୍ୱାନ

PIX_10-09-2017

ଖୋଲା ବିତର୍କ ମାମଲାରେ ବିଜୁ ଜନତା ଦଳ ଓଡ଼ିଆ ଭାଷା ଓ ଧର୍ମେନ୍ଦ୍ର ପ୍ରଧାନଙ୍କୁ ଡ଼ରି ଗଳା ବାଟ ଖୋଜି ବିତର୍କରୁ ଖସି ଯିବାକୁ ପ୍ରୟାସ କରୁଛି ବୋଲି ବିଜେପି ରାଜ୍ୟ ସାଧାରଣ ସମ୍ପାଦକ ପୃଥୀରାଜ ହରିଚନ୍ଦନ ଗଣମାଧ୍ୟମକୁ କହିଛନ୍ତି । ଓଡ଼ିଆ ଭାଷା ଓ ଧର୍ମେନ୍ଦ୍ର ପ୍ରଧାନଙ୍କୁ ବିଜେଡ଼ି ଡରୁଛି କି ବୋଲି ଉତର ରଖିବା ପାଇଁ ବିଜେପି ତରଫରୁ ବିଜେଡ଼ିକୁ ଆହ୍ୱାନ ଦିଆଯାଇଛି ।
ଶ୍ରୀ ହରିଚନ୍ଦନ କହିଛନ୍ତି କିଛି ମାସ ତଳେ ତକ୍ରାଳୀନ ମନ୍ତ୍ରୀ ଦେବୀପ୍ରସାଦ ମିଶ୍ର ନବୀନ ପଟ୍ଟନାୟକ ଭାଷଣ ଦେବା ବେଳେ ପଛ ଆଡ଼ୁ କାଗଜ ବଢାଉଥିଲେ । ଏପରି ଘଟଣା ଓଡ଼ିଶାକୁ ଅପମାନିତ କରିଥିଲା ।
ବିତର୍କ ସହ ସାଢେ ୪କୋଟି ଓଡ଼ିଆ ଲୋକଙ୍କର ସ୍ୱାର୍ଥ ଓ ସ୍ୱାଭିମାନ ଜଡ଼ିତ । ବିତର୍କ ଓଡ଼ିଶାର ବିକାଶ ସମ୍ପର୍କିତ ବିଷୟକୁ ନେଇ ହେବ । ସାଢେ ୪କୋଟି ଓଡ଼ିଆ ଏହି ବିତର୍କକୁ ଶୁଣିବେ ଓ ସେମାନଙ୍କର ମତ ବନେଇବେ । ଓଡ଼ିଆ ଭାଷାରେ ବିତର୍କ ଶୁଣିବା ଓଡ଼ିଆ ଲୋକମାନଙ୍କର ଅଧିକାର ବୋଲି ଶ୍ରୀ ହରିଚନ୍ଦନ କହିଛନ୍ତି ।
ଯେହେତୁ ବିତର୍କ ଓଡ଼ିଆରେ ହେବା ପ୍ରଥମ ସର୍ତ ତେଣୁ ସେ ବିତର୍କରେ ପ୍ରଧାନମନ୍ତ୍ରୀ ଯୋଗ ଦେବାକୁ ବିଜେଡ଼ି ଆଳ କରୁଛି ବୋଲି ଶ୍ରୀ ହରିଚନ୍ଦନ କହିଛନ୍ତି ।
ଶ୍ରୀ ହରିଚନ୍ଦନ କହିଛନ୍ତି ଯେ, ନବୀନ ହେଉଛନ୍ତି ବିଜେଡ଼ିର ସଭାପତି ଓ ଓଡ଼ିଶାର ମୁଖ୍ୟମନ୍ତ୍ରୀ । ଧର୍ମେନ୍ଦ୍ର ପ୍ରଧାନ ଓଡ଼ିଆ ଓ କେନ୍ଦ୍ରସରକାରରେ କ୍ୟାବିନେଟ ପାହ୍ୟା ମନ୍ତ୍ରୀ । ତେଣୁ ପ୍ରୋଟକଲ୍ର ବିବାଦ ନାହିଁ । ତେଣୁ ଉଭୟେ ସମାସ୍କନ୍ଦ ଭାବେ ଗୋଟିଏ ମଂଚରେ ବିତର୍କ କରିପାରିବେ ବୋଲି ଶ୍ରୀ ହରିଚନ୍ଦନ କହିଛନ୍ତି ।
ବିତର୍କ ପାଇଁ ଅତି ଶୀଘ୍ର ତାରିଖ, ସମୟ ଓ ସ୍ଥାନ ଘୋଷଣା କରିବାକୁ ଶାସକ ବିଜୁ ଜନତା ଦଳକୁ ଶ୍ରୀ ହରିଚନ୍ଦନ ଆହ୍ୱାନ ଦେଇଛନ୍ତି ।
ଏହି ଅବସରରେ ରାଜ୍ୟ ସଂପାଦକ କାଳନ୍ଦୀ ସାମଲ ଏବଂ ଯୁବମୋର୍ଚ୍ଚା ରାଜ୍ୟ ସଭାପତି ଟଙ୍କଧର ତ୍ରିପାଠୀ ଉପସ୍ଥିତ ଥିଲେ ।

Share in top social networks!

ଅମିତ୍ ଶାହାଙ୍କ ବକ୍ତବ୍ୟକୁ ବିଜେଡିର ପ୍ରତାପ,ଅରୁଣ ଓ ସଂଜୟଙ୍କ ସମାଲୋଚନା ଓ ବିକର୍ତ ପାଇଁ ଆହ୍ୱାନ ପ୍ରସଙ୍ଗ ସ୍ଥାନ ଓ ସମୟ ସ୍ଥିର କରି କହିଲେ ନବୀନଙ୍କ ସହ ବିତର୍କ କରିବାକୁ ଯିବି : ଧର୍ମେନ୍ଦ୍ର ପ୍ରଧାନ

 ମୋଦି ସରକାରଙ୍କୁ ବିଜେଡି ନେତାଙ୍କ ସମାଲୋଚନା ସଇତାନ ମୁହଁରେ ବେଦପାଠ
 ତୃତୀୟ ମହଲାର କିରାଣୀଙ୍କ ଲେଖା କାଗଜ ପଢିଛନ୍ତି ବିଜେଡିର ଏହି ୩ ନେତା
 ଦୀର୍ଘ ୧୭ ବର୍ଷ ଶାସନରେ ରହି ଏହି ନେତା ଓ ନବୀନ ବାବୁ ସାମନ୍ତୀ ମାନସିକତାର ହୋଇ ଗଲେଣି
 ଗରୀବ ମା ଘରେ ସମ୍ମାନ ଓ ସ୍ୱାଭିମାନ ପାଇଁ ପାଇଖାନା ଓ ଆଖିରୁ ଲୁହ ତଥା ରୋଗରୁ ସୁରକ୍ଷା ପାଇଁ ଏଲପିଜି ଏମାନଙ୍କୁ ପସନ୍ଦ ଲାଗୁନି
 ରେଳ,ଜାତୀୟ ରାଜପଥ,ଅନ୍ୟାନ୍ୟ ଯୋଜନା ଓ ଚତୁର୍ଦ୍ଧଶ ଅର୍ଥ କମିଶନରେ ରାଜ୍ୟର ଲାଭର ହିସାବ ଦେଲେ
 ମଧ୍ୟପ୍ରଦେଶ ,ଛତିଶଗଡ ଧାନର ସହାୟକ ମୂଲ୍ୟ ଉପରେ ବୋନସ୍ ଦେଉଥିବା ବେଳେ ଓଡିଶା କାହିଁକି ଦେଉନି
 ଉତର ପ୍ରଦେଶ ଓ ମହାରାଷ୍ଟ୍ର କୃଷି ଋଣ ଛାଡ୍ କରିଥିବା ବେଳେ ଓଡିଶା କୃଷକଙ୍କୁ ଋଣ ଛାଡ୍ ପାଇଁ ଦାବି
 ମୋଦିଙ୍କୁ କୋର୍ଟ ନୁହେଁ ଖଣି ମହାଦୁର୍ନୀତି ମାମଲାରେ ପାହାଡ ପରି ହରିଲୁଟ୍ ସୁପ୍ରିମ୍ କୋର୍ଟଙ୍କ ମନ୍ତବ୍ୟ ନବୀନଙ୍କ ପ୍ରତି ଉର୍ଦ୍ଧିଷ୍ଟ

PIX_7-09-2017
ବିଜେଡି ତରଫରୁ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ୍ ଶାହାଙ୍କ ବକ୍ତବ୍ୟକୁ ଦୃଢ ବିରୋଧ ଓ ବିତର୍କ ପାଇଁ ଆହ୍ୱାନ କରାଯିବା ପରେ ସ୍ଥାନ ଓ ସମୟ ସ୍ଥିର କରି କହିଲେ ନବୀନ ପଟ୍ଟନାୟକଙ୍କ ସହ ବିତର୍କ କରିବା ପାଇଁ ସେ ପ୍ରସ୍ତୁତ ଅଛନ୍ତି ବୋଲି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ବିଜେଡିକୁ ପାଲଟା ଆକ୍ରମଣ କରି ଏକ ସାମ୍ବାଦିକ ସମ୍ମିଳନୀରେ କହିଛନ୍ତି । ଏହି ସାମ୍ବାଦିକ ସମ୍ମିଳନୀରେ ବିଜେପି ରାଜ୍ୟ ସଭାପତି ବସନ୍ତ ପଣ୍ଡା ଓ ବିଧାୟକ ଦଳ ନେତା କନକ ବର୍ଦ୍ଧନ ସିଂହଦେଓ ଉପସ୍ଥିତ ଥିଲେ ।
ବିଜେଡି ତରଫରୁ ସାଂସଦ ପ୍ରତାପ ଦେବ , ସଂଜୟ ଦାସବର୍ମା ଓ ଅରୁଣ ସାହୁଙ୍କ ସାମ୍ବାଦିକ ସମ୍ମିଳନୀରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷଙ୍କ ତଥ୍ୟ ଓ ମନ୍ତବ୍ୟକୁ କଟୁ ସମାଲୋଚନାର ଉତରରେ ସେମାନଙ୍କ ବକ୍ତବ୍ୟ ସଇତାନ ମୁହଁରେ ବେଦପାଠ ବୋଲି ଶ୍ରୀ ପ୍ରଧାନ କହିଛନ୍ତି ।
ଏହାଛଡା ବିଜେଡିର ଏହି ନେତା ମାନେ ତୃତୀୟ ମହଲାର କିରାଣୀଙ୍କ ଲେଖା କାଗଜ ପଢିବା ଓ ନବୀନ ବାବୁ ପର ତିଅଣରେ ଅତିଥି ସକ୍ରାରରେ ସିଦ୍ଧହସ୍ତ ବୋଲି ମନ୍ତବ୍ୟ ରଖି ବିେଜେଡିକୁ କଟୁ ସମାଲୋଚନା କରିଛନ୍ତି ।
ଚତୁର୍ଦଶ ଅର୍ଥ କମିଶନ ଓ ବିକାଶମୂଳକ କାମରେ ମୋଦି ସରକାର ଓଡିଶାକୁ ଅର୍ଥ ଯୋଗାଇବା କି ନୂଆ କାମ ବୋଲି ସାଂସଦ
(ପୃÂା:୧/୨)

ପ୍ରତାପ ଦେବଙ୍କ ପ୍ରଶ୍ନର ଜବାବ୍ ରଖିଛନ୍ତି ଧର୍ମେନ୍ଦ୍ର ପ୍ରଧାନ । ଚତୁର୍ଦଶ ଅର୍ଥ କମିଶନରେ ୧୦୦ରେ ୩୨ ଟଙ୍କା ରାଜ୍ୟ ସରକାରଙ୍କୁ ଦେବା ପାଇଁ ତ୍ରୟୋଦଶ ଅର୍ଥ କମିଶନ ପରି ନରେନ୍ଦ୍ର ମୋଦି ଚାହିଁଥିଲେ କରିପାରିଥାନ୍ତେ । ମାତ୍ର କଳାହାଣ୍ଡିର ବିକାଶ ପ୍ରତାପ ଦେବଙ୍କ ରାଜକନିକାର ଧୋଇଆ ଅଂଚଳର ବିକାଶ ଦିଲ୍ଲୀ ନୁହେଁ ଭୁବନେଶ୍ୱର ଓ ସ୍ଥାନୀୟ ଲୋକଙ୍କ ଦ୍ୱାରା କରାଯିବା ପାଇଁ ମୋଦି ଏହି ଯୋଜନା କରିଛନ୍ତି ବୋଲି ସେ କହିଛନ୍ତି ।
ରେଳ ବଜେଟରେ ପୂର୍ବରୁ ହଜାରେ କୋଟି ଟଙ୍କା ମିଳୁ ନଥିବା ବେଳେ ଗତ ବଜେଟରେ ମୋଦି ସରକାର ୫୧୦୦ କୋଟି ଟଙ୍କା ପ୍ରଦାନ କରିଛନ୍ତିି । ରାଜ୍ୟ ସରକାରଙ୍କ ସହମତି ସହ ୩ବର୍ଷରେ ମୋଦି ୪,୮୦୦ କି.ମି. ଜାତୀୟ ରାଜପଥ ଓଡିଶା ପାଇଁ ମଂଜୁର କରିଛନ୍ତି । ସ୍ୱାଧୀନତାର ୭୦ ବର୍ଷ ପରେ ଏହି ରାସ୍ତା ୪,୫୦୦ କି.ମି. ରେ ସିମୀତ ଥିଲା ବୋଲି ଶ୍ରୀ ପ୍ରଧାନ କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି ସାଂସଦ ପ୍ରତାପ ଦେବଙ୍କ ବାପାଙ୍କ ପରମ ମିତ୍ର ନଳିନୀ ମହାନ୍ତି କୋଷ୍ଟାଲ ହାଇୱେ ପାଇଁ ଦାବି କରି ଆସୁଥିଲେ । ଓଡିଆଙ୍କ ଏହି ସ୍ୱପ୍ନ ନରେନ୍ଦ୍ର ମୋଦିଙ୍କ ସମୟରେ ହିଁ ସାକାର ହେବାକୁ ଯାଉଛି ।
ଶ୍ରୀ ପ୍ରଧାନ କହିଛନ୍ତି ବାରିପଦା ଯାଇ ମୁଖ୍ୟମନ୍ତ୍ରୀ ମେଡିକାଲ କଲେଜର ଶୁଭାରମ୍ଭ କରିଛନ୍ତି । ଏହି ମେଡିକାଲ ପାଇଁ ୬୦ ପ୍ରତିଶତ ଅର୍ଥ କେନ୍ଦ୍ର ଦେଇଛି ନା ନାହିଁ ବୋଲି ସେ ପ୍ରଶ୍ନ କରିଛନ୍ତି ।

ପ୍ରତାପ ଦେବଙ୍କ ଅଚ୍ଛେ ଦିନ୍ କୁଆଡେ ଗଲା , ପ୍ରଶ୍ନକୁ ତାତ୍ସଲ୍ୟ କରି ଶ୍ରୀ ପ୍ରଧାନ କହିଛନ୍ତି ୧୭ ବର୍ଷ ଶାସନରେ ରହିବା ପାଇଁ ଶ୍ରୀ ଦେବ ଏବଂ ତାଙ୍କ ନେତା ନବୀନ ପଟ୍ଟନାୟକଙ୍କ ମନରେ ସାମନ୍ତବାଦୀ ଚିନ୍ତାଧାରା ବସା ବାନ୍ଧିଲାଣି । ଗରୀବ ଘରେ ପାଇଖାନା ଲାଗିଲେ ଗରୀବ ମା ଭଉଣୀଙ୍କ ସ୍ୱାଭିମାନ ଓ ସମ୍ମାନ ବଢେ ବୋଲି ସେମାନେ ଅନୁଭବ କରି ପାରୁନାହାନ୍ତି ବୋଲି ଶ୍ରୀ ପ୍ରଧାନ କହିଛନ୍ତି ।
ଉଜ୍ଜଳା ଘରେ ପହଂଚାଇଲେ କ’ଣ ହେବ ପ୍ରଶ୍ନର ଉତରରେ ଶ୍ରୀ ପ୍ରଧାନ କହିଛନ୍ତି ମୋଦି ସରକାର ଦାୟିତ୍ୱ ନେବା ପୂର୍ବରୁ ଓଡିଶାରେ କୋଟିଏରୁ ୨୦ ଲକ୍ଷ ଘରେ ଏଲପିଜି ଥିଲା । ଇତିମଧ୍ୟରେ ୫୦ ଲକ୍ଷ ଘରେ ଏଲପିଜି ପହଂଚି ସାରିଛି । ଏହି ୫୦ ଲକ୍ଷ ଭିତରେ ୧୫ ଲକ୍ଷ ଗରୀବ ମହିଳାଙ୍କ ଘରେ ମାଗଣାରେ ଏଲପିଜି ପହଂଚିଛି । ଗରୀବ ମା ଆଖିରୁ ଲୁହ ପୋଛିବା ଓ ତାଙ୍କୁ ରୋଗରୁ ମୁକ୍ତି ଦେବା ସାମନ୍ତବାଦୀ ମାନସିକତାର ଲୋକଙ୍କୁ ପସନ୍ଦ ହେବନାହିଁ ବୋଲି ଶ୍ରୀ ପ୍ରଧାନ କହିଛନ୍ତି ।
ଧାନର ସହାୟକ ମୂଲ୍ୟ ପ୍ରସଙ୍ଗରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଭୁଲ୍ ତଥ୍୍ୟ ଦେଇଥିବା ବକ୍ତବ୍ୟକୁ ଶ୍ରୀ ପ୍ରଧାନ ଦୃଢ ଖଣ୍ଡନ କରିଛନ୍ତି । ଶ୍ରୀ ପ୍ରଧାନ କହିଛନ୍ତି କୃଷି କେନ୍ଦ୍ର ଓ ରାଜ୍ୟ ଉଭୟର ମିଳିତ ବିଷୟ । ମଧ୍ୟପ୍ରଦେଶ ସରକାର ସ୍ୱାମୀନାଥନ୍ କମିଶନର ସୁପାରିଶ୍ ଆଧାରରେ ୭୦ଭାଗ ଦାୟିତ୍ୱ ନିଜ ମୁଣ୍ଡକୁ ନେଇଛନ୍ତି । ଛତିଶଗଡ ସରକାର କେନ୍ଦ୍ରର ସହାୟକ ମୂଲ୍ୟ ଉପରେ ବୋନସ୍ ଦେବା ପାଇଁ ନୀତିଗତ ନିଷ୍ପତି ନେଇଛନ୍ତି । ଓଡିଶା ସରକାର କ’ଣ ପାଇଁ ଧାନଚାଷୀଙ୍କୁ ବୋନସ୍ ଦେବା ପାଇଁ ନିର୍ଣ୍ଣୟ ନେଉ ନାହାନ୍ତି ବୋଲି ଶ୍ରୀ ପ୍ରଧାନ ପ୍ରଶ୍ନ କରିଛନ୍ତି ।
ଉତର ପ୍ରଦେଶ ଓ ମହାରାଷ୍ଟ୍ର ସରକାର ଚାଷୀମାନଙ୍କୁ ଋଣ ଛାଡ୍ କରିସାରିଥିବା ବେଳେ ଓଡିଶା ସରକାର ମଧ୍ୟ ଋଣ ଛାଡ୍ କରନ୍ତୁ ବୋଲି ଶ୍ରୀ ପ୍ରଧାନ ଦାବି କରିଛନ୍ତି ।
ସଂଜୟ ଦାସବର୍ମା ପଂଜାବ-ହରିୟାନା ହାଇକୋର୍ଟ ମୋଦିଙ୍କୁ ଡେରା ହିଂସା ମାମଲାରେ ସମାଲୋଚନା କରିଥିବା ବକ୍ତବ୍ୟକୁ ମିଥ୍ୟା ତଥ୍ୟ ଉପରେ ଆଧାରିତ ବକ୍ତବ୍ୟ ବୋଲି କହିଛନ୍ତି । ଶ୍ରୀ ପ୍ରଧାନ ଗତ କିଛି ଦିନ ତଳେ ଖଣି ଦୁର୍ନୀତି ମାମଲାରେ ମାନ୍ୟବର ସୁପ୍ରିମ୍ କୋର୍ଟ ଓଡିଶାର ଖଣିକୁ ପାହାଡ ଭଳି ହରିଲୁଟ୍ କରାଯାଇଥିବା ଟିପ୍ପଣୀ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ତାଙ୍କ ସରକାର ପ୍ରତି ଉର୍ଦ୍ଧିଷ୍ଟ ବୋଲି ସେ କହିଛନ୍ତି ।
ଆଉଟ୍ ଲୁକ୍ ର ପୁରସ୍କାରକୁ ନୋବେଲ ପୁରସ୍କାର ଭଳି ପ୍ରଚାର କରି ବାଃ ବା ନେବା ୧୭ ବର୍ଷର ସ୍ଥାଣୁ , ଅପାରଗ , ଭ୍ରଷ୍ଟାଚାରୀ ଓ ପ୍ରବଂଚନାକାରୀ ସରକାରଙ୍କୁ ସମାଲୋଚନା କରିବା ବିରୋଧୀ ଦଳ ଭାବରେ ବିଜେପିର ପ୍ରଜାତାନ୍ତ୍ରିକ ଦାୟିତ୍ୱ ବୋଲି ଶ୍ରୀ ପ୍ରଧାନ କହିଛନ୍ତି । ମାତ୍ରବିଜେଡି କାହିଁକି ସାମାନ୍ୟ ସମାଲୋଚନାରେ ଅସହିଷ୍ଣୁ ହୋଇ ପଡୁଛି ବୋଲି ସେ ପ୍ରଶ୍ନ କରିଛନ୍ତି ।
ଏହି ଅବସରରେ ରାଜ୍ୟ ସଭାପତି ଶ୍ରୀ ବସନ୍ତ ପଣ୍ଡା ଏବଂ ବିଧାୟକ ଦଳ ନେତା କନକବ୍ଦର୍୍ନ ସିଂହଦେଓ ଉପସ୍ଥିତ ଥିଲେ ।

Share in top social networks!

କେନ୍ଦ୍ର ମନ୍ତ୍ରୀମଣ୍ଡଳରେ କ୍ୟାବିନେଟ ମନ୍ତ୍ରୀ ପାହ୍ୟାକୁ ଉନ୍ନୀତ ହୋଇଥିବା ଶ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଅଭିନନ୍ଦନ ଜଣାଇଲା ରାଜ୍ୟ ବିଜେପି

 “ରାଜ୍ୟରୁ ମାତ୍ର ଜଣେ ସାଂସଦ, ମାତ୍ର ଦୁଇ ଜଣ କ୍ୟାବିନେଟ ପାହ୍ୟାର ମନ୍ତ୍ରୀ”; ଏହା ନିଶ୍ଚିତ ଭାବେ ଆମ ପାଇଁ ଗୈାରବର ବିଷୟ : ବସନ୍ତ ପଣ୍ଡା

PIX_2_03-09-2017
ପୂର୍ବ ଭାରତ ବିକଶିତ ହେଲେ ଯାଇ ସମଗ୍ର ଭାରତ ବର୍ଷ ବିକଶିତ ହୋଇପାରିବ । ପୂର୍ବ ଭାରତର ବିକାଶକୁ ଗୁରୁତ୍ୱ ଓ ପ୍ରାଧାନ୍ୟ ଦେଇ କାର୍ଯ୍ୟରତ ମାନ୍ୟବର ପ୍ରଧାନମନ୍ତ୍ରୀ ଶ୍ରୀ ମୋଦି ଓଡିଶାର ବିକାଶ ପାଇଁ ସର୍ବଦା ଚେଷ୍ଟିତ । ୨୦୧୪ ନିର୍ବାଚନରେ ଓଡିଶାର ୨୧ଟି ସାଂସଦ ମଧ୍ୟରୁ ରାଜ୍ୟବାସୀ ମାତ୍ର ଗୋଟିଏ ସାଂସଦଙ୍କୁ ଲୋକସଭାକୁ ପଠାଇଥିଲେ । ଏହା ବଦଳରେ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ନିଜ ମନ୍ତ୍ରୀମଣ୍ଡଳରେ ୨ ଜଣ ଓଡିଆଙ୍କୁ ସାମିଲ କରି ଜଣଙ୍କୁ କ୍ୟାବିନେଟ ଏବଂ ଅନ୍ୟଜଣଙ୍କୁ ରାଷ୍ଟ୍ରମନ୍ତ୍ରୀ ଭାବେ ଦାୟୀତ୍ୱ ଦେଇ ଓଡିଶା ପ୍ରତି ଥିବା ଭଲ ପାଇବାର ଇସାରା ଦେଇଥିଲେ । ଆଜି ଅନୁÂିତ ହୋଇଥିବା ମନ୍ତ୍ରୀମଣ୍ଡଳ ସଂପ୍ରସାରଣରେ ପ୍ରଧାନମନ୍ତ୍ରୀ ଶ୍ରୀ ମୋଦି ପୁଣି ଥରେ ଓଡିଶାକୁ ଗୁରୁତ୍ୱ ଦେଇ ରାଷ୍ଟ୍ରମନ୍ତ୍ରୀ ଥିବା ଶ୍ରୀ ଧର୍ମେନ୍ଦ୍ର ପ୍ରଧାନଙ୍କୁ କ୍ୟାବିନେଟ ପାହ୍ୟା ପ୍ରଦାନ କରି ଓଡିଶା ଏବଂ ଓଡିଶାବାସିଙ୍କୁ ଭଲ ପାଇବାର ପ୍ରମାଣିତ କରିଛନ୍ତି । ନିଜ ନିÂା ଏବଂ କାର୍ଯ୍ୟ ଦକ୍ଷତା ପାଇଁ ଆଜି ପୁରସ୍କୃତ ହୋଇ ରାଷ୍ଟ୍ରମନ୍ତ୍ରୀରୁ କ୍ୟାବିନେଟ ମନ୍ତ୍ରୀ ପଦ ପାହ୍ୟା ପାଇଥିବା ଶ୍ରୀ ପ୍ରଧାନଙ୍କୁ ରାଜ୍ୟ ସଭାପତି ଶ୍ରୀ ବସନ୍ତ ପଣ୍ଡା, ବିଧାୟକ ଦଳ ନେତା କନକ ବର୍ଦ୍ଧନ ସିଂହଦେଓ, ବରିÂ ନେତା ବିଶ୍ୱଭୂଷଣ ହରିଚନ୍ଦନ, ପ୍ରତାପ ଷଡଙ୍ଗୀ, ରାଷ୍ଟ୍ରୀୟ ସଂପାଦକ ସୁରେଶ ପୁଜାରୀ ପ୍ରମୁଖଙ୍କ ସମେତ ବହୁ ନେତୃବୃନ୍ଦ ଅଭିନନ୍ଦନ ଜଣାଇବା ସହିତ ଓଡିଶା ପ୍ରତି ଥିବା ତାଙ୍କ ଭଲପାଇବା କାରଣରୁ ପ୍ରଧାନମନ୍ତ୍ରୀ ଶ୍ରୀ ମୋଦିଙ୍କୁ ଧନ୍ୟବାଦ ଜଣାଇଛନ୍ତି ।
କ୍ୟାବିନେଟ ମନ୍ତ୍ରୀ ଭାବରେ ଶ୍ରୀ ପ୍ରଧାନଙ୍କ ନାମ ଘୋଷଣା ହେବା ପରେ ଆଜି ରାଜ୍ୟ କାର୍ଯ୍ୟାଳୟରେ କାର୍ଯ୍ୟକର୍ତାମାନେ ଖୁସିରେ ବାଜା ବଜାଇ ନାଚ ଗୀତ ସହ ମିÂାନ ବଂଟନ କରିଥିଲେ । ଏହି ଅବସରରେ ରାଜ୍ୟ ସଭାପତି ଶ୍ରୀ ବସନ୍ତ ପଣ୍ଡା, ରାଜ୍ୟ ସାଧାରଣ ସଂପାଦକ ପୃଥ୍ୱୀରାଜ ହରିଚନ୍ଦନ, ଭୃଗୁ ବକ୍ସିପାତ୍ର, ରାଜ୍ୟ ସଂପାଦକ ଡ.ଯତୀନ ମହାନ୍ତି, ସୀମନ୍ତିନୀ ଜେନା, ଲେଖାଶ୍ରୀ ସାମନ୍ତସିଂହାର, ରାଜ୍ୟ କାର୍ଯ୍ୟକାରିଣୀ ସଦସ୍ୟ ଅମିୟ ଦାଶ, ଜଗନ୍ନାଥ ପ୍ରଧାନ, ଜିଲ୍ଲା ସଭାପତି ହରେକୃହ୍ନ ଖୁଂଟିଆଙ୍କ ସମେତ ବହୁ କାର୍ଯ୍ୟକର୍ତା ଉପସ୍ଥିତ ଥିଲେ ।

Share in top social networks!

ଏଲପିଜି ଗ୍ରାହକ ସଂଖ୍ୟା ବୃଦ୍ଧି ସହ ନୂଆ ବିତରକଙ୍କୁ ବିତରଣ ପାଇଁ ଅନୁମତି ପତ୍ର ବାଂଟିଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

• ଓଡିଶାରେ୨୦୧୪ ସୁଦ୍ଧା ୨୦ ଲକ୍ଷ ଏଲପିଜି ଗ୍ରାହକ ଥିଲା ବେଳେ ଏବେ ସୁଦ୍ଧା ହେଲେଣି ୫୦
ଲକ୍ଷ ଗ୍ରାହକ
• ରାଜ୍ୟର ଏକ କୋଟି ଘରେ ଏଲପିଜି ପହଂଚାଇବାର ଲକ୍ଷ୍ୟ
• ଏଲପିଜି ବିତରଣ, ପାଇପ ଯୋଗେ ପରିବହନ, ବଟଲିଂ ପ୍ଲାଂଟ ଓ ଘରେ ପାଇପ ଯୋଗେ ଗ୍ୟାସ ଯୋଗାଣରେ ଖର୍ଚ ହେବ ଦେଢ ହଜାର କୋଟି ଟଙ୍କା

20170821121928_5G1A2142
ଓଡିଶାରେ ଏଲପିଜି ଗ୍ରାହକଙ୍କ ସଂଖ୍ୟା ଦୃତ ବେଗରେ ବଢୁଥିବା କାରଣରୁ ଏଲପିଜି ଯୋଗାଣ ବ୍ୟବସ୍ଥାର ସୁଦୃଢୀକରଣ ପାଇଁ ନୂଆ ବିତରଣ କେନ୍ଦ୍ର ପ୍ରତିÂା କରିବାକୁ ଯାଉଥିବା ବ୍ୟକ୍ତିବିଶେଷ ମାନଙ୍କୁ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଲେଟର ଅଫ ଇଂଟେଂଟ ପ୍ରଦାନ କରିଛନ୍ତି । ସ୍ଥାନୀୟ ଜୟଦେବ ଭବନ ଠାରେ ଉତ୍ସବରେ ଉଦବୋଧନ ଦେଇ ଶ୍ରୀ ପ୍ରଧାନ କହିଛନ୍ତି ଯେ ୨୦୧୪ରେ ମୋଦି ସରକାର ଦାୟିତ୍ୱ ନେବା ପୂର୍ବରୁ ଓଡିଶାରେ ୨୦ ଲକ୍ଷ ଘରେ ଏଲପିଜି ସଂଯୋଗ ଥିବା ବେଳେ ଏହା ଏବେ ବୃଦ୍ଧି ପାଇ ୫୦ ଲକ୍ଷ ଘରେ ପହଂଚିଛି । ବୃଦ୍ଧିର ହାର ୧୫୦ ପ୍ରତିଶତ ରହିଛି ବୋଲି ସେ କହିଛନ୍ତି । ଏହି ତିନି ବର୍ଷରେ ୧୫ ଲକ୍ଷ ଗରୀବ ମା ଭଉଣୀଙ୍କ ପାଖରେ ଉଜ୍ୱଳା ଯୋଜନାରେ ମାଗଣାରେ ଗ୍ୟାସ ସଂଯୋଗ ପହଂଚା ଯାଇଛି ବୋଲି ସେ କହିଛନ୍ତି ।

ଶ୍ରୀ ପ୍ରଧାନ କହିଛନ୍ତି ଯେ ଦେଶରେ ସ୍ୱାଧୀନତାରୁ ମୋଦି ପ୍ରଧାନମନ୍ତ୍ରୀ ଦାୟିତ୍ୱ ନେବା ପର୍ଯ୍ୟନ୍ତ ୧୪ କୋଟି ଏଲପିଜି ଗ୍ରାହକ ଥିବା ବେଳେ ଏହି ସଂଖ୍ୟା ୭ କୋଟି ବୃଦ୍ଧି ପାଇ ୨୧ କୋଟିରେ ପହଂଚିଛି । ଓଡିଶାରେ ଏହି ଗ୍ରାହକ ସଂଖ୍ୟାକୁ ରାଜ୍ୟର ଏକ କୋଟି ଘର ପହଂଚାଇବା ପାଇଁ ଲକ୍ଷ୍ୟ ଧ୍ୟାର୍ଯ୍ୟ କରା ଯାଇଛି । ଏଥି ପାଇଁ ବିତରକ ନେଟବର୍କ ବୃଦ୍ଧି, ବଟଲିଂ ପ୍ଲାଂଟ, ଏଲପିଜି ପାଇପଲାଇନ, ପାଇପ ଯୋଗେ ଘରେ ଘରେ ଗ୍ୟାସ ପହଂଚାଇବା ପାଇଁ କାର୍ଯ୍ୟକ୍ରମ ହାତକୁ ନିଆ ଯାଇଛି । ରାଜ୍ୟରେ ପୂର୍ବରୁ ଚାରିଟି ବଟଲିଂ ପ୍ଲାଂଟ ଥିବା ବେଳେ ଆଉ ୪ ଶହ କୋଟି ଟଙ୍କା ଖର୍ଚରେ ଆଉ ତିନୋଟି ବଟଲିଂ ପ୍ଲାଂଟ ରାଜ୍ୟରେ ଖୋଲା ଯାଉଛି । ପାରାଦୀପରୁ ବାଲେଶ୍ୱର ପାଇପଲାଇନ ଯୋଗେ ଏଲପିଜି ପରିବହନର ବ୍ୟବସ୍ଥା କରାଯାଇଛି । ଏଲପିଜି ବିତରଣ ପ୍ରକ୍ରିୟାରେ ତାଙ୍କ ବିଭାଗ ରାଜ୍ୟରେ ଦେଢ ହଜାର କୋଟି ଟଙ୍କାର ବ୍ୟୟର ବ୍ୟବସ୍ଥା ତିଆରି କରିଛନ୍ତି ବୋଲି ଶ୍ରୀ ପ୍ରଧାନ କହିଛନ୍ତି ।
ରାଜ୍ୟରେ ଏ ପର୍ଯ୍ୟନ୍ତ ମୋଟ ୫୮୨ ଏଲପିଜି ବିତରକ ପୂର୍ବରୁ ୨୦ ଲକ୍ଷ ପରିବାରକୁ ଏଲପିଜି ଯୋଗାଉଥିଲେ ା ଏହି ବିତରକ ସଂଖ୍ୟାକୁ ଦୁଇ ଗୁଣ କରା ଯିବାକୁ ଲକ୍ଷ୍ୟ ରଖା ଯାଇଛି । ପ୍ରଥମ କିସ୍ତିରେ ଚାରିଶହ ବିତରକଙ୍କ ପାଇଁ ବିଜ୍ଞାପନ ଓ ସ୍ୱଚ୍ଛ ଚୟନ ମାଧ୍ୟମରେ ବଛା ଯିବାର ବ୍ୟବସ୍ଥା କରାଯାଇଛି । ସୋମବାର ଦିନ ଏଥି ମଧ୍ୟରୁ ୧୨୧ ଜଣଙ୍କୁ ଯୋଗ୍ୟ ବିବେଚିତ କରାଯାଇଛି । ଏହି ତାଲିକାରେ ୩୬ ମହିଳା, ୨୦ ଅନୁସୂଚିତ ଜାତି- ଜନଜାତି ଓ ୨୫ ଓବିସି ବର୍ଗର ଆଶାୟୀ ସାମିଲ ଅଛନ୍ତି ।
ଶ୍ରୀ ପ୍ରଧାନ କହିଛନ୍ତି ଯେ ସ୍ୱଚ୍ଛ ଉପାୟରେ ଲଟେରୀ ମାଧ୍ୟମରେ ଚୟନ ପ୍ରକ୍ରିୟା କରା ଯାଇଥିବାରୁ ଜଗନ୍ନାଥଙ୍କ ଆଶୀର୍ବାଦରୁ ଲେଟର ଅଫ ଇଂଟେଟ ନେଉଥିବା ଯୋଗ୍ୟ ବ୍ୟକ୍ତି ମାନେ ସାମିଲ ଅଛନ୍ତି ।

ଶ୍ରୀ ପ୍ରଧାନ କହିଛନ୍ତି ଯେ ଏଲପିଜି ସହ ସୁରକ୍ଷା ଅତ୍ୟନ୍ତ ଜରୁରୀ । ପୂର୍ବରୁ ଏଲପିଜି ଦୁର୍ଘଟଣା ଜନିତ ବୀମାରାଶି ନଗଣ୍ୟ ଥିବା ବେଳେ ଏବେ ଏହା ୬ ଲକ୍ଷ ଟଙ୍କା କୁ ବୃଦ୍ଧି କରାଯାଇଛି । ମାତ୍ର ଜୀବନ ସାମନାରେ ଟଙ୍କାର ମୂଲ୍ୟ କିଛି ନ ଥିବା କାରଣରୁ ବଡ ଆକାରରେ ସୁରକ୍ଷା ପାଇଁ ସଚେତନତା ପାଇଁ ତାଙ୍କ ବିଭାଗ କରିଥିବା ଯୋଜନାରେ
ନୂତନ ବିତରକ ମାନେ ସାମିଲ ହେବାକୁ ସେ ଅନୁରୋଧ କରିଛନ୍ତି । ଶ୍ରୀ ପ୍ରଧାନ କହିଛନ୍ତି ଯେ ଘରୋଇ ଧୁଆଁ କାରଣରୁ ଦେଶରେ ବାର୍ଷିକ ପାଂଚ ଲକ୍ଷ ମହିଳାଙ୍କ ମୃତ୍ୟୁ ହେଉଥିବା କାରଣରୁ ଏଲପିଜି ବିତରଣ ଏକ ବ୍ୟବସାୟିକ ଲାଭ ପାଇଁ କରାଯାଉଥିଲେ ମଧ୍ୟ ଏହା ସହ ଜୀବନ ବଂଚାଇବାର ଏକ ମହତ କାମରେ ଏଲପିଜି ବିତରକ ମାନଙ୍କର ଭାଗ ରହିଛି ବୋଲି ଶ୍ରୀ ପ୍ରଧାନ କହିଛନ୍ତି ।

Share in top social networks!

ଆନେ୍ଦାଳନକାରୀ ଶିକ୍ଷକ ମାନଙ୍କୁ ସମର୍ଥନ ଜଣାଇଲେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ; ମୁଖ୍ୟମନ୍ତ୍ରୀ ତୁରନ୍ତ ହସ୍ତକ୍ଷେପ କରି ସମାଧାନ କରନ୍ତୁ ଶିକ୍ଷକଙ୍କ ସମସ୍ୟା

• ଶିକ୍ଷା ସହିତ ରାଜ୍ୟର ୩୦ ଲକ୍ଷ ଛାତ୍ରଙ୍କ ଭବିଷ୍ୟତ ଜଡିତ
• ହଜାରେ ବା ଦୁଇ ହଜାର କୋଟିରୁ ଅଧିକ ଏ ବାବଦରେ ଖର୍ଚ ଯୁକ୍ତିଯୁକ୍ତ

20170820135258_5G1A1611
ଶିକ୍ଷକ, ଅଧ୍ୟାପକ ଓ କର୍ମଚାରୀ ମିଳିତ ମଂଚ ତରଫରୁ ପିଏମଜି ଛକରେ ଦିଆ
ଯାଇଥିବା ଧାରଣା ସ୍ଥଳରେ ପହଂଚି ଆନେ୍ଦାଳନକାରୀଙ୍କୁ ସମର୍ଥନ ଜ୍ଞାପନ କରିଛନ୍ତି କେନ୍ଦ୍ର ପେଟ୍ରୋଲିୟମ ଓ
ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ।
ଶ୍ରୀ ପ୍ରଧାନ କହିଛନ୍ତି ଯେ ଶିକ୍ଷା ହେଉଛି ଓଡିଶାର ମୂଳ ପୁଂଜି । ସରକାର ଓ ସରକାରଙ୍କ ଦ୍ୱାରା ସମ୍ପୂର୍ଣ ଓ ଆଂଶିକ
ଅନୁଦାନ ପ୍ରାପ୍ତ ଶିକ୍ଷାନୁÂାନ ଗୁଡିକରେ ୩୦ ଲକ୍ଷ ପିଲା ପାଠ ପଢୁଛନ୍ତି । ଶ୍ରୀ ପ୍ରଧାନ କହିଛନ୍ତି ଯେ ଏହି
ଶିକ୍ଷାନୁÂାନ ଗୁଡିକର ଆନେ୍ଦାଳନରତ ଶିକ୍ଷକ ମାନଙ୍କ ହିସାବ ଅନୁସାରେ ସେମାନଙ୍କୁ ଦରମା ଦେଲେ ରାଜ୍ୟ
ରାଜକୋଷରେ ୮୫୦ କୋଟି ଟଙ୍କା ଖର୍ଚ କରିବାକୁ ପଡିବ ।
ଶ୍ରୀ ପ୍ରଧାନ କହିଛନ୍ତି ଯେ ଶିକ୍ଷକ ମାନଙ୍କୁ ସମ୍ମାନର ସହିତ ବଂଚିବା ଓ ଉପଯୁକ୍ତ ମାନଦେୟ ହଜାରେ କୋଟି ବା ୨
ହଜାର କୋଟି ଟଙ୍କା ଖର୍ଚ ହେଲେ ବି ଏହାକୁ ଖର୍ଚ କରା ଯିବାର ଆବଶ୍ୟକତା ରହିଛି । ଶିକ୍ଷକଙ୍କୁ ସମ୍ମାନ ସହିତ
ରାଜ୍ୟର ୩୦ ଲକ୍ଷ ପିଲାଙ୍କ ଭବିଷ୍ୟତ ଜଡିତ ହୋଇଥିବାରୁ ଶିକ୍ଷକ ମାନଙ୍କର ଦାବିକୁ ରାଜ୍ୟ ସରକାର ତୁରନ୍ତ
ମାନି ନେବା ଉଚିତ ବୋଲି ଶ୍ରୀ ପ୍ରଧାନ କହିଛନ୍ତି ।
ଶ୍ରୀ ପ୍ରଧାନ କହିଛନ୍ତି ଆନେ୍ଦାଳନକାରୀ ଶିକ୍ଷକ ମାନେ ମୁଖ୍ୟମନ୍ତ୍ରୀ ଦିଲ୍ଲୀରୁ ଆସି ମାମଲାରେ ହସ୍ତକ୍ଷେପ କରନ୍ତୁ
ବୋଲି ଦାବି କରି ବସିଛନ୍ତି । ଶିକ୍ଷକ ମାନଙ୍କର ଅପେକ୍ଷା ସମ୍ପୂର୍ଣ ଯୁକ୍ତି ଯୁକ୍ତ ଓ ମୁଖ୍ୟମନ୍ତ୍ରୀ ଦିଲ୍ଲୀରୁ ଫେରିବା ପରେ
ଘଟଣାରେ ହସ୍ତକ୍ଷେପ କରି ସମାଧାନର ତୁରନ୍ତ ରାସ୍ତା କାଢନ୍ତୁ ବୋଲି ୍ର ଶ୍ରୀ ପ୍ରଧାନ କହିଛନ୍ତି ।

Share in top social networks!

ମାନ୍ୟବର କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନଙ୍କ ଦ୍ୱାରା ଭ୍ରାମ୍ୟମାଣ ମେଡିକାଲ ୟୁନିଟର ଶୁଭାରମ୍ଭ

DSC_5622
• ଏହି ଭ୍ରାମ୍ୟମାଣ ମେଡିକାଲ ୟୁନିଟ ଓଡିଶାର ଗାଁମାନଙ୍କରେ ଘର ପାଖରେ ପହଚାଂଇବ ପ୍ରାଥମିକ ସ୍ୱାସ୍ଥ୍ୟସେବା
• ପ୍ରତ୍ୟେକ ମେଡିକାଲ ୟୁନିଟରେ ରହିବେ ଜଣେ ଲେଖାଁଏ ଅଭିଜ୍ଞ ଡାକ୍ତର, ନର୍ସ, ଔଷଧ ଏବଂ ଆମ୍ବୁଲାନ୍ସ ଭଳି କାର୍ଯ୍ୟ ମଧ୍ୟ କରିବ

ଭୁବନେଶ୍ୱର: ଗ୍ରାମୀଣ ଓଡିଶାରେ ଘରେ ଘରେ ପ୍ରାଥମିକ ସ୍ୱାସ୍ଥ୍ୟସେବା ଯୋଗାଇବା ଦେବା ଲକ୍ଷ୍ୟ ନେଇ ମାନ୍ୟବର କେନ୍ଦ୍ର ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ରାଷ୍ଟ୍ରମନ୍ତ୍ରୀ ଶ୍ରୀ ଧର୍ମେନ୍ଦ୍ର ପ୍ରଧାନ ଆଜି ୧୧ଟି ନିଃଶୁଳ୍କ ଭ୍ରାମ୍ୟମାଣ ମେଡିକାଲ ୟୁନିଟର ଶୁଭାରମ୍ଭ କରିଛନ୍ତି । ଏହି ଭ୍ରାମ୍ୟମାଣ ମେଡିକାଲ ୟୁନିଟ ସମଗ୍ର ଓଡିଶାରେ ଗାଁ ଗାଁ ବୁଲି ପ୍ରାଥମିକ ସ୍ୱାସ୍ଥ୍ୟସେବା ଯୋଗାଇବ । ଏହି ସମାରୋହରେ ଅନ୍ୟମାନଙ୍କ ମଧ୍ୟରେ ଗେଲ ଇଣ୍ଡିଆ ଓ ଏଚପିସିଏଲର ବରିÂ କର୍ମକର୍ତାମାନେ ଉପସ୍ଥିତ ଥିଲେ ।

କର୍ପୋରେଟ ସାମାଜିକ ଦାୟିତ୍ୱବୋଧ (ସିଏସ୍ଆର୍) କାର୍ଯ୍ୟକ୍ରମ ଅନ୍ତର୍ଗତ ହିନ୍ଦୁସ୍ତାନ ପେଟ୍ରୋଲିୟମ କର୍ପୋରେସନ ଲିମିଟେଡ୍ ପକ୍ଷରୁ ୬ ଟି ଭ୍ରାମ୍ୟମାଣ ମେଡିକାଲ ୟୁନିଟ ପ୍ରଦାନ କରାଯାଇଥିବାବେଳେ, ଗେଲ ଇଣ୍ଡିଆ ଲିମିଟେଡ୍ ପକ୍ଷରୁ ୪ଟି ଭ୍ରାମ୍ୟମାଣ ମେଡିକାଲ ୟୁନିଟ ଏବଂ ଗୋଟିଏ ଅଏଲ ଆଣ୍ଡ ନ୍ୟାଚୁରାଲ ଗ୍ୟାସ ଲିମିଟେଡ (ଓଏନ୍ଜିସି) ପକ୍ଷରୁ ପ୍ରଦାନ କରାଯାଇଛି । ପ୍ରତ୍ୟେକ ଭ୍ରାମ୍ୟମାଣ ଯାନ ମଧ୍ୟରେ ଜଣେ ଅଭିଜ୍ଞ ଡାକ୍ତର (ସର୍ବନିମ୍ନ ଏମବିବିଏସ୍), ଜଣେ ନର୍ସ (ଏନ୍ଏମ୍), ଲ୍ୟାବ ଟେକ୍ନିସିଆନ, ଫାର୍ମାସିଷ୍ଟ, ଦରକାରୀ ଔଷଧ, ସ୍ୱାସ୍ଥ୍ୟ ଯାଂଚ ମେସିନ ଏବଂ ସ୍ୱାସ୍ଥ୍ୟ ଓ ସ୍ୱଚ୍ଛତା ସମ୍ପର୍କିତ ସୂଚନା ଏବଂ ସଚେତନତା ସମ୍ବନ୍ଧୀୟ ସାମଗ୍ରୀ ରହିଛି ।

ଏହି ଭ୍ରାମ୍ୟମାଣ ମେଡିକାଲ ୟୁନିଟ (ଏମଏମୟୁ) ଜିପିଏସ୍ ସକ୍ଷମ ଯାହାଫଳରେ ସେମାନଙ୍କ ଗତିବିଧିକୁ ବାସ୍ତବିକ ସମୟ ଆଧାରରେ ନଜର ରଖାଯାଇପାରିବ । ଏହି ଯୋଜନା ନିଜ ଆଧାର ସ୍ଥାନରୁ ୨୫ ରୁ ୪୦ କିଲୋମିଟର ମଧ୍ୟରେ ଥିବା ଗ୍ରାମଗୁଡ଼ିକରେ ବୁଲିବା ପାଇଁ ଡିଜାଇନ କରାଯାଇଛି । ଗୋଟିଏ ଏମଏମୟୁ ନିୟମିତ ଭାବେ ଗୋଟିଏ ଦିନରେ ୪ ରୁ ୫ ଟି ଗ୍ରାମ ବୁଲିପାରିବ ଏବଂ ପ୍ରାୟ ୯୦ ରୁ ୧୦୦ ଲୋକଙ୍କ ସ୍ୱାସ୍ଥ୍ୟବସ୍ଥା ତଦାରଖ କରିପାରିବ । ଜରୁରୀକାଳୀନ ପରିସ୍ଥିତିରେ, ସେମାନେ କ୍ଲିନିକ ଏବଂ ଆମ୍ଭୁଲାନ୍ସ ଭଳି କାର୍ଯ୍ୟ ମଧ୍ୟ କରିପାରିବେ । ଏମ୍ଏମ୍ୟୁ ମାଧ୍ୟମରେ ବିସ୍ତାରିତ ସୁବିଧାଗୁଡ଼ିକରେ ସାମିଲ ହେବାକୁ ଯାଉଛି, ତ୍ରୈମାସିକ ଚକ୍ଷୁ-ସ୍କ୍ରିନିଂ ଏବଂ ସ୍ୱାସ୍ଥ୍ୟ ଯାଂଚ ଶିବିର, ଗ୍ରାମାଂଚଳ ଯୁବତୀ ଏବଂ ମହିଳାମାନଙ୍କୁ ମାଗଣା ମୋକ୍ଷ ସାନିଟାରୀ ନ୍ୟାପ୍କିନ ବଂଟନ, ପାନୀୟ ଜଳକୁ ବିଶୁଦ୍ଧ କରିବା ପାଇଁ ନିଃଶୁଳ୍କ ଶୁଦ୍ଧୁ ବଟିକା ବଂଟନ ଓ ସ୍ୱାସ୍ଥ୍ୟ ଏବଂ ସ୍ୱଚ୍ଛତା ଉପରେ ସଚେତନତା ସୃଷ୍ଟି କରିବା ପାଇଁ ଆଇଇସି ସାମଗ୍ରୀର ଉପଲବ୍ଧ କରାଇବା ।

ଏହି ୪ ଟି ଭ୍ରାମ୍ୟମାଣ ମେଡିକାଲ ୟୁନିଟ୍ ଗେଲ ଇଂଡିଆର ସିଏସ୍ଆର୍ କାର୍ଯ୍ୟକ୍ରମ ଅନ୍ତର୍ଗତ ଆରୋଗ୍ୟ (ସ୍ୱାସ୍ଥ୍ୟ) ପ୍ରକଳ୍ପର ଏକ ଅଂଶବିଶେଷ, ଯାହା କି ପୋଷଣ, ସ୍ୱାସ୍ଥ୍ୟ ଓ ସ୍ୱଚ୍ଛତା ଏବଂ ପାନୀୟଜଳ ଭଳି ସୁବିଧା ପ୍ରଦାନ କରିଥାଏ । ଏହି ଯୋଜନା ପ୍ରାଥମିକତା ଭିତିରେ ଗ୍ରାମାଂଚଳରେ ପ୍ରାଥମିକ ସ୍ୱାସ୍ଥ୍ୟସେବା ଯୋଗାଇବା ସହ ପ୍ରଧାନମନ୍ତ୍ରୀ ଊର୍ଜା ଗଙ୍ଗା ଯୋଜନାରେ ଗେଲ ପକ୍ଷରୁ ପ୍ରାକୃତିକ ଗ୍ୟାସ ପାଇପ ଲାଇନ ବିଛାଯିବାକୁ ଥିବା ଜିଲା ଯେପରିକି-କଟକ, ଯାଜପୁର, ଅନୁଗୁଳ. ଢେଙ୍କାନାଳ ଆଦି ଜିଲାମାନଙ୍କରେ କାର୍ଯ୍ୟ କରିବ । ଏହି ଯୋଜନା ୱଖର୍ଡଟ ଫାଉଣ୍ଡେସନ ଦ୍ୱାରା ରୂପାୟନ ହେବ ।

ସେହିପରି ଏଚ୍ପିସିଏଲ୍ ଏହାର ସାମାଜିକ ଦାୟିତ୍ୱବୋଧ କାର୍ଯ୍ୟକ୍ରମ ଅଂଶସ୍ୱରୂପ ଧନ୍ୱନ୍ତରୀ ପ୍ରକଳ୍ପ ଅନ୍ତର୍ଗତ ଏହି ୬ ଟି ଭ୍ରାମ୍ୟମାଣ ମେଡିକାଲ୍ ୟୁନିଟ ଆରମ୍ଭ କରିଛି ଯାହାର ଲକ୍ଷ୍ୟ ହେଉଛି, ବିଭିନ୍ନ ଉପାନ୍ତ ଗ୍ରାମାଂଚଳରେ ଲୋକମାନଙ୍କୁ ଉତମ ମାନର ପ୍ରାଥମିକ ସେବା ପ୍ରଦାନ କରି ଏକ ସୁସ୍ଥ ସମାଜ ତଥା ଗୋÂୀ ଗଢି ତୋଳିବା । ଓଡିଶାରେ ଏଚ୍ପିସିଏଲ୍ ୩୦୦ ସ୍କୁଲ ଶୋ÷ଚାଳୟ, ଦକ୍ଷତା ବିକାଶ ପ୍ରଶିକ୍ଷଣ ଓ ଜନଜାତି ପିଲାମାନଙ୍କ ନିମନ୍ତେ ଏକ ଆବାସିକ ଗୃହ ମଧ୍ୟ ସ୍ଥାପନ କରିଛି ।

Share in top social networks!

୧୦୮ ଆମ୍ବୁଲାନ୍ସ ସେବାର କର୍ମଚାରୀ ମାନଙ୍କ ସମସ୍ୟାର ସମାଧାନ ପାଇଁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ଧର୍ମେନ୍ଦ୍ର ପ୍ରଧାନ

• ନିର୍ଧାରିତ ତାରିଖରେ ଦରମା ମିଳିବା, ସେମାନଙ୍କର ପେ ସ୍ଲିପରେ ଦରମାର ବିଭିନ୍ନ ଅଂଶ ଓ କଟା
ଯାଉଥିବା ରାଶିର ଉଲ୍ଲେଖ, ଶ୍ରମ ଆଇନ ବ୍ୟବସ୍ଥା ଅନୁସାରେ ଓଭରଟାଇମ କଲେ ସେ ଅନୁସାରେ
ଅର୍ଥ ପ୍ରଦାନ କରିବା, ପ୍ରଭିଡେଂଟ ଫଣ୍ଡର ବ୍ୟବସ୍ଥା କରିବା , ବାର୍ଷିକ ଦରମାରେ ବୃଦ୍ଧି, ନିୟମ
ଅନୁସାରେ ଛୁଟି ପ୍ରଦାନ କରାଯିବା ସପକ୍ଷରେ ରଖିଲେ ଯୁକ୍ତି
• କେତେକ ମୁଷ୍ଟିମେୟ ଅଧିକାରୀ ଇଏମଟି ଓ ଟେକ୍ନିସିଆନ ମାନଙ୍କୁ ନିୟମିତ ଭାବେ ହଇରାଣ ହରକତ
କରୁଥିବା ଅଭିଯୋଗ
• ଏହି ମେଡିକାଲ ଟେକ୍ନିସିଆନ ମାନଙ୍କୁ ଜରୁରୀ କାଳୀନ ଆମ୍ବୁଲାନ୍ସ ସେବା ୧୦୮ର ପଦାତିକ ବାହିନୀ
ଭାବେ ବର୍ଣନା କଲେ ଶ୍ରୀ ପ୍ରଧାନ
• ଘଟଣାକୁ ଗୁରୁତ୍ୱର ସହ ନେଇ ଗରୀବ କିନ୍ତୁ ଓଡିଶାରେ ସ୍ୱାସ୍ଥ୍ୟ ସେବାରେ ଗୁରୁତ୍ୱପୂର୍ଣ ଭୂମିକା
ନେଉଥିବା ବ୍ୟକ୍ତିବିଶେଷ ମାନଙ୍କର ସ୍ୱାର୍ଥ ରକ୍ଷା ପାଇଁ ପଦକ୍ଷେପ ନେବା ପାଇଁ କଲେ ଅନୁରୋଧ
• ବଲାଙ୍ଗୀରର ଜଣେ ଜରୁରୀକାଳୀନ ମେଡିକାଲ ଟେକ୍ନିସିଆନଙ୍କ ପତ୍ର ଆଧାରରେ ମୁଖ୍ୟମନ୍ତ୍ରୀଙ୍କୁ
ଲେଖିଲେ ଚିଠି
20374516_1434752383275003_823934098738113148_n
ରାଜ୍ୟରେ ସ୍ୱାସ୍ଥ୍ୟ ସେବାକୁ ଲୋକ ମାନଙ୍କ ଦ୍ୱାରକୁ ନେଉଥିବା ୧୦୮
ଆମ୍ବୁଲାନ୍ସ ସେବାର କର୍ମଚାରୀ ମାନଙ୍କୁ ଦରମା ଠିକ ସମୟରେ ପ୍ରଦାନ କରିବା ସହ ସେମାନଙ୍କର ବିଭିନ୍ନ ସମସ୍ୟାର
ସମାଧାନ କରିବା ପାଇଁ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ରାଜ୍ୟର ମୁଖ୍ୟମନ୍ତ୍ରୀ
ନବୀନ ପଟ୍ଟନାୟକଙ୍କୁ ପତ୍ର ଲେଖିଛନ୍ତି ।
ବଲାଙ୍ଗୀର ଜିଲ୍ଲାର ଜରୁରୀକାଳୀନ ମେଡିକାଲ ଟେକ୍ନିସିଆନ ମନୋଜ କୁମାର ସାହୁଙ୍କ ଠାରୁ ଏକ ପିଟିସନ
ପାଇବା ପରେ ଶ୍ରୀ ପ୍ରଧାନ ଏହି ପିଟିସନର ଏକ ନକଲକୁ ମୁଖ୍ୟମନ୍ତ୍ରୀଙ୍କ ନିକଟକୁ ପଠାଇବା ସହ ସେମାନଙ୍କର
ସମସ୍ୟା ଗୁଡିକର ସମାଧାନ କରିବା ପାଇଁ ଅନୁରୋଧ କରିଛନ୍ତି । ଶ୍ରୀ ପ୍ରଧାନ ଏହି ମେଡିକାଲ ଟେକ୍ନିସିଆନ ମାନଙ୍କୁ
ଜରୁରୀ କାଳୀନ ଆମ୍ବୁଲାନ୍ସ ସେବା ୧୦୮ର ପଦାତିକ ବାହିନୀ ଭାବେ ବର୍ଣନା କରିଛନ୍ତି । ସେମାନଙ୍କ ପରିଶ୍ରମ
ଯୋଗୁ ହିଁ ବହୁ ମୂଲ୍ୟ ଜୀବନ ବଂଚୁଛି ବୋଲି ଶ୍ରୀ ପ୍ରଧାନ ଏହି ପତ୍ରରେ ଉଲ୍ଲେଖ କରିଛନ୍ତି ।
ଏହି ପତ୍ରରେ ଶ୍ରୀ ପ୍ରଧାନ କହିଛନ୍ତି ଯେ ବଲାଙ୍ଗୀର ଜିଲ୍ଲାର ମନୋଜ କୁମାର ସାହୁ ତାଙ୍କ ନିକଟକୁ ଯେଉଁ ପିଟିସନ
ପଠାଇଛନ୍ତି ସେଥିରେ ତାଙ୍କ ଭଳି ଇମର୍ଜେନସି ମେଡିକାଲ ଟେକନିସିଆନ ଓ କାମ କରୁଥିବା ଲୋକ ମାନଙ୍କୁ
ଦରମା ନ ମିଳିବା ଓ କାର୍ଯ୍ୟ ବେଳେ ହଇରାଣ ହରକତ କରା ଯାଉଥିବା କଥା ଉଲ୍ଲେଖ କରିଛନ୍ତି ।
ନିର୍ଧାରିତ ତାରିଖରେ ଦରମା ମିଳିବା, ସେମାନଙ୍କର ପେ ସ୍ଲିପରେ ଦରମାର ବିଭିନ୍ନ ଅଂଶ ଓ କଟା ଯାଉଥିବା
ରାଶିର ଉଲ୍ଲେଖ, ଶ୍ରମ ଆଇନ ବ୍ୟବସ୍ଥା ଅନୁସାରେ ଓଭରଟାଇମ କଲେ ସେ ଅନୁସାରେ ଅର୍ଥ ପ୍ରଦାନ କରିବା,
ପ୍ରଭିଡେଂଟ ଫଣ୍ଡର ବ୍ୟବସ୍ଥା କରିବା , ବାର୍ଷିକ ଦରମାରେ ବୃଦ୍ଧି, ନିୟମ ଅନୁସାରେ ଛୁଟି ପ୍ରଦାନ କରାଯିବା
ସେମାନେ ତାଙ୍କ ଦାବି ପତ୍ରରେ ଉଲ୍ଲେଖ କରିଥିବା ଶ୍ରୀ ପ୍ରଧାନ ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ଜଣାଇଛନ୍ତି ।
ଏହା ସହ ଏହି ଦାବିପତ୍ରରେ ଆମ୍ବୁଲାନ୍ସ ଓ ଏଥିରେ ଥିବା ଉପକରଣ ଗୁଡିକର ସଠିକ ସମୟରେ ମରାମତି ଜରୁରୀ
ବୋଲି ଦର୍ଶା ଯାଇଛି ।
ଦେଶର ଶ୍ରମ ଆଇନ କୁ ଭାଙ୍ଗି ଲିଖିତ ନିର୍ଦେଶ ବଦଳରେ ମୌଖିକ ନିର୍ଦେଶକୁ ପାଳନ କରିବାକୁ ବାଧ୍ୟ
କରାଯାଉଥିବା ଅଭିଯୋଗ କରିବା ସହ ଆପତି ଅଭିଯୋଗ ଗୁଡିକ ଗ୍ରିଭେନ୍ସ ରିଡ୍ରେସାଲ ମିଟିଂରେ ଆଲୋଚନା
କରାଯିବା ପାଇଁ ସେମାନେ ଦାବି କରିଛନ୍ତି । ଏହା ସହ କେତେକ ମୁଷ୍ଟିମେୟ ଅଧିକାରୀ ଇଏମଟି ଓ ଟେକ୍ନିସିଆନ
ମାନଙ୍କୁ ନିୟମିତ ଭାବେ ହଇରାଣ ହରକତ କରୁଥିବା ଅଭିଯୋଗ କରିଛନ୍ତି ।
ଏ ସମସ୍ତ ବିଷୟ ମୁଖ୍ୟମନ୍ତ୍ରୀଙ୍କ ଦୃଷ୍ଟିକୁ ଆଣିବା ସହ ଏହି ଘଟଣାକୁ ଗୁରୁତ୍ୱର ସହ ନେଇ ଗରୀବ କିନ୍ତୁ ଓଡିଶାରେ
ସ୍ୱାସ୍ଥ୍ୟ ସେବାରେ ଗୁରୁତ୍ୱପୂର୍ଣ ଭୂମିକା ନେଉଥିବା ବ୍ୟକ୍ତିବିଶେଷ ମାନଙ୍କର ସ୍ୱାର୍ଥ ରକ୍ଷା ପାଇଁ ପଦକ୍ଷେପ ନେବା ପାଇଁ
ଶ୍ରୀ ପ୍ରଧାନ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରିଛନ୍ତି ।

Share in top social networks!

୩ୟ ଅନ୍ତରାଷ୍ଟ୍ରୀୟ ଯୋଗ ଦିବସରେ ଭୁବନେଶ୍ୱର ଜନତା ମଇଦାନରେ ମାନ୍ୟବର କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ବାଷ୍ପ(ରାଷ୍ଟ୍ର) ମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ଭାଗ ନେବେ

• ୧୩ ପ୍ରସିଦ୍ଧ ଯୋଗ ଗୁରୁ ସାଧାରଣ ଲୋକଙ୍କୁ ଯୋଗ ଶିଖାଇବେ
• ୧୫୦୦୦ ଲୋକ ଏଥିରେ ଭାଗ ନେବେ
• ଜନତା ମଇଦାନରେ ପ୍ରସ୍ତୁତି ଜୋରଦାର13501676_1045005062249739_6914226286831029777_n

ତୃତୀୟ ଅନ୍ତରାଷ୍ଟ୍ରୀୟ ଯୋଗଦିବସ ଅବସରରେ ଜୁନ ୨୧ ତାରିଖରେ ଏକ ବିଶାଳ ଯୋଗ ଶିବିର ସ୍ଥାନୀୟ ଜନତା ମଇଦାନରେ ଆୟୋଜନ ହେବାକୁ ଯାଉଛି । ଏହି ଅବସରରେ ମାନ୍ୟବର କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ବାଷ୍ପ (ରାଷ୍ଟ୍ର) ମନ୍ତ୍ରୀ ଶ୍ରୀଯୁକ୍ତ ଧର୍ମେନ୍ଦ୍ର ପ୍ରଧାନ ମୁଖ୍ୟଅତିଥି ଭାବେ ଯୋଗ ଦେବାର କାର୍ଯ୍ୟକ୍ରମ ରହିଅଛି । ଆୟୋଜିତ ଏହି ଯୋଗ ଶିବିରରେ ପ୍ରାୟ ସବୁବର୍ଗର ୧୫୦୦୦ ଜନତାଙ୍କ ପାଇଁ ଯୋଗାଭ୍ୟାସ କରିବାର ବ୍ୟବସ୍ଥା କରାଯାଇଛି ।
ଏତଦ୍ବ୍ୟତୀତ ଭାରତର ବିଭିନ୍ନ ପ୍ରାନ୍ତରୁ ୧୩ ଜଣ ପ୍ରସିଦ୍ଧ ଯୋଗଗୁରୁ ଏହି ଶିବିରରେ ଭାଗ ନେଇ ଲୋକଙ୍କୁ ଯୋଗର ବିଭିନ୍ନ ମୁଦ୍ରା ବିଷୟରେ ଶିକ୍ଷା ଦେବା ସହିତ ଯୋଗ କିପରି ଏକ ସୁସ୍ଥ ଜୀବନର ଏକ ଗୁରୁତ୍ୱପୂର୍ଣ୍ଣ ଅଂଶ ହୋଇପାରିବ ସେ ବିଷୟରେ ଶିକ୍ଷା ଦେବେ । ଏହି ଯୋଗ ଶିବିର ଜନତା ମଇଦାନର ୧, ୫୦,୦୦୦ ବର୍ଗଫୁଟ ଅଞ୍ଚଳରେ ପରିବ୍ୟାପ୍ତ କରାଯାଇଛି ।
୫ଟି ତୈଳ ଉପôାଦନକାରୀ ସଂସ୍ଥା ଆଇଓସି, ଏଚ୍ପିସି, ବିପିସି, ଓଏନ୍ଜିସି ଏବଂ ଗେଲ୍ ପକ୍ଷରୁ ଏହି ଯୋଗ ଶିବିର ଆୟୋଜନ କରାଯାଇଛି । ଏହି ଯୋଗ ଦିବସର କାର୍ଯ୍ୟକ୍ରମକୁ ବ୍ୟାପ୍ତ କରିବା ପାଇଁ ରାଜଧାନୀର ବିଭିନ୍ନ ଜନଗହଳିପୂର୍ଣ୍ଣ ସ୍ଥାନରେ ଏଲ୍ଇଡ଼ି ସ୍କ୍ରିନ୍ର ବ୍ୟବସ୍ଥା କରାଯାଇଛି ।
ଏ ନେଇ ଆଜି ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଆଇଓସିର ସିଜିଏମ୍ ଶ୍ରୀ ପ୍ରିତିଶ ଭରତ ସୂଚନା ଦେଇଥିଲେ । ବିପିସିଏଲ୍ର ରାଜ୍ୟ ମୁଖ୍ୟ ଶ୍ରୀ ଡି. ପାଲିତ, ଏଚ୍ପିସିଏଲ୍ର ସିନିୟର ଜେନେରାଲ ମ୍ୟାନେଜର ଶ୍ରୀ ଅମୀୟ ପାତ୍ର ଏହି ସାମ୍ବାଦିକ ସମ୍ମିଳନୀରେ ଯୋଗ ଦେଇଥିଲେ ।

Share in top social networks!

ଗଞ୍ଜାମ ଜିଲ୍ଲାର ଭଞ୍ଜନଗର ସାଧାରଣ ସଭାରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ

ନବୀନ ପଟ୍ଟନାୟକଙ୍କର ଆମ ଗାଁ ଆମ ବିକାଶ କାର୍ଯ୍ୟକ୍ରମ
ଘୋଷଣା ପରିପ୍ରେକ୍ଷୀରେ ବିଜେଡିକୁ କଲେ କଟୁ ସମାଲୋଚନା
• ଆମ ଗାଁ ଆମ ବିକାଶ କାର୍ଯ୍ୟକ୍ରମରେ ବିଜେଡି ନେତାଙ୍କୁ ପାଂଚଟି ପ୍ରଶ୍ନର ଉତର ମାଗିବାକୁ
ଗ୍ରାମବାସୀଙ୍କୁ କଲେ ଆହ୍ୱାନ
• ଯୁବକଙ୍କୁ ରୋଜଗାର, ପାନୀୟଜଳ, ଚାଷ ଜମିକୁ ଜଳସେଚନ, ଟଙ୍କିକିଆ ଚାଉଳରେ ଶ୍ରେୟ କିନ୍ତୁ
ଭୁଲ୍ ହିତାଧିକାରୀଙ୍କୁ ଲାଭ ଓ ଚିଟ୍ଫଣ୍ଡ ଟଙ୍କା ଗାଁ ଲୋକଙ୍କୁ କେବେ ଫେରସ୍ତ ମିଳିବ ବୋଲି
ପଚାରିଲେ ପ୍ରଶ୍ନ
dpjiamaogaon
ଗଞ୍ଜାମ ଜିଲ୍ଲାର ଭଞ୍ଜନଗର ଠାରେ କଂଗ୍ରେସ ନେତା ବିନାୟକ ତ୍ରିପାଠୀ ଓ ତାଙ୍କର
ହଜାର ହଜାର ସମର୍ଥକ ବିଜେପିରେ ମିଶାଇବା ସମୟରେ କେନ୍ଦ୍ର ପେଟ୍ରୋଲିୟମ ଓ ପ୍ରାକୃତିକ ଗ୍ୟାସ ମନ୍ତ୍ରୀ
ଧର୍ମେନ୍ଦ୍ର ପ୍ରଧାନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କର ଆମ ଗାଁ ଆମ ବିକାଶ କାର୍ଯ୍ୟକ୍ରମ ଘୋଷଣା
ପରିପ୍ରେକ୍ଷୀରେ ବିଜେଡିକୁ କଟୁ ସମାଲୋଚନା କରିଛନ୍ତି ।
୧୭ ବର୍ଷର ନିରଙ୍କୁଶ ଶାସନ କରି ଚାରି ଚାରି ଥର ନିର୍ବାଚନରେ ବ୍ୟାପକ ଜନ ଆଶୀର୍ବାଦ ପାଇଲା ପରେ
ମଧ୍ୟ ରାଜ୍ୟର ଗାଁ ମାନଙ୍କରେ କଣ ବିକାଶ ହୋଇଛି ତାର କଡାଗଣ୍ଡା ହିସାବ ଓଡିଶାର ଜନସାଧାରଣ ମାଗିବାକୁ
ପ୍ରସ୍ତୁତ ଅଛନ୍ତି ବୋଲି ଶ୍ରୀ ପ୍ରଧାନ ଜନସଭାକୁ ଉଦ୍ବୋଧନ ଦେଇ କହିଛନ୍ତି ।
ଶ୍ରୀ ପ୍ରଧାନ ଓଡିଶା ଗାଁ ଗଣ୍ଡାର ଲୋକ ମାନଙ୍କ ମନରେ ଥିବା ପାଂଚଟି ପ୍ରଶ୍ନର ଉତର ଆମ ଗାଁ ଆମ ବିକାଶ
କାର୍ଯ୍ୟକ୍ରମରେ ବିଜେଡି ଦେଉ ବୋଲି ଆହ୍ୱାନ ଜଣାଇଛନ୍ତି ।
ଗାଁର ଯୁବ ଶକ୍ତିକୁ ରୋଜଗାର ଦେବାରେ ରାଜ୍ୟ ସରକାର କାହିଁକି ବିଫଳ ହୋଇଛି ବୋଲି ଶ୍ରୀ ପ୍ରଧାନ ଗାଁର
ଲୋକ ମାନଙ୍କର ପ୍ରଥମ ପ୍ରଶ୍ନ ବୋଲି କହିଛନ୍ତି ।
ଖରା ଦିନେ ଗାଁ ଗାଁରେ କାହିଁକି ପାନୀୟ ଜଳ ସଙ୍କଟ କାରଣରୁ ମା ଭଉଣୀ ମାନେ ହାଣ୍ଡି ମାଠିଆ ଧରି
ରାଜରାସ୍ତାରେ ଠିଆ ହୋଇଛନ୍ତି ଏହାକୁ ଦ୍ୱିତୀୟ ପ୍ରଶ୍ନ ଭାବେ ବିଜେଡି ଜବାବ ଦେବାକୁ ଶ୍ରୀ ପ୍ରଧାନ ଆହ୍ୱାନ
ଜଣାଇଛନ୍ତି ।
କୃଷି ଓଡିଶାର ମେରୁଦଣ୍ଡ ହୋଇଥିବା ବେଳେ ଚାଷ ଜମିକୁ ଜଳ ସେଚନର ସୁବିଧା କାହିଁକି ମିଳି ପାରିନାହିଁ
ବୋଲି ଶ୍ରୀ ପ୍ରଧାନ ଓଡିଶାର ଗାଁରେ ରହୁଥିବା ଲୋକ ମାନଙ୍କର ତୃତୀୟ ପ୍ରଶ୍ନ ବୋଲି କହିଛନ୍ତି ।
ଟଙ୍କିକିଆ ଚାଉଳ ଯୋଜନାରେ କିଲେ ଚାଉଳରେ କେନ୍ଦ୍ର ୨୯ ଟଙ୍କା, ହିତାଧିକାରୀ ଟଙ୍କାଟିଏ ଦେଉଥିବା
ବେଳେ ରାଜ୍ୟ ସରକାର ସମ୍ପୂର୍ଣ୍ଣ ଶ୍ରେୟ ନେବାକୁ ଚେଷ୍ଟା କରୁଛନ୍ତି । ମାତ୍ର ଯୋଗ୍ୟ ହିତାଧିକାରୀ ବଦଳରେ
ଦଳୀୟ ଆଧାରରେ ଚାଉଳ ବାଂଟୁଛନ୍ତି । କଟକର ମେୟର ବିଜେଡି ପାଇଁ ଯୋଗ୍ୟ ହିତାଧିକାରୀ । ଏହାକୁ
ଚତୁର୍ଥ ପ୍ରଶ୍ନ ଭାବରେ ପ୍ରସ୍ତୁତ କରିଛନ୍ତି ଶ୍ରୀ ପ୍ରଧାନ ।
ଶେଷରେ ପଂଚମ ପ୍ରଶ୍ନ ଚିଟ୍ଫଣ୍ଡ କେଳେଙ୍କାରୀକୁ ନେଇ ପଚାରିଛନ୍ତି ଶ୍ରୀ ପ୍ରଧାନ । ଶ୍ରୀ ପ୍ରଧାନ କହିଛନ୍ତି ଗାଁ
ଗାଁରେ ଚିଟ୍ଫଣ୍ଡ କମ୍ପାନୀର ଠକର ଶିକାର ହୋଇ ଗରିବ ଲୋକମାନେ ଅକଥନୀୟ ଅସୁବିଧାର ଶିକାର
ହୋଇଛନ୍ତି । ମୁଖ୍ୟମନ୍ତ୍ରୀ ଟଙ୍କା ଫେରସ୍ତର ପ୍ରତିଶ୍ରୁତି ସତ୍ୱେ କାହିଁକି ଏପର୍ଯ୍ୟନ୍ତ ଟଙ୍କା ଫେରସ୍ତ ହୋଇ ନାହିଁ
ଏହାର ଉତର ରଖିବାକୁ ଶ୍ରୀ ପ୍ରଧାନ ଆହ୍ୱାନ ଜଣାଇଛନ୍ତି ।

Share in top social networks!