ବିଶ୍ଵ ପ୍ରସିଦ୍ଧ ଧନୁଯାତ୍ରା ମହୋତ୍ସବ ଉଦ୍ଯାପିତ

baragarhh୧୧ ଦିନ ବ୍ୟାପୀ ଅନୁଷ୍ଠିତ ବିଶ୍ଵ ପ୍ରସିଦ୍ଧ ଧନୁଯାତ୍ରା ମହୋତ୍ସବ ଉଦ୍ଯାପିତ ହୋଇଛି | ଆଜିର ଦୃଶ୍ୟାଭିନୟରେ କୃଷ୍ଣ-ବଳରାମ ମଥୁରା ଭ୍ରମଣ ପରେ ହାଟପଦାସ୍ଥିତ କଂସ ଦରବାର ଅଭିମୁଖେ ଯାଇଥିଲେ | ମାତ୍ର ମତ୍ତମସ୍ତ କୁବଳୟା ହସ୍ତୀ ସହିତ ଯୁଦ୍ଧ କରି କୃଷ୍ଣ-ବଳରାମ ତାକୁ ବଦ୍ଧ କରିଥିଲେ |

ପରେ ଅଷ୍ଟମଲ୍ଲ ବୀରମାନଙ୍କ ସହିତ ଘମାଘଟ ଯୁଦ୍ଧ ହୋଇଥିଲା ଏବଂ କୃଷ୍ଣ-ବଳରାମଙ୍କ ଦ୍ଵାରା ସେମାନେ ମଧ୍ୟ ନିହତ ହୋଇଥିଲେ | ଗୋଟିଏ ପରେ ଗୋଟିଏ ମୃତ୍ୟୁ ଖବର ପାଇ ବ୍ୟସ୍ତବିବ୍ରତ ହୋଇପଡିଥିଲେ ମହାରାଜ କଂସ | କୃଷ୍ଣ-ବଳରାମ ମହାରାଜଙ୍କ ସମ୍ମୁଖରେ ଶିବଧନୁକୁ ଭଙ୍ଗ ପକାଇଥିଲେ | ଏହାପରେ କୃଷ୍ଣ-ବଳରାମଉଠି ଆସିଥିଲେ ରାଜଦବାର ଉପରକୁ | ସେମାନଙ୍କୁ ଦେଖି ମହାରାଜ କଂସଙ୍କର ଶକ୍ତି କ୍ରମଶଃ କ୍ଷୟ ହେବାକୁ ଲାଗିଲା | ସେ ନିଜକୁ ଅସହାୟ ମନେ କରିଥିଲେ | ସତେ କ’ଣ ଦୈବବାଣୀ ସତ ହେବ ? ଦେବକୀର ଅଷ୍ଟମ ଗର୍ଭର ସନ୍ତାନ ହାତରେ କ’ଣ ମୋର ବିନାଶ ଘଟିବ ? ଏପରି ବିଚଳିତ ହୋଇଉଠୁଥିଲେ ମହାରାଜ | ତଥାପି ନିଜକୁ ସମ୍ଭାଳି ଯୁଦ୍ଧ ଘୋଷଣା କରିଥିଲେ | ମାମୁଁ-ଭଣଜାଙ୍କ ସମରରେ ମାମୁଁ କଂସ ଧରାଶାୟୀ ହୋଇଥିଲେ |

ଏହାପରେ କୃଷ୍ଣ-ବଳରାମ ଉଗ୍ରସେନଙ୍କୁ ପାଛୋଟି ନେଇ ପୁଣିଥରେ ମଥୁରା ସିଂହାସନରେ ବସାଇଥିଲେ | କଂସ ସହ କୃଷ୍ଣ-ବଳରାମଙ୍କ ଯୁଦ୍ଧ ସମୟରେ ଉପସ୍ଥିତ ହଜାର ହଜାର ମଥୁରାବାସୀ ‘କଂସ ରାଜାର ବଂଶ ବୁଡୁ, କଂସ ମଲେ ଖାଏମା ଲଡୁ’ ବୋଲି କହୁଥିଲେ |

ଧନୁଯାତ୍ରା ମହୋତ୍ସବ ଉଦ୍ଯାପିତ ହେବ ପରେ କଂସ ଭୂମିକାରେ ଅଭିନୟ କରିଥିବା ହୃଷୀକେଶ ଭୋଇ ପୁରୀ ଶ୍ରୀକ୍ଷେତ୍ର ଆଭିମୁଖେ ଯାତ୍ରା କରିଛନ୍ତି | ପରମ୍ପରା ଅନୁସାରେ ଏଗାର ଦିନ ଧରି କଂସ ଭୂମିକାରେ ଅଭିନୟ କରି ରାମକୃଷ୍ଣ ବେନିଭାଇଙ୍କ ବିରୋଧରେ ଯେଉଁ କଟୁମନ୍ତବ୍ୟ ଦେଇଛି ତାର ପଶ୍ଚାତାପ କରିବା ପାଇଁ ସେ ଶ୍ରୀକ୍ଷେତ୍ର ପୁରୀରେ ସମୁଦ୍ରରେ ବୁଡ ପକାଇବେ ଏବଂ ଜଗନ୍ନାଥଙ୍କ ଦର୍ଶନ କରିବେ ବୋଲି ସେ କହିଥିଲେ |

Share in top social networks!

ବରଗଡରେ ଆରମ୍ଭ ହେଲା ବିଶ୍ଵପ୍ରସିଦ୍ଧ ଧନୁଯାତ୍ରା

dhanu yatraବରଗଡର ବିଶ୍ଵପ୍ରସିଦ୍ଧ ଧନୁଯାତ୍ରା ଆଜିଠାରୁ ଆରମ୍ଭ ହୋଇଯାଇଛି | ଏଥିନେଇ ଉତ୍ସବମୁଖର ହୋଇପଡିଛି ବରଗଡ ସହର | ୧୧ ଦିନ ଧରି ଚାଲିବାକୁ ଥିବା ଏହି ଯାତ୍ରାପାଇଁ ଏବେ ସମ୍ପୂର୍ଣ୍ଣଭାବେ ଚଳଚଞ୍ଚଳ ହୋଇପଡିଛି ସହର | ପ୍ରବଳ ପ୍ରତାପୀ କଂସ ମହାରାଜଙ୍କ ରାଜୁତି ଏବେ ଆରମ୍ଭ ହୋଇଯାଇଛି | ସୁସଜ୍ଜିତ ଆଲୋକମାଳା ଏବଂ ତୋରଣରେ ଏବେ ଝଲକୁଛି ବରଗଡ ସହର |

ସେପଟେ ଧନୁଯାତ୍ରା ଯେପରି ଭାବେ ସୁରଖୁର ସହକାରେ ଶେଷ ହୁଏ ସେଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ସମସ୍ତ ପ୍ରକାର ପଦକ୍ଷେପ ଗ୍ରହଣ କରାଯାଇଛି | ସହରରେ ପୋଲିସ ଫୋର୍ସ ମୁତୟନ କରାଯିବା ସହିତ ପାଟ୍ରୋଲିଂ କୁ ଜୋରଦାର କରାଯାଇଛି |

Share in top social networks!