ଭୂଷଣ ଷ୍ଟିଲ୍ ପ୍ଲାଣ୍ଟର ସୁରକ୍ଷା ବ୍ୟବସ୍ଥାର ତଦନ୍ତ ହେବ

STEELବାରମ୍ବାର ଦୁର୍ଘଟଣା ଘଟୁଥିବା ଭୂଷଣ ଷ୍ଟିଲ୍ ପ୍ଲାଣ୍ଟର ସୁରକ୍ଷା ବ୍ୟବସ୍ଥା ଏକ ପ୍ରତିଷ୍ଠିତ ସ୍ଵାଧୀନ ଓ ନିରପେକ୍ଷ ସଂସ୍ଥା ଦ୍ଵାରା ତଦନ୍ତ କରାଯିବ | ଏହି ପ୍ଲାଣ୍ଟରେ ବହୁ ବାର ଦୁର୍ଘଟଣା ଘଟି ଶତାଧିକ ଶ୍ରମିକଙ୍କ ମୃତ୍ୟୁ ପରେ ରାଜ୍ୟ ସରକାରଙ୍କ ପକ୍ଷରୁ ଏହି ନିଷ୍ପତ୍ତି ଗ୍ରହଣ କରାଯାଇଛି | ଏହି ତଦନ୍ତ ରିପୋର୍ଟ ଆସନ୍ତା ବିଧାନସଭାର ବଜେଟ୍ ଅଧିବେଶନ ଶେଷ ହେବା ପୂର୍ବରୁ ପ୍ରସ୍ତୁତ ହେବ | କାରଖାନାରେ କାର୍ଯ୍ୟ କରୁଥିବା ସମସ୍ତ ଶ୍ରମିକ ପଞ୍ଜୀକୃତ ହେବେ |

ଭୂଷଣ ଷ୍ଟିଲ୍ ର ବରିଷ୍ଠ କର୍ମକର୍ତ୍ତା ଆଜି ସଚିବାଳୟରେ ଶ୍ରମ ମନ୍ତ୍ରୀ ବିଜୟଶ୍ରୀ ରାଉତତାୟଙ୍କୁ ଭେଟି କମ୍ପାନୀ କତ୍ତୃପକ୍ଷ ଶ୍ରମିକମାନଙ୍କ ସୁରକ୍ଷା ପାଇଁ ନେଇଥିବା ବିଭିନ୍ନ ପଦକ୍ଷେପ ସମ୍ପର୍କରେ ତଥ୍ୟ ଉପସ୍ଥାପନ କରିଥିବା ଅବସରରେ ମନ୍ତ୍ରୀ ଶ୍ରୀ ରାଉତରାୟ ଏହି ସୂଚନା ଦେଇଛନ୍ତି | ତେବେ କମ୍ପାନୀ ଦେଇଥିବା ସୁରକ୍ଷା ବ୍ୟବସ୍ଥା ସୂଚନା ମନ୍ତ୍ରୀ ଶ୍ରୀ ରାଉତରାୟଙ୍କୁ ସନ୍ତୁଷ୍ଟ କରି ପାରି ନହିଁ | ଏହି ଅବସରରେ ମନ୍ତ୍ରୀ ଶ୍ରୀ ରାଉତରାୟ ସୂଚନା ଦେଇ କହିଛନ୍ତି, ଏକ ଖ୍ୟାତି ସମ୍ପନ୍ନ ଜାତୀୟ କିମ୍ବା ଆନ୍ତର୍ଜ୍ୟାତୀୟ ସଂସ୍ଥା ଦ୍ଵାରା ସୁରକ୍ଷା ବ୍ୟବସ୍ଥାର ଅନୁଧ୍ୟାନ କରାଯିବ | ସୁରକ୍ଷା ବ୍ୟବସ୍ଥା ଗ୍ରହଣ କରିବାରେ କମ୍ପାନୀର କାର୍ଯ୍ୟ ସନ୍ତୋଷଜଣକ ହୋଇ ନଥିବା ପ୍ରମାଣ ମିଳିଲେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ |

ବିଶେଷକରି ମେକନ, ଏମ୍ଏନ୍ ଦସ୍ତୁର କିମ୍ବା ଆଇଆଇଟି ଖଡକପୁର ଭଳି ପ୍ରସିଦ୍ଧ ଅନୁଷ୍ଠାନ ଓ ସଂସ୍ଥା ଦ୍ଵାରା ସୁରକ୍ଷା ବ୍ୟବସ୍ଥା ଯାଞ୍ଚ କରାଯିବ | ସେ ଅଭିଯୋଗ କରି କହିଛନ୍ତି, ଶ୍ରମିକ ସୁରକ୍ଷା ପାଇଁ କମ୍ପାନୀ ଉପଯୁକ୍ତ ପଦକ୍ଷେପ ଗ୍ରହଣ କରୁ ନାହିଁ | କମ୍ପାନୀ ଏ କ୍ଷେତ୍ରରେ ଅବହେଳା କରୁଥିବା ଦୃଷ୍ଟିକୁ ଆସିଛି | ରାଜ୍ୟରେ ଥିବା କାରଖାନାମାନଙ୍କରେ ଦୁର୍ଘଟଣା ଘଟୁଥିଲେ ମଧ୍ୟ ଏ କ୍ଷେତ୍ରରେ ଭୂଷଣ ସମସ୍ତଙ୍କୁ ଟପି ଯାଇଛି | ଏ ଭଳି ଦୁର୍ଘଟଣା ଆଉ ଭବିଷ୍ୟତରେ ଘଟିବ ନାହିଁ ବୋଲି ଆଲୋଚନା ବେଳେ କମ୍ପାନୀର ବରିଷ୍ଠ ପଦାଧିକାରୀ ପ୍ରତିଶ୍ରୁତି ଦେଇଥିବା ମନ୍ତ୍ରୀ ଶ୍ରୀ ରାଉତରାୟ କହିଛନ୍ତି | ତେବେ ସୁରକ୍ଷା ଖିଲାପର କୌଣସି ତଥ୍ୟ ମିଳିଲେ ଏହାକୁ ତୁରନ୍ତ ସୁଧାରିବା ପାଇଁ କମ୍ପାନୀକୁ ନିର୍ଦେଶ ଦିଆଯିବ ବୋଲି ସେ କହିଛନ୍ତି |

ଢେଙ୍କାନାଳ ଜିଲ୍ଲାସ୍ଥିତ ମେରାମୁଣ୍ଡଳୀ ଠାରେ ଥିବା ଏହି କାରଖାନାରେ ବାରମ୍ବାର ଦୁର୍ଘଟଣା ଘଟି ଶତାଧିକ ଶ୍ରମିକଙ୍କ ମୃତ୍ୟୁ ହୋଇଥିବା ବେଳେ ଏହା ଠାରୁ ଅଧିକ ଆହତ ହୋଇଛନ୍ତି | ମୃତାହାତଙ୍କ ମଧ୍ୟରେ ଅଧିକାଂଶ ଠିକା ଶ୍ରମିକ ଅଛନ୍ତି | ନିକଟରେ ଘଟିଥିବା ଏକ ଦୁର୍ଘଟଣାର ତଦନ୍ତ ରିପୋର୍ଟ ତୁରନ୍ତ ପ୍ରଦାନ କରିବା ପାଇଁ ଇସ୍ପାତ ଓ ଖଣି ମନ୍ତ୍ରୀ ରାଜନୀକାନ୍ତ ସିଂହ ଢେଙ୍କାନାଳ ଜିଲ୍ଲାପାଳଙ୍କୁ ନିର୍ଦେଶଦେଇଛନ୍ତି |

Share in top social networks!

ଭୂଷଣ ଶ୍ରମିକ କଲୋନୀରେ ଅଗ୍ନିକାଣ୍ଡ ଘଟଣା ଅନୁଧ୍ୟାନ କାଲେ ପିଏସି

bhushanfactory_475630gଢେଙ୍କାନାଳରେ ରହିଥିବା ଭୂଷଣ ଷ୍ଟିଲପ୍ଲାଣ୍ଟର ଶ୍ରମିକ କଲୋନୀରେ ଅଗ୍ନିକାଣ୍ଡ ଘଟି ୪ଜଣ ଶ୍ରମିକ ମୃତ୍ୟୁବରଣ କରିବା ଘଟଣା ପରେ ଆଜି ବିଧାନସଭାର ପିଏସି କମିଟି ଘଟଣାର ଅନୁଧ୍ୟାନ ଆରମ୍ଭ କରିଛନ୍ତି | ବିରୋଧୀ ଦଳର ନେତା ତଥା କମିଟିର ଅଧକ୍ଷ ଭୂପିନ୍ଦର ସିଂଙ୍କ ଅଧ୍ୟକ୍ଷତାରେ ଏହି ଟିମ ଆଜି ଢେଙ୍କାନାଳ ଗ୍ରସ୍ତ କରିବା ସହିତ ଏଥିନେଇ ଜିଲ୍ଲାପ୍ରଶାସନ ସହିତ ଆଲୋଚନା କରିଛନ୍ତି | କମିଟିର ସଦସ୍ୟ ମାନେ ଘଟଣାକୁ ପ୍ରଶାସନ ସହିତ ଆଲୋଚନା କରିବା ସହିତ ଏହି ଘଟଣା ଉପରେ ତୀବ୍ର ପତିକ୍ରିୟା ପ୍ରକାଶ କରିଛନ୍ତି |

ଏ ସମ୍ପର୍କରେ ସୂଚନାଦେଇ ବିରୋଧୀ ଦଳର ନେତା ଶ୍ରୀ ସିଂ କହିଛନ୍ତି ଯେ ଆଇନ ଅନୁସାରେ କାର୍ଯାନୁଷ୍ଠାନ ନେବାପାଇଁ ଜିଲ୍ଲାପ୍ରଶାସନ କୁ କୁହାଯାଇଛି |ଯେପରି କମ୍ପାନୀ ମାନଙ୍କରେ କାର୍ଯ୍ୟ କରୁଥିବା ଶ୍ରମିକ ମାନଙ୍କର ସୁରକ୍ଷା ପ୍ରତି ଦୃଷ୍ଟି ଦିଆଯିବ ତାହା ଉପରେ ଦୃଷ୍ଟି ଦେବାକୁ ଜିଲ୍ଲାପାଳଙ୍କୁ କୁହାଯାଇଛି |

Share in top social networks!