ଡେଙ୍ଗୁ ନିୟନ୍ତ୍ରଣରେ ସରକାରଙ୍କ ପଦକ୍ଷେପ ସନ୍ତୋଷ ଜନକ:କେନ୍ଦ୍ରୀୟଟିମ୍ ମୁଖ୍ୟ ଡାଃ ସୋନାଲ

drsonalରାଜ୍ୟରେ ଡେଙ୍ଗୁ ନିୟନ୍ତ୍ରଣ ନେଇ ସରକାରଙ୍କ ପଦକ୍ଷେପକୁ କେନ୍ଦ୍ରୀୟ ଟିମ୍ ପ୍ରସଂଶା କରିଛି। ଡେଙ୍ଗୁ ପାଇଁ କୌଣସି ପ୍ରକାର କେହି ଆତଙ୍କିତ ହେବାର କାରଣ ନାହିଁ ବୋଲି କେନ୍ଦ୍ରୀୟଟିମ୍ର ନେତୃତ୍ୱ ନେଇ ଥିବା କେନ୍ଦ୍ର ଏନ୍.ଭି.ବି.ଡି.ସି.ପି ଅତିରିକ୍ତ ନିଦେ୍ର୍ଦଶକ ଡାଃ ଗଗନ ସିଂହ ସୋନାଲ କହିଛନ୍ତି।
ଓଡିଶାରେ ଡେଙ୍ଗୁ ବ୍ୟାପିବା ପରେ ଡାଃ ସୋନାଲଙ୍କ ନେତୃତ୍ୱରେ ଏକ କେନ୍ଦ୍ରୀୟ ଟିମ୍ ବିଭିନ୍ନ ଅଂଚଳ ଗସ୍ତ କରିଥିଲେ। କେନ୍ଦୁଝର ଜିଲ୍ଲ୍ାର ଯୋଡା ଓ ବଡବିଲ ଏବଂ କଟକ ସହର ଓ ଜଗତପୁର ଅଂଚଳ ଗସ୍ତକରି ଏହି ଟିମ୍ ଆଜି ସ୍ୱାସ୍ଥ୍ୟ ବିଭାଗର ବରିଷ୍ଠ ପଦାଧିକାରୀମାନଙ୍କ ସହ ଆଲୋଚନା କରିଥିଲେ।
ଏହି ଅବସରରେ ଗଣମାଧ୍ୟମକୁ ସୂଚନା ଦେଇ ଡାଃ ସୋନାଲ କହିଛନ୍ତି ଯେ ରାଜ୍ୟରେ ଡେଙ୍ଗୁ ନିୟନ୍ତ୍ରଣାଧୀନ ରହିଛି। ଧୀରେ ଧୀରେ ପରିସ୍ଥିତି ସୁଧୁରିଲାଣି। ସରକାର ଠିକ୍ ସମୟରେ ଉଚିତ୍ ପଦକ୍ଷେପ ନେବାରୁ ଡେଙ୍ଗୁ ନିୟନ୍ତ୍ରଣକୁ ଚାଲି ଆସିଲାଣି। ବଡ଼ବିଲ୍ରେ ରୋଗୀ ସଂଖ୍ୟା କମି କମି ଆସିଲାଣି। ରୋଗ ଚିହ୍ନଟ ଠାରୁ ଆରମ୍ଭ କରି ଚିକିତ୍ସା ସବୁ ବ୍ୟବସ୍ଥା କରିଛି ସ୍ୱାସ୍ଥ୍ୟ ବିଭାଗ। ଜନସ୍ୱାସ୍ଥ୍ୟ କାର୍ଯ୍ୟକ୍ରମ ଠିକଣା ଭାବରେ କରାଯାଇଛି ଏବଂ ଲୋକମାନେ ସଚେତନ ହୋଇଛନ୍ତି।
ଡାଃ ସୋନାଲ୍ କହିଛନ୍ତି ରାଜ୍ୟ ସରକାର ଡେଙ୍ଗୁ ନିୟନ୍ତ୍ରଣ ଏବଂ ରୋଗୀଙ୍କ ଚିକିତ୍ସା ପାଇଁ କଟକରେ ମଧ୍ୟ ସବୁ ବ୍ୟବସ୍ଥା କରିଛନ୍ତି। କଟକ ସହରାଂଚଳ ହୋଇଥିବାରୁ ଏଠି ଲୋକଙ୍କ ଯାତାୟତ ସବୁବେଳେ ଲାଗି ରହୁଛି। ତେଣୁ ଏଥିପାଇଁ ଦୀର୍ଘକାଳୀନ ପ୍ରତିକାର ବ୍ୟବସ୍ଥା କରିବାକୁ ହେବ।
ଡେଙ୍ଗୁ ପରିସ୍ଥିତି ପାଇଁ ଲୋକଙ୍କ ଜୀବନଶୈଳୀକୁ ଦାୟୀ କରିଛନ୍ତି ଡା. ସୋନାଲ। ଏହାଛଡା କେନ୍ଦୁଝର ହେଉଛି ଖଣି ଅଂଚଳଳ। ଏ ଅଂଳରେ ପୁରୁଣା ଗାଡି ସହ ଗାଡି ଟାୟାର ଏଣେ ତେଣେ ପଡି ରହିଛି। ଯେଉଁଥିରେ ପାଣି ଜମିବାରୁ ଡେଙ୍ଗୁକୁ ଲୋକେ ଆମନ୍ତ୍ରଣ କରି ଡାକୁଛନ୍ତି। ଏ ଦିଗରେ ଲୋକଙ୍କୁ ସଚେତନ ହେବାକୁ ହେବ। ପୂର୍ବରୁ ଘର ଘର ବୁଲିବା ବେଳେ ସବୁଠି ମଶା ଲାର୍ଭା ଦେଖାଯାଉଥିଲା। ହେଲେ ଏବେ ଆଉ ନାହିଁ। ସବୁ ଲାର୍ଭାକୁ ନଷ୍ଟ କରାଯାଇ ସାରିଛି। ତଥାପି ଛୋଟ ଛୋଟ ଜାଗାରେ ଲର୍ଭା ରହିଥାଇ ପାରେ। ଏଥିପାଇଁ ସମସ୍ତଙ୍କୁ ସଜାଗ ରହିବାକୁ ହେବ ବୋଲି ଡା.ସୋନାଲ କହିଛନ୍ତି।
ଖାଲି ସ୍ୱାସ୍ଥ୍ୟ ବିଭାଗ ଚାହିଁଲେ, ଡେଙ୍ଗୁ ନିୟନ୍ତ୍ରଣ ହୋଇଯିବନି। ଲୋକଙ୍କୁ ସଚେତନ ହେବା ସହ ସବୁ ବିଭାଗର ସହାୟତାରେ ଡେଙ୍ଗୁ ମୁକାବିଲା ହୋଇ ପାରିବ। ତେଣୁ ଏ ଦିଗରେ ମିଳିତ ଯୋଜନା ହେବା ଦରକାର। ଖାଲି ଓଡ଼ିଶା ନୁହେଁ, ଦେଶର ବିଭିନ୍ନ ରାଜ୍ୟରୁ ଡେଙ୍ଗୁର ନୂଆ ନୂଆ କେସ୍ ଆସୁଛି। ଏଥିରେ ଭୟବିତ ବା ଆତଙ୍କିତ ହେବାର ନାହିଁ ବୋଲି ଡା,ସୋନାଲ ସ୍ପଷ୍ଟ କରିଦେଇଛନ୍ତି ।
ବୈଠକରେ ସ୍ୱାସ୍ଥ୍ୟ ସେବା ନିଦେ୍ର୍ଦଶକ ଡା.ଚିତରଞ୍ଜନ ନାୟକ, ଜନସ୍ୱାସ୍ଥ୍ୟ ନିଦେ୍ର୍ଦଶକ ଡା.କୈଳାସ ଦାସ, ଯୁଗ୍ମ ନିଦେ୍ର୍ଦଶକ ଡାଃ ବିକାଶ ପଟ୍ଟନାୟକ , ଏନ୍ଭିବିଡିସିପିର ଯୁଗ୍ମ ନିଦେ୍ର୍ଦଶକ ଡା.ମଦନମୋହନ ପ୍ରଧାନଙ୍କ ସମେତ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ। ଏପର୍ଯ୍ୟନ୍ତ ୭୮୧୪ ଜଣଙ୍କ ରକ୍ତ ନମୂନା ପରୀକ୍ଷା କରାଯାଇ ୧୬୭୦ ଜଣ ଡେଙ୍ଗୁରେ ଆକ୍ରାନ୍ତ ହୋଇଥିବା ଏବଂ ଅଦ୍ୟାବଧି ୩ ଜଣଙ୍କର ମୃତ୍ୟୁ ହୋଇଥିବା ପ୍ରକାଶ।

Share in top social networks!

ସ୍ୱାସ୍ଥ୍ୟ ବିଭାଗର ପ୍ରସ୍ତୁତି: ବାତ୍ୟା ସମୟରେ ୨୦୦ ରୁ ଉଦ୍ଧ୍ୱର୍ ନିରାପଦ ପ୍ରସବ

10678752_10152766555652170_4064713165422999063_nବାତ୍ୟା ପ୍ରଭାବିତ ୮ ଗୋଟି ଜିଲ୍ଲା,କୋରାପୁଟ,ମାଲକାନଗିରି,ନବରଙ୍ଗପୁର,ରାୟଗଡା,କଳାହାଣ୍ଡି,ଗଞ୍ଜମ,ଗଜପତି ଓ କନ୍ଧମାଳ ଜିଲ୍ଲାରେସ୍ୱାସ୍ଥ୍ୟ ବିଭାଗର ଉଚିତ ପଦକ୍ଷେପ ଯୋଗୁ ଗର୍ଭବତୀ ମହିଳାମାନେ ଠିକଣା ଭାବେ ସ୍ୱାସ୍ଥ୍ୟସେବା ପାଇ ପାରିଛନ୍ତି । ଆସନ୍ନ ପ୍ରସବା ମହିଳା ମାନଙ୍କ ପାଇଁ ଏହି ସବୁ ଜିଲ୍ଲା ଗୁଡିକରେ ଆଶାଙ୍କ ଠାରୁ ଆରମ୍ଭ କରି ସ୍ୱାସ୍ଥ୍ୟ କର୍ମୀ ମାନଙ୍କୁ ସଜାଗ ରଖା ଯିବା ସହିତ ଡାକ୍ତରଖାନାର ପ୍ରସବ ଗୃହ,ଅସ୍ତ୍ରୋପଚାର ଗୃହ , ସ୍ୱତନ୍ତ୍ର ନବଜାତକ ଯତ୍ନ ୟୁନିଟ(ଏସ୍.ଏନ୍.ସି.ୟୁ) ଗୁଡିକରେ ସ୍ୱତନ୍ତ୍ର ବ୍ୟବସ୍ଥା କରାଯାଇଥିଲା ।

ଫଳରେ ବାତ୍ୟା ଏବଂ ପ୍ରବଳ ବର୍ଷା ହେଉଥିବା ବେଳେ ୧୧ ତାରିଖ ଏବଂ ୧୨ ତାରିଖ ଦିନ ଏହି ୮ଟି ଜିଲ୍ଲାରେ ୨୦୦ ରୁ ଉଦ୍ଧ୍ୱର୍ ମହିଳା ସୁରୁଖୁରୁରେ ଡାକ୍ତରଖାନା ମାନଙ୍କରେ ପିଲା ଜନ୍ମ କରିଛନ୍ତି । ଆହୁରି ଅନେକ ଆସନ୍ନ ପ୍ରସବାଙ୍କୁ ଡାକ୍ତରଖାନାରେ ଭର୍ି କରାଯାଇ ପାରିଛି ।
ଏଠାରେ ଉଲ୍ଲେଖ କରାଯାଇ ପାରେକି ସାମୁଦ୍ରିକ ଝଡ ହୁଡ୍ ହୁଡ୍ ୧୨ ତାରିଖ ମଧ୍ୟାନରେ ଓଡିଶାର ୮ଟି ଜିଲ୍ଲାରେ ପହିବ ବୋଲି ପାଣିପାଗ ବିଭାଗର ପୂର୍ବାନୁମାନ କରିଥିବା ଦୃଷ୍ଟିରୁ ସ୍ୱାସ୍ଥ୍ୟସେବା ବଜାୟ ରଖିବା ପାଇଁ ବିଭାଗ ତରଫରୁ ତପôରତା ପ୍ରକାଶ କରାଯାଇ ଆବଶ୍ୟକ ବ୍ୟବସ୍ଥା କରିବାକୁ ଜିଲ୍ଲା ମାନଙ୍କୁ କଡା ନିଦେ୍ର୍ଧଶ ଦିଆଯାଇଥିଲା । ବିଶେଷ କରି ଆସନ୍ନ ପ୍ରସବାଙ୍କୁ ପ୍ରସବ ସୁବିଧା ଉପଲବ୍ଧ ସରକାରୀ ସ୍ୱାସ୍ଥ୍ୟ ଅନୁଷ୍ଠାନରେ ଆଣି ରଖି ସେମାନଙ୍କ ଯତ୍ନ ନେବାକୁ କୁହାଯାଇଥିଲା । ଆହୁରି ମଧ୍ୟ ଡାକ୍ତରଖାନାରେ ଥିବା ଆମ୍ବୁଲାନ୍ସ ସମେତ ୧୦୨,୧୦୮ ଆମ୍ବୁଲାନ୍ସ ଏବଂ ଭ୍ରାମ୍ୟମାଣ ସ୍ୱାସ୍ଥ୍ୟ ୟୁନିଟ୍ ଗୁଡିକୁ ପ୍ରସ୍ତୁତ କରି ରଖାଯାଇଥିଲା । ସରକାରଙ୍କ ଏହି ନିଦେ୍ର୍ଧଶ ଅନୁଯାୟୀ ବାତ୍ୟା ସମୟରେ ପ୍ରାୟ ୩୯୭ ଜଣ ଆସନ୍ନ ପ୍ରସବାଙ୍କୁ ନିରାପଦରେ ଡାକ୍ତରଖାନାକୁ ଅଣାଯାଇଥିଲା । ସେମାନଙ୍କ ମଧ୍ୟରେ କୋରାପୁଟ ଜିଲ୍ଲାରେ ୧୦୨ ଜଣ , ମାଲକାନଗିରିରେ ୪୯ ଜଣ , ନବରଙ୍ଗପୁରରେ ୩୧ ଜଣ , ରାୟଗଡାରେ ୬୬ ଜଣ , କଳାହାଣ୍ଡିରେ ୨୫ ଜଣ , ଗଞ୍ଜାମରେ ୨୨ ଜଣ , ଗଜପତିରେ ୩୭ ଜଣ ଏବଂ କନ୍ଧମାଳରେ ୫୮ ଜଣ ଆସନ୍ନ ପ୍ରସବାଙ୍କୁ ପ୍ରସବ ସୁବିଧା ଥିବା ଜିଲ୍ଲା ମୁଖ୍ୟଚିକିତ୍ସାଳୟ ଠାରୁ ଆରମ୍ଭ କରି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ମାନଙ୍କରେ ଆଣି ରଖା ଯାଇଥିଲା । ପୂର୍ବରୁ ମଧ୍ୟ ଗର୍ଭବତୀ ମହିଳାମାନେ ଆସି ଡାକ୍ତରଖାନାରେ ଭର୍ି ହୋଇଥିଲେ ।

ପ୍ରବଳ ଝଡ ବର୍ଷା ଲାଗି ରହିଥିବା ବେଳେ ଡାକ୍ତରଖାନାରେ ୨୦୦ ରୁ ଉଦ୍ଧ୍ୱର୍ ମହିଳା ସୁରୁଖୁରୁରେ ପିଲା ଜନ୍ମ କରିଥିଲେ । ୧୨ ତାରିଖ ଦିନ କୋରାପୁଟରେ ୪୪ ଜଣ , ମାଲକାନଗିରିରେ ୧୫ ଜଣ , ନବରଙ୍ଗପୁରରେ ୫୨ ଜଣ , ରାୟଗଡାରେ ୭ ଜଣ , ଗଞ୍ଜାମରେ ୩୫ ଜଣ , କଳାହାଣ୍ଡିରେ ୩୮ ଜଣ , ଗଜପତିରେ ୨୯ ଜଣ ଏବଂ କନ୍ଧମାଳରେ ୨୫ ଜଣଙ୍କର ନିରାପଦ ସନ୍ତାନ ଜନ୍ମ ଗ୍ରହଣ କରିଛନ୍ତି । ତେବେ ଗଜପତିରେ ୨୯ ଜଣଙ୍କ ମଧ୍ୟରୁ ୧୯ ଜଣଙ୍କର ସିଜରିଆନ ହୋଇ ସନ୍ତାନ ଜନ୍ମ ହୋଇଥିବା ଜନସ୍ୱାସ୍ଥ୍ୟ ନିଦେ୍ର୍ଧଶକ ଡାଃ କୈଳାଶ ଚନ୍ଦ୍ର ଦାଶଙ୍କ ଠାରୁ ପ୍ରକାଶ ।

ବର୍ମାନ ଝଡ ବର୍ଷାର ପରବର୍ି ସମୟରେ ଯେପରି କୌଣସି ପ୍ରକାର ମହାମାରି ଦେଖା ନଦିଏ ସେଥିପାଇଁ ଜିଲ୍ଲା ସ୍ୱାସ୍ଥ୍ୟ ପ୍ରଶାସନକୁ ସତର୍କ କରାଯାଇଛି । ସବୁ ସ୍ଥାନରେ ଯଥେଷ୍ଟ ପରିମାଣର ଆବଶ୍ୟକ ଔଷଧ , ହାଲୋଜେନ ବଟିକା ଏବଂ ଓ.ଆର୍.ଏସ୍ ମହଜୁଦ ରହିଛି । ଆଶାଙ୍କ ଠାରୁ ଆରମ୍ଭ କରି ସ୍ୱାସ୍ଥ୍ୟ କର୍ମୀମାନଙ୍କୁ ସଜାଗ ରଖା ଯାଇଛି । ଜିଲ୍ଲା ମାନଙ୍କର ସ୍ୱାସ୍ଥ୍ୟସେବା ବ୍ୟବସ୍ଥା ତଦାରକ ପାଇଁ ନୋଡାଲ ଅଫିସର ମାନଙ୍କୁ ଜିଲ୍ଲାମାନଙ୍କୁ ପଠାଯାଇଛି । ସମ୍ମନ୍ୱିତ ରୋଗ ସର୍ବେକ୍ଷଣ ବ୍ୟବସ୍ଥାକୁ କଡାକଡି କରାଯାଇଛି । କୌଣସି ସ୍ଥାନରେ ରୋଗ ଆଦି ଦେଖା ଦେଲେ ତୁରନ୍ତ ଆବଶ୍ୟକ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସ୍ୱାସ୍ଥ୍ୟ ବିଭାଗ ତରଫରୁ ନିଦେ୍ର୍ଧଶ ଦିଆ ଯାଇଛି ବୋଲି ଜନସ୍ୱାସ୍ଥ୍ୟ ନିଦେ୍ର୍ଧଶକ ସୂଚନା ଦେଇଛନ୍ତି ।

Share in top social networks!