କେନ୍ଦ୍ର ସଂସ୍କୃତିମନ୍ତ୍ରୀଙ୍କ ସହିତ ମୁଖ୍ୟମନ୍ତ୍ରୀଙ୍କ ଆଲୋଚନା

naveen-katochମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଓଡିଆ ଭାଷାକୁ ଶାସ୍ତ୍ରୀୟ ମାନ୍ୟତା ପ୍ରସଙ୍ଗରେ କେନ୍ଦ୍ର ସଂସ୍କୃତି ମନ୍ତ୍ରୀ ଶ୍ରୀମତୀ ଚନ୍ଦ୍ରେସ କୁମାରୀ କାଟୋଚ୍ ଙ୍କ ସହିତ ଟେଲିଫୋନ ଯୋଗେ ଆଲୋଚନା କରିଛନ୍ତି । ପ୍ରାଚୀନ ଓ ସମୃଦ୍ଧ ଓଡିଆ ଭାଷାକୁ ଶାସ୍ତ୍ରୀୟ ମାନ୍ୟତା ପ୍ରଦାନ ପାଇଁ କେନ୍ଦ୍ର ସାହିତ୍ୟ ଏକାଡ଼େମୀର ଭାଷା ବିଶେଷଜ୍ଞ କମିଟିର ଅନୁମୋଦନ ପ୍ରସଙ୍ଗ ଉତଥାପନ କରି ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଏହାକୁ ତୁରନ୍ତ କ୍ୟାବିନେଟ୍ ରେ ଉପସ୍ଥାପନ କରିବା ପାଇଁ କେନ୍ଦ୍ରମନ୍ତ୍ରୀଙ୍କୁ ଅନୁରୋଧ କରିଛନ୍ତି ।

ଏହା ଓଡିଶାବାସୀ, ବିଶେଷକରି ସାହିତ୍ୟିକ, ଭାଷାବିତ୍ ଓ ବୁଦ୍ଧିଜୀବୀ ମାନଙ୍କର ଦୀର୍ଘଦିନର ଦାବି ବୋଲି ପ୍ରକାଶ କରି ଏହି ମାନ୍ୟତା ପ୍ରଦାନ ପ୍ରକ୍ରିୟାକୁ ତ୍ୱରାନ୍ୱିତ କରିବା ପାଇଁ ମୁଖ୍ୟମନ୍ତ୍ରୀ କହିଥିଲେ । ସୂଚନାଯୋଗ୍ୟଯେ ମୁଖ୍ୟମନ୍ତ୍ରୀ ପୂର୍ବରୁ ମଧ୍ୟ ଏ ପ୍ରସଙ୍ଗରେ ପ୍ରଧାନମନ୍ତ୍ରୀଙ୍କୁ ପତ୍ର ଲେଖି ଓଡିଆଭାଷାକୁ ଶାସ୍ତ୍ରୀୟ ମାନ୍ୟତା ପ୍ରଦାନ ପାଇଁ ଅନୁରୋଧ କରିଥିଲେ ।

Share in top social networks!

ଓଡିଆ ଭାଷାର ଶାସ୍ତ୍ରୀୟ ମାନ୍ୟତା

କେନ୍ଦ୍ରସରକାରଙ୍କ ଦ୍ଵାରା ଓଡିଆଭାଷାକୁ ଶାସ୍ତ୍ରୀୟ ଭାଷା ଭାବେ ଘୋଷଣା କରାଯିବା ନିଅମନ୍ତେ ଓଡିଶା ସରକାରଙ୍କ ପକ୍ଷରୁ ପ୍ରତିବଦ୍ଧ ଉଦ୍ୟମ ସହିତ ସମସ୍ତ ପ୍ରକାରର ଆବଶ୍ୟକ ପଦକ୍ଷେପ ଏବଂ ଆନୁଷଙ୍ଗିକ ବ୍ୟବସ୍ଥା ଗ୍ରହଣ କରାଯାଉଛି । ଗତ ଜୁନ ମାସ ୨୪ ତାରିଖ ଦିନ ଓଡିଶାର ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ କେନ୍ଦ୍ର ସଂସ୍କୃତି ମନ୍ତ୍ରୀ ଶ୍ରୀମତୀ ଚନ୍ଦ୍ରେସ କୁମାରୀ କାଟୁଚ୍ ଙ୍କ ନିକଟକୁ ଓଡିଶା ସରକାରଙ୍କ ପକ୍ଷରୁ ପ୍ରସ୍ତୁତ ପାଞ୍ଚଶହ ପ୍ରୁଷ୍ଠା ସମ୍ବଳିତ ଏକ ବିସ୍ତ୍ରୁତ ଗବେଷଣାତ୍ମକ ବିବରଣୀ ପଠାଇବା ସହିତ ଓଡିଆ ଭାଷାକୁ ଶାସ୍ତ୍ରୀୟ ମାନ୍ୟତା ପ୍ରଦାନ ଲାଗି ଉପଯୁକ୍ତ ପଦକ୍ଷେପ ନେବାକୁ ଅନୁରୋଧ କରି ଏକ ପାତ୍ର ଲେଖିଥିଲେ । ଏହି ପ୍ରାମାଣିକ ତଥ୍ୟ ସମ୍ବଳିତ ତଥା ଶତାଧିକ ରଙ୍ଗୀନ ଫଟୋଚିତ୍ର ଆଧାରିତ ସନ୍ଦର୍ଭଟି ଓଡିଶା ସରକାରଙ୍କ ଦ୍ଵାରା ଓଡିଶାର ବିଶିଷ୍ଟ ଭାଷା ତତ୍ତ୍ଵବିତ୍, ଭାଷା ଗବେଷକ ଓ ବିଦ୍ଵାନ୍ ମାନଙ୍କୁ ନେଇ ଗଠିତ ଏକ ଗବେଷକ ମଣ୍ଡଳୀ ଦ୍ଵାରା ପ୍ରସ୍ତୁତ ହୋଇଥିଲା ।

ଓଡିଆ ଭାଷା ପ୍ରତିଷ୍ଠାନର ନିର୍ଦ୍ଦେଶକ ଓ ଓଡିଶା ସାହିତ୍ୟ ଏକାଡ଼େମୀର ସଚିବଙ୍କୁ ଏହି ଗବେଷଜ୍ଞ ମଣ୍ଡଳୀର ଆବାହକ ଦାୟିତ୍ଵ ପଦତ୍ତ ହୋଇଥିଲା । ଚଳିତ ଜୁଲାଇ ମାସ ୧୯ ତାରିଖରେ ପୁନଶ୍ଚ ଓଡିଶାର ମୁଖ୍ୟମନ୍ତ୍ରୀ ଭାରତର ପ୍ରଧାନ ମନ୍ତ୍ରୀଙ୍କୁ ଏକ ପତ୍ର ଲେଖି ଓଡିଆ ଭାଷାକୁ ଶାସ୍ତ୍ରୀୟ ମାନ୍ୟତା ପ୍ରଦାନ ଲାଗି ଯଥାର୍ଥ ପଦକ୍ଷେପ ନିଆଜିବା ପାଇଁ ଅନୁରୋଧ କରିଥିଲେ । ଓଡିଆ ଭାଷା ପ୍ରତିଷ୍ଠାନର ନିର୍ଦ୍ଦେଶକ ଡ. ପ୍ରସନ୍ନ କୁମାର ମହାନ୍ତି ଓ ଓଡିଶା ସାହିତ୍ୟ ଏକାଡ଼େମୀର ସଚିବ ଶ୍ରୀ ବିଜୟ ନାୟକଙ୍କୁ ସରକାର ଏକ ୨ ଦିନିଆ ଦିଲ୍ଲୀ ଗ୍ରସ୍ତରେ ଜୁଲାଇ ୨୨ ତାରିଖରେ ପଠାଇଛନ୍ତି । ସେମାନେ ୨୨ ତାରିଖରେ ଦିଲ୍ଲୀରେ କେନ୍ଦ୍ର ସଂସ୍କୃତି ମନ୍ତ୍ରୀଙ୍କ ଘରୋଇ ସଚିବ ଶ୍ରୀମତୀ ଶୁଭା ଶର୍ମା,କେନ୍ଦ୍ର ସଂସ୍କୃତି ନିର୍ଦ୍ଦେଶକ ଶ୍ରୀମତୀ ମିନାକ୍ଷୀ ଶର୍ମା,କେନ୍ଦ୍ର ସାହିତ୍ୟ ଏକାଡେମିର ସଚିବ ଶ୍ରୀ କେ. ଶ୍ରୀନିବାସ ରାଓ ,ସଂସ୍କୃତି ବିଭାଗ ଅନୁସଚିବା ଶ୍ରୀ ଦୀପଙ୍କର ଦତ୍ତ ପ୍ରମୁଖଙ୍କୁ ସାକ୍ଷାତ କରି ଓଡିଆ ଭାଷାର ଶାସ୍ତ୍ରୀୟ ଭାଷା ସମ୍ବନ୍ଧିତ ବିଭିନ୍ନ ଗୁରୁତ୍ଵପୂର୍ଣ୍ଣ ପ୍ରସଙ୍ଗରେ ବିସ୍ତ୍ରୁତ ଆଲୋଚନା କରିଛନ୍ତି ।

ଏହି କାର୍ଯ୍ୟରେ ଦିଲ୍ଲୀ ସ୍ଥିତ ଓଡିଶା ସରକାରଙ୍କ ଯୁଗ୍ମ ଆବାସିକ କମିଶନର ଶ୍ରୀ ଟୃ ବିକ୍ରମ ପ୍ରଧାନ ଓ ଦିଲ୍ଲୀରେ ଅବସ୍ଥାପିତ ପର୍ଯ୍ୟଟନ ଅଧିକାରୀ ଶ୍ରୀ ଶରତ କୁମାର ପତି ସମସ୍ତ ପ୍ରକାର ସହଯୋଗ କରିଛନ୍ତି । ଏଠାରେ ଉଲ୍ଲେଖଯୋଗ୍ୟ ଯେ ଜୁଲାଇ ୨୩ ତାରିଖ ଦିନ ଓଡିଆ ଭାଷାକୁ ଶାସ୍ତ୍ରୀୟମାନ୍ୟତା ପ୍ରଦାନ ପ୍ରସ୍ତାବର ବିଚାର କରିବା ପାଇଁ ବିଶେଷଜ୍ଞ କମିଟିର ଗୁରୁତ୍ଵ ପୂର୍ଣ୍ଣ ବୈଠକ କେନ୍ଦ୍ର ସାହିତ୍ୟ ଏକାଡେମିରେ ଅନୁଷ୍ଠିତ ହୋଇଛି ।

Share in top social networks!