ରାଜ୍ୟରେ ବିଦ୍ୟାଳୟ ଅଛି, ମାତ୍ର ଶିକ୍ଷକ ନାହାନ୍ତି; ଡାକ୍ତରଖାନା ଅଛି, ମାତ୍ର ଚିକିତ୍ସା ପାଇଁ ଡାକ୍ତର ନାହାନ୍ତି; ପାଇପ ଅଛି, ପାଣି ନାହିଁ: କେନ୍ଦ୍ରମନ୍ତ୍ରୀ ଜାଭାଡେକର

PC_Prakash Javadekar_23

ନବୀନ ସରକାର ଭ୍ରଷ୍ଟାଚାରରେ ଦୃଷ୍ଟାନ୍ତ ସୃଷ୍ଟି କରିଛନ୍ତି । ବିଭିନ୍ନ ଶୈଳୀେରେ ଭ୍ରଷ୍ଟାଚାରକୁ ପ୍ରୋତ୍ସାହନ କରିବା ସହ ନିଜକୁ ଭ୍ରଷ୍ଟାଚାରରେ ଲିପ୍ତ ରଖି ମୁଖ୍ୟମନ୍ତ୍ରୀ ଏବଂ ଶାସକ ବିଜେଡି ସାଧାରଣ ରାଜ୍ୟବାସୀଙ୍କୁ ବିଭ୍ରାନ୍ତ କରୁଛି ବୋଲି ଆଜି ଏକ ସାମ୍ବାଦିକ ସମ୍ମିଳନୀରେ କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ଶ୍ରୀ ପ୍ରକାଶ ଜାଭାଡେକର ଅଭିଯୋଗ କରିଛନ୍ତି ।
ଶ୍ରୀ ଜାଭାଡେକର କହିଛନ୍ତି ଯେ, ତାଙ୍କର ଦୁଇ ଦିନିଆ ଭୂବନେଶ୍ୱର ରହଣି କାଳରେ ଭୂବନେଶ୍ୱର ଲୋକସଭା ନିର୍ବାଚନ ମଣ୍ଡଳୀ ଅନ୍ତର୍ଗତ ସମସ୍ତ ୭ ଟି ବିଧାନସଭା କ୍ଷେତ୍ରର କାର୍ଯ୍ୟକର୍ତାଙ୍କ ସହ ବିସ୍ତୃତ ଆଲୋଚନା କରିଛନ୍ତି । ପାର୍ଟିର ସାଂଗଠନିକ କାର୍ଯ୍ୟକଳାପକୁ ସମୀକ୍ଷା କରି ସନ୍ତୋଷ ଲାଭ କରିଥିବା ଶ୍ରୀ ଜାଭଡେକର କହିଛନ୍ତି ।
ଗତ କାଲି ମଧ୍ୟାହ୍ନ ଭୋଜନ ଗ୍ରହଣ ଅବସରରେ ବୁଦ୍ଧନଗର ବସ୍ତିକୁ ଯିବାର ସୁଯୋଗ ମିଳିଥିଲା ଏବଂ ଏହି ଗସ୍ତ ସମୟରେ ବସ୍ତିବାସିନ୍ଦାଙ୍କ ଆଖିରେ ବିକାଶ ପାଇଁ ବହୁତ ଆଶା ଥିବା ସେ ଅନୁଭବ କରିଥିବା ଶ୍ରୀ ଜାଭାଡେକର କହିଛନ୍ତି ।
ରାଜ୍ୟରେ ବିଦ୍ୟାଳୟ ଅଛି, ମାତ୍ର ଶିକ୍ଷକ ନାହାନ୍ତି; ଡାକ୍ତରଖାନା ଅଛି, ମାତ୍ର ଚିକିତ୍ସା ପାଇଁ ଡାକ୍ତର ନାହାନ୍ତି; ପାଇପ ଅଛି, ପାଣି ନାହିଁ; ତାର ଅଛି, ମାତ୍ର ବିଜୁଳି ନାହିଁ; ଗ୍ରାମ ଅଛି, ସଡକ ନାହିଁ । ନିରବିଛିନ୍ନ ଭାବେ ଦୀର୍ଘ ୧୭ ବର୍ଷରୁ ଉର୍ଦ୍ଧ କ୍ଷମତାରେ ଥାଇ ସୁଦ୍ଧା ମୁଖ୍ୟମନ୍ତ୍ରୀ ଏବଂ ଶାସକ ବିଜେଡି ରାଜ୍ୟର ସଠିକ ବିକାଶ କରିନପାରିବା ଅତ୍ୟନ୍ତ ଦୁର୍ଭାଗ୍ୟଜନକ । ଅନ୍ୟ ପଟେ ରାଜ୍ୟବାସିଙ୍କ ପାଇଁ ସାମନ୍ୟ ପାନୀୟ ଜଳ ଯୋଗାଇବାରେ ବିଫଳ ହୋଇଥିବା ରାଜ୍ୟ ସରକାର କେବଳ ରାଜସ୍ୱ ଆଦାୟ ବାହାନାରେ ବ୍ୟାପକ ମାତ୍ରାରେ ମଦର ପ୍ରସାର କରିବା ଲଜ୍ଜାଜନକ ବୋଲି ଶ୍ରୀ ଜାଭାଡେକର କହିଛନ୍ତି ।
ଭୂବନେଶ୍ୱର ଭଳି ରାଜଧାନୀରେ ପାନୀୟ ଜଳଠୁ ଆରମ୍ଭ କରି ନାଳ ନର୍ଦ୍ଧମା, ସ୍ୱେରେଜ, ବ୍ୟବସ୍ଥିତ ଆବର୍ଜନା ଗଦା ପାଇଁ କୈାଣସି ପଦକ୍ଷେପ ନ ନିଆ ଯିବା କାରଣରୁ ରାଜଧାନୀବାସି ହନ୍ତସନ୍ତ ହେଉଛନ୍ତି । ମାତ୍ର ୪୦% ରାଜଧାନୀବାସୀ ପାଇପ ଯୋଗେ ପାନୀୟ ଜଳ ପାଇବା ବିଡମ୍ବନାର ବିଷୟ । ଯଦି ରାଜଧାନୀର ଅବସ୍ଥା ଏଭଳି ତାହେଲେ ରାଜ୍ୟର ଅନ୍ୟ ସ୍ଥାନମାନଙ୍କ ସ୍ଥିତି ସହଜରେ ଅନୁମାନ କରାଯାଇପାରିବ ବୋଲି କହିବା ସହ ଏହା କିଭଳି ବିକାଶ ବୋଲି ଶ୍ରୀ ଜାଭାଡେକର ପ୍ରଶ୍ନ କରିଛନ୍ତି ।
ମୁକ୍ୟମନ୍ତ୍ରୀ ଏବଂ ତାଙ୍କ ସରକାରର ପ୍ରତ୍ୟକ୍ଷ ପ୍ରୋତ୍ସାହନରେ ରାଜ୍ୟରେ ଚିଟ୍ଫଣ୍ଡ ମହାଦୁର୍ନୀତି ହୋଇଛି । ନିଜେ ମୁଖ୍ୟମନ୍ତ୍ରୀ ଏବଂ ତାଙ୍କ ଦଳର ୫୦ରୁ ଉର୍ଦ୍ଧ ବିଧାୟକ ଏବଂ ନେତା ଚିଟ୍ଫଣ୍ଡ କଂପାନୀମାନଙ୍କ ପାଇଁ ପ୍ରଚାର କରି ସାଧାରଣ ଜନତାଙ୍କୁ ଅର୍ଥ ଜମା କରିବାକୁ କହିଛନ୍ତି । ଏହି କଳା କାରନାମା ଫର୍ଦ୍ଧାଫାଶ ହୋଇଯିବା ପରେ ରାଜ୍ୟବାସିଙ୍କୁ ବିଭ୍ରାନ୍ତ କରିବାକୁ ଯାଇ କପ୍ରସ ଫଣ୍ଡ ଗଠନ କରି କ୍ଷତିଗ୍ରସ୍ତଙ୍କୁ ଅର୍ଥ ଫେରାଇର ଘୋଷଣା ବର୍ତମାନ ସୁଦ୍ଧା କାର୍ଯ୍ୟକାରୀ କରିନାହାନ୍ତି । କମିଶନ ଗଠନ କରି ୭୫ହଜାର କ୍ଷତିଗ୍ରସ୍ତ ଚିହ୍ନଟ ହେବା ସତ୍ୱେ ଟଙ୍କାଟିଏ ନଦେବା ମୁଖୟମନ୍ତ୍ରୀଙ୍କ ଆହୁରି ଏକ ମିଥ୍ୟା ଏବଂ ଠକାମି ବୋଲି ଶ୍ରୀ ଜାଭାଡେକର କହିଛନ୍ତି ।
କେନ୍ଦ୍ର ସରକାରଙ୍କ ବିଭିନ୍ନ ଜନକଲ୍ୟାଣ ଏବଂ ଗରୀବକଲ୍ୟାଣ ଯୋଜନା ପାଇଁ ବରାଦ ଅର୍ଥକୁ ହଡପ କରିବାକୁ ଏକ “ପ୍ରାଇରୋଟି ଲିଷ୍ଟ” ଆଦାରରେ ବଂଟନ କରାଯାଉଛି । ପ୍ରଧାନମନ୍ତ୍ରୀ ଆବାସ ଯୋଜନା, ସ୍ୱଚ୍ଛ ଭାରତ ଯୋଜନା ଅନ୍ତର୍ଗତ ପାଇଖାନା ନିର୍ମାଣ ଆଦି ବହୁ କେନ୍ଦ୍ରୀୟ ଯୋଜନା ପାଇଁ ଆସୁଥିବା ଅର୍ଥକୁ ହଡପ କରୁଛନ୍ତି । ଲୋକଙ୍କଠାରୁ ଅର୍ଥ ନେଇ ଶାସକ ବିଜେଡିର ପ୍ରୋତ୍ସାହନରେ ରାଜ୍ୟ ସରକାର ଏଭଳି ଅଗ୍ରାଧିକାର ତାଲିକା ତିଆରି କରିଛନ୍ତି । ଏହା ଦ୍ୱାରା ଲାଂଚ ଦେଇ ନପାରିବା ହିତାଧରକାରୀ ଅର୍ଥ ପାଇବାରୁ ବଂଚିତ ହେବେ ବୋଲି ଶ୍ରୀ ଜାଭାଡେକର କହିଛନ୍ତି ।
ରାଜ୍ୟବାସିଙ୍କ ବୃହତ ସ୍ୱାର୍ଥ ଦୃଷ୍ଟିରୁ ଭାରତୀୟ ଜନତା ପାର୍ଟି ଆଗାମୀ ଦିନରେ ରାଜରାସ୍ତାକୁ ଓହ୍ଲାଇ ଆନେ୍ଦାଳନ କରିବା ସହ ଏହି ଦୁର୍ନିତୀଗସ୍ତ ଓ ଭ୍ରଷ୍ଟାଚାରୀ ମୁଖ୍ୟମନ୍ତ୍ରୀ ଏବଂ ଶାସକ ବିଜେଡି ଅସଲି ମୁଖା ସର୍ବସାଧାରଣରେ ଫର୍ଦ୍ଧାଫାଶ କରିବ ବୋଲି ଶ୍ରୀ ଜାଭାଡେକର ଆଜି ଏହି ସାମ୍ବାଦିକ ସମ୍ମିଳନୀରେ କହିଛନ୍ତି ।
ଦେଶ ସ୍ୱାଧୀନ ପାଇଁ ପାଇକ ବିଦ୍ରୋହ ହେଲା ପ୍ରଥମ । ଆସନ୍ତା ଶିକ୍ଷାବର୍ଷରୁ ବିଦ୍ୟାଳୟମାନଙ୍କରେ ପାଠ୍ୟ ପୁସ୍ତକରେ ଏହି ମହାନ ସଂଗ୍ରାମକୁ ସ୍ଥାନିତ କରାଯିବ ବୋଲି ଶ୍ରୀ ଜାଭାଡେକର ସୁଚନା ଦେଇଛନ୍ତି ।
ରାଜ୍ୟ କାର୍ଯ୍ୟାଳୟରେ ଅନୁÂିତ ସାମ୍ବାଦିକ ସମ୍ମିଲନୀରେ ରାଜ୍ୟ ସାଧାରଣ ସଂପାଦକ ପୃଥ୍ୱୀରାଜ ହରିଚନ୍ଦନ, ମୁଖପାତ୍ର ସୁଦୀପ୍ତ ରାୟ, ଗୋଲକ ପ୍ରସାଦ ମହାପାତ୍ର, ଦିଲୀପ ମହାନ୍ତି ଏବଂ ଯୁବମୋର୍ଚ୍ଚା ରାଷ୍ଟ୍ରୀୟ ଉପ ସଭାପତି ଠାକୁର ରଣଜିତ ଦାଶ ପ୍ରମୁଖ ଉପସ୍ଥିତ ଥିଲେ ।

Share in top social networks!

କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେ଼କର ବସ୍ତିବାସିନ୍ଦାଙ୍କ ସଂପର୍କରେ ମିଥ୍ୟା ପ୍ରଚାର କରୁଛନ୍ତି: ବିଜୁ ଜନତା ଦଳ

22688322_1918717638345244_5848054454978311279_n ମାନ୍ୟବର କେନ୍ଦ୍ରମନ୍ତ୍ରୀ ପ୍ରକାଶ ଜାଭଡେ଼କର ଯଦି ୨୦୦୦ ମସିହା ପୂର୍ବରୁ ଓଡ଼ିଶା ଆସିଥାନ୍ତେ, ତେବେ ୧୭ବର୍ଷରେ ଓଡ଼ିଶା କେତେ ବିକାଶ ହୋଇଛି ତା’ର ଏକ ପୂର୍ଣ୍ଣାଙ୍ଗ ଚିତ୍ର ପାଇଥାନ୍ତେ । ଗତ ୧୭ବର୍ଷ ମଧ୍ୟରେ ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ନେତୃତ୍ୱରେ ଓଡ଼ିଶା ଦ୍ରୁତଗତିରେ ପ୍ରଗତି କରିଛି । କିନ୍ତୁ ଯେହେତୁ ଶ୍ରୀ ଜାଭଡେ଼କର ଏଇ କିଛିଦିନ ହେଲା ଓଡ଼ିଶା ଭ୍ରମଣରେ ଆସୁଛନ୍ତି, ସେଥିପାଇଁ ଓଡ଼ିଶାର ସର୍ବାଙ୍ଗୀନ ବିକାଶର ପ୍ରକୃତ ଜ୍ଞାନ ତାଙ୍କର ନାହିଁ ।

ମାନ୍ୟବର ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକ ହେଉଛନ୍ତି ଭାରତବର୍ଷର ଏକମାତ୍ର ମୁଖ୍ୟମନ୍ତ୍ରୀ, ଯିଏ ଦୃଢ଼ତାର ସହିତ ପିସିକୁ ପ୍ରତ୍ୟେକଟି ସ୍ତରରେ ବନ୍ଦ କରିବା ପାଇଁ ପ୍ରୟାସ କରୁଛନ୍ତି ଏବଂ ପ୍ରଶାସନିକ ବ୍ୟବସ୍ଥାରେ ଅନେକ ସଂସ୍କାର ଆଣି ଦୋଷୀଙ୍କୁ କଡ଼ା ଦଣ୍ଡବିଧାନ କରାଉଛନ୍ତି । ଅପରପକ୍ଷରେ ଭାରତୀୟ ଜନତା ପାର୍ଟି ଏବଂ ତାଙ୍କର ଅଧ୍ୟକ୍ଷଙ୍କ ଉପରେ ବିଗତ କିଛିଦିନ ହେଲା ଯେଉଁ ପ୍ରଶ୍ନ ଉଠିଥିଲା, ତା’ର ଉତ୍ତର ଭାରତୀୟ ଜନତା ପାର୍ଟି ନଦେଇ ନିରବ ରହିଛି । ଏଥିରୁ ସ୍ପଷ୍ଟ ବାରି ହୋଇପଡୁଛି, ଭାରତୀୟ ଜନତା ପାର୍ଟିର ପିସି ସଂପର୍କରେ ଆଭିମୁଖ୍ୟ କ’ଣ?

ସମୟ କହିବ, ଓଡ଼ିଶାର ଜନସାଧାରଣ ନବୀନବାବୁଙ୍କୁ କେତେ ଭଲ ପାଆନ୍ତି । ଗତ ୧୭ବର୍ଷ ହେଲା ନିରଙ୍କୁଶ ଭାବେ ବିଜୁ ଜନତା ଦଳ ଏବଂ ନବୀନବାବୁଙ୍କୁ ଓଡ଼ିଶାର ଲୋକେ ପ୍ରେମ, ସ୍ନେହ, ଶ୍ରଦ୍ଧା ଓ ସମର୍ଥନ ଜଣାଇଛନ୍ତି ଏବଂ ଏହା ଅବ୍ୟାହତ ରହିଛି । ଅପରପକ୍ଷରେ ଭାରତୀୟ ଜନତା ପାର୍ଟି ଯେଉଁ ବାହାସ୍ପୋଟ ମାରି କ୍ଷମତାକୁ ଆସିଥିଲା ୩ବର୍ଷରେ ତା’ର ଫସର ଫାଟିଗଲାଣି । ବୋଧହୁଏ ମାନ୍ୟବର କେନ୍ଦ୍ରମନ୍ତ୍ରୀ ଶ୍ରୀ ଜାଭଡେ଼କରଙ୍କର ହୃଦସ୍ପନ୍ଦନ ବଢ଼ିଯାଇଛି, କାରଣ ଭାରତବର୍ଷର ଲୋକେ ଏବେ ତାଙ୍କ ସରକାରକୁ ପ୍ରଶ୍ନ ପଚାରୁଛନ୍ତି ଏବଂ ସେହି ଭାରତୀୟ ଜନତା ପାର୍ଟିର ଛବି ମଳିନ ପଡିଗଲାଣି । ଏହି ଆଶଙ୍କା ବୋଧେ ଶ୍ରୀ ଜାଭଡେ଼କରଙ୍କୁ ଘେରିଛି, ଯେଉଁଥିପାଇଁ ସେ ଏଭଳି ଉକ୍ତି ରଖିଛନ୍ତି ।

ନବୀନବାବୁ ଓଡ଼ିଶାବାସୀଙ୍କ ସହିତ ୧୭ବର୍ଷ ହେଲା ରହିଛନ୍ତି ଏବଂ ଆଗକୁ ମଧ୍ୟ ରହିବେ । କିନ୍ତୁ ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ତାଙ୍କର କେନ୍ଦ୍ର ସରକାର ଗରିବଙ୍କ ସହିତ ଅଛନ୍ତି ତ? ଓଡ଼ିଶା ପାଇଁ ବିକାଶର କେଉଁ ବାର୍ତ୍ତା କେନ୍ଦ୍ର ସରକାର ଗତ ୩ବର୍ଷ ମଧ୍ୟରେ ଦେଇଛନ୍ତି? ମହାନଦୀ ଓ ପୋଲାଭରମ୍‍ ପ୍ରସଂଗରେ କେନ୍ଦ୍ରର ଟାଳଟୁଳ ନୀତି ଏବଂ ଧାନର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି ପ୍ରସଂଗରେ ଗୃହ କମିଟିକୁ ସମୟ ନଦେବା ଭାରତୀୟ ଜନତା ପାର୍ଟି ସରକାରଙ୍କର ଓଡ଼ିଶା ପ୍ରତି ଆନ୍ତରିକତା କେତେ ତାହା ପ୍ରମାଣିତ କରୁଛି । ଶ୍ରୀ ଜାଭଡେ଼କର ତୃଣମୂଳ ସ୍ତରର ସ୍ଥିତି ଓ ଲୋକଙ୍କ ମାନସିକତାକୁ ତର୍ଜମା ନକରି ଯେଉଁ ବାହାସ୍ପୋଟ ମାରୁଛନ୍ତି, ଏଥିରେ ତାଙ୍କର
ଦଳୀୟ କର୍ମୀଙ୍କୁ ଆଶ୍ୱାସନା ଦେଇପାରନ୍ତି, କିନ୍ତୁ ସାଧାରଣ ଲୋକଙ୍କ ଉପରେ ଏହାର କୌଣସି ପ୍ରଭାବ ପଡିବ ନାହିଁ ।

ଶ୍ରୀ ଜାଭଡେ଼କର ବସ୍ତିବାସିନ୍ଦାଙ୍କ ସଂପର୍କରେ ଯେଉଁ ମିଥ୍ୟା ପ୍ରଚାର କରୁଛନ୍ତି, ତାହା ଆଦୌ ସତ୍ୟ ନୁହେଁ । ବସ୍ତିବାସିନ୍ଦାଙ୍କ ପାଇଁ ନବୀନ ପଟ୍ଟନାୟକ ସରକାର ସକାରାତ୍ମକ ଚିନ୍ତାଧାରା ସହିତ ସେମାନଙ୍କ ଜୀବନ ଜୀବିକାକୁ ଆହୁରି ଉନ୍ନତମାନର କରିବାକୁ ଚେଷ୍ଟା କରୁଛନ୍ତି । ଯେହେତୁ ଶ୍ରୀ ଜାଭଡେ଼କର ଜଣେ କେନ୍ଦ୍ରମନ୍ତ୍ରୀ, ସେ ସ୍ମାର୍ଟସିଟି ଗାଇଡ୍‍ଲାଇନ୍‍ ସହିତ ନିଶ୍ଚିତ ଅବଗତ ଥିବେ । ଭୁବନେଶ୍ୱରକୁ ଯେହେତୁ ନମ୍ବର-୧ ସ୍ମାର୍ଟସିଟିର ମାନ୍ୟତା ଦିଆଯାଇଛି, ତଦନୁଯାୟୀ ଆହୁରି ଉନ୍ନତଧରଣ ଜୀବନଯାପନ କରିବା ପାଇଁ ବସ୍ତିବାସିନ୍ଦାଙ୍କୁ ଘର ଏବଂ ଅନ୍ୟାନ୍ୟ ମୌଳିକ ସୁବିଧା ଯୋଗାଇ ଦିଆଯାଉଛି । ଏସବୁ ତଥ୍ୟ ଶ୍ରୀ ଜାଭଡେ଼କର ଅବଗତ ଥିଲେ ମଧ୍ୟ ଏପ୍ରକାର ଭ୍ରମାତ୍ମକ ଓ ମିଥ୍ୟା ପ୍ରଚାର କରି ବସ୍ତିବାସିନ୍ଦାଙ୍କୁ ଭୂଆଁ ବୁଲାଇବାକୁ ଅପଚେଷ୍ଟା କରୁଛନ୍ତି ବୋଲି ବିଜୁ ଜନତା ଦଳ ମୁଖପାତ୍ର ଡ. ସସ୍ମିତ ପାତ୍ର ଏକ ପ୍ରେସ୍‍ ବିବୃତିରେ କହିଛନ୍ତି ।

Share in top social networks!

ବିଜେପିର ବର୍ଦ୍ଧିତ ଲୋକପ୍ରିୟତାରେ ବିଚଳିତ ହୋଇ ବିଜେଡି ଅପପ୍ରଚାର କରୁଛି : କେ.ଭି.ସିହଦେଓ

ଦୁର୍ନିତୀଗସ୍ତ ଶାସକ ବିଜେଡିର ଅପାରଗତା, ସ୍ଥାଣୁତା ପାଇଁ ରାଜ୍ୟବାସୀ ହନ୍ତସନ୍ତ । ରାଜ୍ୟ ରାଜନୀତିରେ ବୃହତ ବିକଳ୍ପ ଭାବେ ବର୍ତମାନ ଭାରତୀୟ ଜନତା ପାର୍ଟି ସମଗ୍ର ରାଜ୍ୟବାସୀଙ୍କ ସମ୍ମୁଖରେ ଆସ୍ଥାଭାଜନ ହୋଇସାରିଛି । ଏଥିରେ ବିଚଳିତ ହୋଇ ଶାସକ ବିଜେଡି ବିଭ୍ରାନ୍ତକାରୀ ବକ୍ତବ୍ୟ ଦେଇ ବିଜେପି ବିରୁଦ୍ଧରେ ଅପପ୍ରଚାର କରିବା ଆରମ୍ଭ କରିଦେଇଛି ବୋଲି ବିଧାୟକ ଦଳ ନେତା ଶ୍ରୀ କନକ ବର୍ଦ୍ଧନ ସିଂହଦେଓ ଅଭିଯୋଗ କରିଛନ୍ତି ।
ମୁଖ୍ୟମନ୍ତ୍ରୀଙ୍କ ବଲାଙ୍ଗୀର ଜିଲ୍ଲା ଗସ୍ତ ଅବସରରେ ବିଜେପି ନେତାମାନେ ବିଜେଡିରେ ଯୋଗଦାନ କରିବେ ବୋଲି ଯେଉଁ ପ୍ରଚାର ଶାସକ ବିଜେଡିର ନେତାମାନେ ଆରମ୍ଭ କରିଛନ୍ତି, ତାହା ସଂପୂର୍ଣ୍ଣ ମିଛ ଅଟେ । ବରଂ ପ୍ରତ୍ୟେକ ଦିନ ଶାସକ ବିଜେଡିର ବହୁ ନେତା ଏବଂ କର୍ମୀମାନେ ସ୍ୱତଃ ପ୍ରଭୁତ ବିଜେପିରେ ସାମିଲ ହେଉଛନ୍ତି । ନିଜ ଏବଂ ନିଜ ଦଳର ଲୋକପ୍ରିୟତା ହ୍ରାସ ପାଉଥିବାରୁ ବିଚଳିତ ହୋଇ ପଡି ମୁଖ୍ୟମନ୍ତ୍ରୀ ଏବଂ ବିଜେଡି ଏଭଳି ଅପପ୍ରଚାର କରୁଛନ୍ତି । ଏଭଳି ଅପପ୍ରଚାରର ଜବାବ୍ ଜିଲ୍ଲାବାସୀ ଆଗାମୀ ଦିନରେ ନିଶ୍ଚିତ ଭାବରେ ଦେବା ସହ ଏହା ପ୍ରମାଣିତ ହୋଇଯିବ ବୋଲି ଶ୍ରୀ ସିଂହଦେଓ କହିଛନ୍ତି ।

Share in top social networks!

ବିଜେଡି ସାଢେ଼ ଚାରିକୋଟି ଲୋକଙ୍କ ପାଖରେ ଉତ୍ତରଦାୟୀ: ବିଜେଡି

DSC_0899ମିଛ ପ୍ରତିଶ୍ରୁତି ଓ ଅଚ୍ଛେଦିନର ସ୍ୱପ୍ନ ଦେଖାଇ ବିଜେପି ୨୦୧୪ରେ କ୍ଷମତାକୁ ଆସିଥିଲା । ମାତ୍ର ୩ବର୍ଷ ମଧ୍ୟରେ ବିଜେପି ସମଗ୍ର ଭାରତବର୍ଷରେ ତା’ର ଲୋକପ୍ରିୟତା ହରାଇଛି । ଲୋକମାନଙ୍କର ସ୍ୱପ୍ନ ଭଙ୍ଗ ହୋଇଛି । ଜନ ଅସନ୍ତୋଷ ବଢ଼ିବାରେ ଲାଗିଛି । ଭାଷଣ ପ୍ରିୟ ପ୍ରଧାନମନ୍ତ୍ରୀଙ୍କ ପ୍ରଚାର ସର୍ବସ୍ୱ ସରକାରଙ୍କ କାର୍ଯ୍ୟକ୍ରମକୁ ନେଇ ଲୋକମାନେ ଟାହିଟାପରା କରୁଛନ୍ତି । କେନ୍ଦ୍ରରେ ବିଜେପି ସରକାରର କାଉଣ୍ଟଡାଉନ୍‍ (ଅବଗଣନା) ଆରମ୍ଭ କରାଯାଇଛି । ଏଭଳି ସ୍ଥିତିରେ ବିଜେପି ଲୋକପ୍ରିୟ ନବୀନ ସରକାରଙ୍କୁ ପ୍ରଶ୍ନ କରିବା ଓ ଏହାକୁ ରାଜନୀତିକ ପୁଞ୍ଜି କରିବା ନିହାତି ହାସ୍ୟାସ୍ପଦ । ବିଜେଡି ଓଡ଼ିଶାର ସାଢେ଼ ଚାରିକୋଟି ଲୋକଙ୍କ ପାଖରେ ଉତ୍ତରଦାୟୀ ।

ଓଡ଼ିଶାର ଲୋକମାନଙ୍କର ଆଶା, ଅଭୀପ୍ସା ଓ ସ୍ୱପ୍ନ ପୂରଣରେ ବିଜେଡି ସରକାର ୨୦୦୦ ମସିହାରୁ କାର୍ଯ୍ୟ କରି ଆସିଛି । ଲୋକମାନେ ବିଜେଡି
ସରକାରକୁ ସମର୍ଥନ ଦେଇ ଆସିଛନ୍ତି । ବିଜେଡିର ଲୋକପ୍ରିୟତା ଓ ଗ୍ରହଣୀୟତା ବୃଦ୍ଧି ପାଇବାରେ ଲାଗିଛି । ନବୀନ ସରକାର କଥାରେ ନୁହେଁ,
କାମରେ ବିଶ୍ୱାସ କରେ । ଏହା ଓଡ଼ିଶାବାସୀ ଭଲଭାବେ ଜାଣିଛନ୍ତି । କେନ୍ଦ୍ର ସରକାର ମାତ୍ର ୩ବର୍ଷରେ ଲୋକପ୍ରିୟତା ହରାଇଥିବା ବେଳେ
୧୭ବର୍ଷ ଶାସନରେ ରହି ବିଜେଡି ସରକାର କାହିଁକି ଲୋକପ୍ରିୟତା ଶୀର୍ଷରେ ରହିଛି, ବିଜେପି ଆତ୍ମସମୀକ୍ଷା କରିବା ଦରକାର । ଏହା ନକରି
ବିଜେପି ପାହାଡ଼କୁ ଟେକା ଫିଙ୍ଗୁଛି, ଯେଉଁଥିରେ ବିଜେପି ହିଁ କ୍ଷତାକ୍ତ ହେବ । ବିଜେଡି ସରକାର ଲୋକମାନଙ୍କ ସହ ଅଛି ଓ ରହିବ । କୌଣସି
ଅପପ୍ରଚାରରେ ଓଡ଼ିଶାବାସୀ ଭଳିଯିବେ ନାହିଁ ବୋଲି ରାଜ୍ୟ ସଂପାଦକ ବିଜୟ ନାୟକ କହିଛନ୍ତି ।
ବିଜେଡି ସରକାର ଗ୍ରାମାଞ୍ଚଳ ଓ ସହରାଞ୍ଚଳ ଲୋକମାନଙ୍କର ଜୀବନ ଧାରଣର ମାନବୃଦ୍ଧି ଓ ଜୀବିକା ନିର୍ବାହରେ ଉନ୍ନତି ନିମନ୍ତେ ଅନେକ
କାର୍ଯ୍ୟ କରିଛନ୍ତି । ସହରାଞ୍ଚଳରେ ଭୂମିହୀନ ଗରିବମାନଙ୍କୁ ମୁ୍ୟନିସିପାଲିଟିରେ ୪୨୦ ବର୍ଗ ଫୁଟର ଜମି ଓ ଏନ୍‍ଏସିରେ ୬୦୦ ବର୍ଗଫୁଟର ଜମି
ମାଗଣାରେ ଯୋଗାଇବାକୁ ଐତିହାସିକ ନିଷ୍ପତ୍ତି ନେଇଛନ୍ତି । ଏହାସହ ସହରାଞ୍ଚଳରେ ମୌଳିକ ସେବା ଯୋଗାଣ ଉପରେ ସରକାର ଗୁରୁତ୍ୱ
ଦେଇଛନ୍ତି । ବିଜେପି ଯେଉଁ ପ୍ରସଂଗ ଉପସ୍ଥାପନ କରିଛି, ତାହାର କୌଣସି ଭିତ୍ତି ନାହିଁ । ବିଜେପି ତୃଣମୂଳ ସ୍ତରକୁ ଯାଉ ଲୋକମାନଙ୍କୁ
ପଚାରିଲେ ସବୁ ବୁଝିପାରିବ । କୌଣସି ଅଞ୍ଚଳରେ ହିତାଧିକାରୀ ଚୟନରେ ଅନିୟମିତତା ହୋଇନାହିଁ । ଆଗକୁ ପୌର ନିର୍ବାଚନ ଥିବାରୁ,
ବିଜେପି ହତାଶ ହୋଇ ଅପ୍ରସଂଗକୁ ପ୍ରସଂଗ କରିବାକୁ ଚେଷ୍ଟା କରୁଛି । ବିଜେପିର ଏଇ ଚାଲାକି, ଛଳନା ଓ କୁମ୍ଭୀର କାନ୍ଦଣାର ଜବାବ ଆଗାମୀ
ନିର୍ବାଚନରେ ମିଳିବ ବୋଲି ଶ୍ରୀ ନାୟକ କହିଛନ୍ତି ।
ବିଜେଡି ସରକାର ଗୃହହୀନଙ୍କୁ ଗୃହ ଯୋଗାଣ, ପ୍ରତ୍ୟେକ ଅଞ୍ଚଳରେ ବିଶୁଦ୍ଧ ପାନୀୟ ଜଳ ଯୋଗାଣ ଓ ମୌଳିକ ନାଗରିକ ସେବା
ଯୋଗାଇବାକୁ ଅଗ୍ରାଧିକାର ଦେଇଛନ୍ତି । ଏଥିନିମନ୍ତେ ଏକାଧିକ କାର୍ଯ୍ୟକ୍ରମ ଓ ଯୋଜନା କରାଯାଇଛି । ସାମଗ୍ରିକ ଭାବରେ କାର୍ଯ୍ୟପନ୍ଥା ସହ
ସ୍ଥାନୀୟ ଆବଶ୍ୟକତା ଭିତ୍ତିରେ ଯୋଜନା କାର୍ଯ୍ୟକାରୀ କରାଯାଉଛି । କୌଣସି ଯୋଗ୍ୟ ହିତାଧିକାରୀ ଯେଭଳି ବାଦ ନପଡନ୍ତି, ସେଥିପାଇଁ ଦୃଷ୍ଟି
ଦେବାକୁ ମୁଖ୍ୟମନ୍ତ୍ରୀ କଡ଼ା ନିଦେ୍ର୍ଧଶ ଦେଇଛନ୍ତି । ବିଜେପିର ଅପପ୍ରଚାର ଓ ଭ୍ରାନ୍ତିର ପ୍ରସାରର କୌଣସି ପ୍ରଭାବ ନାହିଁ ବରଂ ଏହା ବିଜେପି ପାଇଁ
ବୁମେରାଂ ହେବ ବୋଲି ଶ୍ରୀ ନାୟକ କହିଛନ୍ତି ।
ବିଜେପିକୁ ଓଡ଼ିଶା ପ୍ରତ୍ୟାଖ୍ୟାନ କରିଛନ୍ତି । ୨୦୧୪ରେ ବିଜେପି ସାରା ଦେଶରେ ହାୱା ସୃଷ୍ଟି କରିଥିବା ବେଳେ ଓଡ଼ିଶାରେ ତା’ର କୌଣସି
ପ୍ରଭାବ ପଡିନଥିଲା । ଏବେ ସାରା ଦେଶରେ ବିଜେପି ତଡ଼ିବାକୁ ଲୋକମାନେ ମନସ୍ଥିର କରିସାରିଲେଣି । ବିମୁଦ୍ରାକରଣ, ଜିଏସ୍‍ଟି, ପେଟ୍ରୋଲ
ଜାତ ସାମଗ୍ରୀର ଅହେତୁକ ଦରବୃଦ୍ଧି ଆଦି ଅନେକ ପ୍ରସଂଗରେ ବିଜେପିର ଗରିବ ମାରଣ ନୀତି ସ୍ପଷ୍ଟ ହୋଇଛି । ବାସ୍ତବରେ ବିଜେପିର ଗଡ଼
ଉପୁଡୁଥିବା ବେଳେ ବିଜେଡିର ଶକ୍ତି, ସାମର୍ଥ୍ୟ ଓ ଗ୍ରହଣୀୟତା ବୃଦ୍ଧି ପାଇଛି । ବିଜେପିର ଅହଂକାର, ଆସ୍ଫାଳନ, ଛଳନା, ପ୍ରବଞ୍ଚନା ବିରୋଧରେ
ଜନମତରେ ଆକଳନ ନକରି ରାଜ୍ୟ ନେତାମାନେ ପବନରେ ଦୁର୍ଗ ନିର୍ମାଣ କରିବା ଓ ଗଣମାଧ୍ୟମ ସାମ୍ନାରେ ଗର୍ଜନ କରିବାର କୌଣସି ପ୍ରଭାବ
ନାହିଁ ଏବଂ ନବୀନ ପଟ୍ଟନାୟକଙ୍କ ନେତୃତ୍ୱରେ ବିଜେଡି ସରକାର ଦିନକୁ ଦିନ ଶକ୍ତ ଓ ଦୃଢ଼ ହେଉଥିବା ଶ୍ରୀ ନାୟକ ପ୍ରକାଶ କରିଛନ୍ତି ।

Share in top social networks!

ଚିଟ ଫଣ୍ଡ ମହାଦୁର୍ନୀତିରେ ପ୍ରସନ୍ନ ଆଚାର୍ଯ୍ୟଙ୍କ ସାମିଲ ଅଭିଯୋଗ ପରିପ୍ରେକ୍ଷୀରେ ତାଙ୍କୁ ତଦନ୍ତ ପରିସର ଭୂକ୍ତ କରାଯାଉ: ବିଜେପି

 ବିନା ଅଭିଜ୍ଞତାରେ ସିସୋର ଓ ଗ୍ରୀନରେ ଭଳି ଦୁଇଟି ଠକ ଚିଟଫଣ୍ଡ କମ୍ପାନୀକୁ ଗୁରୁତ୍ୱପୂର୍ଣ ସ୍ୱାସ୍ଥ୍ୟ ସମ୍ପର୍କିତ କାମରେ ନିୟୋଜିତ କରିଥିଲେ ଶ୍ରୀ ଆଚାର୍ଯ୍ୟ
 ଗ୍ରୀନରେ କମ୍ପାନୀର ଔଷଧ ତିଆରି ବ୍ୟବସାୟ ସହ ଆଦୌ କୌଣସି ସମ୍ପର୍କ ନ ଥିବା ସତ୍ୱେ ଫାର୍ମାସିଟିକାଲ ବ୍ୟବସାୟରେ କମ୍ପାନୀ ୮୦ କୋଟି ଟଙ୍କା ବିନିଯୋଗ କରିଥିଲା
 ପ୍ରସନ୍ନ ଆଚାର୍ଯ୍ୟଙ୍କ ନେତୃତ୍ୱରେ ରାଜ୍ୟ ସ୍ୱାସ୍ଥ୍ୟ ବିଭାଗ ଏହି କମ୍ପାନୀକୁ କିପରି ଲାଇସେନ୍ସ ପ୍ରଦାନ କଲା ?
 ଗ୍ରୀନରେ କମ୍ପାନୀର ମାଲିକ ମୀର ସାହିରୁଦ୍ଧିନ ଏହି ଲାଇସେନ୍ସ ଆଧାରରେ ନିଶାଯୁକ୍ତ ଔଷଧ ତିଆରି କରି ବଜାରରୁ ପ୍ରଚୁର ମୁନାଫା କମାଇଥିଲା
 ମୀର ସାହିରୁଦ୍ଧିନକୁ ଅହେତୁକ ଅନୁକମ୍ପା ଦେଖାଇ ପ୍ରଚୁର ମୁନାଫା କମାଇବାର ପଥ ପରିଷ୍କାର ପ୍ରସନ୍ନ ଆଚାର୍ଯ୍ୟ କରିଥିଲେ କି ନାହିଁ ?
 ବାଲେଶ୍ୱର ଠାରେ ଗ୍ରୀନରେ କମ୍ପାନୀର ଉଦଘାଟନ ଉତ୍ସବରେ ପ୍ରସନ୍ନ ଆଚାର୍ଯ୍ୟ ମୁଖ୍ୟ ଅତିଥି ଭାବେ ଯୋଗ ଦେବା ତାଙ୍କର କମ୍ପାନୀ ପ୍ରୀତିର ପ୍ରମାଣ ନୁହେଁ କି ?
 ସ୍ୱାସ୍ଥ୍ୟ ସେବାରେ ଅନଭିଜ୍ଞ ସିସୋରକୁ ସରକାରୀ ଡାକ୍ତରଖାନା ଚଳାଇବା ଦାୟିତ୍ୱ ଦେଇ ସିସୋର ଦ୍ୱାରା ରାଜ୍ୟରେ ମେଡିକାଲ କଲେଜ ଓ ଡାକ୍ତରଖାନା ଖୋଲିବା ପାଇଁ ଅପରାଧିକ ଷଡଯନ୍ତ୍ର କରିଥିଲେ ଶ୍ରୀ ଆଚାର୍ଯ୍ୟ
 ପ୍ରସନ୍ନ ଆଚାର୍ଯ୍ୟ ଚିଟ ଫଣ୍ଡ ଲୁଟେରାଙ୍କ ଅର୍ଥରେ ଅନୁଗ୍ରହୀତ ହେବାର ସନେ୍ଦହ ଘେରରେ ଥିବାରୁ ତାଙ୍କୁ ତଦନ୍ତ ପରିସରଭୁକ୍ତ କରାଯାଉ
 ଉପଯୁକ୍ତ ତଦନ୍ତ ହେଲେ ପ୍ରସନ୍ନ ଆଚାର୍ଯ୍ୟଙ୍କ ଅସଲ ମୁଖା ଖୋଲିଯିବ
 ଏହି ପ୍ରସଙ୍ଗରେ ବରଗଡ଼ରେ ଦଳ ପକ୍ଷରୁ କରାଯିବ ବିକ୍ଷୋଭ ପ୍ରଦର୍ଶନ

Press Release_21

ଚିଟ ଫଣ୍ଡ ମହାଘୋଟାଲାରେ ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କ ଗିରଫଦାରୀ ପରେ ଦଳକୁ ସୁରକ୍ଷା ପ୍ରଦାନ କରିବା ପାଇଁ ଆଗକୁ ଆସିିଥିବା ଦଳର ସାଂସଦ ପ୍ରସନ୍ନ ଆଚାର୍ଯ୍ୟ ନିଜେ ଏହି ମହାଦୁର୍ନୀତିରେ ସଂପୃକ୍ତ ବୋଲି ଅଭିଯୋଗ କରିଛି ଭାରତୀୟ ଜନତା ପାର୍ଟି ।
ଏ ସମ୍ପର୍କରେ ବିଜେପି ବିଧାୟକ ପ୍ରଦୀପ ପୁରୋହିତଙ୍କ ବକ୍ତବ୍ୟ ପରେ ସାଂସଦ ପ୍ରସନ୍ନ ଆଚାର୍ଯ୍ୟ ଚିଟ ଫଣ୍ଡ କମ୍ପାନୀକୁ କାମ ଦେଇ ଓଡିଶା ସରକାରଙ୍କୁ ଲାଭ ପହଂଚାଇଥିଲେ ବୋଲି ଯୁକ୍ତି ବାଢିବା ସହ ବିଜେପି ବିଧାୟକଙ୍କ ଅଳ୍ପ ବିଦ୍ୟା ଭୟଙ୍କରୀ ବୋଲି ବକ୍ତବ୍ୟ ରଖିଥିଲେ ।

ଏ ସମ୍ପର୍କରେ ପୁଣି ଥରେ ସାମ୍ବାଦିକ ସମ୍ମିଳନୀ କରି ପ୍ରସନ୍ନ ଆଚାର୍ଯ୍ୟଙ୍କ ଠକ ଚିଟଫଣ୍ଡ କମ୍ପାନୀ ମାନଙ୍କୁ ତାଙ୍କର ସ୍ୱାସ୍ଥ୍ୟମନ୍ତ୍ରୀତ୍ୱ ସମୟରେ ଦେଖାଇଥିବା ଅନୁକମ୍ପା ଓ ଏହା ଦ୍ୱାରା ଶ୍ରୀ ଆଚାର୍ଯ୍ୟ ନିଜେ ଆର୍ଥିକ ଦୃଷ୍ଟିରୁ ଲାଭବାନ ହୋଇଥିବା ସନେ୍ଦହକୁ ଗଣମାଧ୍ୟମ ଆଗରେ ଉପସ୍ଥାପିତ କରିଛନ୍ତି ବିଜେପି ବିଧାୟକ ପ୍ରଦୀପ ପୁରୋହିତ ।
ଶ୍ରୀ ପୁରୋହିତ କହିଛନ୍ତି ଯେ, ଶ୍ରୀ ଆଚାର୍ଯ୍ୟ ସ୍ୱାସ୍ଥ୍ୟ ମନ୍ତ୍ରୀ ଥିବା ବେଳେ ସିସୋର ଓ ଗ୍ରୀନରେ ଭଳି ଦୁଇଟି ଠକ ଚିଟଫଣ୍ଡ କମ୍ପାନୀକୁ ସ୍ୱାସ୍ଥ୍ୟ କ୍ଷେତ୍ରରେ ଆଦୌ ଅଭିଜ୍ଞତା ନ ଥିବା ସତ୍ୱେ ଗୁରୁତ୍ୱପୂର୍ଣ ସ୍ୱାସ୍ଥ୍ୟ ସମ୍ପର୍କିତ କାମରେ ନିୟୋଜିତ କରିଥିଲେ ।
ଶ୍ରୀ ପୁରୋହିତ କହିଛନ୍ତି ଯେ, ଗ୍ରୀନରେ କମ୍ପାନୀର ଔଷଧ ତିଆରି ବ୍ୟବସାୟ ସହ ଆଦୌ କୌଣସି ସମ୍ପର୍କ ନ ଥିବା ସତ୍ୱେ ଫାର୍ମାସିଟିକାଲ ବ୍ୟବସାୟରେ ଏହି କମ୍ପାନୀ ୮୦ କୋଟି ଟଙ୍କା ବିନିଯୋଗ କରିଥିଲା । ପ୍ରସନ୍ନ ଆଚାର୍ଯ୍ୟଙ୍କ ନେତୃତ୍ୱରେ ରାଜ୍ୟ ସ୍ୱାସ୍ଥ୍ୟ ବିଭାଗ ଏହି କମ୍ପାନୀକୁ କିପରି ଲାଇସେନ୍ସ ପ୍ରଦାନ କଲା ଏହାର ଉତର ଦେବାର ଦାୟିତ୍ୱ ପ୍ରସନ୍ନ ଆଚାର୍ଯ୍ୟଙ୍କର ବୋଲି ବିଜେପି କହିଛି ।
ଗ୍ରୀନରେ କମ୍ପାନୀର ମାଲିକ ମୀର ସାହିରୁଦ୍ଧିନ ଏହି ଲାଇସେନ୍ସ ଆଧାରରେ ନିଶାଯୁକ୍ତ ଔଷଧ ତିଆରି କରି ବଜାରରୁ ପ୍ରଚୁର ମୁନାଫା କମାଉଥିବାର ଅଭିଯୋଗ ଗଣମାଧ୍ୟମରେ ପ୍ରକାଶିତ ହୋଇଛି । ମୀର ସାହିରୁଦ୍ଧିନକୁ ଅହେତୁକ ଅନୁକମ୍ପା ଦେଖାଇ ପ୍ରଚୁର ମୁନାଫା କମାଇବାର ପଥ ପରିଷ୍କାର ପ୍ରସନ୍ନ ଆଚାର୍ଯ୍ୟ କରିଥିଲେ କି ନାହିଁ ବୋଲି ବିଜେପି ପ୍ରଶ୍ନ କରିଛି ।
ବାଲେଶ୍ୱର ଠାରେ ଏହି କମ୍ପାନୀର ଉଦଘାଟନ ଉତ୍ସବରେ ପ୍ରସନ୍ନ ଆଚାର୍ଯ୍ୟ ମୁଖ୍ୟ ଅତିଥି ଭାବେ କାହିଁକି ଯୋଗ ଦେଇଥିଲେ ବୋଲି ଏ ସମ୍ବନ୍ଧରେ ସ୍ପଷ୍ଟୀକରଣ ରଖିବାକୁ ବିଜେପି ତରଫରୁ ଆହ୍ୱାନ କରାଯାଇଛି ।
ଅହେତୁକ ଅନୁକମ୍ପା ଦେଖାଇ ପ୍ରସନ୍ନ ଆଚାର୍ଯ୍ୟ ଗ୍ରୀନରେ ଅର୍ଥରୁ କେତେ ଲାଭବାନ ହୋଇଛନ୍ତି ଏହା ମଧ୍ୟ ସ୍ପଷ୍ଟ କରିବାକୁ ଶ୍ରୀ ପୁରୋହିତ ଆହ୍ୱାନ ଜଣାଇଛି ।
ଗ୍ରୀନରେ ସହ ଚିଟ ଫଣ୍ଡ କେଳେଙ୍କାରୀ ଦୁନିଆର ମହାରାଜ ସିସୋର କମ୍ପାନୀର ସ୍ୱାସ୍ଥ୍ୟ ସେବା ସହ କୌଣସି ସମ୍ପର୍କ ନ ଥିବା ବେଳେ ୯ଟି ସରକାରୀ ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ର ଚଲାଇବାକୁ ଅନୁମତି ଦେବା ପଛରେ ଥିବା ଅପରାଧିକ ଷଡଯନ୍ତ୍ରରେ ପ୍ରସନ୍ନ ଆଚାର୍ଯ୍ୟ ଥିବା ବିଜେପି ଅଭିଯୋଗ କରିଛି ।
ବିଜେପି କହିଛି ଯେ ସ୍ୱାସ୍ଥ୍ୟ ସେବାରେ ଅନଭିଜ୍ଞ ସିସୋରକୁ ସରକାରୀ ଡାକ୍ତରଖାନା ଚଳାଇବା ଦାୟିତ୍ୱ ଦେଇ ତକ୍ରାଳୀନ ସ୍ୱାସ୍ଥ୍ୟ ମନ୍ତ୍ରୀ ଶ୍ରୀ ଆଚାର୍ଯ୍ୟ ସିସୋର ଦ୍ୱାରା ରାଜ୍ୟରେ ମେଡିକାଲ କଲେଜ ଓ ଡାକ୍ତରଖାନା ଖୋଲିବା ପାଇଁ ଅପରାଧିକ ଷଡଯନ୍ତ୍ର କରିଥିଲେ ବୋଲି ଶ୍ରୀ ପୁରୋହିତ ଅଭିଯୋଗ କରିଛି ।
ମେଡିକାଲ ଶିକ୍ଷାରେ ପ୍ରଚୁର ଲାଭ ଥିବା କାରଣରୁ ସରକାରୀ ଡାକ୍ତରଖାନା ଚଳାଇବା ସହ ଡାଇଗ୍ନୋଷ୍ଟିକ ସେଂଟର ଚଲାଇବା ପାଇଁ ରାଜ୍ୟ ସରକାର ସିସୋର ଭଳି ଅନଭିଜ୍ଞ ଓ ଠକ ସଂସ୍ଥାକୁ ଶ୍ରୀ ଆଚାର୍ଯ୍ୟଙ୍କ ଅନୁଗ୍ରହରେ ଅନୁମତି ପ୍ରଦାନ କରାଯାଇଥିଲା ବୋଲି ଶ୍ରୀ ପୁରୋହିତ ଅଭିଯୋଗ କରିଛି ।
ବିଜେପି ତରଫରୁ ଦାବି କରାଯାଇଛି ଯେ, ପ୍ରସନ୍ନ ଆଚାର୍ଯ୍ୟ ଚିଟ ଫଣ୍ଡ ଲୁଟେରାଙ୍କ ଅର୍ଥରେ ଅନୁଗ୍ରହୀତ ହେବାର ସନେ୍ଦହ ଘେରରେ ଥିବାରୁ ତାଙ୍କୁ ଏହି ଦୁଇ ସଂସ୍ଥାର ତଦନ୍ତ ପ୍ରକ୍ରିୟାରେ ତଦନ୍ତ ପରିସରଭୁକ୍ତ କରାଯାଉ । ଉପଯୁକ୍ତ ତଦନ୍ତ ହେଲେ ପ୍ରସନ୍ନ ଆଚାର୍ଯ୍ୟଙ୍କ ଅସଲ ମୁଖା ଖୋଲିଯିବ ବୋଲି ବିଜେପି ତରଫରୁ ପ୍ରକାଶ କରାଯାଇଛି ।
ଏହି ପ୍ରସଙ୍ଗରେ ଦଳ ତରଫରୁ ବରଗଡ଼ ଠାରେ ଆଜି ବିକ୍ଷୋଭ ପ୍ରଦର୍ଶନ କରାଯିବ ବୋଲି ଶ୍ରୀ ପୁରୋହିତ ଘୋଷଣା କରିଛନ୍ତି ।
ଆଜିର ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ମୁଖପାତ୍ର ଶ୍ରୀ ଗୋଲକ ପ୍ରସାଦ ମହାପାତ୍ର ଉପସ୍ଥିତ ଥିଲେ ।

Share in top social networks!

୧୦ ଲକ୍ଷ ଚିଟଫଣ୍ଡ କ୍ଷତିଗ୍ରସ୍ତଙ୍କ ୨୦ ହଜାର କୋଟି ଟଙ୍କା ସହ ନୁହେଁ, ଚିଟଫଣ୍ଡ ଲୁଟେରାଙ୍କ ସହ ଅଛି ବିଜେଡି : ବିଜେପି

 ପାପ କରିଛନ୍ତି ଅଥଚ ପ୍ରାୟଶ୍ଚିତ କରିବାକୁ ଡରୁଛନ୍ତି
 ପ୍ରଭାତ ବିଶ୍ୱାଳଙ୍କୁ ରାଜରାସ୍ତାରେ ବିଜେଡିର ସମର୍ଥନକୁ ନିନ୍ଦା
 ଚିଟଫଣ୍ଡ ଲୁଟେରାଙ୍କୁ ସାଥ ଦେଉଥିବା ବିଜେଡି ବିରୁଦ୍ଧରେ ଏକାଠି ହୋଇ ସ୍ୱର ଉତୋଳନ କରିବାକୁ ରାଜ୍ୟବାସୀଙ୍କୁ ଆହ୍ୱାନ
 ପ୍ରସନ୍ନ ଆଚାର୍ଯ୍ୟଙ୍କ ସ୍ୱାସ୍ଥ୍ୟମନ୍ତ୍ରୀତ୍ୱ କାଳରେ ଚିଟ୍ଫଣ୍ଡ କମ୍ପାନୀମାନଙ୍କୁ ସ୍ୱାସ୍ଥ୍ୟ ବିଭାଗର ଅନୁକମ୍ପା ସମ୍ପର୍କରେ ସ୍ପଷ୍ଟିକରଣ ରଖିବାକୁ ଶ୍ରୀ ଆଚାର୍ଯ୍ୟଙ୍କୁ ବିଜେପିର ଆହ୍ୱାନ
 ୨୦୧୨ ରେ ବିଷାକ୍ତ େଓ÷ାଷଧଜନିତ ୧୨ ଜଣଙ୍କ ମୃତୁ୍ୟରେ ତଦନ୍ତ କରିଥିବା ନାୟୁଡୁ କମିଶନ ରିପୋର୍ଟ ଖୁଲାସା କରନ୍ତୁ ରାଜ୍ୟ ସରକାର
Photo_PC_PradeepPurohit_20

ରାମାୟଣ ଯୁଗରେ ପୁତ୍ର ଇନ୍ଦ୍ରଜିତର ମୃତୁ୍ୟରେ ବିଚଳିତ ହୋଇ ରାବଣର ଅଯଥା ଅହଂକାର ପାଇଁ ଯେଉଁ ଭଳି ପତନ ହୋଇଥିଲା, ସେହି ଭଳି ଚିଟ୍ ଫଣ୍ଡ ଦୁର୍ନୀତିରେ ଅଭିଯୁକ୍ତ ବିଧାୟକ ପ୍ରଭାତ ବିଶ୍ୱାଳଙ୍କ ଗିରଫଦାରୀରେ ଅହଂକାରୀ ଶାସକ ବିଜେଡିର ପତନ ଘଟିବ । ଧନ, ଜୀବନ ଆଦିକୁ ସୁରକ୍ଷା ଯୋଗାଇ ଦେବା ପାଇଁ ରାଜ୍ୟବାସୀ ନବୀନ ପଟ୍ଟନାୟକଙ୍କ ନେତୃତ୍ୱରେ ବିଜେଡିକୁ ଶାସନ କ୍ଷମତା ଦେଇଥିଲେ । ସିବିଆଇ ଦ୍ୱାରା ଗିରଫ ବିଜେଡି ବିଧାୟକ ପ୍ରଭାତ ବିଶ୍ୱାଳଙ୍କ ସୁରକ୍ଷା ଦାବୀରେ ରାଜରାସ୍ତାକୁ ବିଜେଡି ବାହାରିବା ପରିପ୍ରେକ୍ଷୀରେ ରାଜ୍ୟର ଶାସକ ଦଳ ଚିଟ ଫଣ୍ଡ କ୍ଷତିଗ୍ରସ୍ତ ୧୦ ଲକ୍ଷ ଗରୀବ ଓଡିଆଙ୍କ ୨୦ ହଜାର କୋଟି ଟଙ୍କା ସହିତ ନା ଚିଟଫଣ୍ଡ ଲୁଟେରାଙ୍କ ସହିତ ଅଛି, ତାହା ସ୍ପଷ୍ଟ କରିବାକୁ ଏକ ସାମ୍ବାଦିକ ସମ୍ମିଳନରେ ବିଜେପି ବିଧାୟକ ପ୍ରଦୀପ ପୁରୋହିତ ପ୍ରଶ୍ନ କରିଛନ୍ତି ।
ପ୍ରଭାତ ବିଶ୍ୱାଳଙ୍କୁ ରାଜନୈତିକ ଓ ନୈତିକ ସମର୍ଥନ ଦେଇ ବିଜୁ ଜନତା ଦଳର ରାଜରାସ୍ତାରେ ବିକ୍ଷୋଭ ଆୟୋଜନକୁ ଦୃଢ ଶବ୍ଦରେ ନିନ୍ଦା କରିଛନ୍ତି ଶ୍ରୀ ପୁରୋହିତ । ଚିଟ ଫଣ୍ଡ ଲୁଟେରାଙ୍କୁ ସୁରକ୍ଷା ଦେବା ଓ ସେମାନଙ୍କ ଅର୍ଥରେ ପ୍ରଚୁର ମାତ୍ରାରେ ଲାଭବାନ ହୋଇଥିବା ଦଳୀୟ ବିଧାୟକ ପ୍ରଭାତ ବିଶ୍ୱାଳଙ୍କୁ ରାଜ ରାସ୍ତାରେ ସମର୍ଥନ କରି ବିଜେଡି ଚିଟଫଣ୍ଡ ଲୁଟର ଶୀକାର ହୋଇଥିବା ସାଧାରଣ ଗରୀବ ଓଡିଆ ମାନଙ୍କ ସ୍ୱାର୍ଥକୁ କୁଠାରାଘାତ କରିଛନ୍ତି । ନିରୀହ ଜମାକାରୀଙ୍କ ଅର୍ଥକୁ ଲୁଟ୍ କରି ପାପ କରିଥିବାବେଳେ ବର୍ତମାନ ପ୍ରାୟଶ୍ଚିତ କରିବାକୁ କାହିଁକି ଡରୁଛନ୍ତି ବୋଲି ଶ୍ରୀ ପୁରୋହିତ ସାମ୍ବାଦିକ ସମ୍ମିଳନୀରେ ପ୍ରଶ୍ନ କରିଛନ୍ତି ।
ବିଜେଡି ନେତାମାନେ ପ୍ରଭାତ ବିଶ୍ୱାଳ ଚିଟ ଫଣ୍ଡ ଲୂଟରେ ଭାଗିଦାର ନାହାନ୍ତି ବୋଲି କହିବାକୁ ସତସାହାସ କରି ପାରୁ ନାହାନ୍ତି । ମାତ୍ର ରାଜରାସ୍ତାରେ ସମର୍ଥନ କରି ଚିଟଫଣ୍ଡ ଲୂଟର ଶୀକାର ଓଡିଆଙ୍କ ସମର୍ଥନରେ ନୁହେଁ ବରଂ ବିଜେଡି ଚିଟ ଫଣ୍ଡ ଲୁଟେରାଙ୍କ ସାଥିରେ ଅଛି ବୋଲି ପ୍ରମାଣିତ କରୁଛି ।
ଓଡିଶାର ଲକ୍ଷ ଲକ୍ଷ ଚିଟ ଫଣ୍ଡ କ୍ଷତିଗ୍ରସ୍ତମାନେ ବିଜେଡିର ଚିଟ ଫଣ୍ଡ ଲୁଟେରାଙ୍କ ସାଥ ଦେବା ବିରୁଦ୍ଧରେ ଏକାଠି ହୋଇ ସ୍ୱର ଉତୋଳନ କରିବାକୁ ଶ୍ରୀ ପୁରୋହିତ ଆହ୍ୱାନ ଜଣାଇଛନ୍ତି ।
(ପୃÂା: ୧/୨)

ଶ୍ରୀ ପୁରୋହିତ କହିଛନ୍ତି ଯେ, ମୂଳରୁ ଚୁଳ ପର୍ଯ୍ୟନ୍ତ ବିଜୁ ଜନତା ଦଳ ଚିଟ ଫଣ୍ଡ ଦୁର୍ନୀତିରେ ବୁଡି ରହିଛି । ଏହି ଦୁର୍ନୀତି ନବୀନ ନିବାସରୁ ତୃତୀୟ ମହଲା ପର୍ଯ୍ୟନ୍ତ ବ୍ୟାପିଛି । ଓଡିଶାର ସାଧାରଣ ଗରୀବ ଲୋକ ମାନଙ୍କୁ ନ୍ୟାୟ ଦେବା ପାଇଁ ଯେ କେହି ବି ପ୍ରତ୍ୟକ୍ଷ ଓ ପରୋକ୍ଷ ଭାବରେ ଏହି ମହାଦୁର୍ନୀତିରେ ସାମିଲ ଅଛନ୍ତି ସେମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁÂାନ ହେବାର ଆବଶ୍ୟକତା ଅଛି । ଦୋଷୀଙ୍କୁ ସୁରକ୍ଷା ନ ଦେଇ ଗରୀବ ଜମାକାରୀଙ୍କୁ ନ୍ୟାୟ ଦେବା ପାଇଁ ନବୀନ ବାବୁ ଆଗେଇ ଆସନ୍ତୁ ବୋଲି ଶ୍ରୀ ପୁରୋହିତ ପରାମର୍ଶ କରିଛନ୍ତି ।
ବିଜେଡି ସାଂସଦ ତଥା ଚିଟ ଫଣ୍ଡ ମାମଲାରେ ଦଳକୁ ସୁରକ୍ଷା ଦେଉଥିବା ପ୍ରସନ୍ନ ଆଚାର୍ଯ୍ୟଙ୍କୁ କଟୁ ସମାଲୋଚନା କରିଛନ୍ତି ଶ୍ରୀ ପୁରୋହିତ । ଶ୍ରୀ ପୁରୋହିତ କହିଛନ୍ତି ଯେ ଶ୍ରୀ ପ୍ରସନ୍ନ ଆଚାର୍ଯ୍ୟ ରାଜ୍ୟର ସ୍ୱାସ୍ଥ୍ୟ ମନ୍ତ୍ରୀ ଥିବା ବେଳେ ବିଷାକ୍ତ େଓ÷ାଷଧ ସେବନ କାରଣରୁ ୧୨ ଜଣ ପ୍ରାଣ ହରାଇଥିଲେ । ଏହି ଘଟଣାର ତଦନ୍ତ ଦାୟୀତ୍ୱ ଜଷ୍ଟିସ ନାୟୁଡୁଙ୍କ ଦ୍ୱାରା କରାଯାଇଥିଲା । ନାୟୁଡୁ କମିଶନ ୨୦୧୫ ମସିହାରେ ରାଜ୍ୟ ସରକାରଙ୍କୁ ତାଙ୍କ ରିପୋର୍ଟ ପ୍ରଦାନ କରିଥିବା ସତ୍ୱେ ତାହାକୁ ଏ ପର୍ଯ୍ୟନ୍ତ ରାଜ୍ୟ ସରକାର ଚପାଇ ରଖିଛନ୍ତି । ନାୟୁଡୁ କମିଶନଙ୍କ ରିପୋର୍ଟ ଖୁଲାସା ହେଲେ ଶ୍ରୀ ଆଚାର୍ଯ୍ୟଙ୍କ ସମେତ ରାଜ୍ୟ ସରକାରଙ୍କ ପାଇଁଁ ଅସୁବିଧା ସୃଷ୍ଟି ହେବାର ଶଙ୍କା ଘାରିଛି ବୋଲି ଶ୍ରୀ ପୁରୋହିତ କହିଛନ୍ତି । କେଉଁ କେଉଁ ଚିଟ ଫଣ୍ଡ କମ୍ପାନୀ ସହ କଣ କଣ ବୁଝାମଣା ପତ୍ର ହୋଇ କାହାକୁ କେଉଁ କେଉଁ ସୁବିଧା ଦିଆ ଯାଇଛି ଓ ଏଥିରୁ ଶ୍ରୀଯୁକ୍ତ ଆଚାର୍ଯ୍ୟ ବ୍ୟକ୍ତିଗତ ଭାବରେ ଓ ଦଳ ତଥା ଦଳର ନେତା ମାନଙ୍କ ପାଇଁ କଣ କଣ ସୁବିଧା ନେଇଛନ୍ତି ତାହା ସ୍ପଷ୍ଟ କରିବାକୁ ଆହ୍ୱାନ ଜଣାଇବା ସହ ନାୟୁଡୁ କମିଶନଙ୍କ ରିପୋର୍ଟକୁ ଖୁଲାସା କରିବାକୁ ଶ୍ରୀ ପୁରୋହିତ ଦାବୀ କରିଛନ୍ତି ।
ଶ୍ରୀଯୁକ୍ତ ଆଚାର୍ଯ୍ୟ ତାଙ୍କର ସ୍ୱାସ୍ଥ୍ୟମନ୍ତ୍ରିତ୍ୱ କାଳରେ ତାଙ୍କର କଳା କାରନାମା ସମ୍ପର୍କରେ ସ୍ପଷ୍ଟୀକରଣ ନ ରଖିଲେ ତାଙ୍କ ଦଳ ତରଫରୁ ଗଣମାଧ୍ୟମରେ ସ୍ପଷ୍ଟ କରାଯାଇ ଶ୍ରୀ ଆଚାର୍ଯ୍ୟଙ୍କର ମୁଖା ଖୋଲି ଦିଆ ଯିବ ବୋଲି ଶ୍ରୀ ପୁରୋହିତ ଚେତାବନୀ ଦେଇଛନ୍ତି ।
ଆଜିର ଏହି ସାମ୍ବାଦିକ ସମ୍ମିଳନୀରେ ରାଜ୍ୟ ସଂପାଦକ ଦିଲୀପ ମଲ୍ଲିକ ଏବଂ ରାଜ୍ୟ ପ୍ରବକ୍ତା ଦିଲୀପ ମହାନ୍ତି ଉପସ୍ଥିତ ଥିଲେ ।

Share in top social networks!

ସିବିଆଇକୁ ଅସ୍ତ୍ର କରି ବିଜେପି ପ୍ରତିପକ୍ଷକୁ ଆକ୍ରମଣ କରିବା ମହଙ୍ଗା ପଡ଼ିବ

ଅମିତ ଶାହଙ୍କ ୧୨୦ ଆସ୍ଫାଳନ ଓ ବିଜେଡି ନେତାଙ୍କୁ ଜେଲ୍‍ରେ ପୂରାଇବାକୁ ଧମକ, ସ୍ପଷ୍ଟ
କରିଦେଉଛି ଯେ ସିବିଆଇ ତଦନ୍ତ ରାଜନୈତିକ ଅଭିସନ୍ଧି ଆଡକୁ ଗତି କରୁଛି
ବିଜେପିର ଏଭଳି ରାଜନୈତିକ ଚାଲ୍‍କୁ ରାଜନୈତିକ ସ୍ତରରେ ଜବାବ ଦିଆଯିବ
DSC_0148

ସିବିଆଇକୁ ଅତୀତରେ ସୁପ୍ରିମକୋର୍ଟ ପିଞ୍ଜରାବଦ୍ଧ ଶୁଆ ଭାବେ ଅବିହିତ କରିଥିଲେ । ପରବର୍ତ୍ତୀ ସମୟରେ କେନ୍ଦ୍ରରେ ବିଜେପି ସରକାର ଆସିବା ପରେ ସୁପ୍ରିମକୋର୍ଟଙ୍କ ମନ୍ତବ୍ୟ ବାସ୍ତବତାରେ ପ୍ରତିଫଳିତ ହୋଇଛି । ସିବିଆଇର ଇତିହାସରେ ଏହି ସମୟ ସିବିଆଇର ବିଶ୍ୱସନୀୟତାର ସର୍ବନିମ୍ନ ସ୍ତରକୁ ଆସିଯାଇଛି ବୋଲି ସାଧାରଣରେ ମତ ପ୍ରକାଶ ପାଉଛି । କେନ୍ଦ୍ର ବିଜେପି ସରକାର କେବଳ ସିବିଆଇ ନୁହେଁ, ଇଡି, ଆୟକର ବିଭାଗ ଭଳି କେତେକ କେନ୍ଦ୍ରୀୟ ସଂସ୍ଥାକୁ ନିଜର ରାଜନୈତିକ ସ୍ୱାର୍ଥ ସାଧନ ଓ ପ୍ରତିପକ୍ଷଙ୍କୁ ହଇରାଣ ହରତକ କରିବା ପାଇଁ ବ୍ୟବହାର କରୁଛି । ଏହା ଭାରତ ବିଭିନ୍ନ ଭାଗରେ ପରିଲକ୍ଷିତ ହେଉଛି । ପଶ୍ଚିମବଙ୍ଗରୁ ଆରମ୍ଭ କରି ତାମିଲନାଡୁ ପର୍ଯ୍ୟନ୍ତ କେନ୍ଦ୍ର ସରକାରଙ୍କ ଏଭଳି କାର୍ଯ୍ୟକୁ ସାଧାରଣରେ ନିନ୍ଦା କରାଯାଉଛି ।

ଏହି ପରିପ୍ରେକ୍ଷୀରେ ଓଡ଼ିଶାରେ ସିବିଆଇକୁ ଯେଭଳି ଭାବରେ ରାଜନୈତିକ ଅସ୍ତ୍ର ଭାବେ ବ୍ୟବହାର କରାଯାଉଛି ତାହା କେବଳ ସିବିଆଇ ଉପରେ ଥିବା ବିଶ୍ୱାସକୁ ତଳେ ପକାଇନାହିଁ, କେନ୍ଦ୍ର ବିଜେପି ସରକାରଙ୍କ ହୀନ ଅଭିସନ୍ଧିକୁ ପଦାରେ ପକାଇଛି । ସେହିଭଳି ଓଡ଼ିଶାରେ ନବୀନ ପଟ୍ଟନାୟକଙ୍କ ନେତୃତ୍ୱ ପ୍ରତି ଲୋକମାନଙ୍କ ଆସ୍ଥା, ବିଶ୍ୱାସ ଓ ଭରସା ବଢ଼ିଚାଲିଥିବା ବେଳେ ଏଥିରେ
ହତାଶ ହୋଇ ବିଜେପି ସିବିଆଇକୁ ଅସ୍ତ୍ର କରିବା ନିନ୍ଦନୀୟ ଏବଂ ଓଡ଼ିଶାରେ ବିଜେପି ପାଇଁ ଏହା ଘାତକ ସାଜିବ ବୋଲି ବିଜୁ
ଜନତା ଦଳ କାର୍ଯ୍ୟାଳୟରେ ଆୟୋଜିତ ସାମ୍ବାଦିକ ସମ୍ମିଳନୀରେ ବିଜୁ ଜନତା ଦଳ ଉପ-ସଭାପତି ତଥା ମୁଖପାତ୍ର ପ୍ରସନ୍ନ
ଆଚାର୍ଯ୍ୟ, ପ୍ରତାପ କେଶରୀ ଦେବ, ମନ୍ତ୍ରୀ ମହେଶ୍ୱର ମହାନ୍ତି ଏବଂ ଶଶୀଭୂଷଣ ବେହେରା କହିଛନ୍ତି ।
ଉପ-ସଭାପତି ତଥା ମୁଖପାତ୍ର ପ୍ରସନ୍ନ ଆଚାର୍ଯ୍ୟ କହିଥିଲେ ଯେ, ଚିଟ୍‍ଫଣ୍ଡ ମାମଲାରେ ସିବିଆଇର ତଦନ୍ତକୁ ପ୍ରଥମଦିନରୁ
ବିଜେଡି ପୂରା ସମର୍ଥନ ଓ ସହଯୋଗ କରିଆସିଛି ଏବଂ ଆଗକୁ ମଧ୍ୟ ବାଧକ ସାଜିବ ନାହିଁ । କିନ୍ତୁ ଗତକାଲିର ଘଟଣା, ବିଧାୟକ
ପ୍ରଭାତ ବିଶ୍ୱାଳଙ୍କୁ ସିବିଆଇ ଯେଭଳି ରାତିରେ ଉଠାଇ ଆଣିଲା ଯାହା ଅତ୍ୟନ୍ତ ନିନ୍ଦନୀୟ ଘଟଣା । ଚିଟ୍‍ଫଣ୍ଡ ମାମଲାରେ ରାଜ୍ୟ
କ୍ରାଇମ୍‍ବ୍ରାଞ୍ଚ ୧୩୨ଟି କେଶ୍‍ ବିଭିନ୍ନ ସଂସ୍ଥା ବା ଲୋକଙ୍କ ନାଁରେ ମାମଲା ରୁଜୁ କରି ତଦନ୍ତ କରୁଥିଲା । କିନ୍ତୁ ଘଟଣାକ୍ରମେ
ଯେତେବେଳେ ମାନ୍ୟବର ସୁପ୍ରିମକୋର୍ଟଙ୍କ ଆଦେଶ ଆସିଲା ଯେ ତଦନ୍ତରେ ରାଜ୍ୟର ଯେଉଁ ସଂସ୍ଥାଗୁଡିକ ସଂପୃକ୍ତି ଅଛି ସେଗୁଡିକ
ସିବିଆଇ ତଦନ୍ତ କରିବ ଏବଂ ପରବର୍ତ୍ତୀ ସମୟରେ ସିବିଆଇ ଯେଉଁ ତଥ୍ୟ ମାଗିଛି ରାଜ୍ୟକୁ ରାଜ୍ୟ ତାହା ଦେଇ ସମସ୍ତ ପ୍ରକାର
ସହଯୋଗ କରିଆସିଛି । ସବୁଠାରୁ ଆଶ୍ଚର୍ଯ୍ୟଘଟଣା ହେଲା ତଦନ୍ତ ଆରମ୍ଭ ହେବାର ୩ବର୍ଷରୁ ଊଦ୍ଧ୍ୱର୍ କାଳ ଅତିକ୍ରାନ୍ତ ହୋଇସାରିଲାଣି ।
ଆମର ପ୍ରଶ୍ନ ହେଲା, ସିବିଆଇ ୩ବର୍ଷ ଧରି ତଦନ୍ତ କରୁଛି, ତାହା ଆଜି ପର୍ଯ୍ୟନ୍ତ କାହିଁକି ଶେଷ ହେଲା ନାହିଁ? ମଝିରେ ମଝିରେ
ସିବିଆଇ ଶୋଇପଡୁଛି ଓ ଉଠିପଡୁଛି । ଏଥିରୁ ଅନୁମାନ କରାଯାଉଛି ଯେ ସିବିଆଇର ତଦନ୍ତ ପ୍ରକି୍ରୟା ପଛରେ ନିଶ୍ଚୟ ରାଜନୈତିକ
ଉଦେ୍ଧଶ୍ୟ ଥିବା ସ୍ପଷ୍ଟ ଜଣାପଡୁଛି । ବର୍ତ୍ତମାନ ପର୍ଯ୍ୟନ୍ତ ୧୮ଟି କେଶ୍‍ର ତଦନ୍ତ ସିବିଆଇ ସାରିଥିବା ବେଳେ ଅର୍ଦ୍ଧାଧିକ କେଶ୍‍ ବାକି
ରହିଛି । କିନ୍ତୁ ନିର୍ଦ୍ଧିଷ୍ଟ ଭାବେ ପ୍ରଭାତ ବିଶ୍ୱାଳ ଓ ତାଙ୍କ ପନôୀଙ୍କୁ ବାରମ୍ବାର ସିବିଆଇ ଡକାଇ ଜେରା କରିସାରିଛି । ୧୫ରୁ ୧୭ଥର
ସିବିଆଇ ଜେରା କରିସାରିଛି ଏବଂ ସିବିଆଇ ଯାହା କାଗଜପତ୍ର ମାଗିଛି ତାହା ଶ୍ରୀ ବିଶ୍ୱାଳ ଏବଂ ତାଙ୍କ ପନôୀ ସିବିଆଇରେ ଦାଖଲ
କରିସାରିଛନ୍ତି । ତେବେ ଆଜି ପର୍ଯ୍ୟନ୍ତ ସେ କେଶ୍‍ କାହିଁକି ଝୁଲାଇ ରଖାଯାଇଛି, ତାହା ବୁଝାପଡୁନି । ସୁବିଧା ଦେଖି ତଦନ୍ତକୁ ଶିଥିଳ
କରିବା ଏବଂ ସୁବିଧା ଦେଖି ତଦନ୍ତକୁ ସକ୍ରିୟ କରିବା ସିବିଆଇର ଏଭଳି ଟାଳଟୁଳ ନୀତି ସଂପର୍କରେ ଆମେ କହିନୁ, ବିଜେପିର
ଈଓଔଟ ଔଇଘଇଞଇ ଊଇଖ
ଛrଗ୍ଦ. ଘକ୍ଟ. ୬ଜ-୩, ଟଦ୍ଭସଗ୍ଧ-ଠଓ, ଈଷଙ୍କଭବଦ୍ଭରଗ୍ଦଙ୍ଗବr (ଙୟସଗ୍ଦଷବ)
ଚଷ : ୦୬୭୪- ୨୩୯୩୪୬୪
୨୩୯୫୯୭୯
ନେତାମାନେ ମଧ୍ୟ ଏ ସଂପର୍କରେ ପ୍ରଶ୍ନବାଚୀ ସୃଷ୍ଟି କରିଛନ୍ତି । କେନ୍ଦ୍ରମନ୍ତ୍ରୀ ମାନ୍ୟବର ଜୁଏଲ ଓରାମ ଓ ବିଜେପି ନେତା ବିଜୟ
ମହାପାତ୍ର ମଧ୍ୟ ସିବିଆଇର ତଦନ୍ତ ସଂପର୍କରେ ଖୋଲାଖୋଲି ମନ୍ତବ୍ୟ ଦେଇଛନ୍ତି । ଯାହା ଜଣାପଡୁଛି, ସିବିଆଇ ତଦନ୍ତର ଧାରା ନା
ସୁପ୍ରିମକୋର୍ଟ ନା ସିବିଆଇ, କାହା ଇଙ୍ଗିତରେ ନୁହେଁ ବରଂ ବିଜେପି ଇଙ୍ଗିତରେ ଚାଲିଥିବା ସ୍ପଷ୍ଟ ପ୍ରତୀୟମାନ ହେଉଛି ।
କିଛିଦିନ ତଳେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଓଡ଼ିଶା ଆସି ତାଙ୍କ ଅଭିଭାଷରେ କହିଥିଲେ ଯେ ବିଜେଡିର ନେତାଙ୍କୁ
ଗୋଟିଏ ପରେ ଗୋଟିଏ ଆମେ ଜେଲ୍‍ରେ ପୂରାଇବୁ । ତା’ର କିଛିଦିନ ପରେ ସିବିଆଇ ହଠାତ୍‍ ବିଧାୟକ ଶ୍ରୀ ବିଶ୍ୱାଳଙ୍କୁ ରାତି
ଗୋଟାଏରେ ଡାକି ଗିରଫ କରିଲା । ଅମିତ ଶାହଙ୍କ ଧମକପୂର୍ଣ୍ଣ ବକ୍ତବ୍ୟ ଓ ସିବିଆଇର ନିଦ୍ରାଭଙ୍ଗ କାର୍ଯ୍ୟାନୁÂାନ ମଧ୍ୟରେ ନିଶ୍ଚୟ
ଗୋଟିଏ ସାମଞ୍ଜସ୍ୟ ଅଛି । ଏଥିରୁ ପ୍ରମାଣିତ ହେଉଛି କେନ୍ଦ୍ରୀୟ ଅନୁସନ୍ଧାନକାରୀ ସଂସ୍ଥାମାନକୁ ବିଜେପି ରାଜନୈତିକ ଫାଇଦା
ହାସଲ ପାଇଁ କିପରି ଅପବ୍ୟବହାର କରୁଛି । ଅମିତ ଶାହଙ୍କ ୧୨୦ ଉକ୍ତି ଓ ବିଜେଡିର ନେତାଙ୍କୁ ଜେଲ୍‍ ପଠାଇବା ଏହା ସ୍ପଷ୍ଟ
କରିଦେଉଛି ଯେ ତଦନ୍ତ ଯାଞ୍ଚ ଏବଂ ନ୍ୟାୟ ପୂର୍ବକ ନହୋଇ ଏକ ରାଜନୈତିକ ଅଭିସନ୍ଧି ଆଡକୁ ଗତି କରୁଛି । ଓଡ଼ିଶାର ସ୍ୱାର୍ଥ ପାଇଁ
ବିଜୁ ଜନତା ଦଳ ମାନ୍ୟବର ସଭାପତି ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ନେତୃତ୍ୱରେ ମହାନଦୀ ଠାରୁ ଆରମ୍ଭ କରି ପେଟ୍ରୋଲ ଡିଜେଲ୍‍
ଦର ବିରୋଧରେ ଯେତେବେଳେ ସମଗ୍ର ଓଡ଼ିଶାବାସୀ ବିଜୁ ଜନତା ଦଳ ପତାକା ତଳେ ପ୍ରତିବାଦ କରୁଛନ୍ତି, ସେତେବେଳେ
ବିଜେପି ପ୍ରତିଶୋଧମୂଳକ ରାଜନୀତିର ପ୍ରକ୍ରିୟା ଆରମ୍ଭ କରିଦେଇଛି । ସିବିଆଇ ତଦନ୍ତ ଏବେ ରାଜନୈତିକ ତଦନ୍ତରେ ପରିଣତ
ହୋଇଛି । ଆମେ ରାଜନୈତିକ ଆକ୍ରମଣର ରାଜନୈତିକ ସ୍ତରରେ ମୁକାବିଲା କରିବୁ ଏବଂ ବିଜେପିର ଏଭଳି ରାଜନୈତିକ ଚାଲ୍‍କୁ
ରାଜରାସ୍ତାରେ ଜବାବ ଦେବୁ ବୋଲି ଦଳ ପକ୍ଷରୁ ସ୍ପଷ୍ଟ ସୂଚାଇ ଦିଆଯାଇଛି । କେନ୍ଦ୍ର ସରକାରଙ୍କ ଜନବିରୋଧୀ ପଦକ୍ଷେପକୁ ଯେଉଁ
ରାଜ୍ୟ ପ୍ରତିବାଦ କରୁଛି, ସେମାନଙ୍କୁ ଅବଦମିତ କରିବା ପାଇଁ ତାଙ୍କ ବିରୋଧରେ ସିବିଆଇ, ଇଡି ଭଳି କେନ୍ଦ୍ରୀୟ ସଂସ୍ଥାଗୁଡିକ
ବ୍ୟବହାର କରାଯାଉଛି । ତାହାର ଜ୍ୱଳନ୍ତ ଉଦାହରଣ ବିହାର, ପଶ୍ଚିମବଙ୍ଗ, ଦିଲ୍ଲୀରେ ଦେଖିବାକୁ ମିଳିଛି । ୧୯୭୫ ମସିହାରେ
ଯେତେବେଳେ ଜରୁରୀକାଳୀନ ପରିସ୍ଥିତି ସୃଷ୍ଟି ହୋଇଥିଲା ସେତେବେଳେ ସରକାରୀ କଳର ବହୁତ ଅପବ୍ୟବହାର ହୋଇଥିଲା ।
କିନ୍ତୁ ବର୍ତ୍ତମାନ ଯେପରି ଗଣତନ୍ତ୍ରକୁ ହତ୍ୟା କରାଯାଉଛି ତାହା ଜରୁରୀକାଳୀନ ପରିସ୍ଥିତି ଠାରୁ ଟପିଯାଇଛି ବୋଲି ଓଡ଼ିଶାବାସୀ
ଅନୁଭବ କରୁଛନ୍ତି । କେନ୍ଦ୍ରୀୟ ସଂସ୍ଥାକୁ ଅପବ୍ୟବହାର କରିବା ଘଟଣାରେ ଆମେ ନିନ୍ଦା କରୁଛୁ ଏବଂ ଜେଲ୍‍ ପଠାଇଦେବା ଧମକରେ
ଓଡ଼ିଶାବାସୀ କିମ୍ବା ବିଜୁ ଜନତା ଦଳ ଡରିବ ନାହିଁ । ଆମେ ରାଜନୈତିକ ସ୍ତରରେ ମୁକାବିଲା କରିବୁ ଏବଂ ଓଡ଼ିଶାର ସ୍ୱାର୍ଥରେ ସୁରକ୍ଷା
ପାଇଁ ଆମ ଲଢେ଼ଇ ଜାରି ରଖିବୁ । ବିଜୁ ଜନତା ଦଳ ବିରୋଧରେ ବିଜେପି ସିବିଆଇ କିମ୍ବା ଇଡିକୁ ଲଗାଉ, ଆମେ କିନ୍ତୁ ଅବଦମିତ
ହେବାର ପ୍ରଶ୍ନ ଉଠୁନାହିଁ । ରାଜନୈତିକ ସ୍ୱାର୍ଥ ପାଇଁ ବିଜେପି ଯେଉଁ କଳ, ବଳ ଓ ଛଳ ପ୍ରୟୋଗ କରି ବିଜୁ ଜନତା ଦଳକୁ ଗତିରୋଧ
କରିବା ପାଇଁ ଅପଚେଷ୍ଟା କରୁଛି ତାହା କଦାପି ସଫଳ ହେବ ନାହିଁ ଏବଂ ଓଡ଼ିଶାବାସୀ ଏଭଳି ଅନ୍ୟାୟ ଓ ଅନୀତି ବିରୋଧରେ
ଠିକଣା ସମୟରେ ଉଚିତ୍‍ ଜବାବ ଦେବେ ବୋଲି ଶ୍ରୀ ଆଚାର୍ଯ୍ୟ କହିଛନ୍ତି ।

Share in top social networks!

ତୈଳ ଦର ବୃଦ୍ଧି ପ୍ରତିବାଦରେ ସକାଳ ୭ଟା ମଧ୍ୟାହ୍ନ ୧୨ଟା ପର୍ଯ୍ୟନ୍ତ ବିଜେଡିର ରାଜ୍ୟାବ୍ୟାପୀ ‘ହକ୍‍ ପାଇଁ ହରତାଲ୍‍’

DSC_0127
ତୈଳ ଦର ବୃଦ୍ଧି କରି କେନ୍ଦ୍ର ବିଜେପି ସରକାର ଓଡ଼ିଶା ତଥା ଦେଶର ଗରିବ ଜନସାଧାରଣଙ୍କୁ
ଲୁଟ୍‍ କରି ଘରୋଇ ତୈଳ କମ୍ପାନୀଗୁଡିକୁ ଲାଭ ଦେଉଛନ୍ତି । ଅନ୍ତର୍ଜାତୀୟ ବଜାରରେ ଅଶୋଧିତ ତୈଳ ଦର ଅର୍ଦ୍ଧାଧିକ ହ୍ରାସ
ପାଇଥିବା ବେଳେ ଉପôାଦ ଶୁଳ୍କ ଅହେତୁକ ବୃଦ୍ଧି କରି କେନ୍ଦ୍ର ଏନ୍‍ଡିଏ ସରକାର ବାରମ୍ବାର ତୈଳ ଦର ବୃଦ୍ଧି କରିବା ଅତ୍ୟନ୍ତ
ଦୁର୍ଭାଗ୍ୟଜନକ ଏବଂ ଜନବିରୋଧୀ ପଦକ୍ଷେପ । ବାରମ୍ବାର ତୈଳ ଦର ବୃଦ୍ଧି ଯୋଗୁ ନିତ୍ୟ ବ୍ୟବହାର୍ଯ୍ୟ ଓ ଅତ୍ୟାବଶ୍ୟକ ସାମଗ୍ରୀର
ଦରଦାମ ହୁ ହୁ ହୋଇ ବଢ଼ି ଚାଲିଛି । ସାଧାରଣ ଜନତା ଓ ଖାଉଟିମାନଙ୍କ ସ୍ୱାର୍ଥକୁ ଆଖିବୁଜି ଦେଇ କେନ୍ଦ୍ର ସରକାରଙ୍କ ଲଗାମ ଛଡ଼ା
ଦର ବୃଦ୍ଧିକୁ ବିରୋଧ କରି ଆସନ୍ତାକାଲି ସକାଳ ୭ଟା ମଧ୍ୟାହ୍ନ ୧୨ଟା ପର୍ଯ୍ୟନ୍ତ ଶାନ୍ତିପୂର୍ଣ୍ଣ ଭାବେ ‘ହକ୍‍ ପାଇଁ ହରତାଲ୍‍’ କରାଯିବ
ବୋଲି ଆଜି ସାମ୍ବାଦିକ ସମ୍ମିଳନୀରେ ବିଜୁ ଜନତା ଦଳ ଉପ-ସଭାପତି ତଥା ମୁଖପାତ୍ର ପ୍ରସନ୍ନ ଆଚାର୍ଯ୍ୟ, ଉପ-ସଭାପତି ଉଷା
ଦେବୀ, ସାଧାରଣ ସଂପାଦକ ସଂଜୟ କୁମାର ଦାସବର୍ମା, ଉପ-ସଭାପତି ଉଷା ଦେବୀ ଏବଂ ବିଜୁ ମହିଳା ଜନତା ଦଳ ଉପ-
ସଭାନେତ୍ରୀ ସ୍ନେହାଙ୍ଗିନୀ ଛୁରିଆ କହିଛନ୍ତି ।
କଞ୍ଚାତେଲ ବିଶେଷତଃ ଆରବ ରାଷ୍ଟ୍ରରୁ ଆସିଥାଏ । ଆମେରିକାରେ ଝଡ଼ ହେବା ଯୋଗୁ କଞ୍ଚାତେଲ ଦର ବଢ଼ିଛି ଓ ଏହାଦ୍ୱାରା
ଭାରତରେ ତେଲ ଦର ବଢ଼ୁଛି ବୋଲି କେନ୍ଦ୍ରମନ୍ତ୍ରୀଙ୍କ ବିବୃତି ନିଶ୍ଚିତ ହାସ୍ୟାସ୍ପଦ ଏବଂ ଏହାକୁ ଭାରତବାସୀ କୌଣସିମତେ ଗ୍ରହଣ
କରୁନାହାନ୍ତି । ମହାରାଷ୍ଟ୍ରରେ ବିଜେପି ସରକାର ଥାଇ ତେଲ ଉପରେ ଭାଟ୍‍ ୩୨.୦୭% ନେଉଥିବାବେଳେ ୟୁପିରେ ୩୩%,
ଉତ୍ତରାଖଣ୍ଡରେ ୩୫.୯୮%, ରାଜସ୍ଥାନରେ ୩୨.୭୧%, ଝାଡ଼ଖଣ୍ଡରେ ୩୪.୭୪% ଭାଟ୍‍ ଆଦାୟ କରାଯାଉଛି । ସେହି ତୁଳନାରେ
ଓଡ଼ିଶା ସରକାର ତୈଳ ଉପରେ କମ୍‍ ଭାଟ୍‍ ନେଉଛି । ଏଭଳି ସ୍ଥିତିରେ କେନ୍ଦ୍ର ଓଡ଼ିଶାକୁ ତୈଳ ଉପରେ ଭାଟ୍‍ କମାଇବା ପାଇଁ
ଉପଦେଶ ଦେଉଛି, ଏହା ନିଶ୍ଚିତ ଦୁର୍ଭାଗ୍ୟଜନକ । ଅଶୋଧିତ ତୈଳ ଦଳ ଆନ୍ତର୍ଜାତିକ ବଜାରରେ ବଢ଼ିବା-କମିବା ଲାଗିବ ରହିବ ।
କିନ୍ତୁ ଆମ ଦେଶରେ ଉପôାଦ ଶୁଳ୍କ କାହିଁକି ବଢ଼ିବ, ତାହା ବୁଝାପଡୁନାହିଁ । କେନ୍ଦ୍ରରେ ଏନ୍‍ଡିଏ ସରକାର ଆସିବା ପରେ ଅର୍ଥାତ୍‍
୨୦୧୪ରୁ ଜାନୁଆରୀ ୨୦୧୬ରେ ପେଟ୍ରୋଲ ଉପରେ ୧୦୮% ଉପôାଦ ଶୁଳ୍କ ବଢ଼ିଛି, ଡିଜେଲ୍‍ ଉପରେ ୨୮୮.୦୯% ଉପôାଦ
ଶୁଳ୍କ ବଢ଼ିଛି । ଏହା କେଉଁ ପ୍ରକାର ଆଚ୍ଛେଦିନ, ତାହା ଜନସାଧାରଣ ବିଚାର କରିବେ ବୋଲି ବିଜୁ ଜନତା ଦଳ ଉପ-ସଭାପତି ତଥା
ମୁଖପାତ୍ର ପ୍ରସନ୍ନ ଆଚାର୍ଯ୍ୟ କହିଥିଲେ ।
ରାଜ୍ୟ ରାଜଧାନୀ ଭୁବନେଶ୍ୱର ଠାରୁ ଆରମ୍ଭ କରି ସମସ୍ତ ଜିଲ୍ଳା/ସବ୍‍ଡିଭିଜନ୍‍/ବ୍ଲକ ସଦର ମହକୁମାରେ ସକାଳ ୭ଟା ଦିନ
୧୨ଟା ପର୍ଯ୍ୟନ୍ତ ଶାନ୍ତିପୂର୍ଣ୍ଣ ଭାବେ ‘ହକ୍‍ ପାଇଁ ହରତାଲ୍‍’ କରାଯିବ । ବିଭିନ୍ନ କେନ୍ଦ୍ର ସରକାରଙ୍କ କାର୍ଯ୍ୟାଳୟ ସମ୍ମୁଖରେ ମଧ୍ୟ
ହରତାଳ କରାଯିବ । ଏଥିରେ ସମସ୍ତ ଅତ୍ୟାବଶ୍ୟକ ସେବା ଏଥିରୁ ବାଦ୍‍ ଦିଆଯାଇଛି । ଏହା ଗୋଟିଏ ଦିନ ପାଇଁ ନୁହେଁ, ବରଂ ଯେ
ପର୍ଯ୍ୟନ୍ତ କେନ୍ଦ୍ର ସରକାର ତୈଳ ଦର ବୃଦ୍ଧି ପ୍ରତ୍ୟାହାର ନହେବା ପର୍ଯ୍ୟନ୍ତ ପର୍ଯ୍ୟାୟକ୍ରମେ ଏହା ଚାଲୁ ରହିବ । କାରଣ ବିଜେପି ଯେଉଁ
ପ୍ରତ୍ୟେକ ଘରୁ ଲୁଟ୍‍ କରିବା ଆରମ୍ଭ କରିଛି ତାକୁ ଯଥାସାଧ୍ୟ ମୁକାବିଲା କରିବା ପାଇଁ ଓଡ଼ିଶାର ଯୁବ, ଛାତ୍ର, ବୁଦ୍ଧିଜୀବୀ, ଶ୍ରମିକ,
ବିଭିନ୍ନ ବ୍ୟବସାୟ ଅନୁÂାନ ଓ ଜନସାଧାରଣ ଏହାକୁ ସମର୍ଥନ କରିବାକୁ ସାଧାରଣ ସଂପାଦକ ସଂଜୟ କୁମାର ଦାସବର୍ମା
ନିବେଦନ କରିଛନ୍ତି ।

Share in top social networks!

ପୂର୍ବରୁ ଘୋଷଣା କରିଥିବା ସତ୍ୱେ ବିଜେପି କୃଷକ ମୋର୍ଚାକୁ ରାଜଭବନ ସାମନାରେ ଆନେ୍ଦାଳନ ପାଇଁ ପୋଲିସ ଅନୁମତି ନ ଦେବା ଦୁର୍ଭାଗ୍ୟଜନକ : କୃଷକ ମୋର୍ଚ୍ଚା

 ଚାଷୀ ମାନଙ୍କର ସମସ୍ୟାକୁ ଉଠାଇ ନ ଦେବା ପାଇଁ ୧୮ରେ ତରବରିଆ ଭାବେ ବିଜେଡିର ଆନେ୍ଦାଳନ
 ସାରା ରାଜ୍ୟରୁ ଚାଷୀ ମାନେ ଆସୁଥିବାରୁ ସେମାନଙ୍କୁ ରୋକିବାକୁ ବିଜେଡିର ହଠାତ ଆନେ୍ଦାଳନ
ଭୁବନେଶ୍ୱର: “ଋଣ ମୁକ୍ତ ଛାଷୀ ଓ ସୁଧମୁକ୍ତ ଋଣ” ଦାବିରେ ବିଜେପି କୃଷକ ମୋର୍ଚା ପକ୍ଷରୁ ରାଜ୍ୟ ବ୍ୟାପୀ ଦସ୍ତଖତ ଅଭିଯାନରୁ ସଂଗ୍ରହ ହୋଇଥିବା ଦସ୍ତଖତକୁ ପ୍ରଦାନ କରିବାକୁ ରାଜ୍ୟପାଳ ସମୟ ପ୍ରଦାନ କରିଥିବା ବେଳେ କମିଶନରେଟ ପୋଲିସ ରାଜଭବନ ସମ୍ମୁଖରେ ଅନୁମତି ନ ଦେବାକୁ ତୀବ୍ର ସମାଲୋଚନା କରିଛି ବିଜେପି କୃଷକ ମୋର୍ଚା । ୧୮ତାରିଖ ଦିନ ବିଜେପି କୃଷକ ମୋର୍ଚା ରାଜଭବନ ସମ୍ମୁଖରେ ଆନେ୍ଦାଳନ କରିବ ବୋଲି ପୂର୍ବରୁ ଘୋଷଣା କରିଥିବା ବେଳେ ଚାଷୀଙ୍କ ସମସ୍ୟାକୁ ଉଠାଇ ନ ଦେବା ପାଇଁ ବିଜେଡି ହଠାତ ଭାବେ ଆନେ୍ଦାଳନ ଘୋଷଣା କରିବା ଓ ପୋଲିସ ମଧ୍ୟ ତାଙ୍କୁ ଅନୁମତି ପ୍ରଦାନ କରିବା ଦୁର୍ଭାଗ୍ୟଜନକ ବୋଲି ବିଜେପି କୃଷକ ମୋର୍ଚାର ରାଜ୍ୟ ସଭାପତି ଶିବାଜୀ ମହାନ୍ତି କହିଛନ୍ତି ।
ଶ୍ରୀ ମହାନ୍ତି କହିଛନ୍ତି ଯେ ରାଜ୍ୟର ଚାଷୀ ମାନଙ୍କ ସ୍ଥିତି ଖରାପ ଥିବା ବେଳେ ଚାଷୀଙ୍କ ଋଣ ଛାଡ ଓ ବିନା ସୁଧରେ ଋଣ ପ୍ରଦାନ ଦାବିରେ କୃଷକ ମୋର୍ଚା ପକ୍ଷରୁ ରାଜ୍ୟବ୍ୟାପୀ ଦସ୍ତଖତ ଅଭିଯାନ ଚାଲିଥିଲା । ଏହି ଅଭିଯାନକୁ ସାରା ରାଜ୍ୟର ଚାଷୀ ମାନଙ୍କ ପ୍ରବଳ ସମର୍ଥନ ମିଳିଥିଲା । ୧୮ ତାରିଖ ଦିନ ରାଜଭବନ ସାମନାରେ ଧାରଣା ଦେବା ସହିତ ରାଜ୍ୟପାଳଙ୍କୁ ସଂଗ୍ରହ କରା ଯାଇଥିବା ଦସ୍ତଖତକୁ ରାଜ୍ୟପାଳଙ୍କୁ ପ୍ରଦାନ କରାଯିବ ବୋଲି ପୂର୍ବରୁ ଘୋଷଣା କରା ଯାଇଥିଲା ।
ତେବେ ଚାଷୀ ମାନଙ୍କର ସମସ୍ୟାକୁ ଉଠାଇ ନ ଦେବା ପାଇଁ ହଠାତ ବିଜେଡି ପେଟ୍ରୋଲ ପ୍ରସଙ୍ଗରେ ୧୮ ତାରିଖ ଦିନ ହଡତାଳ କରିବାକୁ ନିଷ୍ପତି ନେଇଛି । ବିଜେପି କୃଷକ ମୋର୍ଚାର ପୂର୍ବ ଘୋଷଣା ସତ୍ୱେ ରାଜଭବନ ନିକଟରେ ଆନେ୍ଦାଳନକୁ ଆନେ୍ଦାଳନ ପାଇଁ ଅନୁମତି ନ ଦେଇ ବିଜେଡିର ଆନେ୍ଦାଳନକୁ ଅନୁମତି ଦେବା ପୋଲିସ ପ୍ରଶାସନ ରାଜ୍ୟ ସରକାରଙ୍କର ଏଜେଂଟ ସାଜି କାମ କରୁଛି ବୋଲି ଶ୍ରୀ ମହାନ୍ତି ଅଭିଯୋଗ କରିଛନ୍ତି ।
ଆସନ୍ତା କାଲି ସାରା ରାଜ୍ୟରୁ ଚାଷୀ ମାନେ ଏହି କାର୍ଯ୍ୟକ୍ରମରେ ସାମିଲ ହେବାକୁ ଆସୁଛନ୍ତି । ତେଣୁ ସେମାନଙ୍କୁ ରାଜଧାନୀକୁ ଆସିବାକୁ ନ ଦିଆ ଯିବା ପାଇଁ ବିଜେଡି ଏହି ଆନେ୍ଦାଳନ ତରବରିଆ ଭାବେ ଡାକିଛି । ଯଦି ଆସନ୍ତା କାଲି କୌଣସି ପ୍ରକାର ଆଇନ ଶୃଙ୍ଖଳା ପରିସ୍ଥିତି ଉପôନ୍ନ ହୁଏ ତେବେ ଏଥି ପାଇଁ ବିଜେଡି ଦାୟୀ ରହିବ ବୋଲି ଶ୍ରୀ ମହାନ୍ତି ଚେତାଇ ଦେଇଛନ୍ତି ।

Share in top social networks!

୩ ଦିନିଆ ଓଡିଶା ଗସ୍ତରେ ଆସନ୍ତା କାଲି ଆସୁଛନ୍ତି ବିଜେପି ରାଷ୍ଟ୍ରୀୟ ସାଧାରଣ ସଂପାଦକ ତଥା ରାଜ୍ୟ ପ୍ରଭାରୀ ଶ୍ରୀ ଅରୁଣ ସିଂହ

ରାଜ୍ୟରେ ପାର୍ଟିର ସାଂଗଠନିଳ କାର୍ଯ୍ୟକଳାପର ସମୀକ୍ଷା କରିବା ପାଇଁ ବିଜେପି ରାଷ୍ଟ୍ରୀୟ ସାଧାରଣ ସଂପାଦକ ତଥା ରାଜ୍ୟ ପ୍ରଭାରୀ ଶ୍ରୀ ଅରୁଣ ସିଂହ ଆସନ୍ତା କାଲି ଓଡିଶା ଆସୁଛନ୍ତି । ଶ୍ରୀ ସିଂହ ଆସନ୍ତା କାଲି ସଂଧ୍ୟାରେ ଭୂବନେଶ୍ୱର ପହଂଚିବା ପରେ ସିଧାସଳଖ କେନ୍ଦୁଝର ଗସ୍ତ କରି ସେଠାରେ ରାତ୍ରଯାପନ କରିବେ । ଆସନ୍ତା ୧୬ ଓ ୧୭ ତାରିଖ ଦୁଇ ଦିନ ଧରି ଶ୍ରୀ ସିଂହ କେନ୍ଦୁଝରଠାରେ ଅନୁÂିତ ହେବାକୁ ଥିବା ପାର୍ଟିର ବିଭିନ୍ନ ବୈଠକରେ ଯୋଗ ଦେଇ ପାର୍ଟିର ସ୍ଥିତି ଏବଂ କାର୍ଯ୍ୟକଳାପର ସମୀକ୍ଷା କରିବା ସହ ପ୍ରମୁଖ ନେତୃବୃନ୍ଦ ଏବଂ କାର୍ଯ୍ୟକର୍ତାଙ୍କ ସହ ବିସ୍ତୃତ ଆଲୋଚନା କରିବେ ।
ଶ୍ରୀ ସିଂହ ୧୭ ତାରିଖ ସଂଧ୍ୟାରେ ଭୁବନେଶ୍ୱର ଫେରି ଆସି ଦିଲ୍ଲୀ ପ୍ରତ୍ୟାବର୍ତନ କରିବାର କାର୍ଯ୍ୟକ୍ରମ ଅଛି ବୋଲି ରାଜ୍ୟ ମୁଖପାତ୍ର ଶ୍ରୀ ସଜ୍ଜନ ଶର୍ମା ସୁଚନା ଦେଇଛନ୍ତି ।

Share in top social networks!