ପ୍ରଥମ ପର୍ଯ୍ୟାୟ ପଂଚାୟତ ନିର୍ବାଚନ ପାଇଁ କନକ ବର୍ଦ୍ଧନ ସିଂଦେଓଙ୍କ ନିର୍ବାଚନ ପ୍ରଚାର

-ବରଗଡ଼, ଦେଓଗଡ଼, କେନ୍ଦୁଝର, ବାଲେଶ୍ୱର ଓ କଟକରେ ନିର୍ବାଚନୀପ୍ରଚାର ଜିବେ ଶ୍ରୀ ସିଂଦେଓ
ପ୍ରଥମ ପର୍ଯ୍ୟାୟ ପଂଚାୟତ ନିର୍ବାଚନ ପ୍ରଚାର ଗସ୍ତରେ ରାଜ୍ୟ ବିଜେପି ବିଧାୟକ ଦଳର ନେତା କନକ ବର୍ଦ୍ଧନ ସିଂଦେଓ ଆଶନ୍ତାକାଲି ରାଜ୍ୟର ପୃଥକ୍ ପୃଥକ୍ ୫ଟି ଜିଲ୍ଲା ଗସ୍ତରେ ଯାଉଛନ୍ତି । ବରଗଡ଼ ଜିଲ୍ଲାର ଅତାବିରାର କାଠଡେରା ପଡ଼ିଆରେ ଅବତରଣ କରି ସକାଳ ୧୦ଟାରେ ପହଂଚିବେ ସଭାସ୍ଥଳ ହିଲିପାଲିରେ । ଦେଓଗଡ଼ ଜିଲ୍ଲାର ସୁଗୁଡ଼ାଠାରେ ଅବତରଣ କରି ଦିନ ୧୧.୩୦ରେ ସୁଗୁଡ଼ା ଫୁଟବଲ ପଡ଼ିଆରେ ଆୟୋଜିତ ସଭାରେ ଉଦ୍ବୋଧନ ଦେବେ । ଶ୍ରୀ ସିଂଦେଓ ଦିନ ୧ଟାରେ କେନ୍ଦୁଝର ଜିଲ୍ଲା ଘସିପୁରା ବ୍ଲକ ଭଣ୍ଡାରିଡିହା ଲକ୍ଷ୍ମୀ ପଡ଼ିଆରେ ଆୟୋଜିତ ନିର୍ବାଚନ ସଭାରେ ଯୋଗ ଦେବେ । ଅପରାହ୍ନ ୨.୩୦ରେ ବାଲେଶ୍ୱର ଜିଲ୍ଲା ରଉଡ଼ିଆ ପୋଖରୀ ପଡ଼ିଆ କରିଅନ୍ଦାଠାରେ ଉଦ୍ବୋଧନ ଦେବେ । ସେହିପରି ଅପରାହ୍ନ ୩.୪୫ରେ ଶ୍ରୀ ସିଂଦେଓ କଟକ ଜିଲ୍ଲା ମାହାଙ୍ଗା ନଦୀଆ ସାହାସପୁର ମେଡିକାଲ ପଡ଼ିଆ ପାନସପୁରରେ ଉଦ୍ବୋଧନ ଦେବାର କାର୍ଯ୍ୟକ୍ରମ ରହିଛି ବୋଲି ରାଜ୍ୟ କାର୍ଯ୍ୟାଳୟ ସୁତ୍ରରୁ ପ୍ରକାଶ ।

Share in top social networks!

ପଣ୍ଡିତ ଦୀନଦୟାଲ ଉପାଧ୍ୟାୟଙ୍କର ଜନ୍ମ ଶତବାର୍ଷିକରେ ବିଜେପିର ବର୍ଷ ବ୍ୟାପୀ କାର୍ଯ୍ୟକ୍ରମ

bjpmuraliପଣ୍ଡିତ ଦୀନଦୟାଲ ଉପାଧ୍ୟାୟଙ୍କର ଜନ୍ମ ଶତବାର୍ଷିକ ପୂତି ଉପଲକ୍ଷେ ୨୦୧୬ ସେପ୍ଟେମ୍ବର ୨୫ରୁ ୨୦୧୭ସେପ୍ଟେମ୍ବର ୨୫ ପର୍ଯ୍ୟନ୍ତ ସମଗ୍ର ଦେଶରେ ବିଭିନ୍ନ କାର୍ଯ୍ୟକ୍ରମ ପାଳନ କରିବା ପାଇଁ ଭାରତୀୟ ଜନତା ପାର୍ଟି ତରଫରୁ ନିଷ୍ପତି ନିଆଯାଇଛି। ଏହି ପରିପ୍ରେକ୍ଷୀରେ ରାଜ୍ୟସ୍ତରୀୟ ପଣ୍ଡିତ ଦୀନଦୟାଲ ଉପାଧ୍ୟାୟ ଶତବାର୍ଷିକ ଉତ୍ସବ କମିଟିର ସଂଯୋଜକ ତଥା ବିଜେପିର ରାଜ୍ୟ ଉପସଭାପତି ଶ୍ରୀ ନୟନ କିଶୋର ମହାନ୍ତି ରାଜ୍ୟ ମୁଖ୍ୟ କାର୍ଯ୍ୟାଳୟଠାରେ ଏଥିପାଇଁ ଆୟୋଜିତ ସାମ୍ବାଦିକ ସମ୍ମିଳନୀରେ ବର୍ଷବ୍ୟାପି କାର୍ଯ୍ୟକ୍ରମ ଅନୁଷ୍ଠିତ ହେବାକୁ ଯାଉଥିବା ସୂଚନା ଦେଇଛନ୍ତି। କେରଳର କୋଝିକୋଡ ଠାରେ ବିଜେପିର ରାଷ୍ଟ୍ରୀୟ କାର୍ଯ୍ୟକାରିଣୀ ଓ ରାଷ୍ଟ୍ରୀୟ ପରିଷଦର ମିଳିତ ଅଧିବେଶନ ସେପ୍ଟେମ୍ବର ୨୩ ରୁ ଆରମ୍ଭ ହୋଇ ୨୫ ପର୍ଯ୍ୟନ୍ତ ଅନୁଷ୍ଠିତ ହେଉଛି। ୨୫ ତାରିଖ ଦିନ ଦୀନଦୟାଲ ଜୟନ୍ତୀରେ ପଣ୍ଡିତ ଦୀନଦୟାଲ ଉପାଧ୍ୟାୟ ଶତବାର୍ଷିକ କାର୍ଯ୍ୟକ୍ରମକୁ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦି ଆନୁଷ୍ଠାନିକ ଭାବେ ଉଦ୍ଘାଟନ କରିବେ ଏବଂ ଏହି କାର୍ଯ୍ୟକ୍ରମର ସିଧା ପ୍ରସାରଣ ବିଭିନ୍ନ ବୈଦୁ୍ୟତିକ ଗଣମାଧ୍ୟମରେ କରାଯିବ। ଶ୍ରୀ ମହାନ୍ତି ଜିଲ୍ଲା ସ୍ତରରୁ ବୁଥ୍ ସ୍ତର ପର୍ଯ୍ୟନ୍ତ ବିଜେପିର ବିଭିନ୍ନ କମିଟି ମାନେ ଦୀନଦୟାଲଙ୍କ ଉଦେ୍ଦଶ୍ୟରେ ସ୍ୱତନ୍ତ୍ରଭାବେ ସଭା ସମିତି କରିବା ସହିତ ପ୍ରଧାନମନ୍ତ୍ରୀଙ୍କର ଏହି ଉଦ୍ଘାଟନୀ କାର୍ଯ୍ୟକ୍ରମକୁ ଟେଲିଭିଜନ ଜରିଆରେ ଲୋକଙ୍କୁ ଦେଖାଇବାର ବ୍ୟବସ୍ଥା କରିବାକୁ ନିଦେ୍ର୍ଦଶ ଦିଆଯାଇଛି ବୋଲି ପ୍ରକାଶ କରିଥିଲେ। ଏଥି ସହିତ ବୃକ୍ଷରୋପଣ, ରକ୍ତଦାନ ଶିବିର, ଗ୍ରାମସଭା, ପଦଯାତ୍ରା, ଗଣଦୌଡ, ଦୀନଦୟାଲଙ୍କ ଜୀବନକୁ ନେଇ କୁଇଜ୍ ପ୍ରତିଯୋଗୀତା, କ୍ରୀଡା ପ୍ରତିଯୋଗୀତା, ଦେଶାତ୍ମବୋଧକ ଗୀତ, ଯୋଗ ପ୍ରଣାୟମ ଓ ବ୍ୟାପକ ଜନସଂପର୍କ ଯାତ୍ରା ପ୍ରଭୃତି ଉପରେ ପ୍ରତିଯୋଗିତା କାର୍ଯ୍ୟକ୍ରମ ବର୍ଷସାରା ଅନୁଷ୍ଠିତ ହେବ। ଏହି କାର୍ଯ୍ୟକ୍ରମରେ ମୁଖ୍ୟତଃ ଭାରତୀୟ ସଂସ୍କୃତି ଓ ତାର ମହାନତା ଦୀନଦୟାଲଙ୍କ ପ୍ରଣୀତ ଏକାତ୍ମ ମାନବ ବାଦ ଦର୍ଶନ ପ୍ରଭୃତି ବିଷୟ ଆଲୋଚନାର ମୁଖ୍ୟ ପ୍ରସଙ୍ଗ ରହିବ। ବିଭିନ୍ନ ସମୟରେ ଦରିଦ୍ର ନାରାୟଣ ସେବା ମାଧ୍ୟମରେ ଦୀନଦୟାଲଙ୍କ ବାଣୀ ଓ ଆଦର୍ଶ ଯେପରି ସମାଜର ସବୁଠାରୁ ଦରିଦ୍ରତମ ଲୋକପାଖରେ ଯେପରି ପହଞ୍ଚô ପାରିବ ତାହା ଉପରେ ଗୁରୁତ୍ୱ ଦିଆଯିବ।
ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ବିଜେପରି ବରିଷ୍ଠ ଉପସଭାପତି ଶ୍ରୀ ସମୀର ମହାନ୍ତି, ରାଜ୍ୟ ପ୍ରବକ୍ତା ଶ୍ରୀ ଦିଲ୍ଲୀପ ମହାନ୍ତି, ବିଜେପି ବାର୍ତାାର ମୁଖ୍ୟ ସଂପାଦକ ଅଧ୍ୟାପକ ପୂର୍ଣ୍ଣଚନ୍ଦ୍ର ମଲ୍ଲିକ ଏବଂ ପରିଚାଳନା ସଂପାଦକ ଶ୍ରୀ ଭୁବନାନନ୍ଦ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ।

Share in top social networks!

ବିଜେଡ଼ି ନେତାଙ୍କ ଗୁଣ୍ଡାଗିରି ଚଳିବନାହିଁ: ବିଜେପି

bjpଓଡ଼ିଶା ରାଜନୈତିକ ଇତିହାସରେ ଏକ କଳଙ୍କକାରି ଘଟଣା ଘଟିଯାଇଅଛି। ଓଡ଼ିଶାର ବର୍ତମାନ ସରକର ତାର ଏକ ଛତ୍ର ବାଦୀ ଏତେ ଉଗ୍ରରୁପ ନେଇ ଅଛି ଯେ ସେମାନେ ଦିନ ଦ୍ୱିପ୍ରହରରେ ସମସ୍ତ ଜନତାଙ୍କର ଆଖି ଆଗରେ ଏକ ସାମ୍ବିଧାନିକ ପକ୍ରୀୟାକୁ ବିରୋଧ କରି କିପରି ନିଧୁମ ମୁଥ ଓ ଲାତ ମାରି ମରଣାନ୍ତର ଆକ୍ରମଣ କରିଛନ୍ତି ତାହାର ଏକ ନଗ୍ନ ରୁପ ଦେଖିବାକୁ ମିଳିଛି। ଆଜି ବୈାଦ୍ଧ ଜିଲ୍ଲାର ମନମୁଣ୍ଡାକୁ ରାଜ୍ୟର କେଳେଙ୍କାରି ମନ୍ତ୍ରୀ ସଂଜୟ ଦାସବର୍ମା ଓ ପଷ୍ପେନ୍ଦ୍ର ସିଂ ଦେଓ ଏକ କାର୍ଯ୍ୟକ୍ରମକୁ ଯୋଗଦେବାକୁ ଯାଉଥିବା ବେଳେ କିଛି ବିଜେପି କର୍ମି ଶାନ୍ତି ପୂର୍ଣ୍ଣଭାବେ କଳାପତାକା ଦେଖାଉଥିବା ସମୟରେ ସେଠାରେ ବିଜେଡ଼ିର କିଛି ଗୁଣ୍ଡାକର୍ମି ମନ୍ତ୍ରୀ ଦାସବର୍ମାଙ୍କ, ପୁଷ୍ପେନ୍ଦ୍ର ସିଂଦେଓ ଉପସ୍ଥିତିରେ ଓ ବୋଲଗଡ଼ ବେଗୁନିଆ ବିଧାୟକ ପ୍ରଶାନ୍ତ ଜଗଦେବ ନିଦେ୍ର୍ଧଶରେ ବିଜେପି କର୍ମିମାନଙ୍କୁ ନିସ୍ତୁକ ମାଡ଼ ମାରିଥିଲେ। ସେମାନେ ସଂଙ୍ଘବଧରୁପେ କିଏ ଗୋଇଠା, କିଏ ମୁଥ ମାରି ସାଧାରଣ ବିଜେପି କର୍ମିମାନଙ୍କୁ ଲହୁ ଲୁହାଣ କରିଦେଇଥିଲେ। ଏହି ନିନ୍ଦନୀୟ କାର୍ଯ୍ୟକଳାପ ପାଇଁ ବିଜେପି ଯୁବ ମୋର୍ଚ୍ଚା ଏକ ବିକ୍ଷୋବ ପଦର୍ଶନ ମାଷ୍ଟରକ୍ୟାଂଟିନ୍ ଠାରେ କରିଥିଲେ। ଏହି କାର୍ଯ୍ୟକ୍ରମ ଦ୍ୱାରା ବିଜେପିରୁ ବହୁ ଯୁବନେତାମାନେ ଏହି କାର୍ଯ୍ୟକଳାପକୁ ନିନ୍ଦାକରି ନବୀନ ପଟ୍ଟନାୟକଙ୍କର ଇସ୍ତଫା ଦାବି କରିଥିଲେ। ଏହି କାର୍ଯ୍ୟକ୍ରମକୁ ଭୁବନେଶ୍ୱର ଜିଲ୍ଲା ଯୁବ ମୋର୍ଚ୍ଚା ସଭାପତି ଶ୍ରୀ ଦେବାଶିସ ନାୟକଙ୍କ ନେତୃତ୍ୱରେ କରାଯାଇଥିଲା । ଏଥିରେ ରାଜ୍ୟର ସାଧାରଣ ସଂପାକକ ଶ୍ରୀ ଭୃଗୁବକ୍ସି ପାତ୍ର, ରାଜ୍ୟ ଉପସଭାପତି ଶ୍ରୀ ସମୀର ମହାନ୍ତି , ଜିଲ୍ଲା ସଭାପତି ଶ୍ରୀ ହରେକୃଷ୍ଣ ଖୁଂଟିଆ,ଅମିୟ ଦାଶ,ବିଭାସ ସେନ ଗୁପ୍ତା, ରାଜ୍ୟ ଯୁବମୋର୍ଚ୍ଚ ଦୁଇ ସାଧାରଣ ସଂପାଦକ ଶ୍ରୀ ଠାକୁର ରଂଜିତ୍ ଦାସ ଏବଂ ବିଶ୍ୱରଞ୍ଜନ ବଡ଼ଜେନା, ସଂପାଦକ ଦୀପକ ଗୋଚ୍ଛାୟତ, ଦୁଇ ରାଜ୍ୟ ସଂଯୋଜକ ସତ୍ୟବ୍ରତ ନାୟକ, ପ୍ରସାନ୍ତ ସ୍ୱାଇଁ , ବିଭୁତୀ ପୃଷ୍ଟି, ସୁଜିତ କୁମାର ସ୍ୱାଇଁ ଓ ବହୁ ଯୁବନେତା ଉପସ୍ଥିତ ରହି ରାଜ୍ୟ ସରକାରଙ୍କ ଏହି ଘୃଣୀୟ କାର୍ଯ୍ୟ ପାଇଁ ବିକ୍ଷୋଭ ପ୍ରଦର୍ଶନ କରିଥିଲେ।

Share in top social networks!

ଜମି ଦୁର୍ନିତୀର ସିବିଆଇ ତଦନ୍ତ ହେବା ସହ ସମସ୍ତ ଦୋଷୀଙ୍କୁ ଶୀଘ୍ର ଗିରଫ ଦାବୀରେ ଗୋପ ତହସିଲ୍ କାର୍ଯ୍ୟାଳୟ ଘେରାଉ କଲା ବିଜେପି

goptahashilକିଛି ଉଚ୍ଚପଦସ୍ତ ଅଧିକାରୀ ଏବଂ ରାଜନୈତିକ ବ୍ୟକ୍ତିଙ୍କ ଛତ୍ରଛାୟାରେ ଚାଲିଥିଲା ହଜାର ହଜାର ଏକର ସରକାରୀ ଓ ବେସରକାରୀ ଜମି ହଡପ । ବିବାଦୀୟ ପୋଲିସ ଅଧିକାରୀ ସତୀଶ ଗଜଭିୟେଙ୍କ ସମେତ ବହୁ ଅଧିକାରୀ ଓ ରାଜନୈତିକ ବ୍ୟକ୍ତି ମାଡି ବସିଛନ୍ତି ଏହି ନିରୀହ ଗରିବ ଚାଷୀ ତଥା ସାଧାରଣ ଜନତା ଓ ପ୍ରଭୁ ଶ୍ରୀ ଜଗନ୍ନାଥଙ୍କ ଜମି । ଯଥାଶୀଘ୍ର ଏହି ଜମିସବୁକୁ ଜବର ଦଖଲରୁ ମୁକ୍ତ କରି ଅସଲ ମାଲିକମାନଙ୍କୁ ଫେରାଇ ଦିଆଯିବା ସହ ତୁରନ୍ତ ସମସ୍ତ ଦୋଷୀମାନଙ୍କୁ ଗିରଫ କରାଯାଇ ଏସମସ୍ତ ମାମଲାର ସିବିଆଇ ଦ୍ୱାରା ତଦନ୍ତ ହେଲେ ପ୍ରକୃତ ସତ୍ୟ ସାମନାକୁ ଆସିପାରିବ ବୋଲି ବିଜେପିର ବରିଷ୍ଠ ନେତା ତଥା ରାଷ୍ଟ୍ରୀୟ କାର୍ଯ୍ୟକାରିଣୀ ସଦସ୍ୟ ଶ୍ରୀ ବିଜୟ ମହାପାତ୍ର ଆଜି ଗୋପ ତହସିଲ୍ କାର୍ଯ୍ୟାଳୟ ଘେରାଉ ଅବସରରେ କହିଛନ୍ତି । ହଜାର ହଜାର କର୍ମୀମାନଙ୍କ ଗ୍ରହଣରେ ଆଜି ରାଜ୍ୟର ବହୁ ବରିଷ୍ଠ ନେତା ଏବଂ କର୍ମୀ ଏକ ଶୋଭାଯାତ୍ରାରେ ଆସି ରାଜ୍ୟପାଳଙ୍କ ଉଦେ୍ଧଶ୍ୟରେ ଗୋପ ତହସିଲଦାରଙ୍କୁ ଦାବୀ ପତ୍ର ଦେଇଛନ୍ତି ।
ଜଳସେଚନ ବିଭାଗ ଦ୍ୱାରା ୬୫ଲକ୍ଷ ଟଙ୍କାରେ ବ୍ୟୟରେ ନିର୍ମିତ ଗଭୀର ନଳକୁପକୁ ଭାଙ୍ଗିଦେବା, ପ୍ରଧାନମନ୍ତ୍ରୀ ଗ୍ରାମ୍ୟ ସଡକ ଯୋଜନାରେ ୫ କୋଟି ଟଙ୍କା ଖର୍ଚ୍ଚ କରି ଉକ୍ତ ବିବାଦୀୟ ପୋଖରୀ ସ୍ଥଳକୁ ସଡକ ନିର୍ମାଣ କରିବା ଇତ୍ୟାଦି, ସେହି ଅଫିସର ଏବଂ ରାଜନୈତିକ ବ୍ୟକ୍ତି ମାନଙ୍କ ଅସାଧୁ ମେଣ୍ଟର ଅସଲ ପରିଚୟକୁ ଲୋକଲୋଚନକୁ ଆଣି ଦେଇଛି ବୋଲି ଶ୍ରୀ ମହାପାତ୍ର କହିଛନ୍ତି ।
ଉକ୍ତ ଘେରାଉ ଓ ପ୍ରତିବାଦ ସଭାରେ ଶ୍ରୀ ମହାପାତ୍ରଙ୍କ ସମେତ ରାଜ୍ୟ ଉପ ସଭାପତି ପୃଥ୍ୱୀରାଜ ହରିଚନ୍ଦନ, ସଂପାଦିକା ପ୍ରଭାତୀ ପରିଡା, ସଂପାଦକ ଡ.ଯତୀନ ମହାନ୍ତି, ବରିଷ୍ଠ ନେତା ବାଇଧର ମଲ୍ଲିକ୍, କୃଷ୍ନ ଜଗଦେ୍ଧବ, ଦିଲ୍ଲୀପ ମଲ୍ଲିକ, ଦିଲ୍ଲୀପ ମହାନ୍ତି, ଜଗନ୍ନାଥ ପ୍ରଧାନ, ପ୍ରଭଞ୍ଜନ ମହାପାତ୍ର, ସୁରଥ ବିଶ୍ୱାଳ ପ୍ରମୁଖ ଉପସ୍ଥିତ ଥିଲେ ।

Share in top social networks!

ପ୍ରଭୁ ଜଗନ୍ନାଥଙ୍କ ବ୍ରହ୍ମପରିବର୍ତନରେ ମହାବିଭ୍ରାଟ, ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କୁ ବହିଷ୍କାର କରି କ୍ଷମା ମାଗନ୍ତୁ ମୁଖ୍ୟମନ୍ତ୍ରୀ : ବିଜେପି

bjppressନବକଳେବର ଆରମ୍ଭରୁ ଶେଷ ଯାଏଁ ଖାଲି ବିଭ୍ରାଟ ହିଁ ବିଭ୍ରାଟ । ଶ୍ରୀମନ୍ଦିର ଓ ପ୍ରଭୁ ଜଗନ୍ନାଥ କୋଟି କୋଟି ଓଡ଼ିଆଙ୍କର ଭାବାବେଗ ସହ ଜଡ଼ିତ ଥିବାବେଳେ ଭୋଟ୍ ବିକଳିଆ ରାଜ୍ୟ ସରକାର ସାଧାରଣ ଜନତାର ଭାବାବେଗ ସହ ଖେଳିଛନ୍ତି । ପ୍ରଭୁ ଜଗନ୍ନାଥଙ୍କ ପ୍ରତି ଟିକିଏ ବି ସମ୍ମାନ ବୋଧ ନାହିଁ । ଅତି ଖାମଖିଆଲି ଭାବେ ନବକଳେବର ଯାତ୍ରାକୁ ପରିଚାଳନା କରିବାର ପ୍ରତିଫଳନ ଦେଖିବାକୁ ମିଳିଛି । ଶ୍ରୀମନ୍ଦିର ମୁଖ୍ୟ ପ୍ରଶାସକ ଅହଙ୍କାରଗ୍ରସ୍ତ ହୋଇ ଯେଉଁ ବିଭ୍ରାଟ ସୃଷ୍ଟି କରିଛନ୍ତି ତାହା ଅକ୍ଷମଣୀୟ । ତାଙ୍କୁ ତୁରନ୍ତ ବହିଷ୍କାର କରିବା ଦରକାର । ଜନତାଙ୍କ ବିଶ୍ୱାସ ଓ ଭାବାବେଗକୁ ଆଘାତ ଦେଇଥିବାରୁ ମୁଖ୍ୟମନ୍ତ୍ରୀ ଓଡ଼ିଶାବାସୀଙ୍କ ନିକଟରେ କ୍ଷମା ପ୍ରାର୍ଥନା କରନ୍ତୁ ବୋଲି ବିଜେପି ଦାବି କରିଛି ।
ଆଜି ରାଜ୍ୟ ବିଜେପି କାର୍ଯ୍ୟାଳୟରେ ରାଜ୍ୟ ସଭାପତି କନକ ବର୍ଦ୍ଧନ ସିଂହଦେଓ ଓ ବିଜୟ ମହାପାତ୍ରଙ୍କ ଦ୍ୱାରା ଏକ ମିଳିତ ସାମ୍ବାଦିକ ସମ୍ମିଳନୀରେ ବିଜେପି ଏହି ଦାବି କରିଛି । ବିଜେପି ପକ୍ଷରୁ କୁହାଯାଇଛିଯେ, କାଲି ଗଜପତି ମହାରାଜା ଦିବ୍ୟସିଂହ ଦେବା ଗଣମାଧ୍ୟମରେ ଯେଉଁଭଳି ଭାବେ କ୍ଷୋଭ ପ୍ରକାଶ କରିଛନ୍ତି ତାହା ଅତୀତରେ କେବେ ଦେଖିବାକୁ ମିଳିନଥିଲା । ଶ୍ରୀମନ୍ଦିର ପରିଚାଳନାରେ ରାଜନୀତିକ ଅନୁପ୍ରବେଶକୁ ନେଇ କ୍ଷୋଭ ପ୍ରକାଶ କରିଛନ୍ତି ଗଜପତି ମହାରାଜା । ମହାରଣା ସେବାୟତଙ୍କ ଠାରୁ ନେଇ ଦଇତାପତି ଓ ବାଡ଼ଗ୍ରାହୀଙ୍କ ପର୍ଯ୍ୟନ୍ତ ସମସ୍ତେ କେଉଁଭଳି ଭାବେ ପ୍ରଭୁ ଜଗନ୍ନାଥଙ୍କ ରୀତିନୀତିରେ ବିଭ୍ରାଟ ହୋଇଛି ତାହାର ପ୍ରମାଣ ଦେଇସାରିଛନ୍ତି । ଏଥିରୁ ସ୍ପଷ୍ଟ ପ୍ରତୀୟମାନ ହୋଇଛିଯେ, ସରକାର ଶ୍ରୀମନ୍ଦିର ପରିଚାଳନାରେ ବ୍ୟର୍ଥ ହୋଇଥିବାବେଳେ ଆଗାମୀ ଦିନରେ ପ୍ରଭୁଙ୍କ ରୀତିନୀତି ଶୃଙ୍ଖଳିତ ହେବାନେଇ ଆଶଙ୍କା ପ୍ରକାଶ ପାଇଛି । ରଥଯାତ୍ରାର ସୁପରିଚାଳନା ପାଇଁ ରାଜ୍ୟ ସରକାର ତୁରନ୍ତ କେନ୍ଦ୍ରର ସହାୟତା ଲୋଡ଼ନ୍ତୁ ବୋଲି ବିଜେପି ପକ୍ଷରୁ ଦାବି କରାଯାଇଥିବାବେଳେ ଏନେଇ ରାଜ୍ୟ ବିଜେପି ମଧ୍ୟ କେନ୍ଦ୍ର ସରକାରଙ୍କୁ ଅବଗତ କରାଇବ ବୋଲି କୁହାଯାଇଛି ।
ଏହି ଅବସରରେ ରାଜ୍ୟ ସଭାପତି ଶ୍ରୀ ସିଂହଦେଓ ବିଜେପିର ଆଗାମୀ ଦିନର ରଣନୀତି ସମ୍ପର୍କରେ ସୂଚନା ଦେଇଥିଲେ । ଆଗାମୀ ୨୧ରେ ଆର୍ନ୍ତଜାତିକ ଯୋଗ ଦିବସ ଉପଲକ୍ଷେ ବିଜେପି ଭୁବନେଶ୍ୱର ସମେତ ପ୍ରତି ଜିଲ୍ଲା ଓ ମଣ୍ଡଳ ସ୍ତରରେ ଯୋଗ କାର୍ଯ୍ୟକ୍ରମ ଆୟୋଜିତ କରିବ । ସେହିପରି ଆସନ୍ତା ୨୩ରୁ ଜୁଲାଇ ୬ ପର୍ଯ୍ୟନ୍ତ ହେବାକୁ ଥିବା ମହାସମ୍ପର୍କ ଅଭିଯାନ ଅବସରରେ ବିଜେପି ୩୧ ଲକ୍ଷ ନୂଆ ସଭ୍ୟଙ୍କ ନିକଟରେ ପହଁଚିବା ସହ କେନ୍ଦ୍ର ସରକାରଙ୍କ ସଫଳତା ସମ୍ପର୍କରେ ଅବଗତ କରାଇବେ । ରାଜ୍ୟରେ ଚାଲିଥିବା ଅପାରଗ ସରକାରର ଜନବିରୋଧୀ କାର୍ଯ୍ୟକ୍ରମ ବିରୋଧରେ ବିଜେପି ଲଢ଼େଇ କରିବା ସହ ଆନେ୍ଦାଳନ କରିବ ବୋଲି ଶ୍ରୀ ସିଂହଦେଓ ସୂଚନା ଦେଇଥିଲେ ।
bjppress
ଅପରପକ୍ଷରେ ପ୍ରଭୁ ଜଗନ୍ନାଥଙ୍କ ବ୍ରହ୍ମ ପରିବର୍ତନ ବିବାଦ ନେଇ ବରିଷ୍ଠ ବିଜେପି ନେତା ବିଜୟ ମହାପାତ୍ର କହିଲେଯେ, ଦାରୁ ଚିହ୍ନଟ ପ୍ରକି୍ରୟାର ରାଜନୀତି କରଣ କରି ଯେଉଁଭଳି ଭାବେ ସ୍ୱପା୍ନଦେଶ ପରମ୍ପରାର ଅବମାନନା କରାଗଲା ତାହା ଅତୀତରେ କେବେ ଦେଖିବାକୁ ମିଳିନଥିଲା । ବିଜେଡି ନେତାମାନେ ଏହି କାର୍ଯ୍ୟକୁ ଏକ ନିର୍ବାଚନୀ କାର୍ଯ୍ୟକ୍ରମ ଭାବେ ପରିଚାଳିତ କଲେ । ବିଜେପି ଏନେଇ ପୂର୍ବରୁ ସତର୍କ କରିଦେବା ସହ ମୁଖ୍ୟ ପ୍ରଶାସକଙ୍କ ବିରୁଦ୍ଧରେ ସ୍ୱର ଉତୋଳନ କରି ଆସିଛି ବୋଲି ସେ ଅଭିଯୋଗ କରିଥିଲେ । ଜଗତ୍ଗୁରୁ ଶଙ୍କରାଚାର୍ଯ୍ୟଙ୍କ ପ୍ରତି ଅପମାନ, ଗଜପତି ମହାରାଜଙ୍କ ପ୍ରତି ବାରମ୍ବାର ଉପେକ୍ଷା, ସର୍ବୋପରି ଶହ ଶହ ବର୍ଷଧରି ନିଶାର୍ଦ୍ଧରେ ହୋଇଆସୁଥିବା ବ୍ରହ୍ମ ପରିବର୍ତନ ପରମ୍ପରାକୁ ଉଲଙ୍ଘନକରି ଯେପରି ସ୍ପଷ୍ଟ ଦିବାଲୋକରେ ବ୍ରହ୍ମ ପରିବର୍ତନ କରାଗଲା ତାହା ଅକ୍ଷମଣୀୟ । ଚାରି ବାଡଗା୍ରହୀଙ୍କ ବ୍ୟତୀତ ଶାସକ ଦଳର ନେତା ଭାବେ ବିବେଚିତ ଅନ୍ୟ କେତେକ ଦଇତାପତି ବ୍ରହ୍ମ ଦର୍ଶନ ପାଇଁ ଜିଦ୍ ଧରି ବ୍ରହ୍ମ ପରିବର୍ତନ ପ୍ରକିୟାକୁ ବିଳମ୍ବିତ କରିଥିଲେ । ଏମିତିକି ନିଜ ଜିଦ୍ରେ ଅଟଳ ରହି ସେହି ଦଇତାପତିମାନେ ବ୍ରହ୍ମ ଦର୍ଶନ କରିଥିଲେ । ଏଭଳି ଧର୍ମ ଓ ପରାମ୍ପରା ବିରୋଧୀ ଘଟଣା ଇତିହାସରେ କେବେବି ଘଟିନଥିଲା । ବାରମ୍ବାର ଏଭଳି ବିଶୃଙ୍ଖଳିତ ତତ୍ୱମାନଙ୍କୁ ପୋସôାହନ ଯୋଗାଇ ଆସୁଥିବା ଅପାରଗ ମୁଖ୍ୟ ପ୍ରଶାସକଙ୍କ ଦାୟିତ୍ୱହୀନତାରୁ ଏପରି ଘଟଣା ଘଟିଲା । ଏଭଳି ଅଧିକାରୀଙ୍କ ତତ୍ୱାବଧାନରେ ଆଗାମୀ ରଥଯାତ୍ରା ଶୃଙ୍ଖଳାର ସହିତ ହୋଇ ପାରିବ ବୋଲି ଆଶା କରାଯାଉନାହିଁ । ତେଣୁ ରାଜ୍ୟ ସରକାର ତୁରନ୍ତ ମୁଖ୍ୟ ପ୍ରଶାସକଙ୍କୁ ତାଙ୍କ ଦାୟୀତ୍ୱରୁ ଅବ୍ୟାହତି ଦେଇ ଚାକିରୀରୁ ନିଲମ୍ବିତ କରନ୍ତୁ । ନହେଲେ ଏହି ବିଭ୍ରାଟ ପାଇଁ ମୁଖ୍ୟ ପ୍ରଶାସକ ନିଜେ ଦାୟୀ ହୋଇଥିବାରୁ ସେ ନିଜେ ନିଜ ବିରୁଦ୍ଧରେ ତଦନ୍ତ କରିବା ଏକ ହାସ୍ୟାସ୍ପଦ ଘଟଣା ହେବ । ସେହିଭଳି ଖୋଦ୍ ମୁଖ୍ୟମନ୍ତ୍ରୀ ଏହି ଅବ୍ୟବସ୍ଥା ପାଇଁ ପରୋକ୍ଷରେ ଦାୟୀ ହୋଇଥିବାରୁ ସେ ମଧ୍ୟ ରାଜରାସ୍ତାକୁ ଆସି ଯୋଡହସ୍ତରେ ଜଗନ୍ନାଥ ପ୍ରେମୀମାନଙ୍କ ନିକଟରେ କ୍ଷମା ଭିକ୍ଷା କରନ୍ତୁ । ଆଗାମୀ ରଥଯାତ୍ରାକୁ ଶୃଙ୍ଖଳିତ ଓ ବ୍ୟବସ୍ଥିତ କରିବା ପାଇଁ ରାଜ୍ୟର ସବୁ ସାଧୁ, ସନ୍ଥ ଓ ଜଗନ୍ନାଥ ପ୍ରେମୀମାନେ ଏକତ୍ରିତ ହୋଇ ସରକାରଙ୍କ ପ୍ରୋସôାହନରେ ଚାଲୁଥିବା ବିଭ୍ରାଟ ବିରୁଦ୍ଧରେ ଆନେ୍ଦାଳନ କରିବା ପାଇଁ ବିଜେପି ଆହ୍ୱାନ ଦେଉଛି ଏବଂ ଜଗନ୍ନାଥ ଧର୍ମ, ସଂସ୍କୃତି ଓ ପରମ୍ପରାର ସୁରକ୍ଷା ପାଇଁ ବିଜେପି ଏଭଳି ଆନେ୍ଦାଳନକୁ ସମର୍ଥନ କରିବ ବୋଲି ଶ୍ରୀ ମହାପାତ୍ର କହିଛନ୍ତି ।
ଏହି ସାମ୍ବାଦିକ ସମ୍ମିଳନୀରେ ବିଜେପି ମୁଖପାତ୍ର ସମୀର ମହାନ୍ତି, ସଜ୍ଜନ ଶର୍ମା ଓ ବିଜେପି ନେତ୍ରୀ ପ୍ରଭାତୀ ପରିଡ଼ା ପ୍ରମୁଖ ଉପସ୍ଥିତ ଥିଲେ ।

Share in top social networks!

ବିଜୁ ଛାତ୍ର ଜନତା ନେତାଙ୍କ ଦାଦାଗିରି ଏବିଭିବି ଛାତ୍ର ନେତାଙ୍କୁ ମାଡ଼, ପୁଲିସ୍ ନିଷ୍କ୍ରିୟ, ଅପରାଧୀଙ୍କୁ ଗିରଫ ପାଇଁ ବିଜେପିର ଦାବି

10924741_1563909887159356_83656246579231082_nବିଜେଡ଼ିକୁ ଏବେ ବିଜେପି ଭୟ ଘାରିଛି । ବିଜେପିର କ୍ରମବର୍ଦ୍ଧିଷ୍ଣୁ ଲୋକପ୍ରିୟତା ଏବେ ବିଜେଡ଼ି ନେତାଙ୍କୁ ଚିନ୍ତାରେ ପକାଇ ଦେଇଥିବାବେଳେ ପୁରୁଣା କାଳିଆ କଂଗ୍ରେସ ନେତାଙ୍କ ଫର୍ମୁଲା ଆପଣାଉଥିବାର ନଜିର ସୃଷ୍ଟି ହୋଇଛି । ବାହୁବଳ ଲଗାଇ ବିଜେପି ନେତା ଓ ଛାତ୍ରନେତାଙ୍କୁ ଦମନ ପାଇଁ ବିଜେଡ଼ି ଉଦ୍ୟମ କରୁôଥବା ଦେଖିବାକୁ ମିଳୁଛି । ମନ୍ତ୍ରୀ ବଦ୍ରି ନାରାୟଣ ପାତ୍ରଙ୍କ ଖାସ୍ ଅନୁଗତ ତଥା ବିଜୁ ଛାତ୍ର ଜନତା ଦଳର ରାଜ୍ୟ ସମ୍ପାଦକ ଆନନ୍ଦପୁର କଲେଜର ଏବିଭିପି ନେତା ଓ ସଭାପତି ସିପୁନ୍ ଦାସଙ୍କୁ ମରଣାନ୍ତକ ଆକ୍ରମଣ ଘଟଣାରୁ ଏହା ସ୍ପଷ୍ଟ ହୋଇଯାଇଛି । ଏବେ ସେ କଟକ ବଡ଼ ମେଡ଼ିକାଲ କଲେଜରେ ଚିକିତ୍ସାଧୀନ ଥିବାବେଳେ ବିଜେପିର ଏକ ରାଜ୍ୟସ୍ତରୀୟ ପ୍ରତିନିଧି ଦଳ ତାଙ୍କୁ ଭେଟିବା ସହ ଘଟଣାର କଡ଼ା ନିନ୍ଦା କରିଛନ୍ତି ।

ଏସମ୍ପର୍କରେ ବିଜେପି ମୁଖପାତ୍ର ସମୀର ମହାନ୍ତି କହିଛନ୍ତିଯେ, ଗୋଟିଏ ପଟେ ବିଜୁ ଛାତ୍ର ଜନତା ଛାତ୍ର ସମ୍ମେଳନ ଆୟୋଜନ କରିଥିବାବେଳେ ଅପରପକ୍ଷରେ ବିଜୁ ଛାତ୍ର ଜନତା ନେତାମାନେ ଅନ୍ୟ ଛାତ୍ରନେତାଙ୍କୁ ମାଡ଼ ମାରି ଭିନ୍ନ ବାର୍ତା ଦେଇଛନ୍ତି । ଗତ ୧୫ ତାରିଖ ଦିନ ଏବିଭିପି ଛାତ୍ର ନେତାଙ୍କୁ ବିଜେଡ଼ି ଛାତ୍ର ନେତାମାନେ ମାଡ଼ ମାରିଛନ୍ତି । କିନ୍ତୁ ଆଶ୍ଚର୍ଯ୍ୟର କଥା ମନ୍ତ୍ରୀ ବଦ୍ରି ପାତ୍ରଙ୍କ ନିଦେ୍ର୍ଧଶରେ ପୁଲିସ୍ କାର୍ଯ୍ୟାନୁଷ୍ଠାନ ନନେଇ ଚୁପ୍ ହୋଇ ବସିଛି । ଏନେଇ ଆନନ୍ଦପୁର କଲେଜର ଛାତ୍ରଛାତ୍ରୀମାନେ ରାସ୍ତାରୋକ୍ କରିଥିବାବେଳେ ଗତ ଦୁଇଦିନ ଧରି ଶ୍ରେଣୀ ବର୍ଜନ ଜାରି ରଖିଛନ୍ତି । ଗଣତାନ୍ତ୍ରିକ ରାଷ୍ଟ୍ରରେ ଏଭଳି ଏକ ଘଟଣା ଅତ୍ୟନ୍ତ ନିନ୍ଦନୀୟ ବୋଲି ସେ କହିଛନ୍ତି ।

ଶ୍ରୀ ମହାନ୍ତି କହିଛନ୍ତି ଯେ, ଆଜି ଘସିପୁରାର ବିଜେପି ନେତା ସତ୍ୟବ୍ରତ ପଣ୍ଡାଙ୍କ ନେତୃତ୍ୱରେ ସଜ୍ଜନ ଶର୍ମା, ବିନୋଦ ଦାସ, ନୟନ କିଶୋର ମହାନ୍ତି, ସିକନ୍ଦର ଅଲ୍ଲୀ, ବିଜେପି କଟକ ନଗର ଜିଲା ସଭାପତି ସ୍ୱପ୍ନେଶ୍ୱର ଦାସ ଓ ଘସିପୁରାର ଯୁବ ନେତା ଅଖିଳ ବିଶ୍ୱାଳ ପ୍ରମୁଖ କଟକ ବଡ଼ ମେଡ଼ିକାଲ ଯାଇ ଆହତ ଛାତ୍ରଙ୍କୁ ଭେଟିଥିଲେ । ଏହି ଘଟଣାରେ ତୁରନ୍ତ ପୁଲିସ୍ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହ ସଂପୃକ୍ତ ବିଜେଡ଼ି ଛାତ୍ରନେତାଙ୍କୁ ଗିରଫ କରିବା ପାଇଁ ଦାବି କରାଯାଇଛି । ଏହାଛଡ଼ା ଆହତ ଛାତ୍ରଙ୍କୁ ରାଜ୍ୟ ସରକାର ଚିକିତ୍ସା ସୁବିଧା ଓ ସହାୟତା ପ୍ରଦାନ କରିବାକୁ ବିଜେପି ପ୍ରତିନିଧି ଦଳ ଦାବି କରିଛନ୍ତି ।

Share in top social networks!

ଗଣତନ୍ତ୍ରର ହତ୍ୟାକରୁଥିବା ନବୀନ ସରକାରକୁ ଲୋକେ ଜବାବ ଦେବେ-ରାସ୍ତାକୁ ଓହ୍ଲାଇଲା ବିଜେପି

ଚିଟଫଣ୍ଟ କେଲେଙ୍କାରୀର ଅପରାଧୀ ନବୀନ ସରକାର ବିରୋଧରେ ବିଜେପି ଆଜିଠାରୁ ରାଜ ରାସ୍ତାକୁ ଓହ୍ଲାଇ ଆନେ୍ଦାଳନ ଆରମ୍ଭ କରିଛି । ଏହି କ୍ରମରେ ଆଜି କଟକସ୍ଥିତ କଦମରସୁଲ ଠାରୁ ଏକ ବିଶାଳ ଶୋଭାଯାତ୍ରାରେ ଯାଇ ଆରଡିସି କାର୍ଯ୍ୟାଳୟ ନିକଟରେ ପହଁଚି ଆନେ୍ଦାଳନ କରି ପୋଲିସ ଦ୍ୱାରା ଗିରଫ ହୋଇଛନ୍ତି ।

ରାଜ୍ୟସଭାପତି ଶ୍ରୀ କନକ ବର୍ଦ୍ଧନ ସିଂହ ଏଠାରେ ଉଦବୋଧନ ଦେଇ କହିଲେ ଯେ ନବୀନ ସରକାର ବିଧାନସଭାକୁ ଅଚଳ କରି ଗଣତନ୍ତ୍ରକୁ ହତ୍ୟା କରିଛନ୍ତି । ବିଧାନସଭା ବାହାରେ ମଧ୍ୟ ସରକାର ଏହା ଉପରେ ଆଲୋଚନା ନ କରି ପଳାୟନପନ୍ଥୀ ସାଜିଛନ୍ତି । ଦଳର ବରିଷ୍ଠ ନେତା ବିଜୟ ମହାପାତ୍ର କହିଲେ ସିବିଆଇ ନବୀନ ନିବାସ ଭିତରେ ପଶି ସାରିଲାଣି ତଥାପି ସରକାର ଏହାକୁ ନିର୍ଲଜ ଭାବେ ରାଜନୈ÷ତିକ ଉଦେ୍ଧଶ୍ୟ ରଖି ସିବିଆଇ କାମକରୁଛି ବୋଲି କହୁଛନ୍ତି ।

bjdrdcଆଜି ଠାରୁ ରାଜରାସ୍ତାରେ ବିଜେପି ତାର ଆନେ୍ଦାଳନ ଆରମ୍ଭ କଲା । ଜମାକାରୀଙ୍କ ଅର୍ଥ ଫେରସ୍ତ ଓ ଲୁଟେରାମାନଙ୍କୁ ଗିରଫ ନହେବା ପର୍ଯ୍ୟନ୍ତ ବିଜେପି ତାର ଆନେ୍ଦାଳନ ଚଲାଇ ରଖିବ । ଓଡିଶା ରାଜନୈ÷ତିକ ଇତିହାସରେ କେବେ ବି ଏମିତି ପରିସ୍ଥିତି ଘଟି ନଥିଲା ବୋଲି ଉଲ୍ଲେଖ କରି ସେ କହିଲେ ଏହ ମଧ୍ୟ ଏକ ଇତିହାସ ସୃଷ୍ଟି କରିଛି । ସୁପ୍ରିମକୋର୍ଟଙ୍କ ଆଦେଶରେ ସିବିଆଇ ତଦନ୍ତ ଚାଲିଛି ଶ୍ରୀ ମହାପାତ୍ର ଏଠାରେ ଆହ୍ୱାନ ଦେଇଛନ୍ତି ଯେ କେହି ଆଇନର ଉର୍ଦ୍ଧରେ ନୁହଁନ୍ତି ସିବିଆଇ ସମସ୍ତ ଲୁଟେରାଙ୍କ ଗିରଫ କରୁ । ଏଥିପାଇଁ ସବୁ ଜିଲ୍ଲାପାଳଙ୍କ ଅଫିସ ବିଜେପି ଘେରାଉ କରିବ ବୋଲି ସେ ଏହି ଅବସରରେ କହିଥିଲେ । ଏହି ଆନେ୍ଦାଳନରେ ବିଜେପି ମୁଖ୍ୟ ମୁଖପାତ୍ର ଶ୍ରୀ ସୁରେଶ ପୂଜାରୀ, ଉପ-ସଭାପତି ପୃଥ୍ୱୀରାଜ ହରିଚନ୍ଦନ, ସମୀର ଦେ, ସାଧାରଣ ସଂପାଦକ ନୟନ କିଶୋର ମହାନ୍ତି, ମୁଖପାତ୍ର ସମୀର ମହାନ୍ତି, ମହିଳାମୋର୍ଚ୍ଚା ସଭାପତି ଶ୍ରୀମନ୍ତିନୀ ଜେନା, କୋଷାଧ୍ୟକ୍ଷ ବିନୋଦ ଦାଶ ଓ ରାଜ୍ୟ ସଂପାଦକ ଭୃଗୁ ବକ୍ସିପାତ୍ର ପ୍ରମୁଖ ଅଂଷଗ୍ରହଣ କରିଥିଲେ ।

Share in top social networks!