କୋଇଲାଖଣି ଶ୍ରମିକଙ୍କ ପ୍ରତି ଅବିଚାର କୁ ବରଦାସ୍ତ କରାଯିବ ନାହିଁ :- ଧର୍ମେନ୍ଦ୍ର ପ୍ରଧାନ

503_dp-coalକୋଇଲାଖଣିରେ କାର୍ଯ୍ୟରତ ଶ୍ରମିକ ଓ ଠିକା ଶ୍ରମିକ ମାନଙ୍କ ପ୍ରତି ଅବିଚାର କୁ ବରଦାସ୍ତ କରାଯିବ ନାହିଁ ବୋଲି ବିଜେପି ରାଷ୍ଟ୍ରୀୟ ସାଧାରଣ ସମ୍ପାଦକ ତଥା ରାଜ୍ୟ ସଭା ସାଂସଦ ଧର୍ମେନ୍ଦ୍ର ପ୍ରଧାନ ପ୍ରକାଶ କରିଛନ୍ତି । ଆଜି ତାଳଚେର ର ବଳରାମ କୋଇଲା ଖଣି ପରିଦର୍ଶନରେ ଆସି ଆୟୋଜିତ ସଭାରେ କୋଇଲାରୁ ବିଜୁଳି ଉତ୍ପାଦନ ହେଉଥିବା ଶିଳ୍ପକୁ କୋଇଲା ଯୋଗାଇବାରେ ତାଳଚେର କୋଇଲା ଖଣିର ପ୍ରମୁଖ ଭୂମିକା ଥିବା ବେଳେ କ୍ପିଲାଖଣିରେ ଶ୍ରମିକ ମାନେ ଅବହେଳିତ ରହିବା ପାଇଁ କ୍ଵାଟର ,ପିଇବା ପାଣି ,ସ୍ୱାସ୍ଥ୍ୟ ସେବା ,ଶିକ୍ଷା ବ୍ୟବସ୍ଥା ଶୋଚନୀୟ ।

ଏମ.ସି.ଏଲ ରେ ଘରୋଇ କମ୍ପାନୀ ମାନଙ୍କ ପ୍ରବେଶ ସ୍ଥାନୀୟ ଲୋକଙ୍କ ନିଯୁକ୍ତିରେ ପ୍ରତିବନ୍ଧକ ହୋଇଛି ବୋଲି ଶ୍ରୀ ପ୍ରଧାନ ଅଭିଯୋଗ କରିଥିଲେ । ଦରଦାମ୍ ବଢୁଥିବା ସମୟରେ ଶ୍ରମିକ ମାନଙ୍କ ଦରମା ବୃଦ୍ଧି ଉପରେ ଶ୍ରୀ ପ୍ରଧାନ ଗୁରୁତ୍ଵାରୋପ କରିଥିଲେ । ଭରତପୁର ଠାରୁ ଏକ ବିଶାଳ ଶୋଭାଯାତ୍ରାରେ ଯାଇ ବଳରାମ ଓ.ସି.ପି ଠାରେ ପହଞ୍ଚିଥିଲେ। ପରେ କୁମୁଣ୍ଡା,ଗୋପାଳ ପ୍ରସାଦ ,କଳମଛୁଇଁ,ଡଅଁରା,ବଡଜୋରଡା ଆଦି ଗ୍ରାମ ଗ୍ରସ୍ତ କରିଥିଲେ ।

ଗ୍ରସ୍ତବେଳେ ଶ୍ରୀ ପ୍ରଧାନଙ୍କ ସହିତ ଜିଲ୍ଲା ସଭାପତି ଅଶୋକ ମହାନ୍ତି,ବିଜେପି ନେତା କାଳନ୍ଦି ସାମଲ,ରାଜେନ୍ଦ୍ର ସିଂହ,ମାନସ ସାହୁ,ହିଂମାଶୁ ସାହୁ, ଚିତ୍ତ ରଞ୍ଜନ ପ୍ରଧାନ,ଶ୍ରମିକ ନେତା ଶ୍ରୀନିବାସ ରାଓ,ବାଳକୃଷ୍ଣ ବିଶ୍ଵାଳ,ମନ୍ଦରଧର ସାହୁ ,ସଞ୍ଜିବ୍ ମହାପାତ୍ର, ସଞ୍ଜୟ ପ୍ରଧାନ,ସୁଧାକର ପ୍ରଧାନ,ଦୀପକ ଘୋଷ,ଗାଳିଆ ପ୍ରଧାନ,ନିରାକାର ସାହୁ,ଜିତେନ୍ଦ୍ର ସାହୁ,ରଞ୍ଜନ ବେହେରା,ସଞ୍ଜୟ ସାହୁ,ଶ୍ରୀନିବାସ ଖୁଣ୍ଟିଆ,ପ୍ରକାଶ ମହାରଣା,କାଳନ୍ଦି ପ୍ରଧାନ ପ୍ରମୁଖ ଉପସ୍ଥିତ ଥିଲେ ।

Share in top social networks!

ତରଳ ଇନ୍ଧନ ପାଇଁ ଘରୋଇ କମ୍ପାନୀକୁ ପ୍ରଦତ୍ତ କୋଲ ବ୍ଲକ ବାତିଲ ଦାବିରେ ପ୍ରଧାନ ମନ୍ତ୍ରୀଙ୍କୁ ପତ୍ର ଲେଖିଲେ ଧର୍ମେନ୍ଦ୍ର ପ୍ରଧାନ

DHARMENDRA PRADHANରାଜ୍ୟସଭା ସାଂସଦ ତଥା ବିଜେପି ରାଷ୍ଟ୍ରୀୟ ସାଧାରଣ ସମ୍ପାଦକ ଧର୍ମେନ୍ଦ୍ର ପ୍ରଧାନ,ପ୍ରଧାନମନ୍ତ୍ରୀ ମନମୋହନ ସିଂ ଙ୍କୁ ପାତ୍ର ଲେଖି ଅନୁଗୁଳ ଜିଲ୍ଲାରେ କୋଇଲାରୁ ତରଳ ଇନ୍ଧନ ପ୍ରସ୍ତୁତି(କୋଲ ଟୁ ଲିକ୍ୟୁଇଡ) ପ୍ରକଳ୍ପ ପାଇଁ ୩ ନିୟୁତ ଟନ କୋଇଲା ଗଚ୍ଛିତ ଥିବା ଦୁଇଟି କୋଲ ବ୍ଲକ ପ୍ରଦାନ ଚୁକ୍ତିକୁ ବାତିଲ କରିବା ପାଇଁ ଦାବି କରିଛନ୍ତି । କୋଇଲାରୁ ତରଳ ଇନ୍ଧନ ପ୍ରସ୍ତୁତି ଏ ପର୍ଯ୍ୟନ୍ତ ଏକ ପ୍ରାମାଣିକ ଜ୍ଞାନକୌଶଳ ହୋଇ ନ ଥିବା ବେଳେ ୨୦୦୯ ମସିହା ଠାରୁ ଅରଖାପାଳର ଉତ୍ତର ଓ ରାମଚଣ୍ଡୀ ପ୍ରମୋସନାଲ କୋଲ ବ୍ଲକକୁ ଜିନ୍ଦଲ ଷ୍ଟିଲ ଆଣ୍ଡ ପାୱାର ଲିମିଟେଡ(ଜେ.ଏସ୍.ପି.ଏଲ )ଏବଂ ଷ୍ଟ୍ରାଟେଜିକ୍ ଏନର୍ଜି ଟେକ୍ନୋଲୋଜି ସିଷ୍ଟମସ ଲିମିଟେଡ(ଏସଇଟିଏସଟିଏଲ)କୁ ପ୍ରଦାନ କରାଯାଇଥିଲେ ମଧ୍ୟ ସମ୍ପୃକ୍ତ କମ୍ପାନୀ ଦ୍ୱୟ ୪ ବର୍ଷ ପରେ ମଧ୍ୟ ଏହି କାମରେ କୌଣସି ଅଗ୍ରଗତି କରିନାହାନ୍ତି । ନିୟମ ଅନୁଯାୟୀ କୋଲ ବ୍ଲକ ଆବଣ୍ଟନ ର ୩୬ରୁ ୪୨ମାସ ମଧ୍ୟରେ କୋଇଲା ଉତ୍ପାଦନ ଆରମ୍ଭ ହେବା କଥା ।

ସାରା ଦେଶ ବିଜୁଳି ଉତ୍ପାଦନ ପାଇଁ କୋଇଲା ଅଭାବ ସମସ୍ୟାର ସମ୍ମୁଖୀନ ହେଉଥିବା ବେଳେ ୩ନିୟୁତ ଟନ ଗଚ୍ଛିତ ଥିବା ଏହି ଦୁଇଟି କୋଇଲା ଖଣିକୁ ବିନା ବ୍ୟବହାରରେ ବନ୍ଦ ରଖିବା ପରିବର୍ତ୍ତେ ଶକ୍ତି ,ଇସ୍ପାତ ଅଥବା ସିମେଣ୍ଟ ଶିଳ୍ପ ପାଇଁ ପ୍ରତିଯୋଗୀତା ମୂଳକ ବିଡିଙ୍ଗ ଆଧାରରେ ପ୍ରଦାନ କରିବା ପାଇଁ ଶ୍ରୀ ପ୍ରଧାନ ତାଙ୍କ ପତ୍ରରେ ପ୍ରଧାନମନ୍ତ୍ରୀଙ୍କ ଠାରେ ଦାବି କରିଛନ୍ତି । ଏହି ମର୍ମରେ ଓଡିଶା ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ପାଖକୁ ଅନ୍ୟଏକ ପତ୍ରରେ ଲେଖି ତରଳା ଇନ୍ଧନ ପ୍ରକଳ୍ପ ରାଜ୍ୟ ରାଜକୋଷ ତଥା ସାଧାରଣ ଲୋକଙ୍କ ସ୍ଵାର୍ଥ ପାଇଁ କିପରି କ୍ଷତି କାରକ ହେବ,ଏହା ଅବଗତ କରାଇବା ସହ ଏହି ଦୁଇ କୋଲ ବ୍ଲକ ତୁରନ୍ତ ବାତିଲ କରିବା ପାଇଁ ମୁଖ୍ୟମନ୍ତ୍ରୀ କେନ୍ଦ୍ରସରକାରଙ୍କ ପାଖରେ ଏହି ପ୍ରସଙ୍ଗ ଉଠାନ୍ତୁ ବୋଲି ଶ୍ରୀ ପ୍ରଧାନ ତାଙ୍କ ପତ୍ରରେ ମୁଖ୍ୟମନ୍ତ୍ରୀଙ୍କ ଠାରେ ଦାବି କରିଛନ୍ତି । ଏହି କୋଲ ବ୍ଲକ ଦ୍ୱୟ ବାତିଲ ପାଇଁ ଯୁକ୍ତି ଉପସ୍ଥାପନ କରି ଶ୍ରୀ ପ୍ରଧାନ କହିଛନ୍ତି ଯେ ,ଗଣମାଧ୍ୟମ ରିପୋର୍ଟ ଅନୁସାରେ ଜେଏସ୍ ପିଏଲ କୁ ପ୍ରଦାନ କରାଯାଇଥିବା ୧.୫ନିୟୁତ ଟନ କୋଇଲା ୫୫ହଜାର କୋଟି ଟଙ୍କାର ନିବେଶ ସୁଯୋଗ ସୃଷ୍ଟି କରିବ ।

ମାତ୍ର ଯଦି ସମାନ କୋଇଲା ଶକ୍ତି ଉତ୍ପାଦନ କ୍ଷେତ୍ରରେ ବିନିଯୋଗ କରାଯିବ,ତାହା ୧୬ହଜାର ମେଗାୱାଟ ବିଜୁଳି ଉତ୍ପାଦନ କରିବ ଯାହା ୮୦ହଜାର କୋଟି ଟଙ୍କା ବିନିଯୋଗର ସୁଯୋଗ ସୃଷ୍ଟି କାରିବ । ତାହା ରାଜ୍ୟ ପାଇଁ ଅଧିକ ଟିକସ ରାଜ୍ୟ ରାଜକୋଷକୁ ଦେବା ସହ ବିକାଶ କାର୍ଯ୍ୟରେ ସହାୟକ ହେବ । କୋଇଲାରୁ ତରଳ ଇନ୍ଧନ ପ୍ରସ୍ତୁତ ପାଇଁ କେତୋଟି ବଛାବଛା କମ୍ପାନୀ ଯଥା ଶାସୋଲ,ଲୁରଗିଏବଂ ସେଲ ବୈଷୟିକ ଜ୍ଞାନକୌଶଳ ପ୍ରଦାନ କଲାଭଳି କ୍ଷମତା ରଖୁଥିବା ବେଳେ ଏହି ଟେକ୍ନୋଲୋଜି ପ୍ରଦାନ ପାଇଁ ଅତ୍ୟଧିକ ଲାଭ ନେଉଥିବା ସାରା ବିଶ୍ଵରେ ସମାଲୋଚନା କରାଯାଉଛି । ଭାରତ ଭଳି ବିକାଶଶୀଳ ରାଷ୍ଟ୍ର ଏକକ ଜ୍ଞାନକୌଶଳ ର ଅଧିକାରୀ ଏହି କମ୍ପାନୀ ମାନଙ୍କ ଜାଲରେ ପଡିବା ଅର୍ଥନୀତି ପ୍ରତି କ୍ଷତି କାରକ ହେବ ବୋଲି ଶ୍ରୀ ପ୍ରଧାନ ଯୁକ୍ତି ବାଢିଛନ୍ତି । କୋଇଲାରୁ ତରଳ ଇନ୍ଧନ ମାତ୍ରାଧିକ ଅଙ୍ଗାରକାମ୍ଳ ଗ୍ୟାସ ନିର୍ଗତ କରିବା ବିଶେଷଜ୍ଞ ମାନଙ୍କ ମତ । ଯାହା ଉତ୍ତାପ ଏବଂ ପରିବେଶ ଉଭୟକୁ ଭୟଙ୍କର କ୍ଷତି ପହଞ୍ଚାଇବାର ଆଶଙ୍କା ରହିଛି । ଉପରୋକ୍ତ ବିଷୟ ସମେତ ଭାରତର ସିଏଜି ତାଙ୍କ ରିପୋର୍ଟରେ ଏହି ଦୁଇ କୋଲ ବ୍ଲକ ଆବଣ୍ଟନ ରେ ବେସରକାରୀ କମ୍ପାନୀ ଦ୍ଵୟକୁ ଅଜାଚିତ ଆର୍ଥିକ ଅନୁକମ୍ପା ପ୍ରଦାନ କରାଯାଇଥିବା ଉଲ୍ଲେଖ କରିଛନ୍ତି ।

ଏଠାରେ ଉଲ୍ଲେଖ କରାଯାଇପାରେ ଯେ ,ଖଣି ଓ ଖଣିଜ ପଦାର୍ଥ ଉନ୍ନୟନ ଓ ନିୟନ୍ତ୍ରଣ (ସଂଶୋଧନ)ବିଲ୍-୨୦୦୮ ସଂସଦରେ ଆଗତ ହେବା ପରେ ଏହି ଦୁଇଟି କମ୍ପାନୀକୁ ଉପରୋକ୍ତ କୋଲ ବ୍ଲକ ୨୦୦୯ମସିହାରେ ମଞ୍ଜୁର କରାଯାଇଥିଲା । ଏହି ସଂଶୋଧନ ୨୦୧୦ ମସିହାରେ ସଂସଦରେ ଗୃହୀତ ହେବା ପରେ କୋଲ ବ୍ଲକ କୁ ପ୍ରତିଯୋଗିତାମୂଳକ ବିଡିଙ୍ଗ ଆଧାରରେ ମଞ୍ଜୁରୀ ପାଇଁ ଆଇନ ପ୍ରଣୟନ ହେଲା । ୨୦୦୯ ମସିହାର ମଞ୍ଜୁରୀ ରାଜକୋଷକୁ ପ୍ରଭୂତ କ୍ଷତିର କାରଣ ବୋଲି ଶ୍ରୀ ପ୍ରଧାନ ପତ୍ରରେ ଦର୍ଶାଇବା ସହ କୋଲ ବ୍ଲକ ଦ୍ୱୟ ର ବାତିଲ ଓ ପ୍ରତିଯୋଗୀତା ମୂଳକ ବିଡିଙ୍ଗ ଆଧାରରେ ଶକ୍ତି,ଇସ୍ପାତ ଅଥବା ସିମେଣ୍ଟ ଶିଳ୍ପ ପାଇଁ ଆବଣ୍ଟନ କରିବାକୁ ଦାବି କରିଛନ୍ତି ।

Share in top social networks!