ବିପିୟୁଟି ପ୍ରଶ୍ନପତ୍ର ପ୍ରଘଟ ମାମଲାର ତଦନ୍ତ ଭାର କ୍ରାଇମବ୍ରାଞ୍ଚ କୁ ଦିଆଯାଇଛି

03 B.P.U.T STUDENTS DEMONSTATION.ASHOK (1)ଚଳିତ ବର୍ଷ ଜାନୁଆରୀ ମାସରେ ବିଜୁ ପଟ୍ଟନାୟକ ବୈଷୟିକ ବିଶ୍ଵବିଦ୍ୟାଳୟର ପଞ୍ଚମ ସେମିଷ୍ଟାର ପରୀକ୍ଷା ପ୍ରଶ୍ନପତ୍ର ଲିକ୍ ମାମଲାର ତଦନ୍ତ ଭାର କ୍ରାଇମବ୍ରାଞ୍ଚ କୁ ଦିଆଯାଇଛି | ଏନେଇ ବୈଷୟିକ ଶିକ୍ଷା ଓ ତାଲିମ ବିଭାଗ (ଇଟିଇଟି) ପକ୍ଷରୁ କ୍ରାଇମବ୍ରାଞ୍ଚ ଅତିରିକ୍ତ ଡିଜିଙ୍କୁ ଚିଠି ଲେଖାଯାଇଛି | ଏହାଛଡା ବିପିୟୁଟି କର୍ତ୍ତୃପକ୍ଷ ମଧ୍ୟ ନୋଟିସ୍ ପଠାଯାଇଥିବା ଜଣାପଡିଛି |

ସୂଚନାଯୋଗ୍ୟ ଯେ ବିପିୟୁଟି ସେମିଷ୍ଟାର କଣ୍ଟ୍ରୋଲ ସିଷ୍ଟମ ଇଞ୍ଜିନିୟରିଂ (କୋଡ ନଂ ପିସିଇସି-4003) ପାଠ୍ୟକ୍ରମ ପରୀକ୍ଷା ଜାନୁଆରୀ ୯ ତାରିଖ ପ୍ରଥମ ସିଟିଙ୍ଗ ରେ ହେବାର ଥିଲା | ମାତ୍ର ପୂର୍ବ ରାତିରେ ପ୍ରଶ୍ନପତ୍ର ବଜାରରେ ଉପଲବ୍ଧ ହୋଇଥିଲା | ଏକଥା ଜଣାପଡିବା ପରେ ବିପିୟୁଟି କର୍ତ୍ତୃପକ୍ଷ ଅନିର୍ଦ୍ଧିଷ୍ଟ କାଳ ଲାଗି ଉପରୋକ୍ତ ବିଷୟ ପରୀକ୍ଷାକୁ ସ୍ଥଗିତ ରଖିଥିଲେ | ଏହି ଘଟଣାରେ ବିପିୟୁଟି କର୍ତ୍ତୃପକ୍ଷଙ୍କ ଦାୟିତ୍ଵହୀନତାକୁ ଦାୟୀ କରିବା ସହ ଏଥିରେ ବିଶ୍ଵବିଦ୍ୟାଳୟର କର୍ମଚାରୀ ସମ୍ପୃକ୍ତ ଥିବା ନେଇ ଅଭିଯୋଗ ହୋଇଥିଲା | ଏହି ଘଟଣାର କ୍ରାଇମବ୍ରାଞ୍ଚ ତଦନ୍ତ କରିବାକୁ ନିଖିଲ ଓଡିଶା ବିପିୟୁଟି ଛାତ୍ର ସଂଘ ପକ୍ଷରୁ ଦାବି ହୋଇଥିଲା |

କେବଳ ସେତିକି ନୁହେଁ ଏହା ପୂର୍ବରୁ ପ୍ରଶ୍ନପତ୍ରଲିକ୍ ହୋଇଥିଲେ ମଧ୍ୟ ସେ ଘଟଣାର କୌଣସି ତଦନ୍ତ ହୋଇ ନଥିଲା | ଦ୍ଵିତୀୟ ଘଟଣା ପରେ ବିପିୟୁଟି କର୍ତ୍ତୃପକ୍ଷ ସମସ୍ତ କଲେଜରୁ ପ୍ରଶ୍ନପତ୍ର ଫେରାଇ ଆଣିବାକୁ ଘୋଷଣା କରିଥିଲେ ମଧ୍ୟ ଆଜି ପର୍ଯ୍ୟନ୍ତ ୩୦ ରୁ ଊର୍ଦ୍ଧ୍ଵ ଇଞ୍ଜିନିୟରିଂ କଲେଜ ଏହା ଫେରାଇ ନାହାନ୍ତି ବୋଲି ସଂଘର ଆବାହକ ଶ୍ରୀ ମହାନ୍ତି ଅଭିଯୋଗ କରିଛନ୍ତି | ପ୍ରଶ୍ନପତ୍ରଲିକ୍ ଘଟଣାରେ କ୍ରାଇମବ୍ରାଞ୍ଚ ତଦନ୍ତ ନିର୍ଦ୍ଦେଶକୁ ସଂଘ ପକ୍ଷରୁ ସ୍ଵାଗତ କରାଯିବା ସହ ଏଥିପାଇଁ ବିଭାଗୀୟ ମନ୍ତ୍ରୀଙ୍କୁ ସଂଘ କୃତଜ୍ଞତା ଜ୍ଞାପନ କରିଛି |

Share in top social networks!

ବିପିୟୁଟି: ପରୀକ୍ଷା ପୂର୍ବରୁ ପ୍ରଶ୍ନପତ୍ର ଲିକ୍

17 BPUT STUDENTS DEMONSTATION AND COLLEGE RAMPAGE.ASHOK (1)
ବିଜୁ ପଟ୍ଟନାୟକ ବୈଷୟିକ ବିଶ୍ଵବିଦ୍ୟାଳୟ (ବିପିୟୁଟି) ରେ ଅବ୍ୟବସ୍ଥାକୁ ନେଇ ସମୟରେ ଛାତ୍ର ଆଶାନ୍ତି ବୃଦ୍ଧି ପାଉଥିବା ବେଳେ ଆସନ୍ତାକାଲି ହେବାକୁ ଥିବା ପରୀକ୍ଷାର ପ୍ରଶ୍ନପତ୍ରର ଜେରକ୍ସ କପି ବଜାରରେ ଉପଲବ୍ଧ ହେଉଛି | ଏ ସଂକ୍ରାନ୍ତରେ ବିପିୟୁଟି କର୍ତ୍ତୃପକ୍ଷଙ୍କ କୌଣସି ପ୍ରତିକ୍ରିୟା ମିଳିପାରିନାହିଁ |

ମିଳିଥିବା ସୂଚନା ଅନୁସାରେ ବୁଧବାର ପଞ୍ଚମ ସେମିଷ୍ଟାର ଇଲେକଟ୍ରିକାଲ ପାଠ୍ୟକ୍ରମ କଣ୍ଟ୍ରୋଲ ସିଷ୍ଟମ ପରୀକ୍ଷା ହେବ | ମାତ୍ର ମଙ୍ଗଳବାର ସନ୍ଧ୍ୟାରୁ ରାଜଧାନୀର ବିଭିନ୍ନ ସ୍ଥାନରେ ଏହି ପ୍ରଶ୍ନପତ୍ର ର ଜେରକ୍ସ କପି ମୁଳୁଛି | ଏହାକୁ ନେଇ ଛାତ୍ରମାନଙ୍କ ମଧ୍ୟରେ ଆଶଙ୍କା ସୃଷ୍ଟି ହୋଇଛି | ବଜାରରେ ମିଳୁଥିବା ପ୍ରଶ୍ନପତ୍ର ଯଦି ଅସଲି ହୋଇଥାଏ ତେବେ ଦିନରାତି ପରିଶ୍ରମ କରି ପାଠ ପଢୁଥିବା ମେଧାବୀ ଛାତ୍ରଛାତ୍ରୀ ପ୍ରଭାବିତ ହେବେ ବୋଲି ମତ ପ୍ରକାଶ ପାଇଛି |

ଏହି ବିଷୟରେ ଆସନ୍ତାକାଲି ବିପିୟୁଟି ଅଧୀନରେ ଥିବା ପ୍ରାୟ ୧୨୭ଟି କଲେଜରେ ହେବ ବୋଲି ମତ ପ୍ରକାଶ ପାଇଛି | ସବୁବେଳେ ଚର୍ଚ୍ଚାରେ ରହି ଆସୁଥିବା ବିପିୟୁଟି ଏବେ ପୁଣି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛି|

Share in top social networks!