ନବରଙ୍ଗପୁର ଜିଲ୍ଲାରେ ଝାଡ଼ାବାନ୍ତି, 271 ଆକ୍ରାନ୍ତ-6 ମୃତ

ନବରଙ୍ଗପୁର ଜିଲ୍ଲାର ବିଭିନ୍ନ ସ୍ଥାନରେ ଗତ ଜୁଲାଇ 27 ତାରିଖରୁ ଆଜି ପର୍ଯ୍ୟନ୍ତ ମୋଟ 271 ଜଣ ଝାଡ଼ାବାନ୍ତିରେ ଆକ୍ରାନ୍ତ ହୋଇଛନ୍ତି। ସେମାନଙ୍କ ମଧ୍ୟରୁ 6 ଜଣଙ୍କର ମୃତ୍ୟୁ ହୋଇଛି। ଅଗଷ୍ଟ ମାସରେ 4 ଜଣଙ୍କର ମୃତ୍ୟୁ ହୋଇଥିବା ବେଳେ ଚଳିତ ମାସରେ 2 ଜଣଙ୍କର ମୃତ୍ୟୁ ହୋଇଛି। ସେଥିରୁ ଚନ୍ଦାହାଣ୍ଡି ବ୍ଲକରେ 2 ଜଣ, ଝରିଗାଁ ବ୍ଲକରେ 3 ଜଣ ଏବଂ ଉମରକୋଟ ବ୍ଲକରେ ଜଣଙ୍କର ମୃତ୍ୟୁ ହୋଇଛି। ଏହି ଜିଲ୍ଲାରେ ଉମରକୋଟ, ଚନ୍ଦାହାଣ୍ଡି, କୋଶମଗୁଡ଼ା ଏବଂ ଝରିଗାଁ ବ୍ଲକର 71ଟି ଗାଁରେ ଲୋକମାନେ ପ୍ରଭାବିତ ହେଉଥିବା ବେଳେ ଅନ୍ୟାନ୍ୟ ଅଞ୍ଚଳରେ ମଧ୍ୟ କାଁ ଭାଁ ଲୋକମାନେ ଆକ୍ରାନ୍ତ ହେଉଛନ୍ତି। ପରିସ୍ଥିତିକୁ ଦୃଷ୍ଟିରେ ରଖି ସ୍ୱାସ୍ଥ୍ୟମନ୍ତ୍ରୀଙ୍କ ନିର୍ଦ୍ଦେଶ କ୍ରମେ ଜନସ୍ୱାସ୍ଥ୍ୟ ନିର୍ଦ୍ଦେଶକ ଏକ ଡାକ୍ତରୀଦଳ ସହିତ ସମ୍ପୃକ୍ତ ଅଞ୍ଚଳ ଗସ୍ତ କରୁଛନ୍ତି ଏବଂ ଏମ୍.କେ.ସି.ଜି. ମେଡିକାଲ କଲେଜ ଓ ହସପିଟାଲରୁ ଡାକ୍ତରୀଦଳ ବିଭିନ୍ନ ପ୍ରଭାବିତ ଅଞ୍ଚଳରେ ମୁତୟନ ହୋଇଛନ୍ତି। ଆକ୍ରାନ୍ତଙ୍କୁ ତୁରନ୍ତ ଆବଶ୍ୟକୀୟ ଚିକିତ୍ସା ସେବା ଯୋଗାଇ ଦେବା ପାଇଁ ସମସ୍ତ ପ୍ରକାର ପଦକ୍ଷେପ ଗ୍ରହଣ କରାଯାଇଛି। ଜିଲ୍ଲାରେ ଖାଲିଥିବା ଡାକ୍ତର ପଦବୀ ପୂରଣ ପାଇଁ ପଦକ୍ଷେପ ଗ୍ରହଣ କରାଯାଇଛି।

ତେବେ କେତେକ ଆକ୍ରାନ୍ତଙ୍କ ମଳ ନମୂନାରେ ଭିବ୍ରୋ କଲେରା ଜୀବାଣୁ ଥିବା ପରୀକ୍ଷାରୁ  ଜଣାପଡ଼ିବା ପରେ ପ୍ରତିଶେଧକ ଓ ତଦାରଖ ବ୍ୟବସ୍ଥାକୁ ଅଧିକ ତ୍ବରାନ୍ୱିତ କରାଯାଇଛି। ତେବେ ଚଳିତ ବର୍ଷ ଜାନୁୟାରୀ ମାସରୁ ଏପର୍ଯ୍ୟନ୍ତ ଝରିଗାଁ, କୋସମଗୁଡ଼ା ଏବଂ ଚନ୍ଦାହାଣ୍ଡି ବ୍ଲକରେ ମୋଟ 61 ଜଣଙ୍କର ମୃତ୍ୟୁ ହୋଇଛି। ସେମାନଙ୍କ ମୃତ୍ୟୁ ଡାଏରିଆ ବା କଲେରା ଯୋଗୁ ହୋଇଥିବା ଯାହା ଅଭିଯୋଗ କରାଯାଉଛି ତାହା ଆଦୌ ସତ ନୁହେଁ ବୋଲି ସ୍ବାସ୍ଥ୍ୟ ବିଭାଗ ପକ୍ଷରୁ ସଫେଇ ଦିଆଯାଇଛି। କାରଣ ସେମାନଙ୍କର ବାର୍ଦ୍ଧକ୍ୟ ଜନିତ, ରେନାଲ ଫେଲିୟୋର, ହୃଦଘାତ, ରକ୍ତବାନ୍ତି ଆଦି କାରଣରୁ ମୃତ୍ୟୁ ହୋଇଛି।

 

 

Share in top social networks!

ବାହୁଡ଼ାରେ କମିଲା ଭକ୍ତଙ୍କ ଭିଡ଼

ଲସ୍କର-ଏ-ତୋଏବାର ଟାର୍ଗେଟରେ ଓଡ଼ିଶା। ତେଣୁ ଓଡ଼ିଶା ଉପରେ ଆତଙ୍କବାଦୀ ହାମଲା ହୋଇପାରେ। ଏହି ଖବର ଗଣମାଧ୍ୟମ ଜରିଆରେ ପ୍ରଚାର ହେବା ପରେ ଏହାର ପ୍ରଭାବ ବାହୁଡା ଯାତ୍ରାକୁ ଆସିବାକୁ ଥିବା ଭକ୍ତଙ୍କ ଉପରେ ପଡ଼ିଛି। ଦୂରଦୂରାନ୍ତରୁ ଆସିବାକୁ ଥିବା ଭକ୍ତମାନଙ୍କ ସଂଖ୍ୟା କମିଛି। ରଥଯାତ୍ରା ଦିନ ୧୦ ଲକ୍ଷରୁ ଅଧିକ ଲୋକଙ୍କ ସମାଗମ ହୋଇଥିଲା। ତେବେ ବାହୁଡ଼ା ଯାତ୍ରା ଦିନ ମଧ୍ୟ ପାଖାପାଖି ୭ରୁ ୮ ଲକ୍ଷ ଲୋକଙ୍କ ସମାଗମ ହେବ ବୋଲି ଆଶା କରାଯାଉଥିଲା। କିନ୍ତୁ ବିଶେଷ କରି ପୁରୀ ଏବଂ ଚାନ୍ଦିପୁର କ୍ଷେପଣାସ୍ତ୍ର ଘାଟି ଲସ୍କର ଟାର୍ଗେଟରେ ରହିଥିବା ଆଶଙ୍କା କରାଯାଉଛି, ଏହି ଖବର ପ୍ରଚାର ହେଲା ପରେ ଭକ୍ତଙ୍କ ସମାଗମ କମିଛି।

ରଥଯାତ୍ରା ଚାଲିଛି, ଏପରି ସମୟରେ କିଛି ବି ଘଟିପାରେ। ରଥଯାତ୍ରା ପୂର୍ବରୁ ଏପରି ସୂଚନା ମିଳିଥିଲା ରାଜ୍ୟ ପୋଲିସକୁ। ତେଣୁ ହଡ଼ବଡ଼ାଇ ରଥଯାତ୍ରା ପାଇଁ ପୋଲିସ ପ୍ରଶାସନ ପକ୍ଷରୁ କେତେ ଅତିରିକ୍ତ ପଦକ୍ଷେପ ନିଆଯାଇଥିଲା। ଆସାମ ପୋଲିସ ଡିଜି ଜୟନ୍ତ ନାରାୟଣ ଚୌଧୁରୀ ପୁଣି ଏହି ଆଶଙ୍କା ଥିବା କଥା ଦୋହରାଇଥିଲେ। କହିଥିଲେ ଓଡ଼ିଶା ଓ ଉତ୍ତରପୂର୍ବ ରାଜ୍ୟରେ ହମଲା ରଚାଇବାକୁ ଆତଙ୍କବାଦୀ ସଂଗଠନ ଲସ୍କର-ଏ-ତୋଏବା ଏମିତି ଯୋଜନା କରିଛି। ଏଥିପାଇଁ ଓଡ଼ିଶାର କେତେକ ଧର୍ମପୀଠ ଓ ସମ୍ବେଦନଶୀଳ ଜାଗାକୁ ଚିହ୍ନଟ କରିସାରିଛି। ଆସାମ ପୋଲିସର ଏହି ଗୁଇନ୍ଦା ତଥ୍ୟ ଓଡ଼ିଶା ପୋଲିସର ନିଦ ହଜାଇ ଦେଇଥିଲା । ସ୍ଵରାଷ୍ଟ୍ର ମନ୍ତ୍ରଣାଳୟ ଜରୁରୀ ଚିଠି ଦେଇଥିଲା ସତର୍କ ରୁହ, ସମ୍ବେଦନଶୀଳ ସ୍ଥଳରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କର। ତେଣୁ ଏଥରକ ରଥଯାତ୍ରା ଓ ବାହୁଡ଼ା ଯାତ୍ରାରେ ପୋଲିସ ପକ୍ଷରୁ ତ୍ରିସ୍ତରୀୟ ଯାଞ୍ଚ ବ୍ୟବସ୍ଥା କରଯାଇଛି। ଏଥର ପୁରୀ ବଡ଼ ଦାଣ୍ଡକୁ ସେକ୍ଟରରେ ବିଭକ୍ତ କରାଯାଇଛି। ପ୍ରତି ସେକ୍ଟରରେ ୨ ସେକ୍ସନ ସଶସ୍ତ୍ର ପୋଲିସ ଫୋର୍ସ ସମେତ ଜଣେ ଇନ୍ସପେକ୍ଟର ଓ ଜଣେ ଏସଆଇ ରହିଛନ୍ତି।

Share in top social networks!

ଲସ୍କର ଟାର୍ଗେଟରେ ଓଡ଼ିଶା

ଆସାମ ପୋଲିସର ଗୁଇନ୍ଦା ତଥ୍ୟ “ଓଡ଼ିଶା ଉପରେ ଆତଙ୍କବାଦୀ ହାମଲା ହୋଇପାରେ। ଦୁର୍ଦାନ୍ତ ଆତଙ୍କବାଦୀ ସଂଗଠନ ଲସ୍କର-ଏ-ତୋଏବା ଏମିତି ଯୋଜନା କରିଛି। ଏଥିପାଇଁ ଓଡ଼ିଶାର କେତେକ ଧର୍ମପୀଠ ଓ ସମ୍ବେଦନଶୀଳ ଜାଗାକୁ ଚିହ୍ନଟ କରିସାରିଛି। ବିଶେଷ କରି ପୁରୀ ଏବଂ ଚାନ୍ଦିପୁର କ୍ଷେପଣାସ୍ତ୍ର ଘାଟି ଲସ୍କର ଟାର୍ଗେଟରେ ରହିଥିବା ଆଶଙ୍କା କରାଯାଉଛି”। ଏହି କଥା ଏବେ ଓଡ଼ିଶା ପୋଲିସର ନିଦ ହଜାଇ ଦେଇଛି। ସ୍ଵରାଷ୍ଟ୍ର ମନ୍ତ୍ରଣାଳୟ ଜରୁରୀ ଚିଠି ଦେଇଛି ସତର୍କ ରୁହ, ସମ୍ବେଦନଶୀଳ ସ୍ଥଳରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କର, ରଥଯାତ୍ରା ଚାଲିଛି, ଏପରି ସମୟରେ କିଛି ବି ଘଟିପାରେ। ରଥଯାତ୍ରା ପୂର୍ବରୁ ଏପରି ସୂଚନା ମିଳିଥିଲା ରାଜ୍ୟ ପୋଲିସକୁ। ଆତଙ୍କବାଦୀ ଆକ୍ରମଣ ଓଡ଼ିଶା ପାଇଁ ନୂଆ କଥା। ଏହାକୁ କିପରି ମୁକାବିଲା କରାଯାଏ ସେକଥା ବି ପୋଲିସକୁ ମାଲୁମ ନାହିଁ। ହାଡ଼ବଡ଼ାଇ ରଥଯାତ୍ରା ପାଇଁ କେତେ ଅତିରିକ୍ତ ପଦକ୍ଷେପ ନିଆଯାଇଥିଲା। ତେବେ ଆସାମ ପୋଲିସ ଡିଜି ଜୟନ୍ତ ନାରାୟଣ ଚୌଧୁରୀ ପୁଣି ଏହି ଆଶଙ୍କା ଥିବା କଥା ଦୋହରାଇଛନ୍ତି। ସେ ଗୌହାଟୀରେ କହିଛନ୍ତି ଯେ ଓଡ଼ିଶା ଓ ଉତ୍ତରପୂର୍ବ ରାଜ୍ୟରେ ହମଲା ରଚାଇବାକୁ ଲସ୍କର ଯୋଜନା କରିଥିବା ଜଣାପଡ଼ିଛି।

Share in top social networks!